MØTEBOK. Høyring - nærpolitireforma og framlegg til effektivisering av den lokale strukturen i politidistriktet

Transkript

1 Fitjar kommune Arkivkode: X31 Saksmappe: 2015/525 Sakshandsamar: Andreas Moe Larsen Dato: MØTEBOK Høyring - nærpolitireforma og framlegg til effektivisering av den lokale strukturen i politidistriktet Utval sak Utval Møtedato 81/16 Formannskapet /16 Kommunestyret Vedlegg 1 Høringsbrev til kommunene Bakgrunn: Stortinget vedtok endring i politiloven, den såkalla nærpolitireforma. Justisog beredskapsdepartementet, Politidirektoratet og politidistrikta (politimeistrane) fekk ansvaret for å setje i verk endringane. Bakgrunn for endringane var blant anna ei vurdering av at dåverande organisering i 27 politidistrikt hadde resultert i for store skilnader mellom politidistrikta og gjort det vanskelig å utvikle sterke nok fagmiljø i dei mindre og mellomstore politidistrikta. Nærpolitireforma var meint å ta tak i dette og reduserte tal politidistrikt frå 27 til 12. Med 12 politidistrikt legg ein opp til større og meir robuste fagmiljø for å kunne etterforske og førebygge kriminalitet, og det gjev høve til å ha spesialistmiljø i kvart politidistrikt. Samstundes vil det slik Stortinget ser det kunne styrke koordineringa av politiet sine samla beredskapsressursar. Samlokalisering av politiets operasjonssentralar og brannvesenets alarmsentralar har same målsetjing. Som ein del av reforma er oppdraget å effektivisere politidistrikta sin lokale struktur. I praksis betyr dette å etablera føremålstenelege tenesteeiningar. Avgjerd om geografiske driftseiningar skal takast av politimeisteren, medan struktur elles er lagt til politidirektøren etter tilråding frå politimeistrane. Kommunane er involvert gjennom deltaking i styringsgruppe og høyringsprosess. Wenche Tislevoll har representert Fitjar kommune i styringsgruppa. Kommunane kan klaga på dei vedtak som blir gjort. Klageretten vil gjelda for vedtak frå Politidirektoratet om endringar i inndelinga i lensmanns- og politistasjonsdistrikt og samanslåing eller avvikling av lensmannskontor eller politistasjonar. Eventuelle klager blir handsama av Justis- og beredskapsdepartementet, og vil ha utsetjande verknad på saka. Det ligg no føre ei tilråding frå Sør Vest politidistrikt med høyringsfrist Saksutgreiing Fitjar kommune fekk i 2015 forslag til nye administrasjonsstader til høyring og uttalte då følgjande til politidirektoratet: «Fitjar kommune tek til vitande at Stavanger vert administrasjonsstad for Sør- Vest politidistrikt. Det er svært lang avstand frå Fitjar til administrasjonsstaden. Dette gjer det avgjerande for Fitjar kommune at tenestene og politiberedskapen i Sunnhordland

