Kvam herad RÅDET FOR MENNESKE MED NEDSETT FUNKSJONSEVNE. Møteinnkalling. Sakliste

Transkript

1 Kvam herad RÅDET FOR MENNESKE MED NEDSETT FUNKSJONSEVNE Møteinnkalling Møtedato: Møtestad: Kvam rådhus 3. etg. Det raude rommet Møtetid: Kl. 15:00 Open time: Varamedlemmer møter etter nærare innkalling. Forfall skal meldast til fellessekretariatet, tlf eller epost Sakliste Sak nr. Arkivsak Sakstittel 005/10 10/712 Godkjenning av møteprotokoll 006/10 10/713 Referatsaker 007/10 09/390 Helsetilbodet i Strandebarmstunet - pkt. 13 i budsjettvedtak 2010 Referatsakene er lagt ved møteinnkallinga som vedlegg.

2 Kvam herad Sakspapir SAKSGANG Styre, utval, komite m.m. Møtedato Saksnr Sakshands. Rådet for menneske med nedsett /10 KAWV funksjonsevne Avgjerd av: Dette utvalet Saksh.: Kari Weltzien Vik Godkjenning av møteprotokoll Arkiv: N- Objekt: Arkivsaknr 10/712 Framlegg til vedtak: 1. Protokollen frå møtet vert godkjent. 2. Innkallinga og saklista til dagens møte vert godkjent. 2

3 Kvam herad Sakspapir SAKSGANG Styre, utval, komite m.m. Møtedato Saksnr Sakshands. Rådet for menneske med nedsett /10 KAWV funksjonsevne Avgjerd av: Dette utvalet Saksh.: Kari Weltzien Vik Referatsaker Arkiv: N- Objekt: Arkivsaknr 10/713 Framlegg til vedtak: Referatsakene vert tekne til vitande slik dei ligg føre. Nr Dok.ID T Dok.dato Avsendar/Mottakar Tittel 1 08/3158 I /9407 I Statens vegvesen Region Vest FFO Kvam v/hallvar Soldal Vedk. problem for eldre og funksjonshemma i norheimsund sentrum forsering av fortau Saker til rådet for menneske med nedsatt funksjonsevne. 3

4 Kvam herad Sakspapir SAKSGANG Styre, utval, komite m.m. Møtedato Saksnr Sakshands. Kvam formannskap LARVIK Rådet for menneske med nedsett /10 LARVIK funksjonsevne Tenesteutvalet /10 LARVIK Kvam eldreråd /10 LARVIK Kvam heradsstyre ARAK Avgjerd av: Saksh.: Arne Aksnes Arkiv: Objekt: N Arkivsaknr 09/390 Helsetilbodet i Strandebarmstunet - pkt. 13 i budsjettvedtak 2010 Samandrag: I sak 09/390 bed Kvam heradstyre rådmannen leggja fram sak om helsetilbodet i Strandebarmtunet, der ein forutset nye forhandlingar med lækjarane om noverande avtale og driftsform. Kommunane Kvinnherad og Fusa skal kontaktast for mogeleg interesse for samordning av legetilbodet i Strandebarmstunet. Etter oppstarten av Strandebarm legekontor på Tangerås i januar 2004 har det vore stabilt og fagleg godt helsetilbod i Strandebarm. Det har vore akseptabel ventetid og godt akutt tilbod ved kontoret. Samarbeidet mellom legar, helsesøstre og fysioterapeutar har vore godt. Brukarane har vore nøgde. Utfordringa med tilbodet har vore kostnadane samanlikna med drifta av dei andre legekontora i Kvam. Det er gjennomført drøftingsmøte med legane. Når det gjeld reforhandling av utekontor-avtalen, er signala frå legegruppa no at det ikkje er grunnlag for å forhandle om reduserte avtalevilkår, særleg med bakgrunn i at avtalen (timesatsane) ikkje har vore justerte sidan Ved på ny å etablera ein einlegepraksis i Strandebarm blir det vanskelegare med kontinuerleg tilbod ved kontoret. Rådmannen seier ikkje opp gjeldande avtalar med legane og vil ikkje tilrå at det på ny vert oppretta einlegepraksis i Strandebarm. Det er sendt brev til nabokommunane med førespurnad om samarbeid om tenester ved kontoret i Strandebarm. Svar føreligg ikkje enno. Rådmannen sitt framlegg til vedtak: Heradstyret vidarefører kommunal drift ved legekontoret i Strandebarm. Kontoret vert drive vidare som utekontor med uendra avtale med legane. 4

5 Lista inneheld sentrale dokument som det er referert til eller sitert frå i saksframstillinga: JournalID Journaldato Tittel Avsendar For å opne dokument det er referert til i tabellen må du klikke på lenka under her. Skriv så inn JournalID i søkefeltet DokumentID og utfør søket. 5

