Møteinnkalling for Utval for næring og teknikk

Hjartdal kommune 3692 Sauland Møteinnkalling for Utval for næring og teknikk Møtedato: 20.04.2010 Møtestad: Formannskapssalen,kommunehuset Møtetid: Kl. 17:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 14.04.2010 Thomas H. Timland utvalsleiar Sakliste Sak nr. Saktittel 016/10 GODKJENNING AV MØTEBOK 017/10 SØKNAD OM LØYVE TIL Å BRUKE ATV I SAMBAND MED TILSYN OG SANKING AV SAU PÅ UTMARKSBEITE 018/10 BRUK AV KOMMUNALE ØKONOMISKE VIRKEMIDLER I LANDBRUKET 2010 019/10 SØKNAD OM OPPRUSTING-VEDLIKEHALD AV VEGEN FRÅ LØKJEROE TIL LAUVHAUG. BRATTEFJELL-VINDEGGEN LANDSKAPSVERNOMRÅDE

Hjartdal kommune Styre, råd, utval Møtedato Saknummer Sakshandsamar Utval for næring og teknikk 20.04.2010 016/10 IL Saksansvarleg: Ingebjørg Landsverk Arkiv: K1-033 Arkivnr.: 10/334 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 20.04.2010 017/10 HH Saksansvarleg: Harald Helliksen Arkiv: K2-K01 Arkivnr.: 09/1050 SØKNAD OM LØYVE TIL Å BRUKE ATV I SAMBAND MED TILSYN OG SANKING AV SAU PÅ UTMARKSBEITE Dokument i saka: Nr T Dok.dato Avsendar/Mottakar Tittel 1 I 01.11.2009 Svein Arvid Tørre SØKNAD OM LØYVE TIL Å BRUKE ATV I SAMBAND MED TILSYN OG SANKING AV SAU PÅ UTMARKSBEITE Vedlagde dokument: Ingen. Aktuelle lover, forskrifter, avtaler m.m.: Lov om motorferdsel i utmark og vassdrag. Saksgang: Utval for næring og teknikk avgjer saka. Bakgrunn for saka: Svein Arvid Tørre søkjer om løyve til å bruke ein ATV i samband med tilsyn og sanking av sau på utmarksbeite. Tørre leiger hytte og utmarksbeite av Synnøve Lonar, eigar av gnr. 58, bnr. 6 og 7. Eigedomen omfattar Hågåvasstulen med utmark, eit areal på ca. 3.850 dekar. Søknaden gjeld køyring på traktorvegen frå Tippen v/mydalen kraftstasjon og inn til Hågåvasstulen. Det er snakk om køyring i samband med vedlikehald av hytta, oppsetting/vedlikehald av sankekve, utsetting av saltsteinar, tilsyn og sanking av sau. Tørre reknar med å ha om lag 100 sauar i området i år. Søkjaren bur i Bø, og han ser det då som ein fordel å kunne disponere ei hytte på staden i samband med saudrifta. Vurdering:

I følgje 3 i lova om motorferdsle i utmark, er motorferdsle ikkje lovleg med mindre anna følgjer av denne lova eller vedtak med heimel i lova. Veg i utmark som ikkje er laga for køyring med bil, er i lova å rekne som utmark. Motorferdsle i samband med nødvendig person- og godstransport i jordbruks- og skogbruksnæring kan skje utan hinder av 3. Spørsmålet i denne saka er om køyringa det er søkt om, kan reknast som nødvendig. Me forstår det slik at søkjaren ikkje har høve til å setje opp sankekve ved Tippen, men at dette må plasserast på gnr. 58, bnr. 6 og 7. Ein må over annan eigedom for å koma dit. I denne saka meiner me at det bør kunne gjevast løyve til køyring slik det er søkt om. Det vil gjera det lettare å drive med sau i området. Det er snakk om reell næringsverksemd av eit visst omfang og med inntektsmessig betyding. Løyve må berre gjelde i samband med saudrifta. Det er ikkje lov å nytte ATV utanom traktorvegen. Det er ikkje grunnlag for å gje løyve til rein