Saksframlegg. Sakshandsamar: Torun Emma Torheim Arkivsaksnr.: 12/

Transkript

1 Saksframlegg Sakshandsamar: Torun Emma Torheim Arkivsaksnr.: 12/ Arkiv: L12 Områdereguleringsplan for SOS - Trudvang - Prestadalen og omkringliggande område Slutthandsaming i kommunestyret * Tilråding: Kommunestyret vedtek områdereguleringsplan for SOS- Trudvang- Prestadalen og omkringliggande område, datert , sist revidert , i tråd med plan- og bygningslova Vedlegg: 1 Innkomne merknader 2 Føresegner, sist revidert Plankart, sist revidert Saksutgreiing: Bakgrunn: Fylkesmannen oppheva vedtaket til kommunestyret av 25. april 2013 om godkjenning av områdereguleringsplan for Sogndal omsorgssenter Trudvang Prestadalen og omkringliggande område. Bakgrunn for vedtaket til fylkesmannen var handsaming av klage frå grunneigarar innanfor planområdet. Fylkesmannen imøtekom klagar på punkt om mangel på fullgodt erstatningsareal ved nedbygging av friarealet på Stitoppen. I planframlegget som har vore på ny høyring vart erstatningsareal sikra i føresegn 2.3 og omtalt i planomtalen under rikspolitiske retningslinjer for barn og unge. Til opplysning vart Leighgota 6 (673 m²) omtalt som ein del av erstatningsarealet i planframlegget. Dette er feil, det er Leighgota 4 (661 m²) som er vurdert som ein del av erstatningsarealet. Endringane i områdereguleringsplan for SOS- Trudvang- Prestadalen og omkringliggande område har vore ute til offentleg ettersyn og høyring i perioden I høyringsperioden har det kome inn fire merknader frå følgjande: 1 ABO Plan og arkitektur AS på vegne av Opplysningsvesenets fond 2 Jon Erik Brox Holme og Vivian Iren Mannsåker 3 Fylkesmannen i Sogn og Fjordane 4 Astrid Resaland, Geir Kåre Resaland og May Britt Hauge I tillegg vart områdereguleringsplanen, med særleg fokus på utforming av F1 på Rutlin og friareal innanfor BT2, lagt fram i møte med ungdomsrådet i desember. Ungdomsrådet ønskjer gjerne at det vert tilrettelagt for skatepark på friarealet i BT2. Dette er sentrumsnært, ein fin plass å møtast og det vil bidra til at friarealet på Trudvang i enda større grad vert nytta utanfor skuletida. Vurdering: 1 ABO Plan og arkitektur AS på vegne av Opplysningsvesenets fond har ikkje merknader til planen.

2 2 Jon Erik Brox Holme og Vivian Iren Mannsåker har følgjande merknader til planen: Dei ønskjer å endre tilkomsten til sin eigedom i Prestadalen. Dei føreslår ein ny tilkomstveg frå Ulvahaugenvegen. I vedtaket frå forvaltningsutvalet var det endringane i områdereguleringsplan for SOS- Trudvang- Prestadalen og omkringliggande område, datert , sist revidert , som vart lagt ut til offentleg ettersyn og høyring. Vi meiner framlegget til Jon Erik Brox Holme og Vivian Iren Mannsåker ikkje er ei optimal løysing. Området er bratt, og det finst andre alternativ til å løyse problem knytt til tilkomst i dette området. Rådmannen tilrår difor ikkje å gjere endringar i tilkomsten i planframlegget. 3 Fylkesmannen i Sogn og Fjordane har følgjande merknader til planen: Fylkesmannen visar til at store delar av det føreslege erstatningsarealet er areal som allereie er regulert til friområde, men som kan få kvalitetar som erstattar Stitoppen ved opparbeiding/oppgradering. Dei rår kommunen til å vurdere grundig om omsynet til barn og unge samla sett vert godt nok ivareteke. Erstatningsareala ligg noko spreidd og det er difor viktig å vurdere trafikktryggleiken og sikre trygge ferdslekorridorar for barna. Dei visar også til RPR punkt 4 om barn sin rett til medverknad i planleggingsprosessen. Fylkesmannen reknar med at det skraverte arealet for bustad/tenesteyting i BT2 (Leighgota 4 på 661 m²) vert endra til friareal før endeleg vedtak av planen. Dersom det er