Evaluering av Helsepedagogikkurs med fokus på ungdom

Transkript

1 Evaluering av Helsepedagogikkurs med fokus på ungdom «Helsefolk som veit at du er ungdom og som veit korleis ein snakkar med ungdom, det er det vi treng» Kurset var eit samarbeid mellom

2 Innhald 1. Bakgrunn Mål Fagleg forankring samarbeid om utvikling av kurset Innhald i kurset Økonomi Markedsføring av kurset Deltakarar Forventingar til kurset Evaluering Oppsummering Tilråding frå arbeidsgruppa...9 1

3 1. Bakgrunn Lærings- og mestringssentra i Helse Fonna har i samarbeid med FoU-eining for samhandling, FOUSAM 1, tilbod om eit fire dagars kurs i Helsepedagogikk. Dette handlar om korleis møte menneskje som har ein kronisk sjukdom/nedsett funksjonsevne og skape gode lærings- mestringstilbod i grupper. Fokus er livsstilsendring, lære å leve med og kunnskap om sjukdommen. Ungdom blir ofte behandla som «små vaksne» eller «store ungar». Ungdomsmedisin, der ein møter ungdom på deira premissar, treng større fokus. At fagpersonar innan helse kan støtte ungdom og slik bidra til at dei kan ta vare på seg sjølv i ei krevjande tid, er viktig for den einskilde ungdom, men og i eit samfunnsperspektiv. Forsking og undersøkingar viser at ungdom med kronisk sjukdom, som for eksempel diabetes, astma eller epilepsi, har ei meir utprøvande åtferd i ungdomstida. Korleis møte dette på ein god måte? Korleis vera ei støtte for dei i ei tøff tid og samarbeide med både ungdommen sjølv og føresette? Korleis motivere unge til å ta ansvar i eige liv? Kva for gode råd kan helsepersonell som arbeider/møter ungdom med kronisk sjukdom, ha nytte av? Med dette som bakgrunn såg Lærings- og mestringssenteret i samarbeid med FOUSAM, behov for å prøve ut eit eige kurs i helsepedagogikk med fokus på ungdom. 2. Mål Målet med kurset var å bidra til refleksjon over egen praksis og synleggjere samarbeidsløysingar i møtet med unge og deira nærståande. «Helsefolk som veit at du er ungdom og som veit korleis ein snakkar med ungdom, det er det vi treng» (frå prosjektet UMM 2 ) 3. Fagleg forankring samarbeid om utvikling av kurset For å utvikle kurset inviterte FOUSAM representantar frå fagmiljø med kompetanse og erfaring frå arbeid med unge, til å delta i ei arbeidsgruppe. Saman kom gruppa fram til eit 1 Felles forsking og utviklingseining for samhandling. 2 Prosjektet Ung medvirkning og mestring (UMM) 2

4 program som skulle belyse møtet med unge både i førebyggjande arbeid, arbeid innafor somatisk helseteneste og psykisk helsevern. Brukarerfaringar og råd frå ungdom som sjølv har møtt utfordringar, vart lagt inn som ein viktig del av kurset. Nasjonal kompetansetjeneste for læring og mestring innen helse 3 (NK LMH) utvikla i prosjektet UMM kompetanseprogrammet Treff meg! Dette materialet vart brukt i utviklinga og gjennomføring av helsepedagogikkurset. Arbeidsgruppa hadde 3 planleggingsmøter (april, mai og aug. 2014) og 1 evalueringsmøte (jan.2015). Arbeidsgruppa sto for organisering, praktisk tilrettelegging og leiing av kursdagane. Deltakarar i arbeidsgruppa sto òg for nokre av faginnlegga. Lokale for gjennomføring var Hemmingstad bydelshus i Haugesund (dag 1) og Gamle Slakthuset, Haugesund (dag 2). Medlemmar i arbeidsgruppa Namn Gerd Olaug Kallevik Mark Fosnæs Gunhild Christine Odland Ingrid Øritsland Våge Maragreth Worre Bårdsen Sølvi Heimestøl Organisasjon Helsestasjon for ungdom, Haugesund kommune BUP Haugesund, Helse Fonna BUP Haugesund, Helse Fonna BUP Haugesund, Helse Fonna Barneseksjonen, Helse Fonna LMS-team/FOUSAM 4. Innhald i kurset Kurset la vekt på viktige element i samspelet mellom helsepersonell og ungdom og korleis helsearbeidaren kan bidra til auka mestringsevne hos den unge. Fokuset var «det gode møtet» med ungdom, både individuelt og i grupper. I undervisninga vart det lagt vekt på dialog med deltakrane, bruk av ulike pedagogiske verktøy og tid til refleksjon og arbeid i grupper. Innlegg frå erfarne helsearbeidarar og brukarrepresentantar som møter ungdom, viste ulike tilnærmingsmåtar frå praksis og var utgangspunkt for vidare arbeid i grupper. Filmsnuttar frå e-læringsprogrammet «Treff meg» vart brukt i dag to som innleiing til gruppearbeid. 3 NK LMH 3

