SÆRUTSKRIFT AV MØTEBOK

Transkript

1 SENTRALADMINISTRASJONEN Postadresse: Klepp kommune Postboks Kleppe SÆRUTSKRIFT AV MØTEBOK Behandla i: Møtedato: Sak nr: Hovudutval for lokal utvikling /16 Saksbehandlar: Nina Bjørke Arkiv: L13 Arkivsak: 16/ PLANID REGULERINGSPLAN (DETALJ) - NY KYRKJE KLEPPE Saka gjeld Planarbeidet skal avklare plassering av ny kyrkje på Kleppe. Kartutsnitt med reguleringsplan Tidlegare behandlingar Reguleringsplan for ny kyrkje har tidlegare vore starta opp i planid 1620 Detaljregulering for ny kyrkje og gravlund på Kleppe. På grunn av motsegn frå Riksantikvaren angåande plasseringa av ny kyrkje i aksen vest for den eksisterande kyrkja, vart området mellom eksisterande kyrkje og Kyrkjebakken teke ut av planen. Planen for gravplassen vart vedteken Når planarbeidet no er teke opp igjen, er byggjesona for kyrkja flytta lenger sør i planområdet. E-post: postmottak@klepp.kommune.no Sentralbord: Organisasjonsnummer: Barna vår framtid

2 Krav sett i overordna planar Kommuneplanen sin arealdel for perioden Området for kyrkja er regulert til grav- og urnelund i kommuneplanen. Planforslaget er ikkje i strid med kommuneplanen. Gjeldande regulering Området er frå før regulert til kyrkje, gravlund og parkering i planid 1230 Haugabakka, vedteken i PlanID Haugabakka Planen grenser til planid Gang- og sykkelvegar, busshaldeplass og innkjøring er regulert i den planen. Kartutsnitt plan for ny kyrkje samt PlanID

3 Avklaring i høve til forskrift om konsekvensutgreiing Klepp kommune har som ansvarleg planmyndigheit vurdert at planarbeidet ikkje kjem inn under FOR : Forskrift om konsekvensutredninger for planer etter plan- og bygningsloven. Planprosess og medverknad Varsel om oppstart av planarbeid Oppstart av planarbeid er varsla i Jærbladet og i brev til grunneigarar, naboar og høyringsinstansar datert Varsel om oppstart er og publisert på kommunen sine nettsider. Fristen for merknader vart sett til Det kom inn 3 merknader til varsel om oppstart. Fylkeskommunen ved regionalplanavdelinga skriv at dei registrerer at byggjegrensa for ny kyrkje er flytta lenger sør i tråd med krav frå Riksantikvaren og har ikkje vidare merknader til oppstartsvarselet. Statens vegvesen skriv at byggjegrensa må setjast til minimum 11 meter frå vegmidte fv. 247 som regulert i planid 1620, at det innanfor areal som er omfatta av byggjegrensa ikkje er lov med arealbruk som er nødvendig for å ivareta verksemda på eigedomen, som t.d. nødvendig lagring, faste installasjonar og liknande, og at tilkomst må regulerast i tråd med planid Dette er følgt opp i planforslaget. Fylkeskommunen ved kulturavdelinga har motteke innspel frå Riksantikvaren i tillegg til å vurdere varselet sjølv som sektormyndigheit innan kulturminnevern. Dei peikar på at kyrkjegarden som stammar frå middelalderen er automatisk freda, og at den eksisterande kyrkja frå 1846 er ei listeført Linstow-kyrkje. Når det gjeld middelalderkyrkjegarden er det Riksantikvaren som er fagmyndigheit. Dette er teke omsyn til ved at planavgrensinga nå er lagt utanom kulturminna. Riksantikvaren skriv i sitt innspel til fylkeskommunen at det i det vidare arbeidet må utgreiast på ein grundig måte mellom anna når det gjeld volum og form på den nye kyrkja, gesimshøgde og plassering i terrenget. Riksantikvaren viser vidare til at dei i brev av opna for plassering av ei ny kyrkje i området som no er foreslått. I juli 2016 (før oppstart av planarbeidet) sendte Klepp kommune ei skisse til Riksantikvaren som viste eit forslag til byggjegrense der kyrkja var flytta heilt ut av aksen framfor den eksisterande kyrkja. Riksantikvaren svarte på denne førespurnaden at dei kan akseptere at ei ny kyrkje kan plasserast i området som var vist på skissa. Dette er grunnlaget for plankartet i planforslaget. Fylkeskommunen ved kulturavdelinga viser til innspela frå Riksantikvaren når det gjeld utgreiing av volum, form, gesimshøgde og plassering i terrenget for den nye kyrkja. Vidare viser fylkeskommunen til sine motsegn i 2012 og 2014 til planforslaga som då blei lagt ut på høyring. Grunnlaget for motsegna var i begge tilfella plasseringa av kyrkja i aksen mot vest. Vidare viser dei til meklinga som var i Konklusjonen i meklinga blei at det skulle gjennomførast ein arkitektkonkurranse i to fasar. Første fase skulle være ein moglegheitsstudie som gjekk på to ulike plasseringar av kyrkja med tilhøyrande bygningsvolum. Andre fase skulle omhandle detaljutforming av kyrkja. I planforslaget som no ligg føre er byggjegrensene sett slik at kyrkja må byggjast utanfor aksen til den eksisterande kyrkja. Klepp kommune vurderer at dette i prinsippet er ein ny planprosess, og at ein arkitektkonkurranse for å avklare plassering av kyrkja no er overflødig. Bygningsvolum og detaljutforming må avklarast i eit arkitektoppdrag som tar utgangspunkt i denne reguleringsplanen. Ein viktig premiss for dette arkitektoppdraget blir at den nye kyrkja skal tilpassast den gamle. Det er likevel klart at ei kyrkje som skal romme minst 500 personar blir større enn dagens kyrkje som rommar ca. 280 personar. 3

