Til sak 135/16 er også innkalla gruppeleiarane til dei partia som ikkje er representerte i formannskapet.

Transkript

1 GLOPPEN KOMMUNE FORMANNSKAPET MØTEINNKALLING Møtedato: Møtestad: På Søreide Møtetid: Kl. 09:00 Til sak 135/16 er også innkalla gruppeleiarane til dei partia som ikkje er representerte i formannskapet. Den som har lovleg forfall, eller er ugild i nokon av sakene, må melde frå så snart råd er på tlf (servicetorget i kommunen) slik at varamedlem kan bli innkalla. Varamedlemer møter etter nærare innkalling. Dokument som ikkje er tilsende, kan du få kopi av ved å ta kontakt med sekretariatet på heradshuset. Dokument som ikkje er offentlege, vil bli utleverte i møtet. Dersom medlemene på førehand ønskjer å gjere seg kjent med innhaldet i desse dokumenta, er dei i møtesekretariatet. Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no Gloppen kommune 15. november 2016 Leidulf Gloppestad ordførar Jan Kåre Fure rådmann

2 SAKLISTE: Sak nr. Sakstittel 133/16 Godkjenning av møtebok, innkalling og sakliste 134/16 Referat og orienteringssaker 135/16 Årsbudsjettet for økonomiplanen for /16 Søknad om skjenkeløyve - Lauget kaffi og kultur 137/16 Søknad om skjenkeløyve for brennevin - i Onkel Willy AS 138/16 Fornying av sals- og skjenkeløyve til verksemder som har løyve

3 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Formannskapet /16 Avgjerd av: Formannskapet Saksbehandlar: Jan Kåre Fure Arkiv: 033 Objekt: Arkivsaknr.: 16/ Godkjenning av møtebok, innkalling og sakliste Møteboka frå formannskapet sitt møte den 14. november i år blir lagt fram til godkjenning. Samstundes ber ordføraren om godkjenning av innkallinga og saklista til dette møtet. ORDFØRAREN SI TILRÅDING: 1. Formannskapet godkjenner møteboka frå sitt møte den 14. november Formannskapet godkjenner innkallinga og saklista til møtet den 21. november 2016.

4 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Formannskapet /16 Avgjerd av: Formannskapet Saksbehandlar: Jan Kåre Fure Referat og orienteringssaker Refererte skriv og meldingar: Det er så langt ingen referatsaker. Arkiv: 033 Objekt: Arkivsaknr.: 16/1320 Orienteringar: Representantar frå Statens vegvesen kjem og presenterer planprogrammet for kommunedelplanen for ny E39 mellom Byrkjelo og Grodås. Sjølve planprogrammet kjem opp som eiga sak på neste møte. Avtalen med vegvesenet er at denne orienteringa startar kl 09:30. Ordet fritt RÅDMANNEN SI TILRÅDING: Rådmannen legg ikkje fram tilråding i saka.

5 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Oppvekstutvalet /16 Helse- og omsorgsutvalet /16 MULTEK-utvalet /16 Formannskapet /16 Avgjerd av: Kommunestyret Saksbehandlar: Jan Kåre Fure Objekt: Arkiv: 151 Arkivsaknr.: 16/ Årsbudsjettet for økonomiplanen for Vedlegg: Dok.nr Tittel på vedlegg Årsbudsjettet for Økonomiplanen for Gebyr og betalingssatsar for Gebyr for byggjesak 2017 Gloppen Gebyrregulativ for arbeid etter matrikkellova og eigarseksjoneringslova Bakgrunn for saka: Rådmannen presenterte sitt framlegg til årsbudsjett for 2017 og økonomiplan fram til 2020 for kommunestyret den 14. november i år. Det er formannskapet som kjem med framlegg til kommunestyret om årsbudsjett for neste år og om økonomiplanen for dei neste fire åra. Som vanleg er det lagt opp til at råda og hovudutvala kjem med uttale til budsjettframlegget før formannskapet gjer vedtak om utlegging til offentleg gjennomsyn. Saksutgreiing: Rådmannen skriv dette i samandraget i budsjettdokumentet: Rådmannen sitt framlegg til årsbudsjett for 2017 og økonomiplan fram til 2020 er på driftssida i hovudsak ei vidareføring av dagens kommunale drift, og på investeringssida ei opplisting av prioriterte investeringstiltak som det etter rådmannen si vurdering er plass til med den oversikta vi no har over kommunen sin økonomi. Rådmannen sitt framlegg vil få Gloppen kommune ut av den såkalla ROBEK-lista som vi hamna på ved ein tabbe under utarbeidinga og behandlinga av siste økonomiplan. Framlegget til årsbudsjett for 2017 er i balanse utan bruk av disposisjonsfondet. To tiltak er rett nok finansierte med bruk av disposisjonsfond: kommunen sitt bidrag til fiber i Breim og på Sørstranda og tilskotet til klubbhus for golfklubben. Frå 2018 viser økonomiplanen eit mindre overskot kvart år.