5 Programmet gjekk over to dagar 20.okt og 3.nov.: Dag 1 «Nokon å spela på lag med» ved Karl Oskar Emberland, fotballtrenar i Vard og lærar ved Åkra ungdomsskule Kjenneteikn ved ungdomskulturen i Helse Fonna-regionen ved SLT-koordinator, Haugesund kommune Kva kjenneteiknar det gode møtet med ungdom? ved Aida Thaule Breistein, ungdomsteamet i Haugesund kommune «Frå lydighet til selvstendighet» - kva skal til? ved diabetessjukepleiar Margareth Worre Bårdsen, Helse Fonna og brukarrepresentant Synnøve Giil Folkedal, Diabetesforbundet Dag 2 Musikalsk innslag ved ungdommar frå musikklinja på Skeisvang vidaregåande skule Korleis komme i dialog med unge som har eller står i fare for å utvikle psykiske vanskar? ved psykologspesialist Mark Fosnæs, BUP Haugesund, Helse Fonna Presentasjon av e-læringsprogrammet «Treff meg» ved Sølvi Heimestøl, FOUSAM Lærings- og mestringstilbod for ungdom i grupper ved sjukepleiar Marit Wirak, Lærings- og mestringssenteret, Helse Stavanger og brukarrepresentant Kamilla Halleland Haga 5. Økonomi Lærings- og mestringsteamet i Helse Fonna fekk i 2014 prosjektmidlar frå Nettverk for læring og mestring i Helse Vest, til utprøving av lokale tilbod/kompetanseutvikling. Helsepedagogikkurset med fokus på ungdom fekk støtte frå desse midlane og kunne difor tilby gratis deltaking i kurset. Føredragshaldarane deltok som ein del av arbeidet sitt og eksterne midlar vart brukt til honorering av brukarrepresentantar, honorar til Vard for motivasjonsinnlegg frå fotballtrenar, musikalsk innlegg frå Skeisvang og dekking av lokale og servering. 4

6 6. Marknadsføring av kurset Brosjyre og invitasjon vart sendt i e-post frå FOUSAM til alle kommunane i Fonna-regionen og alle seksjonane i føretaket. Det vart gjort kjent via FOUSAM si nettside og deltakarane i arbeidsgruppa sitt kontaktnettverk og ulike leiarforum. 7. Deltakarar Det var 21 påmeldte til kurset. Dei deltok alle 1.kursdag, andre kursdag deltok 15 stk. I følgje Questbackundersøkinga, hadde 10 av 14 fått vite om kurset frå leiaren sin. Fleire sa på første kursdag at leiar oppmuntra dei til å delta med bakgrunn i behovet for kompetanse i seksjonen. Andre sa at gratis kurs var ein stor motivasjonssfaktor frå leiaren si side. Dei fleste deltakarane gav i presentasjonen og undervegs i kurset, uttrykk for at dei hadde både kompetans og erfaring med arbeid blant unge. Avkryssing på «trygghetsskala» første kursdag bekrefta dette. Dei fleste sette teikn i øvste del av skalaen, ingen markerte frå midten og nedover. Hos dei som nytta skalaen etter kurset, hadde 5 av 8 fått auka opplevinga si av trygghet. (sjå bilete under der blått symbol markerer oppstart og rødt symbol ved kursslutt.) Deltakarane representerte følgjande organisasjonar Helse Fonna: 7 deltakarar Barneseksjonen 1, Dialyseeininga 1, Gastro poliklinikk 1 og Terapeutisk spesialtenester 2. 5

7 Kommunane: 14 deltakarar Utsira 2, Stord 6, Haugesund barnevern 4, Fitjar 2. Deltakarane representerte følgjande faggrupper sjukepleiar, fysioterapeut, helsesøster, medarbeidar i barnevernet og helsestasjonslege. 8. Forventingar til kurset Første kursdag fekk me via borddialogar fram følgjande forventningar til kurset: Brukerperspektiv Nyttig til jobben Sjefen meldte meg på hvordan møte unge Nye verktøy i møte med unge Snakke med unge - LMS Verktøy nøkler motivasjon Høre andre fortelle som jobber med ungdom Hvordan være med å få fram unges ønsker og behov Hvordan snakke med unge Hvordan få god relasjon Høre på andres erfaringer Brukerperspektiv Brukerperspektiv samtale med unge Hjelpe å hjelpe seg selv Gruppetilbud til ulike diagnoser Flott å møtes dele erfaringer Mer fokus på brukerperspektiv 9. Evaluering Dette var første gjennomføring av eit helsepedagogisk tilbod med fokus på unge med helseutfordringar, i regi av FOUSAM og Lærings og mestringsteamet. Det var difor viktig å få systematiske tilbakemeldingar om opplevinga av kurset frå deltakarane og planleggingsgruppa. 6

