SAKSFRAMLEGG Sakshandsamar: Karin Leirdal Arkiv: 143 F6 Arkivsaksnr.: 12/75 Luster kommune - ruspolitisk handlingsplan 2012-15 Rådmannen si tilråding: Kommunestyret vedtek Rusmiddelpolitisk handlingsplan for 2012 2015 etter innarbeiding av rådmannen sine merknader til høyringsinnspela, jf. saksutgreiinga.
Saksutgreiing: Prenta vedlegg: Til formannskapet: Ruspolitisk handlingsplan, høyringsdokumentet. Til kommunestyret: Ruspolitisk handlingsplan, dat. 16.05.12. Her er endringar omtalt i saksutgreiinga innarbeidde i plandokumentet. Uprenta vedlegg; 1. Rådet for funksjonshemma skriv dat. 14.05.1 2. Ungdommen sitt kommunestyre skriv dat. 08.05.12. 3. Eldrerådet skriv dat. 07.05.12. 4. Helsestasjonen - (elektronisk) 5. A/L Parken, Gaupne. Skriv dat. 10.05.12. Samandrag: Utkast til ruspolitisk handlingsplan vart lagd fram for Formannskapet i møte den 18. april d.å., og dei vedtok å leggja planen ut til offentleg ettersyn, med frist for merknader den 9. mai. Etter kunngjering og utsending av brev til dei ulike instansane, har det kome inn 5 merknader. Merknadane er oppsummerte i saka og rådmann tilrår at planen vert godkjent slik han ligg føre. Utval som har vedtaksmynde: Kommunestyret Fakta. Arbeidsgruppa for utarbeiding av nytt framlegg til Ruspolitisk handlingsplan la fram utkast til planen i møte i Formannskapet den 18. april d.å. Forslag til endringar i det nye utkastet for 2012 2015 er m.a. Avgrensa skjenketider i Parken Det er frå politiet si side ynskje om å avgrensa skjenketider i Parken, slik at skjenkinga blir avslutta minst ½ time før bussane går frå staden. Det vil gi mindre overstadig rusa personar og mindre problem for sjåførane og andre som skal halde orden rundt arrangementa Avgrensa løyve til søknad om enkeltarrangement i offentlege samfunns- og ungdomshus. Politiet har i tillegg ei utfordring, og såleis ynskje om endring vedkommande løyve til skjenking for enkelte anledningar i offentlege samfunns- og ungdomshus, dvs. lokale som til vanleg er ålment tilgjengeleg for det offentlege. Politiet vil føreslå at det ved slike søknader berre skal gjevast skjenkeløyve til verksemder som har generelt løyve frå før og som ligg under kommunen sitt sanksjonsreglement. Dermed vil tal skjenkeaktørar i kommunen bli avgrensa og alkoholbruken i rom som ålmenta ferdast i, vil vere underlagt den kontroll som løyvesystemet medfører (derunder internkontroll, jf. Forskriftene for sal og skjenking av alkohol, kapittel 8). Dette vil likevel ikkje gjelda for ambulerande løyve og løyve til private selskap i slutta lag. Då kan det gjevast skjenkeløyve til ansvarleg person, sjølv om denne ikkje driv eiga verksemd og har løyve frå før. Endringar/tillegg i punkt 2.4.2 side 14 Ingen løyve: Nytt kulepunkt : Skular og barnehagar Endring i kulepunkt Kommunale bygg: Rådmannen kan i spesielle høve gjere unntak frå dette og gi løyve i kommunale samfunnssalar. Desse endringane var innarbeidde i framlegget Planforslaget har lege ute til offentleg ettersyn, og det er kome inn 5 merknader. Innspel / Vurdering.
