Innkomne merknader til varsling

Transkript

1 Innkomne merknader til varsling Vedlegg til planomtale for områdereguleringsplan for Campus Bø Fylkesmannen i Telemark Prinsippet om universell utforming skal ligge til grunn for all planlegging og kravet til det einskilde byggetiltak. Fylkesmannen forventar at dette vert fylgd opp og at lokalisering av ulike funksjonar sjåast i samanheng slik at ferdsle og tilkomst blir enklast mogleg. Moglegheit for alternativ energitilførsel bør vurderast og nye bygg bør få lågenergiprofil. Det bør leggast til rette for vassboren varme. Det er ønskjeleg med mest mogleg samanhengande g/s-vegar, også for å binde området betre saman med sentrum. Kommentar: Føresegnene sett krav om at bygningar, uteareal og anlegg som er publikumsretta og/eller offentleg tilgjengelege skal vere universelt utforma. Omsynet til gode samanhengar for gåande og syklande er vektlagt i planarbeidet, sjå nærare omtale i planomtala kap NVE Har ikkje høve til å gje konkret tilbakemelding i innspillsfasen, men oversender generelle innspel slik at forslagsstillar kan vurdere kva som er relevant for planen. Håper å ha høve til å kome med betre tilbakemelding i høyringsfasen. Kommentar: Det har vore tett kontakt med NVE i planprosessen når det gjeld vurdering av grunntilhøve og stabilitet ved utbygging framfor og på Bø hotell. 3. Statens vegvesen I planarbeidet bør ein ha fokus på følgjande skilje gang-/sykkeltrafikk frå biltrafikk og ivareta samanheng for gåande og syklande gjennom området. Det bør også fokuserast på opparbeiding av gode parkeringsareal med ryddig køyremønster, gangsoner og beplanting av omsyn til trafikktryggleik og estetikk. Planområdet bør utvidast i nord for å kunne handterte trafikktryggleik og avvikling langs Gullbringvegen frå Kyrkjebakken til rv.36 og frå Gullbringvegen til start på g/s-veg til Evjudalen ved Bekkevoll. Kommentar: Avgrensing av planområdet er oppretthaldt, men det er lagt inn rekkeføljeføresegn om etablering av fotgjengarovergang ved ny utbygging på Bekkevoll, samt at turveg GT3 skal etablerast heilt fram til krysset for å betre tilhøva for gåande og syklande i dette området. 4. Telemark fylkeskommune Viser til at deira tidlegare krav om arkeologiske registreringar er fråfalt p.g.a. at planområdet er redusert. Dei ber om at opplysningar om meldeplikt etter kulturminnelova blir tatt inn i fellesføresegnene. Planen må ikkje kome i konflikt med dei nasjonale verdiane ved kyrkjestaden på Bøhaugen og samanhengen mellom kyrkjestaden og prestegarden. Fylkeskommunen var på synfaring på campus saman med Riksantikvaren, kommunen og Asplan Viak På grunnlag av synfaringa og moglegheitsstudiet for fortetting på campus (Asplan Viak), gjer dei følgjande vurderingar:

2 - Kyrkjestaden sett frå prestegarden vil i liten grad vil bli påverka. Det er først og framst påbygging på Hellandtunet som vil verte synleg. Så lenge nybygg føyer seg inn i eksisterande tunstruktur vil ikkje dette komme i konflikt med opplevinga av Bø kyrkje (listeført kyrkje). - Det finst ikkje siktliner opp til kyrkjene langs Gullbringvegen og ut mot studentheimen, i høgda ser ein spiret frå enkelte hald. Moglegheitsstudiet viser riving av eksisterande bygg, noko som vil gje området nær Hellandtunet betre utsyn mot kyrkjene enn i dag. Bygg planlagt ovanfor dagens studentheim vil ikkje i stor grad påverke opplevinga av den ubebygde delen av Bøhaugen så lenge dei ikkje vert bygd for høge. - Kyrkjestaden og Bøhaugen vil ikkje i stor grad bli påverka