SÆRUTSKRIFT AV MØTEBOK

Transkript

1 SENTRALADMINISTRASJONEN Postadresse: Klepp kommune Postboks Kleppe SÆRUTSKRIFT AV MØTEBOK Behandla i: Møtedato: Sak nr: Hovudutval for lokal utvikling /18 Saksbehandlar: Peter Willmann Arkiv: L12 Arkivsak: 17/ OMRÅDEPLAN FOR JÆRVEGEN SENTRUM - SØR PLANID gongs behandling Saka gjeld Figur 1: Plankart E-post: postmottak@klepp.kommune.no Sentralbord: Organisasjonsnummer: Barna vår framtid

2 Hovudutval for lokal utvikling vedtok i møte den sak 21/17 at administrasjonen skal setje i gong områdeplanlegging for Jærvegen sentrum - sør. Kort om bakgrunn for planarbeidet utdrag frå sak 21/17 1. Fleire private tiltakshavar har varsla byggjeplanar inntil Jærvegen. Bustadprosjekt mellom «Trelasten» og Prestevegen, fremja i detaljregulering for «Området ved Kleppheimen» i desember Kleppe bedehus vil utvide. Tuevegen A/S har planar om utvikling av eigedomar sør for «Gjenbruken». Breidablikk Investering AS har hand om utvikling gnr. 1/ Klepp kommune jobbar kontinuerleg for å fremje sykling og gåing, trafikktryggleik og førebygging av flaumskader. Kommunen har behov for å sikre areal til desse tiltak gjennom reguleringsplan. Flaumsikring av Kleppe sentrum. Hovudplan avlaup skal fremjast til politisk behandling hausten Arbeid med hovudsykkelruta Bryne Sandnes langs Jærvegen. Sykkeltrafikk langs hovudruta skal på sikt separerast mellom gåande og syklande. Dette blir standard i alle reguleringsplanar framover. Først ute var områdereguleringa for Nyland, nord for Kleppe sentrum. Trafikksikringstiltak ved «Klepp Bistro». Rådmannen har valt å ikkje ta dette prosjektet med i denne reguleringsplanen og handtere det for seg. 3. Kommunen skal jobbe for å få eit levande sentrum. Når gater er avgrensa med støyskjermar er det lite interessant å vere i det offentlege rom. Difor blei det sett opp følgjande mål for planarbeidet: Å arbeide for eit levande sentrum utan støyskjermar. Administrasjonen har engasjert Sinus A/S for å ta støymålingar. Første resultat kan bli presentert i utvalsmøtet 28. august. Det er eit mål å kome med konkrete tiltak som erstatning for «vanlege» støyskjermar fram til 2. gongs behandling. Saksframlegget frå 2017 har ein del illustrasjonar. Det kan difor vere nyttig å lese gjennom saka frå våren 2017 for meir bakgrunn for denne områdeplanen. Saksframlegget finn du i vedlegga. KRAV SETT I OVERORDNA PLANAR Regionalplan for Jæren , vedteken av fylkestinget I regionalplanen ligg det forventningar om høg arealutnytting nært Kleppe sentrum. Regionalplanen dannar grunnlag for at hovudsykkelnettet følger langs Jærvegen. Kommuneplanen sin arealdel for perioden Kommunedelplanen viser same innhald som gjeldande sentrumsplan vedteken i Kommunedelplan for Kleppe sentrum vedteken 2017 Sentrumsplanen viser tomta for «Rema 1000» som kombinert byggjeområde (delområde 9a), forretning/bustad, området «Gjenbruken til Klepp bedehus mellom Jærvegen og Torgvegen som bustadområde (delområde 11a) og tomta til Klepp bedehus som off.-/privat tenesteyting (delområde 11 b) Det er krav om regulering av heile kvartal før utbygging kan ta til. For kart og fleire detaljar viser vi til vedlagt planomtale. Gjeldande regulering Innanfor planområdet gjeld ulike eldre planar frå 80-tallet. Nokre bustadtomter sør for «Gjenbruken» blei regulert i Krav om ny regulering i sentrumsplanen gjer at ingen av desse eldre reguleringsplanar kan danne grunnlag for byggjesaksbehandling. Dei gjeldande planar er omtalt i planomtalen. Vi har lagt vekt på å omtale kva avvik/inngrep som ligg i ny områderegulering 2