mogleg å finne andre arealbruksløysingar enn nedbygging av Stitoppen, vil Fylkesmannen klart rå kommunen til å halde fast ved Stitoppen som friområde i komande reguleringsplan. Rådmannen meiner tilkomsten til friområde F1 frå Trudvang skule er trafikktrygg og godt tilrettelagt med ferdslekorridorar. Her kan barna følgje gangveg, fortau og sti heile vegen frå Trudvang til F1. Alternativ 1 er å gå opp Prestadalen, inn på gangvegen i AB2, deretter ein kort strekning langs fortauet på Ulvahaugenvegen, før ein tek inn på gangstien til F1. Dette alternativet er om lag 300 meter langt. I alternativ 2 følgjer ein gangvegen i AB1 bort til Dalavegen, deretter følgjer barna fortauet langs Dalavegen ein kort strekning opp til Grushola der dei tek opp Ulvahaugenvegen, før dei er inne på gangstien til F1. Dette alternativet er om lag 400 meter langt. Det er fleire alternative tilkomstar til Elveparken, delvis langs trafikkert veg, men samanhengande på fortau og gangveg. Når det gjeld det skraverte arealet i BT2 rår fylkesmannen til at dette vert regulert til «friområde». Rådmannen tilrår at arealet, som vert ein del av utearealet til Trudvang skule, vert regulert med same føremål som Trudvang: «undervisning». Eksisterande uteareal på Trudvang har dette føremålet, og det er naturleg at Leighgota 4 får same føremål som ein del av heilskapen. Når det i framtida vert naudsynt, så sikrar framlegg om ny rekkjefølgjeføresegn, 2.3 b), opparbeiding av friareal på området. Fylkesmannen visar og til RPR punkt 4 om barn sin rett til medverknad i planleggingsprosessen som seier at kommunen skal «organisere planprosessen slik at synspunkter som gjelder barn som berørt part kommer fram og at ulike grupper barn og unge selv gis anledning til å delta». Her har kommunen laga ein eigen prosedyre som seier at barn og ungerepresentanten skal involverast i plansaker som gjeld barn og unge, jamfør 5-1 i plan- og bygningslova. I denne plansaka har det vore møte med barn og ungerepresentanten og saka vart lagt fram for ungdomsrådet i desembermøte Det er tidkrevjande og utfordrande å få til god medverknad frå barn og unge, særleg tidleg i

3 planprosesser. Vår erfaring er at det er enklare med god medverknad når konkrete problemstillingar kan diskuterast. Vi har difor vald å leggje vekt på involvering også i neste fase, ved opparbeiding av friareala, jamfør krav om involvering i føresegn 2.3 b. Etter møte med ungdomsrådet har det også kome fram at dei ønskjer skatepark på arealet i Leighgota 4. Fylkesmannen tilrår at kommunen held fast ved Stitoppen som friområde i reguleringsplanen. Den , sak 52/13, valde kommunestyret å gå vidare med ideen Solmei. I dette utbyggingsprosjektet vert ikkje Stitoppen nedbygd i dei fyrste byggetrinna, men ein del av konklusjonen til juryen er at dette arealet bør liggje som eit utvidingspotensiale til seinare. Det går fram av konklusjonen at dei ønskjer å la Stitoppen liggja i fyrste omgang og heller gå for ein heilskapleg vurdering av Prestegarden, Skulevegen 9 og Stitoppen på eit seinare tidspunkt. Som ein del av konkurransen har det også vore ønskjeleg å få fram eit prosjektframlegg som syner reguleringsplanen sine moglegheiter for å supplere området med utbygging av bustader og leggje til rette for framtidig utviding av 40 nye sjukeheimsplassar i eit seinare byggesteg. På bakgrunn av dette tilrår rådmannen å ikkje endre føremål for område A2 «bebyggelse og anlegg» til «friområde» i reguleringsplanen. 