REGULERINGSPLAN FOR FRAMIGARDEN

REGULERINGSPLAN FOR FRAMIGARDEN Framlegg til reguleringsplan for del av gnr. 38, bnr. 2 og 8 i Aurland kommune 24. april 2014

Prosjekt: Oppdragsgjevar: Utarbeidd av: Sakshandsamar: Reguleringsplan Terje Hilstad Flåmshagen 5743 Flåm Tlf.: 57 63 34 94 Mob.: 915 11 034 e-post: terjhil@online.no Siv.ark. mnal Jarle Sandvik Postboks 55 5741 Aurland Tlf.: 57 63 31 73 Mob.: 412 00 594 Fax: 57 63 33 78 e-post: ark.js@online.no Aurland kommune Jan Olav Møller 5745 Aurland Tlf.: 57 63 29 73 Mob.: 95 98 46 56 Fax: 57 63 29 01 e-post: janolav.moller@aurland.kommune.no Forord I det etterfølgjande er det medteke ein omtale av planområde og planløysning for reguleringsområdet. I omtalen er det gjort greie for verknader planen vil kunne få for ulike interesser og omsyn. I tillegg til planomtalen er det utarbeidd ROS-analyse for området. Denne er lagt til grunn for utarbeidning av planen. Aurland, 24. april 2014 Jarle Sandvik Siv.ark. mnal Jarle Sandvik -1- Reguleringsplan

INNHALD Innleiing side 3 Omtale av planområdet 3 Tilhøve til eksisterande planar 4 Planområdet i dag 4 Landskap og naturmiljø 4 Markslag (bonitet), vegetasjon, flora og fauna 5 Friluftsliv 6 Eksisterande bygningar på området 6 Kulturminne 6 Tilkomst 7 Grunntilhøve 7 Planløysning 7 Fritidsbygg 7 Fritids- og turistføremål/utleigehytter 7 Trafikktilhøve, køyreveg 8 Naturområde/grønstruktur 8 LNF-område 8 LNF-område kombinert med andre hovudføremål 8 Flaumfare 8 Radonfare 8 Kulturmiljø 9 Kommunaltekniske anlegg vatn og avlaup. Renovasjon 9 Reguleringsføreseger til reguleringsplan for Framigarden 10 Merknader til oppstartvarsel 13 Siv.ark. mnal Jarle Sandvik -2- Reguleringsplan

Innleiing Siv.ark. mnal Jarle Sandvik har fått i oppdrag av Terje Hilstad å utarbeide ein reguleringsplan for del av gnr. 38, bnr. 2 og 8, Framigarden i Flåm i Aurland kommune. Kommunestyret i Aurland vedtok i møte 24. mai 2012 å starte ein reguleringsplanprosess for reguleringsplan(detaljregulering). Føremålet med planarbeidet er å lage ein detaljreguleringsplan som legg til rette for areal til fritids- og turistføremål/utleigehytter. Planarbeidet vart annonsert 30. mai 2012. Planarbeidet er utført av siv.ark. mnal Jarle Sandvik. OMTALE AV PLANOMRÅDET. Planområdet er på 6,8 daa, og omfattar området kring gardstunet i Framigarden og Torjusgarden. Hovudtilkomsten er frå Ølpa via Flåmsbrui. Tiltakshavaren ynskjer å regulere området til fritids- og turistføremål/utleigehytter. I tillegg er det i reguleringsplanområdet medteke område for fritidsbustad, LNF-område og LNF-område kombinert med andre hovudføremål. Siv.ark. mnal Jarle Sandvik -3Reguleringsplan

Tilhøve til eksisterande planar Planområdet er i dag uregulert. Arealet er sett av til LNF-område i kommuneplan for Aurland. I same planen grensar området til bustadområde mot nord-vest. Utsnitt av kommuneplan for Aurland Planområdet i dag Planområdet grensar til Flåmselva som er eit verna vassdrag (verna i verneplan III). Mot nord grensar området til eit bustadområde. Sør for området er det dyrka landbruksjord. Ein traktorveg som fører vidare opp til slåttetteigar lenger sør og høgare oppe, fører gjennom området. Denne vegen fører vidare opp til stølsområdet Øyane. Landskap og naturmiljø Gardstunet ligg på ei flate nokre høgdemeter over elva 30 m.o.h. Området ligg vendt mot nord mot Ølpa og kyrkja, og ligg eksponert mot desse områda. Siv.ark. mnal Jarle Sandvik -4- Reguleringsplan

