Møteinnkalling for Utval for levekår og kultur

Hjartdal kommune 3692 Sauland Møteinnkalling for Utval for levekår og kultur Møtedato: 25.11.2014 Møtestad: Kommunehuset Møtetid: Kl. 18.00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 17.11.2014 Sakliste Sak nr. Saktittel Einar Løndal leiar 030/14 GODKJENNING AV MØTEBOK 031/14 DELEGASJONSSAK 032/14 TILSTANDSRAPPORT FOR GRUNNSKULEN - MÅL 033/14 KOMMUNEDELPLAN FOR IDRETT OG FYSISK AKTIVITET - SLUTTBEHANDLING 034/14 FRIVILLIGSENTRALEN - VILKÅR FOR TILSKOT 035/14 TILSKOT TIL FORSAMLINGSLOKALE 2014 - RESTUTBETALING 036/14 SAULAND UNGDOMSLAG - SØKNAD OM STØTTE VEDK. UTBYGGING AV KLUBBHUSET 037/14 SØKNAD OM MIDLER TIL FOTOUTSTILLING PÅ ELVESTIEN - NY BEHANDLING 038/14 FRAMLEGG TIL BARNEHAGEVEDTEKTER

Hjartdal kommune Styre, råd, utval Møtedato Saknummer Sakshandsamar Utval for levekår og kultur 25.11.2014 030/14 ISO Saksansvarleg: Ingrid Sletta Olsen Arkiv: K1-033 Arkivnr.: 14/3079 GODKJENNING AV MØTEBOK RÅDMANNEN TILRÅR Møteboka frå LOK-møte 30.09.2014 blir godkjent slik ho ligg føre.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 25.11.2014 031/14 ISO Saksansvarleg: Ingrid Sletta Olsen Arkiv: K1-033 Arkivnr.: 14/3078 DELEGASJONSSAK FLOK-024/14 05.11.2014: SKULERUTE 2015-2016 VEDTAK Skuleruta for skuleåret 2015-2016 vert vedteken slik den ligg føre. FLOK-025/14 10.11.2014: SØKNAD OM DRIFTSTILSKUDD FOR 2015 - STIFTELSEN AMATHEA VEDTAK Søknad frå stiftinga Amathea om diftstilskot på kr 5.000 imøtekomast ikkje. Grunngjeving: Tilskotsposten er oppbrukt for 2014. RÅDMANNEN TILRÅR: Delegasjonssakene blir teke til orientering slik dei ligg føre.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 25.11.2014 032/14 RE Saksansvarleg: Rune Engehult Arkiv: K2-A20, K2- Arkivnr.: 14/2974 TILSTANDSRAPPORT FOR GRUNNSKULEN - MÅL Vedlagde dokument: Mål for grunnskulen - rådmannen sitt forslag Aktuelle lover, forskrifter, avtaler m.m.: Opplæringslova Saksgang: Utval for levekår gjer vedtak. Bakgrunn for saka: Det er fastsett i opplæringslova at skoleeigarar pliktar å utarbeide ein årleg rapport om tilstanden i opplæringa. I Stortingsmelding nr. 31 (2007-2008) går det fram at det er viktig at styringsorgana i kommunen har eit bevisst og kunnskapsbasert forhold til kvaliteten på grunnopplæringa. Dette er nødvendig for å følgje opp utviklinga av sektoren på ein god måte. Den årlege rapporten skal drøftast av skoleeigaren, dvs. kommunestyret (jf. opplæringslova 13-10 andre ledd). I samband med handsaming av tilstandsrapporten for 2013 i juni 2014 vedtok kommunestyret at: Rådmannen blir bede om å leggje fram forslag til målsettingar knytt til alle deler av tilstandsrapporten for handsaming i utval for levekår og kultur hausten 2014. Skule- og oppvekstleiarane har arbeidd med målsettingar i haust og rådmannen legg med dette forslag til mål fram for politisk handsaming. Vurdering: For at skuleeigar skal ha mogelegheit til å vurdere tilstanden i skulen er det nødvendig med klare mål. Forslaget til målformuleringar er basert på dagens status, der måla gir uttrykk for ei utvikling å strekkje seg etter, samtidig som det skal vere realistisk å nå måla. Målformuleringar og målsettingsarbeid er ein kontinuerleg prosess. Rådmannen meiner at dei måla som nå ligg føre gir eit godt grunnlag for skuleigar til å vurdere tilstanden i grunnskulen i Hjartdal.