6 Nytt av året er at rådmannen legg fram lister over tiltak som burde vore gjennomførte viss øko-nomien hadde tillate det. Rådmannen legg også fram ei oversikt over stillingsendringane frå budsjett 2016 til budsjett Dette er eit forsøk for å få betre oversikt over kva som endrar seg på stillings-sida. Det er viktig og avgjerande at vi har kontroll med oppretting av nye stillingar. Rådmannen helsar velkomen kontrollutvalet sitt prosjekt for å sjå på rutinane ved stillingsoppretting. Desse nye stillingane ligg inne i rådmannen sitt framlegg: Ei ny saksbehandlarstilling i administrasjonen, med 60 % bruk i 2017 Ei ny stilling som helsesøster finansiert med statstilskot Stillingar til ei ekstra klasse ved Gloppen ungdomsskule frå skuleåret 2017/2018 Ei ny stilling på NAV Gloppen i samband med mottak av fleire flyktningar. Utgiftene til avdrag er auka og er no i samsvar med det rekneskapsforskriftene seier om nedbetaling av kommunale lån: nedbetalinga skal følgje avskrivingstida på prosjekta det er lånt til. Når rådman-nen trass i så godt som nullvekt i skatt og rammetilskot har funne plass til nokre nye stillingar og forskriftsmessig budsjettering av avdrag på lån, skuldast dette litt høgare avkastning og inntekter frå kraftverdiane våre, ei mindre oppjustering av takstgrunnlaget for eigedomsskatten på hytter og bustader og ein vesentleg auke i tilskotet til mottak av flyktningar. Det siste fører sjølvsagt også til auka driftsutgifter. Heile driftsbudsjettet er stramt. Det viser sektorane sine lister over tiltak som burde vore med. Det er ikkje lagt inn endringar i drifta i åra etter 2017 utover driftsmessige konsekvensar av investeringsframlegget. Rådmannen legg fram eit framlegg til investeringsplan på vel 350 millionar i perioden. Dette vil auke lånegjelda til kommunen med om lag 230 millionar. Dei store tiltaka er: Rehabilitering av skuleanlegget i Hyen, 53,7 mill. Nytt omsorgsbygg, 42,8 mill. Ny brannstasjon med utleigelokale til politiet, 40 mill. Utviding av bustadfestet i Valborgkleiva, 14,8 mill. Rådmannen har ikkje sett av midlar til utviding av skulane på Sandane og på Nordstranda i påvente av barnehage- og skulebruksplanen. Rådmannen har heller ikkje sett av noko særleg til sentrums-utvikling og bustader sidan eg her ventar på bustadpolitisk plan og resultatet av parallelloppdraget i sentrum. Saman med budsjettdokumentet legg rådmannen også fram sitt forslag til kommunale gebyr og prisar for Gebyr- og betalingsheftet vil bli behandla som eiga sak i neste runde av den folkevalde behandlinga av budsjettframlegget. Økonomiske konsekvensar for kommunen: Dette er ikkje eit aktuelt punkt i denne saka. Rådmannen si vurdering: Rådmannen sine vurderingar går fram av budsjettdokumentet. Rådmannen kjem ikkje med tilråding i saka i fasen av budsjettarbeidet.