av ei viss utbygging på høgskulen sett frå Lundevegen. - Frå området aust for planområdet vil nye bygg kunne framstå som eit belte som isolerer Bøhaugen og kyrkjestaden i det større landskapsrommet - Verknaden av bygg mellom hotellet og Gullbring ser ein først når ein kjem inn i området frå aust langs dammane. Dagens oppleving av Bøhaugen herifrå er i stor grad påverka av den langstrakte kroppen til hotellet og den dominerande storleiken på kulturanlegget. Det opne rommet mellom desse bygga er viktig for opplevinga av kyrkjestaden ovanfor. Utbygging i tråd med moglegheitsstudiet vil i stor grad kunne gjennomførast, men arealet mellom Gullbring og hotellet bør ikkje byggast ut i like stor grad som vist i moglegheitsstudiet. Området som er vist som grønt mellom Gullbringvegen og studentheimen bør utnyttast betra, og det ville vore ei betre løysing om eit av bygga som er planlagt her kunne flyttast. Det bør lagast studiar frå bakkenivå, ikkje fugleperspektiv. Det må leggast stor vekt på volum, høgder, utforming, material og fargeval. Tett samarbeid med kulturminnemynde før offentleg ettersyn kan løyse evt. konfliktar så effektivt som mogleg. Fylkeskommunen har innhenta uttale frå Riksantikvaren, som uttaler at Bøhaugen er ein av få mellomalderkyrkjestader der omgjevnaden ikkje er nedbygd eller sterkt endra. Slik kan ein framleis oppleve hovudtrekk i landskapsbiletet frå mellomalderen. Bøhaugen skal kunne opplevast i eit ope landskapsrom og utbygging av campus må sikre innsyn frå sør og låge bygningsvolum. Arealet mellom Gullbring og hotellet bør ikkje byggast slik som synt i moglegheitsstudien. Riksantikvaren inviterer til dialog om alternative løysingar. Ser at volum og arrondering av parkering og byggeareal vil vere viktige tema. Kommentar: Opplysningar om meldeplikt etter kulturminnelova er tatt inn i fellesføresegnene til planen. Det er lagt vekt på å utarbeide ein plan som tek omsyn dei nasjonale verdiane representert ved kyrkjestaden på Bøhaugen og samanhengen mellom kyrkjestaden og prestegarden, sjå nærare omtale i planomtalen kap Det har vore møte med Riksantikvaren i planprosessen etter innspelet for å drøfte omsynet til vern og omsynet til utbygging meir i detalj. Planen byggjer på den forståinga som blei drøfta i møtet, og tek omsyn til dei store ope landskapsromma rundt Bøhaugen, samtidig som den legg til rette for ei større utbygging av eit svært viktig og særs sentrumsnært utviklingsområde for Bø og høgskulen. Føresegnene om høgder bidreg til å sikre at Bøhaugen fortsatt står tydeleg fram i landskapet, også sett frå aust/evjudalen. Bygget som det refererast til i moglegheitsstudien oppretthaldast i planen (blir ikkje revet slik moglegheitsstudien viste)

3 5. Miljøhygienisk avdeling Ingen kommentarar til oppstart av planarbeid. 6. Råd for funksjonshemma Rådet meiner Bøhamna burde vore med i planen da dette kunne utgjort eit godt park-/friområde. Kommentar: Bøhamna er ikkje med i områdeplanen, men ligg som friområde i eksisterande reguleringsplan for Gullbringområde 7. Bø eldreråd Eldrerådet viser til ei pågåande forskingsprosjekt om aktivitetssenter for pensjonistar i framtida og legg ved informasjonsbrosjyre om dette. Dei viser vidare til planar om nytt byggesteg i Gullbring, som har vore lagt på is p.g.a. dårleg kommuneøkonomi. Eldrerådet meiner eit framtidig aktivitetssenter i Gullbringområdet må tilpassast alle aldrar. Aktivitetssenteret på sjukeheimen er tilpassa bebuarar innanfor institusjon og omsorgstenesta, og er ikkje tilpassa andre brukarar i kommunen. Rådet listar opp aktivitetar som bør vere aktuelle i eit nybygg i Gullbringområdet: Aktivitetssenter for barn, unge, vaksne, eldre, bibliotek med lese-, data og samtaleområde, kafé, bowlinghall, bordtennishall, møterom og stor konferansesal og spisesal. Kommentar: Planen legg generelt til rette for vidare utbygging på Gullbring, men det er ikkje sett nærare på konkrete utbyggingsplanar. Områdereguleringa sett krav til detaljregulering før vidare utbygging. 