Sak nr. 3 i SOL s årsmøte Årsmelding for Sveio Orienteringslag

Transkript

1 Årsmelding for Sveio Orienteringslag

2 Årsmøtet i 2013 Valde desse til å leia laget: Styret: Thomas Førde, leiar for 1 år Kristian S. Førde, kasserar ikkje på val i år Hjalmar Lokna, styremedlem for 2 år Kjetil Fiskå, styremedlem ikkje på val Astrid Førsund, styremedlem for 2 år Geir Milford, varamedlem for 1 år Hjørdis Kallevik, varamedlem for 1 år Kjetil Fiskå blei vald til nestleiar. Turorienteringsutvalet: Thomas Førde, leiar for 1 år Kristina Enerstvedt for 1 år Astrid Førsund ikkje på val Leif Grutle for 2 år Karl-Inge Instefjord ikkje på val Øystein Opedal for 2 år Anne Lise Skjerping for 2 år Revisor: Jostein R. Ottesen for 1 år Valkomite: Egil Lokna og Unn Rognerud Utsendingar til årsmøtet i Førde Samfunnshus: Karl Inge Instefjord 2

3 Vara: Hjalmar Lokna Etter årsmøtet gjorde styret suppleringsval av utsendingar til årsmøtet i Førde Samfunnshus. Som utsending nr. 2 blei vald Astrid Førsund med Thomas Førde som vararep. Utsendingar til årsmøte i Sveio Idrettsråd: Øystein Opedal Thomas Førde Utsendingar til årsmøte i Rogaland O-krets: Kjetil Fiskå Thomas Førde Kjetil Fiskå representerte Sveio O-lag under kretstinget i Rogaland O-krets. Øystein Opedal og Thomas Førde representerte laget under årsmøtet i Sveio Idrettsråd. Karl Inge Instefjord deltok i årsmøtet til Førde Samfunnshus. Medlemstalet i Sveio O-lag var pr : 76 betalande medlemmer Kartarbeid Det store nye løftet på kart-fronten har vore arbeidet med det nye o-kartet over Ryvardenmarka. Kartet var ferdig våren Sveio O-lag sette bort arbeidet med konstruksjon, synfaring og reinteikning til Ørjan Ravndal. Han leigde inn Rambøll til konstruksjon av grunnlagskartet og leigde med seg den røynde kartmannen Gunnar Gytri til store delar av synfarings- og teiknearbeidet. Kartet dekker eit areal over 8,5 kvadratkilometer og har til nå kosta oss kr På inntektssida har med skaffa oss kr Det aller meste har kome frå Sveio kommune si forskotering av spelemidlar. Etter at rekneskapet for heile kartprosjektet er levert til kommune/fylke, kan me rekna med ei restutbetaling på ca kr På utgiftstsida er det kostnader kopiering/trykking av kartet som vil melda seg for kvar gong det blir nytta til eit arrangement. I tillegg til det innleigde arbeidet med kartet, har to av laget sine medlemmer Kjetil Fiskå og Thomas Førde til saman lagt ned hundrevis av timar til etterkontroll av synfaringa og reinteikninga av kartet. Terrenget blei saumfart på kryss og tvers fleire gonger for å få med eit mest mogeleg korrekt bilete av detaljar og formasjonar i terrenget. Dette arbeidet gjekk vinteren, våren og sommaren parallelt med arbeidet som måtte til for å laga løyper til DM Vest, som me arrangerte i slutten av august. DM Vest representerte samtidig den vellukka og storslegne innviinga av vårt hittil største, flottaste og dyraste anlegg, kartet over Ryvarden-marka. 3

4 Det som står att i tillegg til sluttrekneskap og sluttoppgjer i høve til spelemidlar, er søknad om refusjon av moms på reinteikning og synfaring. Søknadsfristen er 1. mai. Her kan me og ha litt pengar til gode. Dessutan bør me vurdera om Ryvarden-kartet kan trykkast i ein papirversjon som kan seljast til interesserte, som turkart. Det kan til dømes skje med litt kulturhistorie på baksida og eventuelt med sponsorannonser som kunne dekka trykkekostnadene. Særs ope og dels lettløpt men o-teknisk krevjande terreng i Ryvarden-marka. Her er blikket vendt sørvestover retning Ryvarden fyr. Det som skapar uvisse rundt framtidig bruk av terrenget, som kartet dekker, er planar om bygging av fleire gigantiske vindmøller i Ryvarden-marka. Blir desse planane realiserte er ikkje dagens kart særleg mykje verdt. Men kartet gir inntil vidare eit flott grunnlag for allsidig bruk til turorientering, instruksjon og konkurransar. DM Vest 2013 Med nytt flott o-kart var grunnlaget på plass til markering av dette med eit stort og krevjande arrangement. Sveio O-lag blei tildelt den formidable oppgåva å arrangera Vestlandsmeisterskapet 24. og 25. august, individuelt og stafett. Me arrangerte Vestlandsmeisterskapet i 2004 då Auklandshamn-o-kart var nytt. Men den gongen tok me berre på oss å arrangera den individuelle delen av meisterskapet. Å arrangera meisterskap i stafettorientering i tillegg til individuelt meisterskap var dermed nytt for oss. Som omtalt i avsnittet om kartarbeid blei det gjort eit omfattande og grundig feltarbeid med å korrigera kart og førebu løypelegging. Dette skjedde i godt samarbeid med kartteiknarane og med viktige korrektiv og bidrag frå dei to oppnemnte kontrollørane for DM Vest, Jonny Huse og Anne Kari Vikingstad. 4