6 Saksopplysningar: I sak 09/390 budsjett 2010 vedtok heradstyret i pkt 13. : Kvam heradstyre bed rådmannen leggja fram sak om helsetilbodet i Strandebarmtunet, der ein forutset nye forhandlingar med lækjarane om noverande avtale og driftsform. Kommunane Kvinnherad og Fusa skal kontaktast for mogeleg interesse for samordning av legetilbodet i Strandebarmstunet. Historikk: Ytre Hardanger lækjardistrikt (Kvinnherad, Strandebarm og Kvam) vart skipa i Frå 1853 har det vore busett lækjar i Strandebarm. Før 1901 då det kom privat kontor i Norheimsund, var det utekontor i Vikøy og Øystese. Først i 1919 vart Kvam eige lækjardistrikt. Legekontoret på Bakka vart bygt av kommunen i I 2003 vedtok heradstyret å flytta legekontoret og helsestasjonen frå Bakka til Tangeråstunet og samlokalisera det med Strandebarm fysioterapi. Flyttinga kom i stand grunna misnøye med tilgong på stabile legetenester i Strandebarm der det berre var ein lege og gamle og til dels ueigna lokale. Fylgjande investeringar vart gjorde: Anlegg Anlegg beskrivelse Opprinneleg verdi BY04002 Helsesenter Strandebarm VD01007 Medisinsk utstyr - Strb. legesenter VD01008 Inventar - Strb. legesenter VD01009 Strb. legesenter - programvare VD01010 Strb. legesenter - kopi og datamaskiner Kvam herad vedtok etter forhandlingar med legane å driva legekontoret som utekontor. Det innebar at kommunen skulle dekkja alle utgifter til kurativ legeverksemd ved kontoret. Fysioterapitilbodet skulle framleis drivast privat. Helsestasjonen har alltid vore kommunalt driven. Det vart forhandla fram avtale med 6 legar om å dekka legetilbodet ved kontoret. Kontoret vart teke i bruk i januar I dag: 5 legar er frikjøpte frå eigen praksis i Norheimsund og Øystese og driv kontoret i Strandebarm. Kontoret er bemanna med 1,3 stilling som hjelpepersonell. Det er lege på kontoret i Strandebarm 4 dagar i veka, den femte dagen er kontoret bemanna med hjelpepersonell. Kommunen har alle drifts og lønnsutgifter ved kontoret. Budsjettet for 2010 er på 1,1 million kroner. Etter oppstarten av Strandebarm legekontor på Tangerås har det vore stabilt og fagleg godt helsetilbod i Strandebarm. Kontoret gjev tilbod til brukarar både frå Kvam, Kvinnherad og Fusa, men hovedtyngda av pasientane som brukar kontoret er kvemmingar med bustad mellom Ljones og Gravdal og mot grensa til Fusa kommune. Helsestasjon og skulehelseteneste for Tørvikbygd og Strandebarm har og sin base i helsesenteret i Strandebarm. I tillegg driv 2 fysioterapeutar praksis i 2. høgda (Samla 100 % driftstilskot delt på 2). 6

7 Det har vore akseptabel ventetid og godt akutt tilbod ved kontoret. Samarbeidet mellom legar, helsesøstre og fysioterapeutar har vore godt. Brukarane har vore nøgde. I tabellen under ser vi at i 2006 og 2008 har det vore om lag 90 gjestepasientar i Kvam frå Fusa og Kvinnherad. Siste året har det vore ein liten auke til vel 100. Vi veit ikkje om desse pasientane har brukt lege og legekontoret i Strandebarm eller andre stader i Kvam, men truleg har dei fleste brukt lege i Strandebarm. År Frå Kvinnherad til Kvam Frå til Kvam Kvinnherad Frå Fusa til Kvam Frå Kvam til Fusa Utfordringa med tilbodet har vore kostnadane samanlikna med drifta av dei andre legekontora i Kvam. Allmennlegetenestene elles i Kvam er privatdrivne og får tilskot frå stat/kommune i samsvar med tal pasientar på legane si liste. Kommunen har ikkje ekstrautgifter med drifta av dei andre kontora anna enn til løn til legane i allmennmedisinske offentlege oppgåver (td.skulelege, helsestasjonslege m.m.) I budsjettvedtaket forutset heradstyret: Nye forhandlingar med lækjarane om noverande avtale og driftsform: Løn til legane utgjer årleg brutto omlag 50 % av dei totale driftsutgiftene ved kontoret. Etter fråtrekk av inntekt av pasientbetalingar og trygderefusjonar er kostnaden om lag 15 % av dei totale driftsutgiftene. Forhandlingsutvalet i kommunen har gjennomført drøftingsmøte med legane. Drøftingane viste at partane er samde om at det er hensiktsmessig med vidare drift av legekontoret som eit tilbod til innbyggjarane i denne delen av kommunen. Noverande lønnsvilkår for legane ved utekontoret er forhandla fram med bakgrunn i timesatsar henta frå normaltariffen og gjenspeglar dermed kostnadar som er knytt til legen sitt fråvær frå eigen praksis for å arbeida ved utekontor. Den lokale avtalen har ikkje vore justert sidan oktober Partane drøfta ulike alternative driftsformer som kan styrka drifta: - interkommunalt legekontor med Fusa - framtidig felles utekontor med Kvinnherad Partane er samde om at ein ein-legepraksis ikkje er ei realistisk løysing, men heradsstyret kan likevel vedta det ved å opprette ny fastlegeheimel ved Strandebarm legekontor, eventuelt med kommunal subsidiering i ein oppstartsfase. Ny avtaleheimel må godkjennast av den sentrale godkjenningsordninga i Nasjonalt Råd for legestillingar noko som kan vera vanskeleg på bakgrunn av god legedekning i dag og eit Allmennlegeutval som er negativ til ny heimel. 7

