Områdereguleringsplan for Lomoen næringsområde sør i Nord-Fron kommune REGULERINGSFØRESEGNER

Transkript

1 Områdereguleringsplan for Lomoen næringsområde sør i Nord-Fron kommune REGULERINGSFØRESEGNER Utarbeidd av Rambøll 12. februar Sist revidert 7. april Sakshandsaming Sak nr Dato Sakshandsamar Varsel om oppstart ASk Planutvalet 1. gong 21/ ASk Offentleg ettersyn 1. gong ASk Planutvalet 2. gong 061/ ASk Offentleg ettersyn 2. gong ASk Planutvalet 3. gong 23/ ASk Kommunestyret 04/ Ask Kunngjering GENERELT Planmaterialet består av reguleringsplankart i målestokk 1:2.000, desse reguleringsføresegnene, ei orientering om planen og ein illustrasjonsplan. Føresegnene gjeld for området innafor plangrensa på reguleringsplankartet. Planområdet er regulert til desse føremåla: PBL 12-5, 2. ledd nr 1: Bygg og anlegg 1. Bustader (B) 2. Forretning (F) 3. Fritids- og turistføremål (FT) 4. Industri (I) 5. Vegserviceanlegg (V) 6. Idrettsanlegg (Idrett) 7. Energianlegg 8. Vassforsyningsanlegg (VA) 9. Renovasjonsanlegg 10. Kombinerte føremål bustad/hotell/overnatting (BH) 11. Kombinerte føremål forretning/industri (FI) PBL 12-5, 2. ledd nr 2: Samferdselsanlegg og teknisk infrastruktur 1. Kjørevegar, gang- og sykkelvegar og anna veggrunn PBL 12-5, 2. ledd nr 3: Grønntstruktur 1. Vegetasjonsskjermar PBL 12-5, 2. ledd nr 5: Landbruks-, natur- og friluftsområde 1. Landbruk 2. Friluftsareal PBL 12-5, 2. ledd nr 6: Sjø og vassdrag 1. Vinstra elv PBL 12-6, jfr 11-8, 2. ledd: Sikringssoner 1. Sikringssoner knytt til Vinstra vassverk PBL 12-6, jfr 11-8, 2. ledd: Faresoner 1. Faresoner knytt til høgspentanlegg PBL 12-6, jfr 11-8, 2. ledd: Bandleggingssoner 1. Bandlegging av areal etter lov om kulturminne 2. Frisiktsoner u:\ \7-prod\s-samf-areal\regplan\føresegner lomoen docx 1

2 Før det blir sett i verk tiltak i samsvar med planen, skal det gjerast ei arkeologisk utgraving av dei rørte automatisk freda kulturminna, førreformatoriske aktivitetsspor i form av fangstgroper og kolgroper R1 id 4528, R6 id 34045, R7 id 23700, R8 id 23701, R9 id 64716, R10 id og R14 id i planområdet. Det skal takast kontakt med kulturminnestyremaktene i Oppland fylkeskommune i god tid før tiltaket skal gjennomførast, slik at omfanget av den arkeologiske utgravinga kan fastsetjast. 1. BYGG OG ANLEGG 1.0 Generelt a. Ved opparbeiding av areal og godkjenning av byggjesøknader, skal det leggjast stor vekt på god byggjeskikk og god estetisk utforming. Kommunen kan gjera vedtak om nærare retningsliner for byggjeskikk i området. b. I utgangspunktet skal bygg ha saltak, men flate tak kan godkjennast etter søknad. Visuelt skal ein bryte opp store volum. Bygg innafor same område skal ha ein heilskap når det gjeld farge- og materialbruk. c. Det skal haldast god orden på og utanfor alle tomtene. d. I samband med byggjesøknader for området skal det leggjast fram ein situasjonsplan som viser korleis bygg og andre anlegg blir plasserte på tomta og i terrenget. Det skal også vera med ein plan for parkering og grøntareal. Langs vegane skal det pyntast, såast og i rimeleg grad plantast med tre og busker. e. Utbygd grunnareal (BYA) skal vera maksimalt 25% av heile tomtearealet, dersom det ikkje er sagt noko anna under dei einskilde føremåla. Parkeringsareal skal inngå i BYA. f. Bygga skal plasserast innafor dei regulerte