FOLGEFONNA NASJONALPARKSTYRE Hattebergsdalen landskapsvernområde Ænesdalen landskapsvernområde Bondhusdalen landskapsvernområde Buer landskapsvernområde Kvinnherad Energi AS Vikjo 7 5464 DIMMELSVIK Att: Kjell Enes SAKSHANDSAMAR: ØISTEIN AASLAND ARKIVKODE: 2015/2562-432.3 DATO: 19.06.2015 Vedtak - Folgefonna nasjonalparkstyre - Hattebergsdalen landskapsvernområde - Søknad om heving av eksisterande sperredam og ombygging av steinfylling til ny sperredam ved Prestavatn i Hattebergsdalen. Sender med dette over vedtak og saksframlegg i sak ST 18/15 frå Folgefonna nasjonalparkstyre sitt møte den 8. juni 2015. Klage Vedtaket kan klagast inn for Miljødirektoratet av partar i saka eller andre med rettsleg klageinteresse. Det er ein frist på 3 veker til å fremje ei klage (jf. Forvaltningslova 26). Ei eventuell klage skal rettast til Miljødirektoratet, men sendast til Folgefonna nasjonalparkstyre som kan gje nærare opplysningar om klagerett og rett til å sjå saksdokumenta. Med helsing Jon Larsgard møteleiar Øistein Aasland fung. nasjonalparkforvaltar Brevet er elektronisk signert Kopi sendt med e-post til: Kvinnherad kommune Rosendalsvegen 10 5470 Rosendal SNO-Rosendal Fylkesmannen i Hordaland Postboks 7310 5020 BERGEN Miljødirektoratet Postboks 5672 Sluppen 7485 TRONDHEIM POSTADRESSE: FOLGEFONNA NASJONALPARKSTYRE POSTBOKS 7310 5020 BERGEN BESØKSADRESSE: FJORDGLYTT SKÅLAGATO 50 5470 ROSENDAL TELEFON: 55572000 DIREKTENUMMER: 55572340/48953750 E-POST: FMHOPOSTMOTTAK@FYLKESMANNEN.NO WEB: WWW.FYLKESMANNEN.NO/HORDALAND ORG.NR: 974760665
FOLGEFONNA NASJONALPARKSTYRE Saksframlegg Arkivsaksnr: 2015/2562-0 Sakshandsamar: Øistein Aasland Dato: 19.05.2015 Utval Utvalssak Møtedato Folgefonna nasjonalparkstyre 18/15 08.06.2015 Saksframlegg - Hattebergsdalen landskapsvernområde - Søknad om heving av eksisterande sperredam og ombygging av steinfylling til ny sperredam ved Prestavatn i Hattebergsdalen Forvaltaren si tilråding Kvinnherad Energi AS får løyve til å heva eksisterande sperredam på Prestavatn med 0,88 meter, samt å byggja om ei steinfylling til ein betongdam med høgd frå 0 til 1,3 meter. Det vert gjeve løyve til naudsynt motorferdsle for transport av materiell og betong på vegen inntil Hattebergsdalen kraftstasjon, og vidare helikoptertransport frå kraftstasjonen og opp til dammane ved Prestavatn. Løyve er gitt på vilkår: Eksisterande sperredam kan hevast med 0,88 m til kote 608,67 moh Eksisterande sperredam i murt stein kan erstattast med ein ny dam i betong, med høgde frå 0 til 1,3 m (topp kote 608,44 moh). Lengde om lag 9 m. Det skal nyttast betong med koksgrå fargetilsetning. Transport i samband med anleggsperioden skal minimaliserast mest mogleg. FOLGEFONNA NASJONALPARKSTYRE SIDE 2
Saksprotokoll i Folgefonna nasjonalparkstyre - 08.06.2015 Handsaming i møtet Styret presiserte at Kvinnherad Energi ikkje treng motorferdsleløyve for transport på vegen inn til Hattebergsdalen kraftstasjon. Den delen av setninga om motorferdsle vert difor stroke i vedtaket. Styret presiserte og at tiltaka på sperredammane må avklarast med kommunen i høve til Plan- og bygningslova, og at helikopterflyginga må avklarast etter motorferdslelova med kommunen. Ut over dette så er vedtaket i tråd med innstillinga frå forvaltar. Vedtak Kvinnherad Energi AS får løyve til å heva eksisterande sperredam på Prestavatn med 0,88 meter, samt å byggja om ei steinfylling til ein betongdam med høgd frå 0 til 1,3 meter. Det vert gjeve løyve til naudsynt motorferdsle for transport av materiell og betong med helikopter frå kraftstasjonen og opp til dammane ved Prestavatn. Løyve er gitt på vilkår: Eksisterande sperredam kan hevast med 0,88 m til kote 608,67 moh Eksisterande sperredam i murt stein kan erstattast med ein ny dam i betong, med høgde frå 0 til 1,3 m (topp kote 608,44 moh). Lengde om lag 9 m. Det skal nyttast betong med koksgrå fargetilsetning. Transport i samband med anleggsperioden skal minimaliserast mest mogleg. Søknaden Kvinnherad Energi AS søkjer om å heva eksisterande sperredam ved Prestavatn med 0,88 meter, samt å byggja om ei steinfylling