TYSNES KOMMUNE Tysnes kommune 5685 UGGDAL Telefon Telefaks

TYSNES KOMMUNE Tysnes kommune 5685 UGGDAL Telefon 53437020 Telefaks Statens vegvesen Region vest Askedalen 4 6863 LEIKANGER UGGDAL, 13.01.2017 Saksnr. Dok.nr Arkivkode Avd/Sek/Saksh Dykkar ref. 16/962 221/17 561 TK//STDAL KOMMUNEDELPLAN - E39 STORD - OS - HØYRING - TYSNES KOMMUNE Frå møte i KOMMUNESTYRET 12.01.2017, saknr. 2/17. De vert hermed orientert om at det er gjort følgjande vedtak: Tysnes kommune er positiv til den statlege kommunedelplanen for E39 Stord Os. Tysnes kommune ser at det er svært små skilnader mellom tilråding om alternativ B og alternativ F i høve til pris og ikkje-prissette konsekvensar. Tysnes kommune vil tilrå val av alternativ trase F med sørlig kryssing av Langenuen. Det inneber kryss på Økland, Søreid og Gjøvåg og bru i dagen over Bjørnefjorden med lang tunell frå Øyane til Moberg. I vår tilråding legg me særskilt vekt på det utviklingspotensiale som ligg under alternativ F med kryss på Gjøvåg, Søreid og Økland. Dette vil gi moglegheit for å knyte Kvinnherad betre til E39. Me ser også at alternativ F legg til rette for ein framtidig god tilknyting mellom E134 og E39. I planframlegget vert det vist til at dette synes urealistisk, men her må me ha med oss at dei vala me gjer no skal stå seg i generasjoner frametter, det som ikkje synes å vera realistisk på kort sikt vil absolutt kunne vera det i veganlegget si samla levetid. Alternativ F vil også på kort sikt opne opp for betre tilknyting for Kvinnherad og såleis gje prosjektet ennå større netto-nytteverdi. Alternativ F vil også gje størst lokal nytte for Tysnes både med omsyn til å få ein tenleg areal -utvikling med utgangspunkt i dagens tettstader og med omsyn til ein god kopling til sør- og austsida av øya. Område på Onarheim er eit framtidig vekstområde med vesentleg potensial for næringsutvikling. Tysnes kommune vil understreka at eit kryss på Gjøvåg er svært viktig, dette gjeld både isolert for Tysnes, med tanke på at Reksteren vil bli eitt viktig framtidig vekstområde for bustad og næringsutvikling, men kanskje i ennå større grad opp mot ein framtidig påkopling av Austevoll. Ei slik påkopling er i planframlegget vist å ha vesentleg samfunnsnytte. Tysnes kommune viser også til at alternativ F er det alternativet som samla har minst

risiko for uønska hendingar. Tysnes kommune vil sterkt fraråda at det vert etablert økologiske kompensasjonsområde i form av naturreservat etter naturmangfaldlova 37. Store deler av kommunen er allereie i dag omfatta av ulikt vern og me vil vurdera ei slik løysing som øydeleggjande for ei viktig og turvande utvikling av kommunen vår. Me har også med oss at verneområda då i hovudssak vert lagt til Reksteren som også er den delen av kommunen som i størst mon må ta dei negative konsekvensane som også følgjer ei slik vegframføring. Tysnes kommune ser at einskildpersoner og mindre bygder vert særskilt påverka av framføringa av ny veg. Me har tillit til at dei innspela dei har gjeve til planen vert vurdert på ein skikkeleg måte og at deira interesser vert ivaretekne i slik grad som det er mogleg gjennom den vidare prosessen. Me vil understreka at røynslene våre med prosjektet og planarbeidet så langt har vore svært gode. Det er viktig at planen no vert teke direkte vidare til detaljplanlegging for å avklara situasjonen til dei som vert hardast råka og for å sikra at vegprosjektet kan realiserast så snart som mogleg. Tysnes kommune vil be om at alternativ F vert fylgt opp med vidare detaljplanlegging gjennom statleg plan i hovudssak med dei tilrådde avbøtande tiltaka som er skildra i framlegget. Tysnes kommune ønskjer ei snarleg realisering av ny E39 og vil medverka til det!» Vedlagt følgjer samla saksframstilling frå sak 2/17. Med helsing Tysnes kommune Steinar Dalland rådmann Steinar Dalland rådmann Dokumentet er elektronisk godkjent, og krev difor ingen signatur. Vedlegg: Samla saksframstilling Side: 2