byggjegrensene. Byggjegrensa er 50 meter langs ny E6, 30 meter langs ramper i kryss mellom E6 og fylkesvegen, 30 meter langs fylkesvegane 255 og 256, og 12,5 meter langs kommunale vegar. Delar av nåverande fylkesveg 256 blir seinare kommunal veg. Her er byggjegrensa 30 meter inntil vegen blir kommunal. g. Eksisterande vegetasjon skal takast vare på så sant han ikkje er i konflikt med frisiktsoner eller at ei naturleg fornying er nødvendig. Før utbygginga blir starta eller det blir sett i gang hogst, skal utbyggjaren i samarbeid med kommunen registrere vegetasjonen og tre som bør takast vare på. h. Det er forbode med bustader i forretnings- og industriområda, men kommunen kan i enkelte tilfelle gi løyve til leilegheit/bustad for vaktmeister. i. Ved søknad om byggjeløyve for nybygg, tilbygg og ombygging skal det visast parkeringsdekning for eigedommen, etter normene nedanfor. Kommunen kan krevja at heile eller delar av golvarealet skal dekkast med parkering før byggjeløyve blir gitt. Nødvendig areal for av- og pålessing skal også visast. Normer for parkering: Bustader Forretning, kontor, tenesteyting og hotell: Kafé og restaurant: Industri og handverk : Lager: 2 plassar pr bustad 1 plass pr. 60 m² BRA 1 plass pr. 25 m² BRA 1 plass pr. 100 m² BRA 1 plass pr. 200 m² BRA j. Det skal ikkje leggjast til rette for verksemd som på nokon måte kan føre til forureining av grunnen, som i neste omgang kan få verknad for vasstilsiget til Vinstra vassverk. Det skal heller ikkje leggjast til rette for verksemd som skapar sjenerande støy for bustadene innafor eller omkring planområdet. k. Kommunen kan stille krav til skilting og bruk av farge på bygga i næringsområda, for eksempel gjennom å vedta skiltvedtekter og/eller rettleiande fargeplan. u:\ \7-prod\s-samf-areal\regplan\føresegner lomoen docx 2

3 l. I vidare detaljplanlegging skal det leggjast til rette for opne grøfter for avlaupsvatn i dei tilfella der det er snakk om særleg store flater. m. Ved utbygging i området skal det gjennomførast tiltak mot radon slik det går fram av Forskrift om byggesak 13-5 Radon av Bustader (B) I desse områda kan det førast opp bustadhus, uthus, garasje og andre mindre bygningar i samband med hovudføremålet. BYA skal vere maksimalt 25%. Største tillate byggjehøgde er 2 høgder eller 5,5 meter gesimshøgde. Det er tillate å innreie rom under skråtak som 3. høgd. Største tillate mønehøgd er 8 meter. 1.2 Forretning (F) Desse områda kan nyttast til forretning, kontor og tenesteyting. Før områda F1, F2 og F6 blir bygde ut, skal det utarbeidast ein detaljreguleringsplan. Denne planen skal også vise tilkomst til desse områda frå fylkesveg eller kommunal veg. Før område F6 blir bygd ut, skal det takast ut massar innan området. Spesielle føresegner knytt til masseuttak er gitt under punkt BYA skal vera maksimalt 50%. Største tillatne byggjehøgde er tre høgder eller 11 meter gesimshøgde. Det er tillate å innreie rom under skråtak som 4. høgda. Største tillatne mønehøgde er 16 meter. 1.3 Fritids- og turistføremål (FT1) I området kan det etablerast anlegg i samband med reiseliv, for eksempel utleigehytter, gjestegard, hotell m.m. Før utbygging må tiltakshavaren fremje ein detaljreguleringsplan der det mellom anna skal leggjast vekt på å dele opp området med grøntkorridorar med god breidde. Det skal også innarbeidast internt vegsystem og eit breitt vegetasjonsbelte mot nærliggjande industriareal. I samband med reguleringsplanen som skal utarbeidast, skal det gjerast ei vurdering av eventuelle støy- og støvulemper frå grusverksemda i Rustmoen og Jota, og eventuell motorsportaktivitet i Rustmoen. 