TILSYNSRAPPORT Kommunen som barnehagemyndigheit Vågsøy kommune 1
Innhald Samandrag... Feil! Bokmerke er ikke definert. 1 Innleiing... 3 2 Om tilsynet med Vågsøy kommune... 4 2.1 Fylkesmannen fører tilsyn med kommunen som barnehagemyndigheit... 4 2.2 Tema for tilsyn... 4 2.3 Om gjennomføring av tilsynet... 4 2.4 Om tilsynsrapporten... 5 3. Kommunen sitt ansvar, barnehagelova 8... 5 3.1 Rettsleg krav... 5 3.2 Fylkesmannen si undersøking... 5 3.3 Fylkesmannen si vurdering... 6 3.3 Fylkesmannen sin konklusjon... 6 4. Kommunen som tilsynsmyndigheit, barnehagelova 16... 6 4.1 Rettsleg krav... 6 4.2 Fylkesmannen si undersøking... 7 4.3 Fylkesmannen si vurdering... 7 4.3 Fylkesmannen sin konklusjon... 7 5. Dispensasjon for pedagogisk bemanning 18... 7 5.1 Rettsleg krav... Feil! Bokmerke er ikke definert. 5.2 Fylkesmannen si undersøking... Feil! Bokmerke er ikke definert. 5.3 Fylkesmannen si vurdering... Feil! Bokmerke er ikke definert. 5.4 Fylkesmannen sin konklusjon... 8 6. Samla konklusjon på tilsynsrapporten... 8 2
Samandrag Tema Det vart gjennomført tilsyn med tema kommunen som barnehagemyndigheit, jf. barnehagelova 8. Hovudtema for tilsynet var kommunen som tilsynsmyndigheit, jf. barnehagelova 16 og kommunen si praktisering av dispensasjonar etter norm for pedagogisk bemanning jf. barnehagelova 18. Formål med tilsynet Det overordna målet med tilsynet er å styrke kommunen si rolle som barnehagemyndigheit. Gjennom tilsynet ønskjer Fylkesmannen å setje søkelys på barnehagemyndigheita sitt ansvar for å sikre etterleving av krava i barnehagelova, både for kommunen som barnehagemyndigheit og for den enkelte barnehage. Gjennom kontroll med at kommunen følgjer opp ansvaret sitt på dette området, skal eventuell lovstridig praksis avdekkjast og rettast opp. Enkelte av kommunen sine oppgåver er særskilt regulerte i barnehagelova kap. IV Barnehagemyndigheta sine generelle oppgåver. Ansvaret inneber mellom anna tilsyn med barnehagane, jf. barnehagelova 16 og kommunen si praktisering av dispensasjonar etter norm for pedagogisk bemanning jf. barnehagelova 18. Gjennomføring Tilsynet er utført ved gjennomgang av innhenta dokumentasjon og intervju. Det er gjennomført intervju med ansvarlege på kommunenivå, og med styrarane i fire barnehagar i Vågsøy kommune. Status på rapporten og vegen vidare Rapporten inneheld ingen varsel om pålegg og tilsynet vert med denne rapporten sett på som avslutta. 3
1 Innleiing Fylkesmannen har i perioden frå 14.02.2014 til dags dato gjennomført tilsyn med Vågsøy kommune som barnehagemyndigheit. Denne tilsynsrapporten inneheld ingen lovbrot, og tilsynet med Vågsøy vert med rapporten sett på som avslutta. 2 Om tilsynet med Vågsøy kommune 2.1 Fylkesmannen fører tilsyn med kommunen som barnehagemyndigheit Fylkesmannen fører tilsyn med kommunen som barnehagemyndigheit, jf. barnehagelova 9 andre ledd. Fylkesmannen sitt tilsyn med kommunen som barnehagemyndigheit er tilsyn med dei lovpålagde oppgåvene til kommunen, jf. kommunelova 60 b. Fylkesmannen sitt tilsyn med kommunen som barnehagemyndigheit er utøving av myndigheit og skjer i samsvar med reglane i forvaltningsretten. Tilsynet skal vere prega av openheit, likebehandling og skal kunne etterprøvast og gjennomførast på ein effektiv måte. I dei tilfella der Fylkesmannen konkluderer med at eit rettsleg krav ikkje er oppfylt, blir dette sett på som lovbrot, uavhengig av om det er barnehagelova eller forskrift til barnehagelova som er brotne. 2.2 Tema for tilsyn Det er gjennomført tilsyn med tema, kommunen som barnehagemyndigheit, jf. barnehagelova 8. Hovudpunkta i tilsynet er kommunen som tilsynsmyndigheit jf. barnehagelova jf. 16 og kommunen si praktisering av dispensasjonar etter norm for pedagogisk bemanning jf. 18. 2.3 Om gjennomføringa av tilsynet Tilsyn med Vågsøy kommune vart opna gjennom brev 14.02.2014. Kommunen er pålagd å leggje fram dokumentasjon for Fylkesmannen med heimel i kommunelova 60 c. Fylkesmannen sine vurderingar og konklusjonar er basert på skriftleg dokumentasjon og opplysningar frå intervju. Følgjande dokument inngår i dokumentasjonsgrunnlaget for tilsynet: organisasjonskart for kommunen delegasjonsreglement for kommunen kommunen si årsmelding eller tilsvarande årsrapport for barnehageområdet kommunale planar som skildrar barnehageområdet 4