5 Då arrangementet nærma seg blei mange gode dugnadskrefter mobilsert til førebuing av arena, tilkomst og parkering. Det blei arrangert dugnad med anleggsarbeid fleire helgar før arrangementet. Me fekk heldigvis etablert godt samarbeid med grunneigarar og brukarar av området. Under sjølve arrangementet var rundt 40 frivillige engasjerte som funksjonærar på ulike område. Organisering av parkering og kioskdrift kravde stor innsats i dette området i tillegg til sjølve stemneavviklinga. Men kommentarar som me har motteke undervegs og i etterkant vitnar om ei særs vellukka o- helg på Vandaskog og i Ryvarden-marka. «Sveio O-lag står fram som ein stor-klubb, som kan ta på seg og gjennomføra eit slikt arrangement». «Dette var det beste Vestlands-meisterskapet som er blitt arrangert på mange år». Desse to utsegnene var mellom tilbakemeldingane me som arrangørar mottok frå deltakarar og lagleiarar straks etter at stemnet var gjennomført. Nær 300 deltakarar såg ut til å stortrivast på ein idyllisk samlingsplass i strålande varmt fint ver i jomfruelege, ope, krevjande men raskt o-terreng med nytt kart i handa. 5

6 Nær-o-løp Tysdag 27. august arrangerte Sveio O-lag nær-o-løp for Nord Rogaland frå same arena på Vandaskog, som me hadde nytta til DM Vest. Me kunne dermed og dra vekslar på postar som me hadde nytta under meisterskapshelga. Om lag 40 deltakarar stilte til start i ein fin sommarkveld. Bedrifts-o-løp Same kart og terreng og til dels nokre av dei same postane som blei nytta under DM Vest kunne dessutan takast i bruk i løypene under eit bedrifts-o-løp torsdag 12. september. Kjetil Fiskå hadde ansvaret for gjennomføringa av dette arrangementet. Deltaking i konkurransar Førebuing og gjennomføring av DM Vest tok svært store ressursar frå våre aktive i 2013 slik at det blei heller sparsamt med deltaking i ulike konkurransar i distriktet denne sesongen. Men det blei likevel lagsmedlemmer som deltok i KM mellomdistanse og i KM sprint som HIL arrangerte i juni. Dessutan har me hatt jamn deltaking i nær- o-løp og treningsløp i regionen. Turorientering I 2013-sesongen kunne me mellom anna tilby tur-o-postar nord for Festninga på Tittelsnes. Litt lenger sør kunne deltakarane parkera bilen ved starten av ein bratt skogsveg og derifrå gå ein flott tur opp i høgda nær Einstabøvoll. Det låg dessutan nokre postar i låglandet mellom Einstabøvoll og Valevåg. Ved Førde og sørover til Joavatn og Liervatn var denne sesongen sette ut 15 postar, som kunne nåast med start frå Ålfjordvegen og Liervegen eller frå skogsvegen, som startar tvers overfor Førde skule. I marka sør for Auklandshamn blei laga tre høvelege turar. Den lengste turen kunne startast frå Vestvik eller frå Auklandshamn skule. I begge tilfelle kom ein inn på stien som går sørover i retning Emberlandsnipen. Tre postar kunne nåast ved å starta frå Granlund samfunnshus. Den tredje klynga med turpostar i dette området låg ved Slettafjellet og kunne nåast ved å starta på stien som er merka på kartet frå nord. Nytt tilbod i år var postar langs turvegen frå Mølstrevåg og vestover i retning Ryvarden fyr. Bilen kunne parkerast ved Mølstrevåg. Derifrå kunne ein nytta turveg skilta i retning Ryvarden og ta seg inn i eit ope turterreng i spennande kystlandskap. Start og slutt: Startskotet for årets tur-o-sesong gjekk søndag 24. mars. Alle dei 50 postane var merka med sirkel på kartet. Alle desse 50 postane stod ute og klar til å ta imot besøk utan pause heilt fram til 27. oktober. Postkasse og premie: To postkassar var sette ut på to av dei 50 postane. Her er det høve til å skriva namnet sitt i ei bok og vera med på trekning av premiar. 6