4 Astrid Resaland, Geir Kåre Resaland og May Britt Hauge har følgjande merknader til planen: Astrid Resaland, Geir Kåre Resaland og May Britt Hauge meiner kommunen framleis ikkje har oppfylt kravet til fylkesmannen om meir forpliktande og konkrete føresegner. Dette er summert opp i seks punkt, sjå vedlegg 1. Det handlar om uklarheit i rekkjefølgjeføresegnene, kor mykje av Leighgota 4 som skal setjast av til friareal, kor mykje av eksisterande friareal (F1) det er høve til å ta med som erstatningsareal, kor aktuell elveparken er som erstatningsareal, nyleg opparbeiding av utearealet på Trudvang og mangel av tersklar for kva utbyggingssteg som skal utløyse definert erstatningsareal. Avslutningsvis visar dei til vedtak gjort av kommunestyret den , sak 52/13, om vidareutvikling av ideen «Solmei», og ber kommunen gjere ei vurdering av kor vidt det no er behov for omregulering av Stitoppen eller ikkje. Oppstartsvarsel for områdereguleringsplanen vart varsla i juni 2012, medan den administrative planprosessen tok til i god tid før dette. Planprosessen har vart i to år, og det er ønskjeleg med ein vedteken plan for å gå vidare i arbeidet med Sogndal helse- og omsorgssenter. Etter at kommunen fekk vedtaket til fylkesmannen, der planen vart oppheva, fikk saka høg administrativ prioritet. Etter synfaring av friområde F1 vart det og tydeleg at området har potensiale for auka bruk ved meir opparbeiding av vestleg del, og vi ønskja å arbeide vidare med dette som ein del av løysinga. Det vart også halde eit administrativt møte med Fylkesmannen før politisk handsaming, der vedtaket til fylkesmannen vart gått gjennom og kommunen orienterte om moglege endringar og vidare planprosess. Vidare følgjar ein vurdering av kvart punkt i merknaden til Astrid Resaland, Geir Kåre Resaland og May Britt Hauge. 1. Astrid Resaland, Geir Kåre Resaland og May Britt Hauge påpeikar at nokre av tilvisingane i føresegn 2.3 må ha vore bytta om. Dette er rett, og rådmannen tilrår at ordlyden i 2.3 vert endra, sjå framlegg til endra føresegn under «samla vurdering». 2. Det går fram av føresegn 2.3 i planen at heile Leighgota 4 på 661 m² kan nyttast til friareal. 3. Det vert stilt spørsmål ved kor mykje av F1 som kan nyttast som erstatningsareal, og at dette ikkje er konkretisert av kommunen. I saksframlegget frå 31. oktober 2013 går det fram at eit areal på om

4 lag 4500 m² kan oppgraderast. Av desse 4500 m² er om lag 1000 m² regulert til vegareal og 3500 m² del av eksisterande friareal. Rådmannen tilrår at den samla storleiken også vert teken inn i føresegn Heile elveparken er vurdert som erstatningsareal. Dette er om lag 2500 m². Sjå vurdering under fylkesmannen sin merknad om trafikktrygg tilgang. 5. Astrid Resaland, Geir Kåre Resaland og May Britt Hauge meiner det ikkje er rettsleg haldbart å vurdere forbetringane på Trudvang som ein del av erstatningsarealet. Rådmannen visar til utgreiinga i saksframlegg frå møte i forvaltningsutvalet , sak 78/13, og er av den oppfatning at dette kan vurderast som ein del av samla erstatningsareal sjølv om forbetringane kom like i forkant av områdereguleringsplanen. 6. Fylkesmannen tilrådde bruk av tersklar for kva utbyggingssteg som utløysar definerte erstatningsareal. Rådmannen tilrår ei føresegn som sikrar at før det vert gjeve byggjeløyve i A2 eller delar av A2 skal det opparbeidast/oppgraderast friareal på same storleik som det som vert nedbygd, sjå framlegg under «samla vurdering». Rekkjefølgja på erstatningsareal i føresegn 2.3 b) er prioritert og opparbeiding skal skje i heilskap. Astrid Resaland, Geir Kåre Resaland og May Britt Hauge ber også kommunen vurdere kor vidt det no, etter val av ideen «Solmei», er naudsynt med omregulering av Stitoppen. Dette vart vurdert under merknad frå fylkesmannen. Samla vurdering: Tabellen under visar ei arealutrekning for eksisterande og framtidig friareal. I kolona for «framlegg i reguleringsplan» er