Jnr. 1121.17 Ordførarar og rådmenn i Sunnhordland Ordførar og rådmann i Fusa kommune Ordførar og rådmann i Haugesund kommune Ordførar og rådmann i Vindafjord kommune INNKALLING TIL MØTE I SAMARBEIDSRÅDET FOR SUNNHORDLAND Det vert med dette kalla inn til møte i Samarbeidsrådet for Sunnhordland torsdag 7 og fredag 8 desember på Hotel Neptun, Bergen (sjå tidsplan). Då vert føre: Sak 25/17 Godkjenning av referat frå møte 7. september d.å. Sak 26/17 Godkjenning av møteplan 2018 Sak 27/17 Strategisk plan for Samarbeidsrådet 2018-2021 Sak 28/17 Etablering av Sunnhordland amatørkulturråd Sak 29/17 Studietur for Samarbeidsrådet Sak 30/17 Skriv og meldingar/driftsorientering a) Møte i Oslo 9-10 januar b) Auke i tiltakspotten - status c) Møte med Fylkesmannen d) Bussen i Sunnhordlandsbassenget e) Moster 2024 f) Sunnhordland Museum g) Driftsorientering Sak 31/17 Ymse Sunnhordland, 29. november 2017 Gro Jensen Gjerde dagleg leiar Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T 53 45 67 90 Orgnr. 971 492 910 E firmapost@samarbeidsraadet-sunnhordland.no W samarbeidsraadet-sunnhordland.no
TIDSPLAN Torsdag 7. desember: Kl. 11.00-13.15 Kl. 13.30-15.30 Møte i Samarbeidsrådet Møte med Byrådet i Bergen Tema: E39 Hordfast Innleiar Kåre Martin Kleppe Regionreforma innleiar Wenche Tislevoll Hurtigbåt innleiar Geir Aga Autopass ferjer mm - innleiar Morten Storebø Kl. 15.30-16.00 Kaffipause Kl. 16.00-17.00 Kl. 17.00-17.45 Orientering om Vikingland Orientering frå Revmatismesjukehuset KL. 19.00 Julemiddag på Hotel Neptun Fredag 8. desember Kl. 09.00-11.00 Møte med fylkesordførar og fylkesrådmann Tema: Næringsarbeid Regionreform E39 Hordfast Hurtigbåt Autopass ferjer mm Kl. 11.00 Orientering frå Helse Fonna vedr. Nasjonal helse- og sjukehusplan utviklingsplanar Kl. 12.00 Lunsj
MØTEBOK Samarbeidsrådet for Sunnhordland Torsdag 7. desember kl. 11.00 Hotell Neptun Sak 26/17 GODKJENNING AV MØTEPLAN 2018 Administrasjonen har utarbeidd forslag til møteplan for 2018. I møteplanen er det lagt opp til at møta i Samarbeidsrådet skal haldast i bedrifter i regionen. Bakgrunn for dette er blant anna at Samarbeidsrådet i sin strategiprosess har peika på at det er viktig å få til ein tettare dialog med næringslivet. Og dette kan vera eit av tiltaka. Det vil verta lagt opp til ei orientering frå den einskilde bedrift i starten av møta. Administrasjonen ønskjer at kommunane kjem med forslag til kva bedrifter det kan vera interessant å møta i 2018. Framlegg til vedtak: Samarbeidsrådet vedtek møteplan for 2018.