3 i forhold til gjeldane regulering. Konsekvensane av ny plan som denne har for grunneigarane skal kome tydeleg fram, m.a. gjennom som skisser på foto frå dei aktuelle områda. Avklaring i høve til forskrift om konsekvensutgreiing Klepp kommune har som ansvarleg planmyndigheit vurdert at planarbeidet ikkje kjem inn under «Forskrift om konsekvensutredninger». Utbyggingsavtale Kommune har valt områdeplan som planform for å følgje opp sentrumsplanen. Planen er mest konkret når det gjeld offentlege tiltak i Jærvegen, etablering av flaumleidning og separering av gang- og sykkeltrafikk. Slike overordna tiltak har ingen direkte samanheng med eller er ein føresetnad for nye utbyggingsprosjekt. Etablering av den store flaumvassleidninga krev inngrep i private tomter langs Jærvegen. Då er det naturleg å forhandle om grunn kor kommunen skal sikre seg retten til å utføre arbeid og der det er aktuelt at private framleis kan nytte noko areal inntil leidninga etter at denne er lagt. Tomta til «Rema 1000», Klepp bedehus og eit mindre bustadområde utanfor sentrumsplangrense mellom bedehuset og Fredheimvegen blir detaljregulert i same plan. For dei 2 siste område kan det bli aktuelt med utbyggingsavtale for opparbeiding/oppgradering av underordna vegnett og VA anlegg. Det blir då i samsvar med plan- og bygningsloven 17-4 forhandlingar om utbyggingsavtalar når utforming av planen er tilstrekkeleg avklart etter høyringa. PLANPROSESS OG MEDVERKNAD Varsel om oppstart av planarbeid Oppstart av planarbeid er varsla i Jærbladet og i brev til grunneigarar, naboar og høyringsinstansar datert Varsel om oppstart er og publisert på kommunen sine nettsider. Fristen for merknader vart sett til Det har kome inn 12 merknader til varsel om oppstart. I tillegg har Arkitektkontoret JOB levert plandata for utvikling av gnr. 1. bnr. 102 til tre bustadtomter. Alternativet ville ha vore ein fortetting på 1/102 i samsvar med fortettingsrettleiaren. Dette ville resultert i bare to bueiningar. Merknadane til varsel om oppstart er referert og kommentert lengst bak i vedlagt planomtale. Rådmannen har under utarbeiding av planen sommaren 2018 teke individuelt kontakt med ei mest berørte partane i planområdet for å informere om konsekvensane av planforslaget. OMTALE AV PLANFORSLAG Plan- og bygningslova slår fast at eit forslag til reguleringsplan består av tre element: Plankart, bestemmelsar og planomtale. Sidan det står ein del grunnleggjande informasjon i planomtale, kan det vere ein fordel å lese gjennom vedlagte planomtale før ein les vidare i saksutgreiinga. Kva behovet er det for denne områdeplanen for søre del av Jærvegen? Evalueringsrapporten for parallelloppdraget peikar på, under overskrifta : «Kva må til for å lukkast?», at kommunen må ta grep og vere i forkant for å kunne påverke utviklinga slik at Kleppe sentrum er ein stad der folk ønskjer å opphalde seg. Dette skal områdeplanen gi svar på Vi skal kort liste opp prosjekta og andre tema som dannar grunnlaget for ein områdeplanen for Jærvegen sentrum sør. Bustadprosjekt langs Jærvegen Område ved Kleppheimen: Planar for bustader på området ved Kleppheimen er under behandling men det er framleis usikkert om planarbeidet vil føre fram. Gode forhold for gåande og syklande på austsida av Jærvegen må sikrast uavhengig av dette private initiativet. 3

