REFERAT FRÅ MØTE I SAMARBEIDSRÅDET FOR SUNNHORDLAND TORSDAG 11 SEPTEMBER PÅ SOLSTRAND HOTEL

Transkript

1 REFERAT FRÅ MØTE I SAMARBEIDSRÅDET FOR SUNNHORDLAND TORSDAG 11 SEPTEMBER PÅ SOLSTRAND HOTEL Desse møtte: Edvard Johannes Stangeland Austevoll kommune (sak 39, 41, 42, 43 og 45/14) Renate Klepsvik Austevoll kommune (sak 40/14 og 44/14) Helge Skugstad Austevoll kommune (sak 40/14 og 44/14) Odd Harald Hovland Bømlo kommune Sigve Sørheim Etne kommune Hilde Aaretun Haraldseide Etne kommune Wenche Tislevoll Fitjar kommune Atle Tornes Fitjar kommune Liv Kari Eskeland Stord kommune Ruth Eriksen Sveio kommune Kenneth Tollefsen Sveio kommune Kjetil Hestad Tysnes kommune (frå sak 39 d) Administrasjonen: Gro Jensen Gjerde Reidun Rykkje Forfall: Sverre Olav Svarstad, Bømlo kommune Synnøve Solbakken, Kvinnherad kommune Trond Sætereng, Kvinnherad kommune Magnus Mjør, Stord kommune - Steinar Dalland, Tysnes kommune. Då var føre Sak 38/14 Godkjenning av referat frå møte 19 juni 2014 Sak 39/14 Skriv og meldingar a) Dato for studietur Innovasjon i offentleg sektor b) Samrådingsmøte med landbruket 17. oktober c) Kommunereform d) Nedlegging av lokalkontor Haugesunds Avis e) E 134 dag f) Føreslegne endringar i Sorenskrivarembetet i Sunnhordland g) Byregionprogrammet tildeling av oppdrag h) Ferjemateriell i) Bussen i Sunnhordland MCTW j) Møte med fylkespolitikarane frå Sunnhordland 3. oktober k) Hordaland Olje og Gass Sak 40/14 Uttale regional plan for attraktive senter i Hordaland Sak 41/14 Nye nettsider for Samarbeidsrådet Sak 42/14 Storhamn på Vestlandet Sak 43/14 Sunnhordland Kammerorkester Sak 44/14 Omorganisering av reiselivsarbeidet Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T Orgnr E firmapost@samarbeidsraadet-sunnhordland.no W samarbeidsraadet-sunnhordland.no

2 Sak 45/14 Ymse a) Tour de Fjords b) Karrieresenter i Sunnhordland c) Bocuse d`or d) Møte med 19 september politireforma e) Sjømatnæringa f) Regional kulturplan for Hordaland - uttale Sunnhordland 15. september 2014 Gro Jensen Gjerde dagleg leiar

3 REFERAT FRÅ MØTE I SAMARBEIDSRÅDET FOR SUNNHORDLAND TORSDAG 11 SEPTEMBER PÅ SOLSTRAND HOTEL Sak 38/14 Godkjenning av referat frå møte 19 juni 2014 Samrøystes godkjent. Sak 39/14 Skriv og meldingar a) Dato for studietur Innovasjon i offentleg sektor b) Samrådingsmøte med landbruket 17. oktober c) Kommunereform d) Nedlegging av lokalkontor Haugesunds Avis e) E 134 dag f) Føreslegne endringar i Sorenskrivarembetet i Sunnhordland g) Byregionprogrammet tildeling av oppdrag h) Ferjemateriell i) Bussen i Sunnhordland MCTW j) Møte med fylkespolitikarane frå Sunnhordland 3. oktober k) Hordaland Olje og Gass På møte: a) Dato for studietur Innovasjon i offentleg sektor Det vart i møte informert om at Samarbeidsrådet ikkje fekk skjønsmidlar frå fylkesmannen til studieturen. Det vil verta søkt regionalt næringsfond om midlar for å delfinansiera turen. Administrasjonen startar planlegging av turen. b) Samrådingsmøte med landbruket 17. oktober Det vart i møte føreslege at bondelaga og småbrukarlaga vert teke kontakt med slik at dei får høve til å vera med i planleggingsprosessen fram mot møte 17. oktober. c) Kommunereform I saka som er til handsaming i kommunane er det føreslege at kommunane skal peika ut ein person som skal sitje i arbeidsgruppa. Det vart i møte peika på viktigheita med at ordførarane er tett på prosessen og at dei bør sitje i arbeidsgruppa i saman med den personen som er peika ut frå kommunen. Administrasjonen orienterte om at Odd Henry Dahle vert prosjektleiar og startar 1. oktober. d) Nedlegging av lokalkontor Haugesunds Avis Administrasjonen vert beden om å ta kontakt med leiinga i Haugesunds Avis for å be om eit møte. e) E134 dag Det vart i møte sett ned eit utval med Sigve Sørheim, Ruth Eriksen og Elling Hetland som skal utarbeida eit program for ein E134 dag. Dei skal i første omgang sjå på kva som er det viktigaste arbeidet framover og så sette ein dato for seminaret.

