Møteinnkalling for Utval for næring og teknikk

Hjartdal kommune 3692 Sauland Møteinnkalling for Utval for næring og teknikk Møtedato: 31.08.2010 Møtestad: Kommunehuset Møtetid: Kl. 17:00 Befaring vedk. NOT-sak 031/10 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 24.08.2010 Thomas H. Timland utvalsleiar Sakliste Sak nr. Saktittel 027/10 GODKJENNING AV MØTEBOK 028/10 REFERATSAKER 029/10 DELEGASJONSSAK 030/10 GODKJENNING AV KOMMUNENS KLIMA OG ENERGIPLAN 031/10 BUPLIKT VEDK. EIGEDOMEN SUD-ÅBØ, GNR 6, BNR 3 Ikkje offentleg 032/10 SLEPE/TRAKTORVEG TIL SYSTEBULIE 033/10 BRATTEFJELL-VINDEGGEN LANDSKAPSVERNOMRÅDE - SØKNAD OM OPPSETTING AV UTHUS PÅ EIGEDOM, GNR. 115 BNR. 5 - TILTAKSHAVAR: HILDE FOSSE 034/10 OLAV HYKKERUD - SØKNAD OM DELING AV GRUNNEIGEDOM 035/10 SØKNAD OM LØYVE TIL Å BRUKE ATV I SAMBAND MED TILSYN OG SANKING AV SAU PÅ UTMARKSBEITE

Hjartdal kommune Styre, råd, utval Møtedato Saknummer Sakshandsamar Utval for næring og teknikk 31.08.2010 027/10 IL Saksansvarleg: Ingebjørg Landsverk Arkiv: K1-033 Arkivnr.: 10/800 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 31.08.2010 028/10 IL Saksansvarleg: Ingebjørg Landsverk Arkiv: K1-033 Arkivnr.: 10/799 REFERATSAKER Nr Dok.ID T Dok.dato Avs./Mott. Tittel 1 10/4223 I 23.08.2010 Landbruks- og matdepartementet. PRKATISERING AV DELINGSBESTEMMELSEN I JORDLOVA 12 TILRÅDING Referatsakene blir teke til etterretning slik dei ligg føre.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 31.08.2010 029/10 IL Saksansvarleg: Ingebjørg Landsverk Arkiv: K1-033 Arkivnr.: 10/798 DELEGASJONSSAK FNOT-004/10 23.06.2010: BJØRN VIDAR BAKSAAS - SØKNAD OM KONSESJON VED OVERTAKING AV PUMPEHUS, GNR. 104/4-35 OG 104/4-6 VEDTAK Med heimel i konsesjonslova gjev Hjartdal kommune konsesjon til Bjørn Vidar Baksaas, Kjærsti Sørensen Susrud, Andres Sørensen Susrud og Gyri Sørensen Susrud for leige av eit areal på 100 m2 av eigedomen gnr. 104, bnr. 4. Arealet skal nyttast til oppføring av pumpehus. Konsesjonen gjeld areal som er vist på vedlagd kart i målestokk 1:1000, datert 21.08.2009, merka rødt og stempla og underskrivi av Hjartdal kommune 23.06.2010. FNOT-005/10 28.06.2010: FUGLESANGS LTD AS - SØKNAD OM BRUK AV HELIKOPTER FOR TRANSPORT AV MATERIALER, GNR. 99/27 VEDTAK Hjartdal kommune gjev med dette løyve til transport av materialar til hytte på gnr. 99/27, Nedstulen i Tuddal. Start og endepunkt for løfta skal vera som oppgjeve i søknaden. Transporten må skje i uke 26. Det skal gjevast melding til kommunen om kva for ein dag transporten skal gjennomførast. FNOT-006/10 08.07.2010: OLAV LANGÅSDALEN - BYGGING AV LANDBRUKSVEG, GNR. 17/1 VEDTAK Hjartdal kommune v/rådmannen godkjenner, med heimel i punkt 3.3 i verneforskrifta for Brattefjell-Vindeggen landskapsvernområde, søknad av 22.06.2010 om bygging av ca. 300 meter enkel traktorveg. Vegen skal, som fastsett i Forskrift om Flottin fuglefredingsområde, haldast stengd for allmenn motorferdsle.

TILRÅDING Delegasjonssakene blir teke til etterretning slik dei ligg føre.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 31.08.2010 030/10 EB Utval for plan og byggesaker 01.09.2010 055/10 EB Saksansvarleg: Egil Birkrem Arkiv: K1- Arkivnr.: 10/753 GODKJENNING AV KOMMUNENS KLIMA OG ENERGIPLAN Dokument i saka: Nr T Dok.dato Avsendar/Mottakar Tittel 2 I 16.08.2010 Arbeidsgruppa UTKAST TIL KLIMA OG ENERGIPLAN Vedlagde dokument: Dokument nr 2 Aktuelle lover, forskrifter, avtaler m.m.: Kyotoprotokollen Saksgang: Utval for Næring og teknikk 1.gong handsamar den 31.08.10. Utval for Plan og bygg 1.gong handsamar den 01.09.10. Formannskapet handsamar den 06.09.10. Utkast til Klima- og energiplan sendast ut på høring. Utval for Næring og teknikk 2.gong handsamar den 16.11.10. Utval for Plan og bygg 2.gong handsamar den 17.11.10. Kommunestyre vedtek den 08.12.10. Bakgrunn for saka: Global oppvarming som fylgje av menneskeskapte klimagassutslepp er den største miljøutfordringa verdssamfunnet står overfor. Dersom vi skal løyse klimaproblema, må vi gjera det der folka bur og arbeider. Kommunen kan bidra betydeleg både til å redusere Noregs utslepp av klimagassar og til å leggje om energibruken, og det er brei politisk semje om at dette skal prioriterast.