4 Tuevegen A/S har over fleire år kjøpt opp eigedomar på vestsida av Jærvegen. Dei har utvikla ulike prosjekt på eigedomane sidan Innsendt materiell viser at det viktig å avklare rammene for utbygging nå, m.a. sikring av naudsynt areal for framføring av flaumvassleidninga mellom Kleppestemmen og Kvernbekken. Figur 2: Illustrasjonen viser Tuevegen A/S sitt forprosjekt frå Prosjektet er basert på knappe byggjegrenser mot Jærvegen som ikkje gir rom for korkje flaumleidning eller sykkelveg. Kleppe bedehus skal utvide Kleppe bedehus skal utvide sørover med nytt inngangsparti ut mot Jærvegen. Planløysinga tek opp innspela frå parallelloppdraget om at Jærvegen kan bli til «Jærgata» og det blir naturleg å vende bygget ut mot gata, ikkje mot parkeringsplassen slik det har vore til nå. Figur 3: Forprosjektet til Klepp bedehus tok ikkje omsyn til separering av gåande frå syklande langs hovudsykkelvegen Jærvegen. Områdeplan gir føringar for at Klepp bedehus kan tilpasse inngangspartiet i god tid før byggjestart. Bedehuset sine utbyggingsplanar er avhengig av at traseen for flaumleidninga er endeleg avklart før byggjeløyve kan gis. Auka storleik på bedehuset fører til meir trafikk til og frå eigedom. Dette bør føre til ein oppgradering av Fredheimsvegen med eige fortau. 4

5 Figur 4: Illustrasjon av ulike tiltak i Fredheimsvegen og køyrevegen til Klepp bedehus. Flaumsikring av Kleppe sentrum Ein 1600 mm flaumvassleidning frå Kleppestemmen til Kvernbekken er eit høgt priortert tiltak som er planlagt skal gjennomførast om få år. Flaumvassleidninga skal liggje langs austsida av Jærvegen, 3-5 m under terreng. Etablering av leidningen må skje utanfor vegbanen fordi Jærvegen alltid må vere køyrbar, sidan fv. 44 gjennom Kleppetunellen kan bli stengt. Statens vegvesen godtek ikkje etablering av bygningar nærare enn 15 m frå senter veg. Etableringa av flaumleidningar reduserer dermed ikkje høve til å setje opp bygningar på eigedomane aust for Jærvegen. Planen medfører likevel inngrep i private eigedomar. Det er viktig å få fram «blå-grøne» strukturar i arealplanar og sikre nødvendig areal til ein tilstrekkeleg brei anleggsone allereie nå. Deler av anleggsonen er midlertidig og kan førast tilbake til eigedomane. Arbeid med hovudsykkelruta Bryne Sandnes langs Jærvegen Regionalplanen og kommunedelplan for Kleppe sentrum viser at hovudsykkelruta går langs Jærvegen. Langs hovudsykkelrutene skal gåande og syklande separerast. Figur 6: Figuren viser foreslått løysing på vestsida (bilete til venstre) og austsida av Jærvegen (bilete til høgre). Det er då viktig at kommunen tidsnok sikrar areal til separering av gåande og syklande langs Jærvegen, før tilgrensande detaljreguleringar blir godkjent. Arbeide for eit levande sentrum utan støyskjermar Skal det vere attraktivt å gå i sentrum må du kunne observere og oppleve noko anna enn bilar som passerer på grå asfalt. Vi må finne alternativ til å ta bilen, og ulempene med trafikkstøy, dominere utforminga av tettstadene våre. Det er starta arbeid med å måle trafikkstøyen og administrasjonen 5

6 skal fram mot 2. gongs behandling kome med forslag til lokale tiltak som kan erstatte desse høge støyskjermar som stenger publikum ute av bustadområda våre. Figur 7: Støyskjerm langs vestsida av Jærvegen ved «Trelasten». VURDERING AV PLANFORSLAGET Dette planforslaget er først og fremst eihttps://sm-prod.services.evry.com/servicedesk/ess.do?lang=no konkretisering av føringar gitt i sentrumsplanen. Kommunestyret slutta seg til ein evalueringsrapport frå parallelloppdraget som anbefaler å sjå på det offentlege rom mellom dei ulike delområda i planen. I motsetnad til andre delområde for sentrumsplanen kor ein stor tiltakshavar har interesse og økonomi til å setje i gong utvikling av eit heilt kvartal (døme: Skulehagen), er det mange grunneigarar med ulike interesser og tidsperspektiv aust for Jærvegen. Når det ikkje ligg føre konkrete og realiserbare utbyggingsprosjekt, vil det vere krevjande å låse ein detaljert utbygging med fordeling av felles uteområde, oppheving av eigedomsgrenser og fastlagte byggjelinjer. Basert på dette viser planforslaget bare infrastruktur (vegar, område for flaumleidning m.m.) i detalj. For byggjeområde 10a («Gjenbruken» til Klepp bedehus) mellom Torgvegen og Jærvegen er det sett krav om eigen detaljregulering før området kan byggjast ut. Planforslaget dannar likevel eit viktig grunnlag for vidare utvikling, m.a. sikrar planen anleggsonen for flaumleidningen som må ta beslag på privat eigedom fordi leidningen ligg så djupt. Arealet for leilegheitsbygget med «Rema 1000» med tilhøyrande privat uteområde samt eit mindre bustadområde sør for Klepp bedehus blir detaljregulert. Rema 1000 er ferdig utbygd. Der det føreligg konkrete utbyggingsplanar blir områda detaljregulert. Detaljregulering sør for bedehuset sikrar at det blir tre bustader på ein eksisterande einebustad. Ei «vanleg» fortetting etter fortettingsrettleiaren hadde resultert i bare to bueiningar. Også eigedomen til Klepp bedehus blir detaljert slik at planen gir grunnlag for å behandle byggjesaka. Vil ein slik plan svare til forventningane til dei private grunneigarane i og nær planområdet? Områdeplanen vil ikkje opna for direkte byggjesaksbehandling mellom «Rema 1000» og Klepp bedehus. I planomtalen har vi gått nøye gjennom innsendte merknader. Etter rådmannen sitt syn vil avklaring av byggjegrensa mot Jærvegen samt det nye gateprofilet med fortau langs Torgvegen gi forutsigbare rammer for vidare detaljering framover. Det vil ikkje lenger vere tvil om kor nært Jærvegen Statens vegvesen vil kunne godkjenne nye bygg. 6