1.4 Industri (I) I desse områda kan det etablerast verksemder som industriproduksjon, lager, verkstader, transport, og parkering i samband med hovudverksemda. BYA skal vere maksimalt 50%. Største tillate byggjehøgde er 2 høgder eller 7,5 meter gesimshøgde. Det er tillate å innreie rom under skråtak som 3. høgd. Største tillate mønehøgd er 12 meter. Før områda I1-I2 blir bygde ut, skal det utarbeidast ein detaljreguleringsplan. Denne planen skal også vise tilkomst til desse områda frå fylkesveg eller kommunal veg. Før områda I1 og I2 kan byggjast ut til industriføremål, skal det takast ut massar innan området. Spesielle føresegner knytt til masseuttak er gitt under punkt I område I5 kan det drivast mølleverksemd og næring knytt til dette. 1.5 Vegserviceanlegg (V1) I området kan det etablerast vegserviceanlegg med supplerande anlegg. Før området blir bygd ut, skal det utarbeidast ein detaljreguleringsplan. Denne planen skal også vise tilkomst frå fylkesveg 256 til dette området. Før området kan byggjast ut til vegserviceføremål, skal det takast ut massar innan området. Spesielle føresegner knytt til masseuttak er gitt under punkt u:\ \7-prod\s-samf-areal\regplan\føresegner lomoen docx 3

4 1.6 Idrettsanlegg /FRI/Idrett) Område FRI/Idrett er friområde i samband med Vinstrahallen. 1.7 Energianlegg Dette gjeld ein trafostasjon innan området. 1.8 Vassforsyningsanlegg Vinstra vassverk med tilhøyrande sikringssone (sjå pkt 6) ligg innanfor planområdet. 1.9 Renovasjonsanlegg Det er regulert eit område for ein minimiljøstasjon. Området skal nyttast til anlegg for mottak og sortering av diverse avfall Kombinerte føremål bustad/hotell/overnatting (BH1) I området kan det etablerast anlegg i samband med reiseliv, for eksempel utleigehytter, gjestegard, hotell m.m., kombinert med bustader. Før utbygging må tiltakshavar fremje ein detaljreguleringsplan der det mellom anna skal leggjast vekt på å dele opp området med grøntkorridorar med god breidde. Det skal også innarbeidast eit vegetasjonsbelte mot nærliggjande næringsareal. Vidare skal planen vise internt vegsystem, gang- og sykkelveg og ei god fordeling og plassering av bustad- og reiselivsområda. I detaljreguleringa må det takast omsyn til eventuelle planer for kraftutbygging i Lågen, da dette kan medføre at delar av området kjem under vatn og eventuelt må fyllast opp. I samband med detaljreguleringsplanen skal det gjerast ei vurdering av eventuelle støy- og støvulemper frå grusverksemda i Rustmoen og Jota, og eventuell motorsportaktivitet i Rustmoen Kombinerte føremål forretning/industri F/I I områda kan det etablerast industriverksemd og forretningsverksemd som er direkte knytt til industriverksemda. BYA kan vere opp til 50%. Største tillate byggjehøgde er 2 høgder eller 7,5 meter gesimshøgde. Det er tillate å innreie rom under skråtak som 3. høgd. Største tillate mønehøgd er 12 meter Spesielle føresegner knytt til masseuttak i aktuelle område Grus- og masseuttak: omfang og framdrift. Før det blir gitt løyve til utbygging i dei aktuelle områda skal det