8 Begge kursdagar vart evaluert i slutten av dagen ved hjelp av postit-lappar. Her skreiv deltakarane positive inntrykk frå dagen og ting som kunne vore gjort betre. Som start på andre kursdag, framførte to frå arbeidsgruppa evalueringa som eit rollespel. Ei veke etter siste kursdag vart det sendt ut Questbackundersøking, der 14 av 21 deltakarar svarte. 10. Oppsummering Oppsummeringa byggjer på munnlege og skriftlege tilbakemeldingar frå deltakarane og arbeidsgruppa si oppleving av kurset. Sitata er henta frå Questbackundersøkinga og Postitoppsummering frå begge kursdagar. Fagleg innhald Tilbakemeldingane viste at det faglege innhaldet var aktuelt og gav påfyll for dei fleste deltakarane sin arbeidskvardag. Fleire framheva at det var nyttig å treffast på tvers av profesjon og organisasjon, samstundes som det var nyttig å vere fleire frå same arbeidsplass. «Mange aktuelle emner i forhold til min arbeidshverdag. Likte spesielt godt «Hva kjennetegner det gode møtet med ungdom». «Spennande å møte andre faggrupper fin miks med forelesning/grupperarbeid, selv om «oppvarmingsøvelsene» var litt utenfor komfortsonen har vi kanskje godt av det også?» «Det var en del på helse, som ikke direkte knyttes til min hverdag, men likevel nyttig fordi vi kan overføre det til våre saker og fordi vi gjerne møter ungdom med diagnoser og foreldrene deres.» «Ekstra nyttig med konkrete råd og tips» «Viktig påminning om at små kommunikasjonsgrep kan gjøre stor forskjell» «Flott med meir fokus på korleis møte ungdom! «Positivt med tverrfaglig/tverretatlig tilnærming. Meir felles mellom helse og barnevern enn eg hadde trodd» Å høyre erfaringar frå erfarne brukarar/ungdom vart framheva som viktig og nyttig, òg at det var tid til dialog med erfaren brukar. «Lærerikt å høre ungdommer fortelje deres opplevelse i forhold til det å ha diabetes» «Flott å høre erfaringer fra et brukerperspektiv.» «Nyttig å høre erfaringer både frå bruker og hjelper (saman)» 7

9 Det var stor variasjon i deltakarane sin fagbakgrunn, erfaring og kompetanse innan ungdomshelse. Nokre deltakarar hadde tett medisinsk oppfølging av ungdom i kommune og spesialisthelseteneste, andre møtte unge i førebyggjande lågterskeltilbod medan fagpersonane frå barnevernet møtte unge med utfordringar i familiesituasjonen. At deltakarane til tross for ulike arbeidssituasjonar, hadde nytte av kurset, underbyggjer planleggingsgruppa si oppfatning om at gode møter og dialog med ungdom, krev ein eigen kompetanse, ungdom er ikkje store barn eller små vaksne. Dette er òg vist i litteratur og forsking. Praktisk gjennomføring Den praktiske gjennomføringa fungerte bra, både arbeidsgruppa og deltakarane opplevde at Hemingstad var betre egna enn Gamle Slakthuset som var midt i ein omorganiseringsprosess av drifta. «Profesjonelt praktisk gjennomført, rask respons ved spørsmål» «Mye gode innspill. Interessante tema. Fin veksling mellom presentasjon og erfaringsutveksling» «Nyttige kursdager. Relevant for jobben min. Variert program» Kurset var denne gongen gratis for deltakarane. Dette vart framheva som viktig for deltakarar og deira arbeidsgjevarar. Arbeidsgruppa stilte seg spørsmål om det innvirka på eigen motivasjon for å delta og for forplikting til å møte. (21 stk deltok 1.dag og 15.stk andre dag.) Arbeidsgruppa opplevde god stemning i kurset og at tal på deltakarar var passe. Deltakarane var aktive i kurset, dei tok utfordringar som vart gitt og deltok i dialog i plenum og arbeidsgrupper. Dette bekrefta både Questback og Postit-oppsummering. «Me opplevde trygghet og open atmosfære i kurset» Ønskje om meir konkrete verktøy Nokre tilbakemeldte at forventningar om konkrete verktøy for formidling og møtet med ungdom, ikkje vart innfridd. FOUSAM har i samarbeid med Lærings- og mestringssentra, tilbod om grunnleggande kurs i helsepedagogikk over fire dagar. Her er fokus på empowerment og mestring, ulike kommunikasjonsverktøy som motiverande intervju, LØFT og emaptisk kommunikasjon og formidlingsteknikk. Med bakgrunn i dette, valte arbeidsgruppa i ungdomskurset å leggje vekt på å vise tenking og teknikkar i praksis i møtet med ungdom, utan å gje opplæring/øving i teknikk og teori. 8

