Reguleringsplan Storemyr i Åbødalen Gnr. 32, Bnr. 4, Sauda kommune. Plan ID: 2014003 Føresegner Mai 2016 Dette dokumentet inneheld føresegner knytt til framlegget for reguleringsplanen for Storemyr i Åbødalen i Sauda kommune. Rev; 31.08.16
Dokumentinformasjon Oppdragsgjevar: Gro Johanne og Karl Gustav Lofthus Rapporttittel: Føresegner Utgåve/dato: Sept 2016 Oppdrag: 14018 Reguleringsplan Åbødalen Oppdragsleiar: Arne Espeland Skriven av: Arne Espeland Kvalitetskontroll: Ingunn Varanes Framlegg til reguleringsføresegner for: REGULERINGSPLAN FOR ÅBØDALEN GNR 34 BNR, I SAUDA KOMMUNE. Dato for siste revisjon av planen : Dato for kommunestyret sitt vedtak : Desse føresegnene gjeld innafor det området som er vist med plangrense på plankartet datert 20.08.2015, revidert 31.08.16. Planen er ein detaljplan (jf. pbl 12-3). Planen omfattar desse arealføremåla (pbl 12-5) : 1. Bygningar og anlegg 2. Samferdsle og teknisk infrastruktur 5. Landbruks-, natur- og friluftsføremål 6. Sjø- og vassdragsføremål 1 FELLESFØRESEGNER 1.1 Utbyggingsrekkefølgje Det lyt utarbeidast ein detaljplan for handtering av overvatn og dimensjonering av stikkrenner mv. før opparbeidinga av området starter opp. Tilknyting til veg må vere avklåra i samband med byggeløyvet. 1.2 Energiforsyning Det skal leggast til rette for framføring av straum til hyttene. All ny forsyning av straum o.l. skal førast fram som jordkabel. 1.3 Vatn Det kan borast etter vatn for utvendig brønn. Der tilhøva ligg til rette for det, kan brønnen delast på fleire hytter. 1.4 Universell utforming Prinsippet om universell utforming skal leggast til grunn for planlegging og opparbeiding av vegar, gangareal og parkeringsplassar. 1.5 Estetikk Ved utbygging skal det leggjast vekt på stadtilpassing, god arkitektonisk utforming og god fargesetting. Sterk eksponering skal unngåast.
Terrenginngrep i samband med nyanlegg skal skje skånsamt, og ev. reparasjon av overflater skal utførast på ein god måte. Eksisterande buskar og tre skal i størst mogeleg grad takast vare på. Framtredande materialbruk i ev. støttemurar skal vera naturstein. 1.6 Radon Hyttene skal utformast slik at radonnivå i innelufta ikkje overstig gjeldande tiltaksgrense. 1.7 Klima og miljø Det skal i byggesøknad gjerast greie for korleis tiltaket ivareteke omsynet til klima og miljø. Generell motorisert ferdsel i terreng er ikkje tillete. Ved framføring av anleggsmaskinar skal det takast særskilt omsyn til terreng og aktsemd for forureining ut over krav etter forureiningslova. Skader og spor i terrenget etter naudsynt framføring av anleggsmaskinar skal reparerast og terreng skal tilbakeførast med stadlege vekster. 1.8 Bilparkering Parkeringsnorm er to parkeringsplassar pr. hytte. Ved avkøyringa frå kommunal veg er det sett av plass til offentleg parkering, f_p01 for personbil. Plassane er retta mot parkering for besøkande og turgåarar og skal opparbeidast og driftast i privat regi, ev. i samarbeid med Sauda kommune dersom det er ønskeleg. Øvrege parkeringsplassar er avsett til hytteeigarar jf. oversikt: f_p05: Nye hytter nr. 8-15 og 32/4/17 f_p10: Nye hytter nr. 5, 16,17,19 og 20, samt 32/857, /858 og /859 f_p11: Nye hytter nr. 6 og 32/4/12 og 32/421 f_p13: 32/836, /453 og /453 f_p14: Nye hytter nr. 1-4, BF1, BF2, BF3 og 32/4/11 f_p18: 32/4/20 f_p19: 32/4/777 f_p20: For 34/4 ved o_sv1 1.9 Renovasjon Gjeldande reglar for hytterenovasjon i Sauda kommune skal følgjast. 2 BYGNINGAR OG ANLEGG 2.1 Hytter Innan området kan det førast opp totalt 18 nye frittliggande hytter plassert på tomta jf. plankartet. Det koordinatfesta punktet (Merkepælen) skal liggje innafor bygget sin grunnmur. Areal rundt punktet ved tomtefesting skal stadfestast i festeavtalen med grunneigar. Ved utskiljing av tomt kan tomtearealet dekke opp mot 1 da. Kvar hytte skal ikkje ha større areal enn 100 m² BYA. (målt jf. reglane i NS 3940). Hyttene skal ha ei høgd + ev. hems/loft. Tekking av shingel, torv eller tre. Maks. mønehøgde: 6 m over gjennomsnittleg planert terreng. Takvinkel skal vere mellom 25 og 35º, og takform skal vere saltak. Det vert ikkje tillate med fyllingar som er høgare enn 1 m. Grunnmuren skal ikkje vere høgare enn 1,0 m. Bygningar kan settast opp på pelar med gjenmurte opningar mellom pelane. Det er ikkje lov å føra opp gjerde rundt eigedommane.