RÅDMANNEN TILRÅR: Utval for levekår og kultur vedtek mål for grunnskulen slik dei ligg føre.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 25.11.2014 033/14 BR Saksansvarleg: Bjørn Rugaas Arkiv: K2-C20 Arkivnr.: 14/1266 KOMMUNEDELPLAN FOR IDRETT OG FYSISK AKTIVITET - SLUTTBEHANDLING Dokument i saka: Nr T Dok.dato Avsendar/Mottakar Tittel 17 I 31.10.2014 Pensjonistlaga i Hjartdal kommune UTTALE TIL PLAN FOR IDRETT OG FYSISK AKTIVITET 18 I 02.11.2014 Telemark fylkeskommune SVAR PÅ HØRING - KOMMUNEDELPLAN FOR IDRETT OG FYSISK AKTIVITET 2014-2018 20 I 16.11.2014 Hjartdal kommune KOMMUNEDELPLAN FOR EDRETT OG FYSISK AKTIVITET - FRAMLEGG Vedlagde dokument: Dokument nr. 17, 18 og 20 Aktuelle lover, forskrifter, avtaler m.m.: Kulturdepartementet sin rettleiar for kommunedelplanar for idrett og fysisk aktivitet Saksgang: Utval for levekår og kultur tilrår til formannskapet Formannskapet tilrår til kommunestyret Kommunestyret gjer vedtak Bakgrunn for saka: Kommunestyret vedtok i sak 57/14 (møte 10.09.14) : Forslag til "Kommunedelplan for idrett og fysisk aktivitet" med følgjande tillegg til pkt 11: Kjerringsteinløypa, blir med heimel i plan- og bygningslova 11-14 lagt ut til offentleg ettersyn med høyringsfrist 01.11.14. Innan høyringsfristen har det kome innspel frå: Telemark Fylkeskommune, Team kultur, Dok 18. Felles uttale frå Rådet for eldre og menneske med nedsett funksjonsevne og pensjonistlaga i kommunen, Dok 17. Telemark Fylkeskommune gjev i sitt høyringssvar godkjenning av planen som grunnlag for søknad om spelemidlar. Fylkeskommunen gjev ros til mange sider av plandokumentet, men peikar også på at planen bør innehalde kart med lokalisering av eksisterande og planlagte anlegg, samt nye framtidige arealbehov for anlegg og område for friluftsliv. Fylkeskommunen

tilrår også at det kortsiktige handlingsprogrammet konsentrerar seg berre om planlagte anleggstiltak Fellesuttale frå Rådet for eldre og menneske med nedsett funksjonsevne og pensjonistlaga peikar på følgjande moment i sin uttale: Eldre og menneske med nedsett funksjonsevne er lite nemnd i planen Kommunen sin frisklivskoordinator bør involverast til å kome med konkrete planar for fysisk aktivitet for gruppa eldre og menneske med nedsett funksjonsevne Samarbeid med Røde kors, helselaga, ungdomslaga og pensjonistlaga om felles aktivitetar Tilrettelegge for lågterskeltilbod i tillegg til eksisterande trimgruppe som f. eks: - bassengtrening med kommunefysioterapeut - gåturar - sykkelgruppe - skigåing på flatmark - folkeviseleik - stoldans - seniordans - samarbeid med skyttarlag om leirdueskyting o.l. Vurdering: Ein kommunal plan for idrett og fysisk aktivitet er ein føresetnad for at bygging og rehabilitering av idrettsanlegg skal kunne få statleg spelemiddelfinansiering. Planen er òg viktig slik at eventuelle kommunale tilskot kan bli vurdert i samband med den kommunale økonomiplanen. Det er derfor viktig å samordne rullering av handlingsprogrammet til kommunedelplanen for idrett og friluftsliv med rullering av handlingsdelen til kommuneplanen og økonomiplanen. Rådmannen legg derfor opp til at handlingsprogrammet til kommunedelplan for idrett og fysisk aktivitet blir integrert i kommuneplanen sin handlingsdel/økonomiplanen. Dei innkomne høyringsuttalene avdekkjer ikkje vesentlege manglar eller endringsbehov ved plandokumentet. Fylkeskommunen sitt ønskje om kartdel og eit tydelegare handlingsprogram kan imøtekomast ved at rådmannen får mynde til å innarbeide kart i tråd med innhaldet i planen. Synspunkta i fellesuttale frå Rådet for eldre og menneske med nedsett funksjonsevne og pensjonistlaga understrekar det generelle folkehelsemessige perspektivet. Framlegg om å skape aktivitetar som i større grad er retta mot å inkludere eldre og menneske med nedsett funksjonsevne er viktige å ha med seg, og takast til orientering vidare i arbeidet. Rådmannen hadde ønskja ein større heilskapleg drøfting av kva for strategi det skal vere for anleggs- og aktivitetsutviklinga i kommunen. På nåverande tidspunkt er det primære likevel å få vedteke ein kommunedelplan i tråd med nasjonale krav. Ved neste revidering av planen håper rådmannen at tida er moden for ein meir heilskapleg debatt. Av omsyn til eventuell søknad om spelemidlar for 2015 er det ikkje rom for å bruke meir tid til planprosessen nå. Rådmannen tilrår derfor at forslaget til kommunedelplan for idrett og fysisk aktivitet blir endeleg vedteken slik den ligg føre. RÅDMANNEN TILRÅR: 1. Kommunedelplan for idrett og fysisk aktivitet blir med heimel i Plan- og bygningslova 11-15 eigengodkjent slik den ligg føre. 2. Rådmannen får mynde til å innarbeide kartdel i tråd med planen. Saksordførar:

Hjartdal kommune Styre, råd, utval Møtedato Saknummer Sakshandsamar Utval for levekår og kultur 25.11.2014 034/14 BR Saksansvarleg: Bjørn Rugaas Arkiv: K1-223 Arkivnr.: 14/2541 FRIVILLIGSENTRALEN - VILKÅR FOR TILSKOT Dokument i saka: Nr T Dok.dato Avsendar/Mottakar Tittel 1 I 09.09.2014 Hjartdal frivillighetssentral/hj artdal turist- og bygdesentral 2 U 15.09.2014 Hjartdal Frivilligsentral v. Lise Djupedal SØKNAD OM MIDLAR TIL FRIVILLIGHETSSENTRALEN I HJARTDAL FOR 2015 FØREBELS SVAR - SØKNAD OM MIDLAR TIL FRIVILLIGHETSSENTRALEN FOR 2015 Vedlagde dokument: Dokument nr.1, 2 Aktuelle lover, forskrifter, avtaler m.m.: Utval for Levekår og kultur, vedtak i sak 06/14 Saksgang: Utval for Levekår og kultur vedtek. Bakgrunn for saka: Kommunen har motteke søknad frå Hjartdal Frivilligsentral om støtte til drift for 2015. I formannskapet sitt budsjettframlegg er det budsjettert med kr 100.000 til slikt tilskot. Utval for Levekår og kultur handsama i møte 04.03.14 sak 06/14, spørsmål om tilskot for 2014, og gjorde slikt vedtak: "LOK-006/14 VEDTAK: 1. Søknad frå Hjartdal turist og bygdesentral om kr. 100.000 i tilskot til drift av Frivillighetssentral vert imøtekomen på flg. vilkår: Dagleg leiar sine oppgåver skal rettast mot gjennomføring av aktivitetar i Sauland, Tuddal og Hjartdal. Dagleg leiar sine oppgåver skal rettast mot rekruttering og koordinering av frivillige i Sauland, Tuddal og Hjartdal. Det må utarbeidast ein handlingsplan for 2015 med mål som inkluderar heile kommunen, og denne sendast inn saman med søknad om tilskott for 2015. Frist 15.09.2014.

Parnerskapsavtale med Hjartdal kommune skal vere på plass for tildeling av midlar for 2015. Frist 15.09.2015. Dagleg leiar må sørge for at alle lag og organisasjonar i kommunen får informasjon om at Frivillighetssentralen er ein sentral for alle bygdene i kommunen. 2. Tilskotet utbetalast frå konto 1.4700.210.3850. 3. Tilskotet blir utbetalt når det ligg føre skriftleg aksept av vilkåra frå styret for Frivillighetssentralen." Kommunen mottok 24.03.2014 brev der Frivilligsentralen aksepterte vilkåra. Det vart teke kontakt med Frivilligsentralen i starten av september for å minne om forventningane frå utvalet om ein handlingsplan som grunnlag for partnerskapsavtale, og kommunen hadde møte med sentralen 08.09. for å gå gjennom punkta i utvalet sitt vedtak i sak 06/14. Frivilligsentralen har utarbeidd handlingsplan for 2015 dagsett 09.09.14, journalført i kommunen 25.09.2014, men det er ikkje utarbeidd partnerskapsavtale. Ordlyden i handlingsplanen er følgjande: "Handlingsplan for 2015: Frivillighetssentralen arbeider aktivt som koordinator/møteplass for alle lag og foreninger i kommunen. Frivillighetssentralen legger opp til aktiviteter i tråd med lokale forventninger. Frivillighetssentralen arbeider aktivt for å rekruttere og ha oversikt over frivillige i hele kommunen. Frivillighetssentralen har oversikt over innbyggere som trenger bistand og kobler disse til frivillige. Frivillighetssentralen ser for seg nye oppgaver i forhold til flyktinger/innvandring i kommunen og forbereder seg til dette arbeidet. Oppgaver daglig leder: Daglig leders oppgaver skal til enhver tid være gjennomføring av oppgaver i hele kommunen. Som nevnt i handlingsplanen, rekruttere og koordinere frivillige i hele kommunen. Partnerskapsavtale: Handlingsplan og beskrevne oppgaver for daglig leder sees på som partnerskapsavtale." Vurdering: Den frivillige innsatsen samla sett i kommunen har stor verdi for kommunen sine innbyggjarar, og det er behov for den koordinerande funksjonen ein frivilligsentral ideelt sett har. Kommunen sitt ønskje om ein handlingsplan med målsettingar for 2015 er sett ut frå erkjenninga om at det er ein risiko for at verksemda kan bli statisk og for lite oppsøkjande. Ein konkret handlingsplan vil mellom anna kunne identifisere kor innsatsen bør aukast eller reduserast for å nå konkrete målsettingar. Frivilligsentralen har akseptert vilkåra i LoK-sak 06/14, og har levert svar på bestillinga om handlingsplan for 2015. Det ligg ikkje føre rapportering som seier noko om i kva grad Frivilligsentralen allereie i 2014 har innfridd ønskja frå LoK jfr. kulepunkt 1 og 2. Rådmannen vil frå sin synsstad stille seg spørjande til om ein ikkje burde ha tilstreba eit høgare konkretiseringsnivå med målbare målsettingar. Det ville også gjort det lettare å identifisere innsatspunkta.