til ein betongdam med høgd frå 0 til 1,3 meter. Desse sperredammane skal hindre at det renn vatn andre stader enn over sjølve dammen med overløp. Bygging/heving av sperredammane vil soleis ikkje påverke vasstanden i reguleringsmagasinet Prestavatn. Damsikkerheitsforskrifta 5-8 stiller krav til at flaumløpet skal ha tilstrekkeleg kapasitet til å avleia dimensjonerande avlaupsflaum ved dimensjonerande flaumvasstand. Det vert samstundes søkt om naudsynt motorferdsle for transport av materiell og betong på vegen inntil Hattebergsdalen kraftstasjon, og vidare helikoptertransport frå kraftstasjonen og opp til dammane ved Prestavatn. FOLGEFONNA NASJONALPARKSTYRE SIDE 3
Bileter av dei 2 dammane som skal utbetrast: Eksisterande sperredam skal hevast Eksisterande sperredam i murt stein som skal erstattast med ny dam i betong Naturmangfaldlova og verneforskrift Formålet med vernet av Hattebergsdalen landskapsvernområdet er å take vare på eit eigenarta og vakkert naturområde med store opplevingskvalitetar knytt til heilskapen og variasjonane i naturen frå dalføret opp mot høgfjellet. Og å sikre verdfull vassdragsnatur. I fylgje Forskrift om vern av Hattebergsdalen landskapsvernområde 3, punkt 1.1 skal området vernast mot alle inngrep som vesentleg kan endre eller verke inn på landskapet sin art eller karakter. Det er generelt forbod mot inngrep som m.a.; oppføring av bygningar og anlegg, andre varige eller mellombelse innretningar, vassdragsregulering. Det er gjeve nokre unnatak frå desse føresegnene, og punkt 1.3.j. gjev forvaltningsstyresmakta moglegheit for å gje løyve til oppgradering/fornying av energi- og kraftanlegg som ikkje fell inn under 3, punkt 1.2.b Dei omsøkte tiltaka ligg innunder oppgradering/fornying av kraftanlegg, og er naudsynt i høve til Damsikkerheitsforskrifta. Tiltaka vil heller ikkje føre til store og nye inngrep, da det berre er tale om å heve eksisterande sperredammar. Motorferdsla i samband med arbeidet med sperredammane er heimla i punkt 5.3.c der det kan gjevast løyve for naudsynt motorferdsle i samband med oppgradering/fornying av kraftanlegg og kraftliner. Prinsippa i naturmangfaldlova 8-12, jf. 7 FOLGEFONNA NASJONALPARKSTYRE SIDE 4
Det er i følgje Artskart og Naturbase ikkje registrert raudelisteartar i det aktuelle området der arbeidet med å utbetre sperredammane skal gå føre seg jf. 8 i naturmangfaldlova om kunnskapsgrunnlaget. Det er ikkje forventa at dei omsøkte tiltaka skal føre til skade på naturmangfaldet og tiltaket vil heller ikkje endre landskapet sin art eller karakter nemneverdig. Samla belastning er vurdert jf. 10, og ein kan ikkje sjå at dei omsøke tiltak skal føra til at den samla belastninga i området vert for stort. Forvaltaren meiner kunnskapen om tiltaka sin påverknad på naturmangfaldet er godt, 9 om føre-var prinsippet er difor ikkje tillagt vekt. Det er heller ikkje grunnlag for å nytte 11 som legg ansvaret for å dekkje meirkostnadane ved minimalisere miljøforringinga på tiltakshavar. Jf. 12 skal ein vurdere driftsmetode, teknikk og lokalisering til det beste for naturmangfaldet. Det er her snakk om naudsynt arbeid for å sikre at overløpet frå Prestavatn berre går over dammen og ikkje andre stader i terrenget. Det vil ikkje føre til endringar i høgste regulerte vasstand Vurdering av saken Kvinnherad Energi er pålagd etter Damsikkerheitsforskrifta 5-8 at flaumløpet skal ha tilstrekkeleg kapasitet. Sperredammane i Prestavatn har vet nokre høver vist at dei ikkje er høge nok. Ved flaum i vassdraget i 2005 rann det vatn over eksisterande sperredam, som ført med seg nokre erosjonsskader i terrenget ned mot Jakopsetret. Bygging/heving av dei eksisterande sperredammane vert å rekne som «mindre tiltak», og fell inn under punkt 1.3.j. i føresegnene. Dette gir forvaltningsstyresmakta moglegheit for å gje løyve til oppgradering/fornying av energi- og kraftanlegg som ikkje fell inn under 3, punkt 1.2.b Forvaltaren meiner at dei omsøkte tiltaka ikkje føre til store og nye inngrep, da det berre er tale om å heve eksisterande sperredammar. FOLGEFONNA NASJONALPARKSTYRE SIDE 5