Møteinnkalling Utvalg: Breheimen nasjonalparkstyre Møtested:, Telefonmøte Dato: 10.08.2017 Tidspunkt: 10:00 Eventuelt forfall må meldes snarest på tlf. xxxx. Vararepresentanter møter etter nærmere beskjed. 1
2
Saksliste Utvalgssaksnr ST 25/17 ST 26/17 Innhold Lukket Arkivsaksnr Godkjenning av innkalling og sakliste - val av to medlemmar til å skrive under protokoll saman med styreleiar Sak - Flyging med drone for filming av realityserie - Strix v/emilie Vincent. 2003/4333 2017/4798 3
BREHEIMEN NASJONALPARKSTYRE Sak Arkivsaksnr: 2017/4798-2 Sakshandsamar: Bjørn Dalen Dato: 07.08.2017 Utval Utvalssak Møtedato Breheimen nasjonalparkstyre 26/17 10.08.2017 Sak - Flyging med drone for filming av realityserie - Strix v/emilie Vincent. Forvaltar si innstilling Med heimel i 4 i verneforskrift for Mørkridsdalen landskapsvernområde jf. NML. 48, vedtek Breheimen nasjonalparkstyre å avslå søknaden frå firmaet Strix v/emilie Vincent, om bruk av drone under filming i Mørkridsdalen landskapsvernområde. Grunngjevinga for avslaget er at produksjonen av underhaldningsprogram som dette, der verneområdet har ei sekundær rolle, lett skaper presedens for andre liknande søknader. Tiltaket kan da, saman med andre liknande tiltak, føre til at den samla belastninga på naturmangfaldet blir for stor, jf. naturmangfaldlova 10. Saksopplysningar Saksdokument Søknad ved e-post dagsett 26.07.2017 frå Strix v/emilie Vincent. Firmaet Strix v/emilie Vincent søkjer om dispensasjon for bruk av drone, i samband med produksjon av realityserie for NRK. I søknaden står det.: «Hei, Jeg kontakter deg etter at Maria Knagenhjelm, nasjonalparkforvalter for Jostedalsbreen fortalte meg at Mørkridsdalen er en del av Breheimen nasjonalpark. Jeg jobber for produksjonsselskapet Strix og vi er i gang med å lage en ny reality serie for NRK. I den sammenhengen ønsker vi å bruke droner. Her er litt informasjon om hvor vi vil filme, hva, når og litt info om programmet. «Familieekspedisjonen en måned ute», er en konkurransedrevet realityserie hvor tre familier kjemper om å mestre naturen, tilegne seg turegenskaper, samarbeide og bli bedre kjent med seg selv og sin familie. Programmet skal vises på tv våren 2018. Familiene skal gå turer alene, samlet eller delt i andre grupperinger. Dette ut i fra terreng, og turens tema. Vi forteller historier om tre familier på tur, men vel så viktig historier om 12 mennesker. Alle har de individuelle opplevelser, og alle feiler og mestrer de på et personlig plan. I denne serien blir ingen stemt ut og alle familiene deltar hele veien til topps! Hver uke vinner en av familiene en fordel, og denne vil vi se de kjempe for, men det er først i finaleuken at tre blir til to. Den familien som står igjen etter en storslått finale og som har tilegnet seg mest kunnskap underveis vinner tidenes turopplevelse! Vi ønsker å bruke drone i mørkerisdalen mellom den 18. 20. august 2017 og lurer på om vi trenger løyve for å gjøre det? Har dere noen flere spørsmål er det bare å ta kontakt. MVH Emilie Vincent» 4
Vurdering Søknaden blir vurdert etter: Verneforskrift for Mørkridsdalen landskapsvernområde dagsett 07.08.2009. Naturmangfaldlova dagsett 19.06.2009 Forvaltningsplan for Breheimen nasjonalpark med tilgrensande verneområde, dagsett 01.03.2017. Forskrift og lovverk Etter lov om motorferdsel i utmark er små luftfarty av denne typen ikkje teke med, da denne lova berre omfattar farkostar som er store nok til å frakte ein person. I verneforskrift for Mørkridsdalen landskapsvernområde er det eit anna punkt som regulerer denne typen farkostar. Verneforskrifta 3 pkt. 7.3 heiter det: Unøding støy skal unngåast.