GLOPPEN KOMMUNE TEKNISK OG LANDBRUKSUTVALET

GLOPPEN KOMMUNE TEKNISK OG LANDBRUKSUTVALET HOVUDUTSKRIFT Møtedato: 13.05.2014 Møtetid: Kl. 13:00 14:15 Møtestad: Heradshuset Saksnr.: 015/14-019/14 Desse medlemmene møtte: Edgar Kvernevik Leidulf Rygg Bogstad Parti SD Krf Forfall meldt frå følgjande medl. Parti Følgjande varamedl. møtte Parti Sjur Atle Austrheim Uavh. Ingen Sølvi Anne Espeland Hope Sp Jakob Rønnekleiv Sp Leela Anita Kjørvik Ap Peter Holvik Lothe Ap Ugilde Sak i forv.lova Følgjande varamedl. møtte Møteleiar: Frå adm. møtte: Utlevert i møtet: Orientering: Sjå sak 16/14! Sp.mål/interpell.: Synfaring: Diverse: Underskrifter: Edgar Kvernevik (sidan både leiar og nestleiar hadde forfall) Rådmann Jan Kåre Fure Avd.ing. Bjørn Aurlien i sakene 17-18/14 Leiar for kommunalteknikk Jostein Moldestad i sak 19/14 Edgar Kvernevik Side 1

SAKLISTE Sak nr. Sakstittel 015/14 Godkjenning av møtebok, innkalling og sakliste 016/14 Referat- og orienteringssaker 017/14 Oppstart av kommunalt planarbeid - detaljregulering for Museumsområdet og Småbåthamna på Øyrane 018/14 Revisjon av reguleringsplan for Sandane sentrum - vegen vidare 019/14 Opprusting og asfaltering av kommunale vegar 2014 Side 2

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Teknisk og landbruksutvalet 13.05.2014 015/14 Avgjerd av: Teknisk og landbruksutvalet Saksbehandlar: Jan Kåre Fure Arkiv: 033 Objekt: Arkivsaknr.: 14/912-1 Godkjenning av møtebok, innkalling og sakliste Møteboka frå teknisk og landbruksutvalet og landbruksutvalet sitt møte den 11. mars i år blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. --- Det er utvalsleiar som formelt sett skal sette opp saklista og innkallinga til møtet. Samstundes er det utvalsleiar som signerer møtebøkene. Eg vil derfor legge fram denne saka i utvalsleiar sitt namn). UTVALSLEIAR SI TILRÅDING: 1. Teknisk og landbruksutvalet godkjenner møteboka frå sitt møte den 11. mars 2014 2. Teknisk og landbruksutvalet godkjenner innkallinga og saklista til møtet den 13. mai 2014. 13.05.2014 TEKNISK OG LANDBRUKSUTVALET 015/14 VEDTAK: 1. Teknisk og landbruksutvalet godkjenner møteboka frå sitt møte den 11. mars 2014 2. Teknisk og landbruksutvalet godkjenner innkallinga og saklista til møtet den 13. mai 2014. Vedtaket var samrøystes. Side 3

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Teknisk og landbruksutvalet 13.05.2014 016/14 Avgjerd av: Teknisk og landbruksutvalet Saksbehandlar: Jan Kåre Fure Referat- og orienteringssaker Arkiv: 033 Objekt: Arkivsaknr.: 14/569 Refererte skriv og meldingar: Nr Dok.ID T Dok.dato Avsendar/Mottakar Tittel 1 14/5956 I 23.04.2014 Fylkesmannen i Sogn og Fjordane Fylkesmannen sitt vedtak ligg ved. Vedtak i klagesak som gjeld løyve til oppføring av støyvoll i steinbrotet på Sagefloten RÅDMANNEN SI TILRÅDING: Teknisk og landbruksutvalet tar brevet frå Fylkesmannen til orientering. 13.05.2014 TEKNISK OG LANDBRUKSUTVALET Etter at sakene på lista var ferdig behandla orienterte rådmannen kort om kva tankar han har når det gjeld framtidige administrativ organisering av dei saksområda som teknisk og landbruksutvalet har som arbeidsområde. 016/14 VEDTAK: Teknisk og landbruksutvalet tar brevet frå Fylkesmannen til orientering. Vedtaket var samrøystes. Side 4