Kommunen har ulike roller og verkemiddel i sektorar som er ansvarlege for store klimagassutslepp, og er ein viktig aktør i lokalsamfunnet. Kommunen er tenesteytar, myndigheitsutøvar, eigedomsinnehavar og ein betydeleg innkjøpar av varer og tenester, og har ikkje minst eit ansvar for planlegging og tilrettelegging for gode miljø å bu i. I kommunestyresak nr 30/08 den 07.05.08 vart det gjort vedtak på å utarbeide kommunens klima- og energiplan. Vurdering: Klima- og Energiplanen er fyrst og fremst kommunen sin eigen plan, men kommunen kan ikkje aleine løyse alle oppgåver knytt til reduksjon av klimagassutslipp. Hjartdal kommune legg derfor opp til ein stor grad av involvering frå andre aktørar i kommunen for at dei ambisiøse målsettingane skal oppnåast. Det vil seie at eigne tilsette, innbyggjarane, bedrifter, landbruket og ulike organisasjonar må trekkast med i arbeidet. Administrasjonen inviterte aktuelle lag og foreiningar til å delta i ei arbeidsgruppe saman med relevante personar i kommunen sin administrasjon. Samtidig vart styringsgruppa sett ned med rådmann og ordførar som medlem. Prosessen har vore gjennomført med ei prosjekt- / arbeidsgruppe og ei styringsgruppe. Det har vore gjennomført 4 prosjektmøte : 07/05-09, 30/6-09, 07/9-09 og 15/10-09. Eit oppstartmøte, med orientering om prosess, framdriftsplan, oppgåvefordeling m.v. Eit fagmøte, med tema kommunal verksemd og transport Eit fagmøte med tema stasjonær energibruk, arealplanlegging, avfall og landbruk/skogbruk. Eit avslutningsmøte med gjennomgang av utkast til ferdig plan. Ved utarbeidinga av denne plan har ein hatt som føresetnad at: Klima- og energiplanen bør ha status som temaplan for klima og energi. Planen skal vere ein integrert del av kommunen sitt plan- og styringssystem. Planen skal omfatte mål og planar for energiforsyning, energibruk og klima i kommunen sin bygningsmasse og tilsvarande klimautslepp, energiforsyning/infrastruktur for energi i heile kommunen. Energi- og klimamål skal talfestast. Det skal setjast eit minimumsmål på 10% for redusert energibruk/klimagassutslepp for heile kommunen. Klima- og energiplanen skal beskrive tiltak for å nå måla. Planen skal ha ein tidshorisont på 4 år. Arbeidsgruppa har lagt til grunn at målet om reduksjon i utslepp av klimagassar føresett at dei sentrale myndigheitar tek sin del i form av betra rammevilkår. Dette kan vera endringar i lover og forskrifter, endringar i avgifts- og skattesystemet, skjerpande krav til utslepp frå bilar, industri m.m., støtteordningar og andre incentiv, for å nemne dei viktigaste. Denne plan skal definere målsettingane Hjartdal kommune har innan klimareduksjon og energiøkonomisering. Kommunen har eit ansvar i høve til utslepp av klimagassar innanfor sitt område. Det blir anslege at om lag 20% av dei nasjonale utsleppa av klimagassar er knytt til kommunal verkmiddel og tiltak. Dette omfattar utslepp frå transport, avfall og stasjonær energibruk og det er på vilkår av at 25% av all transport er lokal transport. Kommunen kan aktivt bruke dei virkemiddel ein rår over i sine roller. Dette er i hovudsak: I eigen organisasjon og verksemd.

Som forvaltar av Plan- og bygningslova, utnytte mogelegheitene. I undervisningsrolla, gje kunnskap til skular og barnehagar om klima og energi. Som pådrivar overfor lokalt næringsliv, slik at desse gjennomfører tiltak. Som pådrivar overfor eigen folkesetnad og lokale organisasjonar, slik at dess gjennomfører tiltak. Som pådrivar overfor nabokommunar, fylkeskommunar og stat spesielt er dette relevant for avfall- og transportløysingar. Informasjonsspreiing, sikre oppfylging av klima- og energiplanen og informere om utviklinga, både internt og eksternt. Avfallshandtering gjennom deleigarskap i IRMAT AS Energiløysingar gjennom eigarskap i det lokale e-verket. For å oppnå resultat på desse vilkåra er det viktig at kommunen gjev føringar, set av ressursar på tiltaka og legg opp til ei stor grad involvering frå andre aktørar i lokalsamfunnet, dvs innbyggarane, bedrifter, landbruket og ulike organisasjonar, for at målsetjinga skal oppnåast. For sektorane transport og avfall vil eit regionalt samarbeid vere naudsynt for å oppnå resultat. Planen skal reviderast innan 4 år, og måloppnåing skal rapporterast til Enova RÅDMANNEN TILRÅR: Formannskapet vedtek å leggje forslag til Klima- og energiplan for Hjartdal kommune ut til offentleg ettersyn slik den ligg føre.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 31.08.2010 031/10 HH Saksansvarleg: Harald Helliksen Arkiv: GBNR- 6/3 Arkivnr.: 10/752 BUPLIKT VEDK. EIGEDOMEN SUD-ÅBØ, GNR 6, BNR 3 Dokument i saka: Nr T Dok.dato Avsendar/Mottakar Tittel 7 U 02.02.2010 Folkeregisteret i region sør BUPLIKT VEDK. EIGEDOMEN SUD ÅBØ, GNR. 6, BNR. 3 I HJARTDAL KOMMUNE 6 I 22.04.2010 Skatt sør E-POST VEDK. BUPLIKT 5 U 23.04.2010 Skatt sør SVAR PÅ E-POST 4 U 27.04.2010 Inger Grethe Funner SUD ÅBØ, GNR. 6, BNR. 3 - BUPLIKT 3 I 25.05.2010 Telemark Fylkeskommune DIV. DOKUMENTER RELATERT TIL MIDLERTIDIG FREDNING - SUD ÅBØ 1 U 03.06.2010 Inger Grethe Funner PÅLEGG OM Å SØKJE KONSESJON SOM FØLGJE AV BROT PÅ BUPLIKT ETTER KONSESJONSLOVA 5 ANDRE LEDD VED OVERTAKING AV EIGEDOMEN SUD ÅBØ, GNR. 6, BNR. 3 2 U 15.07.2010 Inger Grethe Funner PÅLEGG OM Å SØKJE KONSESJON SOM FØLGJE AV BROT PÅ BUPLIKT I SAMBAND MED OVERTAKING AV SUD ÅBØ, GNR. 6, BNR. 3. 8 I 13.08.2010 Inger Grethe Funner SØKNAD OM KONSESJON MED VILKÅR OM BUSETTING INNAN 6 ÅR Vedlagde dokument: Sak nr. 4/2009 i Fylkeslandbruksstyret i Telemark. Aktuelle lover, forskrifter, avtaler m.m.: Konsesjonslova.