I vedtak i sak 06/14 stillast det krav om at det skal føreligge partnerskapsavtale. På dette punktet kan ein etter rådmannen sitt syn ikkje godta uttalen i Frivilligsentralen om at plan og leiaroppgåver sjåast på som partnerskapsavtale. Derimot er handlingsplanen eit mogleg utgangspunkt for å inngå ei slik avtale, men da må båe partar godta innhaldet. Spørsmålet i høve tilskot til drift for 2015 bør knyttast til utvalet si vurdering av om handlingsplanen imøtekjem vilkår sett i sak 06/14 på ein måte som innfrir dei politiske forventningane. Rådmannen vil difor tilrå at Utval for Levekår og kultur vurderar om handlingsplan for Frivilligsentralen for 2015 innfrir forventningane slik det framgår av vedtak i sak 06/14. Moglege alternative vedtaksformuleringar kan vere: 1. Handlingsplan for 2015 innfrir krav til drift av Frivilligsentralen jfr. utvalsak 06/14. Administrasjonen får fullmakt til å utarbeide og inngå partnerskapsavtale med handlingsplanen som utgangspunkt. Søknad om driftstilskot for 2015 handsamast i første møte etter årsskiftet. 2. Handlingsplan for 2015 imøtekjem ikkje dei krav som setjast til drift av Frivilligsentralen. Søknad om driftstilskot for 2015 imøltekomast ikkje. RÅDMANNEN TILRÅR: Saka leggjast fram utan tilråding.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 25.11.2014 035/14 BR Saksansvarleg: Bjørn Rugaas Arkiv: K2-D12 Arkivnr.: 14/2215 TILSKOT TIL FORSAMLINGSLOKALE 2014 - RESTUTBETALING Dokument i saka: Nr T Dok.dato Avsendar/Mottakar Tittel 1 U 20.06.2014 Mottakarane TILSKOT TIL FORSAMLINGSLOKALE 2014 OG INFORMASJON OM KOMPENSASJON FOR KOMMUNALE AVGIFTER 2 U 27.06.2014 Sauland, Tuddal IL, UL Fram, Hj Røde Kors Hjartdal REGISTRERINGSSKJEMA - TILSKOT TIL FORSAMLINGSLOKALE 2014 3 I 03.07.2014 Hjartdal IL v/mailen UTFYLT REGISTRERINGSSKJEMA Pedersen 4 I 17.07.2014 Sauland IL v/øyvind TILBAKEMELDING REGISTRERINGSSKJEMA Brukås 5 I 27.07.2014 Fossehalli RETUR REGISTRERINGSSKJEMA -TILSKOT 2014 - FOSSEHALLI I TUDDAL 6 I 28.07.2014 Kjetil Langåsdalen RETUR REGISTRERINGSSKJEMA - TILSKOT 2014- KYRKJEKRISNEN GAMLE SKULE 7 I 29.07.2014 Hjartdal Røde Kors RETUR AV REGISTRERINGSSKJEMA - TILSKOT 2014 - RØDE KORS Aktuelle lover, forskrifter, avtaler m.m.: Utval for levekår og kultur, sak 21/14. Saksgang: Utval for levekår og kultur vedtek. Bakgrunn for saka: Fordeling av driftstilskot til lagseigde forsamlingshus vart gjort i sak 21/14, møtedato 28.08. I utvalet sitt vedtak vart det avgjort at dersom potten ikkje er bruka opp innan utgangen av året skal resterande midlar fordelast til Bergtun og Klubbhuset. På det tidspunktet vedtak i sak 21/14 vart gjort var dei oppgjevne restmidlane ca kr 26.000, men det har etter den datoen påløpt utgifter som har redusert potten sin storleik. Ved månadsskiftet oktober/november står det att kr 12.000 på konto 1.4700.210.3850 "Generelt tilskot/støtte".