SAMLA SAKSFRAMSTILLING Tysnes kommune Side 1 av 10 Arkivsak : Arkivkode: 16/962 561 - Sakshandsamar: Steinar Dalland Handsamingar: Utvalsaknr. Utval Møtedato PS 2/17 KOMMUNESTYRET 12.01.2017 KOMMUNEDELPLAN - E39 STORD - OS - HØYRING Vedlegg: 1. Oversendingsbrev, e-post frå Statens vegvesen 23.11.16 2. Statleg kommunedelplan med konsekvensutgreiing, høyringsframlegg dagsett 01.11.16 3. Høyringsuttale frå grunneigarar Gjøvåg/Kaldefoss dagsett 02.01.17 4. Høyringsframlegg frå Bevar Bårdsundet, dagset 05.01.17 5. Høyringsuttale frå Svarvahella Velforening av 1975, dagsett 04.01.17 6. Høyringsuttale frå Hålandsneset Bygdelag, dagsett 10.01.17 SAKSUTGREIING: Bakgrunn: Gjennom sitt skriv av 22. november f.å. har Kommunal- og moderniseringsdepartementet lagt ut framlegg til statleg kommunedelplan for E39 Stord-Os til høyring og offentleg ettersyn. Planen byggjer på planprogram fastsett 17. desember 2015, det er departementet som gjer endeleg vedtak i denne saka etter at høyring er gjennomført og høyringsinnspela er vurdert. Planen er gjennomført som statleg kommunedelplan og skal gje grunnlag for avgjerd om kva alternativ som skal detaljplanleggjast etter plan og bygningslova. Tidlegare kommunale vedtak: Kommunestyret har tidlegare handsama sak knytt til planprogram for E39 og gav i sak PS 34/2015 slik uttale: «Tysnes kommune er av den oppfatning av at planprogrammet gjev den vidare planprosessen ein god og føreseieleg prosess. Nærare om dei ulike alternativa: Nærare om dei ulike alternativa: Postadresse: Besøksadresse: Rådhuset Telefon: 53437020 5685 UGGDAL UGGDAL Telefaks:

Side 2 av 10 Tysnes kommune sitt standpunkt er at me ønskjer ei kryssing i Langenuen ved Hodnanes. Tysnes kommune legg vekt på det unike natur og friluftsområde i Bårdsundet, eit område med høg regional og nasjonal verdi, dette område kan berre løysast gjennom seinketunnel. I denne samanheng stiller kommunen seg svært positiv til at det nordlege alternativet no er endeleg forkasta og at SVV ikkje nyttar vidare tid til planlegging av dette alternativet. Tysnes kommune ber om at alternativa som har kryssing i sør på Langenuen vert vurdert vidare i samband med konsekvensutgreiing, jamfør alternativ F og D. Tysnes kommune ser ikkje behov for å gå vidare å gjera KU for alternativ med midtre kryssing av Langenuen. Tysnes kommune legg i denne samanheng vekt på at for mange alternativ vil kunna forseinka framdrifta i det vidare arbeidet med å koma fram til eit endeleg planframlegg. Tysnes kommune meiner også at ei sørleg kryssing av Langenuen gjev ein god balanse mellom vekst og vern på Tysnes og elles stor regional nytteverdi. Tysnes kommune vil også peika på at kryssplassering med tre kryss i dei sørlege alternativa vil gje ei god påkopling for Tysnes og også leggja til rette for gode tverrsamband både opp mot ei indre påkopling til E39, men også gjera det mogleg å få ei sørleg tilkopling for Kvinnherad. Tysnes kommune er også positive til at kryssplasseringane som er vist vil gjera ei framtidig påkopling mot Austevoll mogleg. Dersom SVV likevel vel å gå vidare med ei midtre kryssing av Langnuen som vist i alternativ B og E vil Tysnes kommune delta i vidare prosessar her for å sikra ei best mogleg realisering. Nærare om konsekvensutgreiinga. Tysnes kommune meiner at dei tema som er skildra under kap. 8 i planprogrammet fullt ut ivareteke krav til konsekvensutgreiing. Tysnes kommune kan ikkje sjå at det er andre tilhøve som bør takast med i konsekvensutgreiinga enn det som er lagt inn i planprogrammet. Tysnes kommune er svært positiv til at det i arbeidet med ROS analyse også skal takast stilling til omkøyringsalternativ for E39, me vurderer dette som viktig for å ivareta ein god trafikktryggleik og nullvisjonen! Tysnes kommune vil avslutningsvis be om at det i prosessen vert lagt vekt på god framdrift og at det fortløpande vert vurdert grep som kan korta inn tida frå planstart til bygging!» Om planframlegget Høyringsframlegget er statleg kommunedelplan med konsekvensutgreiing, framlegget er omfattande, men oversikteleg og lettlest. Rådmannen tilrår at vedlegget vert lese då det ikkje er mogleg å gå gjennom alle detaljer i saksframlegget. Statens Vegvesen har gjennomført både folkemøte og hatt ein open kontordag for å avklara spørsmål til planen. Høyringa er open og det er såleis opp til den einskilde oppsitjar å vurdera