fritidsskøyring i samband med bruk av hytta. Ein gjer elles merksam på at lova om motorferdsle ( 10) ikkje innskrenkar den retten grunneigar og brukar har etter gjeldande reglar til å forby eller avgrense motorferdsle på eigedomen sin. RÅDMANNEN TILRÅR: Hjartdal kommune gjev Svein Arvid Tørre løyve til køyring med ATV på traktorvegen frå Tippen i Mydalen og til Hågåvasstulen. Løyvet gjeld berre køyring i samband med saudrift i området. Køyring i samband med bruk av hytte ved Hågåvasstulen til fritidsføremål tillatast ikkje. Søkjaren må leggje fram for kommunen leigekontrakt med eigar av gnr. 58, bnr. 6 og 7. Løyvet gjeld så lenge søkjaren har avtale med Synnøve Lonar om leige av gnr. 58 bnr. 6 og 7 til saudrift/saubeite.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 20.04.2010 018/10 HH Saksansvarleg: Harald Helliksen Arkiv: K2-V18 Arkivnr.: 10/181 BRUK AV KOMMUNALE ØKONOMISKE VIRKEMIDLER I LANDBRUKET 2010 Dokument i saka: Nr T Dok.dato Avsendar/Mottakar Tittel 1 I 18.02.2010 Fylkesmannen i Telemark TILDELING AV KOMMUNALE ØKONOMISKE VIRKEMIDLER I LANDBRUKET 2010 2 U 04.03.2010 Adressatar i htt vedlagt liste TILDELING AV KOMMUNALE ØKONOMISKE VIRKEMIDLER I LANDBRUKET 2010 4 I 11.04.2010 NOUetaten SMIL 2009/ÅRSRAPPORT 2009 5 I 11.04.2010 NOU etaten STRATEGI 2010 FOR BRUK AV MIDLAR TIL SMIL OG NMSK I HJARTDAL KOMMUNE Vedlagde dokument: Dokument nr. 1, 4, 5 Aktuelle lover, forskrifter, avtaler m.m.: Forskrift om tilskot til spesielle miljøtiltak i jordbruket (SMIL). Forskrift om tilskot til nærings- og miljøtiltak i skogbruket (NMSK). Bakgrunn for saka: Hjartdal kommune disponerar i alt kr. 750.000 (kr. 604.000 i 2009) til ovannemnte tilskotsordningar, fordelt med kr. 480.000 (kr. 348.000) til SMIL og kr. 270.000 (kr. 255.000). Større beløp til disposisjon i 2010, skyldast i hovudsak at midlane ikkje blei brukt opp i 2009. Bruken av midla blei drøfta i møte 15.03.2010 med Hjartdal bondelag, Hjartdal bonde- og småbrukarlag og Hjartdal skogeigarlag. Det var ei oppfatning at tilskotsprosentane ikkje måtte vera for låge då dette kunne medføre at tiltak ikkje blei gjennomførde. Det var og ei oppfatning at søknader som blei godkjende burde få ein bra tilskotsprosent, sjølv om dette ville føre med seg at færre søkjarar fekk tilskot. Laga ynskte at det blei nytta faste tilskotsprosentar for dei fleste av

tiltaka. Det er viktig at midla brukast opp, og at ein kan rekne med nokolunde stabile vilkår frå år til år. Det var og eit ynske om høgare tilskot til planting. Vurdering: I framlegget til tiltaksplan er lagt inn faste tilskotssatsar i samsvar med ynska frå faglaga. Når det gjeld tilskot til skogbrukstiltak, bør ein gje ungskogpleie høgast prioritet. Ved tidspunkt for planting etter hogst, har dei fleste gjerne brukbart med midlar på skogfondet. Når ungskogpleie står for tur, ser ein ofte at mange har lite på skogfondet. Tilskot kan då vera ein viktig stimulans for å få utførd nødvendig stell av ungskogen. Me foreslår derfor å halde satsane frå i fjor uendra, dvs. 25% til planting og 40% til ungskogpleie. RÅDMANNEN TILRÅR: Framlegg til tiltaksstrategi 2010 for bruk av midlar til spesielle miljøtiltak i jordbruket og til nærings- og miljøtiltak i skogbruket godkjennast.