2 blir god. Samhandlinga med andre beredskaps- og samfunnsaktørar i Sunnhordland må prioriterast. Alle publikumsfunksjonar må vera lett tilgjengelege frå Sunnhordland. Fitjar lensmannskontor må ha gode nærpolitifunksjonar, og Stord lensmannsdistrikt må vera ein sterk tenestestad med alle naudsynte publikumsfunksjonar.» Som kjent vedtok Stortinget at sunnhordlandskommunane Stord, Fitjar og Bømlo vart lagt til Sør-Vest politidistrikt. Stortinget vedtok samstundes at desse kommunane skal overførast til Vest politidistrikt når forventa transportløysingar (som Hordfast) er på plass. Dersom bygging av forventa transportløysingar ikkje er starta innan 2023, skal ein likevel vurdera å leggja Bømlo, Fitjar og Stord til politidistrikt Vest. Politidirektoratet har vedteke at administrasjonsstad for Sør-Vest politidistrikt vert lagt til Stavanger. Høyringa no tek utgangspunkt i vedtaka som er gjort og føreslår ein ny lokal struktur i Sør-Vest politidistrikt. Målsetjinga for den nye strukturen er (utdrag frå høyringsbrevet): «Som en del av nærpolitireformen er oppdraget å effektivisere politidistriktenes lokale struktur. I praksis betyr dette å etablere hensiktsmessige tjenesteenheter, tjenestesteder og geografiske driftsenheter som understøtter nærpolitireformens hovedmål. Endring av lokal struktur er således et virkemiddel for å oppnå et oprativt, synlig og tilgjengelig nærpoliti der befolkningen bor, samtidig som det utvikles robuste fagmiljø som er rustet til å møte dagens og morgendagens kriminalitetsutfordringer.» Forslag til ny struktur er basert på følgjande organisatoriske einingar: Tenestestadar og politikontakt Ein politikontakt er eit fast kontaktpunkt for kvar kommune. Tenestepersonen har politimynde. Fokus skal vera førebyggjande arbeid og skal vera tilpassa kvar enkelt kommune. Funksjonen vil vera særleg viktig i dei kommunane der lensmannskontor vert erstatta med politikontakt. Ein tenestestad er ein lokalitet/bygning (kontorstad) kor politiet yt tenester til publikum. Dette er ikkje ei organisatorisk eining, men ein del av tenesteeininga. Kan kallast politikontor eller lensmannskontor. 90 prosent av innbyggjarane skal ha mindre enn 45 minutt køyring til næraste tenestestad. I framlegget frå politimeisteren blir Bømlo og Fitjar lensmannskontor lagt ned. Bømlo lensmannskontor blir erstatta av eit politikontor. Alle kommunar skal ha politikontaktar, men dei får ein særskilt viktig funksjon i kommunar der politiet ikkje har kontor. Dette vil i Sunnhordland gjelde Fitjar, Sveio og Etne. Tenesteeining Ei tenesteining er eit lensmannsdistrikt. Ein tenesteining kan vera organisert i fleire tenestestadar. Kommunar med tenesteeining bør ha over innbyggjarar og meir enn 500 straffesakar årleg. I forslag til ny organisering vert det lagt opp til at Stord, Bømlo og Fitjar held fram som tenesteeining med namnet Stord lensmannsdistrikt. Administrasjonsstaden vert Stord og leiaren for eininga blir lensmann. Dette skal i følgje høyringsbrevet gje alle innbyggjarar høve til å nå ein tenestestad innan 45 minutt. Geografisk driftseining Ei geografisk driftseining kan innehalde fleire tenesteeiningar. Driftseiningsleiar er òg tenesteeiningsleiar i ei av tenesteeiningane. Stillinga er direkte underlagt politimeisteren. Ei geografisk driftseining skal stille ei politipatrulje for politidistriktet heile døgeret alle dagar, med forsterking i helg. Vidare skal eininga kunne etterforske