Saksgang: Utval for næring og teknikk avgjer saka. Bakgrunn for saka: Inger-Grethe Funner, eigar av Sud- Åbø, gnr. 6, bnr. 3, overtok eigedomen etter mor si 01.01.2008. Eigedomen har etter jordregisteret 37,3 dekar fulldyrka jord, 21,5 dekar innmarksbeite, 237 dekar produktiv skog og 631 dekar anna areal, totalt 949 dekar. Inger-Grethe Funner søkte ved brev av 13.10.2008 om varig fritak frå buplikta. Utval for næring og teknikk handsama saka 04.11.2008 og vedtok samrøystes å avslå søknaden. Søkjaren klaga på vedtaket. Klaga blei handsama av Fylkeslandbruksstyret i Telemark 03.03.2009. Fylkeslandbruksstyret tok ikkje klaga til følgje. Utval for næring og teknikk uttalte i si sak at ei utsetjing av buplikta kunne vera mogleg. Dette med bakgrunn i at bustadhuset pr. i dag ikkje er egna som heilårsbustad. Søkjaren måtte i så fall sende inn ny søknad om utsetjing. Inger-Grethe Funner melde 01.07.2009 flytting til eigedomen. Hjartdal kommune fekk 22.04.2010 melding frå Skatt sør om at dei har sett i verk vedtak om å annullere denne flyttinga. Då folkeregisteret ikkje godkjenner meldinga om flytting, er buplikta ikkje oppfylt. Verknaden av at buplikta er broten, er at kommunen kan påleggje Funner å søkje om konsesjon for overtaking av eigedomen, jf. konsesjonslova 13, tredje ledd. Slikt pålegg blei gjeve ved vedtak i brev frå kommunen av 03.06.2010. Søknad om konsesjon er motteken 13.08.2010. Det søkjast om konsesjon med vilkår om busetjing på garden innan 6 år. Søkjaren skriv at det er mykje som må gjerast for å få til ein tilfredsstillande standard på bustadhuset, og at helsetilstanden hennar tilseier at det er vanskeleg å bu der om vinteren. Ho skriv at fredinga av garden avgrensar moglegheitene til å endre på bustaden. Ho meiner det at Sud - Åbø ligg midt i kulturlandskapet og avgrensar kva ein kan gjera med huset. Vurdering: Ved avgjerd av søknad om konsesjon for overtaking av eigedom som skal nyttast til landbruksføremål skal det leggjast serleg vekt på: 1. om den avtalte prisen tilgodeser ei samfunnsmessig forsvarleg prisutvikling, 2. om føremålet til ervervar vil ivaretaka omsynet til busetjinga i området, 3. om ervervet inneber ei driftsmessig god løysing 4. om ervervar vurderast å vera skikka til å drive eigedomen, 5. om ervervet sikrar omsynet til ei heilskapleg ressursforvaltning og kulturlandskapet. I saker som denne, skal ein ikkje leggje vekt på dei omsyna som er nemnt i punkta 1 og 4 over. Det sentrale i denne saka er etter vår meining punkt 2, dvs. om føremålet til ervervar vil ivaretaka omsynet til busetjinga i området. Jordbruksarealet blir teke vare på gjennom utleige til Hans/Odd Haugland. Punkt 5 over bør det og leggjast vekt på. Av søknaden ser det ut til at søkjaren er innstilt på flytte til eigedomen, men at ho treng meir tid for å setje han i stand for varig busetjing. I følgje landbruksavdelinga hjå Fylkesmannen kan interiøret i freda hus, i samråd med kulturminnestyresmaktene, oppgraderast til vanleg standard i dag. Erfaringsmessig kjem ein fram til akseptable løysningar. Bruk av freda hus er i mange høve det beste vernet. Eit alternativ til istandsetjing av eksisterande våningshus kan vera oppføring av ny bustad på eigedomen.

