Detaljreguleringsplan for Jota i Nord-Fron Planid Reguleringsføresegner

Transkript

1 Detaljreguleringsplan for Jota i Nord-Fron Planid Reguleringsføresegner Vedtak i kommunestyret i sak 055/18. 1 Felles føresegner. 1.1 Reguleringsplanen for Jota er samansett av plankart og desse føresegnene. Det er utarbeidd ei planomtale med konsekvensutgreiing som også skal vere retningsgjevande for reguleringsplanen. 1.2 Avgrensing av området er vist på plankartet med reguleringsplangrense. Innanfor området er arealet regulert til desse formåla: Bygnad og anlegg (pbl. 12-5, nr. 1): Råstoffutvinning (BRU) Samferdselsanlegg og teknisk infrastruktur (pbl. 12-5, nr. 2): Kjøreveg (SVK) Annen veggrunn grøntareal (SAG) Grønnstruktur kombinert med andre hovudformål (pbl. 12-5, nr. 3): Vegetasjonsskjerm/støyvoll kombinert med råstoffutvinning (GH1) Turveg kombinert med kjøreveg (GH2) Landbruks- natur- og friluftsområde (pbl. 12-5, nr. 5): LNF Landbruksformål (LL) LNF Friluftsformål (LF) 1.3 Grusuttaket krev driftskonsesjon frå Direktoratet for mineralforvaltning, jf. kap. 8 i Lov om erverv og utvinning av mieralressurser (minerallova). 1.4 Før iverksettinga av tiltak i medhald av planen skal det gjerast arkeologisk utgraving av dei råka automatisk freda kulturminne, kullgropene id 95963, 95972, 95987, , , , , , , i plankartet. Det skal bli teke kontakt med fylkeskommunen i god tid før tiltaket skal gjennomførast slik at omfanget av den arkeologiske granskinga kan bli fastsett. I medhald av kulturminnelova 10 skal arkeologiske granskingar bli kosta av tiltakshavar. 2. Råstoffutvinning 2.1 I områda regulert for råstoffutvinning, kan det drivast grustak, produksjon (knusing, sortering mv.) og mellomlagring av ferdige grusprodukt. Det er høve til å kunne nytte avdekka areal til snødeponi før grusuttak startar. Reguleringsføresegner for Jota, vedteke av kommunestyret i sak 055/18 1

2 2.2 I område regulert for råstoffutvinning, kan det i tilknyting til grustaket, etablerast verksemd for vidareforedling av grusprodukt 2.3 Uttaksområdet skal til ei kvar tid avgrensast mest mogleg, og det skal ikkje bli avdekkja vegetasjon og jordsmonn av større areal enn det som for ei kvar tid er naudsynt for drifta. Område BRU1 skal takast ut først. Fjerning av jorddekke og uttak av masser i område BRU2 skal først skje når uttak av grus i BRU1 avsluttast. Dette av omsyn til at BRU2 skal tene som barriere/skjermingsvoll mot støy, støvflukt og innsyn i uttaksperioden. 2.4 Uttaka av massar, knusing, sikting og intern transport og uttransport av massar, kan skje på kvardagar frå måndag til fredag mellom kl. 07:00 og 19:00. På laurdagar (som ikkje fell på heilagdagar) er det lov med lasting og uttransport av ferdige massar mellom 08:00-14:00. Lasting og uttransport av fingrus som strøsand er lov heile døgnet, alle dagar. Dei same driftstider gjeld for verksemd som blir etablert for vidareforedling av produkt nemnd i pkt Innanfor område BRU1 kan det tillatas oppført bygningar og anlegg for drifta av grustaket. Plassering av midlertidige bygningar og anlegg skal på førehand meldast til kommunen. Bygga må fjernast når drifta blir avslutta. 2.6 Lågaste plan i uttaket skal leggjast på kote 236. Botn i uttaket skal leggjast slik at det fell frå sør mot nord, Det kan etter behov nyttast overskottsmassar/ukurante fraksjonar frå uttaket og reine jordmassar som blir køyrt til (gravemassar) til å etablere botnnivået i uttaksområdet. 2.7 Støy frå grustaket og verksemder i tilknyting til dette, skal haldast så låg som mogleg. Resulterande støy ved bustader og fritidsbustadar, skal ikkje dei grenseverdiar som er gjeve i «Forurensningsforskriften». Målingar kan krevjast, og bøtande tiltak må i tilfelle overskriding av grenseverdiane setjast i verk. 2.8 Støvflukt frå uttaket skal avgrensast så langt det er mogleg. Svevestøv i lufta ved bustadar, fritidsbustadar, idrettsanlegg og i friluftsområde, skal ikkje overstige dei grenseverdiar som er gjeve i «Forurensningsforskriften». Med omsyn til støvflukt, skal det ikkje fjernast vegetasjon og avdekkast større område enn det som er nødvendig for drifta av området. Ved store støvplager skal bøtande tiltak som for eksempel vatning setjast i verk. Nærare presisering av når slike tiltak skal setjast i verk, skal fastsetjast i driftsplanen. 2.9 Det er høve til å etablere sedimentasjonsbasseng for utskiljing av finmasse, slam og liknande. Sedimentasjonsbasseng er spesielt aktuelt i samband med vasking av grus i området av omsyn til utlaup til vassdrag. 3 Samferdselsanlegg og teknisk infrastruktur. 3.1 Samferdselsanlegg omfattar kjørevegar og sideareal med skjeringar/fyllingar som vist på plankartet. Reguleringsføresegner for Jota, vedteke av kommunestyret i sak 055/18 2

