ØRSTA KOMMUNE politisk sekretariat

Transkript

1 ØRSTA KOMMUNE politisk sekretariat Plan og miljøavdelinga for vidare ekspedering Saksnr Løpenr. Saksansvarleg Arkiv Dato 2015/ /2016 MKARSTAD Melding om vedtak i Ørsta formannskap , sak 56/16 DETALJREGULERINGSPLAN FOR BUN3 SÆTRE Saksprotokoll i Ørsta formannskap VEDTAK: Ørsta formannskap, som planutval, syner til framlegg til detaljreguleringsplan for BUN3 på Sætre i Ørstafjorden. Planframlegget vert å legge ut til offentleg ettersyn jf. pbl og 12-11, slik det ligg føre på plankart og tilhøyrande føresegner datert , med slike endringar: Føresegnene d) og p) endrast til slik ordlyd: Ramper/båtopptrekk kan utførast i armert betong, men det må settast ned t.d. naturstein mellom opptrekka for å bryte inntrykket av ei samanhengande betongplate. Steinen må ha ein avstand frå nausta for å ivareta moglegheit for uhindra ferdsle. Formannskapet ber om at forslagsstiller tek omsyn til universell utforming Frist for å kome med merknader vert sett til seks veker frå kunngjeringsdato. Handsaminga (9 r.f.) Matias Kårstad, planleggar svarte på spørsmål. Karen Høydal (AP) foreslo følgjande: Formannskapet ber om at forslagsstiller tek omsyn til universell utforming Det ble røysta først over rådmannen si tilråding, deretter røysta over Høydal sitt forslag. Rådmannen si tilråding ble vedteke med 9 mot 0 røyster Høydal sitt forslag ble vedteke med 9 mot 0 røyster Rett utskrift Inger Johanne E. Løeng Politisk sekretær Postadresse: postmottak@orsta.kommune.no ØRSTA MVA

2 ØRSTA KOMMUNE SAKSFRAMLEGG Sakshandsamar: Liv Randi Lidarende Arkivsak: 2015/1508 Løpenr.: 5377/2016 Utvalsaksnr. Utval Møtedato 58/16 Ørsta formannskap Saka gjeld: DETALJREGULERINGSPLAN FOR BUN3 PÅ SÆTRE TILRÅDING TIL VEDTAK: Ørsta formannskap, som planutval, syner til framlegg til detaljreguleringsplan for BUN3 på Sætre i Ørstafjorden. Planframlegget vert å legge ut til offentleg ettersyn jf. pbl og 12-11, slik det ligg føre på plankart og tilhøyrande føresegner datert , med slike endringar: Føresegnene d) og p) endrast til slik ordlyd: Ramper/båtopptrekk kan utførast i armert betong, men det må settast ned t.d. naturstein mellom opptrekka for å bryte inntrykket av ei samanhengande betongplate. Steinen må ha ein avstand frå nausta for å ivareta moglegheit for uhindra ferdsle. Frist for å kome med merknader vert sett til seks veker frå kunngjeringsdato. Utskrift til: Plan og miljøavdelinga for vidare ekspedering

3 Saksvedlegg: Plankart Føresegn Planomtale Innspel ved oppstart Illustrasjonar Uprenta saksvedlegg: Sjekkliste ROS Dok. ved forvarsling Div. saksdokument Saksopplysningar: Per Mulvik AS har, på vegne av Sindre Humberset, utarbeida framlegg til detaljreguleringsplan for BUN3 på Sætre. Føremålet med planarbeidet er å legge til rette for utbygging av området med totalt ti frittståande naust, med tilkomst og parkering. Eksisterande hamn og parkeringsplassar for naustområdet N6 (i reguleringsplan RTK-8801 "Morkaneset - Skorgeura") aust for plangrensa vert regulert inn i planen. Fleire av nausttomtene skal frådelast og seljast. Planområdet er på omlag 6,4 daa. Det vart gjennomført oppstartsmøte med kommunen den Tema her var mellom anna vegtilkomst, parkering, storleik/form, fri ferdsel i strandsona og føremål for eksisterande hamn. Det vart konkludert med at planarbeidet ikkje utløyser krav om konsekvensutgreiing, då tiltaket er i samsvar med overordna plan og ikkje er vurdert å ha vesentlege verknader. Forslagsstillar varsla oppstart av planarbeidet med brev til grunneigarar og partar den Det vart også kunngjort med annonse i Møre-Nytt same datoen. Det har kome seks merknader til planarbeidet. Desse er kommentert i planomtalen. Vurdering og konklusjon: Området Kommunedelplan for Ørsta sentrum og Hovdebygda er gjeldande for planområdet. Her er det aktuelle utbyggingsområdet sett av til naustføremål med krav om detaljregulering før utbygging. Føremålet med planarbeidet er difor i samsvar med overordna plan. Planframlegget skal erstatte del av gjeldande reguleringsplan for området; RTK-8801 Morkaneset - Skorgeura - datert Planområdet ligg mellom E39 og Ørstafjorden på Sætre, ein knapp kilometer vest for Morkabrua.