Etter 11 i konsesjonslova kan konsesjon gjevast på slike vilkår som i kvart enkelt tilfelle finst påkravd av omsyn til dei formåla lova skal fremja. Me meiner det er viktig med fast busetjing på Sud-Åbø og at buplikta blir oppfylt av eigaren personleg. Dette gjeld både av omsyn til stabil busetjing i området, men og i forhold til ivaretaking av bygningar og kulturlandskap. Me ser at søkjaren kan ha behov for noko meir tid i forhold til å busetje seg på garden. Administrasjonen vil tilrå at det blir gjeve konsesjon med vilkår om busetjing på eigedomen innan 01.03.2014. Dette vil bli 5 år rekna frå 03.03.2009 då Fylkeslandbruksstyret ikkje tok til følgje klaga på avslag av søknaden om varig fritak frå buplikta. Fristen for busetjing vil dermed bli 3,5 år rekna frå i dag. RÅDMANNEN TILRÅR: Med heimel i konsesjonslova gjev Hjartdal kommune Anne-Grethe Funner konsesjon for overtaking av eigedomen Sud-Åbø, gnr. 6, bnr. 3. Konsesjon blir gjeve med vilkår om at Anne- Grethe Funner buset seg på eigedomen innan 1. mars 2014.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 31.08.2010 032/10 HH Saksansvarleg: Harald Helliksen Arkiv: K2-K12 Arkivnr.: 09/806 SLEPE/TRAKTORVEG TIL SYSTEBULIE Dokument i saka: Nr T Dok.dato Avsendar/Mottakar Tittel 1 U 24.08.2009 Jon Bekkhus ARBEID MED UTBETRING AV SLEPE/TRAKTORVEG TIL SYSTEBULIE 2 I 26.08.2009 Statens Naturoppsyn RAPPORT/DOKUMENTASJON AV TERRENGINNGREP LANGS TRAKTORSLEPE 3 U 01.10.2009 Dir. for naturforv., Statens naturoppsyn Jon Bekkhus 4 I 15.11.2009 Direktoratet for naturforvaltning 5 U 14.12.2009 Div. grunneigarar v/jon Bekkhus UTBETRING AV SLEPE FRÅ LØKJEROE OG MOT SYSTEBULIE. TILTAK PÅ TRAKTORSLEPE I BRATTEFJELL VINDEGGEN LANDSKAPSVERNOMRÅDE VEGARBEID I OMRÅDET LØKJEROE- LAUVHAUG I BRATTEFJELL/VINDEGGEN LANDSKAPSVERNOMRÅDE OG FLOTTIN FUGLEFREDINGSOMRÅDE Vedlagde dokument: Ingen. Aktuelle lover, forskrifter, avtaler m.m.: Naturmangfaldlova, kapittel IX. Forskrift om vern av Brattefjell-Vindeggen som landskapsvernområde med freding av dyrelivet. Brev frå Direktoratet for naturforvaltning av 14.06.2004 vedk. delegering av forvaltningsmynde til kommunane. Bakgrunn for saka: Søknad av 12.01.2010 om utbetring/vedlikehald av traktorvegen frå Løkjeroe til Lauhaug og Vermebua blei avslegen av Utval for næring og teknikk i sak NOT-019/10.

Det er allereie utført ein god del arbeid på den aktuelle vegstrekninga. Dette blei registrert/dokumentert av Statens naturoppsyn ved synfaring 25.08.2010. Dei kravde at tiltaket blei stansa umiddelbart og inntil det var endeleg avklara om arbeidet var lovleg. Etter dette blei vegarbeidet stansa ved brev av 24.08.2009 frå Hjartdal kommune til søkjarane. I brev frå kommunen av 14.12.2009 blei søkjarane pålagde å søkje om løyve til allereie gjennomførde tiltak og på eventuelle tiltak utover dette. Avslaget på søknaden betyr at det utførde vegarbeidet er i strid med lova og verneforskrifta. Tiltak som det ikkje blir gjeve løyve til i ettertid, kan krevjast tilbakeført i samsvar med reglane i kapittel IX i naturmangfaldlova. 69 i lova har denne ordlyden: Myndigheten etter loven kan pålegge den ansvarlige å rette eller stanse forhold som er i strid med loven eller vedtak med hjemmel i loven. Den som ved å overtre loven eller vedtak med hjemmel i loven forårsaker fare for forringelse av naturmangfoldet, skal sette i verk tiltak for å hindre at slik forringelse skjer. Har forringelsen allerede inntrått, gjelder plikten hindring av ytterligere forringelse og om mulig- gjenoppretting av den tidligere tilstand for mangfoldet ved oppsamling, rydding, fjerning, planering eller andre egnede tiltak. Tiltak som i seg selv kan medføre miljøforringelse av noen betydning, skal bare i verksettes etter samtykke av myndigheten etter loven eller pålegg etter første ledd. Plikten til forebygging, utbedring og gjenoppretting gjelder ikke i den utstrekning det i lys av kostnadene og virkningene av tiltakene, miljøvirkningene av overtredelsen og overtreders skyld og økonomiske stilling, ville være særlig urimelig. -------. Vurdering: Ein må berre konstatere at det allereie er utførd vegarbeid i området. Spørsmålet blir kva som skal gjerast vidare i saka. Dette bør ein sjå på i ljos av føremålet med landskapsvernområdet og omsynet til naturmangfaldet. Ein må vurdere kva for tiltak som no på best mogleg vis vil taka vare på føremålet med vernet. Dersom vegbygginga hadde blitt utførd i eit frå før urørd område, kunne gjenoppretting av opphavleg tilstand vore aktuelt og naturleg. I denne saka er vegarbeidet utført i tilknyting til ein eksisterande traktorveg, dvs. at det er inngrep i terrenget frå tidlegare. Det kan i eit slikt tilfelle vera vanskeleg å vurdere korleis tilstanden var før det siste inngrepet. Ein må likevel leggje opp til størst mogleg grad av tilbakeføring av terreng/veg til slik ein må rekne med tilstanden var før inngrepet. Dette vil mellom anna innebere at grøfter fyllast att, stikkrenner/røyr fjernast, effekten av naturinngrep dempast der det er fyllingar/skjeringar og at stadeigen vegetasjon etablerast på fyllingar, skjeringar, mellom hjulspor og i vegkantar. Det skal etter 69 i lova leggjast vekt på overtredaren si skuld og økonomiske stilling. Me vil i denne samanhangen peike på at søkjarane hadde meldt ifrå til kommunen om at dei planlagde å gjera arbeid på vegen. Søkjarane meiner dei har planlagd og utført eit ikkje søknadspliktig vegvedlikehald. Sjølv om dette ikkje er tilfelle, er det oppfatninga vår at dei har handla i god tru. Me meiner likevel at søkjarane skulle ha sett seg betre inn i kva som meinast med vedlikehald etter verneforskrifta. Hjartdal kommune ser alvorleg på at tiltaket er gjennomført utan at nødvendig løyve låg føre. Ei slik framferd kan ikkje aksepterast i eit landskapsvernområde.