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 20.04.2010 019/10 HH Saksansvarleg: Harald Helliksen Arkiv: K2-K12 Arkivnr.: 09/806 SØKNAD OM OPPRUSTING-VEDLIKEHALD AV VEGEN FRÅ LØKJEROE TIL LAUVHAUG. BRATTEFJELL-VINDEGGEN LANDSKAPSVERNOMRÅDE Dokument i saka: Nr T Dok.dato Avsendar/Mottakar Tittel 1 U 24.08.2009 Jon Bekkhus ARBEID MED UTBETRING AV SLEPE/TRAKTORVEG TIL SYSTEBULIE 2 I 26.08.2009 Statens Naturoppsyn RAPPORT/DOKUMENTASJON AV TERRENGINNGREP LANGS TRAKTORSLEPE 3 U 01.10.2009 Dir. for naturforv., Statens naturoppsyn Jon Bekkhus 4 I 15.11.2009 Direktoratet for naturforvaltning 5 U 14.12.2009 Div. grunneigarar v/jon Bekkhus UTBETRING AV SLEPE FRÅ LØKJEROE OG MOT SYSTEBULIE. TILTAK PÅ TRAKTORSLEPE I BRATTEFJELL VINDEGGEN LANDSKAPSVERNOMRÅDE VEGARBEID I OMRÅDET LØKJEROE- LAUVHAUG I BRATTEFJELL/VINDEGGEN LANDSKAPSVERNOMRÅDE OG FLOTTIN FUGLEFREDINGSOMRÅDE Vedlagde dokument: Dokument nr. 2, 4, kart. Aktuelle lover, forskrifter, avtaler m.m.: Forskrift om vern av Brattefjell-Vindeggen som landskapsvernområde med dyrelivsfreding, Hjartdal, Seljord, Tinn og Vinje kommunar. Forskrift om Flottin fuglefredingsområde, Hjartdal kommune, Telemark. Saksgang: Utval for næring og teknikk avgjer saka. Bakgrunn for saka:

Grunneigarane Agnar Andersen, Jon Bekkhus og Arne Lid søkjer om å vedlikehald/utbetre traktorvegen som går frå Løkjeroe til Lauvhaug og Vermebua. Vegen er teikna inn på kart i målestokk 1:5000 vedlagd søknaden. Agnar Andersen søkjer og om å ruste opp eit område på eigedomen sin, gnr. 21, bnr. 1, for opparbeiding og lagring av ved. Søkjarane opplyser at den eksisterande traktorvegen blei bygd i 1985. Bakgrunnen for ynsket om å utbetre vegen er å gjere tilkomsten lettare i samband med saudrifta i området (t.d. sanking, tilsyn, henting av sjuke dyr, utsetjing av saltsteinar), produksjon av ved og noko ordinær skogsdrift. Statens naturoppsyn v/morten Elgaaen var i området 20.08.2009 og 25.08.2009. Naturoppsynet registrerte då at det var utført arbeid på vegen og ved ein plass for opparbeding og lagring av ved. Etter dette blei det utarbeidd ein rapport (nr. 05/09) med GPS-registrering og fotodokumentasjon av utførte tiltak. Statens naturoppsyn kontakta Hjartdal kommune som opplyste at det ikkje var søkt om løyve i forhold til dei utførte arbeida. Statens naturoppsyn foreslår i rapporten at Hjartdal kommune tek kontakt med tiltakshavar og sørgjer for at tiltaka blir stoppa umiddelbart inntil det er endeleg avklart om arbeidet er lovleg. Ved brev frå Hjartdal kommune av 24.08.2009 får søkjarane beskjed om at arbeida i området straks må stansast. Etter dette blei det 12.10.2009 gjennomført ei synfaring i området der søkjarane, Direktoratet for naturforvaltning v/hege Langeland, Statens naturoppsyn v/morten Elgaaen og Hjartdal kommune v/thomas H. Timland og Harald Helliksen var tilstades. Direktoratet for naturforvalting sende etter synfaringa brev til Hjartdal kommune (datera 