8. Bø kommune ved rådmannen Rådmannen viser til plan for Gullbring kulturanlegg AS, byggesteg 3 (2006) som tar for seg hovudbibliotek og eldresenter/kulturskule. Rådmannen varslar no arealbehov, som gjer det mogleg å realisere nytt byggesteg ved Gullbring med formål folkebibliotek og ungdomsskule. Bø ungdomsskule vil jf befolkningsprognosar vere for lita om år. I staden for å investere store midlar i ombygging kan det vere ønskjeleg å bygge nytt. Målet vil vere sambruk, både i høve til Gullbring og for å ta ut potensialet i å bygge skule og bibliotek som nytt byggetrinn, jf. gode døme frå andre plassar. Ideen er ikkje behandla politisk, bare drøfta på idéstadiet administrativt. Rådmannen ønskjer å forankre dette gjennom kommunedelplan for oppvekst som skal ferdigstillast vinteren Rådmannen legg ved fakta om ungdomsskulen, befolkningsprognosar og bilbiloteket som grunnlag for å vurdere innspelet i planprosessen. Kommentar: Det låg ikkje politisk mandat til å utgreie dette nærare på dette tidspunktet, og kommunen vil eventuelt sjå vidare på dette i ein eige prosess. I arbeidet med områdereguleringa er det derfor ikkje gjort noko arbeid for å vurdere moglegheiter og volum for desse funksjonane. Planen avklarar derfor ikkje om det er mogleg å byggje ein ungdomsskule her, men byggjeområde knytt til Gullbring kulturanlegg opnar generelt for at det kan byggast til med nye bygg. Det må eventuelt gjerast eit detaljert arbeid med mogligheits- og volumstudiar for å avklare om det er mogleg og hensiktsmessig å byggje ein ungdomsskule her. Områdereguleringa sett krav til detaljregulering før eventuell utbygging av området.

4 9. Bø sokneråd Soknerådet er opptatt av at Bøhaugen skal bli ivaretatt som kyrkjestad, gravplass og som eit særs viktig del av kulturhistoria til bygda, og er glade for at Riksantikvaren og fylkeskommunen er tatt med tidleg i denne prosessen. Ein del av skogen frå muren kring kyrkjegarden og nedover planområdet er skogen nyleg tynna, delar av den er veldig attgrodd og noko er verna som ein naturtype. Soknerådet meiner det bør gjerast tiltak mot attgroing i dette området. Delar av området ligg innanfor planområdet og problemstillinga bør takast med. Soknerådet har planar om reguleringsarbeid for Bøhaugen med tanke på påbygg i vinkel mot nord på bårehuset og bygging av kyrkjelydshus med kyrkjekontor sør/sørvest for parkeringa. Fylkeskommunen og Riksantikvaren har gitt positiv tilbakemelding på planane. I nærleiken av evt. tomt for kyrkjelydhus er det ein sti ned til Gullbringområdet som bør ivaretakast i planarbeidet. Det er og ein sti frå austsida av gamlekyrkja ned til barnehagen som kunne vore ein aktuell gangveg frå Bøhaugen til nordre del av planområdet. Denne har naturleg inngang til kyrkjegarden mellom to steingardar. Kommentar: Stiane frå Bøhaugen ned til campus er målt inn, og dei to viktigaste er sikra i planen som turdrag. 