10 «Opplevde faglig innhold som noe oppstukket. Med tittel som pedaggogikk forventet jeg kanskje noe mer metodisk og strukturert. Dette føltes mer som tips og trisk fra ulike aktører der det var litt tilfeldig hva som kom frem. Det var for så vidt interessant, men ikke helt hva jeg forventet når helsepedagogikk var temaet. Temaene var beskrevet før jeg meldte meg på, så mulig dette var noe jeg burde forventet eller forutsett.» «Hadde forventet pedagogikk rettet inn mot undervisning» «Savner kanskje noko meir konkrete verktøy (pedagogisk) i møte med ungdom, men det finnes kanskje ikkje? Eller er vanskeleg å lære på to dagar?» Samarbeid om planlegging og gjennomføring Arbeidsgruppa var tverrfagleg samansett og representerte både kommune og spesialisthelseteneste. Samarbeidet i gruppa fungerte godt og brei samansetting og kompetanse var viktig. Det gav ulike faglege perspektiv inn i kurset og tilgang på førelesarar frå alle samarbeidspartane. FOUSAM var viktig som koordinerande part i arbeidet og med tilgang til kommunikasjonsressursar som utforming av materiell, utsending av invitasjon og markedsføring på nettside. 11. Tilråding frå arbeidsgruppa Med bakgrunn i erfaringane frå gjennomføring av første kurs i helsepedagogikk med fokus på ungdom, ser arbeidsgruppa behov for at dette vert ein del av kompetansehevingsprogrammet i Helse Fonna-regionen. Det er varsla auka fokus på ungdom og ungdomshelse frå helseminister og regjering. Dette vil dei synleggjere med mellom anna eigen ungdomsstrategi 4. Ungdom med eigenerfaring bør vere med å forme helsetenesta og sei noko om sine behov i møtet med helsetenesta. Ved å ha fokus på kompetanse, kan vi bidra til at ungdom får ein reell muligheit til å ta ansvar for eiga helse og spele på lag med fagpersonar og føresette. Arbeidsgruppa ser det som nyttig at tilbodet er på tvers av organisasjon og profesjon, sjølv om arbeidssituasjonen er ulik, er deling av erfaring og kompetanse på tvers viktig. Kompetansehevingsprogrammet Treff meg, var brukt både som fagleg forankring og i gjennomføring av kurset. Materialet vart godt evaluert og arbeidsgruppa anbefaler det i vidare arbeid

11 Med bakgrunn i behov hos deltakarane om konkrete verktøy, anbefaler arbeidsgruppa at kurset med fokus på ungdom, vert ein del av FOUSAM og Lærings- og mestringsteamet sitt helsepedagogikkurs. Arbeidsgruppa er kjent med at det er planar for revidering av innhald og struktur i noverande helsepedagogikkurs, og ber om at fokus på unge vert teke med inn i den prosessen. Samhandlingsutvalet etablerer i desse dagar eit fagnettverk innan barn og unge i Fonnaregionen. Arbeidsgruppa vil gje innspel til fagnettverket om å følgje opp helsepedagogikk med fokus på ungdom i det vidare. At erfarne brukarrepresentantar for ungdom hadde innlegg i kurset, var viktig for kvaliteten på tilbodet. Arbeidsgruppa anbefaler at erfaren ungdom eventuelt saman med foreldrerepresentant, er med i vidare arbeid òg at det vert vurdert å inkludere dei i arbeidsgruppa. I «vårt kurs» er helsepedagogikk eit omgrep som beskriv møtet og dialog med unge som har helseutfordringar. Dette vart fokusert i både invitasjon, omtale og program. Det kom fram i kurset at nokre deltakarar hadde andre forventingar til innhald, som rein formidlingskompetanse til bruk i undervisning. Det vert gjort eit arbeid i Nasjonal kompetansetjeneste for læring og mestring innen helse (NK LMH) som vil sjå på både helsepedagogikk som omgrep og kva innhald i eit slikt kurs bør vere. Arbeidsgruppa anbefaler at revidering av lokale helsepedagogikkurs bør byggje på nasjonale anbefalingar når dei ligg føre. For å vise lokal kompetanse og halde kostnadane nede, anbefaler arbeidsgruppa at ein nyttar lokale føredragshaldarar, men òg at deltakarane betalar ein eigenandel som kan dekke lunsj og materialutgifter. Rapport skreve på vegne av arbeidsgruppa Sølvi Heimestøl

12 FoU-enhet for samhandling ved Høgskolen Stord/Haugesund Bjørnsonsgate 39, 5528 Haugesund Telefon: E-post: 11