noko av arealet eksisterande friareal, slik som Trudvang skule og del av F1. Dersom vi trekker dette i frå sitt vi igjen med 4161 m². Rådmannen er av den oppfatning at desse 4161 m² i lag med god opparbeiding av eksisterande regulert friareal og gangsti til F1 er eit godt erstatningsareal for nedbygging av Stitoppen. Framlegg i reguleringsplan Eksisterande tilhøve Stitoppen skråning 3834 Stitoppen flatt parti 1366 Trudvang skule 1300 Del av F1 + noko vegareal Elveparken 2500 Leighgota SUM I samband med denne høyringa av reguleringsplanen har administrasjonen vurdert om reguleringsplanen som vart vedteken i kommunestyret 25. april 2013 var eintydig på at eksisterande avkøyrsle frå Dalavegen framleis kan nyttast. Dette bør presiserast i planen no. Rådmann tilrår difor at det vert lagt til ei avkøyrslepil ved eksisterande avkøyrsle inn til felt A1. Denne presiseringa har vore høyrd hos Statens vegvesen. Dei ønskjer i utgangspunktet berre ei avkøyrsle frå Dalavegen. I dei fyrste byggjetrinna for SHOS ønskjer vi nok å nytte eksisterande avkøyrsle eller ei mindre justering av denne. Ved neste byggjetrinn når Stitoppen vert bygd ut, kan det vere aktuelt å nytte KV8. Rådmannen tilrår difor også ei ny setning i føresegn 4.2 som seier at: Utbygging av avkøyrsle KV8 skal vurderast i forhold til den eksisterande avkøyrsla, og desse må sjåast i samanheng. Rådmann tilrår at Leighgota 4 får føremål «undervisning» som resten av Trudvang skule og at

5 føresegn 2.3 vert endra som følgjande (endring i raudt): 2.3 Rekkjefølgje for gjennomføring a. Før det vert gjeve løyve til gjennomføring av tiltak skal følgjande tiltak vere opparbeidd eller sikra opparbeidd: Tiltak som skal oppfylle rekkjefølgjekravet Parkeringsanlegg for 100 bilar. AB1: Offentleg gangveg skal etablerast med ei regulert breidde på 2,5 meter og fri høgde på 3,6 meter. Forbindelsen kan førast gjennom bygg. AB2: Gangveg mellom Ulvahaugen (KV4) og Prestadalen (KV6) skal etablerast. Forbindelsen kan førast gjennom bygg. Område rekkjefølgjekravet er knytt til A1 og A3 A1, A2 og A3 A1, A2 og A3 b. Det kan ikkje gjevast byggjeløyve for tiltak i A2 eller delar av A2 før anna friareal er opparbeidd/oppgradert med minimum tilsvarande storleik som det friarealet som vert nedbygd i A2. Følgjande områder kan nyttast som erstatningsareal ved utbygging av A2, der ei opparbeiding må skje i heilskap og i prioritert rekkjefølgje 1 Vestleg del av friområdet, F1, i reguleringsplan for Del av Studentheimen Rutlin Ulvahaugen, vedteken , og noko vegareal frå reguleringsplan for Studentheimen-Rutlin-Ulvahaugen frå 2001 skal oppgraderast og gjerast tilgjengeleg som friområde, eit samla areal på om lag 4500 m². Trevegetasjonen skal vere ein del av utforminga, men kratt må fjernast for å sikre tilgjenge og kvalitetar ved bekken bør kome tydelegare fram. Forslag til utforming skal gjerast i samråd med born og ungerepresentanten og Trudvang skule. Stien bort frå Ulvahaugen til F1 skal opparbeidast. 2 Elveparken på om lag 2500 m² i tilknyting til fjordstien skal opparbeidast. 3 Leighgota 4 på 661 m² skal opparbeidast som ein del av uteområdet på Trudvang tilpassa aktivitetsleik. c. Innanfor omsynssone H730_1 kan det ikkje gjennomførast tiltak som er i strid med vedtak om freding med heimel i 15 i kulturminnelova før vedtak om freding er oppheva. Rådmannen meiner at omsynet til barn og unge samla sett er godt ivareteke i planen slik den no ligg føre. Rådmann tilrår difor at områdereguleringsplan for SOS - Trudvang - Prestadalen og omkringliggande område, datert , sist revidert , vert vedteken i tråd med plan- og bygningslova Sogndal, den Jostein Aanestad Einar Nedrelo rådmann leiar plan og næring-