7 Kaffipost blei halden ved Festninga på Tittelsnes søndag 8. september. Då blei det servert kaffi, saft og kaker ute i naturen. Om lag 50 tur-o-folk stakk innom og kjøpte kaker, saft eller kaffi. Mot slutten av opningstida, som var mellom kl. 12 og kl 15, blei det trekt ut tre premiar blant deltakarane. Vinnarane blei: Karl Inge Instefjord, Malin Møllerhaug og Bjørn Møllerhaug. Foto-orientering: Gjennom heile sesongen kunne hadde Sveio O-lag tilbod om Fotoorientering i Førde og i Sveio sentrum. Dette har vore eit populært tiltak. Svært mange sende inn svar på rebusoppgåva frå postane. Alle dei innsendte svara var med i trekkinga om premiar ved sesongslutt. Kulturminnepostar: Ved einskilde av tur-o-postane blei det sett opp info-tavler om aktuelle kulturminne på staden. Desse tekstane frå oppslagstavlene låg også på O-laget sine heimesider. Tur-o på nett: Heile tur-o-tilbodet til Sveio O-lag har gjennom sesongen vore presentert på Norges Orienteringsforbund sine nettsider Her kunne kvart enkelt kart med innteikna postar lastast ned og skrivast ut. På nettsidene kan også våre tur-odeltakarar registrera seg og leggja inn sine besøk på dei ulike postane. For denne tilrettelegginga blei laget premiert med kr frå NOF. Sal og marknadsføring: Salet av Tur-o-konvoluttar blei i 2013 rekordhøgt. Samla sal av den store familiekonvolutten var132, stk..! Samla sal og distribusjon til skular av Barnas tur-o/nærtrim-konvolutten blei 55. Totalt har me dermed selt/distribuert 187 konvoluttar denne sesongen. Fantastisk kjekt og inspirerande! Utsalsstadene våre denne sesongen var Haukås bensinstasjon, Servicetorget i Sveio kommunehus og hos Førde dagligvare. I tillegg blei det selt mange konvoluttar direkte til bedrifter. 7

8 Sterk innsats frå medlemmer i tur-o-utvalet når det gjeld sal av sponsorannonsar er dessutan ein viktig del av både marknadsføring og økonomiarbeidet i tur-o-tiltaket vårt. I tillegg har me annonsert tilbodet i Vestavind og i Haugesunds Avis. Her har me og hatt god hjelp frå bedrifter som har sponsa oss. Men den aller beste marknadsføringa av tur-o-tilbodet er når medlemmer, tillitsvalde og brukarar framsnakkar tilbodet vårt. Dertil er godt førebudd og godt gjennomførte arrangement den aller beste reklame. For at laget skal kunne lukkast med dette er me heilt avhengig av ihuga tillitsvade som stiller opp på dugnad. Her ha me lukkast svært godt i året som gjekk. Nærtrim/Barnas Tur-o 20 postar i Barnas Tur-o/Nærtrim vart i 2013 meir etterspurt enn i noko tidlegare år. Dei 20 postane i denne tur-o-pakka var fordelte med like mange (5 stk) på fire ulike område. Festninga ved Tittelsens, i Drangsvågen ved Førde, i Slettene ved Auklandshamn og langs turstiar sørover frå Fjellstad ved Sveio sentrum. Alle desse områda er idylliske og lett tilgjengeleg tur- og opplevingsområde som eignar seg for heile familien. Finn Fram-dagen med populær maskott Mange av barna som deltok i Finn Fram dagen ved Ryvarden kulturfyr blei godvenner med årets gjestande maskott, Trygve Trygg. Fantastisk sommarver søndag 16. juni med ein himmel over Ryvarden fyr som tevla med havet om å tiltrekkja seg mest venleik og merksemd. I denne sjeldne flotte ramma kom ein jamn straum av turgåarar vestover mot Ryvarden kulturfyr. Straks før turfolket kom fram til fyret blei dei møtte av maskotten Trygve Trygg saman med fleire representantar frå Sveio O-lag. Mange av dei yngste deltakarane ville svært gjerne helsa på Trygve Trygg. Men nokre av dei aller yngste viste likevel ein viss skepsis til den utkledde og ukjende. Rundløype med servering Alle turgåarane fekk tilbod om å prøva seg i ei rundløype med innlagte postar som hadde o- 8

