SAKSPAPIR. Styre, komite, utval Møtedato Saknr Komitè for miljø og tekniske saker

Transkript

1 GISKE KOMMUNE Arkiv: PlanId , K2 - L12, GNR - 185/0312 JournalpostID: 17/11625 Sakshandsamar: Bjarte Friis Friisvold Dato: SAKSPAPIR Styre, komite, utval Møtedato Saknr Komitè for miljø og tekniske saker /17 Detaljplan Øysenteret - oppstart av planarbeid Innstilling: Komité for miljø og tekniske saker vedtek med heimel i plan- og bygningslova 12-8 at det kan bli starta opp regulering av eit området på Valderøya, ved Øysenteret, til bustad, kontor, uteopphaldsareal, forretning, offentleg eller privat tenesteyting og småskala næringsverksemd. Planarbeidet for Øysenteret blir utført som detaljregulering etter pbl. 12-3, med framlegg til plangrense som synt på kart datert Komitè for miljø og tekniske saker Felles tilleggsforslag: "Komiteen vil ha ein tett dialog gjennom heile planarbeidet." Innstillinga og tilleggsforslaget vart samrøystes godkjent. KMT- 049/17 Vedtak: Komité for miljø og tekniske saker vedtek med heimel i plan- og bygningslova 12-8 at det kan bli starta opp regulering av eit området på Valderøya, ved Øysenteret, til bustad, kontor, uteopphaldsareal, forretning, offentleg eller privat tenesteyting og småskala næringsverksemd. Planarbeidet for Øysenteret blir utført som detaljregulering etter pbl. 12-3, med framlegg til plangrense som synt på kart datert Komiteen vil ha ein tett dialog gjennom heile planarbeidet.

2 Vedlegg: Barnetrakkregisterering_ Vedlegg C plangrense forslag ny kommuneplan Vedlegg B plangrense gjeldende kommuneplan Vedlegg A plangrense grunnkart ØYSENTERET MED FLERE - ALEGI EIENDOM AS - OPPSTARTSVARSEL Vedlegg F referat oppstartsmøte avholdt Vedlegg E plangrense ortofoto Vedlegg D plangrense gjeldende reguleringsplan Kommuneplanen sin arealdel_ føresegner_side 9 Saksutgreiing: Grunneigarar innanfor planområdet ønskjer å starte opp omregulering på eit område på Valderøya, området rundt Øysenteret. Det vart halde førehandskonferanse Heimelsgrunnlaget Plan- og bygningslova kap. 12. Økonomiske konsekvensar: Avklarast i samband med framlegg til detaljplan. Giske kommune har eigarinteresser innanfor planområdet. Vurdering: Gjeldande plan I kommuneplanen sin arealdel har området formål erverv; forretning, kontor, lager og industri. I gjeldande reguleringsplan har området kombinert formål bustad/forretning/kontor. Gjeldande regulering gjeld føre gjeldande reguleringsplan, jamfør føresegn til arealdelen om at reguleringsplan Sentrumsområdet skal gjelde framom kommuneplanen. Planarbeid Framlegg til kommuneplanen sin arealdel er under arbeid og legg føringar for arealbruken i området. I framlegg til offentleg ettersyn var planområdet lagt ut til bustad og kombinasjonsformål bustad, kontor, uteopphaldsareal, forretning, offentleg eller privat tenesteyting og småskala næringsverksemd. Detaljplan Øysenteret må ikkje leggjast ut til offentleg ettersyn før arealdelen har vorte vedteken. Arealdelen vil gje nye førignar for området i høve gjeldande arealplan. Dersom Valderhaugstranda blir kommunesentrum, vil kommunen starte opp regulering av det området med formål sentrum. Det er ikkje starta opp regulering i nærområdet til planområdet.

3 Plangrense Planområdet er avgrensa av vegformål og gang- og sykkelveg. Regulering av tilkomst til planområdet kan medføre mindre justeringar av plangrensa inn i vegformål. Vegløysing Kommunen har signalisert at det ikkje kan påreknast avkøyrsle frå Løkevegen. Avkøyrsler må skje frå Pettervegen og eller Pevegen. Trafikk til bustad og forretning bør skiljast. Mjuk ferdsel Det må sikrast god tilrettelegging for mjuke trafikantar til og i planområdet. Det bør regulerast fortau langs Pettervegen, og det må vurderast fortau langs Pevegen til regulert gang- og sykkelveg i gjeldande plan i nordre del av Pevegen. Rekkjefølgjekrav om opparbeiding av desse må vurderast før ny/delar av ny bygningsmasse får bruksløyve/ferdigattest. Frå ungdomsskulen er det stor trafikk til Øysenteret, denne strekninga må vere trygg å ferdast på for mjuke trafikantar. VA I samband med omregulering må det utarbeidast forprosjekt for teknisk infrastruktur (VA, veg). Forprosjekt skal vere klart før planen blir lagt ut til offentleg ettersyn. Rår til tidelg kontakt med VA-kontoret for avklaring. Utnytting/byggjehøgde Det vart i førehandsmøte signalisert at det bør vere høg utnytting i planområdet, sidan området ligg sentralt til. Utnytting vart ikkje talfesta. For byggjehøgde er det synt til framlegg til retningsline til arealdelen, med inntil 5 etasjar. Høgare bygg enn 8 m gesims og 9 m møne må brytast/trappast for å ikkje gje eit massivt inntrykk. Det vert rådd til jamleg dialog med kommunen om utnytting og byggjehøgde. Barn og unge Tilhøva for barn og unge skal vurderast i samband med regulering. Det blir synt til barnetrakkregistrering og leikeplassnorm. Med regulering til bustadar vert det krav om areal til og opparbeiding av leikeplassar, leikeplassnorma vil vere dimensjonerande. Avhengig av kor mange bueiningar det vil bli i planområdet, må det vurderast kvartalsleikeplass i området. Det bør setjast av areal til park/møteplass, tilrettelagt på tvers av generasjonar. Leikeplassar må også leggjast til rette som møteplass uavhengig av alder. Biloppstilling Det blir rådd til å nytte areal til biloppstillingsplassar i samsvar med framlegg til føresegner for arealdelen. Det bør setjast av minst 5 % biloppstillingsplassane til HC-parkering, desse må plasserast nærast mogleg inngangspartiet til offentlege funksjonar. Det er sterkt ønskeleg at mest mogleg av biloppstillingsplassar blir lagt under grunnen for å frigjere areal på bakkenivå til andre formål. Universell utforming/tilgjenge etter TEK17 Uteområde og bygningar som er tilgjengelege for ålmenta skal vere universelt utforma. Størst mogleg del av bustadane skal ha hovudfunksjonane på inngangsplanet. Kollektiv