Gardstunet ligg omkransa av bygningar Markslag (bonitet), vegetasjon, flora og fauna Området består av ein morenerygg som for det meste inneheld sand og grus m/forekomst av større steinar. Vest og sør for tunet er det dyrka jord. Langs elva er området dekt av spredt granskog. Området er kontrollert i høve til Naturmangfoldslova. Det er ingen registreringar for flora eller fauna i området. Markslagskart Siv.ark. mnal Jarle Sandvik -5Reguleringsplan

Friluftsliv Traktorvegen opp til Brekka som held fram vidare som sti til fjells og til stølsområdet Øyane, går gjennom området. Eksisterande bygningar på området På planområdet står i dag bygning som tilhøyrer Framigarden og Torjusgarden (Torjusgarden mot vest) og dessutan eit bustadhus, gbnr. 38/42, som vert nytta som fritidsbustad. Kulturminne Fylkesatlas viser fleire Sefrak-registrerte bygningar innanfor planområdet. Sidan kartet vart laga/oppdatert er fleire av bygningane rivne. Dette gjeld Sivlestova, eit kårhus, 2 stabbur, eldhus og eit fjøs. Innanfor reguleringsområdet er det pr. i dag 2 Sefrak-registrerte bygningar våningshus og driftsbygning på Torjusgarden. Siv.ark. mnal Jarle Sandvik -6Reguleringsplan

Våningshus på Torjusgarden. Bygd 1903 Driftsbygning på Torjusgarden. 1800- talet. Tilkomst Hovudtilkomstvegen er frå Ølpa via Flåmsbrui. Grunntilhøve Grunnen i området består av morenemassar som inneheld sand, grus og stein. PLANLØYSNING Fritids- og turistføremål. Utleigehytter Eigar av gardsbruka 38/2 og 8 ynskjer å legge til rette for Inn på tunet-turisme, og har i den samanhang planar om oppføring av nye utleigehytter i tillegg til ei eksisterande hytte og eit bustadhus som han ynskjer å bygge om til utleigeeiningar. I planen er det lagt til rette for oppføring av to nye hytter på område F/T1, med 1-2 utleigeeiningar i kvar hytte. Det er sett krav til storleik og utforming i føresegnene. Områda med påståande hytte og bustadhus er regulert til fritids-/turistføremål. Det er opna for ei mindre utviding av eksisterande bustadhus, sjølv om det pr. i dag ikkje foreligg nokon planar for det. Det er ikkje teke sikte på utviding av eksisterande hytte, då den ligg inneklemd mellom driftsbygningane. Trafikktilhøve, køyreveg Det vert ikkje lagt opp til endring av eksisterande gardsveg. Naturområde/grønstruktur Eit område langs elva er lagt ut til naturområde/grønstruktur for å ivareta eit naturleg vegetasjonsbelte som motverkar avrenning og gjev levestad for plantar og dyr i samsvar med krav i vassresurslova. Det er opna for å kunne felle store bartre som er hogstmogne og som dessutan kan medføre fare for rotvelting. Det vil samstundes kunne medføre vilkår for oppvekst av mindre vegetasjon. LNFR-område Område med påståande bygningar som tilhøyrer gardsdrifta våningshus, driftsbygningar og sagbruk er avsett til LNFR-/landbruks-område. 12 i Jordlova skal dessutan framleis gjelde for heile planområdet. Siv.ark. mnal Jarle Sandvik -7- Reguleringsplan