8 Når det gjeld reforhandling av utekontor-avtalen er signala frå legegruppa no at det ikkje er grunnlag for å forhandle om reduserte avtalevilkår, særleg med bakgrunn i at avtalen (timesatsane) ikkje har vore justert sidan At kommunane Kvinnherad og Fusa skal kontaktast for mogeleg interesse for samordning av legetilbodet i Strandebarmstunet. Kommunen har sendt brev til nabokommunane Fusa og Kvinnherad om mogleg samordning av legetilbodet i Strandebarm. Vurdering: Lov om helsetenester i kommunane kom i 1983 og regulerer og legg føringar for nivået på og organiseringa av tenestetilbodet i kvar einskild kommune. Kommunane kan organisere tenestene sine aleine eller i samarbeid med andre kommunar. Ved val av fastlege er det viktig å vera klar over at brukaren vel fastlegen sin sjølv. Brukaren kan velgja lege uavhengig av kva kommune legen arbeider i eller pasienten bur i. Kommunane må likevel prøva dimensjonera tal legeårsverk i høve til tal innbyggjarar og gjer dette med å tilpassa storleiken på lista til kvar einskild fastlege. Kommunen kan og til ein viss grad bestemma kor legane skal vera lokalisert. Til no har Kvam herad valt å ha 4 legekontor lokalisert i Strandebarm, Norheimsund, Øystese og Ålvik. Utanom i Strandebarm er kontora privat drivne. Kommunen har lagt til rette for listestorleik med om lag 300 pasientar for kvar lege kvar dag. Dei fleste legane har 3 kurative dagar i veka. Det medfører eit relativt høgt tal fastlegar 10 legar. 7 legar har listestorleik på 900, ein lege 1000 og to legar Alle legane med unnatak av ein har eigne avtalar om kommunale offentlege legeoppgåver. Kommunen kan påleggja kvar einskild lege inntil 7,5 timar offentleg arbeid pr. veke. Det er også tal fastlegar som avgjer kor mange legar som skal dela på å ha legevakt i Kvam. Det er knytt plikt til fastlegeavtalane til å ta del i legevakt. For tida er legevakta 10 delt. Trongare økonomiske tider har medført at Strandebarm legekontor stadig kjem på rådmannen si kuttliste i samanheng med sparing og kutt innan helse/legetenester i budsjettsamanheng. Dette er bakgrunnen for at denne saka kjem opp. Heradstyret vedtok i budsjettvedtaket i desember 2009 vidare drift ved kontoret, men bad administrasjonen å reforhandla avtalane og driftsforma med legane og avklara eventuelt samarbeid med nabokommunane Kvinnherad og Fusa. Samarbeidet mellom Kvam herad og legane har dei siste 20 åra vore prega av tillit, romslegheit, fleksibilitet og stor grad av felles interesse for å løysa utfordringane i allmennlegetenestene i kommunen. Det har medført at legetenesta i Kvam i motsetning til i mange andre kommunar i landet har fungert som den grunnmuren den skal vera for alle helsetenestene i kommunen på ein god måte. Denne saka er utgreidd og drøfta i dialog med legane for å koma fram til ei god løysing for brukarane, dei tilsette, bygdene og kommunen. 8