Ein kan ikkje rekne med at det vil bli gjeve løyve til vidare vegbygging i området. Dette er det heller ikkje søkt om no. Ein gjer merksam på at dersom pålegg etter lova ikkje blir etterkome, kan forvaltningsmynda sørgje for iverksetjing av tiltaka. Utgifter til tiltak kan då krevjast dekt av den ansvarlege. Kravet er tvangsgrunnlag for utlegg. Det kan og bli kravd tvangsmulkt ved eventuell overskriding av fastsett frist for pålagde tiltak. RÅDMANNEN TILRÅR: 1. Hjartdal kommune ser alvorleg på og aksepterar ikkje at vegarbeidet på strekninga Løkjeroe Lauvhaug/Vermebua er gjennomførd utan nødvendig løyve. 2. Hjartdal kommune krev at terrenginngrepet reverserast ved at: -grøfter fyllast att -stikkrenner/røyr fjernast -effekten av naturinngrep dempast der det er fyllingar/skjeringar -stadeigen vegetasjon etablerast på fyllingar, skjeringar, mellom hjulspor og i vegkantar 3. Arbeidet skal skje i samråd med og godkjennast av forvaltningsmynda og vera ferdig seinast 1. september 2011.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 31.08.2010 033/10 SL Saksansvarleg: Silje Larsen Arkiv: GBNR- 115/5 Arkivnr.: 10/339 BRATTEFJELL-VINDEGGEN LANDSKAPSVERNOMRÅDE - SØKNAD OM OPPSETTING AV UTHUS PÅ EIGEDOM, GNR. 115 BNR. 5 - TILTAKSHAVAR: HILDE FOSSE Dokument i saka: Nr T Dok.dato Avsendar/Mottakar Tittel 1 I 05.04.2010 Hilde Fosse SØKNAD OG FOTO OG KART 2 U 14.04.2010 NOT v/silje Larsen ETTERSPØRRING AV INNSETTING AV VINDAUGE, RESTAURERING 8 I 14.04.2010 Villreinnemnda for Brattefjell Vindeggen UTTALE - OPPFØRING AV UTHUS I STORVIKEN 7 I 26.04.2010 Telemark Fylkeskommune SVAR/UTTALE VEDK. RESTAURERING OG FLYTTING AV ELDRE UTHUS 6 I 11.05.2010 Fylkesmannen i Telemark UTTALE TIL DISPENSASJON - OPPFØRING AV UTHUS 9 I 12.08.2010 Hilde Fosse SØKNAD OM OPPSETTING AV UTHUS VED STORVIKEN I BONDAL 5 U 13.08.2010 Telemark Fylkeskommune BER OM UTTALE VEDK. INNSETTING AV VIDAUGE I ELDRE UTHUS/RESTAURERING OG FLYTTING KOMM. BER OM UTTALE VEDK. SØKNAD OM OPPFØRING AV UTHUS I STORVIKEN 4 U 14.08.2010 Fylkesmannen i Telemark 10 U 16.08.2010 Hilde Fosse VEDRØRANDE SØKNAD OM OPPFØRING AV GAMALT FJOS PÅ GNR. 115 BNR. 5 11 U 18.08.2010 Hilde Fosse SØKNAD OM OPPSETTING AV UTHUS VED STORVIKEN I BONDAL 12 I 24.08.2010 Hilde Fosse VEDK. FLYTTING AV FJØS TIL STORVIKEN GNR 115/5 - E-POST