Vurdering: Det ligg føre to søknader om tilskot til handsaming i Utval for levekår og kultur som kan konkurrere om dei same midlane. Det er vanskeleg å setje desse sakene opp mot kvarandre, men det er kanskje slik at driftstilskot til lagseigde hus kjem flest innbyggjarar til gode i den forstand at laga på denne måten kan nytte meir av sine ressursar på aktivitetsskapande tiltak. Rådmannen vil difor etter ei samla vurdering tilrå at restsummen utbetalast i tråd med utvalet sitt signal i sak 21/14 RÅDMANNEN TILRÅR: Restbeløp på konto 1.4700.210.3850 utbetalast som driftstilskot for 2014 til: Bergtun, Hjartdal - kr 6.000 Klubbhuset, Sauland - kr 6.000

Hjartdal kommune Styre, råd, utval Møtedato Saknummer Sakshandsamar Utval for levekår og kultur 25.11.2014 036/14 BR Saksansvarleg: Bjørn Rugaas Arkiv: K1-223, K2- Arkivnr.: 14/2527 SAULAND UNGDOMSLAG - SØKNAD OM STØTTE VEDK. UTBYGGING AV KLUBBHUSET Dokument i saka: Nr T Dok.dato Avsendar/Mottakar Tittel 1 I 03.09.2014 Sauland ungdomslag v/liv Tone Omnes og Tove løndal SØKNAD OM STØTTE TIL KOMMUNALE KOSTNADER VEDR. UTBYGGING AV KLUBBHUSET 4 I 21.10.2014 Hjartdal kommune RETUR AV SJEKKELISTE - ARKSAK 14/2527 - SØKNAD FRÅ SAULAND U.L. - UTBYGGING AV KLUBBHUSET 3 U 22.10.2014 Sauland Ungdomslag v. Tove Løndal MELDING OM VEDTAK - SØKNAD OM STØTTE, UTBYGGING AV KLUBBHUSET 6 I 06.11.2014 Sauland Ungdomslag VEDRØRENDE SØKNAD OM STØTTE - UTBYGGING AV KLUBBHUSET Vedlagde dokument: Dok. 6 Aktuelle lover, forskrifter, avtaler m.m.: Ingen Saksgang: Utval for levekår og kultur vedtek Bakgrunn for saka: Sauland Ungdomslag v Liv Tone Omnes og Tove Løndal søkjer i brev av 04.09.14 om støtte til dekning av kommunale kostnader i samband med utbygging av Klubbhuset i Sauland. Kommunale sakshandsamingsgebyr i samband med byggesøknaden er: Handsaming av byggesak: kr 8.975 Godkjenning vedr. ansvarsrett: kr 2.300 Til saman kr 11.275 Saka har bakgrunn i at Sauland Idrettslag som eigar av Klubbhuset har gjeve Sauland Ungdomslag løyve til å bygge ut huset, i hovudsak for å få betre scenefasilitetar for aktiviteten knytt til barne- og ungdomsteateret. Tiltaket vil i tillegg løyse andre praktiske problemstillingar som i dag skaper mykje ekstraarbeid og vansker for den frivillige aktiviteten i bygget. Etter