Side 3 av 10 om dei vil gje eigen høyring til saka. Tysnes kommune har motteke kopiar av ein del høyrinsuttaler, desse følgjer som vedlegg til saka slik at kommunestyre kan vurdera om dei i større mon skal innarbeidast i kommunestyre si uttale til saka. Skildring av ulike vegalternativ I det vedtekne planprogrammet valte ein å gå vidare med fire alternative hovudtrasear, desse er no vurdert ut frå prissette og ikkje- prissette konsekvensar. Alternativ D og E kjem dårlegast ut på både pris og ikkje- prissette konsekvensar. I høve til pris så er dei vesentleg dyrare då begge alternativa føreset ei brukryssing over Søreidsvika. Nettonytte er også lågare enn alternativ B og F. Rådmannen sitt syn er at dei to alternativa kan skrinleggjast utan vidare seremoniar. I saksframlegget vil me konsentrera oss om dei to alternativa som framstår som realistiske, altså alternativ B og F. Alternativ B Alternativ B kryssar Langnuen mellom Raunholm og Nese, total brulengde vert 1910 meter. Det går veg på om lag 2 km i dagline frå Nese til Drange. Hovudkrysset for Tysnes vert då på Drange. Vegen går vidare i tunell mot Færavåg og ein mindre tunell derifrå til Bårdsundet. Kryssing av Bårdsundet vert i framlegget gjort med ei 450 meter lang bru som går vestfor dagens bruer. Frå Bårdsundet til Gjøvåg er det lagt opp til to tunellar på til saman om lag 3 km. I alternativet er det lagt opp til kryss på Gjøvåg. Alternativ B har også med ein føresetnad om at det vert bygd ny lokalveg mellom Drange og Søreide. Alternativ F Alternativ F kryssar Langenuen i sør frå Jektavik til Hodnanes med trase med kryss på Økland. Vidare vestover kryssar ein Søreide i ei høg bru. Hovudkrysset for Tysnes vert då ved Søreidstjødna. Det er også lagt opp til kryss på Gjøvåg. Frå Søreide går traseen over Færavåg, Bårdsundet og Flygansvær og endar opp i brupunkt på Svarvahella. Alternativ F er identisk med alternativ B frå Færavåg, det betyr at også i dette alternativet er lagt opp til å kryssa Bårdsundet med bru. Tysnes har heile tida hatt ønskje om å få eit kryss på Hodnanes. I planframlegget er det vurdert som svært vanskeleg å etablera eit heilt kryss her, det er vidare gjort vurderingar til eit halvt sørkopla kryss, men dette er også forkasta. Kostnaden for å etablera eit halvt kryss er estimert til å verta i overkant av ein halv milliard kroner. Vurderingar I det følgjande vil me gå gjennom overordna vurderingar opp mot tilhøve til kommuneplan, pris- og ikkje prissette konsekvensar, ROS/beredskap samt lokale og regionale konsekvensar. Vurderingane som vert gjort i denne saka er overordna og ganske grovmaska, for at kommunestyre skal kunna gjera litt meir detaljerte vurderingar har me lagt ved ulike innspel som er sendt i kopi til oss. Me må gå ut ifrå og vil oppmoda til at SVV gjer ei nærare vurdering av desse innspela. Kommuneplan Dei ulike traseane går i hovudssak gjennom LNFR område i gjeldande kommuneplan, her er det også lagt opp til vesentlege områder med spreidd busetnad. Det ligg ikkje planar om nye

Side 4 av 10 byggjefelt i trase områda, men det kan vera potensielle utfordringar mellom anna knytt til eit nytt hytteområde på Svarvahella. Tysnes kommune må i det vidare gå gjennom sin kommuneplan for å tilpassa og utvikla den med siktemål om å få ein størst mogleg lokal effekt av vegen. Prissette konsekvensar I framlegg til plan punkt 5.2 vert det gjort ei vurdering av dei prissette konsekvensane, desse er i hovudssak sett saman av anleggskostnad og netto-nytte vurderingar. Alternativ B og F er om lag identiske med omsyn til forventa anleggskostnader. Alternativ B har ein forventa anleggskostnad på 43 mrd. Medan alternativ F har ein forventa anleggskostnad på 43,1 mrd. I