Side 1 SAMLA SAKSFRAMSTILLING Arkivsak: 11/1482-5834/12 Saksbeh.: Arkivkode: Saksnr.: Utval Møtedato 30/12 Formannskap/ plan og økonomi 29.03.2012 Astrid Rongen PLAN soneinndeling SAMLA SAK - OPPSTART ARBEID MED OMRÅDEREGULERINGSPLAN FOR FLEISCHERS HOTELL, VANGEN VEST,P-ID 2011016 Administrasjonen si innstilling: 1 Med heimel i plan og bygningslova 12-2 vedtek FPL oppstart av privat områdeplan for Fleischers hotell, Vangen Vest, med tilhøyrande planprogram etter 12-9. P-ID 2011016 2 Vedtak om oppstart skal kunngjerast og varslast i samsvar med krava i plan og bygningslova 12-8 Formannskap/ plan og økonomi den 29.03.2012 sak 30/12 Behandling i møte: Administrasjonen si innstilling vart samrøystes vedteken. Vedtak: 1 Med heimel i plan og bygningslova 12-2 vedtek FPL oppstart av privat områdeplan for Fleischers hotell, Vangen Vest, med tilhøyrande planprogram etter 12-9. P-ID 2011016 2 Vedtak om oppstart skal kunngjerast og varslast i samsvar med krava i plan og bygningslova 12-8 Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * ligg ved og vert lagt ut under kunngjeringar på kommunen si heimeside 1) * Forslag til planprogram datert 23.01.2012 2) Referat frå oppstartsmøtet den 17.10.2011 3. SAMANDRAG AV SAKA: Saka gjeld vedtak om oppstart av privat områdereguleringsplan for Fleischers hotell- Vangen vest med tilhøyrande planprogram. Føremålet med planen er å leggja til rette for vidareutvikling og utbygging av hotellverksemda til Fleischers hotell, omlegging av dagens vegtrase, E16, framfor hotellet, alternativ plassering av nedre stasjon for ny svevebane til Hanguren og evt innandørs badeanlegg. I planarbeidet tek ein sikte på ei god samordning med prosjektet frå veg til gate, områdeplanane for strandsona og Voss kollektivknutepunkt. Forslagsstillar har som mål at dette planarbeidet
Side 2 saman med tilgrensande planar skal vera med på å løfta Voss sentrum frå å vera eit sentrum for bilar til å vera eit sentrum for menneske. 4. FAKTA OM SAKA: Bakgrunn Fleischers hotell har i lengre tid vore i dialog med kommunen i høve til planarbeidet for Voss knutepunkt og planar for ny svevebane til Hanguren. P.g.a. ønska framdrift for planarbeidet med Voss kollektivknutepunkt, har kommunen oppmoda Fleischers hotell om å fremja eigen plan for sine interesser. På oppstartsmøte vart ein samde om at det bør utarbeidast ein privat områdereguleringsplan med tilhøyrande planprogram. Planen skal utarbeidast i nært samarbeid med kommunen og Statens vegvesen der ein ser Voss knutepunkt, næring, strandsone, grøntområde, eksisterande bustadar og vegløysing i samanheng. Ein områdereguleringsplan skal i utgangspunktet vera ein offentleg plan og kommunen har såleis ikkje heimel til å kreva gebyr for planarbeidet. Konsulent for planarbeidet er Plan Vest. Planområdet Bustadar Fleischer s Hotel Voss stasjon Vangstunnelen (Framtidig) Avisa Hordaland Fleischer s Hotel Voss kulturhus (nytt bygg) Figur 1: flyfoto over planområdet som viser noko av dagens bruk Planområdet er å om lag 84 daa.