9 tekniske oppgåver. Langs Finn Fram-løypa var og aktivitetspostar og lett servering. Mellom Aktivitetane var skyting med luftgever og sprintløype med tidtaking. Her kunne gamle og unge få testa sprintforma. O-laget sine tidtakarbrikker blei nytta til å måla kven som var raskast rundt løypa. Etterpå kunne deltakarane kjøpa Ørevik 4H sine nygrilla villmarkspølser og Sveio O-lag sine kaker med kaffi eller saft attåt. Premiar Alle som leverte inn rett svar på oppgåvene frå den o-tekniske prøvinga i Finn Fram-løypa, blei med i trekninga om kjekke premiar. Her vann Sigurd Kalkvik, Adrian Grinde og Sebastian Worum Andersen dei tre oppsette premiane. I loddtrekkinga blant deltakarane i sprintløypa vann Håvard Valen Lie premie. Alle som let seg registrera som besøkjande ved Sveio O-lag sin Kaffipost blei og med i trekking om ein premie. Her vann Luna Meland. Turorientering mot nye høgder. Årsfesten Jubilantar og plakettvinnarar etter årets turorientering i Sveio Orienteringslag: Frå venstre: Inge Berglund, Roald Johannessen, Hjørdis Kallevik, Gerhard Kallevik, Harald Selsås og Oddbjørn Valen. Årsfesten etter endt tur-o-sesong blei halden i Førde samfunnshus torsdag 21. november. Om lag 50 deltok i årsavslutninga. Under årsavslutninga vart det delt ut meir enn hundre fortenestefulle merke, premiar og plakettar for innsatsen i året som gjekk. Fire trufast turorienterarar blei tildelt den høgste utmerkinga, plaketten for å ha oppnådd gullmerket i 20 sesongar. Dei velfortente plakettvinnarane var Hjørdis og Gerhard Kallevik saman med Frøydis og Oddbjørn Valen. Kvar av desse fire vinnarane har besøkt meir enn 1000 tur-o-postar rundt i det varierte terrenget i Sveio i løpet av dei siste 20 åra. Astrid Førsund, Inge Berglund, Kristina Enerstvedt og Harald Selsås fekk alle gullplakett for å ha oppnådd gullmerke i 15 sesongar. 9

10 Over 100 merkevinnarar Meir enn 70 deltakarar innan den tradisjonelle familieturorienteringa blei under årsfesten til Sveio O-lag tildelt merke ved sesongslutt. Ekstra gledeleg er det at rekrutteringstilbodet, Nærtrim/Barnas turorientering med 20 postar ute i terrenget, er blitt særs godt motteke. Langt over 30 deltakarar gjorde seg fortent til merke ved sesongslutt i denne greina. Foto-orientering Under årsavslutninga blei det trekt ut tre premievinnarar blant deltakarane i Foto-orientering: Vinnarane blei: Mia Orvedal, David Lubek og Natalia Hansen. Deltakarpremien, som blei trekt blant alle deltakarane i årets turorientering, gjekk til Benjamin Blytt. To postar har vore utstyrte med kvar si postkasse med innlagt bok der deltakarane kan skriva namnet sitt for å kunne bli med i trekking av premie ved sesongslutt. Vinnarane blei: Karsten Vikshåland og Lilly Krunenes. Merkevinnarar 2013 (Lista ligg på heimsida: Stor oppslutnad frå dei unge i årets turorientering. Her er nokre av årets merke- og premievinnarar: I bakre rekke frå venstre: Emma King Johannessen, Johan Vandaskog Blytt, Endre Hetlesæter, Inghild Valen Lie og Eivind Valen Lie. I fremste rekke frå venstre: Eskild Spilde, Sofie Hansen og Trym Spilde. Andre arrangement 10