planframlegget er det gjort greie for dei ulike faktorane som utgjer netto-nytte og netto-nytte per budsjettkrone. Me stadfestar at både alternativ B og alternativ F kjem ut med positiv nettonytte. Det er små ulikskaper på variablane trafikknytte, ulykkes kostnad, støv og luftureining som gjer at alternativ B vert rangert marginalt over alternativ F. Det er interessant å merkja seg at det i planframlegget frå s. 103 er gjort nyttevurderingar knytt til seinketunell under Bårdsundet, tilkopling til Austevoll med ferje til Gjøvåg og eit alternativ med færre kryss. Når det gjeld Bårdsundet heiter det i kommunestyret sitt vedtak i PS 35/15 mellom anna at: Tysnes kommune legg vekt på det unike natur og friluftsområde i Bårdsundet, eit område med høg regional og nasjonal verdi, dette område kan berre løysast gjennom seinketunnel. Seinketunell under Bårdsundet er rekna til å ha ein anleggskostnad som er i overkant av 0,9 mrd. over kostnaden ved ei brukryssing. I framlegget er det ikkje lagt opp til seinketunell, men vist til at det kan vurderast som avbøtande tiltak. Netto-nytte i prosjektet går noko ned om det vert lagt opp til slik tunell. Kommunestyret bør her vurdera særskilt om kravet om seinketunell skal oppretthaldast i vår uttale. Det er interessant å merkja seg at ei ferje mellom Austevoll og Gjøvåg gjev stor tilleggsnytte for alternativ B og vil gje tilsvarande nytte for alternativ F. Tilknyting til Austevoll er ikkje ein del av prosjektet, men det er viktig at det vert lagt til rette for det med kryss på Gjøvåg! SVV har også gjort ei vurdering med færre kryss, for Tysnes sitt vedkomande har dei vurdert å ta ut krysset på Gjøvåg (alt. B og F) og krysset på Økland (alt F.) Endringane ved å ta vekk kryss er heilt marginale, for alternativ B går NNB ned frå 0,08 til 0,07 medan den for alternativ F vert uendra. Å ta vekk planlagde kryss vil vera lite hensiktsmessig og verka til å stenga for framtidig utvikling. Ikkje-prissette konsekvensar Dei ikkje-prissette konsekvensane er inndelt i ein rekkje underpunkt og det vert vist til planframlegg punkt 5.1 for ei detaljert gjennomgang av ikkje prissette konsekvensar. I planframlegget er desse vurdert etter følgjande hovudstrekningar: 1) Ådland Jektevik, 2) Jektevik- Gjøvåg, 3) Gjøvåg-Røtinga og 4) Røtinga Svegatjørn.

Side 5 av 10 Samla vurderer SVV alternativ B som marginalt betre enn alternativ F når ein vurderer alle deltema som inngår under Ikkje-prissette konsekvensar under eitt. Det vert understreka at de er svært liten skilnad mellom alternativa. I det vidare vil me kort kommentera ulike vurderingar for strekningane Jektevik-Gjøvåg. Landskapsbilete Alternativ B og F kjem ut som dei dårlegaste alternativa om me utelukkande ser på landskapsbilete, alternativ B er rangert som lågast av dei to. Det er også kommentert at seinketunnel i Bårdsundet isolert sett vil betra tilhøva lokalt i Bårdsundet medan det vil gje store landskapsinngrep rundt tunellportane. Den samla effekten av seinketunell vil såleis ha liten effekt opp mot denne variabelen. Me merkjer oss at det vert tilrådd ein plan og designkonkuranse for å etablera ein rasteplass ved krysset på Gjøvåg. Nærmiljø og friluftsliv Det er peika på at Kobbavågen og Søre Øyane saman med Bårdsundet, Flatråkervassdraget og Søreidsvika på Tysnes er friluftsområder med høg regional verdi. Alternativ B er i planen vurdert til å ha minst negativ konsekvens for delstrekninga Jektevik-Gjøvåg. Skildnaden andsynes alternativ F er i hovudsak effekt i høve til Flatråkervassdraget. Det kan gjerast ulike avbøtande og kompenserande tiltak, det vert mellom anna vist til at det kan leggjast til rette for ny badeplass ved Flatråkervasssdraget og støyskjerming i same område. Me har også med oss framlegget om å leggja opp til gang- og sykkelveg langs lokalvegane til kryss/kollektivterminal på Tysnes. Naturmangfald Alternativ B og F har om lag tilsvarande negativ effekt på variabelen naturmangfald, men F er svakt betre enn alternativ B. Det vert elles vist