7 Grad av utnytting Forventningane til utnytting i sentrale område på Kleppe ligg i både regionalplanen og kommuneplan/sentrumsplan. Rådmannen meiner at det har lite for seg å fastsetje eit minimum/maksimum for både talet på bueiningar eller maksimalt byggjehøgd så lenge det er krav til eigen detaljregulering før utbygging nord for Klepp bedehus kan ta til. Bukvalitet Bukvalitet er m.a. avhengig av gode solforhold. Når fasadar og uteopphaldsareal med fordel bør leggjast mot vest for å få med seg kveldssola, vil det automatisk blir konflikt mellom støyskjerming som normalt kaster skugge og ønskje om mest mogleg sol og utsyn frå bustaden/uteopphaldsarealet. Kleppe sentrum er ikkje bare for dei som bur der. Støyskjermar som stenger bygningane ute frå gaterommet er lite inspirerande å gå og opphalde seg i. Vi skal fram mot 2. gongs behandling jobbe meir med korleis vi kan redusere behovet for klassiske støyskjermar for å auke trivselen. Vegtrafikk og vegtrafikkstøy Vegtrafikken er tema i planomtalen. Støyrapport er under arbeid og orientering om dette vil skje i utvalsmøtet. Rapporten vil følgje dokumenta til offentleg ettersyn. Parkering bil og sykkel Parkeringsdekninga for bil og sykkel for dei delar av planen som er detaljer slik at kommunen kan behandle byggjesaka, er i samsvar med bestemmelsane i kommunedelplanen. Krav til sykkelparkering har ikkje tilbakeverkande kraft for leilegheitene over «Rema 1000» som allereie er oppført. Klima- og miljøpåverknad, energibruk, berekraft Planen legg opp til at utbygging med det største fortettingspotensialet krev eigen detaljregulering. Det er difor lite konkret å kommentere til desse tema i denne saka. Mjuke trafikantar Separering av gåande frå syklande langs Jærvegen er ein klar fordel for mjuke trafikantar. Konsekvensar for barn og unge Tiltak for å betre vilkår for mjuke trafikantar er alltid ein fordel for barn og unge som ikkje køyrer bil. Bu- og oppvekstmiljø Alle tiltak for å auke trivsel i det offentlege rom bidrar til at det kan bli like gode bu- og oppvekstvilkår langs Jærvegen som elles på Kleppe. Fysisk aktivitet Planforslaget skal byggje opp under at det blir like naturleg å gå eller sykle som å ta bilen. 7