11 Sveio O-lag hadde stand under årets Førde-dagar ved Førde samfunnshus søndag 22. september. Dei unge stod tidvis i kø for å testa sprinteigenskapane sine i den vesle rundløypa med speedorientering. Det gjekk bokstavleg tala sport i å oppnå bestetida. Det såg ut til bli minst like viktig å slå si eiga bestetid gjennom gjentatte forsøk med tidtakarbrikke i hand rundt til dei sju ulike postane. Beste tida som vart oppnådd var sju sekundar. Det var til slutt fleire som tangerte denne rekordnoteringa for dagen. Det viste seg fort at dei som sprang rundt på raskare tider ikkje fekk til skikkeleg registrering på alle postane. Etter avslutta konkurranse blei det trekt ut tre premiar blant deltakarane. Desse vann premie: Kristoffer Wick, Mathilde Økland og Mathilde Aronsen. Sveio O-lag hjelpte dessutan til med tilrettelegging av o-løp for speidarane under deira kretsleir på Lier for Ryvarden-krets. Utstyr Løpsdrakter blei produserte av Trimtex i 2010 etter vårt design og blei selde til medlemmene for kr. 300 (for vaksne ) og kr. 200 for medlemmer under 17 år. Me har framleis nokre drakter på lager. Overtrekkdressar: Det ligg også nokre overtrekksdressar på lager etter fornyinga i T-skjorter: I samband med at SOL arrangerte DM Vest og at me tok i bruk nytt kart markerte me desse storhendingane gjennom å spandera på oss nye T-skjorter med påtrykt klubblogo. T- skjortene blei tatt i bruk til alle funksjonærane under DM-Vest. Me har mange igjen på lager ettersom me kjøpte 100. stk. Telt: Det første tunnel-teltet blei kjøpt inn i Sverige i Røynslene med denne typen telt er gode. Me har difor kjøpt inn eit liknande telt, denne gongen i gult med påtrykt klubbnamnet vårt. Dette innkjøpet er i første rekke gjort med tanke på gjennomføringa av eigne arrangement. Teltet blei mellom anna nytta då SOL arrangerte Vestlandsmeisterskapet på Vandaskog og under Finn Fram dagen ved Ryvarden. Klubbfana: For første gong skaffa klubben seg lagsfane eller klubbflag i Dette flaget i grønt med Sveio O-lags logo på pluss klubbnamn og teksten: Me gjere det i skogen, blei produsert hos eit svensk firma. Flaget er blitt nytta under eigne arrangement og når løparar frå klubben deltar i o-løp i inn- eller utland. 11

12 Premie-/gavekrus med klubblogo og namn: Me har i lengre tid drøfta trongen for gåveartiklar og premiar med klubblogoen på. I 2010 blei det laga eit nytt krus med påtrykt klubblogo, klubben sitt namn og teksten: Me gjere det i skogen. Me har investert i eit rikeleg lager av slike som me i fleire år kan spreia med glede til dei som fortener det. Storparten av desse premiane blei delte ut under to-dagars DM Vest på Vandaskog. Skulebrikker: Til elektronisk tidtaking i enkle stemne utan bruk av PC har SOL nå to klassesett med ekt-brikker. Konkurransebrikker: SOL disponerar ca 20 EKT-brikker. Me supplerte med 10 nye brikker i Fingerkompass: Klassesett med enkle fingerkompass fekk me frå Gildefondet. Vanlege kompass: Eit klassesett Kart: Ryvarden-marka 1: m ekv. Ferdig 2013 Tittelsnes Festningen 1: Årstal ferdig 2009/10 Valestrand skule 1: /10 Einstadbøvoll 1: /10 Einstadbøvoll 2 1: /10 Auklandshamn 1: Auklandshamn skule 1: Slettene 1: Førde 1: Førde nærkart 1: Førde nærkart 1: Førde Prestabryggjo 1: Lier 1: Førde skulekart 1: Auklandshamn skulekart 1: Valestrand 1: Kart/løypeteikningsprogrammet: OCAD 11 Følgjande postutstyr er på lager i klubben si eiga: ( Laget monaleg omfattande investeringar i postutstyr til DM Vest) Ca 100 postskjermar i bra stand. 12

13 Dertil hadde laget ved årsskiftet EKT postutstyr til alle postar med kodenr. frå og med 100 til og med 176. I tillegg har åtte startpostar (Null-postar) og dobbelt sett av postane 100, 110, 120 og 130., pluss post nr. 97. Tidtakarutstyr: MTR2 med printer og pc-kabel, MTR3 med EPR-3(printer) og pc-kabel 2x MTR4 med 1 EPR-3(printer) og pc-kabel(usb) 250-avlesar og USB-avlesar. Lisens til tidtakarprogrammet E-timing Sveio O-lag på nettet Kristian S. Førde har utvikla og vedlikeheld laget sine nettsider. Her prøver me å leggja ut aktuell informasjon rundt ulike arrangement og hendingar. Me har sikra oss server-plass, som opnar mulegheiter for frodig bruk av bilde og for resultatlister frå eigne arrangement og frå andre arrangement somme har deltakarar i, blir lagt ut på heimesidene våre. Nett-ansvarleg Kristian. Han er og IKT-ansvarleg under laget sine arrangement. 13