utbygginga vil det bli større scene, verkstad for vaktmesterfunksjonen, garderobar, toalett og lager for teateraktiviteten m.m. Problematikk vedrørande rømningsveg vil også bli løyst gjennom tiltaket. Utgiftene til utbygginga skal dekkjast mellom anna gjennom mange års billettinntekter frå dei mange arrangementa som teatergruppa har gjennomført. Vurdering: Den frivillige innsatsen som leggjast ned gjennom arbeidet til Sauland Ungdomslag og mange andre lag og organisasjonar i kommunen kan ikkje verdsetjast høgt nok, og erstattar hos oss den økonomiske og organisatoriske ressursbruken som mange andre kommunar yter gjennom drift av kommunale kulturhus og kommunale idrettsanlegg. Hjartdal kommune gjev tilskot til drift av forsamlingslokale, men det årlege tilskotet er langt mindre enn laga sine reelle driftsutgifter. Større vedlikehald og nye investeringar er det vanskeleg å finansiere gjennom andre offentlege tilskotsordningar. Det synast difor lite rettvist at oppsparte midlar gjennom frivillig aktivitet over lang tid skal nyttast til også å dekke kommunale gebyr for sakshandsaming, men slik er det. Rådmannen skulle gjerne sett positivt på søknad om tilskot til å dekke desse utgiftene, men situasjonen er at det ikkje er tilgjengelege midlar. Når det gjeld budsjettkonto til disposisjon for Utval for kultur og oppvekst står det att i overkant av kr 20.000, der det allereie er gjeve politiske føringar om bruken av desse midlane for inneverande budsjettår. RÅDMANNEN TILRÅR: Søknad frå Sauland Ungdomslag om tilskot til dekning av kommunale sakshandsamingsgebyr på totalt kr 11.275 imøtekomast ikkje. Grunngjeving: Det er ikkje tilgjengelege budsjettmidlar for 2014. 30.09.2014 Utval for levekår og kultur Handsaming: Einar Løndal stilte spørsmål til sin habilitet. Utvalet fastslo at Einar Løndal var inhabil og Frode Bakka tiltrer som vara. Forslag frå Helle K. Gjerde (AP): Søknad frå Sauland Ungdomslag om tilskot til dekning av kommunale sakshandsamingsgebyr på totalt kr. 11.275,- imøtekomast. Forslaget trekkast. Nytt forslag frå Helle K. Gjerde(AP): Saka utsetjast og søkjar bes sende inn meir fullstendig informasjon om prosjektet med konkrete opplysningar om kostnadar og finansiering. Votering: Forslaget til Helle K. Gjerde (AP) blei sett opp mot rådmannen si tilråding. Forslaget til Helle K. Gjerde(AP) blei samrøystes vedteke.

LOK-028/14 VEDTAK: Saka utsetjast og søkjar bes sende inn meir fullstendig informasjon om prosjektet med konkrete opplysningar om kostnadar og finansiering. NYE OPPLYSNINGAR I SAKA Saksutgreiing: Sauland Ungdomslag v. Tove Løndal og Liv Tone Omnes har slik informasjon om byggeprosjektet: Utbygging av Klubbhuset skal føregå i retning elva med 4 m i lengderetningen. Totalt vil dette bli eit areal på 36 m2, der innhald blir verkstad for vaktmester, garderobe og lager for ungdomslaget. I tillegg blir det eit mindre areal i 2. etasje som skal rome bod for idrettslaget. Scena, som i dag er "ei luke høgt oppe på veggen", blir senka og utvida til full bredde tilsvarande salen. Det må lagast ny rømningsveg frå salen som erstattar vindauget nærast dagens scene. Økonomi: Totalt kostnadsoverslag: 805.542,50 Finansiering: Eigenkapital: 205.542,50 Innvilga støtte Hj. banken: 50.000,00 Ekstern støtte: 550.000 Ekstern støtte: Det er søkt Gjensidigestiftelsen og Sparebankstiftelsen om kr. 550.000. Svar frå desse to er venta i midten av desember 2014. Vurdering: I saka er det tidlegare opplyst om at tilgjengelege budsjetterte midlar på aktuell konto er i overkant av 20.000. Rekneskapsoversyn dagsett 24.10.14 syner at restsum er kr 12.000. Utval for Levekår og kultur har tidlegare gjeve signal om annan prioritering av desse midlane. På denne bakgrunnen vurderar rådmannen det rett å oppretthalde tilrådinga om ikkje å imøtekome søknaden. RÅDMANNEN TILRÅR: Søknad frå Sauland Ungdomslag om tilskot til dekning av kommunale sakshandsamingsgebyr på totalt kr 11.275 imøtekomast ikkje. Grunngjeving: Det er ikkje tilgjengelege budsjettmidlar for 2014.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 25.11.2014 037/14 BR Saksansvarleg: Bjørn Rugaas Arkiv: K1-223, K2-C49 Arkivnr.: 14/2559 SØKNAD OM MIDLER TIL FOTOUTSTILLING PÅ ELVESTIEN - NY BEHANDLING Dokument i saka: Nr T Dok.dato Avsendar/Mottakar Tittel 1 I 14.09.2014 Ann Elin Wang SØKNAD OM MIDLER TIL FOTOUTSTILLING PÅ ELVESTIEN 3 I 17.09.2014 Ann.-Elin Wang ELVESTIEN I SAULAND OMNESFOSSEN - THE RIVERPATH 4 U 22.10.2014 Ann-Elin Wang MELDING OM VEDTAK - SØKNAD OM MIDLER TIL FOTOUTSTILLING PÅ ELVESTIEN 5 I 23.10.2014 Hjartdal kommune RETUR SJEKKELISTE - ARKSAK 14/2550 - SØKNAD OM STØNAD TIL FOTOUTSTILLING ELVESTIEN 6 I 03.11.2014 Ann-Elin Wang NYE OPPLYSNINGAR VEDK. ELVESTIEN Vedlagde dokument: Dokument nr. 3, 6 Aktuelle lover, forskrifter, avtaler m.m.: Ingen Saksgang: Utval for Levekår og kultur vedtek Bakgrunn for saka: Ann-Elin Wang søkjer i brev av 15.09.14 om kr 43.000 til fotoutstilling om Elvestien. Utgiftene er i følgje søknaden fordelt på desse postane: Utgifter til utstilling 18.000 Fotografering, promotering og arrangement 25.000 Totalt 43.000 Ann-Elin Wang er frilansfotograf med utdanning fra Paris. Ho har arbeidd som fotoassistent for diverse mote-, reklame- og reportasjefotografar, og har dei seinare åra hatt eigne oppdrag for ulike oppdragsgjevarar, både innan mediebransjen og andre organisasjonar.