3 det store fleirtalet av straffesaker innan sitt geografiske område og utføra grunnleggjande forvaltningsoppgåver og oppgåver innan sivil rettspleie. I dag består Sør-Vest politidistrikt av 10 geografiske driftseiningar, fem i gamle Rogaland politidistrikt og fem i gamle Haugaland og Sunnhordland politidistrikt. Stord er saman med Bømlo og Fitjar ei slik geografisk driftseining. Politimeisteren meiner at geografiske driftseiningar (GDE) strengt tatt ikkje er del av høyringa, då dette skal avgjerast seinare i prosessen etter forhandlingar (rådmannen reknar med at det er meint drøftingar) med tillitsvalde. Sidan kommunane er opptekne av spørsmålet, kjem politimeisteren no med to alternativ, eit med tre GDE og eit med sju GDE. Alternativ 1 legg Stord tenesteeining under Haugesund GDE saman med tenesteeiningane Haugesund, Karmøy, Etne/Vindafjord og Sauda/Suldal. Alternativ 2 har Stord som eigen GDE. Vurdering: Fitjar kommune hadde gjerne sett ei anna inndeling av politidistrikta Vest og Sør-Vest. I den prosessen var kommunen tydeleg på at den prioriterte å høyre til det distriktet dei andre kommunane i Hordaland fylke er ein del av, nemleg Vest politidistrikt. Dette hadde gjeve kommunen klare føremoner framfor dagens løysing både når det gjeld generell beredskap, kor ein får direktiv frå fylkesmannen i Hordaland, og i politi- og brannsamarbeid. Politimeisteren rår til at Stord, Bømlo og Fitjar vert ei tenesteeining med lensmannskontor eller politistasjon på Stord og politikontor på Bømlo. Fitjar lensmannskontor vert foreslått lagt ned. Dette er ikkje uventa. Dersom dei framlagte løysingane gjev tettare kontakt mellom kommune og politi, kan dei gje ei betre teneste enn noverande lensmannskontor. Ordningane må utformast i tett samarbeid med kommunane som mister lensmannskontor. Ei ordning med politikontakt i Fitjar må styrka samarbeidet mellom kommunen og politiet i det førebyggjande arbeidet, samstundes som det betrar servicen til publikum. Politikontakten må vera ein erfaren tenesteperson som har føreseielege kontortider i Fitjar, minst to dagar i veka. Tenestepersonen må vera kommunen sin inngangsport til politiet. Rådmannen meiner det vil vera svært viktig at Stord, Bømlo og Fitjar framleis vert ei geografisk driftseining, som i alternativ 2. Arbeidsgruppa har gjort gode vurderingar kring dette spørsmålet og mellom anna tatt omsyn til føringane frå fleirtalet i Stortinget når det gjeld mogleg flytting til Vest politidistrikt om nokre år. Rådmannen meiner alternativ 1, der Stord tenesteeining er lagt under Haugesund geografiske driftseining, vil svekke det gode samarbeidet kommunane i Sunnhordland har med politiet. Framlegg til vedtak/tilråding: Fitjar kommune gjev følgjande høyringssvar:

4 utkanten av Stord tenesteeining. Det er for stor avstand til at dei viktige prinsippa om - Politikontakten må vera ein erfaren tenesteperson med fullmaktar til å representera politiet høvesvis kommunen og innbyggjarar - Politikontakten må ha kontor på rådhuset og faste kontortider, minst to dagar i veka Behandling i Formannskapet : Ordførar Wenche Tislevoll (H) orienterte om saka. Formannskapet drøfta saka. Tilråding til kommunestyret: (Samrøystes) Fitjar kommune gjev følgjande høyringssvar: utkanten av Stord tenesteeining. Det er for stor avstand til at dei viktige prinsippa om - Politikontakten må vera ein erfaren tenesteperson med fullmaktar til å representera politiet høvesvis kommunen og innbyggjarar - Politikontakten må ha kontor på rådhuset og faste kontortider, minst to dagar i veka Behandling i Kommunestyret : Representanten Karen Elisabet Sæbø Rydland (Sp) hadde følgjande framlegg til endring til første strekpunkt. Politikontakten må vera ein erfaren tenesteperson med politimynde og fullmakter til å representera politiet høvesvis kommunen og innbyggjarar. Kommunestyret vart heva for gruppemøte: Etter gruppemøte ligg det i tillegg føre slikt fellesframlegg: Nytt strekpunkt 3: Politikontakten må ha god kunnskap om lokalsamfunnet. Siste strekpunkt skal lyde slik: Politikontakten skal ha kontor i Fitjar rådhus og ha faste kontortider 2 dager i veka.

5 Røysting: Formannskapet sitt framlegg fekk 0 røyster og fall. Endring frå SP og fellesframlett vart samrøystes vedteke. Vedtak: (Samrøystes 16 røyster) utkanten av Stord tenesteeining. Det er for stor avstand til at dei viktige prinsippa om - Politikontakten må vera ein erfaren tenesteperson med politimynde og fullmakter til å representera politiet høvesvis kommunen og innbyggjarar. - Politikontakten må ha god kunnskap om lokalsamfunnet. - Politikontakten skal ha kontor i Fitjar rådhus og ha faste kontortider 2 dager i veka. Atle Tornes Rådmann Saksframlegget er godkjent elektronisk og har derfor inga underskrift.