10. Telemark Kompetansebygg AS Sender skisse over planlast tilbygg vinkelrett på eksisterande fløy mot sør på Hellandtunet. Bygget krev grensejustering mot Bø kommune sin eigedom. Bygget berører ikkje privatbustaden på g/bnr 56/26 direkte, men overhaldar ikkje 4m avstand til eigedomsgrense. Ny bygningsfløy er 350m2 i grunnflate i to etasjar, med same grunn- og mønehøgde som eksisterande bygg. Dei ønskjer ein viss fridom i reguleringsplanen til å justere grunnflate og plassering. Det er viktig å halde på den grøne ramma rundt senteret av omsyn til tuneffekten på Hellandtunet, synleggjort ved siktliner frå Gullbringvegen og sentrum. Dette må takast omsyn til ved plassering av p-plassar. Deira tomt er i dag fullt utnytta og dei har avgrensa høve til å utvide tal p-plassar og samtidig bevare den grøne ramma. Dei ser difor gjerne at behov for p-plassar kan løysast gjennom p-område langs Gullbringvegen og at desse blir knytt saman med g/s-løysing som skissert i utviklingsplanen for Campus. Dei vil stimulere til auka sykkelbruk ved etablering av god og moderne kapasitet for sykkelparkering. Kommentar: Det har vore tett dialog med Telemark kompetansebygg AS undervegs i planarbeidet, og planforslaget byggjer på ei felles forståing av korleis området bør utviklast vidare. Sjå nærare omtale i planomtalen kap Arne Martin Prestrud på vegne av Ingebjørg Bø Risti (g/bnr 56/26) Prestrud legg fram historia til eigedomen i Gullbringvegen, som vart frådelt etter ein overeinskomst med kommunen i samband med at kommunen overtok hovudeigedomen g/bnr 56/6 i Eigedomen har tidlegare ( ) vore foreslått omregulert til kontor. I notatet Visualisering Campus Bø er bustaden foreslått rive og erstatta med parkeringsplassar. For grunneigar er det vanskeleg å sjå behovet for dette. Intern gangveg bør om naudsynt kunne leggast på oppsida utan å kome i konflikt med g/bnr 56/26. Ein stillar seg tvilande til om det er naudsynt med g/s-veg på både sider av Gullbringvegen. Det ser ut til at tre nye bygg samt p-plass på vestsida av Gullbringvegen er grunnlag for riving av eksisterande einebustad. Det er vanskeleg å sjå at det ikkje er plass til både nyetableringar og bustaden, og arealet nedanfor Hellandtunet må utnyttast betre da dette er ueigna til jordbruksdrift. Risti vil på denne bakgrunnen sterkt motsette seg riving av hennar bustad, og eigedomen er heller ikkje til salgs.

5 Kommentar: Det er teke omsyn til innspelet i planprosessen, og bustadeigedomen 56/26 er vidareført som bustadformål i områdeplanen. G/s-veg frå Kyrkjevegen og Hellandtunet mot campus vurderast som ein prioritet samanheng å få til, og er derfor lagt inn i planen. For å opparbeide ny g/s-veg må det ervervast grunn (om lag 80 m2) av g/bnr 56/26 langs grensa mot Hellandtunet. I gjeldande reguleringsplan er ikkje heile g/bnr 56/26 regulert til bustadformål, men i planforslaget er bustadformålet trekt heilt fram til grensa mot sør, dvs utvida med om lag 300 m Opplysningsvesenets fond OVF har ingen merknader til oppstart av planarbeidet. 13. Birger Risnes Risnes uttaler at det ikkje bør byggast meir på dyrka jord enn ein har gjort til no. Ein bør unngå å øydelegge lia framfor Bøhaugen. Hoppbakkane bør fjernast og området bør skjøttast som skog. Det bør ikkje byggast meir ved Telemarkforsking. Jordet på Helland/Kyrkjekåsa må heller gå til kyrkjelege formål. Ved sal av TT-bygget bør kommunen kjøpe for å sikre seg tomt ved utviding av offentlege bygg nær ved. Kommentar: Planen rører ikkje dyrka mark utover det som er avklart i kommuneplanen (området aust for Hellandtunet). Området med hoppbakkane ligg utanfor planområdet.