Ann-Elin Wang jobbar og bur no på Nesodden, og ønskjer å arbeide meir prosjektretta. "Elvestien" er eit døme på dette. Utgangspunkt for prosjektet "Elvestien" er ønskje om å gjere Sauland meir synleg, både for eigne innbyggjarar og for andre, gjennom å synleggjere elva som krøker seg gjennom bygda. Reint praktisk har Ann-Elin Wang saman med andre frivillige rydda gangstig i form av ei rundløype langs elva frå Omnesfossen i ei 2 km lang sløyfe. Når det gjeld fotodelen - det kunstnarlege perspektivet - i prosjektet, har ho montert ei fotoutstilling langs stigen med foto frå Sauland som gjennom ein trykkeprosess er overført til stoff i økologisk bomull. Det vart arrangert utstilling i slutten av september 2014 samstundes med oppstart av Barnas Turlag i Hjartdal kommune.. Prosjektet er meir detaljert omtala i søknadsdokument nr 3, og ytterlegare informasjon er innhenta frå søkjaren vedlagt i dokument nr 6. Søknaden vart handsama i møte i Utval for Levekår og kultur 30.09.14, sak 29/14. Rådmannen si tilråding var: "Søknad frå Ann-Elin Wang om kr 43.000 i tilskot til fotoutstilling om "Elvestien" vert ikkje imøtekomen. Grunngjeving: Manglande budsjettmidlar." Utvalet gjorde slikt vedtak: "Saka utsetjast fram til utvalet har meir nøyaktig informasjon om kor mykje pengar som står att til disposisjon." Vurdering: I den opprinnelege saka hadde rådmannen lagt til grunn følgjande vurdering for si tilråding: Prosjektet "Elvestien" er av ein karakter som bør interessere mange både i og utanfor bygda, og imøtekjem kommunen sine målsettingar om å utvikle sterkare attraksjonkraft og å synleggjere ressursane våre. Prinsipielt er rådmannen positiv når det gjeld å støtte tiltaket, men ser ikkje korleis kommunen kan imøtekome søknaden. Årsaka til dette er at det ikkje er tilgjengelege midlar. Når det gjeld budsjettkonto til disposisjon for Utval for kultur og oppvekst står det att i overkant av kr 20.000, i tillegg er det allereie gjeve politiske føringar om bruken av desse midlane for inneverande budsjettår." Budsjettpost 1.4700.210.3850 er den aktuelle budsjettposten for denne typen søknader. Etter rekneskapsrapport pr 24.10.2014 har posten slik balanse: Budsjettert: 460.000 Forbrukt: 447.334 Restmidlar: 12.666 Det er ikkje registrert utbetalingar etter 24.10.2014 frå den angjeldande kontoen. RÅDMANNEN TILRÅR: Søknad frå Ann-Elin Wang om kr 43.000 i tilskot til fotoutstilling om "Elvestien" vert ikkje imøtekomen. Grunngjeving: Manglande budsjettmidlar." Saksordførar:

Hjartdal kommune Styre, råd, utval Møtedato Saknummer Sakshandsamar Utval for levekår og kultur 25.11.2014 038/14 BR Saksansvarleg: Bjørn Rugaas Arkiv: K2-A10, K3-&00 Arkivnr.: 14/2180 FRAMLEGG TIL BARNEHAGEVEDTEKTER Dokument i saka: Nr T Dok.dato Avsendar/Mottakar Tittel 1 I 12.06.2014 SU v/ Sauland UTTALE PÅ BARNEHAGEVEDTEKTENE barnehage 2 I 18.06.2014 SU Hjartdal UTTALE TIL FORSLAG TIL VEDTEKTER barnehage 4 I 17.09.2014 Renate Bakken KOMMENTAR PÅ "FRAMLEGG TIL VEDTEKTER FOR BARNEHAGENE I HJARTDAL KOMMUNE" 5 U 17.09.2014 Renate Bakken SVAR TIL "FRAMLEGG TIL VEDTEKTER FOR BARNEHAGENE I HJARTDAL KOMMUNE" 6 I 08.10.2014 FAU Hjartdal oppvekstsenter HØYRINGSUTTALE BARNEHAGEVEDTEKTER 8 I 16.11.2014 Hjartdal kommune GJELDANDE VEDTEKTER I BARNEHAGEN Vedlagde dokument: Dokument nr. 1,2,6 og 8 Aktuelle lover, forskrifter, avtaler m.m.: Lov om barnehagar 7 Saksgang: Utval for Levekår og kultur tilrår Kommunestyret vedtek Bakgrunn for saka: Etter Lov om barnehagar 7 skal barnehageeigar fastsette vedtekter. Lova seier og kva krav som setjast av opplysningar i vedtektene som er viktige og som regulerar tilhøvet mellom tenesteleverandør og brukar. Gjeldande vedtekter er frå 2008, og endringar i lovverk, brukarmønster m.m. gjer det nødvendig å oppdatere vedtektene. I kortversjon har framlegg til nye vedtekter desse endringane:

1 FØREMÅL: Ny føremålsparagraf i lova er teke inn i vedtektene 2 EIGAR og 3 FORVALTNING: Punkt 2 om eigar er skild ut i eigen paragraf, og 3 om forvaltning er stort sett uendra med unntak av at det når det gjeld ansvar og oppgåver synast til delegeringsreglementet. 4 OPPTAK, ENDRING OG OPPSEIING AV BARNEHAGEPLASS Framlegg til nye vedtekter legg opp til at opptaksområde for alle barnehagane er Hjartdal kommune. Ansnittet er elles tydelegare enn gjeldande vedteker når det gjeld frister og prosedyrer ved eventuelle endringar. Framlegget slår også fast at det kan praktiserast løpande opptak gjennom året dersom det er ledige plassar. Avsnitt om fortrinnsrett og prioriteringsrekkefølge er nytt. Ein kan særlegt merke seg pkt. 7, der det ikkje lenger gjevast særskild opning for opptak til barn av tilsette i kommunen. 5 KLAGE Avsnittet er omarbeidd og har tydelegare retningsliner enn tidlegare versjon. 6 FORELDREBETALING og 7 AREALUTNYTTING Ingen vesentlege endringar 8 OPNINGSTIDER Framlegget legg ikkje lenger opp til at den einskilde barnehagen kan ha utvida opningstid utover tidsramma 07.00-16.30. Elles gjerast det ei omlegging av barnehageåret, med oppstart 15. august og avslutning 14. august året etter. Endringa gjerast på bakgrunn av at nye førsteklassingar skal ha eit tilbod fram til skulestart/sfo. Det er også ei omlegging at barnehagen no har opent fyrste veka i juli. 9 POLITIATTEST Avsnittet er nytt, sjølv om krav om politiattest har blitt praktisert. 10 FORELDRERÅD OG SAMARBEIDSUTVAL Foreldreråd er eit nytt organ jfr. med heimel i lovverket. Framlegg til nye vedtekter peikar også på felles styringsorgan i oppvekstsenter. 11 INTERNKONTROLLSYSTEM I BARNEHAGANE Ingen endringar 12 FORSIKRING Avsnittet er nytt og klargjerande når det gjeld forsikringsvilkår. 13 VEDTEKTSENDRINGAR Avsnittet er nytt. Vurdering: Nye vedtekter er i tråd med oppdaterte lover og forskrifter for barnehageområdet. I tillegg er vedtektene meir klargjerande på ein del område som er viktige i forholdet mellom foreldre og barnehage, og bør difor kunne bidra til ei forenkling av forvaltning og drift sett frå både foreldre og personale. Samstundes leggast det opp til noko mindre grad av fleksibilitet enn tidlegare, jfr.

spørsmålet om utvida opningstid. Framlegg til vedtekter har i tråd med lovverket blitt forelagt barnehagane sine foreldreråd og samarbeidsutval til uttale: Samarbeidsutvalet i Sauland Barnehage uttaler vedrørande løpande opptak at det kan vere ei utfordring for barna å bytte avdeling midt i barnehageåret dersom det tildømes kjem mange nye barn i småbarnsavdelinga. FAU ved Tuddal Barnehage har uttaler følgjande vedrørande opningstid at dersom barnehagen har rom for det innanfor sitt budsjett og det er eit behov i foreldregruppa, ønskjer FAU at barnehagen si opningstid kan vere 06.50, av omsyn til arbeidspendlarar. Samarbeidsutvalet ved Hjartdal Barnehage har ingen merknader til framlegget. RÅDMANNEN TILRÅR: Framlegg til vedtekter for barnehagane i Hjartdal kommunen blir vedtekne slik dei ligg føre. Saksordførar