til at seinketunell under Bårdsundet har liten effekt for naturmangfaldet i område. Under kompenserande tiltak heiter det at det er vanskeleg å sjå anna kompensasjon enn vern av område. Særskilt aktuell er vern av boreonemoral regnskog. Dette vil igjen verta mest aktuelt på Reksteren, eit slikt vern vil kunna koma til å omfatta relativt store område. Tysnes kommune meiner at vernetiltak i minst mogleg grad bør nyttast som avbøtande eller kompenserande tiltak. Kulturminne/-miljø I høve til delområde kulturminne har både alternativ B og F, middels til stor negativ effekt på delstrekninga Jektevik-Gjøvåg. Det som er særskilt for kulturmiljøa på Tysnes er deira store autensitet med tilhøyrande opplevingsverdi, i rangering av dei ulike alternativa har SVV sett på kva alternativ som råker færrast kulturmiljø. Kartet på s. 79 i planframlegget gjev ein god oversikt over kulturmiljø langs dei ulike traseane. Seinketunnel under Bårdsundet som avbøtande tiltak vil vera positivt for kulturmiljø. Naturressursar I høve naturressursar så er det i første omgang skog og jordbruk som er relevante for delstrekning 2, Jektevik-Gjøvåg. Alternativ B og F kjem om lag likt ut når det gjeld negative konsekvensar for skogressursar. Flatråker/Nordbustad og Færavåg/Drange vert rekna som dei

Side 6 av 10 beste områda i høve til bonitet og tilkomst. Alternativ F er det alternativet som har minst negative konsekvensar for jordbruk tett fylgt av alternativ B. Alternativ F har større negative konsekvensar for vassressursar som følgjer av at det kryssar Flatråkervassdraget. Samla sett vert utslaget av dette så stort at alternativ F vert vurdert som litt dårlegare enn alternativ B. Risiko og sårbarheit I analyse av risiko og sårbarheit er det skilt mellom den delen av vegen som er landbasert og fjordkryssingane. Når det gjeld landanlegg så er alternativ F det alternativet som samla har minst potensial for uønskte hendingar. I vår uttale til planprogrammet ba me om at det vart gjort ei særskilt vurdering opp mot mogleg omkøyring over Tysnes ved stenging av brua over Bjørnafjorden. I planframlegget vert risiko for stenging vurdert til å vera minimal. Det er også gjort ei vurdering av dei ulike bru konsepta med omsyn til oppetid, dette er rekna til 99,7 % for flytebruk og 99,8 % for hengebru. Med dette som bakgrunn vert det ikkje tilrådd særskilte tiltak for å sikra gode omkøyringsvegar. Det er gjort ei eiga vurdering av risiko ved ulike bru konsept og skipsfart. Lokale og regionale konsekvensar I planframlegget vert det vist til at skilnaden mellom alternativa er knytt til sørleg eller midtre kryssinga av Langenuen og plassering av kryssa på Tysnes og Stord. Alternativ F vert vurdert som det beste alternativet med omsyn til lokale og regionale verknader mellom anna ut frå følgjande tilhøve: 1. Hovudkryss på Tysnes ved Søreide ligg nær tettstadane Uggdal og Våge, samstundes som Uggdal ikkje får motorvegen for tett på livet. 2. Kryss på Økland koblar austre og søre delen av Tysnes nært til ny veg, noko som er viktig for næringslivet her. Alternativ B gjev tilsvarande dårlegare resultat ut frå følgjande tilhøve: 1. Lengre avstand og reisetid frå eksisterande tettstader på Tysnes til ny E39. 2. Alternativet har større potensial for utbyggingspress i område som ligg utanfor eksisterande tettstader, noko som ikkje er i samsvar med tilrådd arealutvikling. Det vert vist til at situasjon er motsett for Fitjar som vil ha størst positiv effekt av alternativ F, samstundes er det vurdert til at Tysnes uansett vil ha størst effektar av vegen og at Tysnes sine interesser såleis er vegd tyngst. I planframlegget er ulike konsekvensar vist i tabell 27. Oppsummering/konklusjon I saksframlegget har me i første grad vurdert situasjonen for Tysnes og i første rekkje gått inn på dei tilhøva som følgjer landanlegga på Tysnes, nærare bestemt strekninga Jektevik- Gjøvåg. Me har i lita grad vurdert brukryssinga av Bjørnefjorden, men har her lagt til grunn at det vert gjort eit tenleg val.

Side 7 av 10 Planframlegget slik det no ligg føre har store konsekvensar for Tysnes både på kort og lang sikt. Ein del av desse konsekvensane er negative, ikkje minst gjeld dette for einskilde oppsitjarar som vert råka hardt av dei vala som vert gjort. Me vurderer at alternativ D og E er urealistiske med referanse til samfunnsøkonomiske vurderingar. Alternativ B og F er begge svært realistiske. Det er marginale skilnader i dei vurderingane som vert gjort av både prissette og ikkje- prissette konsekvensar av dei to ulike alternativa. I den grad det kan peikast på eit svakt punkt i planframlegget er det at planen i lita grad viser konsekvens og moglegheiter for dei kommunane som finn seg utanfor planområde. Det er rett nok vist kort til at ei tilkopling av Austevoll, i første rekkje gjennom eit avkorta ferjesamband vil auka samfunnsnytta monaleg. Tilsvarande vurderingar burde vore gjort for kommunar som mellom anna Fusa og Kvinnherad. Når me ser på vurderingar knytt til kryss så ser me at ei god utnytting og tilkopling til desse kryssa kan gje store effektar, trass i at dette er eit avgrensa vegprosjekt bør me i størst mogleg grad halda ope for slike koplingar. Me kan tenkja oss at Kvinnherad gjennom ei sørleg brukryssing av Bjørnafjorden kan få ei god kopling til E39 via Tysnes. Trass i at SVV meiner det er urealistisk å tenkja seg ein Sunnhordlandsdiagonal på kort sikt vil eit kryss på Økland også kunna opna for ei slik løysing på lengre sikt. Ei kopling mellom E39 og E134 gjennom Sunnhordlandsdiagonalen vil gje monaleg betre nytteverdi for begge vegane. Me meiner at ein ny E39 vil vera eit anlegg som skal stå i generasjonar frametter og det er såleis viktig å ikkje tenkja for smått. Det som synes urealistisk i dag kan likevel vera fornuftige tilretteleggingar for framtidige generasjoner! Det er med ein viss uro me kan lesa om behov for nye verneområder for å ivareta den boreale regnskogen. Store deler av Tysnes er allereie omfatta av ulike vernerestriksjonar og me kan ikkje sjå behov for ytterlegare vern. Med bakgrunn i ovannemnde saksframlegg vert det gjeve slik innstilling: INNSTILLING FRÅ RÅDMANNEN: Tysnes kommune er positiv til den statlege kommunedelplanen for E39 Stord Os. Tysnes kommune ser at det er svært små skilnader mellom tilråding om alternativ B og alternativ F i høve til pris og ikkje-prissette konsekvensar. Tysnes kommune vil tilrå val av alternativ trase F. I vår tilråding legg me særskilt vekt på det utviklingspotensiale som ligg under alternativ F med omsyn til å knyte Kvinnherad betre til E39. Me ser også at alternativ F legg til rette for ein framtidig god tilknyting mellom E134 og E39. I planframlegget vert det vist til at dette synes urealistisk, men her må me ha med oss at dei vala me gjer no skal stå seg i generasjoner frametter, det som ikkje synes å vera realistisk på kort sikt vil absolutt kunne vera det i veganlegget si samla levetid. Alternativ F vil også på kort sikt opne opp for betre tilknyting for Kvinnherad og såleis gje prosjektet ennå større netto-nytteverdi.

Side 8 av 10 Alternativ F vil også gje størst lokal nytte for Tysnes både med omsyn til å få ein tenleg arealutvikling med utgangspunkt i dagens tettstader og med omsyn til ein god kopling til sør- og austsida av øya. Område på Onarheim er eit framtidig vekstområde med vesentleg potensial for næringsutvikling. Tysnes kommune vil understreka at eit kryss på Gjøvåg er svært viktig, dette gjeld både isolert for Tysnes, men kanskje i ennå større grad opp mot ein framtidig påkopling av Austevoll. Ei slik påkopling er i planframlegget vist å ha vesentleg samfunnsnytte. Tysnes kommune viser også til at alternativ F er det alternativet som samla har minst risiko for uønska hendingar. Tysnes kommune vil sterkt fraråda at det vert etablert økologiske kompensasjonsområde i form av naturreservat etter naturmangfaldlova 37. Store deler av kommunen er allereie i dag omfatta av ulikt vern og me vil vurdera ei slik løysing som øydeleggjande for ei viktig og turvande utvikling av kommunen vår. Me har også med oss at verneområda då i hovudssak vert lagt til Reksteren som også er den delen av kommunen som i størst mon må ta dei negative konsekvensane som også følgjer ei slik vegframføring. Tysnes kommune ser at einskildpersoner og mindre bygder vert særskilt påverka av framføringa av ny veg. Me har tillit til at dei innspela dei har gjeve til planen vert vurdert på ein skikkeleg måte og at deira interesser vert ivaretekne i slik grad som det er mogleg gjennom den vidare prosessen. Me vil understreka at røynslene våre med prosjektet og planarbeidet så langt har vore svært gode. Det er viktig at planen no vert teke direkte vidare til detaljplanlegging for å avklara situasjonen til dei som vert hardast råka og for å sikra at vegprosjektet kan realiserast så snart som mogleg. Tysnes kommune vil be om at alternativ F vert fylgt opp med vidare detaljplanlegging gjennom statleg plan i hovudssak med dei tilrådde avbøtande tiltaka som er skildra i framlegget. Tysnes kommune ønskjer ei snarleg realisering av ny E39 og vil medverka til det! HANDSAMING I KOMMUNESTYRET 12.01.2017: Representanten Egil Berge sette på vegner av alle partia fram slikt framlegg til uttale: «Tysnes kommune er positiv til den statlege kommunedelplanen for E39 Stord Os. Tysnes kommune ser at det er svært små skilnader mellom tilråding om alternativ B og alternativ F i høve til pris og ikkje-prissette konsekvensar. Tysnes kommune vil tilrå val av alternativ trase F med sørlig kryssing av Langenuen. Det inneber kryss på Økland, Søreid og Gjøvåg og bru i dagen over Bjørnefjorden med lang tunell frå Øyane til Moberg. I vår tilråding legg me særskilt vekt på det utviklingspotensiale som ligg under alternativ F med kryss på Gjøvåg, Søreid og Økland. Dette vil gi moglegheit for å knyte Kvinnherad betre til E39. Me ser også at alternativ F legg til rette for ein framtidig god tilknyting mellom E134 og E39. I planframlegget vert det vist til at dette synes urealistisk, men her må me ha med oss at dei vala me gjer no skal stå seg i generasjoner frametter, det som ikkje synes å vera realistisk på kort sikt vil absolutt kunne vera det i veganlegget si samla levetid. Al-

Side 9 av 10 ternativ F vil også på kort sikt opne opp for betre tilknyting for Kvinnherad og såleis gje prosjektet ennå større netto-nytteverdi. Alternativ F vil også gje størst lokal nytte for Tysnes både med omsyn til å få ein tenleg arealutvikling med utgangspunkt i dagens tettstader og med omsyn til ein god kopling til sør- og austsida av øya. Område på Onarheim er eit framtidig vekstområde med vesentleg potensial for næringsutvikling. Tysnes kommune vil understreka at eit kryss på Gjøvåg er svært viktig, dette gjeld både isolert for Tysnes, med tanke på at Reksteren vil bli eitt viktig framtidig vekstområde for bustad og næringsutvikling, men kanskje i ennå større grad opp mot ein framtidig påkopling av Austevoll. Ei slik påkopling er i planframlegget vist å ha vesentleg samfunnsnytte. Tysnes kommune viser også til at alternativ F er det alternativet som samla har minst risiko for uønska hendingar. Tysnes kommune vil sterkt fraråda at det vert etablert økologiske kompensasjonsområde i form av naturreservat etter naturmangfaldlova 37. Store deler av kommunen er allereie i dag omfatta av ulikt vern og me vil vurdera ei slik løysing som øydeleggjande for ei viktig og turvande utvikling av kommunen vår. Me har også med oss at