LNFR-område kombinert med andre hovudføremål Området vest for gardsvegen med påståande eldre driftsbygning tilhøyrande gbnr. 38/2 (Torjusgarden) er regulert til kombinert LNFR-område og fritids-/turistområde. Den gamle driftsbygningen er ikkje eigna til tradisjonell landbruksdrift og er planlagt nytta til føremål i samband med turisme m.a. serveringslokale og rom for smådyr. Etter som bnr. 2 og 8 er eigd av same eigar og vert drivne som eitt gardsbruk, er det lagt til rette for at våningshuset på bnr. 2 kan nyttast til fritidsbustad i kombinasjon med LNFR-område, sjølv om bnr. 2 er eit eige gardsbruk der våningshuset ikkje kan frådelast. Flaumfare Planområdet er ein del av elvesletta som ligg langs Flåmselva. Eit belte langs elva vil vere utsett for flaum. Omsynssone for flaumfare er medteke i planen. Radonfare Ved oppføring av nye bygningar for varig opphald (bygningar med bueiningar, publikum- og arbeidsbygningar) skal det gjerast førebyggande tiltak mot innstrøyming av radon i samsvar med TEK 10, 13-5. Omsynssone for radonfare er medteke i planen. Kulturmiljø Våningshuset på Torjusgarden (bnr. 38/2) og fritidsbustaden på bnr. 38/42 er begge påbygde og ombygde. Den gamle driftsbygningen på Torjusgarden har stor grad av autensitet i høve til opprinneleg form og konstruksjon. Den er i planen regulert til sone med særlege omsyn vern kulturmiljø. Kommunaltekniske anlegg vatn og avlaup. Renovasjon. Garden er ikkje tilknytta offentleg vatn- og avlaupssystem. Vasstilførsel og avlaupssystem er basert på privat anlegg. Renovasjon er ordna gjennom avtale med Simas. Siv.ark. mnal Jarle Sandvik -8- Reguleringsplan

REGULERINGSFØRESEGNER TIL REGULERINGSPLAN FOR FRAMIGARDEN Reguleringsplankart dagsett 24. april 2014 Føremålet med reguleringsplanen er å legge til rette for fritids-og turistføremål/utleigehytter. 1.0 Generelt. 1.1 Reguleringsføresegnene gjeld for det området som er merka av med reguleringsgrense på reguleringsplankartet i målestokk 1:1000, dagsett 24. april 2014. 2.0 Arealføremål Området er regulert til følgjande føremål: Pbl 12-5.1 BEBYGGELSE OG ANLEGG - Fritids-og turistføremål Pbl 12-5.2 SAMFERDSELSANLEGG OG TEKNISK INFRÅSTRUKTUR - Køyreveg Pbl 12-5.3 GRØNSTRUKTUR - Naturområde/grønstruktur Pbl 12-5.5 LNFR-FØREMÅL - LNFR-føremål - LNFR-føremål kombinert med andre hovudføremål 3.0 Omsynssoner Pbl 12-6 (11-8 a) FARESONER - Radonfare Pbl 12-6 (11-8 c) SONE MED SÆRLEGE OMSYN - Vern kulturmiljø 4.0 Generelle føresegner 4.1 12 i Jordlova skal framleis gjelde for heile planområdet. 5.0 Fritids- og turistføremål F/T1 F/T 3 Område F/T1 omfattar areal for oppføring av utleigehytter. Område F/T2 omfattar areal med påståande utleigehytte. Område F/T3 omfattar areal med påståande bustadhus som er planlagt å omdisponere til utleigeleilegheiter for turistføremål. 5.1 Område F/T1 kan utbyggast med 2 utleigehytter. Kvar hytte kan ha 2 utleigeiningar. Størst tillate grunnareal/bebygt areal pr. hytte er 75 m2 inkludert bygningsdeler som ligg meir enn 0,5 m over terreng (f. eks. veranda). Maks. tilleten storleiken på veranda/terrasse er 10 m2. Maks mønehøgd er 5,5 m. Hyttene kan vere utforma slik at dei speglar vår tids byggeskikk, men vere tilpassa tradisjonell lokal byggjestil i høve til materialval, takvinkel og Siv.ark. mnal Jarle Sandvik -9- Reguleringsplan