verksemdsplan og/eller årsplan for barnehagane vedtekter for barnehagane kommunen sin plan for tilsyn oversikt over gjennomførte tilsyn tilsynsrapportar frå 2012 til dags dato rutine/prosedyre for gjennomførte tilsyn rutine/prosedyre for lukking av avvik/pålegg etter kommunen sitt tilsyn med barnehagane kopi av søknad og kommunen si handsaming av søknad om dispensasjon frå utdanningskravet til styrar/pedagogisk leiar (dei 3 siste) Det vart gjennomført tilsyn på staden 07.05.2014 rådgjevar Line Dalelv styrar Eli Stølan, Skramsmarka barnehage styrar Janne Halsør, Skavøypoll barnehage styrar Karin Refvik og Rita Lothe Mobakken Skarevik private barnehage styrar Wenche Nygård, Fjordly private barnehage kommunalsjef Tone Holvik 2.4 Om tilsynsrapporten Denne tilsynsrapporten inneheld Fylkesmannen sine vurderingar av Vågsøy kommune knytt til rettslege krav i barnehagelova 8, 16 og 18. Tilsynet med Vågsøy kommune avdekker ingen lovbrot og vert med rapporten sett på som avslutta. 3. Kommunen sitt ansvar, barnehagelova 8 3.1 Rettsleg krav Kommunen sitt ansvar, barnehagelova 8 «Kommunen er lokal barnehagemyndigheit. Kommunen skal gi rettleiing og sjå til at barnehagane vert drivne i samsvar med gjeldande regelverk.» Kommunen er lokal barnehagemyndigheit. Kommunen skal sikre eit heilskapleg barnehagetilbod med god kvalitet tilpassa lokale forhold og behov. Kommunen skal gje rettleiing og sjå til at barnehagane blir drivne i samsvar med gjeldande regelverk. Barnehagemyndigheita har eit overordna ansvar for å sikre at barna får eit godt og forsvarleg barnehagetilbod, jf. barnehagelova 8 første ledd. Barnehagetilbodet må samsvare med lokale forhold og prioriteringar, samtidig som nasjonale føringar skal takast omsyn til, jf. barnehagelova 8 andre ledd. 5
3.2 Fylkesmannen si undersøking Fylkesmannen har undersøkt om det er samsvar mellom innlevert dokumentasjon og praksis i Vågsøy kommune. Fylkesmannen har gjennomført intervju for å kontrollere om praksis er i tråd med kommunale planar og innsendt dokumentasjon. 3.3 Fylkesmannen si vurdering Fylkesmannen har vurdert om Vågsøy kommune sikrar eit heilskapleg barnehagetilbod med god kvalitet tilpassa lokale forhold og behov. Fylkesmannen har vurdert om kommunen har ei aktiv rettleiing og rutine for å sjå til at barnehagane blir drivne i samsvar med gjeldande regleverk. 3.3 Fylkesmannen sin konklusjon Vågsøy kommune gjennomfører faste møte med kommunale og ikkje - kommunale barnehagestyrarar der informasjon og gjennomgang av lokale og nasjonale føringar er tema. Kommunen samarbeider tett med kommunale og ikkje kommunale barnehagestyrarar og har i tillegg etter behov utarbeida delplanar med barnehagefaglege tema. Vågsøy kommune har kommunedelplan for oppvekst og i tillegg ein felles årsplan gjeldane for alle barnehagane. Kommunen tilbyr felles kompetanseheving for alle barnehagetilsette både i kommunal og ikkje-kommunal barnehage. Vågsøy kommune gjennomfører årleg tilsyn med alle barnehagane for å sikre at barnehagetilbodet samsvarer med krav fastsette i barnehagelova. 