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Teknisk og landbruksutvalet 13.05.2014 017/14 Kultur- og miljøutvalet 13.05.2014 027/14 Formannskapet 22.05.2014 Avgjerd av: Formannskapet Saksbehandlar: Bjørn Aurlien Objekt: Arkiv: L12 Arkivsaknr.: 14/873-1 Oppstart av kommunalt planarbeid - detaljregulering for Museumsområdet og Småbåthamna på Øyrane Vedlegg: Dok.nr Tittel på vedlegg 222108 Plankart forprosjekt datert 25. februar 2013 222109 Reguleringsplan med plassering av båthall - kart datert 8. april 2014 222249 Skisse for utnytting av areal på småbåthamna Bakgrunn for saka: Kommunestyret sitt vedtak i sak 19/14 om overføring av slaktehuset på Øyrane til Sandane småbåtlag Forprosjekt frå Aaland arkitektkontor på oppdrag frå Nordfjord Folkemuseum (mai 2013) Saksutgreiing: Gloppen kommunestyre vedtok 24.03.2014 at slaktehuset på Øyrane skal overførast til Sandane småbåtlag med tanke på riving og oppføring av ein båthall. I vedtaket står mellom anna: Det er ein føresetnad for vedtaket at reguleringsplanen sitt føremål for området blir lagt til grunn for småbåtlaget sitt arbeid. Etter at kommunestyret gjorde sitt vedtak har det vore møte mellom kommunen og småbåtlaget for å avklare vidare framdrift i prosjektet. Hovudpunkta som var drøfta var: 1. Er det mogleg å behandle søknad om oppføring av båthall på grunnlag av gjeldande plan, eller må ny reguleringsplan på plass før det kan gjevast byggeløyve? 2. Skal dette i såfall vere eit privat eller kommunalt planarbeid? Småbåtlaget sitt arealbehov og skisserte plassering av båthall gjer at ein kjem i konflikt med areal avsett til museumsnaust. I museet sitt forprosjekt er ikkje dette arealet nytta. Avvika mellom gjeldande reguleringsplan og Aaland arkitektkontor sitt forslag til forprosjekt for museumsområdet krev også planendring, men ein har tidlegare konkludert med at dette kan vente til ein har meir konkret framdriftsplan for realisering av prosjektet. Økonomiske konsekvensar for kommunen: Side 5