7 RÅDMANNEN SI TILRÅDING:

8 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Helse- og omsorgsutvalet /16 Formannskapet /16 Avgjerd av: Formannskapet Saksbehandlar: Margrete Anette Solheim Objekt: Arkiv: U63 Arkivsaknr.: 16/ Søknad om skjenkeløyve - Lauget kaffi og kultur Ingen vedlegg. Bakgrunn for saka: Lauget kaffi og kultur søkjer om skjenkeløyve i gruppe 1, 2 og 3 (øl, vin og brennevin). Saksutgreiing: Lauget kaffi og kultur, ved Charlotte Eikeset Mundal, fekk i administrativt vedtak datert serveringsløyve for kaféen på Sandane. Mundal søkjer no om skjenkeløyve for den same verksemda. Ho skriv i søknaden at opningstidene vert måndag til laurdag. Normalopningstida skal vere mellom kl 10:00 01:00 for øl, sterkøl og vin og kl 13:00-24:00 for brennevin. Økonomiske konsekvensar for kommunen: I utgangspunktet ingen. Rådmannen si vurdering: Charlotte Eikeset Mundal har gjennomført og greidd kunnskapsprøva om alkohollova, og kan ut frå dette vere styrar for ei verksemd med skjenkeløyve. I tillegg har Mariel Eikeset Koren gjennomført og greidd kunnskapsprøva om alkohollova og skal vere varastyrar. I Gloppen kommune sin rusmiddelpolitiske handlingsplan er det sett følgjande kriterium for at ei verksemd kan få skjenkeløyve for øl, vin og brennevin: Skjenkeløyve for brennevin kan tildelast: 1. Overnattingsstader definert som hotell, motell og pensjonat. Overnattingsstaden skal ha; rom med dusj/bad og toalett resepsjonsservice serveringslokale salongareal med god standard 2. Restaurant, serveringsstad og pub 3. Slutta lag ved enkelte høve (ambulerande løyve).

9 Lauget kaffi og kultur er ei lita verksemd med forholdsvis små lokale. Etter rådmannen si vurdering fyller funksjonane i lokalet likevel dei krava som ligg i kriteria ovanfor, og verksemda kan dermed få skjenkeløyve ut frå denne vurderinga. Rådmannen har på vanleg måte sendt brev til lensmannen og sosialtenesta (NAV Gloppen) og bede om uttale til skjenkeløyvet, generelt. Lensmannen har ingen merknader til søknaden. Vi hadde ikkje motteke svar frå NAV Gloppen då saka vart skriven. RÅDMANNEN SI TILRÅDING: Formannskapet viser til rusmiddelpolitisk handlingsplan og gjev Lauget kaffi og kultur skjenkeløyve i gruppe 1, 2 og 3. Skjenkestyrar er Charlotte Eikeset Mundal. Varastyrar er Mariel Eikeset Koren. Skjenkeløyvet vert tildelt for alle dagar måndag laurdag i tidsrommet mellom klokka 10:00 og klokka 01:00 for øl, sterkøl og vin. For brennevin gjeld skjenkeløyvet måndag-laurdag frå kl 13:00-24:00.