MØTEBOK Samarbeidsrådet for Sunnhordland Torsdag 7. desember kl 11.00 Hotel Neptun Sak 27/17 STRATEGISK PLAN FOR SAMARBEIDSRÅDET Samarbeidsrådet for Sunnhordland utarbeidde den første strategiske planen i 2009. Dette fordi det var eit klart behov for å gjera nokre strategiske val både i høve til satsingsområde og i arbeidsform. Samarbeidsrådet har i haust gjennomført 2 samlingar der ein har arbeidd med ny strategisk plan for perioden 2018-2021. 1. Prosess Første prosess samling var på Fitjar Fjordhotel 7-8 september. Med bakgrunn i innspel og prioriteringar som vart gjort i gruppene og i plenum vart ein samde om visjon, verdiar, ambisjon. I tillegg starta ein arbeidet med kva satsingsområde som vil vera viktigast å prioritera. Dette vart lagt fram på andre prosess samling som var på Solstrand Hotel 31. oktober. Samarbeidsrådet gjekk gjennom oppsummeringa og prioriterte dei innspela som var kome inn. Det var og høve til å koma med nye innspel. Deretter var det ei drøfting på prioritering i plenum. Med bakgrunn i desse prioriteringane har prosessleiar Inger Karin Larsen i samarbeid med administrasjonen laga eit utkast til Strategisk plan for Samarbeidsrådet for Sunnhordland IKS 2018-2021. 2. Planstruktur Strategisk plan bygger på føremålet med selskapet og verdiane som ligg til grunn for verksemda. Med grunnlag i vedteken strategisk plan vil det verta utarbeidd handlingsplan, økonomiplan og budsjett. 3. Oppbygging av planen Det er teke utgangspunkt i at planen ikkje skal vera så omfattande. I dette ligg at verbaldelen er kort og at hovudsatsingar og viktige utviklingsoppgåver i regionen med strategiar er teken i tabellform. Strategisk plan er lagt opp med eit fokus på Samarbeidsrådet for Sunnhordland si rolle som regional utviklingsaktør og kva innsatsområde rådet har prioritert for å løfta fram Sunnhordland som ein sterk og framtidsretta region, som det skal vera interessant å arbeida, ta utdanning og busetje seg i. Dette er i tråd med dei innspela og prioriteringar som vart gjort i prosessamlingane.
Visjon Saman for Sunnhordland ei kraft for vekst og utvikling» Vår visjon Saman for Sunnhordland ei kraft for vekst og utvikling skal synleggjera at kommunane står saman for at Sunnhordland skal vera ein sterk og framtidsretta region, som det skal vera interessant å arbeida, ta utdanning og busetja seg i. I dette ligg det og at Samarbeidsrådet skal arbeida for at kommunane gjennom samarbeid internt og med naboregionar skal gjera storregionen til ei kraft for vekst og utvikling. Verdiar Verdiane ein vel å legge til grunn for samarbeidet er Raus Open Modig Ambisjon Me skal setja dagsorden! Føremål Føremålet med Samarbeidsrådet for Sunnhordland er forankra i vedtektene. Dei vert konkretisert gjennom 6 punkt som og er teken med i strategiplanen. Samarbeidsrådet for Sunnhordland er og skal vera ein regional utviklingsaktør. I dette ligg blant anna at rådet skal driva aktiv påverknad for å sikra ei god, heilskapleg utvikling i regionen. Innsatsområde Innsatsområde definerer dei områda som skal ha fokus. Det vert lagt opp til to kategoriar på satsingar dei neste fire åra: Hovudsatsing infrastruktur, regional utvikling og strategiske alliansar Viktige utviklingsoppgåver i regionen kompetanse, helse, næringsutvikling og bulyst. Strategiane seier noko om korleis Samarbeidsrådet skal arbeida for å nå måla. Strategiane vert følgd opp gjennom årlege handlingsplanar. 4. Vidare saksgang Administrasjonen legg planen fram for foreløpig godkjenning, slik at den kan sendast til kommunane for innspel. Sidan dette er ein strategisk plan for Samarbeidsrådet for Sunnhordland er det ikkje naturleg at kommunane godkjenner planen. Frist for kommunane å koma med innspel vert sett til 20. februar 2018. Deretter vert innspel og kommentarar vurdert og planen lagt fram for Samarbeidsrådet 9. mars 2018, og til endeleg godkjenning i representantskapsmøte 13 april. Framlegg til vedtak: 1. Samarbeidsrådet for Sunnhordland godkjenner Strategisk plan for Samarbeidsrådet 2018-2021, slik den ligg føre. 2. Strategisk plan vert sendt til kommunane for innspel/kommentarar. Frist for tilbakemelding vert 20 februar 2018. 3. Innspela/kommentarane frå kommunane vert handsama i møte 9. mars 2018, før planen vert sendt til endeleg godkjenning i representantskapet 13. april.