9 Allmennlegeutvalet i Kvam ( møteplassen for alle fastlegane) og Samarbeidsutvalet i Kvam (utval samansett av 3 representantar frå legane og 3 frå kommunen (forhandlingsutvalet) med kommuneoverlegen som sekretær) har drøfta situasjonen kring legekontoret i Strandebarm og går ut frå ei fagleg vurdering basert på utfordringar ved einlegepraksis og beredskap (avstandar) - einstemmig inn for vidare drift av kontoret. Betra kommunikasjon kan likevel fagleg vurdert opna for nedlegging av kontoret. Forhandlingsutvalet i kommunen har gjennomført drøftingsmøte med legane. Drøftingane viste at partane er samde om at slik stoda er no, er det hensiktsmessig med vidare drift av legekontoret som eit tilbod til innbyggjarane i denne delen av kommunen. Noverande lønnsvilkår for legane ved utekontoret er forhandla fram med bakgrunn i timesatsar henta frå normaltariffen og gjenspeglar dermed kostnadar som er knytt til legen sitt fråvær frå eigen praksis for å arbeida ved utekontor. Den lokale avtalen har ikkje vore justert sidan oktober Partane ser utfordringane med økonomien, men det er så langt ikkje funne rom for innsparingar. Når det gjeld reforhandling av utekontor-avtalen er signala frå legegruppa no at det ikkje er grunnlag for å forhandle om reduserte avtalevilkår, særleg med bakgrunn i at avtalen (timesatsane) ikkje har vore justerte sidan Rådmannen ser med bekymring på å oppretta ein ny einlegepraksis knytt til legekontoret i Strandebarm mot allmennlegeutvalet si tilråding. Brukarane og legen vil fort koma i same situasjon som då det var einlegepraksis i Strandebarm før noverande ordning vart innførd. (Mangel på fagleg støtte og problem med vikar i samband med ferie, kurs, sjukdom, møte, utdanningspermisjon m.m.) Heradstyret kan likevel vedta at det skal opprettast ei ny liste i Strandebarm. I så fall må Kvam herad søkje legefordelingsutvalet om å få oppretta ei ny liste i kommunen. Om dette vert innvilga, vil det ta tid for ein ny lege å etablera seg med ei i utgangspunktet tom liste i Strandebarm. For å rekruttera til ein slik stilling må kommunen rekne med å kompensera for manglande inntekter hjå legen i ein etableringsperiode. Kostnadane med dette vil fort koma opp i same storleik som dei utgiftene kommunen har i dag, dette medrekna utgifter til offentlege oppgåver. Ei utlysing av ein ny einlegepraksis i Strandebarm mot allmennlegeutvalet si innstilling vil kunna skapa uro og instabilitet i legegruppa i Kvam. Det er allereie ledig kapasitet på fleire lister. Ein ny stilling vil ytterlegare redusera listestorleiken til dei andre legane. Fastlegane i Kvam har samanlikna med legar i mange andre kommunar tenkt kollegialt og allereie laga små lister slik at det skal vera arbeid for fleire legar i kommunen. Med listelengdene som dei er i dag, er legane nøgde. Ved ytterlegare reduksjon vil nok fleire oppleva at lista vert vel liten og at deler av næringsgrunnlaget vert truga. Nabokommunane har så langt ikkje kome med innspel til felles drift ved legekontoret i Strandebarm. 9

10 Kva talar for å oppretthalde legekontoret i Strandebarm som det er idag: 1. Det er eit tilbod med god kvalitet i nærmiljøet. Det opplevest trygt for strandbermingen å ha lege i bygda. 2. Tal pasientar som nyttar kontoret har vore aukande dei siste åra og brukarane er nøgde. 3. Det er kort reisetid til kontoret for brukarane. 4. Det gjev god akutt beredskap i ytre deler av Kvam på dagtid. Ambulanse i Norheimsund og Eikelandsosen er næraste ambulansestasjon. 5. Legekontoret er støttefunksjon for Strandebarmheimen, helsestasjonen i Strandebarm og fysioterapitenesta. 6. Hjelpepersonellet har god lokalkunnskap og har arbeidsplassen sin lokalt. 7. Dei tilsette er nøgde med arbeidsplassen sin. 8. Vaksinasjon i ytre deler av Kvam må skje på dagar med lege i bygda. Lokal beredskap er styrkt. 9. Lokalmiljøet har sterke ynskje om å oppretthalde tilbodet. 10. Legane er nøgde med ordninga både fagleg og økonomisk. Kva talar mot å oppretthalde legekontoret i Strandebarm: 1. Høge driftskostnadar for Kvam herad. Konklusjon: Kvam herad har sidan januar 2004 drive Strandebarm legekontor som utekontor med høg kvalitet, nøgde brukarar og nøgde tilsette. Rådmannen tilrår vidare kommunal drift ved legekontoret sjølv om kostnadane er relativt høge. Drifta vil verta lagt opp etter eksisterande avtale med legane og svar på brev frå nabokommunane om samarbeid om tenester ved legekontoret i Strandebarm. 10

11 Side 1 av11