10 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Helse- og omsorgsutvalet /16 Formannskapet /16 Avgjerd av: Formannskapet Saksbehandlar: Margrete Anette Solheim Objekt: Arkiv: U62 Arkivsaknr.: 15/ Søknad om skjenkeløyve for brennevin - i Onkel Willy AS Ingen vedlegg. Bakgrunn for saka: Onkel Willy pub søkjer om skjenkeløyve i gruppe 3 (brennevin) i tillegg til løyvet dei alt har i gruppe 1 og 2 (øl og vin). Saksutgreiing: Onkel Willy pub har i dag skjenkeløyve i gruppe 1 og 2. Dei søkjer no om utvida skjenkeløyve til gruppe 3, og grunngjev søknaden sin om løyve i gruppe 3 med at dei har sviktande besøkstal og at det manglar tilbod for eit meir vakse publikum. Dette publikummet etterspør stadig brennevin-servering. Etter den nye rusmiddelpolitiske handlingsplanen er det no opna opp for å gje slikt løyve til pubar utan eige kjøken. Økonomiske konsekvensar for kommunen: I utgangspunktet ingen. Rådmannen si vurdering: Onkel Willy har alt skjenkeløyve for gruppe 1 og 2, og grunngjev søknaden sin om løyve i gruppe 3 med at dei har sviktande besøkstal og at det manglar tilbod for eit meir vakse publikum. Dette publikummet etterspør stadig brennevin-servering. I Gloppen kommune sin rusmiddelpolitiske handlingsplan er det sett følgjande kriterium for at ei verksemd kan få skjenkeløyve brennevin: 1. Overnattingsstader definert som hotell, motell og pensjonat. Overnattingsstaden skal ha; rom med dusj/bad og toalett resepsjonsservice serveringslokale salongareal med god standard 2. Restaurant, serveringsstad og pub 3. Slutta lag ved enkelte høve (ambulerande løyve). Etter rådmannen si vurdering fyller Onkel Willy kriteria i den nye rusmiddelpolitiske handlingsplanen og verksemda kan dermed få skjenkeløyve i gruppe 3. Søknaden frå Onkel

11 Willy var i alle fall sett frå rådmannen si ståstad ei hovudårsak til at rusmiddelpolitisk plan vart endra på punktet om kven som kan få skjenkeløyve for brennevin. Slik planen ligg føre meiner rådmannen at det bør gjevast slikt løyve når krava er oppfylde. Rådmannen tilrår derfor at Onkel Willy AS før skjenkeløyve for gruppe 3. RÅDMANNEN SI TILRÅDING: Formannskapet viser til rusmiddelpolitisk handlingsplan og gjev Onkel Willy AS skjenkeløyve også i gruppe 3 med same skjenkestyrar som dei har i dag. Skjenkeløyvet gjeld søndag til torsdag frå kl 13:00-01:00. Fredag, laurdag og dagar før skiftande helge- og høgtidsdagar gjeld løyvet frå kl. 13:00-02:00.

12 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Helse- og omsorgsutvalet /16 Formannskapet /16 Avgjerd av: Formannskapet Saksbehandlar: Margrete Anette Solheim Objekt: Arkiv: U62 Arkivsaknr.: 15/ Fornying av sals- og skjenkeløyve til verksemder som har løyve Ingen vedlegg. Bakgrunn for saka: Rådmannen sende i desember 2015 brev til alle verksemder som i dag har sals- eller skjenkeløyve i kommunen om at dei innan 20. januar 2016 måtte sende oss søknader med nødvendige opplysningar dersom dei ønskjer å halde fram med å selje- eller skjenke alkoholhaldig drikk i Gloppen utan tidsavgrensing Saksutgreiing: Følgjande verksemder har søkt om å få halde fram med å selje øl i butikk: Coop Prix, Byrkjelo Coop Marked, Reed Coop Extra, Sandane Bakar Jon Rema 1000, Sandane Sandane Mat AS (Bunnpris) E.E. Rønnekleiv eftf, Hyen. Følgjande verksemd har søkt om å få halde fram med å skjenke alkoholhaldig drikk i gruppe 1 og 2: Heimekontoret for den gode smak Onkel Willy Pub, som også har søkt om brennevinsløyve, jfr eiga sak om dette. Følgjande verksemder søkjer om å få halde fram med å skjenke alkoholhaldig drikk i gruppe 1, 2 og 3: Gloppen hotell Mona Lisa Rekroa. AS Vinmonopolet har søkt om løyve til framleis å kunne selje brennevin, vin og øl med sterkare alkoholinnhald enn 4,7 volumprosent. Alkohollova set strenge krav til vandel for løyvehavar og alle som er vesentleg involverte i drifta av verksemder med sals- eller skjenkeløyve. Med ein gong etter at søknadene om fornying av løyva var komne inn, vart aktuelle opplysningar vidaresende til Skatt Vest og