3 3.2 I område SAG1 skal terrenget bli planert slik at det etter grusutaket skal ha same høgde eller evt. noko høgare enn nivå med vegen. Arealet med same høgdenivå eller høgare enn vegen, skal streke seg 8 m frå vegkanten. Det kan etablerast veggrøft på arealet, og andre funksjonar og anlegg som høyrer til vegen. SAG 1 skal bli etablert som ei grøn sone planta til med tre, og skal mellom anna skjerme områda nordafor mot vegtrafikkstøy. På grunn av at grusen i området skal bli teke ut før arealet skal få sin funksjon som grøntområde, er området markert som mellombels anleggsområde (føresegnsområde #1). Terrenget i SAG1 skal etablerast slik som nemnt ovafor, og opparbeidast som grønsone så snart det er praktisk mogeleg etter at grusen er teke ut, og det skal gjevast regler om dette i driftsplanen for grustaket. I alle høve skal grønsona vere på plass før ein startar opp uttaket i område BRU2 (skjermingsvollen). 3.2 Langs E6 skal byggjegrense vera 50 m målt frå midt i vegen. Langs Nermovegen (SVK1) skal byggjegrense vera 15 m målt frå midt i vegen. 4 Grønstruktur Turveg kombinert med kjøreveg. 4.1 Areal som er regulert er regulert for føremålet skal nyttast som turveg og skal vere stengt for ordinær køyring. Utanom bruk som turveg for gåande og syklande, kan vegen nyttast som kjøretilkomst til bustadeigedomen GID 257/25, og ved kjøring i forbinding med drift av landbrukseigedomane i planområdet. 4.2 Den regulerte turvegen skal til ei kvar tid vere tilgjengeleg for bruk som tilkomstveg for anleggsmaskinar i samband med inspeksjon og reparasjon av elveforbygginga som er bygd langs Vinstraelva, ved hastetiltak ved ei flaumhending og ved gravearbeider for å førebyggje flaum. 5 Landbruks-, natur og friluftsområde (LNF). 5.1 I LNF-område regulert landbruksområde (LL1-LL5), skal det drivast tradisjonelt jord- og skogbruk. I desse områda (LL) skal jord- og skoglova gjelde. 5.2 I LNF-område regulert for friluftsformål (LF1 og LF2), skal også jord- og skoglova gjelde, men interessene til friluftslivet skal vere prioritert. Ved hogst og skjøtsel av vegetasjon, skal omsynet til friluftslivet vektleggast, og områda skal ha et grønt preg med bevaring av eit vegetasjonsbelte langs elvebredda. I dei delar av områda LF1 og LF2 som var avdekt og brukt som anleggsområde/grustak/gruslagring i samband med utbygging av E6, skal det bli reetablert jorddekke og ny vegetasjon/skogdekke med tanke på bruk for friluftsføremål. I områda kan det etablerast/ryddast trasear for stigar 5.3 I område LF2 er det lov å køyre med anleggsmaskinar i samband med inspeksjon og reparasjon av elveforbygginga som er bygd langs Vinstraelva, ved hastetiltak ved ei flaumhending og ved gravearbeider for å førebyggje flaum. Reguleringsføresegner for Jota, vedteke av kommunestyret i sak 055/18 3