1. Rådet for funksjonshemma skriv dat. 14.05.12. Rådet er i hovudsak nøgd med innhaldet i planen, den førebyggjande innsatsen, og arbeidet som vert gjort for å løysa opp problem som følgje av rusmisbruk.planen syner at det vert gjort eit omfattande arbeid av mange ulike aktørar. Luster kommune tykkjest å ha eit omfattande og samanhengande sett av verkemiddel i sitt arbeid. Rådet vil peika på nokre utfordringar som ein meinar er særs viktig i dette arbeidet: Bustad: Planen peikar på at kommunen skal hjelpa innbyggjarar som sjølv har vanskar med å skaffa seg bustad. Dette gjeld ma. personar som på grunn av rusmisbruk ikkje sjølv greier å skaffa seg, eller behalda ein bustad. Det er stor etterspurnad etter leigebustader i Gaupne, og det er avgjerande viktig at Luster kommune syter for utbygging av nok slike bustader, jmf. ma. Kommunestyresak 30/12. Arbeid / dagaktivitet : Det er avgjerande for menneske å ha ein jobb/dagaktivitet som ein opplever meiningsfull. I dette arbeidet er ma. Luster kommune sitt Arbeids- og treningssenter, ATS, særs viktig. Senteret har stor etterspurnad etter plassar frå ulike grupper yrkeshemma, ma. personar med vanskar knytta til rus/psykiatri og «drop-out» av skule og arbeidsliv. Luster kommune må syta for å tilføra tilstrekkeleg ressursar og kompetanse til senteret, slik at ein ivaretek desse gruppene sine behov så godt som mogeleg. Punkt 3.4.1 Forslag til endringar Avgrensa skjenketider i Parken: Rådet vil meine at Parken har eit positivt tilbod til alle og i alle aldersgrupper. Det er ikkje mange slike tilbod for 15 åringar om sommaren. Parken driv eit godt dugnadsarbeid for å gjera arrangementa så trygge som mogeleg for alle. Skjenkeverksemda som får skjenkeløyve ved arrangementa har generelt skjenkeløyve for drift av kafeteria. Verksemda må søke ekstra for Parken for kvart år, og må halde seg til dei vilkåra som kommunen set. Rådet for funksjonshemma ber om at dette punktet blir trekt ut. Rådmannen si vurdering: Bustad: Viser til sak nr. 30/12 der kommunestyre legg til rette for kommunen sin bustadmasse. Sal, bygging og retningsliner for tildeling. Samanlikna med andre kommunar har Luster kommune mange bustader for tildeling til innbyggjarar som har vanskar med å skaffe seg bustad. Saka vil bli nærare drøfta i bustadsosial handlingsplan. Arbeid/dagaktivitet: Samanlikna med andre kommunar har Luster kommune eit godt tilbod til dei som har behov for serleg tilrettelagd jobb/dagaktivitet. Det vil vere ei sak i budsjettarbeidet kor mykje ressursar ATS skal tilførast. Avgrensa skjenketider i Parken: Sjå under merknad nr. 5 frå A/L Parken. 2. Ungdommen sitt kommunestyre GENERELT:
Ungdommen sitt kommunestyre er ikkje invitert til å vera med i arbeidsgruppa eller gitt høve til å vera med i planprosessen på annan måte. I planprosessen hadde det vore viktig å fått fram ungdommen sitt syn på korleis dei eksisterande førebyggingstiltaka har fungert/fungerar og kva som kunne vore gjort betre. 2.2. Rusrelaterte førebyggingstiltak Pkt. 2.2.1 Tiltak for ungdom Tiltaket Menu skal skrivast slik det blir sagt elles blir betydningen av ordet feil. ME' N' U er "forkorting" for orda "me and you", og skal skrivast ME' N' U. Tiltaket Transport for ungdom mellom 13-19 og busett i Luster. på grunn av usikkerheit rundt den økonomiske situasjonen for transporttilbodet er tilbodet inntil vidare stoppa. Pkt. 2.2.3. Helsestasjon/skulehelseteneste Som eige avsnitt under dette pkt. står det at helsesøster har saman med jordmor og psykisk helseteam har faste tilbod om samtale på Hafslo vidaregåande skule annankvar tysdag. Tilbodet om samtale er ikkje fast annankvar tysdag. Sjekk nærare dagar for når dette tilbodet er ope, Skulen heiter ikkje Hafslo -, men Luster vidaregåande skule. Nytt pkt. 2.2.4 Helsestasjon for ungdom Arbeidsutvalt har merka seg at dette tiltaket ikkje er med i planframlegget. Luster helsestasjon har kvar onsdag ettermiddag "open dør" helsestasjon for ungdom på helsesenteret. Målgruppa er ungdom mellom 16-20 år som bur eller går på skule i Luster kommune. Tilbodet er gratis. Pkt. 2.2.4 i planframlegget vil ev. bli nytt pkt. 2.2.5. Pkt. 2.2.4. (i planframlegget) Tiltaka som politiet har relatert til rusførebygging Tiltaket Blås Grønt. I siste setning bør det stå: Dette er eit engasjement med initiativ frå ungdomane sjølve, til ungdommen i Luster kommune. PKT. 3.2 PRIORITERTE RUSRELATERTE FØREBYGGINGSTILTAK Pkt. 3.2.2. Nye tiltak Her meiner arbeidsutvalet det bør inn eit nytt tiltak: Open idrettshall ein kveld i veka. Open idrettshall er meint å vera eit aktivitetstilbod for ungdom i alderen 12-18 år i Luster kommune, både dei som deltek i organiserte aktivitetar og dei som "fell utanfor". Idrettshallen kan bli tilrettelagt for ulike aktivitetar (fotball, volleyball, basket, landhokey, bordtennis) ein kveld i veka (t.d. fredag) frå september til april. Det er meint at det er ungdommane sjølve som skal styre kva aktivitetar dei ønskjer å drive på med. Tiltaket må vera gratis å bruke. Det bør vera vaksenperson tilstades kvar gong. Rådmannen si vurdering: Rådmann har ikkje funne det naturleg å ta med UK i den adm. arbeidsgruppa som har utarbeidd planen, men har lagt til grunn at dei er høyringsinstans for planarbeidet. ME N U. Luster vidaregåande skule: Skrivefeil vert retta opp i planen. Transport for ungdom: Tilbodet er stoppa inn til vidare. Fylkeskommunen løyver pengar. Når økonomisk råme er klargjort er det opp til UK korleis dei organiserer tilbodet. Helsestasjon/skulehelseteneste: Faktaopplysningar vil bli korrigerte. Helsestasjon for ungdom:
Tilbodet kan skrivast inn i planen. Blås Grønt: Setninga kan takast inn i planen. Open idrettshall ein kveld i veka. Dette er eit punkt som det kan vere grunn til å drøfte nærare, kvar finn ein ev ledig hall, korleis skal det organiserast og kor mykje vil det koste? Kan takast inn i planen som aktuelt for nærare drøfting og prioritering. 3. Eldrerådet: Eldrerådet tek planen til orientering. 4. Helsestasjonen. Tillegg: Nytt punkt 2.2.1 - Frivillige organisasjonar: Det viktige arbeidet lokalsamfunnet utfører: Eks. Idrettslaga, Røde Kors, korpsa, 4H. Tillegg: Nytt pkt. 2.2.4 Helsestasjon for ungdom Kvar onsdag ettermiddag har helsestasjonen gratis tilbodet open dør for ungdom på helsesenteret. Målgruppa er ungdom mellom 16 og 20 år som bur eller går på skule i kommunen. Rådmannen si vurdering. Frivillige organisasjonar: Kan takast inn i planen som nytt punkt. Helsestasjon for ungdom: Kan takast inn i planen som nytt pkt, jf og uttale frå UK. 5. A/L Parken, Gaupne. Skriv dat. 10.05.12. A/L Parken arrangerer konsertar og dansearrangement i Parken kvar sommar. Dette er eit positivt tilbod til alle aldersgrupper, og det er eitt av få slike sommartilbod i distriktet ope for ungdom frå 15 år. A/L Parken driv eit omfattande dugnadsarbeid knytta til både planlegging og gjennomføring av sommararrangementa. Me samarbeidar breitt med Røde kors, Nattuglene, Sogn Billag mfl. og er i kontinuerleg dialog med Lensmannskontoret gjennom sesongen. Organisasjonen stiller sjølv eit stort tal frivillige vakter, nyttar store summar til leige av polititenestemenn (ved dei største arrangementa), organiserer busstransport til og frå arrangementa, leiger inn Røde Kors, etc. A/L Parken legg stor innsats i å gjera arrangementa så trygge som mogeleg for alle, slik me har gjort ved arrangement gjennom 20 år. Pyramiden Senterkafè har skjenkeløyve ved arrangementa, og avsluttar skjenkinga klokka 01.00. Bussane går frå Parken mellom klokka 01.30 og 02.00, avhengig av publikumstal, kor snøgt publikum er på plass ved bussane, etc.. Styret i A/L Parken registrerer med undring at manglande tidsrom mellom skjenkeslutt og bussavgang etter arrangementa i Parken er omtalt som eit problem som må løysast gjennom vedtak i kommunen sin ruspolitiske handlingsplan. Styret i A/L Parken vil påstå at ein slik detalj burde kunna løysast på andre måtar enn å hengja ut ein frivillig einskildarrangør i ein kommunal plan. Styret i A/L Parken ønskjer å halda fram det gode samarbeidet med Luster kommune og Politiet. Me ber difor om at omtalen av dette «problemet» vert teke ut av planen og sakstilrådinga, og at eventuell nødvendig/ ønskjeleg justering av tidrom mellom skjenkeslutt og bussavgang vert avtalt i dialog mellom Lensmannen i Luster og A/L Parken. Styret i A/L Parken forventar at me som frivillig arrangør i framtida vert handsama rettferdig og likeverdig med andre.
Rådmannen si vurdering: Avgrensa skjenketider i Parken: Spørsmålet kom naturleg opp i samband med utarbeiding av planen. Det var eit signal til rådmannen om kva skjenketider som bør gjevast av kommunen, at det ikkje bør gjevast skjenkeløyve heilt til avsluttinga ved store arrangement. Viser til alkohollova 4-4, 6 te ledd som seier at Konsum av utskjenket alkoholholdig drikk må opphøre senest 30 minutter etter skjenketidens utløp. At det er eit visst tidsrom mellom slutt skjenking og slutt på arrangement er positivt og rådmann viser til at det er politiet som konkret har teke opp saka om å sikra at det vert eit opphald mellom slutt skjenking og at bussane går. Tanken er ikkje å henge ut verksemda A/L Parken og det er heller ikkje gjort i den teksten som er nytta. Rådmannen er samd i at Parken gjer eit godt arbeid for å gjere arrangementa så trygge som mogeleg. Det er likevel slik at for eksempelvis ved avslutning av arrangementa i Parken så kan det vere utfordringar med alkohol og litt uro og det er då positivt med tiltak som kan redusere desse utfordringane. Rådmannen rår til at punktet blir ståande. Rådmannen tilrår at planen vert justert i samsvar med rådmann si vurdering av dei innkomne merknadane. Dato:14.05.12 Jarle Skartun rådmann Anita Bjørk Ruud leiar servicetorg Særutskrift skal sendast: m/kopi til: