Austevoll kommune Møtestad: Kommunestyresalen Møtedato: 23.09.2014 Møtetid: 15:00 Tilleggsinnkalling Utval for plan og byggesak Eventuelt forfall skal meldast til tlf. 5508 10 00 servicekontoret eller til postmottak@austevoll.kommune.no. Varamedlemmar møter etter nærare innkalling. Møtet er ope for tilhøyrarar. Saksdokument er lagt ut til offentleg gjennomsyn på nettsida til kommunen. Sak nr Tittel Sakliste 134/14 Gnr. 43 bnr. 0184 Eidsbøen. Søknad om mellombels bruksendring- frå fritidsbustad til bustadhus Storebø, 22.09.2014 Helge Andre Njåstad Leiar utval for plan og byggesak 1
Saksframlegg Saksnr Utval Type Dato 134/14 Utval for plan og byggesak PS 23.09.2014 Sakshandsamar Arkiv ArkivsakID Kari Berge Jørgensen GBNR - 43/0184, FA - L42, 12/816 FA - L45 Gnr. 43 bnr. 0184 Eidsbøen. Søknad om mellombels bruksendring- frå fritidsbustad til bustadhus Tilråding frå rådmannen: Utval for plan og byggesak har vurdert søknad om mellombels bruksendring frå fritidshus til bustadhus på gnr. 43 bnr. 184 Storebø Austevoll. Mellombels bruksendring: I medhald av arealdelen av kommuneplanen si føresegn 4.1 vert det gjeve mellombels bruksendring frå fritidshus til bustadhus i inntil 5 år. Bruksendring vert gjeve med følgjande merknader/atterhald: Avgiftssatsane for feiing, renovasjon, vassforsyning og avløp skal vere som for heilårsbustader. Etter folkeregisterloven er ein søkjar pliktig til å melde flytting, dersom ein oppheld seg meir enn seks månader på staden. Mellombels bruksendring frå fritidshus til bustadhus vert gjeve for ein periode på inntil 5 år, rekna frå 25.09.2014 Mellombels bruksendring til bustadhus er ei personleg godkjenning, og kan ikkje overførast til ny eigar ved eit eventuell sal av eigedomen. Omsøkte bruksendring fører ikkje til endra status av bygg/eigedom i kommunen sitt eigedomsregister/matrikkel. Der vil det framleis gå fram at bygget på denne eigedomen er registrert som fritidshus/fritidseigedom Vedlegg: Gnr. 43 Bnr. 0184 Storebø Midlertidig Bruksendring frå hytte til bustad 1 prøveår.
merknad til mellombels bruksendring Fwd: Merknad til varsla bruksendring frå hytte til heilårsbolig gnr 43 bnr 184 Bakgrunn for saka: Søkjar/tiltakshavar: Trine Haukanes Byggestad/eigedom: Gnr 43 bnr. 0184 Adresse: 5392 Storebø Omsøkt tiltak: Det vert søkt om mellombels bruksendring frå fritidshus til bustadhus inntil 5 år. Fritidsbustaden er oppført i 1968, Det var har vore 2 utbetringar med tilbygg i 1980 og tilbygg og påbygg i 2013. Tiltaket er no tot;158m² og har 2 etasjar. Fritidsbustaden er tilknytta offentleg vatn og avløp. Tiltaket ligg i eit området som regulert til fritidsbustad, det er privat veg frå kommunalveg til fritidsbustaden. Vegen er 90 m lang ned til fritidsbustaden og ca 2 m brei. Det er fleire bustadhus i området. Planlagt bruk: Familien på 7 ynskjer å nytta fritidsbustaden brukt som heilårsbustad. Dei ynskjer å prøva å bu i Austevoll, for å sjå om dei og borna kan trivast her. Merknader frå naboar/gjenbuarar: Det er kome inn merknader frå varsla naboar i samband med bruksendringa. Dei påpeikar at : 1. Fritidsbustaden ligg i reguleringsplanen i eit fritidsbustadområde og skal ikkje nyttast til heilårsbustad. 2. Å gje dette tiltaket dispensasjon frå kommuneplanen 4-1, vil skape presedens for andre hytter i området. 3. Løysningar med avløp/vatn/renovasjon,ambulanse og brannbil vil også takst omsyn til ved ein eventuell sakshandsaming av bruksendring. Er det riktig dimensjonert? Forsvarleg for ein familie på 7 personar å bu der? Kjem utrykningsfarty seg ned til fritidsbustaden? 4. Kva med auka trafikk/avkjøringsløyve og parkeringsplass? Kommunen sin kommentar: 1. Det er opna for å få ei mellombels bruksendring frå fritidsbustad til bustad på 5 år i godkjend kommuneplan for 2013. Austevoll kommune vil leggja til rette for at personar som har tilknyting til kommunen skal få mogligheit å bu i øykommunen før
ein heilt bestemmer seg for ev flytting permanent. 2. Å gje mellombels bruksending kan i nokon høve skapa presedens i områder, men i dette tilfelle så er fritidsbustaden total rehabilitert, med påbygg og tilbygg i 2012, til den standard som er nødvendig m.h.t mellombels bruksendring. 3. Når fritidsbustaden vart rehabilitert i 2012/2013 vart tiltaket tilknytta offentlig vatn og avløp. Renovasjonsordning kan ein få etter bruken av tiltaket Jf. Forskrift for renovasjonsordning og slamtøming i Sunnhordland. www.sim.no. Tilkomst av utrykningsfarty vil kunna koma sjøvegen i dette tilfelle, då det er mindre enn 20meter til sjø. 4. Tilkomstvegen til tiltaket er ein 2m brei veg på 90 meter lang. Ved ein ev. ordinær søknad om bruksendring ville kommunen krevja at vegen vart utbetra og parkeringsplass i tilknyting til bustaden. Uttale frå leiar for drift og vedlikehaldsavdelinga i kommunen har ingen merknader til saka. Planstatus: Reguleringsplanen visar at gnr. 43 Eidsbøen er regulert til fritidsføremål. Uttaleinstansar: Ikkje dispensasjonssak, sjå punkt nedanfor merka Arealdelen av kommuneplanen si føresegn 4.1. Arealdelen av kommuneplanen si føresegn 4.1 I følgje revidert arealdel av kommuneplanen (godkjent 18.06.2013) si føresegn 4.1, kan utval for plan og byggesak godkjenne mellombels bruksendring frå godkjende fritidshus til bustadhus for inntil 5 år etter ei nærare vurdering. Plan- og bygningslova 17-2, 100-meters beltet langs sjøen: Ikkje aktuelt, regulert område. Avløp: Tilknytta offentleg avløp. Austevoll vatn og avløp SA På grunn av auka bruk av bustaden, vert tømesekvensen endra frå kvar fjerde år til anna kvart år. Kommunen orienterer SIM om dette. Pbl kap. 27. Vatn: Tiltaket er tilknytta Austevoll Vatn og Avløp SA.
Tiltakshavar må gje beskjed til Austevoll vatn og avløp SA 5397 Bekkjarvik om auka bruk. Pipe: 1. Tiltaket vert lagt inn i register for tilsyn av branntryggleik og feiing av pipe. Natur og miljø, naturmangfaldlova 8-12: Det er ikkje sannsynleg at bruksendringa vil føre til meir skade på naturmangfaldet utover det som det ville gjort ved å oppretthalde bygget som fritidshus. Rådmannen si vurdering: Det er fleire trekk i samfunnsutviklinga som tilseier at auka bruk og tilflytting til hyttene kan auka t.d. lågare pensjonsalder, meir fleksible arbeids og fritidsordningar, staduavhengige kontor med internett og e-post, større vekt på natur og miljøverdiar, auka bygningsmessig og sanitær standard på hytta, ynskje om sterkare sosial tilhøyring osv. Det er forhold som stimulerer til og gjer det enklare å ta i bruk hytta i større delar av året eller kanskje heile året. Mange har dessutan eit positivt forhold til hytta frå før og ser der derfor mogligheit for auka bruk som ein verdi i seg sjølv. Konsekvensar av ei slik utvikling må vurderast mht samfunnsmessige, og de miljømessige konsekvensane mht: skule/utdanning, helse og sosiale tenester og kommunalteknikk, samt nærområder i lokalsamfunnet. Austevoll kommune har som eit av sine hovudføremål å auke folketalet, samt å leggje forholda til rette for tilflytting til kommunen, jf. samfunnsdelen til kommuneplanen. Bustaden er oppført i 1968 og seinare bygd ut med påbygg og tilbygg med ein standard som tilseier at ein kan godkjenne at bygget vert teke i bruk til heilårsbustad. Dei er tilknytta offentleg vatn, har godkjend avløpsordning, har lovleg tilkomst frå offentleg veg. Bustaden er lokalisert slik at det er mogelig å utføra offentlege tenester som kommunen plikter å yta. Rådmannen er dessutan kjend med at det fins fleire bustadhus i området der den aktuelle eigedomen ligg. Det fell derfor meir naturleg å leggje til rette for at det kan etablerast heilårsbustader i dette området. Etter ei nærare vurdering av denne saka, finn rådmannen å tilrå at søknaden om mellombels bruksendring frå fritidshus til bustadhus på gnr. 43 bnr. 0184 med inntil 5 år, vert godkjent. Det vert vist til tilråding/vedtak, saksdokument, bakgrunn og vurdering av saka.