8 Grønstruktur Sentrumsplanen viser viktige grønstrukturar frå sentrum mot viktige friområde som Kleppevarden og Kleppeloen. Det er vist ein aust-vest gåande grønstruktur som skal koble ein framtidig utbygging av «Partner tre» mot Kleppe stadion i nord og den grøne aksen opp mot kyrkja i vest. Sentrumsplanen viser ein grønstruktur/turvegtrasé sørover mot friområdet i Kleppestemmen frå Kleppe torg langs Torgvegen og langs «baksida» til Klepp bedehus. Inspirert av arkitektforslaga i parallelloppdraget om å gjere vegar (Jær- «vegen») om til gater, skal Jærvegen ta over rolla som det grøne bindeleddet mellom Kleppe torg og Kleppestemmen. Eige fortau for gåande samt utvikling av rabatten langs vegen skal markere Jærvegen som del av grønstrukturen. Figur 8: Utklipp av sentrumsplanen. Grønstrukturen langs Torgvegen og bak bedehuset til høgre. Forslag til ny grønstruktur langs Jærvegen til venstre i kartet. Sol- og skuggetilhøve Sol og skuggetilhøve i Jærvegen blir, i alle fall på ettermiddag/kveld bestemt av busetnaden på vestsida av gata. Det er gode soltilhøve ved Klepp bedehus fordi utbygging på Trelasten bare er på 2-3 etasjar. Forslag om bustadblokker på «område ved Kleppheimen» med inntil 5 etasjar skuggelegger området ved «Gjenbruken» og rett sør på ettermiddagen store deler av året. Vindtilhøve Jærvegen ligg i nord-sør retning og gaterommet kan vanskeleg skjermast mot nordavinden. Skal vi lukkast med å få til mindre rom (benker m.m.) for opphald i gatemiljøet må lokal skjerming mot støy og inkludere skjerming mot vind. Vurdering etter naturmangfoldloven 8-12: Heile planområdet er tidlegare utbygd med gater, bustader og tilhøyrande hagar. Kommunen har gjennomført nødvendige vurderingar etter naturmangfoldloven Det er ikkje registrert prioriterte naturtypar innanfor planområdet. Kommunen vurderer det slik at tiltaket ikkje medfører risiko for vesentleg skade på naturmangfaldet. Tiltaket vil etter kommunen si vurdering ikkje auke den samla belastninga av økosystemet. Det er dermed ikkje aktuelt med avbøtande tiltak. Aktiv og trygg, Romleg og robust, Bruk og berekraft Gode uterom, meir grønt, tilrettelegging for gåing og sykling, redusert trafikkstøy, alt dette støtter opp om dei tri verdiar som all verksemd i Klepp kommune skal jobbe mot. Risiko- og sårbarhetsvurdering Det er gjort ei risiko- og sårbarhetsvurdering for planområdet, denne ligg ved saka. Konsekvensar for barnehage- og skulekapasitet Etablering av den nye barneskulen ved Kleppeloen løyser eventuelle kapasitetsproblem i barneskulen. Vardheia ungdomsskule i lag med Time kommune avlastar Klepp ungdomsskule. Jærvegen er viktig oppsamlingsveg for skulebarna mot Kleppe skule. Planen gir betre kår for gåande og syklande. 8

9 Konsekvensar for kommunen og utbyggingsavtale Etablering av flaumvassleidning langs Jærvegen mellom Kleppestemmen og Kvernbekken er eit prioritert tiltak i hovudplan avlaup og vil bli foreslått innarbeida i økonomiplanen. Planbestemmelsane omtalar rekkefølgekrav for tiltak for gåande og syklande. Konklusjon Rådmannen fremmer med dette områderegulering for Jærvegen sentrum - sør med tilhøyrande bestemmelsar og planomtale, alle datert Vedlegg: Plankart, datert Planbestemmelsar blir ettersendt Planomtale med innkomne merknader, datert ROS-analyse blir ettersendt Støyrapport frå Sinus A/S blir omtalt i utvalsmøtet og så lagt til høyringsdokumenta Utskrift av møtebok oppfølging av parallelloppdrag oppstart av områdeplan Innstilling: Rådmannen sitt forslag til vedtak: Hovudutval for lokal utvikling vedtek i samsvar med plan- og bygningslova å leggja forslag til områderegulering for Jærvegen sentrum - sør med tilhøyrande bestemmelsar og planomtale, alle datert , ut til offentleg ettersyn. Hovudutval for lokal utvikling den sak 66/18 Samrøystes VEDTAK: Hovudutval for lokal utvikling vedtek i samsvar med plan- og bygningslova å leggja forslag til områderegulering for Jærvegen sentrum - sør med tilhøyrande bestemmelsar og planomtale, alle datert , ut til offentleg ettersyn. Rett utskrift, Karin Sandve Vereide møtesekr. Mottakere: Tenesteområde lokal utvikling 9