LEIK, LÆRING OG UTVIKLING BRUNKEBERG OPPVEKSTSENTER

Transkript

1 LEIK, LÆRING OG UTVIKLING BRUNKEBERG OPPVEKSTSENTER Fotograf: Ragnhild Kvålseth5 år ÅRSPLAN FOR BARNEHAGEN Barnehagen jobbar ut ifrå barnehagelova og forskrifta Rammeplan for barnehagens innhald og oppgåver. Årsplanen skal gje informasjon om barnehagen sitt pedagogiske arbeid med omsorg, danning, leik og læring som grunnlag for allsidig utvikling. Rammeplanen gjev retningslinjer for planlegging, gjennomføring og vurdering av arbeidet i barnehagen og presenterar 7 fagområde som det pedagogiske arbeidet skal byggje på. 1. Kommunikasjon, språk og tekst. 2. Kropp, rørsle og helse. 3. Natur, miljø og teknikk. 4. Nærmiljø og samfunn. 5. Kunst, kultur og kreativitet. 6. Etikk, religion og filosofi. 7. Tal, rom og form. Her ved Brunkeberg oppvekstsenter er vi opptekne av at det pedagogiske arbeidet skal byggje på verdiane fellesskap, tryggleik og leik. Eit godt læringsmiljø skal bestå av inspirerande, engasjerande og bevisste vaksne som set barns meiningsskaping i fokus.

2 Barns medverknad og læring avhenger av den vaksne si åtferd. Medverknad handlar om anerkjenning og inkludering. Barn har rett til å bli sett og hørt og vere deltagande. Det inneber å fange meiningsfulle augeblikk og undersøke barns opplevingar som utgangspunkt for læring. Leik Leik er den største delen av barns liv og derfor barnehagens viktigaste læringsarena. Leiken gjev rom for spontanitet, fantasi, opplevingar, erfaringar, mestring og vennskap. Det er gjennom leik og samhandling at barn utviklas språkleg, emosjonelt og sosialt. Sosial kompetanse God sosial kompetanse er avgjerande for å fungere godt i eit fellesskap. Vi fokuserar på å utvikle evna til empati, mestring av sinne og problemløysing, gjennom gode veiledane vaksne i det daglege samspelet. Visjon AKTIVE BARN- AKTIVE VAKSNE Naturen er vår gullgruve I Brunkeberg er me stolte av barnehagens uteområde og utfordrande læringsmiljø. Aktiv bruk av naturen gjev mange moglegheiter og vi arbeider for å fremme naturen og stimulere til gode læringsprosessar. På turar er positive opplevingar og erfaringar i fokus og vi vaksne skal ha ein medforskande rolle og inspirere til undring, forsking og fysiske utfordringar. Fagområdet kropp, rørsle og helse står sentralt her i barnehagen. Variert fysisk aktivitet er avgjerande for utviklinga av motorisk ferdighet og kroppskontroll og vi er opptekne av å gje barna ein god start på livet og eit sunt forhold til kropp og helse. MER- barnehage frukt & grønt o Fiskesprell o Årets aktivitetstema August: Å bli kjend Fokuset vil her vere tryggleik, trivsel og relasjonsbygging, for å sikre ein god start og eit godt basisgrunnlag for læring og utvikling. September & oktober: Meg og mine rundt meg Vi skal ha fokus på barna sjølve, deira familie og andre rundt barna som har betydning for deira utvikling og læring. November: FORUT Saman med skulen. I år også skal vi bli betre kjent med barn som bur i Nepal. Dei bur litt øst for Katmandu. Dersom du vil vita meir gå inn på: Desember: I år har vi fokus på nissar Januar, februar: Vennskap. Tidlege erfaringar med jamaldringar er svært viktig for samspelsevnene og gjer barnehagen til ein viktig arena for sosial utvikling, læring og etablering av vennskap (ref. rammeplan)

3 Mars: Påsketradisjonar April, mai: Vårteikn med fokus på blomar og tre. Vil også i år studere fuglar og fuglelivet i nærmiljøet. Juni og juli: Utforske livet i naturen. IKT i barnehagen Ifølge rammeplanen bør barn få oppleve at digitale verktøy kan være ein kjelde til leik, kommunikasjon og innhenting av kunnskap. Vi prøvar å ha eit bevisst fokus på IKT i barnehagen og ynskjer å gje barna gode medievanar og digital kompetanse. Bevisst bruk av digitale verktøy som for eksempel pc, Ipad og kamera er ein kjelde til læring både språkleg og sosialt. Bruken av desse er ofte preget av lyst og moro og gir derfor eit pedagogisk potensial. Felles planar i kommunen Barnehagane i Kviteseid kommune har utarbeida eit Informasjonshefte som gjeld generell informasjon om barnehagane i Kviteseid kommune. Dette informasjonshefte og meir informasjon kan du lesa om på : Sjå under barne og familie, og deretter barnehage. Samarbeid barnehage skule Barnehage og skule har begge ei viktig rolle som oppvekst- og læringsområde med eit felles ansvar for å imøtekomme barns behov og legge til rette ut ifrå deira eigne føresetnadar.. Eit godt samarbeid mellom instansane er viktig for eit heilskapleg tilbod i barns oppvekst og utvikling og for å gi ein trygg og god overgang til skulen. Her i Brunkeberg arbeider vi med ein del felles tema og aktivitetar. Vi prioriterer også førskulesamarbeid med 1.klasse. Her ynskjer vi å gje barna innsikt i skulekvardagen og skape tryggleik. Målet er eit godt samarbeid mellom ulike instansar, dei tilsette, foreldre, barnehagebarn og skuleelevar ved oppvekstsenteret. Vi jobbar med språk og språkutvikling hjå barn, slik at dei er førebudde til skulestart. Vi vil derfor i år, spesielt, fokusere på lesestund, rim og regler i barnehagen. Vi håpar på eit spennande og lærerikt år for alle her ved Brunkeberg oppvekstsenter barnehagen Ta gjerne kontakt med barnehagen om det er noko de lurar på!

4 Telefonnummer: Leiar/ rektor: Sigrunn Kvamme Assisterande einingsleiar: Anne Helen Berge Avdeling Blåbær: Avdeling Tytebær

5