Side 3 Fleischer s Hotel vart oppført i 1889 i sveitserstil og er eit viktig signalbygg og ein del av Vossevangen sin identitet. Hotellet ligg med utsikt mot Vangsvatnet nær jernbanestasjonen og den nye kulturhuset med kino, bibliotek, kulturskule og vaksenopplæring. Planområdet ligg på begge sider av E16, som er ein del av stamvegen mellom Vestlandet og Austlandet. E16 har ein ÅDT på om lag 7000 gjennom planområdet. Når Vangstunnelen står ferdig, reknar ein med at gjennomgangstrafikken og tungtrafikken vert vesentleg reduserast. Vegtraseen gjennom planområdet inngår i prosjektet «frå veg til gate» som er ein plan for opprusting av gatenettet som vert avlasta når Vangstunnelen vert tatt i bruk. Planområdet ligg like ved Voss togstasjon. Det pågår planarbeid for utvikling av området som eit moderne kollektivknutepunkt med terminal for bussar og taxi. Kollektivdekninga er dermed særs god i dette området. Det er difor viktig at det vert etablert eit godt, sikkert og tenleg gangsystem til kollektivtransport. Tilkomst til inngangspartiet til Fleischer s Hotel sin hovudbygning er ikkje løyst på ein god måte i dag. Forslagsstillar ynskjer å finna fram til betre løysingar gjennom planarbeidet. Å trekkje Europavegen framfor Hotelet noko lengre sør, samt leggje til rette for ei avkøyring med plass til å hente og bringe gjestar og andre brukarar av Hotelet, kan vera ei mogeleg løysing. Planstatus Gjeldande planar 1) Kommuneplan for Voss 2011-2022. 2) Vangstunnelen, Vegtrase E16, Stamveg forbi Voss P-ID 01006, 3) Svartnakken Aust: Området sør for E16 er avsett til forretningsføremål kongresshall og bensinstasjon
Side 4 Pågåande planarbeid: 1)Voss Knutepunkt P-ID 2011002 Planen foreslår utvikling av Voss stasjon som eit moderne kollektivknutepunkt med bussterminal, taxi, park & ride, innfartsparkering, nytt stasjonshotell og bustadar med tilhøyrande parkering. Planen har vore til 1. gongs handsaming. Planforslaget har ikkje innarbeidd Fleischer Hotell sine ynskje om vegtrase og tilkomst til Fleischers hotell. Det er lagt til rette for at dette kan avklarast i denne områdeplanen.
Side 5 2) Strandsoneplane P-ID 2010010. ( Deler av området overlappar kvarandre) Strandsoneplanen har som hovudmål å fastleggja ny utfyllingsline for tunnelmassar frå Vangstunnelen og sikra ein offentleg gangveg langsmed vatnet frå prestegardsmoen til Vandrarheimen samt offentleg bruk av strandsona. 3) Ny svevebane til Hanguren P-ID 2011005 (privat planframlegg Voss Resort AS). Ligg utanfor planområdet. Førehandskonferanse er helde, men planforslag ikkje motteke. Planforslaget vil ha nedre endestasjon i kollektivknutepunktet på Voss stasjon. 4) Frå veg til gate. Er eit prosjekt for opprusting av trafikkavlasta gater i sentrum når Vangstunnelen står ferdig. Planavgrensing
Side 6 Deler av området overlappar planområdet for Strandsoneplanen. Endeleg avgrensing skal avklarast i planprosessen. Standsona skal i begge planar vurderast nøye i høve til næring/reiseliv, grøntområde, eksisterande bustader og veg-/gangløysingar. Mål for planarbeidet Forslagsstillar ynskjer å leggja til rette for vidare utbygging og utvikling av hotellverksemda til Fleischer s. I vest ynskjer ein å rive dei eksisterande motellbygga og føra opp nye motellbygg med høgare utnytting. Forslaget er i tråd med det pågåande strandsonearbeidet og området elles. Vidare ynskjer ein å leggja om vegen framfor hotellet og leggja til rette for alternativ plassering av ny svevebane til Hanguren. Forslagsstillar ser mogelegheitene som ligg i samspel med det nye kulturhuset som ein viktig møteplass og ynskjer å kopla aktivitetane i strandsona saman med aktivitetane på fjellet og å styrkje kontakten inn mot sentrum.
