B.TARBERG AS Graving Sprenging Transport Planlegging Byggsøk Rådgiving

Transkript

1 B.TARBERG AS Graving Sprenging Transport Planlegging Byggsøk Rådgiving Ørsta kommune Dalevegen Ørsta postmottak@orsta.kommune.no Vår referanse: PLANINITIATIV - SØKNAD OM OPPSTART AV DETALJREGULERINGSPLAN FOR OMRÅDE B9 OSE - ØRSTA KOMMUNE «Detaljreguleringsplan for område B9 Ose i Ørsta kommune - TØMRER PROSJEKT AS» DETALJREGULERINGSPLAN PBL 12-3 og Planarbeid, planprosess og vurdering i høve konsekvensutgreiing (KU) I samsvar med i plan- og bygningslova (PBL) vert det med dette søkt om oppstart privat planarbeid for av detaljregulering av området B9 Ose i Ørsta kommune. Denne søknaden er retta til kommunen, men vil også kunne vere grunnlag for ei seinare varsling til aktuelle grunneigarar, naboar, offentleg mynde, lag og organisasjonar som kan ha interesse i planarbeidet i samband med varsel om oppstart av planarbeid.

2 2 I kommuneplan så er areal B9 regulert til framtidig bustadbygging og der står at arealet bør leggast til rette for konsentrerte utbyggingsformer. Område BC ønskast regulert til bustadbusetnad, og ein bør vurdere om dette området bør ha tilkomst frå veg vest for tomta. Ein tenker å vidareføre kommuneplanen sine føringar med ei buffersone mot campingplass. Ein ser ikkje noko foreløpig behov for noko spesiell konsekvensutgreiing. Kartutsnitt: Planområdet er om lag 19.1 daa stort og omfattar eigedomane: 47/21, 238, 240, 241, 242 og 371 Planlagt arealbruk (bustadformål) er i samsvar med arealformål i overordna kommuneplan og som allereie eksisterer i dagens reguleringsplan. Endringa vil ikkje ha vesentlege verknader for miljø og samfunn og det er slik vi vurderer det soleis ikkje krav om konsekvensutgreiing eller planprogram. Planområdet, avgrensing og verknader utover planen Formål med plan er å legg til rette for konsentrert bustadbygging med tilhøyrande anlegg samt veg gjennom området Jf. føresetnadar gitt i kommuneplan. Område merka BC i kommuneplan er i følgje seljar tilbudd til drivarar av campingplass. Dei har ikkje ønska å kjøpe areal. Ein planlegg difor å regulerer også dette arealet til bustadbusetnad. Området ligg godt til rette for utbygging og ekstern infrastruktur som veg, gangveg, vatn, avløp ol. Det er planlagt ein tilkomstveg

3 3 gjennom området. Ein tolkar det slik at denne vegen truleg vil kunne bli tilkomstveg til ein del eksisterande busetnadar i Osgeila området. Ein kjenner elles ikkje til andre moment utanfor planområdet som kan bli påverka. Ein ser for seg at omlag 25 % av bustadene bør vere tilgjengeleg bueining. Ein føreset at det må setjast av areal til eigne leikeplassar i feltet. Der kan vere behov for støyskjerming for areal som er nærme E39 samt Melsvegen FV57, men dette er noko som må avklarast i vidare planarbeid. Når det gjeld renovasjon tenkjer ein at det bør leggast til rette for nedgravne avfallsløysingar. Bileter: Planområde sett frå sør søraust Flyfoto: Området markert med raudt er området som forslagstiller har kjøpt og som vil inngå i planområdet. Utnytting av området i høve dagens terreng: Arealet som skal planleggast er i stor grad heilt flatt, og ein ser ikkje for seg at det her blir behov for nokon store endringar i terrenghøgder. Planen ønskast utarbeida som ein detaljplan der området er delt inn i forskjellige byggeområder med byggelinjer og avgrensingar. Feltet ønskast visualisert med «tenkt» busetnad og bygningsvolum. Den detaljerte arkitekturen og oppteikning av hus skjer i samband med fremming av byggesøknad.

4 4 3D perspektiv av område sett frå nord 3D perspektiv av område sett frå nord

5 5 3D Perspektiv av gjeldande plansituasjon for området Føremålet med planarbeidet På vegne av forslagstillar Tømrer Prosjekt AS ynskjer ein gjennom ein reguleringsplanen å leggje til rette for konsentrert busetnad i området. Planlagt bebyggelse, utbyggingsvolum og byggjehøgder Ein tenker i utgangspunktet hus i typar firemannsbustader/rekkehus i forskjellige storleikar. Ein har ønskje om at det kan byggast bustadblokk med parkeringskjellar på nokre av areala. Generelt ønsker ein to-etasjars hus + evt. parkeringskjellar under bakken. Der må byggast veg og den skal vere tilkomstveg til større areal enn byggeområde B9 så må ein også truleg pårekne å regulere inn fortau. Veg og dimensjonering av denne vil bli eit tema i vidare planarbeid. Når det gjeld byggjegrenser mot veg ynskjer ein dialog med kommunen i høve kva avstandskrav som kan aksepterast. Området på Ose er eit sentrumsnært område som bør utnyttast godt. Ønska utnyttingsgrad på 40-50% når det gjeld byggehøgde, så tenker ein to bustadetasjar over terreng samt moglegheit for parkeringskjellar. Dette vil vere fint tilpassa omkringliggjande bebyggelsesmønster. Forslagstillar har vore i kontakt med planavdelinga i Ørsta kommune v/sakshandsamar Gunnar Wangen og Matias Kårstad, der det tidlegare har vore nemnt at ein vil søkje om oppstart av detaljreguleringsplan for området etter PBL 12-3 og