volumdisponering for at dei skal gli inn som ein naturleg del av bygningsmiljøet på staden. Taket på hyttene skal ha ei helning > 26,5 gr. og vere tekt med takstein eller anna taktekkings-materiale som ikkje reflekterer sollyset. Fargebruken skal vere dempa og tilpassa tradisjonell fargebruk. Bygningar kan plasserast i områdegrensa dersom plan- og bygningslova sine krav om avstand til annan bygning er fylgd. Ved plassering og utforming av bygningar skal det leggast vekt på god landskaps- og terrengtilpassing. Parkeringsplassar skal vere opparbeidd på føremålsområdet. 5.2 Område F/T3 kan byggjast ut med bygningar i 2 etasjar til ein samla %-BYA på 35%. Bygningar kan plasserast i områdegrensa dersom plan- og bygningslova sine krav om avstand til annan bygning er fylgd. Eventuelt tilbygg skal vere tilpassa byggjestilen på eksisterande bygning. Bygningen skal ha skråtak og vere tekt med taktekkings-materiale som ikkje reflekterer sollyset. Fargebruken skal vere dempa. 6.0 Veg PV1. Området omfattar eksisterande privat gardsveg. 7.0 Naturområde/grønstruktur N/G1 og N/G2 Områda omfattar grøntområde langs Flåmselva. 7.1 På områda skal eit avgrensa naturleg vegetasjonsbelte behaldast for å motverke avrenning og gje levestad for plantar og dyr (jfr. 11 i vassresurslova). Store hogstmogne bartre kan fellast. 8.0 LNFR-område L1 L3 Områda L1 L3 omfattar areal med påståande bygningar som tilhøyrer gardsdrifta våningshus, driftsbygningar. 9.0 LNFR-område kombinert med andre hovudføremål, L/T1 og L/FB1. Område L/T1 omfattar landbruksareal som kan nyttast i kombinasjon med turistføremål. Område L/FB1 omfattar areal med påståande våningshus på gbnr. 38/2. 9.1 Eksisterande driftsbygning på område L/T1 er ikkje eigna til tradisjonell landbruksdrift. Den kan setjast i naudsynt stand og nyttast i samband med turistføremål, slik som serveringslokale, samt rom for smådyr som trivselsfaktor for gjestene. 9.2 Våninghuset på L/FB1 kan nyttast til fritidsbustad under føresetnad av at bnr. 38/2 vert drive saman med bnr. 38/8. 10.0 Omsynssone - flaumfare H320_1. Området omfattar areal med fare for flaum. 10.1 Det vert ikkje gjeve løyve for oppføring av bygningar for personopphald på området. Siv.ark. mnal Jarle Sandvik -10- Reguleringsplan

11.0 Omsynssone - radonfare H330_1. Området omfattar areal med fare for innstrøyming av radongass i bygningar. 11.1 Ved oppføring av bygningar for varig opphald skal det gjerast førebyggande tiltak mot innstrøyming av radon i samsvar med TEK 10, 13-5. 11.2 Årsgjennomsnittet av radonkonsentrasjon i rom skal ikkje overstige 200 Bq/m3 i inneluft. 12.0 Omsynssone sone med særlege omsyn. Vern kulturmiljø H570_1. Område H570_1 omfattar område med eldre driftsbygning som bør takast vare på. 12.1 På område H570_1 er det ikkje tillate å rive, byggje om, eller skifte ut original kledning, vindauge, eller andre utvendige detaljar, samt endre hovudberesystem, utan at regional kulturminneforvaltning har fått høve til å uttale seg til saka. Siv.ark. mnal Jarle Sandvik -11- Reguleringsplan