takast ut grus/masse. Før uttak av masse tek til, skal det teiknast uttaksplanar der det er gjennomført detaljerte undersøkingar for å tilpasse terrenget til avlauspleidningane og dei uttaksnivåa som er nemnde i desse føresegnene. Her skal også aktuell tomtedeling og eventuell behov for interne vegar i dei enkelte områda vurderast og avklarast. Desse planane skal godkjennast av kommunen før masseuttak startar. I område F6 skal det takast ut masse slik at tomta kjem på tilnærma same nivå som eksisterande veg langs F/I3. I område I1 skal det takast ut masse slik: Mellom det lågaste nivået i aust (mot område I4) og det høgste nivået i vest (mot fylkesveg 256) skal det etablerast område som gradvis stig opp via fleire terrassar eller trappetrinn med to-fire meter mellom kvart nivå. Høgder må fastleggjast slik at det er mogleg med normalt leidningsfall å knyte seg til eksisterande avløpssystem. u:\ \7-prod\s-samf-areal\regplan\føresegner lomoen docx 4

5 Innan I2 skal det takast ut masse slik at området kjem på same nivå som dei vestre delane av område I3. I område V1 skal det takast ut grus ned til eksisterande nivå i vestre del av I3 og opp til kote 270 i de vestre delar av V1. Deretter skal det fyllast opp att med massar av tilfredsstillande kvalitet for bygging av vegserviceanlegg. Området skal fyllast opp slik at dette kan få ei naturlig og god tilkomst frå ny fylkesveg 256. Uttaka skal gjennomførast i følgjande rekkefølgje: 1. Område I2. 2. Område V1 med oppussing og tilplanting av areal mot E6 og Fv Område I1 med oppussing og tilplanting av skråningane mot V1 og Fv Grus- og masseuttak: driftsformer og driftsplan. a. Drifta skal følgje ein driftsplan som skal godkjennast av Direktoratet for mineralforvaltning (DM) i samråd med kommunen. Driftsplanen skal til ei kvar tid vera godkjend av DM og skal vanlegvis ajourførast kvart femte år, eller etter nærare avtale med DM. b. Grusen i Lomoen skal transporterast til Rustmoen for foredling og lagring. Transporten skal skje på kommunal veg langs traseen for ny E6 og på midlertidig anleggsveg over Vinstra-elva. c. Det til ei kvar tid aktuelle uttaksområdet skal avgrensast mest mogleg og uttaksområdet skal til ei kvar tid vera tilstrekkeleg sikra. Kommunen kan stille krav til framdrift slik at uttaket er avslutta og området klargjort i god tid før det er aktuelt å etablere verksemd i vedkomande område, og før kommunen gir løyve til å starte uttak i neste område. I driftsplanen kan det stillast krav om kor raskt bestemte delar av uttaksområdet skal ferdigstillast. d. I samband med masseuttaket skal det etablerast skråningar med ein hellingsvinkel på maksimalt 26,6. Annan hellingsvinkel kan godkjennast i driftsplanen eller ved behandling av byggjesøknad for konkrete prosjekt. Kommunen kan elles setja krav om avrunding og utforming av skråningstopp og -fot. Så snart grusuttaket er avslutta skal skråningane påførast finmassar, overgjødslast, tilsåast og evt. tilplantast. I driftsplanen kan det også stillast krav om tilplanting m.m. langs vegar og tomtegrenser i samband med tilrettelegging for etterbruk av området til andre føremål. e. Uttak av massar, intern transport og uttransport av massar kan skje måndag til fredag mellom kl 07 og 18. På laurdagar kan det skje uttransport av massar i perioden kl 08 til 14. f. Det skal leggjast