6 6 Planlagt arealformål Bustadformål, konsentrert Køyreveg Anna veggrunn, tekniske anlegg Leikeplass Renovasjon Grønnstruktur Konsekvensar av planarbeidet Forholdet til overordna planar og retningslinjer Slik vi vurderer det vil ikkje den omsøkte planlegginga få nemneverdige konsekvensar for området. Vi viser til at den planlagde arealbruken er i samsvar med kommuneplanen og ei satsing på sentrumsnære bustader. Tiltakets verknad på landskap og omgjevnader Planen vil, slik vi oppfattar det, vere av vesentleg interesse for Ørsta kommune. Om der frå kommunen si side er ønske om at vegen inn til området skal vere ein samleveg for eit større område, så vil ein måtte vurdere kommunen sitt ønske oppimot reglane om utbyggingsavtale og refusjon. Det blir her vist til PBL kap 17 og 18. Ein bed her om ei avklaring frå kommunen i høve refusjon av mva for det kommunaltekniske anlegget som evt. skal byggast ut, og om ei avklaring på om eventuell utbyggingsavtale og refusjon bør utførast etter «Anleggsbidragsmodellen» (der kommunen står som tiltakshavar og utbyggjar betalar bidrag) eller «Refusjonsmodellen» (der utbyggjar står som tiltakshavar og kommunen refunderer mva ). På grunn av tidsperspektivet så ønskjer ein at refusjon, og utbyggingsavtale blir handsama parallelt med detaljreguleringsplan. Det kan vere potensiale for funn av kulturminne i området. Der er gjort funn på områder like i nærleiken. Det er tinga ei arkeologisk registrering for området frå Møre og Romsdal fylkeskommune og ein håper at registreringa kan skje i første halvår av Eventuelle funn og konsekvensar ved funn av automatisk freda kulturminne vil måtte innarbeidast i planen. Eigarar av 47/21 sel til utbygger areal til regulert vegformål, men ønskjer å sjølv behalde resten av arealet (2 tomter) dei 2 tomtene skal regulerast til bustadtomter. Eigar er innforstått med at en her må være med på andel av regulering og teknisk anlegg. En antar at ein her vil skrive avtale på dette med grunneigar, alternativt så vi det måtte bli kravd refusjon ihht PBL kap 18 Funksjonell og miljømessig kvalitet Nye bygg vil ta omsyn til kringliggande bebyggelse når det kjem til volum og byggjehøgder. Det vil vidare bli jobba med å oppnå gode estetiske løysingar for det arkitektoniske uttrykket til både nytt bygg og uteområdet, slik at ein på best mogleg måte kan oppnå eit heilskapleg områdeoppfatning. Detaljar rundt nye bygg vil gå fram av seinare byggesøknader basert på godkjend reguleringsplan. Samfunnstryggleik og risiko og sårbarheit (ROS) Det vil bli utført risiko- og sårbarheit analyse i reguleringsprosessen, men pr. dato så veit ein ikkje om noko spesielle ting og problemstillingar, anna enn at det må framførast brannvatn til det nye feltet.

7 7 Det vil i planarbeidet også bli gjort vurderingar i høve naturmangfald. Dette vil inngå som ein del av planomtalen. Medverknad, vidare planprosess og innspel til planarbeidet Grunneigarar, offentleg mynde, lag og organisasjonar og dei som blir direkte råka av planarbeidet vil bli varsla om endring av reguleringsplanen i eige skriv. Dette vil inneberer at dei som har innspel eller synspunkt til planarbeidet får høve til å kome med skriftleg innspel innan ein fastsett tidsfrist. Innspel som kjem til varsel om oppstart vil følgje som vedlegg til planomtalen. Medverknad ønsker ein ved å sende ut førehandsvarsel til alle aktuelle organ, fagmynde og naboar. Ein ønsker å ha ein tett dialog med Ørsta kommune i planlegginga. Ein bør også tidleg i prosessen legge til rette for eit felles møte med naboar og gjenbuarar i området som blir råka av planen. Aktuelle høyringspartar i tillegg til grunneigarar og naboar vil vere: Ørsta kommune, Dalevegen 2, 6150 Ørsta - Fylkesmannen i Møre og Romsdal, Fylkeshuset, 6404 Molde - Møre og Romsdal fylke, Fylkeshuset, 6404 Molde - Statens vegvesen, Region Midt, Fylkeshuset, 6404 Molde - Mørenett AS - Tussa Nett AS, Dragsund, 6080 Gurskøy - Telenor Networks v/servicesenter for nettutbygging, sfn@telenor.com - Volda og Ørsta Reinhaldsverk (VØR), Torvmyrvegen, 6150 Ørsta - Noregs- vassdrags og energidirektorat (NVE) Planprosessen skal følgje reglane i plan- og bygningslova for utarbeiding av detaljreguleringsplan Planarbeidet vil skje i regi av Aleksander Zahl Tarberg hjå B. Tarberg AS. Med vennleg helsing Aleksander Zahl Tarberg Planleggar B. Tarberg AS Sandvikvegen Tjørvåg E-post aleksander@btarberg.no Tlf:

8 8 VEDLEGG: Kartutsnitt med planavgrensing (A3-format) Plangrense i SOSi-format