MØTEBOK Samarbeidsrådet for Sunnhordland Torsdag 7. desember kl. 11.00 Hotel Neptun Sak 28/17 ETABLERING AV AMATØRKULTURRÅD I SUNNHORDLAND Bergen kommune etablerte Amatørkulturråd i 2008 som ein paraplyorganisasjon på vegne av det frivillige- og amatørbaserte kulturlivet i kommunen. Amatørkulturrådet har vært viktig for utvikling av byen sitt amatørkulturliv og fungerer som eit talerøyr på vegne av eit stort mangfald frivillige lag og organisasjonar. Sjå meir på: www.amatorkultur.no Amatørkulturrådet i Bergen fekk i 2016 tildelt KUP-midlar frå Hordaland Fylkeskommune for å sjå på moglegheiter for at det kan etablerast lokale/regionale Amatørkulturråd, slik det vert føreslege i regional kulturplan. Utdrag Regional Kulturplan 2015-2025: «For amatørkulturlivet i Hordaland kan det vere av stor nytte å etablere lokale amatørkulturråd, etter modell og inspirasjon frå dei lokale idrettsråda, som kan arbeide for eit større og sterkare amatørkulturliv i fylket, og som eventuelt er samordna i eit amatørkulturråd på fylkesplan. Eit viktig føremål for eit amatørkulturråd er å vere ei samordnande kraft for amatørkulturlaga og organisasjonane i sitt område. Det skal styrke amatørkulturlivets rolle og rammevilkår, vere ein rådgjevar for kommunen, og såleis vere ein møteplass og utviklingsdrivar mellom offentleg og frivillig arbeid. Det er ei målsetting å prøve ut etablering av lokale amatørkulturråd i samarbeid med nokre kommunar, etter modell frå idrettsråda. I neste omgang kan det vurderast danning av eit fylkesfemnande råd, som eit pilotprosjekt for å avklåra trong for slike råd i heile Hordaland.» Målsetjinga er at det frivillige kulturlivet skal vera mangfaldig, arbeida fritt og sjølvstendig og vera tilgjengeleg for alle. Styreleiar i Amatørkulturrådet i Bergen, Inger Lise Skarstein og dagleg leiar Geir Eikenes har i møte med styreleiar Wenche Tislevoll og dagleg leiar Gro J. Gjerde gjeve orientering om deira arbeid, og om midlar dei har fått for å ta initiativ og avklara om det let seg gjera å etablera amatørkulturråd i regionen, eventuelt i to eller fleire kommunar.
Kva gjer Amatørkulturrådet: Samle inn data om status, utfordringar og ønsker hjå amatørkulturaktørane Felles talerøyr ovanfor politikarar, kulturadministrasjon og media. Utvikle aktørar gjennom kurstilbod, felles møteplassar med fagleg tema og sosiale aktivitetar. Utlån av utstyr og «booking». Synleggjer det rike og omfattande amatørkulturlivet. Føl opp ambisjonane i Amatørkulturplanen. Vurdering Amatørkulturrådet i Bergen har vore aktivt sidan 2008, og har 280 medlemslag og organisasjonar som til saman utgjer ca. 23 000 medlemmer. Dei er igjen fordelt i 13 kategoriar, som femner om biletkunst, festivalar, teater, kor, musikk mm. Dei har gjennom desse åra blitt ein sentral aktør i kulturlivet i Bergen. Amatørkulturrådet vert driven etter ein modell som er lik idrettsråda i kommunane, og kommunane skal ikkje ha kostnader med drift av råda, då dette skal vera på friviljug basis. Administrasjonen meiner at eit eller fleire amatørkulturråd i Sunnhordland vil vera positivt, men at det må vera aktørane sjølv som tek stilling til om dei ynskjer eit slikt råd. Samarbeidsrådet si rolle bør berre vera å invitera inn nokre sentrale aktørar frå kva kommune som får presentert moglegheitene som ligg i eit slikt råd. Gruppa kan fungera som ei arbeidsgruppe fram til ein eventuelt kan velja å ned å setja ned eit interinstyre i løpet av våren 2018. Amatørkulturrådet i Bergen kan bistå med praktisk hjelp i oppstart av arbeidsgruppa og dersom ønskeleg vera representert i interimsstyret. Ein modell er å invitera 2 representantar frå det frivillige kulturlivet i kvar kommune til eit informasjonsmøte for deretter å arbeida vidare for å etablera amatørkulturråd i Sunnhordland. Framlegg til vedtak 1. Samarbeidsrådet for Sunnhordland er positive til etablering av amatørkulturråd I Sunnhordland. 2. Rådmennene peiker ut to representantar frå kvar kommune frå frivillige lag og organisasjonar til eit informasjons og drøftingsmøte.