Vedlagde dokument: Dokument nr. 1, 6, 7 og 8. Utskrift av kapittel IV i forskrift om vern av Brattefjell- Vindeggen som landskapsvernområde med dyrelivsfreding, Hjartdal, Seljord, Tinn og Vinje kommunar, Telemark Aktuelle lover, forskrifter, avtaler m.m.: Forskrift om vern av Brattefjell- Vindeggen som landskapsvernområde med dyrelivsfreding, Hjartdal, Seljord, Tinn og Vinje kommunar, Telemark Saksgang: Utval for Næring og teknikk avgjer i møte. Bakgrunn for saka: Den 12.04.10 kom det inn søknad, dagsett 05.04.10, vedrørande oppføring av uthus med eit BYA på ca 23,6 m² på eigedom, gnr. 115 bnr. 5 som ligg innanfor landskapsvernområdet Brattefjell Vindeggen. Tiltakshavar, Hilde Fosse, har blant anna grunngjeve søknaden med at ho ynskjar å ta vare på eit gamalt fjøs som er i ferd med å rotne ned. Vidare synar ho til at i følgje eit gamalt bilete over stølsvollen i Storviken stod det ein gong i tia eit fjøs i Storviken. Om det no blir gjeve løyve til oppføring av omsøkt fjøs i Storviken vil stølsvollen bli tilbakeført slik den ein gong var. Vidare ynskjar Hilde Fosse å setta inn ein biodo i fjøset, slik at bruken av den gamle utedoen kan opphøre. Uttale frå Fylkesmannen i Telemark: Saka er ikkje utgreia med omsyn til konsekvensar for natur- og friluftsliv. Det er nasjonale og regionale natur- og fritidsinteresser i området. Tiltaket vurderast til å ha vesentleg negativ verknad for de omsyn Fylkesmannen i Telemark skal i vareta. Fylkesmannen rår i frå at det blir gjeve løyve til oppføring av omsøkt fjøs i Storviken. Uttale frå Telemark fylkeskommune: Telemark fylkeskommune vil ikkje mottsette seg flytting av fjøset eller dei endringane av fjøset Hilse Fosse har skissert i sin søknad. Vidare peikar dei på at istandsetting av fjøset bør skje etter antikvariske prisnipp. Uttale frå Villreinemnda for Brattefjell Vindeggen, Blefjell, og Norefjell Reinsjø: Storviken ligg innanfor grensa til Brattefjell Vindeggen landskapsvernområde, men ligg utafor villreinen sitt leveområde. Villreinnemda for Brattefjell Vindeggen har ingen merknadar til søknad om oppføring av uthus i Storviken ut i frå omsyn til villreinen. Vurdering: Jf. Forskrift om vern av Brattefjell- Vindeggen som landskapsvernområde med dyrelivsfreding, Hjartdal, Seljord, Tinn og Vinje kommunar, Telemark, kap. IV, punkt 1.1 er det med unntak av punkt 2 og 3.1 forbode mot oppføring og ombygging av bygningar innanfor landskapsvernområdet. Punkt 2 og 3.1 syner til at reglane i punkt 1.1 ikkje skal vere til hinder for tiltak i samband med jord- og skogbruk, så som oppføring av bygningar og liknande. Rådmannen har gjort ei grundig vurdering av søknaden. Rådmannen vurderar tiltaket til bli knytta til ein rein fritidsbustad då det ikkje er godgjort for bruk av omsøkt fjøs til landbruksdrift.

Sia tiltaket vurderast til å bli nytta som ein del av fritidsbustaden kan ikkje punkt 2 og 3.1 i forskrift om vern av Brattefjell- Vindeggen som landskapsvernområde med dyrelivsfreding, Hjartdal, Seljord, Tinn og Vinje kommunar, Telemark nyttast. På bakgrunn av dette vurderar Rådmannen at det ikkje er høve til å gje løyve til oppføring av fjøs som omsøkt etter forskrift om vern av Brattefjell- Vindeggen som landskapsvernområde med dyrelivsfreding, Hjartdal, Seljord, Tinn og Vinje kommunar, Telemark kapittel VI punkt 1.1. RÅDMANNEN TILRÅR: I medhald av punkt 1.1 i forskrift om vern av Brattefjell- Vindeggen som landskapsvernområde med dyrelivsfreding, Hjartdal, Seljord, Tinn og Vinje kommunar, Telemark blir søknad om oppføring av gamalt fjøs med eit BYA på ca 23,6 m² avslegen. Avslaget er grunngitt med at forskrift om vern av Brattefjell- Vindeggen som landskapsvernområde med dyrelivsfreding, Hjartdal, Seljord, Tinn og Vinje kommunar, Telemark, ikkje opnar for oppføring av nye bygningar knytt til fritidsbruk. Vedtaket kan påklagast. Ei eventuell klage må sendast inn til kommunen innan tre veker etter av vedtaket er motteken/kome fram. Rett utskrift Dato: Kopi til: Fylkesmannen i Postboks 2603 3702 SKIEN Telemark Hilde Fosse Votndalen 3570 Naturvernforbundet i Telemark Vestre Mulesvei 16 3944 PORSGRU NN Telemark Posboks 2844 3702 SKIEN Fylkeskommune Villreinnemda for Brattefjell - Vindeggen m.m. Sentrum 20 3630 RØDBERG

Hjartdal kommune Styre, råd, utval Møtedato Saknummer Sakshandsamar Utval for næring og teknikk 31.08.2010 034/10 HH Saksansvarleg: Harald Helliksen Arkiv: GBNR- 21/3 Arkivnr.: 10/787 OLAV HYKKERUD - SØKNAD OM DELING AV GRUNNEIGEDOM Dokument i saka: Nr T Dok.dato Avsendar/Mottakar Tittel 3 I 21.05.2010 Olav Hykkerud SØKNAD OM DISPENSASJON FOR FRÅDELING AV TOMT PÅ SETERVOLL OG KART 2 I 18.06.2010 Fylkesmannen i Telemark UTTALE TIL DISPENSASJON - FRÅDELING AV HYTTETOMT 1 I 19.08.2010 Olav Hykkerud KVITTERING/GJENPART AV NABOVARSEL Vedlagde dokument: Dokument nr. 3. Aktuelle lover, forskrifter, avtaler m.m.: Jordlova, 12, deling av landbrukseigedom. Saksgang: Utval for næring og teknikk avgjer saka etter jordlova. Utval for plan- og byggesaker avgjer saka etter plan- og bygningslova. Bakgrunn for saka: Olav Hykkerud, eigar av gbnr. 21/3, søkjer om deling av eigedomen. Søknaden gjeld ei tomt på 2,0-2,5 dekar der det står ei stulsbu som blei sett opp i 2003. Det er eldste dottera til eigaren som skal ha denne tomta, mens garden skal overtakast av yngste dottera. Det stod ei gamal bu her frå før, men den var roten og ikkje meir å ha. Den nye bua er sett opp og bruka som hytte. Tomta ligg på Listul ved Breivatn/Valoset og i utkanten av øvre del av stulsvollen. Vollen har i seinare år vore nytta til beite for sau, men 2005 var siste året det var sau på beite her.

Det står og eit anna husvære på stulsvollen. Dette skal framleis høyre til garden. Dottera som skal ha tomta som søkjast frådelt, er klar over at det kan bli aktuelt å nytte stulsvollen som beite i framtida. Den aktuelle tomta og området rundt, ligg i landbruks-, natur- og friluftsområde i arealdelen til gjeldande kommuneplan. Vurdering: Ein landbrukseigedom kan ikkje delast utan samtykke frå kommunen. Kommunen kan gje løyve dersom samfunnsinteresser av stor vekt taler for det, eller deling er forsvarleg ut frå omsynet til den avkastning eigedomen kan gje. Ved avgjerd skal det mellom anna takast omsyn til om deling kan føre til drifts- eller miljømessige ulemper for landbruket i området. Det skal og takast omsyn til kulturlandskapet. I samband med generasjonsskifte på landbrukseigedomar, har det vore vanleg å godkjenne frådeling av hytter/hyttetomter til syskena av den som skal overtaka garden. Ein må likevel vurdere om delinga er akseptabel i forhold til jordlova. Frådelinga vurderast som forsvarleg i forhold til avkastninga eigedomen kan gje. Når det gjeld eventuelt framtidig beite eller stulsdrift, er det ein fordel at tomta vil bli liggjande i eit hjørne av vollen. Delinga vil neppe medføre drifts- eller miljømessige ulemper for landbruket i området eller vera uheldig i forhold til kulturlandskapet. Det bør og leggjast vekt på at garden framleis vil ha husvære på stulen. Ein gjer merksam på at søknaden og krev godkjenning etter plan- og bygningslova. RÅDMANNEN TILRÅR: Hjartdal kommune gjev med heimel i 12 i jordlova løyve til å dele frå eit tomt med areal inntil 2,5 dekar av eigedomen Hykkjerud, gnr. 21, bnr. 3. Tomta skal liggje som vist på kart vedlagd søknaden.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 08.06.2010 023/10 HH Utval for næring og teknikk 31.08.2010 035/10 HH Saksansvarleg: Harald Helliksen Arkiv: K2-K01 Arkivnr.: 09/1050 SØKNAD OM LØYVE TIL Å BRUKE ATV I SAMBAND MED TILSYN OG SANKING AV SAU PÅ UTMARKSBEITE Dokument i saka: Nr T Dok.dato Avsendar/Mottakar Tittel 1 I 01.11.2009 Svein Arvid Tørre SØKNAD OM LØYVE TIL Å BRUKE ATV I SAMBAND MED TILSYN OG SANKING AV SAU PÅ UTMARKSBEITE 3 I 02.05.2010 Toralf Hjartsjø KLAGE PÅ SAK NR. 017/10 4 U 03.05.2010 Toralf Hjartsjø KLAGE PÅ VEDTAK I SAK NR. 017/10 I UTVAL FOR NÆRING OG TEKNIKK 5 I 05.05.2010 Synnøve Lonar MERKNADER TIL SAK 017/10 I UTVAL FOR NÆRING OG TEKNIKK DAT. 20.04.10 6 I 05.05.2010 Svein A. Tørre og Synnøve Lonar AVTALE Vedlagde dokument: Ingen. Aktuelle lover, forskrifter, avtaler m.m.: Lov om motorferdsel i utmark og vassdrag. Saksgang: Utval for næring og teknikk avgjer saka.

Bakgrunn for saka: Svein Arvid Tørre søkjer om løyve til å bruke ein ATV i samband med tilsyn og sanking av sau på utmarksbeite. Tørre leiger hytte og utmarksbeite av Synnøve Lonar, eigar av gnr. 58, bnr. 6 og 7. Eigedomen omfattar Hågåvasstulen med utmark, eit areal på ca. 3.850 dekar. Søknaden gjeld køyring på traktorvegen frå Tippen v/mydalen kraftstasjon og inn til Hågåvasstulen. Det er snakk om køyring i samband med vedlikehald av hytta, oppsetting/vedlikehald av sankekve, utsetting av saltsteinar, tilsyn og sanking av sau. Tørre reknar med å ha om lag 100 sauar i området i år. Søkjaren bur i Bø, og han ser det då som ein fordel å kunne disponere ei hytte på staden i samband med saudrifta. Vurdering: I følgje 3 i lova om motorferdsle i utmark, er motorferdsle ikkje lovleg med mindre anna følgjer av denne lova eller vedtak med heimel i lova. Veg i utmark som ikkje er laga for køyring med bil, er i lova å rekne som utmark. Motorferdsle i samband med nødvendig person- og godstransport i jordbruks- og skogbruksnæring kan skje utan hinder av 3. Spørsmålet i denne saka er om køyringa det er søkt om, kan reknast som nødvendig. Me forstår det slik at søkjaren ikkje har høve til å setje opp sankekve ved Tippen, men at dette må plasserast på gnr. 58, bnr. 6 og 7. Ein må over annan eigedom for å koma dit. I denne saka meiner me at det bør kunne gjevast løyve til køyring slik det er søkt om. Det vil gjera det lettare å drive med sau i området. Det er snakk om reell næringsverksemd av eit visst omfang og med inntektsmessig betyding. Løyve må berre gjelde i samband med saudrifta. Det er ikkje lov å nytte ATV utanom traktorvegen. Det er ikkje grunnlag for å gje løyve til rein fritidsskøyring i samband med bruk av hytta. Ein gjer elles merksam på at lova om motorferdsle ( 10) ikkje innskrenkar den retten grunneigar og brukar har etter gjeldande reglar til å forby eller avgrense motorferdsle på eigedomen sin. RÅDMANNEN TILRÅR: Hjartdal kommune gjev Svein Arvid Tørre løyve til køyring med ATV på traktorvegen frå Tippen i Mydalen og til Hågåvasstulen. Løyvet gjeld berre køyring i samband med saudrift i området. Køyring i samband med bruk av hytte ved Hågåvasstulen til fritidsføremål tillatast ikkje. Søkjaren må leggje fram for kommunen leigekontrakt med eigar av gnr. 58, bnr. 6 og 7. Løyvet gjeld så lenge søkjaren har avtale med Synnøve Lonar om leige av gnr. 58 bnr. 6 og 7 til saudrift/saubeite. 20.04.2010 Utval for næring og teknikk NOT-017/10 VEDTAK: Hjartdal kommune gjev Svein Arvid Tørre løyve til køyring med ATV på traktorvegen frå Tippen i Mydalen og til Hågåvasstulen. Løyvet gjeld berre køyring i samband med saudrift i området. Køyring i samband med bruk av hytte ved Hågåvasstulen til fritidsføremål tillatast ikkje.

Søkjaren må leggje fram for kommunen leigekontrakt med eigar av gnr. 58, bnr. 6 og 7. Løyvet gjeld så lenge søkjaren har avtale med Synnøve Lonar om leige av gnr. 58 bnr. 6 og 7 til saudrift/saubeite. Vedtaket var samrøystes. Vedtaket kan påklagast. Klagefristen er 3 veker frå søkjar er gjort kjend med vedtaket. Ei eventuell klage stilast Fylkesmannen i Telemark, men sendast om Hjartdal kommune. NYE OPPLYSNINGAR I SAKA Saksutgreiing: I brev dagsett 28.04.2010 klagar Toralf Hjartsjø på vedtaket i sak NOT-017/10. Hjartsjø er eigar av Hogstul, gnr. 87, bnr. 1. Han skriv at fyrste delen av den aktuelle vegen, ca. 1.200 m, går over eigedomen hans. Han spør om kva for heimel Hjartdal kommune nyttar for å utstede løyve til Svein Arvid Tørre. Han visar og til 10 i lova om motorferdsle i utmark, samt til Hjartdal kommune sitt regelverk vedkomande køyring med snøskuter. Det visast elles til klaga som er lagt ved saka. Synnøve Lonar har i brev av 04.05.10 kome med kommentarar til NOT-sak 017/10. Ho skriv at vegen frå Tippen til Huk ikkje er ein traktorveg, men ein bilveg som har vore nytta av gbnr. 87/1, Skagerak Energi og eigedomen hennar. Ho skriv at inngått avtale med Toralf Hjartsjå gjeld ei forlenging på ca. 150 meter av vegen frå Huk og til hennar eigedomsgrense. Brevet frå Synnøve Lonar er lagt ved saka. Vurdering: I følgje skogsvegarkivet i kommunen er vegen Mydalen-Huk bygd som skogsbilveg med lengde 1.050 meter. Vegen var ferdig i 1963. Interessentar var Lars Lonar, Olav Tork. Lonar, Jon Lonar og Gregar Hogstul. Skogsbilveg reknast ikkje som utmark. Eventuell usemje om status eller andre forhold som gjeld denne vegen, er private forhold som grunneigarane i området må avklare seg imellom. Hjartdal kommune handsamar saka etter lov og forskrift om motorferdsle i utmark. Som nemnt ovanfor, er motorferdsle i utmark ikkje tillete med mindre anna følgjer av lova eller vedtak med heimel i lova. I følgje 4 c) i lova kan nødvendig person- og godstransport i jordbruks- og skogbruksnæring skje utan løyve. Det må dreie seg om reell næringsmessig verksemd. Verksemda må ha eit visst omfang og ha noko å seie inntektsmessig. Dette er tilfelle her. Løyve har dermed direkte heimel i lova. I forhold til regelverket om motorferdsle i utmark er det i denne saka ikkje sett som vilkår for å gje løyve, at det ligg føre samtykke frå grunneigar for kryssing av eigedom. Me gjer igjen merksam på 10 i lova om motorferdsle som seier at lova ikkje innskrenkar den retten grunneigar og brukar har etter gjeldande rettsreglar til å forby og avgrense motorferdsle i utmark på eigedomen sin. Grunneigar kan med andre ord nekte ferdsle i utmark over eigedomen sin sjølv om det er gjeve løyve etter regelverket om motorferdsle.

RÅDMANNEN TILRÅR: Hjartdal kommune visar til vurderingane ovanfor og tek ikkje til følgje klage frå Toralf Hjartsjø på vedtak i sak NOT-017/10. Saka sendast Fylkesmannen i Telemark for endeleg avgjerd. 08.06.2010 Utval for næring og teknikk Handsaming: Thomas H. Timland var inhabil. Saka blei deretter utsett då utvalet ikkje var vedtaksført. STEMMEGJEVING: NOT-023/10 VEDTAK: Saka vart utsett då utvalet ikkje var vedtaksført.