--. Det blir tolka slik at «og liknande» omfattar dronar. I forvaltningsplanen for Breheimen nasjonalpark og tilfrendsande vernområde er bruk av droner skildra slik: Retningsliner for forvaltning og bruk. All ureining og forsøpling av vassdrag og naturen elles er forbode i verneområda. Det medfører m.a. at: Unødig støy er forbode. Det er m.a. forbod mot bruk av motordrivne modellfly og modellbåt i nasjonalparken og i landskapsvernområda. Dette forbodet omfattar også droner. Det er ikkje spesifisert unntaksregel for denne typen tiltak i verneforskrifta, og ein søknad om dispensasjon krev da behandling etter den generelle dispensasjonsheimelen i 4, jf. naturmangfaldlova 48. 48 set svært strenge krav til når ein kan vurdere eventuell dispensasjon, og opnar for dette berre dersom tiltaket «ikke strider mot verneformålet og ikke påvirker verneverdiene nevneverdig». Båe vilkåra må vere oppfylt. Det er ikkje automatikk i at dispensasjon må gjevast sjølv om vilkåra elles kan vera oppfylt. Skjøn og instruksar frå overordna styremakter spelar også inn. Dispensasjonsregelen i 48 kan ikkje brukast for å utvide ramene gjevne i vernevedtaket(kgl.res.), men er ein sikkerheitsventil som skal fange opp uføresette eller heilt spesielle tilfelle som ikkje vart vurdert på vernetidspunktet. I verneforskrifta heiter det: Føremålet med Mørkridsdalen landskapsvernområde er å ta vare på eit natur- og kulturlandskap med økologisk verdi, kulturell verdi og opplevingsverdi og som er identitetsskapande. Vidare er føremålet med landskapsvernområdet å: - ta vare på stølar med stølsvollar, kulturminne og naturbeitemarker - ta vare på geologiske førekomstar og breforma landskap som U-dalar, breane sine avsetningar og andre kvartærgeologiske førekomstar - ta vare på vakker og særprega vassdragsnatur, særleg knytt til Mørkridsdalselvi - ta vare på edellauvskogen med særmerkte, store og/eller gamle dekorative levande og daude tre, førekomstar av gamal furuskog og rasmarker som pregar landskapet. Ålmenta skal ha høve til natur- og landskapsoppleving gjennom utøving av naturvenleg og enkelt friluftsliv med lita grad av teknisk tilrettelegging. Dei siste par åra har det vore behandla ein del slike saker i norske nasjonalparkar, og fleire er innvilga, men med tydelege avgrensingar av formål, område og tidsrom. Dei innvilga sakene er i stor grad knytt til ymse former for dokumentasjon som kartlegging eller naturfilming, der det er sett ymse vilkår knytt til dyreliv og vilkår om å unngå flyging i helg pga. friluftsliv. Det er gitt fleire løyve til bruk av drone ifb. med filming for å skaffe materiell til marknadsføring. Ein er altså ikkje heilt framand for å gje løyve til marknadsføringstiltak, men ser samstundes at det kan blir mange aktørar som ønskjer sitt område profilert. Kvart tiltak må derfor vurderast nøye 5
opp mot verneformål og eventuell påverknad av verneverdiane. Dei sakene som er handsama i Breheimen til no er: 2014 Bruk av drone til filmopptak i Lundadalen (Breheimen nasjonalpark) Formål: Filme Naturen, folk og reinsjakta for lokalt fima. Tiltakshavar: Fjelleventyret AS. Vedtak: Løyve til filming frå drone i avgrensa område utanfor villreinområde. 2017 Bruk av drone for filmopptak i Breheimen verneområde. Formål: Filme for å skaffe materiell til informasjon og marknadsføring av verneområdet. Tiltakshavar: Norsk fjellsenter. Vedtak: Løyve til filming frå drone i avgrensa område og avgrensa tid. 2017 Bruke av drone til filopptak i Mysubytta landskapsvernområde. Formål: Skaffe materiell til marknadsføring av Sota turisthytte. Tiltakshavar: Sota Sæter og turisthytte. Vedtak: Løyve i eit avgrensa tidsrom. Søknadar om bruk av drone for privat filming av fritidsaktivitetar har ikkje vorte innvilga i andre vernområde som Jotunheimen, da det vil skape uheldig presedens pga. svært mange potensielle søkjarar som kan ønskje tilsvarande løyve. Søknader som gjeld marknadsføring som kan bidra til verdiskaping/næringsutvikling knytt til verneområda må vurderast nøye for kvart enkelt høve, og kan på visse vilkår imøtekomast. I slike saker må ein m.a. vurdere om det er ønskjeleg å trekkje fleire folk til det aktuelle området og om auka trafikk kan tenkjast å gå ut over verneverdiane. Det kan skape presedens om ein opnar for ukritisk