Nettverksgruppa på hospiteringsbesøk i Danmark

Transkript

1 Nettverksgruppa på hospiteringsbesøk i Danmark Onsdag 10.september, sette nettverksgruppa for læring og mestring i Helse Vest, kursen mot Danmark. Me møttes frå nord til sør i Helse Vest på flyplassen i Bilund og reiste saman til Herning der me skulle bu. Me vart tatt vel i mot av vertskapet som hadde planlagt eit flott opphald, der undervisning og hospitering var sett saman på ein lærerik og interessant måte. Lærings- og mestringstilbod i kommunane Torsdagen var sett av til å sjå på ulike lærings- og mestringstilbod i kommunane. På Sundhedscenteret, et samarbeid mellom Ikast og Brande kommune, møtte me Margit Andersen, leder for senteret, og hennar kollegaer, både erfarne brukarar og fagpersonar. Etterpå besøkte me Kræftens Bekæmpelses gard og ein engasjert leiar. Dette var ein nyopppussa gammal gard, ein god plass å komme til i eit flott naturområde. Me fekk høyre om eit vel fungerande samarbeid mellom frivillige og kommunen om kreftrehabiliteringsfoløp. Så gjekk turen til kysten og lunsj i Lemvig på ein cafe med «En opplevelse rikere» som lovnad for besøket. Her fekk personar med psykiske utfordringar arbeidstrening og/eller arbeide deltid. Konseptet var bygd på lokale mattradisjonar og kortreist mat. I Lemvig kommune møtte me koordinator Pia Møller og hennar kollegaer, og fekk høyre om deira lærings- og mestringskurs/tilbod. Som avslutning fekk me delta i ei treningsgruppe der me fekk med oss avspenningsdelen - akkurat kva me trengte etter ein dag med mange inntrykk. Me fekk eit godt innblikk i korleis læring og mestring fungerte i kommunane i Midt Jylland og om samarbeidet med Herning sjukehus. I Danmark starta utvikling av lærings- og mestringstilbod i kommunane for så å ta erfaringane med inn i spesialisthelsetenesta. Dette var spesielt interessant å høyre om sia me i Norge har starta i spesialisthelsetenesta og i samband med samhanldingsreforma utviklar lærings- og mestringstilbod i kommunane. Kulturoppleving På ettermiddagen fekk me ein guida tur til Borbjerg Fyr ved Vesterhavet, flott natur og eit nydeleg ver. Historia om korleis eit heilt lokalsamfunn sto saman om å drive fyret som ein kulturinstitusjon med kunstutstilling, konsertar og cafe, var imponerande. Dagen vart avslutta med «deilig dansk middag» saman med gode danske kollegaer der me til og med fekk besøk av ein dansk trubadur. Lærings- og mestringstilbud i spesialisthelsetenesta Fredagen var programmet lagt til Herning sjukehus. Da spesialisthelsetenesta ikkje hadde tradisjon for å arbeide etter lærings- og mestringsmetoden, med systematisk brukarmedverknad i tilboda, såg dei behov for forsking på området. Det var interessant å høyre om forskingsprosjektet knytt til tilbodet for hjertepasientar og me fekk høyre frå både sjukepleiar, fysioterapeut og forskingssjukepleier Vibeke Lynggaard. Her har dei for første gang klart å samanlikne hjerterehabilitering gjennomført etter arbeidsmetoden innan læring og mestring, det vil sei aktiv brukarmedverknad i planlegging, gjennomføring og evaluering av tilbod, med eit standard hjerterehabiliteringstilbod, i ein randomisert studie. Dei første resultata viser signifikant forskjell på målt livskvalitet og arbeidskapasitet (sykkeltest) etter tre månader, pasientane skal følgjast i et år. Det vert spennande å følgje denne forskinga og publikasjonane som er planlagt dei neste to åra. Lenke til rapport om prosjektet Helsepedagogikk Utdanning av både fagpersonar og erfarne brukarar i helsepedagogikk, saman med rettleiing undervegs, var viktig i hjerterehabiliteringsprosjektet.

2 Ansvarlig for utdanning og rettleiing var Ellen Kastberg Hinrichsen, sundheds- og udviklingskonsulent. Ho har også vore sentral i oppbygging av lærings- og mestringstilbud i Danmark. Det var fint å oppleve entusiasmen og engasjementet rundt lærings- og mestringsmetoden som vart utvikla ved Aker sjukehus (1997)med Liv Hopen som primusmotor og høyre korleis dei i Danmark erfarer nytten av metoden i praksis. Ellen gav oss eit godt innblikk i helsepedagogikkutdanninga, både korleis den praktisk er lagt opp og tema for undervisninga. Nettverksgruppa for læring og mestring i Helse Vest, har representantar frå kommunar, brukarutvalet i Helse Vest, private ideelle organisasjonar og alle føretaka. På turen var desse med; Grete Müller (Regionalt brukarutval), Aslaug Tangerås (KS), Maria Ljungløf (Helse Førde), Hilde Børve (Helse Bergen), Christense Eilerås Ek (Helse Fonna), Olaug Furnes (Helse Stavanger) og Sølvi Heimestøl (koordinator). Som gruppe har turen til Danmark gjort oss betre kjent med kvarandre og me opplever å vere på god veg i å utvikle felles plattform og forståing, både for feltet læring og mestring og for oppdraget vårt. Sølvi Heimestøl Nettverksgruppe for læring og mestring, Helse Vest koordinator

3 Hospitering Danmark

4 Sundhetssenteret Ikast og Brande kommune, Midt Jylland, Margit Andersen

5

6 Kreftbekæmpelsens gård

7

8 Formiddagsmad

9

10

11 Lemvig kommune Pia Møller

12

13

14

15

16

17

18

19

20

21

22

23

24