TAU BÅTFORENING ÅRSMØTE

Transkript

1 TAU BÅTFORENING ÅRSMØTE 17. mars 2011

2 TAU BÅTFORENING ÅRSMØTE 2011 Torsdag 17. mars kl 1900 i Brugsløa. Saker: 1. Godkjenning av innkalling 2. Val av møteleiar 3. Val av to til å skriva under protokollen 4. Årsmelding frå styret 5. Rekneskap 6. Revisjon av vedtekter 7. Val av formann 8. Val av nestleiar 9. Val av sekretær 10. Val av styremedlem 11. Val av varamenn 12. Val av valkomite 13. Årsavgifter 14. Innkomne forslag Forslag som medlemer vil ta opp på årsmøtet må vera skriftlege og mottatt av styret seinast 10. mars. Årsmeldinga vert lagt ut i klubbhuset ca 1. mars 2011.

3 TAU BÅTFORENING - ÅRSMELDING FOR 2010 Styret har hatt desse medlemene Leiar: Svein Langvik Nestleiar: Bernt Magne Mæhle Sekretær: Karl Jøssang Kasserar: Gunnar Fatland Hamnesjef: Per Nordbø Styremedlem: Per Heng Styremedlem: Morten Torgersen Varamedlem: Arild Melberg Varamedlem: Frode Thorsnes Valkomite: Roar Kleven og Reimund Fiskå Revisor: Arvid Tjøstheim Tilsynsmenn for bryggjene Bryggje A og molokai nord: Henning Johannesen Bryggje B: Ola Gard Bryggje C: Tor Arne Tungland Bryggje D: Ottar Kleven Bryggje E: Sigurd Godø Bryggje F: Bjarne Mæland Bryggje G og molokai sør: Jarle Johannesen Ytre molo sør: Paul Berland Medlemstal og båtplassar Båtforeningen har 414 medlemer og 337 båtplassar. Aktivitet i 2010 Styret har hatt 7 styremøte og handsama 48 saker. Vedtekter Styret utnemnde eit utval til å sjå på vedtekter og reglement for båtforeningen. Utvalet hadde desse medlemene: Jakob Langvik, Per Nordbø og Gunnar Fatland. Formålet med arbeidet var å få meir presise vedtekter og ein meir logisk struktur på styrande dokument. Utvalet har lagt ned mykje arbeid og kome med forslag til nye vedtekter og hamnereglement. Styret vil leggja forslaget til vedtekter fram for årsmøtet, mens hamnereglementet er styret sitt ansvar. Endringar i vedtektene må leggjast ut på førehand og det må vera 2/3 fleirtal på årsmøtet for å få dei vedtatt. Økonomi Båtforeningen har framleis ein sunn økonomi, men overskotet minkar og dette må etter kvart kompenserast med å auka inntektene. Resultatet i 2009 var på kr , mens i 2010 vart dette redusert til Ekstaordinær nedbetaling av lånet til flytebryggjene (kr ) saman med ordinær nedbetaling har redusert lånegjelda til kr i Dette er gjort for å gje båtforeningen høve til fornying av flytebryggjene utan ekstra tilskot frå medlemene. Rekneskap for 2010 er vedlagt, men på grunn av fristen for trykking er ikkje rekneskapet formelt godkjent av styret. Godkjent rekneskap og revisorberetning vil bli lagt fram på årsmøtet.

4 Driftleiar På årsmøtet i 2010 vart det vedteke å tilsetja driftsleiar. Styret har inngått kontrakt med Idse Vaktmesterservice om leige av ein person til denne jobben. Kontrakten gjeld ut 2011 og deretter for eitt år om gongen med mindre den vert oppsagd av ein av partane. Det er ei fleksibel ordning som vert tilpassa arbeidsmengda, men med eit maksimum på 50% stilling. Frode Rag har hatt vore i teneste frå juli 2010, har vist interesse og innsikt i arbeidet og kome greit inn i miljøet. Styret er nøgd med denne ordninga, me får betre tilsyn og vedlikehald av anlegget og etter kvart bør me også få betre utnytting av hamnekapasiteten. Me slepp også arbeidsgjevaransvar og den administrasjonen som fylgjer med å ha eigne tilsette. Ferdigstilte prosjekt Alle planlagde prosjekt for 2010 er gjennomførte. Løftemaskineriet på båtkranen er skifta og det er bygd nytt tak over maskineriet der det står parkert. Det gamle hadde gjort teneste i ca 30 år og det var totalt sett betre å kjøpa nytt enn å overhala det gamle. Kostnaden for dette var ca kr Kapasiteten på det nye maskineriet er på 8 tonn mot 6,3 tonn på det gamle. Stålkonstruksjonen tåler ikkje meir enn 6,3 tonn og overlastsikringa er derfor innstilt på denne verdien. For å nytta kapasiteten fullt ut må løftebjelken og ramma forsterkast samstundes som bjelken bør løftast og den ytre A ramma utvidast. På sørsida av moloen er det støypt kant mot molofyllinga, det står att å flytta rekkverket og litt utfylling mot betongmuren. Oppgradering av det elektriske anlegget i nordre hamn er stort sett ferdig, heile hamna er nå bygd om til 400V og me har fått eit moderne anlegg av god kvalitet. For overvakingsanlegget er det montert fiberoptisk kabel og systemet er betre, men det bør byggjast ut litt meir. Det er blindfelt og ein treng minst eit kamera til for å få full dekning. Film frå anlegget har elles hjelpt politiet til å oppklara innbrot i båtar i løpet av året. Det blir gode bilder også i mørke. I servicebygget er det lagt nytt golvbelegg og tak og vegger er pussa opp. Gjestehamna Det vart registrert 497 overnattingar i 2010 mot 401 året før. Dette er ein auke på 24%. Det vart ikkje levert rundstykke og avis til gjestebåtane som tidlegare. SMAK som leverte varene vart lagd ned, ein av sponsorane trekte seg og fleire var lite entusiastiske. Styret gjekk derfor ikkje vidare med saka. Planar for 2011 Rekkverk på sørsida av moloen skal flyttast og etter utfylling og asfaltering kan ein merka opp parkeringsplassane. Oppgradering av båtkranen med sterkare kranbjelke og utvida A-ramme mot sjøen. På same tid bør kranbjelken løftast ca 2 m. Sivilingeniør S K Langeland AS har har utført eit forprosjekt på dette arbeidet. Avklara alle formalitetar for utleggjing av ei betongbryggje frå det nordaustre neset på Saholmen. Finna ei løysing på transporten av båtar frå nordre opplagsområde over moloen til sørsida slik at ein får nytta opplagsplassane på sørsida. Styret vil takka medlemene for innsatsen i 2010 og ynskja alle ein god båtsesong i STYRET

5

6

7

8

9

10

11

12

13

14

15 ANNONSE BÅTFØRAR Tau skule treng båtførar til undervisningsturar med småbåt. Dette er eit friviljug arbeid som Tau Båtforening vil prøva å hjelpa til med. Har du fri på dagtid og kan ta ein eller fleire slike turar så meld frå til styret i båtforeningen. Me vil prøva å få sett opp ei liste med skipperar som ein kan kontakta når det er behov. Du bør ha minst båtførarbevis og ein del erfaring i å føra småbåt. Lang erfaring kan kompensera for formell kompetanse. Tau båtforening