2.2 Konsentrerte fritidsbustader Innan området BFK er det avsett 8 tomter til konsentrert fritidsbusetnad. Her er BYA sett inntil 50% utnytting. Kvar bueining skal ikkje ha større areal enn 100 m² BYA. (målt jf. reglane i NS 3940). Hyttene skal ha ei etasjehøgd + ev. hems/loft. Tekking av shingel, torv eller tre. Maks. mønehøgde: 6 m over gjennomsnittleg planert terreng. Takvinkel skal vere mellom 25 og 35º, og takform skal vere saltak. Det vert ikkje tillate med fyllingar som er høgare enn 1 m. Grunnmuren skal ikkje vere høgare enn 1,0 m. Bygningar kan settast opp på pelar med gjenmurte opningar mellom pelane. Bod kan førast opp jf. 2.3. Det er ikkje lov å føra opp gjerde rundt eigedommane. 2.3 Bod Bod kan førast opp som del av hyttebygget, eller frittståande med inntil 15m² BYA. Total storleik på hytte inkludert bod er 115m² BYA. Frittståande bod kan setjast opp inntil ein meter frå tomtegrense. 2.4 Leik Områda som ikkje er avgrensa rundt særskilde eigedomar kan nyttast til leik for born. 2.5 Skiløypetrase Frå plangrense i sør til plangrense nord er det sett av område til skiløypetrase. Naudsynt terrengtilpassing for framføring av løypemaskin kan utførast. I traseen kan tilvekst av busk og kratt haldast nede. Traseen skal vere open for turgåarar også utanom skisesongen. 3 SAMFERDSLEANLEGG OG TEKNISK INFRASTRUKTUR 3.1 Veg Det er regulert 3 m breie vegar inni området. Krysset med avkøyrsle frå kommunal veg er etter spesifikasjonar på kryssløysing etter krav frå Statens vegvesen. Alle køyrevegar inn i området er privat. I tillegg til vegbreidda vert det sett av naudsynt grunn til vegskulder og avrenningsgrøfter. Drift og vedlikehald av vegen vert administrert gjennom eit veglag valt av hytteigarane. Medlemskap i veglaget er obligatorisk for alle hytteeigarane. Terrenginngrep i samband med nyanlegg og opparbeiding av midlertidige transport-trasear skal skje skånsamt, og overflater skal tilbakeførast til før inngrep. Transport skal, så langt som råd er, skje etter opparbeidde vegar. 3.2 Gangveg og stiar Frå området ved badeplassen aust for Klovsteintjødna er det regulert inn ein 1 m brei gangveg langsmed vatnet. Traseen skal byggast opp med enkel opparbeiding som skal følgje terrenget utan større inngrep. Det skal takast særs omsyn til eksisterande kantvegetasjon langs tjødna for å hindre erosjon og avrenning. Tiltaket som ev. kjem ut i vassdrag/ tjødn må avklårast i forkant i høve til vassverkslova og lakse- og innlandsfisklova. Maksimal tillate stigningstilhøve er 1:20. Drift og vedlikehald av gangveg inngår i ansvarsområdet til veglaget. Jf. 3.1. Der det ikkje er veg, skal etablerte stiar oppretthaldast. Hytteeigarar driftar og
held ved like stiar etter eigne avtalar sett i veglaget. 3.3 Parkeringsplassar Ved avkøyringa til kommunal veg er det regulert inn parkeringsplassar for personbilar for besøkande og turgåarar jf. 1.8. Drift og vedlikehald inngår i ansvarsområdet til veglaget. Jf. 3.1. Tilrettelegging av parkeringsplassar langsmed tilkomstvegar skal ikkje forkomme utan løyve frå grunneigar. Drift og vedlikehald av slik parkering går ikkje automatisk inn under veglaget sitt ansvar. 3 LANDBRUK,- NATUR- OG FRILUFTSFØREMÅL 5.1 Friluftsområde Naturområde med dei naturkvalitetar som områda har i dag. Bruk skal baserast på allemannsretten. Det er forbode med alle bygningsmessige tiltak i sone 50 meter frå strandlina. 6 BRUK OG VERN AV SJØ- OG VASSDRAG 6.1 Vatn og vassdrag Del av Klovsteintjødna som inngår i planområdet er avsett som friluftsområde med tilhøyrande strandsone. 7 OMSYNSSONER 7.1 Frisiktsoner ved vegkryss og avkøyrsler (jf. 3 samferdsleanlegg) Innan frisiktsona skal det vera fri sikt frå 0,5 m over tilstøytande vegbanar. 7.2 Faresoner I faresonene H310_1 til_4 skal ein halde seg til rapport om vurderingar av skredfare i samband med bygge- og anleggstiltak. Det bratte terrenget ned mot Buerelva i vestlege del av planen er tilrådd markert som generell omsynssone for skredfare. Den austlege delen av planområdet ligg innanfor potensielt utløpsområde for blaute snøskred, som er vurdert å vere dimensjonerande skredtype. Det er utarbeidd eit faresonekart som viser grenselinjene for utløp av skred med ulike gjentaksintervall, tilsvarande tryggleiksklasse S1, S2 og S3. Dersom det skal byggast innanfor desse sonene, må det utførast sikringstiltak. Slike tiltak kan t.d. vere ein stoppvoll ved foten av skråninga, ledevollar i skredløpa eller snøforankringsgjerder i løsneområda. Eventuelle sikringstiltak må detaljprosjekterast og følgast opp av geolog/geoteknikar. Kon-Sul AS 31.08.2016 AE