Kommunalt planarbeid inneber noko meir arbeid for kommunen, nokre faktiske utgifter (utover arbeidstimer) til annonsering m.m. og at vi ikkje får inntekter frå behandling av privat reguleringsplan. Rådmannen si vurdering: Dette blir ei drøfting av dei to hovudpunkta frå møtet med småbåtlaget: 1. Småbåtlaget si «tomt» er i dag regulert til parkering/småbåtanlegg, gangveg og almennyttig formål (museum). Formuleringa i kommunestyrevedtaket er difor i beste fall upresis. I teorien kan ein gi dispensasjon frå reguleringsplanen ved søknad om båthall, men dette er etter rådmannen sitt syn ei dårleg løysing. Det er råd å plassere planlagt bygg innafor område regulert til parkering og parkering/småbåtanlegg, men småbåtlaget har behov for ein del plass vest for bygget i samband med sjøsetting og ilandtaking av båtar, og småbåtlaget har skissert korleis dei i utgangspunktet ønskjer å plassere ein hall. I møtet med småbåtlaget vart det difor konkludert med at reguleringsplanen må endrast. 2. Dersom planen skal endrast i privat regi bør dette etter rådmannen sitt syn skje som eit samarbeid mellom Nordfjord folkemuseum og Sandane småbåtlag, då småbåtlaget sine planar grip inn i areal regulert til museet. Det har ikkje vore drøftingar for å avklare om det er mogleg å etablere eit slik samarbeid, men det er grunn til å tru at aktørane har ulik framdriftsplan i prosjekta sine. Kommunen er allereie tungt inne med tilrettelegging for mogleg utvikling i området: -Tidlegare reguleringsarbeid har vore i kommunal regi. -Kommuneplanen nemner å utarbeide plan for å presentere Holvikjekta på ein attraktiv måte, i samarbeid med Nordfjord folkemuseum, som ei prioritert oppgåve innafor kulturområdet. -Kommunen har vore ein aktiv støttespelar for utvikling av forprosjektet. -Det er nå gjort vedtak om vederlagsfri overføring og tilskot til riving av slaktehuset. Kommunalt reguleringsarbeid vil innebere ytterlegare kommunalt tilskot, men omfanget vil vere avgrensa og kommunen kan prioritere å bruke eigen planleggingskapasitet til å dette arbeidet nå. Det er framleis betydeleg uvisse knytt til utvikling av museumsområdet, men rådmannen vurderer det slik at dette er meir av finansiell karakter enn i forhold til korleis arealdisponeringa bør vere. Rådmannen sin konklusjon blir å tilrå kommunalt planarbeid. Sjølv om det ikkje vil vere behov for endringar i heile planområdet for Småbåthamna Øyrane vest, vil ein såpass stor del måtte endrast at det ryddigaste vil vere å revidere heile planen. For å få sterkare fokus på museumsformålet, blir det også foreslått nytt plannamn. RÅDMANNEN SI TILRÅDING: Gloppen formannskap vedtek i samsvar med plan- og bygningslova 3-3 og 12-8 oppstart av arbeid med detaljregulering for Museumsområdet og Småbåthamna på Øyrane. Plangrensene skal følgje eksisterande avgrensing for planområdet Småbåthamna Øyrane vest. 13.05.2014 TEKNISK OG LANDBRUKSUTVALET Side 6

017/14 VEDTAK: Teknisk og landbruksutvalet er samd i tilrådinga. Vedtaket var samrøystes. Side 7

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Teknisk og landbruksutvalet 13.05.2014 018/14 Avgjerd av: Teknisk og landbruksutvalet Saksbehandlar: Bjørn Aurlien Objekt: Arkiv: L12 Arkivsaknr.: 12/1257-47 Revisjon av reguleringsplan for Sandane sentrum - vegen vidare Ingen vedlegg. Bakgrunn for saka: Forslag til revidert reguleringsplan for Sandane sentrum har vore utlagt til offentleg gjennomsyn. Denne saka inneheld ei kort oppsummering av merknadene, og ei tilråding om å legge planarbeidet på is til etter at sentrumsanalysen er gjennomført. Saksutgreiing: Teknisk og landbruksutvalet vedtok i møtet 21. januar å legge forslag til oppdatert reguleringsplan for Sandane sentrum ut til offentleg gjennomsyn. Merknadsfrist vart sett til 14. mars, og etter oppmoding har enkelte fått utsett høyringsfrist fram til ca. 1. april. Kommunen har motteke følgjande merknader: Frå offentlege: NVE meiner flaum- og skredvurderingane som er gjort i planarbeidet er for dårlege. Fylkesmannen har ikkje merknader. Statens vegvesen har ikkje vurdert vegløysingane som ligg inne i planforslaget opp mot vegnormalane. Nye veganlegg skal utførast i samsvar med gjeldande vegnormalar (det kom ny utgåve av handbok 017 i oktober/november 2013) Ved eventuell komande opprusting av eksisterande fylkesvegar innan planområdet er det ikkje usannsynleg at det må utarbeidast nye reguleringsplanar som fyller aktuelle krav. Sogn og Fjordane fylkeskommune kulturavdelinga meiner: At omsynssonene for bygningsvern må utvidast til areal rundt bygga At naustområdet med tilhøyrande fjære må vernast At bygningsmiljøet på garden Sandene må vernast og at området kan nyttast til meir allmennyttige formål, og at bustadområde BK1 og BK2 (sør for Holvikelva) bør gå ut av planen. At område A2 (Øyna) bør regulerast til bevaring, At det må leggjast inn krav om arkeologisk registrering for eit par enkelttomter og for A2 og BK1 og BK2 dersom desse områda ikkje blir omregulert. Frå private: Separate merknader frå Bjarne Flølo, Olav Flatjord, Synnøve-Astrid Eimhjellen og adv. Harris på vegne av Kirsten Hauge. som meiner at planlagt fortau langs deira eigedomar på Side 8

sørsida av Firdavegen er unødvendig med tanke på trafikktryggleik og øydeleggande for deira eigedomar, og difor bør ut av planen. Skinlotun AS kjem derimot med framlegg om at planlagt fortau bør rettast ut og følgje husveggen til Hauge sin eigedom slik som langs dei andre eigedomane. Svein Eikeset ønskjer at det ledige arealet vest for Skinlobygget blir omregulert til bustadformål, og at byggehøgda blir auka slik at det blir høve til å bygge i fire etasjer. Ola Nyhagen er derimot sterkt imot dette, både av omsyn til heilskapen i bygningsmiljøet og ikkje minst med omsyn til eigedomane bakafor i Sagevegen. Sørstrandsvegen 9 AS har i ein omfattande merknad teke til orde for ei revurdering av utnytting og byggehøgd for Firdakraftbygget, og tilsvarande revurdering av trafikk/parkeringsløysinga vest for bygget. Prosjekt Systemer AS har dels samanfallande merknad, men fokuserer i tillegg sterkare på utviklingspotensialet i området mellom Firdakraftbygget, Coop og Sparebanken som dei meiner i liten grad er ivareteke i planforslaget. Sanco Eigedom as ønskjer at heile Sandalsbygget skal kunne nyttast fleksibelt, til bustad, forretning eller kontor etter behov. Jon Denk meiner planen er lite framtidsretta om ein vil ha færre bilar i sentrum, og at tilhøva for gåande og syklande ikkje er gode. Elles merkar han seg at reguleringsforslaget er tilpassa vidare utbygging av Breimsvegen 1B, og meiner det er spesielt at kommunen vil akseptere at sikta i krysset fv. 615/fv. 700 blir dårlegare. Per Inge Hole har forslag om ytterlegare auka utnyttingsgrad for to eigedomar i sentrum som Gloppen Eigedom AS eig. Peter Lothe ønskjer omregulering av ein del av «Øyna» frå offentleg formål til kombinert bustad/næring. I tillegg ønskjer han at gangstien langs elva blir teken ut av planen. Mads Klausen held fast på merknad framsett til tidlegare planforslag om at eigedomen hans bør løysast inn dersom fortau skal byggast frå Flølokrysset til Heradshuset slik planen viser. Separate merknader frå Firda Elektro, Dagfinn Kleppenes og Kvernevik Engineering om planløysingane langs fv. 700.(utforming av parkering og fortau) I tillegg er det eit par merknader av meir opplysande karakter som ikkje er opplista her. Økonomiske konsekvensar for kommunen: Ingen direkte økonomiske konsekvensar av denne saka. Rådmannen si vurdering: Fleire moment taler for å legge denne planrevisjonen på is: 1. Utgangspunktet for planarbeidet var ei oppdatering av reguleringsplanen for å sikre at ein framleis har ekspropriasjonsheimel for tiltak langs fylkesvegane. Merknadene indikerer fleire ønskje om å gå djupare inn i samfunnsanalyse og utviklingspotensiale på Sandane enn det kommunestyret i utgangspunktet la opp til. Når vegvesenet i tillegg ikkje tek skikkeleg stilling til planen, men antyder at det uansett kan vere aktuelt med ny plan før eventuell utbygging, fell ein vesentleg del av grunngjevinga for planarbeidet vekk Side 9

2. Kommunestyret har løyvd pengar til ei sentrumsanalyse for Sandane. Det er litt bakvendt å ta ei inngåande drøfting av merknadene nå og vedta ein revidert plan i forkant av sentrumsanalysen 3. NVE meiner her skulle ligge føre grundigare utgreiingar av flaum og ras. Skal ein ta denne merknaden på alvor, ligg det an til eit nytt konsulentoppdrag som må gjennomførast før ny plan blir vedteken. RÅDMANNEN SI TILRÅDING: Teknisk og landbruksutvalet vedtek at arbeidet med revisjon av reguleringsplan for Sandane sentrum skal innstillast til etter at sentrumsanalysen er gjennomført. 13.05.2014 TEKNISK OG LANDBRUKSUTVALET Peter Holvik Lothe og Edgar Kvernevik bad utvalet vurdere deira habilitet sidan dei har kome med merknader til det planarbeidet som har vore gjort så langt i saka. Sidan saka ikkje dreier seg om noko realitetsbehandling av planen, meinte utvalet at spørsmålet om inhabilitet ikkje er aktuelt. 018/14 VEDTAK: Teknisk og landbruksutvalet vedtek at arbeidet med revisjon av reguleringsplan for Sandane sentrum skal innstillast til etter at sentrumsanalysen er gjennomført. Vedtaket var samrøystes. Side 10

GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Teknisk og landbruksutvalet 13.05.2014 019/14 Avgjerd av: Teknisk og landbruksutvalet Saksbehandlar: Jostein Moldestad Objekt: Arkiv: Q14 Arkivsaknr.: 12/581-22 Opprusting og asfaltering av kommunale vegar 2014 Ingen vedlegg. Bakgrunn for saka: I budsjettet for 2014 er det løyvd 1 mill til opprusting av kommunale vegar. Det må no takast avgjerd i kva midlane skal brukast til. Saksutgreiing: I tilsvarande sak i 2013 vart det gjort vedtak om asfaltering av ein parsell i Årdal og ein parsell på Føleide. Vidare vart det vedteke: «Nye tiltak blir sett inn i 2014 2015 til vegen Vereideflata Føleide». Det betyr at ein paresll av Føleidevegen må takast med i asfalteringsprogrammet i år og ein parsell til neste år. Andre vegar som bør ligge høgt på prioriteringslista er Steinsakervegen, vegen opp til Solheim i Fjellbygda og vegen Gimmestad Moane. Mange andre vegar kunne vore nemnt. Forslag til prioritering av vegar som skal opprustast i 2014 : 1. Parsell Vereideflata, asfalt, slitelag, 500 m kr 300 000,- 2. Steinsakervegen, asfalt opprettingslag og slitelag, 1510 m kr 700 000,- Sum kr 1 000 000,- Økonomiske konsekvensar for kommunen: Tiltaket skal lånefinansierasst og vil føre til renter og avdrag i åra som kjem, som innlagt i gjeldande økonomiplan. Rådmannen si vurdering: Rådmannen viser til vedtaket i fjor når det gjeld Føleidevegen. Parsellen som bør prioriterast i år er Vereideflata. Kommunen har mange vegar som bør reasfalterast og mange grusvegar som bør få fast dekke. I økonomiplanen er det årleg sett av 1 mill til opprustingav kommunale vegar. Basert å ei heilheitsvurdering av behova vert Steinsakervegen prioritert i år i tillegg til ein parsell av Føleidevegen. RÅDMANNEN SI TILRÅDING: Side 11

Teknisk og landbruksutvalet godkjenner rådmannen si prioritering av vegar som skal asfalterast 2014. 13.05.2014 TEKNISK OG LANDBRUKSUTVALET Framlegg frå Edgar Kvernevik (SD): Teknisk og landbruksutvalet vedtek å legge fast dekke på parsellen Vereideflata til Føleide i 2014. Eventuelle overskytande midlar blir brukte til opprettingslag på Steinsakervegen. Framlegget vart samrøystes vedteke. 019/14 VEDTAK: Teknisk og landbruksutvalet vedtek å legge fast dekke på parsellen Vereideflata til Føleide i 2014. Eventuelle overskytande midlar blir brukte til opprettingslag på Steinsakervegen. Vedtaket var samrøystes. Side 12