MERKNADER TIL OPPSTARTVARSEL Det er kome inn 4 merknader i samband med oppstarting av planarbeidet. Under følgjer ein gjennomgang av merknaden med kommentar. Fylkesmannen i Sogn og Fjordane: Brev av 02.07.2012 Miljøvernavdelinga - Miljøvernavdelinga konstaterer at det aktuelle området i arealplanen til kommuneplanen er lagt ut som LNF-område og at planarbeidet såleis ikkje er i samsvar med overordna plan. Dei peikar på at utlegging av nye utbyggingsområde primært bør skje i samsvar med eller avklarast i overordna plan. Ein vil då gjennom ein omfattande prosess sikre ei heilskapleg vurdering av utbyggingsmønster og forvaltning av areala i kommunen. Dei konstaterer at planområdet omfattar gardstun med fleire bygningar, vegar og dyrka mark. - Ved detaljregulering i strid med overordna plan er det viktig at det vert gjort greie for verknadene av å endre arealføremålet frå LNF-område til byggjeområde for fritids- og turistføremål/utleigehytter. Planomtalen skal blant anna gjere greie for verknadene planen vil kunne få for ulike interesser og omsyn. Aktuelle tema her vil m.a. vere planen sine konsekvensar for naturmiljø, landskap og verna vassdrag. Når det gjeld planen sine verknader for desse interessene skal mål og prinsipp i naturmangfaldslova vurderast i planomtalen og lagde til grunn for utarbeiing og vedtak av planen. - Ved utformimg av reguleringsplan for utleigehytter er det viktig at det vert lagt stor vekt på god detaljplanlegging/-styring av utbygginga. Miljøvernavdelinga oppmodar om at det ved fastsetjing av tal utleigehytter og plassering av hyttene, m.a. vert lagt stor vekt på at utbygginga skal få ei god terreng- og landskapstilpassing. Vi føreset at tal hytter vert avgrensa og tilpassa området si toleevne. Dei går ut frå at hytteplasseringane vert viste på plankartet. Dei tilrår at det vert stilt krav i føresegnene til storleik og utforming som sikrar omsyn til landskap og estetikk. - Planområdet grensar til Flåmselvi som er eit verna vassdrag. Miljøvernavdelinga ser det såleis som særleg viktig at det vert lagt vekt på at utbygginga får ei god landskapstilpassing og gode estetiske løysningar. Dei føreset elles at eit belte langs elva vert sikra som grøntområde, m.a. for å ivareta eksisterande kantvegetasjon. Dei viser til vassressurslova 11 der det m.a. heiter: Langs bredden av vassdrag med årssikker vannføring skal det opprettholdes et begrenset naturlig vegetasjonsbelte som motvirker avrenning og gir levested for planter og dyr. - Grad av utnytting skal gå fram av planframlegget. For å styre utnyttingsgraden tilrår dei å stille krav i form av bebygd areal i kvadratmeter (BYA) for kvar einskild hytte, dvs. Største tillatne bygde areal i kvadratmeter uavhengig av tomtearealet. Alternativt kan ein nytte samla bruksareal for kvar hytte i kvadratmeter (BRA). Høgder må også fastsetjast for å styre bygningsvolumet på hyttene. - Miljøvernavdelinga rår til å søkje løysningar som gjev reduserte terrenginngrep ved planlegging og utforming av interne vegar, parkeringsplassar og eventuelle andre anlegg i området. Siv.ark. mnal Jarle Sandvik -12- Reguleringsplan

- Planen må også gjere greie for korleis vassforsyning, avlaup og renovasjon skal løysast. Kommentar: I planen er det lagt vekt på å ta vare på ulike interesser og omsyn, m.a. planen sine konsekvensar for naturmiljø, landskap og verna vassdrag. Omsyn til landskap og vegetasjon er medteke i føresegnene. Krav til god terreng- og landskapstilpassing ved plassering av utleigehytter og tilhøyrande vegar/infrastruktur er medteke i føresegnene. Beredskapseininga - Det er krav om ROS-analyse ved utarbeiding av planar for utbygging. For at kravet om ROS-analyse skal vere oppfylt, må det gjerast eit systematisk arbeid somgjev oversikt over risiko og sårbarheit. Funn og tilrådingar frå analysen skal følgjast opp og innarbeidast i planen. ROS-analysen kan knyte seg til arealet slik det er frå naturen si side, menneskeleg aktivitet og bruken av arealet, t.d. plassering av bygg, anlegg, sårbare objekt eller infrastruktur. ROS-analysen må dessutan vurdere konsekvensar av klimaendringar, som t.d. auka nedbørsmengd og kraftig vind m.m. - Det må gå tydeleg fram kven som har utført ROS-analysen, og kva kjelder som har vore brukte. Kommentar: Det er utarbeidd ROS-analyse. Funn og tilrådingar frå analysen er innarbeidd i planen. Landbruksavdelinga - Landbruksavdelinga stiller seg i utgangspunktet positive til planane om å leggje til rette for gardsturisme, noko som kan styrke næringsgrunnlaget på denne eigedomen, men dei merkar seg at planområdet inneheld dyrka jord og også vil omfatte tune tog bygningane på eigedomen. - Planomtalen skal gjere greie for ulike interesser og omsyn som kan bli råka av planarbeidet, deriblant landbruket. Viktige tema vil vere planen sine konsekvensar for landbruksdrifta, drifts- og miljømessige ulemper og eventuell omdisponering og nedbygging av dyrka jord. Landbruksavdelinga oppmodar om at landbruksforvaltninga i kommunen vert trekt inn i planprosessen for å ivareta jordbruksinteressene, kulturlandskapet og andre grøne verdiar. - Dyrka og dyrkbar jord er ein ikkje-fornybar ressurs som det må takast omsyn til i planarbeidet. Dersom det er aktuelt å ta i bruk dyrka jord til utbyggingsføremål, er det viktig at det også vert vurdert andre lokalseringsalternativ. For å sikre at omsynet til landbruksinteressene vert ivaretekne, rår dei til å stillle krav i føresegnene om at jordlova 12 framleis skal gjelde i heile planområdet. Kommentar: Siv.ark. mnal Jarle Sandvik -13- Reguleringsplan

