Makrorapport. Desember Side 1

Transkript

1 Makrorapport Desember 2018 Side 1

2 Makrobiletet Norge: 4.desember kom årets siste Regionalt Nettverk frå Norges Bank. Rapporten beskriver eit bilete av eit norsk næringsliv på veg opp og fram. Produksjonen har vært like god som beskrive i rapporten frå august. Samstundes ventar bedriftene ein auka vekst i dei komande seks månader. Auka aktivitet i oljesektoren har gitt vekst hos oljeleverandørane og dei tenesteytande næringane. På den negative side viser rapporten til fall i bustadbygging og svak vekst i varehandelen. Det er utsikter til litt lågare investeringsvekst. Det vil framleis være vekst, mens planane frå førre runde er litt nedjustert. Bedriftene venter litt lågare vekst i sysselsettinga dei neste tre månadane. Spesielt er det sysselsettinga i varehandelen som har avtatt. Det er fleire bedrifter som melder om høgare kapasitetsutnytting, og kapasitetsutnyttinga er no høgare enn historisk gjennomsnitt. Globalt: Det synest å være framgang i handelskrigen mellom USA og Kina. Under G-20 møte vart landa samde om å ta ein 3 månaders pause i tariffsettinga, og tok sikte på å kome til ein avtale begge land kan leve med. I prinsippet skal Kina ha godtatt å importere meir amerikanske varer frå USA, slik at handelsbalansen ikkje skal være så skeiv. Samtalen mellom partane skal etter planen fortsette i Washington denne veka (veke 50). Italia og EU har hatt sine rundar med gjennomgang av det italienske statsbudsjettet. Italia har gjennom heile hausten forsøkt å få budsjettet godtatt utan å få gjennomslag. EU ser ut til å godta eit underskot på 1,9 prosent. Brexit begynner å likne ei farse. Avstemminga om avtala vart no utsett, då May såg at ho ikkje kom til å få fleirtal. Ho har no ynskje om å reforhandle avtala med EU, noko EU har lite forståelse for, eller interesse av. Side 2

3 Valutamarknaden I førre rapport kunne de lese at krona hadde styrka seg med om lag 2 ½ prosent sidan starten av september, med bakgrunn i ein styrka oljepris. Sidan den gang har krona svekka seg med om lag to prosent, og denne gang med bakgrunn i ein svekka oljepris. Svekkinga har i perioden spesielt vært mot USD og SEK. Den amerikanske valutaen har gått sterkt av fleire årsaker enn berre ein svekka oljepris. Dei er fullt i gang med renteauke, og mest sannsynleg kjem det ein i desember og. I tillegg kjem det masse gode tal frå USA, og då spesielt på arbeidssida. SEK har som nemnt gått sterkt i haust. Noko av grunnlaget for det er at marknaden no begynner å prise inn ei renteauke i Sverige. Neste rentemøtet til Riksbanken er 20. desember. Samstundes har det kome ein god del tal som har vært over forventning i haust (Industriproduksjon, PMI m.m.). Av dei store valutaer så er det heilt klart at Eurosona og euroen har hatt eit utfordrande år/haust. Der året i fjor framstod som veldig positivt for unionen, har historia vært annleis i år. Utfordringane har stått i kø, og seinast i haust er det Italia og statsbudsjettet som har stått i fokus. Italia har slitt med å få godkjent budsjettet, med tilhøyrande budsjettunderskot. Dette har prega marknaden og har fått utslag i ein svekka euro. Pundet svekka seg veldig 10. desember, då Theresa May valde å utsetje avstemminga om Brexit, då ho såg kva veg avstemminga ville gå. Det resulterte i at pundet svekka seg på alle frontar. Pundet svekka seg med over ein prosent både mot amerikansk dollar og mot euroen. Side 3

4 Renter Norges Bank: Som venta vart det ingen renteoppgang i rentemøtet i oktober. Norges Bank laga ei lita opning for renteoppgang i desember, men den døra er nok lukka. Då vil det mest truleg ikkje skje noko før rentemøtet i mars, noko som Sentralbanksjef Olsen nærmast har lova. Det er rentemøte 13. desember. FED: Sentralbanken i USA ser ut til å auke styringsrenta for fjerde gang i år i desembermøtet. Dette til trass for President Trump sine protestar. Dei seinaste arbeidstala som kom i starten av november set ingen bremser på dette. Slik marknaden er no blir det prisa inn med om lag 80 prosent sannsyn at det blir renteoppgang i det komande rentemøtet 19. desember. Dei siste signala går på at renteforventningane for 2019 er tatt ned noko. Norske renter: Dei lange swap-rentene er i stor grad påverka av den internasjonale uro som er. Når uroa tar til har dei hatt ein tendens i haust til å svekke seg, og den siste tida har ikkje vært noko unntak for denne regelen. Skremselsgrafen: Grafen som har spådd 9 av 9 resesjonar sidan 1955 har dukka opp igjen. Historisk sett har den amerikanske økonomien gått i resesjon når renta på amerikansk stat 2 år har blitt høgare enn 10- åringen. Om lag der er vi no. Det som kanskje kan være forklaringa ved dette høvet, er at dei lange amerikanske rentene har blitt pressa ned gjennom QE-programma som vart gjennomført nokre år etter finanskrisa. Det i tillegg at det er renteoppgang styringsrenta (FED-renta) kan ha skapte den situasjonen på ein unaturleg måte. Grafen ser du til høgre. Side 4

5 Olje og råvarer Oljeprisen fekk seg ein brå nedtur gjennom oktober, og utviklinga har fortsatt i november. Frå starten av desember har oljeprisen stabilisert seg. Noko av grunnen det blir peika på er auke i produksjon av olje i USA, og dertil lagerbygging. Samstundes ser vi at ein del av OPEC-landa, og då særskilt Saudi Arabia har auka produksjonen sin veldig sidan i sommar. OPEC har sidan april auka produksjonen sin med 1,2 millionar fat, etter press frå konsumentlanda om ein lågare pris. I tillegg ser vi at Russland aldri har produsert meir olje enn dei gjer no. Det har vært mykje fokus på USA sin boikott av Iran og landets oljeeksport, og at det ville føre til ein nedgang av tilbodet av olje. Førebels har USA løyst utfordringa med å la åtte land i Asia, mellom andre; India, Japan og Kina, fått lov til å importere olje frå Iran, men i ein mindre skala. Dette skal vidare trappast ned, om ikkje konflikten endrar karakter. Det seinaste OPEC-møtet starta sjette desember. Det synest å være konsensus at det skal kuttast i produksjonen, men ikkje om kven som skal kutte eller kor mykje. Russland, som ein av samarbeidspartnarane, har sagt at dei kan kutte fat. Meir er dei ikkje villig til å kutte vinterstid. Saudi har vurdert å kutte produksjonen med ein halv million fat. Det vart til slutt semje om å kutte den daglege produksjonen med 1,2 millionar fat, der OPEC skal stå for 0,8 millionar og samarbeidslanda skal kutte 0,4 millionar fat. Oljeprisen reagerte med å stige. Til trass for dette er oljeprisen på det lågaste nivået sidan november i fjor. Kontaktinfo Jan Arne Aasen T: E: jan.arne.aasen@ssf.no Torgeir Strandenes T: E: torgeir.strandenes@ssf.no Sivert Roti T: E: sivert.roti@ssf.no Andreas Campbell Pedersen T: E: andreas.campbell.pedersen@ssf.no Meklarbordet T: E: valuta@ssf.no Side 5

6 DISCLAIMER Rapporten må sjåast på som marknadsføringsmateriale med mindre den er utarbeidd i samsvar til krav for investeringsanalyse, jfr. Forskrift til verdipapirhandellova 2007/06/29 nr Rapporten er utarbeidd av Sparebanken Sogn og Fjordane (SSF). Denne baserer seg på kjelder som vert vurdert som truverdige, men SSF garanterer ikkje at informasjonen er presis, eller fullstendig. Uttalelsane i rapporten reflekterer SSF si oppfatning på det tidspunktet rapporten vart utarbeidd, og SSF tar atterhald om retten til å endre oppfatning utan varsel. Rapporten skal ikkje sjåast som eit tilbod, eller tilråding om kjøp, eller sal av finansielle instrument, eller deltaking i nokon form for investeringsstrategi. SSF tar ikkje på seg ansvar for verken direkte, eller indirekte tap, eller utgifter som skuldast forståinga av og/eller bruken av denne rapport. Informasjon om SSF sine Alminnelege forretningsvilkår er tilgjengeleg på vår heimeside Denne rapporten er berre meint å være til bruk for våre klientar, ikkje for offentleg publikasjon. SSF har org.nr i Føretaksregisteret, er medlem av Norges Fondsmeglerforbund og underlagt tilsyn av Finanstilsynet i Noreg. Ytterlegare informasjon om SSF finn ein på Side 6