Side 7 Planprogram Det er utarbeidd eit planprogram i samråd med administrasjonen i kommunen (sjå trykt vedlegg 1) Planprogrammet omtalar planområdet, problemstillingar og tema som skal utgreiast i planprosessen. Det er ved oppstart ikkje stilt krav om utarbeiding av konsekvensutgreiing. Eventuelt krav om dette må avklarast i høyringsfasen. Planprogrammet skal leggjast ut til offentleg ettersyn saman med kunngjering av oppstart. Planprogrammet skal vedtakast før planen vert lagt fram for 1. gongs handsaming i formannskapet plan og økonomiutvalet. 5. ADMINISTRASJONEN SI VURDERING: Planarbeidet er i samsvar med kommuneplanen sin arealdel. Kommunen ser positivt på at planprosessen for denne delen av Vangen kjem i gang no på privat initiativ og at ein såleis i større grad kan sjå dei tre store planane, Strandsoneplanen,Voss knutepunkt og Fleischers hotell (Vangen vest ) i ein samanheng. Ved melding om oppstart er det vist ei planavgrensing som overlappar strandsoneplanen og områdeplan for Voss knutepunkt. Dette er gjort fordi desse to planane truleg vert vedtekne før Fleischer sin plan vert lagt fram. Det vert då naudsynt med eit arbeidsområde for å kople planane saman på ein best mogleg måtte. Dette gjeld knutepunktet. Med omsyn til strandsoneplanen, er det viktig at næringsarealet i strandsoneplanen vert samordna med evt næringsområde i Fleischer-planen. Strandsoneplanen sin fyllingsgrense er føresett å liggja fast. Endeleg planavgrensing vert avklara undervegs i planprosessen. Planprogrammet er utarbeidd på bakgrunn av oppstartsmøtet og inneheld kva problemstillingar og tema som skal utgreiast fram til 1.gongs handsaming i FPL.
Side 8 Planen skal utarbeidast i nært samarbeid med Voss kommune og Statens vegvesen ( prosjektet Frå veg til gate ) Administrasjonen rår til at det vert helde ei offentleg informasjonsmøte i samband med melding oppstart. Forslagsstillar bør før dette, utarbeida ein framdriftsplan og organisasjonsplan for planarbeidet i samarbeid med administrasjonen. Administrasjonen foreslår at det vert helde minst 2 møte før planprogrammet vert lagt fram for vedtak og at planprogram og planforslag vert sendt administrasjonen til gjennomsyn før forslagsstillar sender inn endeleg forslag. Administrasjonen rår til at temaet parkering vert utdjupa nærare i planomtalen, og at det fram til første gongs handsaming vert utarbeidd innspel til rolledelinga mellom parkering i dette planområdet og i dei tilgrensande områda. Fleischer ynskjer å leggja inn ei alternativ plassering til ny trase for Hangursbanen. Her vil administrasjonen peika på at dette har vore drøfta i planprosessen for Voss knutepunkt, der ein kom fram til at den ideelle plasseringa av svevebanen ville vera ei lokalisering i knutepunktet, noko som også er eigarane av dagens Hangursbane sitt ynskje. Avisa Hordaland L/L har i brev til Voss kommune 20.02.2012 gitt klart uttrykk for at dei ikkje har planar om å flytta frå Svartnakken og at badeanlegg ikkje kan lokaliserast der dei held til i dag. Administrasjonen har fått tilbakemeldingar på at dette planområdet bør heita Fleischers hotell og ikkje Vangen vest då det siste har vore eit samlenamn på eit større planarbeid som vart sett i gang tidlegare. Som eit kompromiss foreslår vi derfor at planen no får namnet Fleischers hotell- Vangen vest.