bruk av drone for marknadsføring, utan å ha ei konkret vurdering av effekt på verneverdiar og om det er i tråd med den overordna forvaltningsplanen. Ei elektrisk drone er knapt høyrbar på litt avstand, så ut frå direkte støyomsyn er tiltaket lite problematisk. Indirekte effektar som auka trafikk og uroing kan derimot vera i konflikt med verneverdiar og føringar i forvaltningsplanen. Dersom ein unngår nærføring mot sårbare viltbiotopar som rovfuglreir og held generelt god avstand til vilt som måtte finnast i området, vil bruk av drone truleg ha liten direkte innverknad på biologiske verneverdiar. Indirekte vil likevel filmopptak som promoterer sårbare område overfor nye brukarar kunne gje negativ effekt ved at sårbare artar blir utsett for forstyrringar i form av auka ferdsel og aktivitet gjennom stadig større delar av året. Det planlagde opptaksområdet i denne saka er delvis sårbare i høve til vilt. I høve til siste ledd i formålsparagrafen,om at «Ålmenta skal ha høve til natur- og landskapsoppleving gjennom utøving av naturvenleg og enkelt friluftsliv med lita grad av teknisk tilrettelegging, kan det tenkjast at enkelte vil føle at omfattande bruk av luftfarkostar medfører øydelegging av kjensla av å vera i urøyvde område. Ein bør derfor avgrense omfanget og unngå område og tider med stor utfart. Ein prøver i størst mogleg grad å unngå flyging i helg. Vidare må det visast respekt for andre som ferdast i fjellet, og unngå nærføring eller filming av privatpersonar som ikkje er førespurt om dette på førehand. Jf. også Samferdselsdepartementets forskrift av 30-11-2015 Forskrift om luftfartøy som ikke har fører om bord mv, som også har strenge føringar på dette. For å ta vare på verneverdiane i eit langsiktig perspektiv må ein uansett ta ei overordna vurdering av samla påverknad, og ikkje berre gje isolerte enkeltløyve som kan skape presedens for påfølgjande søknader. Når det gjeld den aktuelle søknaden så er det ikkje lett å skilje mellom opplæring/undervisning/marknadsføring av området og underhaldning. Konkurranseelementet i denne aktuelle søknaden er heilt klart underhaldningselement. Familie på tur har eit element av opplæring, men fokus til prosjektet er historiane til familiane og dei einskilde deltakarane si utvikling, ikkje verneområdet. Aktiviteten kan derfor like gjerne bli lagt utanfor verneområdet. Tiltaket må også vurderast mot naturmangfaldlova 8-12, jf. 7. Kunnskapsgrunnlaget ( 8) er vurdert som tilfredsstillande når det gjeld biologiske verdiar i området Mørkridsdalen, men ein manglar erfaring når det gjeld bruk av dronar og eventuelle effektar av bruken. Det er generelt viktig å unngå nærføring til hekkelokalitetar for rovfugl eller vilt som måtte finnast i området. Forvaltninga har ikkje nok kunnskap om hekkelokalitetar i landskapsvernområdet. Det pågår kartlegging i 2017/18, men det er registrert hekkelokalitetar området. 6
Bruken av droner for filming i verneområda bør avgrensast til tiltak av ei viss allmenn interesse innanfor omgrepa opplæring/undervisning/ marknadsføring, og kan ikkje gjevast for tiltak som skaper uheldig presedens. Ut frå ei økosystemtilnærming og vurdering av den samla belastninga (nml. 10) meiner ein at tiltaket ikkje kan gjennomførast jf. føre-var-prinsippet ( 9). Konklusjon Ut ifrå ei samla vurdering vil ikkje nasjonalparkforvaltaren tilrå dispensasjon frå verneforskrifta, på grunn av karakteren til tiltaket. Tiltaket vil danne presedens for andre likande tiltak og dermed stride mot verneformålet, og kan gå ut over verneverdiane, jf. krava i naturmangfaldlova 48. Ut ifrå føringane i forvaltningsplanen skal underhaldningsfilming leggast utanfor verneområdet. Nasjonalparkforvaltaren tilrår derfor at nasjonalparkstyret avslår søknaden om dispensasjon frå nasjonalparkforskrifta sitt forbod mot bruk av modellfly og liknande. Det er mogleg å formidle innhaldet i denne konkurransen utan å bruke drone innanfor Mørkridsdalen landskapsvernområde. 7