4 6 Faresoner Flaum. 6.1 På plankartet er det teikna inn faresoner for flaum H320_1 og H320_2. I disse sonene er det forbod mot å oppføre nye bygg, dersom det ikkje blir gjort førebyggjande tiltak mot flaum, og det som følgje av dette er dokumentert av fagfolk at flaumfaren er avverja. 7 Faresoner Høgspenningsanlegg (inkl. høgspentkablar). 7.1 Gjennom planområdet går det høgspentliner. Rundt desse er det vist faresoner på plankartet (H370_1, H370_2 og H370_3). 7.2 I faresone H370_1 er ikkje høve til å føre opp bygg for permanent eller varig opphald nærare enn 8 m frå midtlina for lina. I faresone H370_2 er ikkje høve til å føre opp bygg for permanent eller varig opphald nærare enn 25 m frå midtlina for lina. 7.3 I faresone H370_3, ligg høgspentline grove ned i bakken. Det er forbod mot bygge og anleggstiltak i faresona som kan skade jordkabelen. Skulle det vere naudsynt å gjere anleggstiltak i sona som vil medføre endring/omlegging av eksisterande nettanlegg, skal kostnadene bli dekka av utbygger. 8 Støysoner. 8.1 På plankartet er det lagt inn raud støysone (H210_1) og gul støysone (H220_1) med omsyn til trafikkstøy frå E6 i samsvar med retningslinje for behandling av støy i arealplanlegginga (T-1442). 8.2 I «raud sone» (H210_1), er det ikkje lov å føre opp bygg. I «gul sone» (H220_1), som er vurderingssone, kan eventuelt oppføring av bygg tillatast dersom utbygger gjennomfører avbøtande tiltak mot støy og dokumenterer at støy ikkje når ut over grenseverdiar gjeve i «Forurensingsforskiften». 9 Føresegnsområde: Mellombels anleggsområde (#1). 9.1 Område SAG1 vist som mellombels anleggsområde (#1) i plankartet. Det opnar for at grusressursane på arealet kan bli teke, før område SAG1 opparbeidast som ei grøn sone planta til med tre. 10 Føresegnsområde for frigjeving av kulturminne (#2 - #11) Innanfor føresegnsområda #2 - #11 på plankartet, ligg det automatisk freda Reguleringsføresegner for Jota, vedteke av kommunestyret i sak 055/18 4

5 kulturminne, og det må søkast om dispensasjon frå 8, 4. ledd i kulturminnelova for å få frigjeva kulturminna. Dersom kulturminnet blir frigjeve, vil det medføre at tiltak som følgjer underliggjande reguleringsformål (dvs. råstoffutvinning), og føresegner knytt til dette, vert lovleg å gjennomføre. 11 Føresegnsområde om rekkjefølgje (#12) Føresegnsområde #12 omfattar det arealet som er regulert i randsonene av grusuttaket som skal tene som barriere/skjermingsvoll, og som derfor skal stå igjen til slutten av grusuttaket. Føresegnsområdet omfattar det same arealet som BRU I føresegnsområde #12 skal ein bevare jordsmonn, vegetasjonsdekke og skog, fram til grusen her skal takast ut ved avslutninga av grustaket. 12 Vern av kulturminne 12.1 I planområdet kan det finnast kulturminne som ikkje er kjent og omtalt i punkt 10. Dersom det ved tiltak i marka blir funne automatisk freda kulturminne, skal arbeidet straks stansast i den grad det får følgjer for kulturminna eller sikringssona rundt dei på 5 meter, jf. lov om kulturminner 8. Melding skal straks sendast kulturminnestyresmaktene slik at vernestyresmakta kan kome på synfaring og ta stilling til om tiltaket kan halde fram og eventuelt vilkåra for dette. 13 Andre føresegner 13.1 Unntak frå reguleringsplanen og desse føresegnene kan bli gjort av det faste utvalet for plansaker dersom det ligg føre særlege grunnar, jfr kap. 19 i Plan- og bygningsloven. Etter at denne reguleringsplanen med føresegner er vedtatt av kommunestyret, kan det ikkje bli gjort privatrettslege avtaler som er i strid med planen eller føresegnene. Reguleringsføresegner for Jota, vedteke av kommunestyret i sak 055/18 5