4 Busstrase går i Pettervegen. Det må leggjast til rette for god tilkomst til haldeplass og eventuelt regulere inn haldeplass på nordsida av Pettervegen. Det blir rådd til å ta kontakt med fylkeskommunen/bussoperatør for å sjå på moglege løysingar. Avhengig av tilbakemelding kan det bli aktuelt å justere plangrensa. Estetikk Det må gjerast vurderingar og leggje føringar i høve estetikk i plandokumenta/føresegn. Kommunen ønskjer at det vert høg kvalitet på ny bygg i dette området. Renovasjon For ei utbygging i dette området må det leggjast til rette for felles, skjulte renovasjonsløysingar. I dag er det returpunkt i sørvestleg hjørne av planområdet. Areal til returpunkt må vidareførast, men ny lokalisering må vurderast i samråd med ÅRIM/kommunen. Levande fasade Fasade 1. etasje mot Pettervegen og Pevegen er ønskeleg skal vere levande med vindauge, utsmykking eller liknande. Utbyggingsavtale Det må vurderast utbyggingsavtale med kommunen om overtaking av teknisk infrastruktur. Utarbeiding av utbyggingsavtale kan skje parallelt med planarbeidet. Medverknad Det må leggjast opp til medverknad utover plan- og bygningslova, det bør leggjast opp til dialogmøter med naboar til planområdet og kommunen. Detaljhandel Valderhaugstranda har i dag status som kommunesentrum, og har då ikkje restriksjonar på areal til detaljhandel. I samband med rullering av arealdelen er det framlegg om å flytte kommunesentrumet til Sætra, noko som vil medføre restriksjonar på detaljhandel i og ved planområdet. I framlegg til føresegner til arealdelen er det sett maks 3700 m² til detaljhandel for Valderhaugstranda. På grunn av stor usikkerheit om areal til detaljhandel på Valderhaugstranda, blir det rådd til at arealdelen må vere vedteken før detaljplan Øysenteret kan leggjast ut til offentleg ettersyn. Eigedom Giske kommune er grunneigar innanfor planområdet, om kommunen er med i utvikling av området eller avhendar eigedomen er ikkje avklart. Servituttar (råderett over annan manns eigedom) Dersom nokon har eller veit om servituttar innanfor planområdet må det kome frå i samband med høyring av oppstart av planarbeid. I varsel om oppstart bør det takast inn setning; Dersom det er tinglyste rettar som kan kome i konflikt med planen, må det sendast inn merknad om dette innan høyringsfrista, jamfør referat førehandskonferanse. Konsekvensutgreiing Etter forskrift om konsekvensutredninger for planar etter plan - og bygningslova skal reguleringsplanar vurderast etter denne for å avklare om planen skal handsamast etter

5 forskrifta. I forskrifta er det tre som planen skal vurderast etter: 2. Planar og tiltak som alltid skal handsamast etter forskrifta 3. Planar og tiltak som skal vurderast nærare 4. Vesentleg verknad for miljø og samfunn Framlegg til planområde har i kommuneplanen sin arealdel føremål erverv. Det er regulert til bustad, forretning og kontor. I føresegnene til arealdelen er gjeldande plan for området; Sentrumsområdet, sett til å gjelde framføre arealdelen. Framlegg til regulering vil vere i tråd med dette. Etter 2 andre avsnitt blir ikkje krav om KU vurdering for reguleringsplanar gjort gjeldande sidan det blir lagt opp til å regulere i samsvar med gjeldande plan. Konsekvensar på grunn av reguleringa må utgreiast i planomtalen. Etter 3 andre avsnitt gjeld ikkje krav om KU vurdering når reguleringsplanen er i samsvar med overordna plan/gjeldand regulering. Etter 4 vurderer rådmannen at planen ikkje vil få vesentleg verknad for miljø og samfunn med regulering til bustad, forretning, kontor, offentleg eller privat tenesteyting og småskala næringsverksemd. Etter samla vurdering av gjennomgang av forskrift om konsekvensutredning blir det frå Plankontoret vurdert at det ikkje vert krav om konsekvensutgreiing for planarbeidet for detaljplan Øysenteret. Dette blir grunngjeve med: - Planen er i hovudsak tråd med gjeldande arealdel og gjeldane regulering - Planen vil i hovudsak vere i tråd med framlegg til ny arealbruk for området - Planen vil ikkje gje vesentleg negative verknadar for miljø eller samfunn Med vurderingane over, referat frå førehandskonferanse og vedlagte illustrasjonar vurderer rådmannen at det ligg til rette for å starte opp planarbeid i dette området.