13.11.2009). Konklusjonen her er at dei utførde arbeida heilt klart fell utanfor det som kan reknast som vedlikehald, og at det er snakk om tiltak som krev søknad. Direktoratet bed kommunen som forvaltingsstyresmakt å ta tak i saka. Dei meiner det er hensiktsmessig å be tiltakshavar om å søke om tiltaket no i ettertid. Ved handsaming av saka skal det ikkje takast omsyn til arbeidet som allereie er gjennomførd. Hjartdal kommune sende deretter brev til tiltakshavar med pålegg om å søkje om tiltaket no i ettertid. Vurdering: Tiltakshavar har sett det gjennomførde arbeidet som drift og vedlikehald av eksisterande vegar (sjå punkt 2.2 i verneforskrifta). Dette er ikkje søknadspliktig arbeid. Direktoratet for naturforvaltning visar til punkt 1.1 i verneforskrifta samt til direktoratets handbok 17 (2001), revidert 2008 i områdevern og forvalting der det er nærmare angitt kva som meinast med vedlikehald i forskrifta. Her står det og at detaljerte retningsliner for vedlikehald av veg/køyrespor bør fastsetjast gjennom forvaltningsplanen. Det føreligg ikkje godkjend forvaltningsplan for Brattefjell-Vindeggen landskapsvernområde. Hjartdal kommune må seie seg eining i at det her er snakk om søknadspliktige tiltak. Søknaden må då handsamast etter punkt 3 i verneforskrifta. Her står følgjande: Når verksemda eller tiltaket kan skje utan at det strir mot føremålet med vernet, kan forvaltningsstyresmakta på nærare vilkår gje løyve til mellom anna:

punkt 3.1 tiltak i samband med jord- og skogbruk, så som oppføring av bygningar og liknande. punkt 3.3 anlegg av veg i samband med landbruksverksemd--- dersom frakt på vinterføre eller bruk av helikopter ikkje er mogleg. Me ser det slik at det aktuelle tiltaket er såpass omfattande at det kan vera i strid med formålet med vernet. I forhold til landbruksdrifta til søkjarane, vil me tru at det hadde vore tilstrekkelig med eit vedlikehald slik dette er meint i forskrifta (sjå side 1, siste avsnitt, i brevet frå Direktoratet for naturforvaltning til Hjartdal kommune). Ein bør difor avslå søknaden om vegarbeid. Når det gjeld opprusting av areal for opparbeiding og lagring av ved på gnr. 21, bnr. 1, meiner me at dette tiltaket bør kunne godkjennast etter punkt 3.1 i verneforskrifta. Produksjonen av ved er ein del av landbruksnæringa til Agnar Andersen. Dette kan dokumenterast gjennom rekneskap og næringsoppgåve. Det må leggast til grunn at arbeidet blir gjort ferdig i samråd med forvaltningsstyresmakta som og må godkjenne arbeidet. Dersom søknaden om vegarbeid blir avslått, må ein kome attende til kva som skal gjerast i forhold til arbeida som allereie er utførd. RÅDMANNEN TILRÅR: Hjartdal kommune visar til vurderingane over og avslår søknaden om vegarbeid på strekninga Løkjeroe Lauhaug/Vermebua i Brattefjell-Vindeggen landskapsvernområde og Flottin fuglefredingsområde. Hjartdal kommune godkjenner søknaden om opprusting av areal for produksjon av ved på eigedomen gnr. 21, bnr. 1, eigar Agnar Andersen. Det her påbegynte arbeidet må gjerast ferdig i samråd med, og godkjennast av forvaltningsstyresmakta.