Landbruksforvaltninga i kommunen har vore medverkande i planprosessen og var på synfaring 18. 01.2013. Det er ikkje aktuelt å ta i bruk dyrka jord til utbyggingsføremål. Omsyn til landbruksdrifta er medteke i føresegnene. Sogn og Fjordane Fylkeskommune, Kulturavdelinga: Brev av 22.06.2012 - I dag ligg det ingen synlege automatisk freda kulturminne innanfor omsøkt areal. Men Fylkeskommunenen er kjend med at det har vore fleire gravminne og bautasteinar på garden. I Førhistoriske minne i Sogn er det skrive at det har stått ein gravflokk på garden Flåm. Nokre av gravhaugane skal ha vore skipshøge. Alle gravene vart fjerna på slutten av 1800-talet. I følgje same kjelde har det stått 17 bautasteinar på garden. Åtte av bautasteinane har stått på rekke langs med elva. Vidare har sju bautasteinar stått i halvring på tunet aust for sørenden av løa med ein stor stein i midten. I samband med Per Fett si registrering i 1946 såg han at bautasteinane var flytta og nytta til anna føremål. Fem av bautasteinane låg i brua, to låg over siloen til bruk 8, ein eller to låg i uthusmuren og to låg i elva. Dei bautasteinane som låg i brua vart flytte opp til tunet då brua vart ombygd og låg enno på tunet då Svein Indrelid vitja garden i 1968. I alt lokaliserte han ti av bautasteinane på si synfaring. Han har skissert ca. plassering av bautasteinringen i sin rapport. Ringen skal ha stått mellom det som var løa på bnr. 8 og elva. Bautasteinane som Indrelid lokaliserte vart i 1973 flytt ned til eit parkområde på Lunden. Indrelid skriv at det i 1968 var mogeleg å sjå restar att etter ein gravhaug i sørveste hjørne av løa og ein langhaug liggande langsetter austre løevegg på tunet. På www.norgeibilder.no er det mogeleg å sjå ringar på innmarka som ligg sørvest i planområdet. Det kan ikkje utelukkast at desse ringane kan vere restar etter grøfter frå graver som har stått der. Ut frå ortofotoet ser det vidare ut til å kunne vere fleire rektangulære strukturar i grunnen lenger nordvest i planområdet. - Det var innanfor dette gardstunet at Sivlstova stod. Bygningen vart riven i 2008 i samband med oppføring av nytt bustadhus. Innanfor planområdet er det ellers, i følgje www.fylkesatlas.no, ni SEFRAK-registrerte bygningar. - Det er høgt potensiale for at det ligg fleire restar att etter førhistoriske kulturminne i den dyrka marka i planområdet. Slike restar kan vere spor etter gravhaugar og flatmarksgraver (ikkje synlege på bakkenivå) frå jarnalderen. Det er vidare høgt potensiale for å finne restar etter førhistorisk gardstun i planområdet. Gravhaugane, særskilt i elder jarnalder, låg ofte like ved gardstunet. - Området det no er ynskjeleg å regulere, var del av kjerneområdet til gravfeltet som har stått på Flåm. Fylkeskommunen er difor oppteken av at eventuelle nye hus/hytter vert plasserte heilt nord i planområdet der det allereie har skjedd inngrep frå før. Dei dyrka areala som ligg innanfor planområdet, er det viktig å bevare med eiga omsynssone. Arealføremålet kan framleis vere Siv.ark. mnal Jarle Sandvik -14- Reguleringsplan

