Utval Utvalssak Møtedato Formannskapet Kommunestyret Etablering av kommunal vassforsyning på Kyrkjebygdheia

Transkript

1 Nissedal kommune Arkiv: Saksmappe: Sakshandsamar: Dato: M / Jan Arvid Setane Saksframlegg Utval Utvalssak Møtedato Formannskapet Kommunestyret Etablering av kommunal vassforsyning på Kyrkjebygdheia Vedlegg: 1 Avtale om anleggsbidrag og overtaking av privat infrastruktur for vatn og kloakk 2 Rapport "Vannforsyning og avløp Kyrkjebygdheia - Vurdering" 2. utgåve datert frå Asplan Viak AS 3 Rapport "Kyrkjebygdheia - Vurdering av eksisterende VA-anlegg inkl.verdifastsettelse" 2. utgåve datert frå Asplan Viak AS 4 Oversikt over eksisterande og planlagt va-infrastruktur til alle eksisterande hytter vest for Stokksosen 5 Nissedal kommune sine tekniske krav knytt til etablering av infrastruktur for å kunne kople til alle eksisterande hytter i forsyningsområdet Fakta i saka: Det er eit uttalt mål å erstatte private vassverk med kommunal vassforsyning, og i den samanheng har rådmannen i lengre tid hatt dialog med Kyrkjebygdheia AS om mogleg etablering av kommunal vassforsyning på Kyrkjebygdheia. På Kyrkjebygdheia er det omlag 380 hytter med høg standard som alle får vassforsyning frå Kyrkjebygdheia AS sitt private vassverk. I tillegg er det omlag 220 hytter med låg standard, og det er godkjente planar for ei betydeleg vidare utbygging. Ved revidering av kommunedelplanen for Kyrkjebygdheia i 2017 vart det innført tilkoplingsplikt for alle hytter, noko som gjev kommunen heimel til å krevje tilkopling av den enkelte hytte. Denne saka inneber at alle hytter vest for Stokksosen kan koplast til, og difor vil få krav om tilkoplingsgebyr. I dette området er det omlag 100 hytter som i dag har låg standard. Desse vil få krav om tilkoplingsgebyr, men generell dispensasjon frå fysisk tilkopling, dersom dei ikkje ønskjer det. I samband med reguleringsplanen for Bakkebufjellet er diskusjonen om kommunal vassforsyning blitt endå meir aktuell. Det er ikkje stilt krav om kommunal vassforsyning ved godkjenning av planen, men kommunen er godkjennings-instans ved ein ev. søknad om å utvide forsyningsområdet til det private vassverket. Dialog med Mattilsynet har avklart at dagens private vassverk ikkje leverer tilfredsstillande vasskvalitet, og det må difor gjennomførast omfattande tiltak for å få dette godkjent.

2 Dialog med hytteeigarane Rådmannen har orientert om dei aktuelle planane i fleire møte med hytteeigarane. For dei som allereie har høg standard har planane små konsekvensar, men for omlag 100 hytter med låg standard inneber planane at dei får krav om tilkoplingsgebyr både for vatn og kloakk. I januar 2017 var det møte med representantar for alle vel-laga på Kyrkjebygdheia, og i påska orienterte kommunen på 4 ulike årsmøte. I august 2017 vart hovudstyret for alle vel-laga orientert om planane. Tilbakemeldingane frå representantane for vel-laga har i stor grad vore positive, men på dei nemnde årsmøta var det enkelte hytteeigarar som var negative. Grunnen til at dei var negative var i hovudsak kostnader ved ombygging av hytta til høg standard. Då rådmannen vurderte at det var realistisk å bli samd med Kyrkjebygdheia AS, fekk alle hytteeigarane førehandsvarsel ( ), som Forvaltningslova krev, der dei fekk høve til å uttale seg før kommunen fattar endeleg vedtak. Av 470 utsendte varsel, kom det inn 21 merknader. 