13 kommunekasseraren i Gloppen for vurdering av økonomisk vandel for alle personar og organisasjonar som har tilknyting til søknadene. Tilbakemeldingane viser at ingen aktuelle personar eller organisasjonar har skatte- eller avgiftsrestansar. Sosialtenesta (NAV Gloppen) og politiet er tilskrivne og bedne om å gje uttale. Politiet har ingen merknadar til dei innkomne søknadane. NAV Gloppen har ikkje kome med uttale i saka. Økonomiske konsekvensar for kommunen: Ingen. Rådmannen si vurdering: Ingen av søkjarane har vesentlege endringar i søknadene sine i høve til noverande løyve, med unnatak av Onkel Willy, som også søkjer om brennevinsløyve og Rekroa som er strengt, og som har vore det siste året. Søknaden om brennevinsløyve til Onkel Willy blir lagt fram som eiga sak. Når det gjeld Rekroa, som har same eigarane som Mona Lisa, ønskjer dei å halde på skjenkeløyvet sjølv om verksemda på Reed ikkje er i drift no. Etter 10-7 i alkoholforskrifta kan eit løyve inndragast dersom dette ikkje er brukt siste året. Løyvet kan likevel ikkje inndragast viss årsaka til den manglande bruken av løyvet «er en hindring utenfor bevillingshavers kontroll og som han ikke med rimelighet kunne unngå eller overvinne følgene av. Dette gjelder bare i den utstrekning det kan antas at driften kan gjenopptas innen rimelig tid». Det er i søknaden frå Rekroa ikkje gjort greie for årsaka til at verksemda er stengt. Rådmannen kjenner ikkje til at det er «en hindring utenfor bevillingshavers kontroll» som gjer at løyvet ikkje er brukt siste året. Vilkåret for å inndra løyvet er derfor til stades. --- Rådmannen vurderer det som kurant å tilrå at dei andre verksemdene får skjenke- eller salsløyve med same omfang som tidlegare. I den ruspolitiske handlingsplanen er det opna for å gje løyve utan tidsavgrensing og rådmannen tilrår dette for dei innkomne søknadene. Under tvil tilrår rådmannen også søknaden frå Rekroa sidan ei inndraging vil gjere det endå tyngre å starte opp att verksemda på Reed. Eventuelt nye eigarar må ha nytt løyve. Det er sjølvsagt ein føresetnad at sal og skjenking skal utøvast innanfor dei rammene alkohollova med forskrifter set, og i samsvar med Gloppen kommune sin rusmiddelpolitiske handlingsplan for perioden RÅDMANNEN SI TILRÅDING: Formannskapet gjev følgjande verksemder løyve til å selje eller skjenke alkoholhaldig drikke i Gloppen utan tidsavgrensing med atterhald om at dei krav og føresetnader som ligg i Gloppen kommune sin alkoholpolitiske handlingsplan, vert etterlevde: 1. Løyve til å selje øl i butikk Coop Prix Byrkjelo

14 Coop Marked Reed Coop Extra Sandane Sandane Mat AS (Bunnpris) E.E. Rønnekleiv etf Rema 1000 Sandane Bakar Jon 2. Løyve til å skjenke alkoholhaldig drikk i gruppe 1 og 2 Onkel Willys pub Heimekontoret for den gode smak 3. Løyve til å skjenke alkoholhaldig drikk i gruppe 1, 2 og 3 Gloppen hotell Mona Lisa Sandane Rekroa 4. Løyve til å selje brennevin, vin og øl med sterkare alkoholinnhald enn 4,7 volumprosent. Vinmonopolet.

15 Side 1 av15