MINDRE ENDRING AV REGULERINGSPLAN FOR ØSTBØ SANDEID SENTRUM DETALJREGULERING FOR GNR. 13 BNR. 225 M/FL. ØSTBØ, SANDEID PLANSKILDRING
1. Samandrag Bo-plan, A. Skeie har på oppdrag av eigar av gnr. 13 bnr. 225 i Sandeid, Helgevold eiendom AS, utarbeidd utkast til mindre endringar i reguleringsplanen for den aktuelle eigedomen. I tillegg er tilgrensande kommunal veg og private vegar tekne med. Eigedomen er regulert til næringsområde i Reguleringsplan for del av Østbø Sandeid sentrum. Det er to bygningar på eigedomen: «bankbygget» og «brannstasjonen». Eigar ynskjer å opne for tre bueiningar i delar av første etasje i «bankbygget». I andre etasje er det sju bueiningar (kommunale utleigebustadar). Eksisterande veg til Teknisk bygg er føreslått regulert inn i samsvar med dagens situasjon. Gang- og sykkelveg herifrå mot fylkesvegen er føreslått flytta litt mot vest, for å få eit meir trafikksikkert kryssingspunkt av fylkesvegen. 2. Planprosess Det vart halde oppstartsmøte for reguleringsplanarbeidet 15.9.2016. 3. Planstatus og rammer Overordna planar I arealdelen til kommuneplanen er området sett av til sentrumsområde. Utsnitt av kommuneplanen.
Kommuneplanen sine føresegner seier følgjande: «I sentrumsområde kan område og eksisterande bygg nyttast til bustad, forretning og privat og offentlig tenesteyting. Nye bygg kan førast opp til same føremål.» Reguleringsplan: Eigendomen inngår i eksisterande reguleringsplan for Del av Østbø Sandeid sentrum og er regulert til næringsområde. Planen vart vedteken i 1988. Utsnitt av reguleringsplan. Venstre del av blått område er arealet som vert føreslått omregulert. Planen elles er endra i fleire område. Utsnitt av digitalisert plan
I reguleringsføresegnene står det mellom anna: «Arealet skal nyttast til forretningar, kontorer og serviceverksemder». Det er ikkje sett krav til parkeringsareal eller uteopphaldsareal, men krav om at det i samband med byggjemelding skal utarbeidast utomhusplan som syner «plassering av bygningar, parkeringsareal, trafikkareal, grøntareal etc.». 4. Skildring av planområdet Eigedomen gnr. 13 bnr. 225 ligg i Sandeid sentrum. På eigedomen er det to bygningar. - «Bankbygget», som fram til sommaren 2016 vart nytta til bank i første etasje. Andre etasje i bygget er innreidd med sju kommunale utleigebustadar. - «Brannstasjonen», vart bygd i 2016 og som delvis er utleigd til brannstasjon. Eigedomen grensar mot vest til kommunal eigendom, med kontorbygg med offentlege kontor for Vindafjord kommune (Teknisk bygg) og parkanlegg. Sandeid sentrum planendring i område i og ved blå sirkel «Bankbygget» sett frå gang- og sykkelvegen langs FV 46
«Brannstasjonen», bygg delvis utleigd til brannstasjon Teknisk bygg og parkanlegg. Mot nord grensar eigedomen mot tunet på ein landbrukseigedom. Mot aust grensar eigedomen mot Sandeidtunet burettslag (kommunalt bufellesskap) - regulert til offentleg føremål, og ein eigedom med eldre bustadhus og driftsbygning - regulert til kombinert føremål bustad/forretning/kontor.
Eigedom mot aust med eldre bustadhus og driftsbygning. Sandeidtunet burettslag I sør grensar eigedomen mot FV46, som har fartsgrense 50 km/t på staden. Det er grøntareal og gang- og sykkelveg og mellom fylkesvegen og «bankbygget». Dette bygget ligg ca. 30 m frå senter veg. Tilkomstvegen til Teknisk bygg går over den omsøkte eigedomen sør for «bankbygget». Også tilsette ved skulen og barnehagen parkerer ved Teknisk bygg. Sandeid sentrum er utbygd med bygningar med fleire funksjonar. Det er ei blanding av einebustadar, forretningar og bygningar til offentlige føremål. Det har vore vanleg med bygningar som inneheld forretning i første etasje og bustad i andre etasje.
Det ligg skule med m.a. ballbinge og skatepark, samt barnehage med leikeplass i gangavstand frå planområdet. Parkområdet ved Teknisk bygg ligg vest for eigedomen. Ortofoto 2015. «Brannstasjonen» var ikkje bygd på det tidspunktet. 5. Skildring av planendring Planforslag, nedfotografert
«Bankbygget» Det blir føreslått å omregulera «bankbygget» med tilliggjande areal frå næringsområde til bustad/kontor/forretning, for å nytta delar av første etasje til bustader. Planlagde bueiningar i første etasje. Grunnflata i «bankbygget» er på 411 m2 BRA. Det er føreslått at det i første etasje kan tillatast tre bueiningar med samla BRA = maks. 185 m2. I tillegg kjem naudsynt fellesareal (gangareal), og buer i samsvar med krava i Teknisk forskrift. Resterande areal skal nyttast til kontor/forretning. Dette arealet skal disponera 50 % av bygget sin fasade mot sør. Det er framleis minibank på sørsida av bygget. Bygget er seksjonert, der kommunen er eigar av andre etasje. Her vart det ved oppføring av bygget laga sju mindre leilegheiter, som har vore og er nytta av kommunen som utleigeleilegheiter. At denne etasjen kan nyttast til leilegheiter er no teke inn i forslaget til føresegner. I utkastet til reguleringsføresegner er det sett krav til uteopphaldsareal og parkering. Uteopphaldsareal er sett til 25 m2 pr. bueining. Privat altan som høyrer til bueining inngår i uteopphaldsareal. Parkeringsareal er sett til ein parkeringsplass pr. bueining. Bueiningar i andre etasje er kommunale bustadar, der få av leigetakarane har bil. Dei planlagde bueiningane i første etasje vil og vera små leilegheiter berekna for einslege/par. Det blir vurdert at ein parkeringsplass pr. bueining er tilstrekkeleg. Noverande parkeringsplassar mot fylkesvegen er regulert inn slik det er i dag. Meir parkeringsareal må dekkast innafor arealet som er regulert til forretning/kontor/bustad. I samband med byggjemelding for leilegheitene i første etasje er det sett krav om at det skal utarbeidast utomhusplan som viser parkeringsareal, uteopphaldsareal, trafikkareal, grøntareal mv.
Bygningen ligg inntil offentlig parkanlegg og nær til leikeplass ved Sandeid skule og Sandeid barnehage. Tilliggjande trafikkareal i aust (kommunal veg og felles privat veg) inngår i planområdet, i samsvar med gjeldande plan. Krysset kommunal veg /vegen til Teknisk bygg er regulert inn i samsvar med den faktiske situasjonen. Gang- og sykkelvegen mellom tilkomstvegen til Teknisk bygg og gang- og sykkelvegen langs FV 46 er føreslått flytta litt mot vest. Statens vegvesen jobbar med ei sikrare løysing for kryssing av fylkesvegen for mjuke trafikkantar i dette området. Det blir vurdert å opparbeida nokre meter med fortau på sørsida av FV 46 som kan ta imot fotgjengarane, og eit ledegjerde på nordsida av vegen for å hindra at folk kryssar i dagens kryssingspunkt. Noverande kryssingspunkt er uheldig plassert med omsyn til trafikktryggleik. Det er ikkje gjort endringar når det gjeld bygningsutforming og utnyttingsgrad. Det er ikkje sett byggjegrense mot fylkesvegen, då byggjeområdet ligg i ein avstand på 30 m frå senter veg. Mot kommunal veg er det sett ei byggjegrense på 5 m frå vegkant i samsvar med gjeldande plan. «Brannstasjonen» Bygningen med tilliggjande areal er føreslått regulert til «offentleg eller privat tenesteyting». Nødvendig parkeringsreal skal dekkast innafor dette arealføremålet. Anna Grøntarealet mellom parkeringsarealet og fylkesvegen og gangvegen mellom vegen til Teknisk bygg og gang- og sykkelvegen langs FV 46 er regulert slik det er i dag. 6. Verknadar Sentrumsnære leilegheiter er i samsvar med måla i kommuneplanen. Samstundes som ein del av arealet i første etasje på ein sentral bygning framleis skal nyttast til forretning/ kontor. Det var tidlegare langt større trafikk til og frå «bankbygget» både av bilar og mjuke trafikkantar. Potensiale for konflikt med trafikken til og frå Teknisk bygg / parkeringsplass blir vurdert å vera liten, då farten på staden er låg. Leilegheitene vil ikkje ha utgang ut mot denne vegen. Sandeid 7.1.2017 - Bo-plan, A. Skeie 06.03.17 - Vindafjord kommune
7. Vedlegg Skisse planteikning første etasje, 17.06.16
Planteikningar, eksisterande bygg, sak 142/89.