15 av merknadene gjekk på at dei ynskte å behalde noverande standard utan vatn og kloakk, 5 av merknadene gav støtte til planane og 1 merknad var kritikk av kommunen sine høge tilkoplingsgebyr. Vurdering: Kommunen har dei siste åra etablert kommunal vassforsyning i fleire utbyggingsområde (Solheia, Utsjå, Bjønntjønn familiepark, Bjønntjønn hyttegrend og Sandtjønnlia m.fl.). Kyrkjebygdheia er nå det siste store utbyggingsområdet med privat vassforsyning. I samband med utbyggingsplanane for Bakkebufjellet har Kyrkjebygdheia AS, som har utbyggingsrettane, sett det som interessant å føre ein dialog med kommunen om mogleg løysing av både vassforsyning og kloakk. Det var tidleg i dialogen klart at for å forsvare ei investering i kommunal vassforsyning i Bakkebufjellet, så måtte også resten av Kyrkjebygdheia med, og dialogen har difor i stor grad handla om korleis kommunen kan overta ansvaret for vassforsyninga og hovudleidningsnettet både for vatn og kloakk på heile Kyrkjebygdheia. Rådmannen har engasjert Asplan Viak AS til å vurdere korleis dette best kan løysast teknisk, og det er utarbeidd 2 rapportar. Den eine omhandlar nye hovudleidningar, og den andre er ei tilstandsvurdering av dagens private anlegg, og kva tiltak som bør gjerast for at kommunen kan overta ansvaret for dette. Rådmannen har forhandla fram ei avtale som bygger på prinsippet om at kommunen kan finansiere maksimalt 50% av investeringskostnadene i hovud-infrastrukturen. Avtala er relativt detaljert utforma, og sakshandsamar ser det ikkje som naudsynt å ta opp alle enkeltpunkt til vurdering i saka, men syner til den vedlagte avtala. Bygging av hovudleidningar og høgdebasseng Avtala som ligg ved saka bygger på Asplan Viak sin rapport "Vannforsyning og avløp Kyrkjebygdheia-Vurdering". Her er det utgreia ein leidningstrase frå dagens infrastruktur ved Sundsodden industriområde, opp til, og gjennom, utbyggingsområdet for Bakkebufjellet, etablering av nytt høgdebasseng og samankopling med dagens private leidningsnett. Som ein del av forhandlingane har rådmannen akseptert Kyrkjebygdheia AS sitt ønskje om at det også leggjast kloakk-leidningar opp til feltgrensa for Bakkebufjellet. For kommunen sin del så avlastar dette dagens kloakkleidning, og ein kan truleg unngå ei elles påkrevd oppgradering av kloakkpumpestasjon ved Bakka. Det er estimert ein kostnad på kr 25,4 mill. tilkoplingsgebyrinntekter på kr 8,82 mill. og 3,89 mill. i anleggsbidrag frå Kyrkjebygdheia AS/hytteeigarane. Her er det avtalt at endeleg anleggsbidrag skal bereknast når prosjektet er gjennomført og kostnader og tilkoplingsgebyrinntekter er kjent. Parallelt med at rådmannen har arbeidd med den politiske saka, har Asplan Viak arbeidd med å kvalitetssikre sine tilrådde løysingar på eit meir detaljert nivå. Det er her kome fram at det er vesentleg større tekniske utfordringar med den tekniske løysinga, enn det som kjem fram i vurderingane så langt. Dette går spesielt på at den planlagde traseen er bratt, noko som er vanleg å løyse ved å bore seg gjennom terrenget i staden for open grøft. Høgt trykk gjev større

3 risiko for lekkasjar, og utbetring av dette når store delar av leidningen ikkje ligg i open grøft, kan gje større utfordringar enn det ein kan tilrå. Av denne grunn har rådmannen saman med Asplan Viak og Kyrkjebygdheia AS sett på alternativ leidningstrase frå området ved Nissedal kyrkje. Så langt synast dette å vere ei like god løysing innanfor same økonomiske ramme. Asplan Viak treng likevel noko tid på å kvalitetssikre dette, og avtala mellom kommunen og Kyrkjebygdheia AS må truleg reviderast som fylgje av dette. Rådmannen har i samråd med ordførar