LNF/grønt område. Det er vidare viktig at området mellom eksisterande bygningar og elva også vert sikra med ei omsynssone. Det er i dette partiet at bautasteinane langs elva har stått. - SEFRAK-registrerte bygningar må gjerne få eigne omsynssoner for bevaring av kulturminne og kulturmiljø. - På bakgrunn av ovannemnde finn Kulturavdelinga grunnlag for å stille krav om arkeologiske registreringar innanfor planområdet for å oppfylle undersøkingsplikta etter lov om kulturminne. - Dersom ein i planen legg inn omsynssone på det som i dag er dyrka mark, vil det ikkje vere behov for så omfattande arkeologiske registrering. Kulturavdelinga ynskjer å kome i dialog med tiltakshavar og kommunen for å drøfte gode løysningar. Omfang og budsjett til den arkeologiske registreringa vert sendt ut i etterkant av eit slikt dialogmøte. - Kulturavdelinga gjer merksam på at planen ikkje kan vedtakast av kommunen forut for at fylkeskommunen har gjeve endeleg uttale på grunnlag av varsla registrering. Kommentar: På bnr. 8 (aust for gardsvegen) er det i dag ingen SEFRAK-registrerte bygningar. På bnr. 2 (vest for gardsvegen) er det to SEFRAK-registrerte bygningar våningshus frå 1903 og driftsbygning frå 1800-talet. Bustadhuset på bnr. 38/42 frå ca. 1910 er også oppført i dette registeret. Arealet som det var stilt krav til arkeologisk registrering av er i ettertid trekt ut av planen. Noregs vassdrags- og energidirektorat, Region vest: Brev av 25.06.2012 - Dei landsdekkande aktsemdskarta for snøskred i skrednett (www.skrednett.no) syner den omsøkte tomta som potensielt utlaupsområde for snøskred. I NGI sine gamle stein- og snøskredkart ligg den utanfor fareområde for skred. NVE vurderer i dette tilfellet dei gamle snøskredkarta frå NGI til å vere meir nøyaktige og gje eit betre grunnlag for avgrensing av aktsemdsområde for snøskred, og av den grunn ikkje behov for vidare utgreiing av skredfaren. - Planområdet er ein del av elvesletta som ligg langs Flåmselva. Det kan ikkje utelukkast at området er utsett for flaum eller erosjon. Etter TEK10 skal blant anna bygg med personopphald sikrast mot ein 200 års flaum. Eventuelt flaumutsett areal må leggast inn som ei omsynssone i plankartet og ha tilhøyrande føresegner som sikrar akseptabel tryggleik før utbygging kan finne stad. - NVE rår til at arealbrukskategorien Bruk og vern av sjø og vassdrag vert nytta til å merke vasstrengen og kantsoner. Elv med kantsone kan regulerast til Natur og friluftsliv. Dei syner ellers til vassresurslova 11 om kantvegetasjon. Kommentar: Eksisterande og planlagde bygningar vil ligge på ei slette på kote 29-30 moh. - om lag 5 m over normal vasstand i elva. Terrenget/vegen på motsett side over elva ligg om lag kote 26-27 moh. Flåmsbrui ligg på kote 27,6. Det vil såleis aldri vere fare for at ein flaum når opptil platået der bygningane står. Siv.ark. mnal Jarle Sandvik -15- Reguleringsplan

- Reguleringsområdet ligg i innersving av elvelaupet. Faren for erosjon vil dermed vere liten i dette området. Felles Landbrukskontor ÅLA: Brev av 31.01.2013 - Drifta på bruket er sauehald og utleige av overnatting. Bruket har og eige sagbruk og tømmer til eige bruk. Det meste av utmarka på eigedomen ligg i Nærøyfjorden landskapsvernområde. - Aurland kommune og Flåm har stor tilstrøyming av turistar i sommarhalvåret. Mellom anna dei som syklar rallarvegen. Syklistane på Rallarvegen passerer like ved planområdet. Potensialet for turisme som tilleggsnæring på dette gardsbruket er stort. - Oppsetjing av nokre utleigehytter og etablering av campingplass med oppstillingsplass for bubilar vil ikkje vere til hinder for landbruksdrift på eigedomen. Det skal ikkje gjerast terrenginngrep i område som er tenkt nytta til dette føremålet. Enga vil bli hausta før den evt. vert teken i bruk til camping, og den vert nytta til beiting i ettertid. Det er viktig at dette kjem tydeleg fram i planen sine føresegner. - Grunneigar har og planar om å setje i stand og bruka den gamle driftsbygningen til turisme. Deler av bygningen er tenkt til serveringslokale, toalett og sanitæranlegg. Det er og planar om å nytte noko av bygningen til smådyr som skal vere ein trivselsfaktor for gjestene. Den gamle driftsbygningen er ikkje eigna til tradisjonell landbruksdrift. Planlagt bruk av bygningen er ikkje i konflikt med landbruksdrifta, men vil vere ein styrke for satsing på turisme som tilleggsnæring. Kommentar: Omsyn til landbruksdrifta er medteke i føresegnene. Siv.ark. mnal Jarle Sandvik -16- Reguleringsplan