særleg vekt på å unngå ulemper i form av støy og støv for nære og fjernare naboar. Støyen frå uttaksområdet og verksemda i tilknyting til dette skal haldast så låg som mogleg. Resulterande støy ved bustader skal ikkje stige over dei til ei kvar tid gjeldande grensene. Måling kan krevjast og tiltak med støyskjerming må gjennomførast dersom målingane viser at støynivået er for høgt. g. Støvflukt frå uttaket skal avgrensast så langt det er mogleg. Vegetasjonsskjerm kan krevjast oppretthalde eller å bli etablert raskast mogleg for å fange opp støv. Det skal ikkje avdekkjast større område enn det som strengt tatt er nødvendig for drifta av uttaket. Ved store støvplager skal det setjast i verk avbøtande tiltak som for eksempel vatning. h. Spørsmål om forureining blir elles regulert etter forureiningslova med tilhøyrande forskrifter. Det skal liggje føre nødvendig løyve frå forureiningsstyremaktene til drift av verksemda. i. I driftsperioden for masseuttaket skal vegetasjonssonene sikrast fysisk mot øydelegging. Uttakskanten skal liggje minst fem meter innafor den øvste kanten på skrenten ned mot elva Vinstra. u:\ \7-prod\s-samf-areal\regplan\føresegner lomoen docx 5

6 2. SAMFERDSELSANLEGG OG TEKNISK INFRASTRUKTUR 2.1 Vegar Planen viser ny E6, fylkesvegane 255 og 256, kommunale vegar i næringsområdet og private vegar. E6 er regulert med 13,5m breidde. Fylkesvegane 255 og 256 er regulert med breidde 8 m og kommunale vegar med breidde 7 m. Punkt 1.0f gir byggjegrense langs desse vegane. I detaljplanlegging av rundkøyringane i E6-krysset, skal det leggjast særleg vekt på å finne ei trafikksikker kryssing for gang- og sykkelvegen. Avkøyring frå fylkesvegar skal utformast i samsvar med gjeldande normer og regler frå Statens vegvesen. Avkøyring til dei enkelte eigedommane er markert i plankartet. Det er markert ei ekstra avkøyring til Vinstrahallen. Det er ein føresetnad at denne berre skal nyttast som innkøyring for skulebussar. Dette skal markerast ved eigen bom eller liknande. Bru i E6 over elva Vinstra skal utformast slik at det er plass for viltpassasje og lokalveg på båe sider av elva. Bru i kommunal veg over elva Vinstra skal utformast slik at turgåande kan gå under brua. Kommunal veg i område F-5 skal vere felles tilkomst til eigedommane 245/1/42, 245/1/78 og 245/73. Langs E6 og ramper i krysset skal det etablerast eit tydeleg vegetasjonsbelte. Anna trafikkareal skal pyntast, tilsåast og i rimeleg grad tilplantast med tre og busker. For å hindre inngrep i kulturvernområdet P1 Kolodden skal det i den grad det er nødvendig byggjast støttemur mellom lokalvegen i området og kulturvernområdet. 2.2 Gang- og sykkelveg Gang- og sykkelvegar skal opparbeidast etter vanlege normer med 3 m breidde. 3. GRØNTSTRUKTURAR 3.1 Vegetasjonsskjerm Desse områda skal fungere som skjerm og vegetasjonsbelte langs vassdraga og mellom næringsområda og områda omkring. Områda kan nyttast til friluftsliv. Vegetasjonen i områda skal oppretthaldast og pleiast. Eksisterande stiar skal oppretthaldast og setjast i stand, og nye kan etablerast. Vegetasjonen langs vassdraga Lågen og Vinstra skal oppretthaldast og pleiast i ei breidde på minst tre meter. Langs vassdraga kan det leggjast til rette for ein enkel fiskesti. Kommunen er ansvarleg for å vurdere og kan gi pålegg om skjøtselsform i desse områda. Det skal vere eit vegetasjonsbelte på minst 3 m frå grensa i forretningsområdet F5 og industriarealet FI-1 og fram til brekket ned mot Lågen. For å hindre innsyn på forretnings- og industriarealet, skal tomteeigaren setja opp og halde ved like eit minst 2 m høgt plankegjerde eller liknande langs tomtegrensa. Kommunen kan stille krav om liknande tiltak også i andre delar av planområdet. 4. LANDBRUKS-, NATUR- OG FRILUFTSOMRÅDE I desse områda skal grunnen nyttast til det som til ei kvar tid er normal landbruksdrift. Eksisterande stiar i området skal oppretthaldast, så langt det er råd. I nord/vestre del av planområdet ligg nåverande fylkesveg 256 med parallell gang- og sykkelveg. Når det blir bygd ny fylkesveg 256 skal aktuelle delar av dette arealet gå attende til landbruksareal. Vegetasjonen langs vassdraga Lågen og Vinstra skal oppretthaldast og pleiast i ei breidde på minst tre meter. Langs vassdraga kan det leggjast til rette for ein enkel fiskesti. u:\ \7-prod\s-samf-areal\regplan\føresegner lomoen docx 6

7 5. FRILUFTSOMRÅDE I SJØ- OG VASSDRAG Dette gjeld delar av Vinstra elv innan planområdet. I samband med detaljplanlegging av bruer og vegkryssingar over Vinstraelva, skal det gjennomførast vasslinjeberekningar for å få vurdert effekten av inngrepa på almenne interesser i vassdraget. 6. SIKRINGSSONER 6.1 Vinstra vassverk I regulert sikringssone for Vinstra vassverk er det forbode å gjera noen form for tiltak eller drive noen form for aktivitet som på ein negativ måte kan påverke tilsiget av råvatn til Vinstra vassverk. 7. FARESONER Gjennom planområdet går det høgspentliner. Det er ikkje høve til å føre opp noko form for byggverk nærare enn 7.5 m frå midtlina for desse. Nåverande høgspentline langs fylkesveg 255 mellom dei to nye rundkjøringane og langs Lomovegen skal leggjast i jordkabel. 8. BANDLEGGINGSSONER 8.1 Vern av kulturminne I spesialområde med føremål vern ligg to kolgroper (R4 og R5) som tidlegare kan ha vore nytta som fangstgroper. I spesialområde med føremål parkbelte/vern av kulturminne P1 Kolodden ligg tre kolgroper (R1, R2 og R3). Alle desse kulturminna er markerte på plankartet og er automatisk freda, jf. lov om kulturminne 4b (evt. c) og 6. Alle planlagde tiltak i desse spesialområda som inneber inngrep i grunnen eller på annan måte kan skade eller skjemme kulturminna, skal leggjast fram for kulturminnestyremaktene i Oppland fylkeskommune for vurdering. 8.2 Frisiktsoner Avkjørsler og frisiktsoner knytt til fylkesvegar skal utformast i samsvar med gjeldande normer og reglar frå Statens vegvesen. Innanfor frisiktsonene skal det ikkje vera sikthinder høgare enn 0,5 meter over næraste køyrebane. Langs kommunale vegar internt i industriområdet er frisiktkravet 4 x 45 meter. 9. SONER MED SÆRSKILDE FØRESEGNER Anlegg- og riggområde er midlertidige anleggsområde som kan nyttast til riggplass, lagerplass for materiell, anleggsveg og anleggsområde, mellomlagring av massar, samt parkering av anleggsmaskiner. Etter at anleggsdrifta er avslutta skal desse område ryddast og setjast i stand, og førast tilbake til det aktuelle reguleringsformålet. Statens vegvesen skal i samband med detaljplan for anleggsverksemda utarbeide særskilt plan for flytting av matjord og avbøtande tiltak mot spreiing av ugras. u:\ \7-prod\s-samf-areal\regplan\føresegner lomoen docx 7