4 Kotehøgda i planforslaget Riksantikvaren gav motsegn til var 75 for kyrkja og 85 for kyrkjetårnet. I meklinga i 2015 kom det fram at Riksantikvaren kunne akseptere eit høgare bygg dersom det ikkje blei lagt i aksen framfor det eksisterande kyrkja. Når byggjesonen no er flytta ut av aksen for den eksisterande kyrkja er det valt å behalde kotehøgde 75 for kyrkja i dette planforslaget, og høgde for kyrkjetårn er foreslått til 83. Det er samtidig skrive ein bestemmelse som seier at utforminga av den nye kyrkja skal ta omsyn til den eksisterande kyrkja, nettopp med tanke på at den nye kyrkja skal få ein utsjånad som tilpassar seg Linstow-kyrkja, og at Linstow-kyrkja fortsatt skal ha ein naturleg plass i området. Kommunalsjefen meiner det er viktig å behalde romslege føringar i reguleringsbestemmelsane for å sikre at arkitektane i eit arkitektoppdrag får moglegheit til å utfolde seg og teikne eit bygg som er kyrkja verdig. Omtale av planforslaget Plan- og bygningslova slår fast at eit forslag til reguleringsplan består av tre element: Plankart, bestemmelsar og planomtale. Sidan det står ein del grunnleggjande informasjon i planomtalen, kan det vere ein fordel å lese gjennom vedlagte planomtale før ein les vidare i saksutgreiinga. Reguleringsarbeidet skal berre avklare plassering og omtrentleg (maksimalt) volum for ei ny kyrkje. Sjølve utforminga av kyrkja vil skje gjennom eit arkitektoppdrag. Vurdering av planforslaget Estetikk Planforslaget har bestemmelsar om høgde og at det skal leggjast vekt på tilpassing til karakteren i området, samt god terrengtilpassing. Bestemmelsane seier likevel at utforminga av den nye kyrkja skal ta omsyn til den eksisterande kyrkja. Dette er med tanke på å ivareta at den nye kyrkja skal få ein utsjånad og eit volum som tilpassar seg Linstow-kyrkja. Den endelege utforminga og plasseringa av kyrkja vil og avklare om Åse Marie Nesse-monumentet kan bli ståande. Dersom det må flyttast, vil rådmannen koma tilbake til det i ei eiga sak. Identitet Området ved den eksisterande kyrkja har vore kyrkjestad sidan middelalderen. Ei ny kyrkje i same område er slik med på å ta vare på den kulturhistoriske tradisjonen med å ha kyrkje her. Grad av utnytting Utnyttelsesgraden er sett til BYA = 1300 m2. Dette er noko meir enn romprogrammet tilseier at det er behov for, men er sett slik for å gi rom for kreativitet i den vidare prosessen. Med tanke på økonomi og behov så er det lite sannsynleg at kyrkja blir bygd med eit så stort fotavtrykk. Parkering Det er sett krav til etablering av ein sykkelparkeringsplass pr. 15 sitjeplassar i kyrkja. Rundt kyrkja er det til saman rundt 75 regulerte og eksisterande offentlege parkeringsplassar. I tillegg kjem parkeringsplasser i gangavstand ved andre offentlege bygg. Ein stor del av dei som soknar til Kleppe kyrkje har gangavstand til kyrkja. Kommunalsjefen vurderer at talet på parkeringsplassar er tilstrekkeleg. Klima- og miljøpåverknad, energibruk Kommunen har ikkje høve til å krevje t.d. passivhus-standard gjennom reguleringsplan. Det er likevel eit uttrykt mål at kyrkja skal byggjast med klimaomsyn. Mjuke trafikantar Trafikksikker tilkomst til kyrkja med gang- og sykkelvegsystem er ivaretatt i tilgrensande plan for gravplassen, planid