4 Administrasjonen tek kontakt med Haugaland Vekst og ber dei om å vera med i utvalet og som medarrangør. g) Byregionprogrammet tildeling av oppdrag Det er viktig at kommunane til ei kvar tid er oppdatert på framdrifta i prosjektet. Det vil difor verta sendt referat/notat frå møta i arbeidsgruppa til formannskapa. j) Møte med fylkespolitikarane frå Sunnhordland 3 oktober Det vart i møte sett fram følgjande tema til møte: Ferjemateriell Tverrforbindelser til E39 Politireforma Kulturmidlar Regional kulturplan for Hordaland Samferdselssjefen i fylkeskommunen vil verta invitert til møte under sakene om ferjemateriell og tverrforbindelser til E39. Samarbeidsrådet tek orienteringa til følgje. Sak 40/14 Uttale regional plan for attraktive senter i Hordaland Framlegg til vedtak Samarbeidsrådet for Sunnhordland godkjenner framlegg til uttale med dei endringane som kom i møtet. På møte: Kvinnherad kommune hadde formannskapsmøte og var ikkje tilstades på møte. Samarbeidsrådet bestemte difor å utsette denne saka til kl då ein rekna med at ordførar skulle vera på plass. Diverre var det ein misforståing og ordførar var ikkje på plass til møte. Denne saka vart difor handsama utan representantar frå Kvinnherad. Det vart i møte sett fram følgjande endring i uttalen (markert med raudt): Framlegg til uttale Framlegg til Regional plan for attraktive senter i Hordaland er ein svært omfattande plan, som tek føre seg mange av dei problemstillingar kommunane står overfor når det gjeld handel og planlegging/lokalisering av bustader, arbeidsplassar, næringsverksemd, tenestefunksjonar og fritidstilbod. Forslaget er utforma slik at det kan brukast ved så vel planlegging av fylkessenteret Bergen så vel som for regionsentera, kommunesentera og mindre lokal-/nærsentera. Forslaget framstår som ein god rettleiar for framtidig planlegging av attraktive senter i Hordaland og er lett for kommunane å ta til seg og å bruke. Det er sett fram retningsliner for korleis kommunane skal/bør forvalte og utvikle sentrum samtidig som det går klart fram av planforslaget at det er kommunane som har ansvaret for planlegginga og forvaltninga av areala.

5 Det er ikkje for mange restriksjonar som i framtida kan medføre unødvendige konfliktar mellom kommunalt sjølvstyre og regionale intensjonar. Samtidig vil planen vera med på å sikre auka fokus på sentrumsplanlegging og tilrettelegging for meir attraktive sentrum. Planen legg opp til at distriktskommunane fortsett kan leggja til rette for utvikling i kommunesentera så vel som å sikre eit desentralisert butikktilbod for daglegvarer/nærhandel i distrikta. Dette er ei viktig avklaring for kommunane, då planen ikkje må føra til auka sentralisering. Sunnhordland Kriteria for å definera regionsenter er fastsett i planen og for Sunnhordland inneber dette at Husnes vert definert som regionsenter. Samarbeidsrådet støttar opp om dette, men presiserer at Leirvik er regionsenter for Sunnhordland, og at Husnes vert regionsenter for Kvinnherad. Samarbeidsrådet ser at det kan koma ein del utfordringar når det kjem til kanalisering av midlar for utvikling av regionsentera. Då er det viktig at dei to regionsentera i Sunnhordland ikkje vert sett opp i mot kvarandre, men får utvikla seg i tråd med sin eigenart og sine føresetnader. Regional transportplan seier noko om at det skal vera gode samband mellom regionsentera i fylket. Difor må utbetring av sambandet mellom regionsentera Husnes og Leirvik ha høg prioritet i dette planarbeidet. Området mellom Boknafjorden og Bjørnefjorden utgjer i større og større grad en naturleg eining. Nord-Rogaland og Sunnhordland har viktig felles statleg infrastruktur som Høgskulen Stord/Haugesund, Helse Fonna og Haugaland og Sunnhordland Politidistrikt. For denne regionen har det vore svært positivt å ha slike institusjonar som dekker ein naturleg geografisk region på tvers av formelle fylkesgrenser. Samarbeidsrådet for Sunnhordland vil difor be Hordaland fylkeskommune om å støtta opp om fortsatt integrering mellom Nord-Rogaland og Sunnhordland, slik at fylkesgrensa vert minst mogeleg til hinder for å finna fornuftige løysingar for samfunnsutviklinga. Grensekommunane Framlegg til plan kan koma i konflikt med dei føresegner og retningsliner for handelsetableringar som kjem i samband med utforming av Regional plan for Areal og Transport på Haugalandet som Rogaland fylkeskommune no utarbeidar. Då Etne kommune og Sveio kommune er omfatta av begge desse regionale planarbeida som delvis tek føre seg senterstruktur og som begge vil ha juridisk bindande føresegner for handel, ber vi om at Hordaland fylkeskommune tek aktiv rolle for å sikra at det vert samsvar mellom planane. Dette gjeld i første hand dei regionale planføresegnene for etablering og utviding av handelsetablering med tilhøyrande retningsliner, og at desse samsvarar med kvarandre og ikkje innsnevrar det kommunale sjølvstyret sett opp mot det planforslag Hordaland fylkeskommune no har utarbeida. Handlingsprogram Tiltak 1.1 Samspel mellom regionsenter og omland I dette tiltaket skal det gjerast ein analyse mellom regionsenter og omland. Planlagt oppstart Sunnhordland med Stord kommune som A eigar er med i fase 1 i Byregionprogrammet i regi av Kommunal og Moderniseringsdepartementet. I Regional næringsplan for