4 Figur 1 Planavgrensing. NB! Justert 4.5 meter vestover. Planområdet er avgrensa som vist over. Mot nord (E39 - gbnr. 11/124) og sør (Ørstafjorden) er grensa lagt i formålsgrensa i kommunedelplanen. Mot aust grensar området mot gbnr. 11/76 i tilgrensande naustområde. Mot vest ligg plangrensa mot gbnr. 11/5 og 11/10. Med unnatak av eksisterande naust i austre del av planområdet, er området ubygd. Det er etablert avkøyrsle frå E39 med køyreveg nedover mot hamna med molo og 2-3 båtplassar. Tilhøvet til naturmangfaldlova er omtala i planomtalen. Utforming/plassering I planframlegget er det lagt opp til ti nye nausttomter med frittståande naust. Nausta skal byggjast i éin etasje med grunnflate maks 40 m 2 BYA. Det er lagt opp til ei gruppering av nausta, med innbyrdes avstand to meter. Mellom kvar gruppe er det sikra ein avstand på 3.5 meter. Maksimal høgde mot sjøen skal ikkje overstige 5,5 m. Høgda skal reknast frå ferdig golv. Til kvart naust skal det opparbeidast ein parkeringsplass og eventuelt rampe/båtopptrekk. Det skal vere ope for fri ferdsle i strandsona. Uteområda rundt nausta kan ikkje privatiserast med ferdselshindringar. Nausta plasserast i plan og høgd på ein måte som ivaretek omsynet til stormflo. I gjeldande kommunedelplan er det i vedtektene til nye naustområde satt krav om at alle konstruksjonar under kote 2.72 skal dimensjonerast og utformast for å tole påkjenningar ved stormflo. På bakgrunn av dette er nausta plassert med golvnivå på kote 2.50 i framkant og 2.72 i bakkant. Utfar framfor nausta vert å dimensjonere for påkjenningane ved stormflo. I følgje oppslag i tilgjengelege kartbasar ligg planområdet i eit område med marine strandavsetjingar. Ein kan ikkje utelukke ustabile massar som t.d. leire i grunnen, men forslagsstillar gjer greie for at tryggleiken likevel er ivareteken. Parkering Innanfor kvar nausttomt skal det opparbeidast ein langsgåande parkeringsplass mellom veg og gavlvegg.

5 Det skal opparbeidast ein privat felles parkering avsett for naustområdet aust for planområdet (N6). Det er rekna med 0.5 p-plassar per naust, som blir fire p-plassar. Samla sett vil det for BUN3 og N6 bli opparbeidd totalt 14 parkeringsplassar. Avkøyrsle Vegvesenet har eit mål om at det vert etablert færrast mogleg avkjørsler for eit område, og at flest mogleg eigedomar og aktivitetar nyttar felles avkjørsle. Dette for å redusere risikoen for ulukker. Eksisterande avkøyrsle frå E39 til planområdet er ikkje opparbeidd i samsvar med gjeldande regelverk, og Statens Vegvesen krev oppgradering. Grunna terrengmessige utfordringar har SVV akseptert ein mindre reduksjon i krava, og avkøyrsla er no regulert i samsvar med desse. Eksisterande avkøyrsle skal i samsvar med krav frå SVV oppgraderast før det vert sett i gang byggjearbeid på området. Det er utarbeidd ein enkel 3D-modell for visualisering av området: Figur 2 Illustrasjon av planområdet. NB! Ikkje oppdatert etter gruppering av nausta. Estetikk Fleire av krava frå fylkesmannen vedkomande nausta si utforming er teke inn i føresegnene, og sikrar ei tradisjonell utforming i tråd med det som elles er bygd langs fjorden. Moglegheit for saksing av fasade mot sjø, saman med gruppering og "luft" mellom kvart naust, reduserer inntrykket av at dette er ei konsentrert utbygging. Det er lagt opp til at ramper/båtopptrekk kan utførast i armert betong. Forslagsstillar argumenterer med at ein først og fremst må sjå på kva løysing som best toler kreftene frå ekstremver/stormflo. Dersom armert betong har størst motstandskraft må utbyggjar kunne stå fritt til å velje løysing sjølv. Når det gjeld privatisering meiner han at val av material har mindre betydning. Det viktige er å unngå hinder, og å leggje til rette ved til dømes utflating av båtopptrekket framfor naustportane slik at det vert greitt å gå forbi. Andre argument frå forslagsstillar:

6 1) For å redusere behovet for fylling i sjø, vert båtopptrekka bratte (ca 1:4). Det er dette som er lagt til grunn i plankart og illustrasjonar forøvrig. Det skal dermed store krefter til (kraftig vinsj) for å drage ein båt på båtvogn opp frå sjøen og inn i naustet. Ein støypt platting vil gje langt mindre motstand enn ei bratt stein-/grusfylling. 2) Ein støypt platting vil ved riktig utførelse stå seg betre mot bølgjeslag enn ei steinfylling. Sørausten kan ta godt her. 3) Over tid vil betongen mørkne, og gå meir i eitt med fjøregrunnen. 4) Naustområdet ligg elles langt frå sentrum, og slik sett bør praktiske omsyn vege tyngre enn estetiske. 5) Støypt platting med utflating framfor naustportane vil gjere det lett å gå framfor nausta. Ut frå ei generell vurdering meiner rådmannen ein må ha ei restriktiv haldning til å nytte betong i båtopptrekk i strandsona, og at det er uheldig dersom det vert store samanhengande betongplater i fjøra. I dette området er det på den eine sida eksisterande inngrep i nærleiken som kan tale for at konfliktgraden ikkje er svært stor. På den andre sida er det avsett friområde vest for planområdet, noko som tilseier at området kan verte nytta av ålmenta. I kommunedelplanen for Ørsta sentrum og Hovdebygda står det: "I naustområde skal det vere ope for fri ferdsle i strandsona. Uteområda rundt nausta kan ikkje privatiserast med ferdselshindringar (murar, gjerde), plattingar, stampar eller hageflekkar. Lista er ikkje uttømmande". Støypte båtopptrekk vil gjere fjøra framom nausta mindre attraktivt å opphalde seg i, og vil opplevast som eit framandelement og lite naturtilpassa i strandsona. Betong vil og gjere området meir framtredande og synleg i terrenget. Dersom det vert opna for støypt betong her, vil dette kunne bli førande for andre naustområde som vert planlagt seinare. Resultatet av dette kan bli ein generell praksis der betong vert nytta i tilknyting til naustområde. Samla sett vil dette kunne gje negativ innverknad på landskapsbiletet og opplevingskvalitetar i strandsona. Rådmannen ser dei praktiske omsyna forslagsstillaren har vektlagt, men meiner det også finnast alternative løysingar som er mogleg å bruke. Rådmannen har likevel ikkje merknader til at forslaget vert lagt ut til offentleg ettersyn, men med ei presisering for å unngå ei samanhengande støypt plate. Dette kan t.d. løysast med å støype ned naturstein mellom opptrekka. Rådmannen legg då til grunn at det i samband med større naustutbyggingar vert gjort grep for å unngå store samanhengande betongplater. Utbygging av dette området vil ha fleire positive verknader. Eksisterande avkøyrsle vert oppgradert og tryggare enn i dag, naustområdet N6 får avsett fire parkeringsplassar, og ti nye naust vil gi fleire enn i dag høve til å ta del i båt- og sjølivet i Ørsta. Det er stor mangel på naust for sal, og denne utbygginga vil gjere sjøen tilgjengeleg for fleire. Rådmannen rår difor til at planen vert lagt ut til offentleg ettersyn, men med følgjande endring: Føresegnene d) og p) endrast til slik ordlyd: Ramper/båtopptrekk kan utførast i armert betong, men det må settast ned t.d. naturstein mellom opptrekka for å bryte inntrykket av ei samanhengande betongplate. Steinen må ha ein avstand frå nausta for å ivareta moglegheit for uhindra ferdsle. Wenche Solheim Eldar Øye

7 rådmann leiar plan og utviklingsstaben