Nasjonale prøver Lesing på norsk 8. trinn Eksempeloppgåve Nynorsk
Ei gruppe elevar gjennomførte eit prosjekt om energibruk og miljøpåverknad. Som ei avslutning på prosjektet skulle dei skrive lesarbrev til ei avis. Her kan du lese kva tre av elevane skreiv. Bruk lesarbreva når du svarer på spørsmåla som kjem etterpå. ENERGIBRUK OG MILJØPÅVERKNAD Vi må utnytte dei energikjeldene vi har. Etter mi meining er heile gasskraftdebatten unødvendig. Byggjer vi gasskraftverk, får vi god utnytting av energikjeldene og meir og etter alt å dømme billigare straum. I tillegg vil også fleire gasskraftverk her i Noreg gi oss fleire arbeidsplassar. Eg meiner også at komfort og velvære må gå føre naturen. Kven vil ha snø og kulde når dei kan få sol og varme? Det er jo ein grunn til at vi dreg til Syden. Hanne Hei, du som ikkje er politikar, ikkje er leiar for ein naturvernorganisasjon og ikkje er miljøvernminister. Hei, du som lever eit liv som alle andre, som let lys og varme stå på unødvendig, som let bilen gå på tomgang, som tenkjer økonomisk framfor økologisk. Hei, du som ber ein snev av dårleg samvit ved at du køyrer bil til jobben i staden for å ta buss, tog, trikk eller sykkel. Hei, du som er klar over at dotter di, son din skal puste den lufta du formar. Hei, du som veit at det kvar einskild person medverkar til, er ei viktig brikke i eit vanskeleg spel. Hei du! Begynn å handle i samsvar med meiningane dine! Marius Er du klar over kva drivhuseffekten gjer med jorda vår? At det skjer ei klimaendring som kan få store konsekvensar? Temperaturen stig. Isen rundt polane smeltar, og dermed vil havet stige. Økosystem blir truga, og millionar av menneske mister heimane sine. Kanskje akkurat du er ein av dei? Du vil vel heller ikkje ha kortare og mildare vintrar? Er du klar over at akkurat du er med på å vidareføre drivhuseffekten? Dagleg blir det sleppt ut drivhusgassar. Kanskje akkurat du burde gjere noko med dette? Petter
Spørsmål 1 Kva er formålet med desse lesarbreva? A B C D å forklare kva for energiformer vi har å uttrykkje ei meining om energiforbruk å vise kor stor interesse det er for å bruke mindre energi å fortelje folk kor mykje energiforbruket kostar samfunnet Spørsmål 2 Hanne har eit anna syn på energibruk og miljøpåverknad enn dei to andre. Kva er den viktigaste skilnaden mellom synspunkta til Hanne og dei to andre? Spørsmål 3 Vi kan snakke om kva som står i eit brev (innhaldet). Vi kan snakke om måten eit brev er skrive på (forma eller stilen). Uavhengig av kva for eit brev du er samd i, kva for ein av dei tre brevskrivarane synest du skreiv det beste brevet? Forklar svaret ditt ved å vise til måten dette brevet er skrive på. Spørsmål 4 Marius og Petter har same synet på energibruk og miljøpåverknad, men dei bruker ulike argument. Kva er den viktigaste skilnaden på innhaldet i argumenta dei bruker? A Marius byrjar alle setningane med Hei du!, det gjer ikkje Petter. B Petter bruker mykje vanskelegare ord og vendingar enn Marius. C Marius bruker fleire døme frå dagleglivet enn det Petter gjer. D Marius er imot privatbilisme, mens Petter er for.
Dette diagrammet er henta frå ei undersøking om lesevanar. Bruk det når du svarer på spørsmåla som kjem etterpå. Lesevanar blant norske 10.-klassingar i 2003 og i 2004 Diagrammet nedanfor viser kor stor prosentdel av alle 10.-klassingane i Oslo som opplyste at dei las ulike typar lesestoff fleire gonger i veka. Diagrammet viser resultata fordelte på kjønn. Talet over kvar søyle viser nøyaktig prosentdel. 70 60 Jenter2003 Gutar2003 Jenter2004 Gutar2004 66 61 63 55 55 53 53 50 Prosent 40 30 20 10 38 36 26 22 32 32 14 16 21 19 19 16 15 16 10 11 42 0 Vekeblad Teikneseriar Skjønnlitteratur Fag- og hobbybøker E-post og Internett Avis er Spørsmål 1 Kva slags lesestoff las jentene minst av kvar veke i 2004? A Vekeblad B Teikneseriar C Skjønnlitteratur D Fag- og hobbybøker
Spørsmål 2 I tabellen nedanfor er det fire utsegner. Kvar utsegn er anten rett eller gale i forhold til innhaldet i diagrammet. Set ein ring rundt "Rett" eller "Gale" for kvar av utsegnene. Utsegn Teikneseriar blei lest av ein like stor prosentdel gutar i 2003 som i 2004. Både jenter og gutar las oftare fag- og hobbybøker enn aviser begge åra. Alle typar lesestoff har ein større prosentdel lesarar kvar veke blant jentene enn blant gutane i 2004. Vekeblad og skjønnlitteratur er meir populært blant jenter enn blant gutar. Spørsmål 3 Kva for to typar lesestoff viser størst kjønnsskilnader både i 2003 og i 2004? A Vekeblad og teikneseriar B E-post/Internett og aviser C Fag/hobbybøker og skjønnlitteratur D Aviser og vekeblad Spørsmål 4 Kva type lesestoff har auka mest frå 2003 til 2004 for begge kjønn? A Vekeblad B Teikneseriar C E-post og Internett D Aviser Spørsmål 5 Sjå på det du svarte på spørsmål 4. Kva trur du er grunnen til denne auken? Spørsmål 6 Kva for lesestoff har hatt ein liten nedgang i prosentdel lesarar av begge kjønn frå 2003 til 2004? A Vekeblad B Teikneseriar C E-post og Internett D Aviser
Kolstadgata 1 Postboks 2924 Tøyen 0608 OSLO Telefon 23 30 12 00 Telefaks 23 30 12 99 www.utdanningsdirektoratet.no