5 Konsekvensar for barn og unge Området for kyrkja ligg ikkje i direkte tilknyting til bustadfelt. Det er ikkje leikeareal eller liknande på tomta i dag. Planen har få eller ingen konsekvensar for barn og unge. Vurdering etter naturmangfoldloven 8-12 Tiltaket vil bli liggjande på areal som er opparbeidd med plen og asfalt. Kommunen har gjennomført nødvendige vurderingar etter naturmangfoldloven 8-12 Det er ikkje registrert prioriterte naturtypar innanfor planområdet. Kommunen vurderer det slik at tiltaket ikkje medfører risiko for vesentleg skade på naturmangfaldet. Tiltaket vil etter kommunen si vurdering ikkje auke den samla belastninga av økosystemet. Det er dermed ikkje aktuelt med avbøtande tiltak. Aktiv og trygg, fysisk aktivitet Kyrkja ligg i gang- eller sykkelavstand frå store deler av Kleppe, og ein kan kome til kyrkja på fortau eller gang- og sykkelvegar frå alle kantar. Dette kan gjere at mange vel å gå eller sykle til kyrkja. Bruk og berekraft Plassering av den nye kyrkja nær den gamle gjer det mogleg med sambruk av t.d. toalettanlegg for begge kyrkjene. Dette gjer det mogleg å behalde eller til og med tilbakeføre trekyrkja til eit mest mogleg autentisk interiør. Ein slepp t.d. å integrere eit handikapptoalett i den gamle kyrkja og sakristiet treng ikkje oppgraderast til å møte dagens arbeidsmiljøkrav, fordi det er eit alternativ i den nye kyrkja. Risiko- og sårbarhetsvurdering Det er gjort ei risiko- og sårbarhetsvurdering for planområdet, denne er referert i planomtalen. Kommunen gjennomførte ei tverrfagleg PlanROS vurdering i forbindelse med planen for kyrkje og gravplass (PlanID 1620). Det er ikkje gjort ny PlanROS for denne planen då premissane for planen for kyrkja i hovudsak er dei same. Konsekvensar for kommunen Kommunen får ei ny og større kyrkje som det er ønske om. Ny kyrkje kjem til å medføre kostnadar for kommunen. Konklusjon Kommunalsjefen fremjar med dette detaljreguleringsplan for PlanID 1790 Ny kyrkje på Kleppe med tilhøyrande bestemmelsar og planomtale, alle datert Vedlegg: Plankart, datert Bestemmelsar, datert Planomtale med innkomne merknader og ros-analyse, datert PlanROS-vurdering av PlanID Detaljregulering for ny kyrkje og gravlund på Kleppe 5

6 Innstilling: Kommunalsjefen sitt forslag til vedtak: Hovudutval for lokal utvikling vedtek i samsvar med plan- og bygningslova å leggja forslag til reguleringsplan for PlanID 1790 Ny kyrkje på Kleppe med tilhøyrande bestemmelsar og planomtale, alle datert , ut til offentleg ettersyn. Hovudutval for lokal utvikling den sak 70/16 Behandling: Forslag frå Ann Iren Amundsen -a Hovudutval for lokal utvikling vil utsetja forslag til reguleringsplan for PlanID 1790 Ny kyrkje på Kleppe med tilhøyrande bestemmelsar og planomtale inntil finansiering, byggjeår og endeleg plassering av Åse Marie Nesse-monumentet er avklart. Votering: Forslaget frå Ann Iren Amundsen a fekk 1 stemme. Ann Iren Amundsen Innstillinga fekk 8 stemmer. Med 8 mot 1 stemme blei vedtatt: VEDTAK: Hovudutval for lokal utvikling vedtek i samsvar med plan- og bygningslova å leggja forslag til reguleringsplan for PlanID 1790 Ny kyrkje på Kleppe med tilhøyrande bestemmelsar og planomtale, alle datert , ut til offentleg ettersyn. Rett utskrift, Karin Sandve Vereide møtesekr. Kopimottakere: Etat for lokal utvikling 6