verneområda då i hovudssak vert lagt til Reksteren som også er den delen av kommunen som i størst mon må ta dei negative konsekvensane som også følgjer ei slik vegframføring. Tysnes kommune ser at einskildpersoner og mindre bygder vert særskilt påverka av framføringa av ny veg. Me har tillit til at dei innspela dei har gjeve til planen vert vurdert på ein skikkeleg måte og at deira interesser vert ivaretekne i slik grad som det er mogleg gjennom den vidare prosessen. Me vil understreka at røynslene våre med prosjektet og planarbeidet så langt har vore svært gode. Det er viktig at planen no vert teke direkte vidare til detaljplanlegging for å avklara situasjonen til dei som vert hardast råka og for å sikra at vegprosjektet kan realiserast så snart som mogleg. Tysnes kommune vil be om at alternativ F vert fylgt opp med vidare detaljplanlegging gjennom statleg plan i hovudssak med dei tilrådde avbøtande tiltaka som er skildra i framlegget. Tysnes kommune ønskjer ei snarleg realisering av ny E39 og vil medverka til det!» Ved avrøysting var framlegg frå representanten Egil Berge samrøystes vedteke. VEDTAK I KOMMUNESTYRET 12.01.2017: Tysnes kommune er positiv til den statlege kommunedelplanen for E39 Stord Os. Tysnes kommune ser at det er svært små skilnader mellom tilråding om alternativ B og alternativ F i høve til pris og ikkje-prissette konsekvensar. Tysnes kommune vil tilrå val av alternativ trase F med sørlig kryssing av Langenuen. Det inneber kryss på Økland, Søreid og Gjøvåg og bru i dagen over Bjørnefjorden med lang tunell frå Øyane til Moberg. I vår tilråding legg me særskilt vekt på det utviklingspotensiale som ligg under alternativ F med kryss på Gjøvåg, Søreid og Økland. Dette vil gi moglegheit for å knyte Kvinnherad betre til

Side 10 av 10 E39. Me ser også at alternativ F legg til rette for ein framtidig god tilknyting mellom E134 og E39. I planframlegget vert det vist til at dette synes urealistisk, men her må me ha med oss at dei vala me gjer no skal stå seg i generasjoner frametter, det som ikkje synes å vera realistisk på kort sikt vil absolutt kunne vera det i veganlegget si samla levetid. Alternativ F vil også på kort sikt opne opp for betre tilknyting for Kvinnherad og såleis gje prosjektet ennå større nettonytteverdi. Alternativ F vil også gje størst lokal nytte for Tysnes både med omsyn til å få ein tenleg areal - utvikling med utgangspunkt i dagens tettstader og med omsyn til ein god kopling til sør- og austsida av øya. Område på Onarheim er eit framtidig vekstområde med vesentleg potensial for næringsutvikling. Tysnes kommune vil understreka at eit kryss på Gjøvåg er svært viktig, dette gjeld både isolert for Tysnes, med tanke på at Reksteren vil bli eitt viktig framtidig vekstområde for bustad og næringsutvikling, men kanskje i ennå større grad opp mot ein framtidig påkopling av Austevoll. Ei slik påkopling er i planframlegget vist å ha vesentleg samfunnsnytte. Tysnes kommune viser også til at alternativ F er det alternativet som samla har minst risiko for uønska hendingar. Tysnes kommune vil sterkt fraråda at det vert etablert økologiske kompensasjonsområde i form av naturreservat etter naturmangfaldlova 37. Store deler av kommunen er allereie i dag omfatta av ulikt vern og me vil vurdera ei slik løysing som øydeleggjande for ei viktig og turvande utvikling av kommunen vår. Me har også med oss at verneområda då i hovudssak vert lagt til Reksteren som også er den delen av kommunen som i størst mon må ta dei negative konsekvensane som også følgjer ei slik vegframføring. Tysnes kommune ser at einskildpersoner og mindre bygder vert særskilt påverka av framføringa av ny veg. Me har tillit til at dei innspela dei har gjeve til planen vert vurdert på ein skikkeleg måte og at deira interesser vert ivaretekne i slik grad som det er mogleg gjennom den vidare prosessen. Me vil understreka at røynslene våre med prosjektet og planarbeidet så langt har vore svært gode. Det er viktig at planen no vert teke direkte vidare til detaljplanlegging for å avklara situasjonen til dei som vert hardast råka og for å sikra at vegprosjektet kan realiserast så snart som mogleg. Tysnes kommune vil be om at alternativ F vert fylgt opp med vidare detaljplanlegging gjennom statleg plan i hovudssak med dei tilrådde avbøtande tiltaka som er skildra i framlegget. Tysnes kommune ønskjer ei snarleg realisering av ny E39 og vil medverka til det!