4. Kommunen som tilsynsmyndigheit, barnehagelova 16 4.1 Rettsleg krav «Kommunen fører tilsyn med verksemder etter denne lov. Kommunen kan gi pålegg om retting av uforsvarlege eller ulovlege forhold ved godkjente eller godkjenningspliktige verksemder. Dersom ein ikkje rettar seg etter fristen for retting, eller dersom forhold ikkje let seg rette, kan kommunen vedta tidsavgrensa eller varig stenging av verksemda.» Barnehagelova 16. Kommunen som barnehagemyndigheit fører tilsyn med kommunal og ikkje kommunal barnehage for å sikre at dei vert drivne etter gjeldande regelverk og har ei forsvarleg drift. Tilsyn etter barnehagelova omfattar alle krav stilte i lov og forskrifter. Tilsyn er ei sentral oppgåve som kommunen utfører kontinuerleg. Tilsynet omhandlar revisjonskontroll og rettleiing av barnehagesektoren. Kommunen som barnehagemyndigheit vurderer om barnehagen vert driven etter barnehagelova og om barnehagetilbodet er forsvarleg. Kommunen kan gje pålegg om retting av uforsvarlege eller ulovlege forhold ved godkjende eller godkjenningspliktige verksemder, jf. barnehagelova 16, generelle merknader. 6
4.2 Fylkesmannen si undersøking Fylkesmannen har undersøkt om det er samsvar mellom innlevert dokumentasjon og praksis i kommunen. Fylkesmannen har gjennomført intervju for å kontrollere om praksis er i tråd med kommunale planar og innsendt dokumentasjon. 4.3 Fylkesmannen si vurdering Fylkesmannen har vurdert Vågsøy kommune sin tilsynspraksis med kommunale og ikkje kommunale barnehagar. Fylkesmannen har vurdert kommunen sin plan og praktisering av tilsyn og om det vert skrive rapport etter tilsyn som syner ei samla vurdering av barnehagen og eventuelle vedtak om oppfølging av lovbrot. 4.4 Fylkesmannen sin konklusjon Vågsøy kommunen har plan for å føre tilsyn med kommunal og ikkje kommunal barnehage. Ansvar for å føre tilsyn er delegert til kommunalsjef og vert gjennomført årleg med val av ulike tema. Kommunen lagar rapport etter gjennomført tilsyn som skildrar val av tema, gjennomføring, resultat og samla vurdering. 5. Dispensasjon for pedagogisk bemanning 18 5.1 Rettsleg krav «Kommunen kan gi dispensasjon frå utdanningskravet i første ledd. Klage på kommunen sitt vedtak sendast Fylkesmannen.» Barnehagelova 18. Pedagogisk leiar må ha utdanning som barnehagelærar. Utdanningskravet er gitt for å sikre at personalet har nødvendig kompetanse til å drive barnehagen til beste for barn og foreldre, ut frå lovkrav og rammeplan. Kommunen som barnehagemyndigheit har fått heimel til å gi dispensasjon frå utdanningskravet. Krav om utdanning er heimla i barnehagelova for å sikre at barnehagen har nødvendig kompetanse slik at barna får eit likeverdig pedagogisk tilbod med god kvalitet. Dispensasjon frå utdanningskravet er berre aktuelt i dei tilfella det er innafor ein kort periode på inntil eit år. Søknaden må vise at barnehageeigar har lyst ut stillinga utan å få kvalifiserte søkarar og innehalde vurdering og grunngjeving for dispensasjonen. Uttale frå barnehagen sitt samarbeidsutval skal ligge ved søknaden. Vedtak om dispensasjon skal gjerast med bakgrunn i søknad frå barnehageeigar. Kommunen skal i vedtaket stille vilkår for å sikre at barnehagen rettleier den tilsette på dispensasjon. 7
5.2 Fylkesmannen si undersøking Fylkesmannen har undersøkt om det er samsvar mellom innlevert dokumentasjon og praksis i kommunen. Fylkesmannen har gjennomført intervju for å kontrollere om praksis er i tråd med kommunale planar og innsendt dokumentasjon. 5.3 Fylkesmannen si vurdering Fylkesmannen har vurdert om Vågsøy kommune har rutine for å skrive vedtak om dispensasjon etter krav fastsett i barnehagelova. 5.4 Fylkesmannen sin konklusjon Vågsøy kommune har rutine for å lage vedtak om dispensasjon etter søknad frå barnehageeigar. Intervjua stadfesta at rutinen vart praktisert. 6 Samla konklusjon på tilsynsrapporten Etter barnehagelova 8, 16 og 18 avdekka Fylkesmannen ingen lovbrot i Vågsøy kommune og tilsynet er med denne rapporten avslutta. [Sign.] 8