vald å likevel fremje saka for politisk nivå nå, fordi det er viktig å få avklart om kommunestyret deler rådmannen sine vurderingar i saka. Usikkerheita med omsyn til trase-val, kan handterast ved å gje ordførar fullmakt til å underteikne ei revidert avtale, så lenge det bare er leidnings-traseen som vert endra. Opprusting og utviding av dagens private leidningsnett Avtala som ligg ved saka bygger på Asplan Viak sin rapport "Kyrkjebygdheia Vurdering av eksisterende VA-anlegg inkl. verdifastsettelse". Her er det avtalt at kommunen overtek alt av privat leidningsnett som Kyrkjebygdheia AS eig, og at Kyrkjebygdheia AS/hytteeigarane betaler eit anleggsbidrag på kr 4,5 mill. for å ruste opp anlegget til dei tekniske krav kommunen stiller. Vidare skal Kyrkjebygdheia AS gjennom eigeninnsats til ein stipulert verdi på kr 1 mill. stå for utviding av dagens leidningsnett slik at dette kan forsyne alle aktuelle hytter. Kommunen er byggherre og har på den eine sida risikoen for kostnadene utover det avtalte anleggsbidraget, men også handlefridom til å ta omsyn til vidare utbyggingar. Avtala inneber at alle eksisterande hytter vest for Stokksosen vil ha høve til å kople seg til, og difor får krav om tilkoplingsgebyr. Med bakgrunn i dialogen med hytteeigarane sine vel-lag og relativt få negative merknader på kommunen sitt førehandsvarsel, har rådmannen vurdert at det store fleirtal av hytteeigarane ønskjer denne utviklinga. Med eit så stort antall hytter vil det alltid vere enkelte som har eit anna syn, og finn det urimeleg å måtte betale tilkoplingsgebyr for ein rett dei ikkje ønskjer å nytte. Som i fleire andre tilsvarande saker meiner rådmannen at omsynet til desse må vike for ei rasjonell og samfunnsøkonomisk løysing. Eit stort antall hytter og tomter får rett til lågt tilkoplingsgebyr, enten fordi dei tidlegare har vore med å finansiert infrastrukturen, eller fordi dei nå inngår i avtala mellom kommunen og Kyrkjebygdheia AS. Kommunen og Kyrkjebygdheia AS er samde om at alle lågstandard-hytter skal få tilbod om slik deltaking mot eit anleggsbidrag på kr Dei som ikkje ønskjer å delta på denne måten, vil få krav om høgt tilkoplingsgebyr. I praksis betyr dette at alle får eit tilbod om å vere med på eit "spleiselag" for å dekke kostnader ved tiltak som må til for at kommunen kan etablere forsyning. Det betyr også at nye abonnentar nå får relativt like økonomiske vilkår som dei eksisterande. Leidningsnettet på Kyrkjebygdheia er ganske omfattande, og det er lagt relativt grunt. Kloakk er løyst med trykk-system, ikkje sjølvfall. For å sikre seg mot risiko for driftsproblem har kommunen stilt krav om at Kyrkjebygdheia AS dei 6 fyrste åra tek ansvar for frostsikring og utbetring av lekkasjar. Refusjon til Kyrkjebygdheia AS Det er lagt inn ein refusjonsrett i ein periode på 10 år som inneber at dersom kommunen krev høgt tilkoplingsgebyr for vatn og kloakk, så refunderast Kyrkjebygdheia AS kr pr. hytte. I hovudsak gjeld dette eksisterande og nye hytter som ikkje har hatt ønskje om å betale kr til Kyrkjebygdheia AS, og med det få rett til låg sats, jf. avsnittet over. Men det er også teke med tilsvarande refusjonsrett dersom grunneigarar innanfor dagens etablerte utbyggingsområde får løyve til å skilje ut nye "fortettings-tomter". Her har rådmannen vurdert potensialet som relativt lite, og at det ikkje er urimeleg at Kyrkjebygdheia AS, som har finansiert hovudinfrastrukturen i feltet som vert "fortetta", får noko av ei slik potensiell meir-inntekt for kommunen.