MØTEBOK Samarbeidsrådet for Sunnhordland Torsdag 7. desember kl. 11.00 Hotel Neptun Sak 29/17 STUDIETUR FOR SAMARBEIDSRÅDET Samarbeidsrådet for Sunnhordland har hatt som tradisjon at det har vore ein studietur i kvar valbolk. Det har ikkje vore tur i denne perioden, og administrasjonen meiner at dersom det er ynskjeleg med ein studietur, bør den gjennomførast i 2018. Gjennom Erasmus+ sitt mobilitetsprogram opnar det seg moglegheiter for å få delfinansiert ein studietur dersom ein finn ein partnar innanfor EU. Erasmus+ er et utdanningsprogram. Prosjekta går i hovudsak ut på å betra kvaliteten og tilpasse yrkesfag- og opplæringssektoren til regionale/lokale behov. Akkurat i dette delprogrammet er det eit krav at representantar for vgs yrkesfag eller opplæringskontor er med (gjerne begge deler). I tillegg kan skuleeigarar/leiarar for grunnskulen, f.eks. rådmenn, ordførarar, rektorar, då samarbeid mellom skulenivåa også er eit mål i programmet. Programmet har neste søknadsfrist i januar 2018. Det har tidlegare kome innspel på at vatn og avlaup kunne vore av interesse, men her er mange moglegheiter. I samband med tildeling av søknader og tildeling av skjønsmidlar kom det ynskje om meir kunnskap innan FoU. Administrasjonen føreslår at Samarbeidsrådet tek ei drøfting på ynskjer og behov før ein går vidare med ein eventuell søknad.
MØTEBOK Samarbeidsrådet for Sunnhordland Torsdag 7. desember kl. 11.00 Hotel Neptun Sak 30/17 SKRIV OG MELDINGAR/DRIFTSORIENTERING a) Møte i Oslo 9-10 januar Hordalandsbenken skal ha møte 9 januar. Til dette møte er alle regionråda invitert til eit felles møte. Administrasjonen ønskjer ei tilbakemelding på kva saker som er viktigast for Samarbeidsrådet og ta opp i dette møte. Arbeidsutvalet drøfta i sitt møte 24.11 kva departement det er behov for å møta desse dagane. Ein vart samde om følgjande: Klima og miljødepartementet : Marin verneplan Kulturdepartementet: Utbygging ved Sunnhordland Museum og Moster 2024 Samferdsledepartementet: E39 Hordfast Kommunal og regionaldepartementet: Regional utvikling, planarbeid I møte må ein verta samde om kven som tek ansvar for kontakt mot dei ulike departementa. b) Auke i tiltakspotten status Administrasjonen har søkt kommunane om ein auke i tiltakspotten på kr. 5 pr. innbyggjar. Korleis er statusen på denne søknaden? c) Møte med Fylkesmannen Det er kome innspel om at det er ynskjeleg med eit møte med Fylkesmannen, blant anna vedrørande sakshandsaming. d) Bussen i Sunnhordlandsbassenget Maritime Clean Tech har kome med ei prosjektskisse på korleis ein saman kan gjennomføra eit prosjekt med mål å skaffa grunnlag for framtidas snøggbåt. Dette som grunnlag til at snøggbåtane skal ut på ny anbodsrunde i 2023. Administrasjonen i Samarbeidsrådet skal når MTW er ferdig med skissa søkja Hordaland fylkeskommune om midlar til delfinansiering av arbeidet.
e) Moster 2024 I møte vil ordførar Odd Harald Hovland, Bømlo kommune gje ei orientering om jubileet på Moster i 2024. f) Sunnhordland Museum Samarbeidsrådet fekk ei orientering om Sunnhordland Museum i møte 20. oktober. I høve til auke i driftstilskot vart ein samde om at rådmannsutvalet skulle drøfta saka, og koma med ei tilbakemelding. g) Driftsorientering Dagleg leiar vil i møte gje ei kort driftsorientering.