6 Hordaland er eit av tiltaka at det skal arbeidast for å få kommunar med i dette programmet. Samarbeidsrådet for Sunnhordland meiner at det vil vera ein styrke for alle desse tre tiltaka om desse vert sett i samanheng og at Byen og regionsenteret Stord- lokomotiv for vekst og utvikling i Sunnhordland? vert pilot, med oppstart tidleg i 2015, då Byregionprogrammet går inn i fase 2. Det kan i tilknyting til dette prosjektet også gjerast eit arbeid i Leirvik sentrum i høve til tiltak 2.2 med ein pilot i eit BIS-prosjekt (Business impovment Districts). Handlingsprogrammet har mange ulike tiltak og Samarbeidsrådet støttar opp om desse. Skal ein lukkast i gjennomføringa er ein avhengig av brei involvering, og at ein del av tiltaka bør gjennomførast i fleire område. Dette er og avgjerande for å nå planen sitt hovudmål: Hordaland skal ha eit nettverk av attraktive senter som fremjar livskvalitet, robust næringsliv og miljøvenleg transport. Sentera skal tilretteleggje for vekst i heile fylke. Vedtak: Samarbeidsrådet godkjenner uttalen med innspelet som kom i møte. Sak 41/14 Nye nettsider for Samarbeidsrådet Framlegg til vedtak: 1. Samarbeidsrådet for Sunnhordland rår til at arbeidet med nye nettsider startar hausten Det vert sett av kr frå tiltakspotten til prosjektet. Resterande kostnadar vert teke over drift. Vedtak Samrøystes vedteke. Sak 42/14 Storhamn på Vestlandet Framlegg til vedtak: 1. Samarbeidsrådet for Sunnhordland ynskjer planane om ei ny storhamn på Husøy velkomne. 2. Satsinga på Husøy ligg strategisk til i høve til E39 og E134 og synleggjer kor viktig det er at E134 vert ei hovudferdselsåre aust-vest og at E39, Hordfast og Rogfast, vert realisert snarast råd. 3. Samarbeidsrådet vil be om ei orientering frå om planane frå Karmsund Hamnevesen ved eit seinare høve.

7 På møte: Ordførar Ruth Eriksen melde seg ugild i saka, då ho sit i styret i Karmsund Hamnevesen. Det vart i møte sett fram forslag om å endra punkt 1 i framlegg til vedtak: 1. Samarbeidsrådet for Sunnhordland ynskjer planane med ei ny storhamn til bulk (Karmsund Bulk Terminal AS) velkomen. Vedtak: 1. Samarbeidsrådet for Sunnhordland ynskjer planane med ei ny storhamn til bulk (Karmsund Bulk Terminal AS) velkomen. 2. Satsinga på Husøy ligg strategisk til i høve til E39 og E134 og synleggjer kor viktig det er at E134 vert ei hovudferdselsåre aust-vest og at E39, Hordfast og Rogfast, vert realisert snarast råd. 3. Samarbeidsrådet vil be om ei orientering frå om planane frå Karmsund Hamnevesen ved eit seinare høve. Sak 43/14 Sunnhordland Kammerorkester Framlegg til vedtak: 1. Samarbeidsrådet meiner at Sunnhordland kammerorkester er svært viktig for talentutviklinga i regionen. 2. Søknaden om støtte bør sendast kvar einskild kommune. På møte: Det vart i møte sett fram forslag til eit nytt punkt 3: 3. Samarbeidsrådet for Sunnhordland vil arbeida for at Sunnhordland kammerorkester sin betydning i regionen vert teke med i uttalen til Regional plan for kultur som er på høyring. Vedtak: 1. Samarbeidsrådet meiner at Sunnhordland kammerorkester er svært viktig for talentutviklinga i regionen. 2. Søknaden om støtte bør sendast kvar einskild kommune. 3. Samarbeidsrådet for Sunnhordland vil arbeida for at Sunnhordland kammerorkester sin betydning i regionen vert teke med i uttalen til Regional plan for kultur som er på høyring.

8 Sak 44/14 Omorganisering av reiselivsarbeidet Framlegg til vedtak: 1. Samarbeidsrådet for Sunnhordland tek Kaizen rapporten til orientering. 2. Samarbeidsrådet for Sunnhordland rår til at kommunane samla ber administrasjonen arbeida vidare med ein forretningsplan basert på eit tettare samarbeid med Bergen. alternativ Det er ein føresetnad at det vert ein lokal representant frå eit event. nytt selskap med kontor i Sunnhordland. 4. Kommunane får frist til utgongen av oktober til å gjera vedtak om kva destinasjonsselskap ein ønskjer å høyre til. På møte: Kvinnherad kommune hadde formannskapsmøte og var ikkje tilstades på møte, men hadde bedt om at saka vart utsett slik at dei kunne delta i drøftingane. Samarbeidsrådet utsette saka til kl då ein rekna med at ordførar skulle vera på plass. Diverre var det ein misforståing og ordførar var ikkje på plass til møte. Det vart på møte drøfta viktigheita med å halda på Sunnhordland som eigen destinasjon, og at regionen ikkje vert splitta i ulike destinasjonar. Grunna tidspunkta på dei ulike formannskapa/kommunestyra vart det føreslege å utsette fristen for kommunane til 15 november. Etter ei drøfting vart det sett fram forslag om nytt framlegg til vedtak: 1. Samarbeidsrådet for Sunnhordland tek Kaizen rapporten til orientering. 2. Kommunane får frist til utgongen 15. november til å gjera vedtak om kva destinasjonsselskap ein ønskjer å høyre til. Vedtak: 1. Samarbeidsrådet for Sunnhordland tek Kaizen rapporten til orientering. 2. Kommunane får frist til utgongen 15. november til å gjera vedtak om kva destinasjonsselskap ein ønskjer å høyre til. Sak 45/14 Ymse a) Tour des Fjords Ordførar Liv Kari Eskeland orienterte kort om planane for ein etappe gjennom Sunnhordland. b) Karrieresenter i Sunnhordland Dagleg leiar orienterte om at fylkeskommunen har utlyst 2 stillingar til eit karrieresenter i Sunnhordland. Søknadsfrist er og karrieresenteret skal vera lokalisert på Stord vg. skule, men skal ha faste kontordagar i kommunane.

9 c) Bocuse d`or Austevoll kommunesette fram spørsmål om Samarbeidsrådet vurderer å reise til Lyon og følgje Ørjan Johannessen i Bocuse d`or i slutten av januar Samarbeidsrådet har prioritert studietur med fokus på innovasjon i offentleg sektor i januar 2015 og har ikkje høve til å reise til Lyon. Samarbeidsrådet ba Austevoll kommune om å oversende informasjon om turen til ordførarar og rådmenn, som vil gjera individuelle avgjersle om dei ønskjer å reise. d) Møte med 19 september politireforma Det vart i møte bestemt at Kjetil Hestad, Odd Harald Hovland, Sigve Sørheim og dagleg leiar Gro Jensen Gjerde møter politimeisteren i Hordaland og fylkesmannen i Hordaland i møte 19. september. e) Sjømatnæringa Ordførar Liv Kari Eskeland gav ei kort orientering frå eit møte ho hadde delteke på der tema var utvikling av sjømatnæringa. Veksten i sjømatnæringa ser ut til å koma i nord. Det kjem ei stortingsmelding til våren, og Samarbeidsrådet vart samde om å ha fokus på denne saka, og be om eit møte med fiskeriministeren. f) Regional kulturplan for Hordaland - uttale Administrasjonen vart beden om å utarbeida eit forslag til felles uttale til Regional kulturplan for Hordaland.