4 Under saksførebuinga er det oppdaga ein feil i avtale-teksten sitt pkt. 6, 3.avsnitt, kulepunkt 1 og 2: her skal det visast til pkt. 4.h), ikkje 4.g). Dette blir retta opp før endeleg signering. Gjennomføring og framdriftsplan Bygging av hovudleidningar frå landtak ved Nisser opp til Bakkebufjellet og vidare fram til samankopling med eksisterande leidningsnett ved Stemtjønn er den mest tidkrevjande delen av utbygginga. Det er planlagt oppstart mai 2018 og forventa byggetid på omlag 16 mnd. Bygging av høgdebasseng ved Stemtjønn og 2 trykkaukarar for vatn har planlagt byggestart september 2018 og omlag 9 mnd. byggetid. Ombygging av eksisterande stasjonar på Kyrkjebygdheia og leidningsnett fram til lågstandard hyttene tilpassast framdrifta på hovudleidningane slik at alt er driftsklart hausten Truleg vil alt dette skje i Økonomiske rammer Godkjenning av avtala inneber betydelege budsjettløyvingar fordelt på 2018 og 2019, og rådmannen finn det rett å dele prosjektet opp i 4 del-prosjekt: 1. Hovudleidningar for vatn og kloakk med prosjektramme kr Finansiering: Anleggsbidrag frå Kyrkjebygdheia AS kr kr Låneopptak kr Høgdebasseng med prosjektramme kr Finansiering: Låneopptak kr Opprusting av eksisterande anlegg med prosjektramme kr Finansiering: Anleggsbidrag frå Kyrkjebygdheia AS kr Utviding av eksisterande anlegg med prosjektramme kr Finansiering: Anleggsbidrag frå Kyrkjebygdheia AS kr Investeringsbudsjettet for 2018 vert tilrådd endra i tråd med prosjektrammer og framdriftsplan. Driftsbudsjettet Driftsbudsjettet for 2018 vil påverkast i form av auka finanskostnader, og ramma for VAsjølvkost vil påverkast som fylgje av dette. Rådmannen vil leggje fram endringane i rapport for 1.tertial. Driftsbudsjettet for 2019 vil få ei ekstraordinær inntekt frå tilkoplingsgebyra, stipulert til kr 8,82 millionar. Med dagens nivå på årsgebyr vil årsgebyrinntektene for vatn auke med omlag kr 1,5 mill. og for kloakk omlag kr Ei slik utviding av forsyningsområdet vil sjølvsagt også krevje noko meir ressursinnsats, men det er teke høgde for gode system for overvaking og fjernstyring i investeringane, så dette blir relativt marginalt.

5 Rådmannen si tilråding: 1. Nissedal kommunestyre godkjenner vedlagte avtale mellom Nissedal kommune og Kyrkjebygdheia AS. 2. Dersom det syner seg at Asplan Viak tilrår ein alternativ trase for hovudleidningar frå området ved Nissedal kyrkje og opp til utbyggingsområdet til Bakkebufjellet, får ordførar fullmakt til å signere ei revidert avtale, så lenge dei økonomiske rammene står fast. 3. Prosjekt-rammer vert vedteke i tråd med vurderinga i saka. 4. Vedteke låneopptak for 2018 aukast med kr Investeringsbudsjettet for 2018 endrast slik Budsjett-justering Budsjettskjema 2B Investeringsbudsjettet fordelt på investeringsprosjekt Gjeldande Budsjett Nytt budsjett Alle tall i 1000 kroner budsjett 2018 endring 2018 Frå budsjettskjema 2A: Investeringar i anleggsmiddel Budsjettendring - Budsjettskjema 2A - Investeringsbudsjettet Gjeldande Budsjett Nytt budsjett Tall i 1000 kroner budsjett 2018 endring 2018 INVESTERINGSBEHOV Investeringar i anleggsmiddel Utlån og forskottering Avdrag på lån Dekking av tidlegare års udekka Avsetningar Årets finansieringsbehov FINANSIERING Bruk av lånemidlar Inntekter frå sal av anleggsmiddel Tilskot til investeringar Mottekne avdrag på utlån og refusjonar Kompensasjon for meirverdiavgift Andre inntekter Sum ekstern finansiering Overført frå driftsbudsjettet Bruk av tidlegare års udisponert Bruk av avsetningar Sum finansiering Fordeling på investeringsprosjekt Nissedal sin del av fellesinvesteringar - Gautefallheia VA-Gautefallheia - Trinn4 - Drangedal avløp Overvakingsanlegg - VA drift Miljøretta helsevern - påkostningar skulebygg Adressering-skilting-vegnamn Utbyggingsavtale-Naurak-felt Utbygging-Tveit skule - småskulen Tur-/sykkelløype Åmli - Treungen Utleigebustader - Flyktningar omsorgsbustader - Omsorgssenteret Oppgradering av Office Utbyggingsavtale - Felehovet nord, felt C Kommunal vassforsyning - Bjønntjønn fjellgrend Anleggsbidragsavtale-Naurak, ø.del felt 1-kloakk Svivkollen hyttefelt - vass- og avlaupsløysing Vassforsyning i Bjønntjønn hyttegrend Ånundsbuoddane-hovudgrøft og internnett Prosjektering-hovudleidning-Treungen-Kyrkjebygda Personbil - flyktningtenesta Rehabilitering - Oddane aldersbustader Rehabilitering - bruer - kommunale veganlegg Kleivvegen - Asfaltering Kjøp/innløysing - Tomt Gaukås stasjon Aktivitetspark - Kyrkjebygda oppvekstsenter Hovudleidningar - vatn og kloakk Kyrkjebygdheia Høgdebasseng - Kyrkjebygdheia Udekka / Udisponert Sum fordelt