Side 2 av 7 Saksutgreiing til folkevalde organ Dato: Arkivref: 17.11.2014 2013/1863-25852/2014 / 504 Saksbehandlar: Linda Djuvik 53423156 linda.djuvik@bomlo.kommune.no Sak nr i møte Utval Møtedato 6/15 Utval for areal og samferdsel 21.01.2015 6/15 Kommunestyret 16.02.2015 PRIVAT DETALJREGULERINGSPLAN NAUSTOMRÅDE STANGERVÅG 82/56 M.FL PLANID 201315 Rådmannen sitt framlegg til vedtak: 1. Kommunestyret vedtek med heimel i Plan- og bygningslova 12-3 privat detaljreguleringsplan for naustområde Stangervåg gnr. 82, bnr. 56 og deler av gnr. 82, bnr. 1 i Rubbestadneset datert 12.07.2014 med tilhøyrande reguleringsføresegner datert 19.08.2014. 2. Reguleringsplan R-61 Ramshellaren vedteken i kommunestyret 6.9.1993 vert oppheva for det området som vert omfatta av ny plan. 3. Reguleringsplanen er rettsleg bindande utan stadfesting frå statleg styresmakt. Saksprotokoll i Utval for areal og samferdsel - 21.01.2015 Innstilling: Utval for areal og samferdsel innstiller samrøystes overfor kommunestyret i samsvar med rådmannen sitt framlegg. Saksprotokoll i Kommunestyret - 16.02.2015 Tove Janita Lunde Kvernenes (H) har sendt inn klage i saka og spør kommunestyret om ho av den grunn er inhabil. Kommunestyret var samrøystes i at ho var inhabil, jfr. Forvaltningslova 6. Ho forlot sete under habilitetsspørsmålet. Det var ikkje vara så saka vart behandla med 26 representantar. Vedtak: Kommunestyret gjorde samrøystes vedtak i samsvar med rådmannen sitt framlegg.
Side 3 av 7 Dokument i saka: Reguleringsplankart dato 12.07.2014 Reguleringsføresegner revidert dato 19.08.2014 Brev frå Folkehelsekoordinator / Barnas representant i plansaker v/anne-beth Njærheim dato 19.09.2014 Brev frå Noregs vassdrags- og energidirektorat dato 02.10.2014 E-post frå Fylkesmannen i Hordaland dato 02.10.2014 E-post frå Fiskarlaget Vest dato 02.10.2014 Brev frå Statens Vegvesen dato 20.10.2014 E-post frå Bergens Sjøfartsmuseum dato 21.10.2014 Brev frå Hordaland Fylkeskommune dato 23.10.2014 Bakgrunn for saka: Utval for areal og samferdsel har i møte 03.09.2014 sak PS 107/14 vedteke at framlegg til privat detaljreguleringsplan for naustområde Stangervåg gnr. 82, bnr. 56 og deler av gnr. 82, bnr. 1 i Rubbestadneset vart utlagt til offentleg handsaming. Denne reguleringsplanen har vore på høyring frå 16.09.2014 til 28.10.2014 og er no klar for politisk handsaming. Gøtz AS v/martin Gøtz har på vegne av Lars Ådnanes laga framlegg til reguleringsplan. Frå planleggjar sin planomtale tek me med: PLANSTATUS: Kommuneplan I gjeldande kommuneplan er området vist som naust og bustadområde med krav til reguleringsplan. Det vart sendt inn prinsippsøknad for å melda oppstart av planarbeid 19.12.2013 som vart godkjent 22.01.2014. Oppstart av planarbeid vart meld 25.02.2014. Plangrensa er sett i samråd med kommunen. Planområdet utgjer totalt ca. 3 daa. Reguleringsplan Størsteparten av planområdet er uregulert, medan ein liten del (vegkryss) inngår i reguleringsplan R-61 Ramshellaren og vil erstatte denne her. Planforslaget Forslagsstillar er Lars Ådnanes. Planområdet er totalt ca. 3 daa. Av det er: 1. Bygningar og anlegg Naust 2. Samferdselsanlegg og teknisk infrastruktur Køyreveg Fortau Annan veggrunn - grøntareal Kai Parkeringsplassar, P1 0,4 daa 0,8 daa 0,02 daa 0,7 daa 0,2 daa 0,5 daa 3. Bruk og vern av sjø og vassdrag
Side 4 av 7 Småbåthamn 4. Omsynssoner Frisikt 0,4 daa 0,1 daa BYGNINGAR OG ANLEGG Naust Området kan byggast ut med naust eller sjøbod. På eigedom gnr.82 bnr.56 er det planlagt til saman 3 stk. naust, som skal byggjast i rekkje. Her ser ein for seg at nausta vert saksa og blir fylt inntil på baksida for å få ei god tilpassing til terrenget og landskapet. Bygga skal plasserast på minimum kote +2,0 og innerst i vika. Nausta skal byggjast i tråd med kommuneplanen og i føresegner har ein sett maks. tillat bruksareal per eining BRA=40m2 og maks. mønehøgd 5,0 m. Det er lagt opp til 1 parkeringsplass per naust i bakkant av nausta. Illustrasjon - fasadar naust SAMFERDSLEANLEGG OG TEKNISK INFRASTRUKTUR Køyreveg Veg 1,2 og 3 er eksisterande kjørevegar på omlag 3,0-3,5m breidd. Veg 1 og 2 er asfaltert og veg 3 er opparbeid med grus. Veg 4 skal opparbeidast som grusveg med 3m breidd. Etter vegnormal 017 blir dette adkomstvegar A1, med fartsgrense 30km/t og siktkrav i kryss på 3x20m. Fartsgrensa er ikkje skilta til 30km/t i dag, men vegbreidd og -geometrien tilseie at bilar bør halda låg fart. Vegane er felles privatvegar som kan brukast etter nærmare avtale med grunneigar. Fortau Området omfattar del av eksisterande fortau ved Fylkesveg 19 som inngår i planområdet.. Anna veggrunn grøntareal Langs vegane er det lagt inn areal for anna veggrunn. Området kan nyttast til snølagring, vegutviding, avkjørsler, grøfter, skråningar og skjeringar. Kai Området kan nyttast til kai og båtfeste for småbåtar. Kaien er tenkt med avtrappa front i tre. Endeleg plassering og utforming vert fastsett av kommunen i samband med byggjemelding for tiltaket. Parkeringsplassar, P1 Det er sett av eitt område for felles parkering i bakkant av nausta. Det er i alt 3 stk. parkeringsplassar, som er felles for nausteiningane på eigedom gnr.82, bnr.56.
Side 5 av 7 Vurderingar: I samband med at reguleringsplanen har vore på høyring i tida 16.09.2014 til 28.10.2014 kom det inn desse merknadane: Folkehelsekoordinator/barnas representant i plansaker v/anne-beth Njærheim Aktiv bruk av naturen gjennom friluftsaktivitetar er god førebygging og kan gje helsefremjande effekt. Ein utbygging i omtalt områd må ta omsyn til at dette ikkje er til hinder for, eller forringar høve for å nytte naturen gjennom t.d. friluftsaktivitetar i område. Bømlo kommune har gode kvalitetar når det gjeld friluftsliv ved bruk av båt. Det må takast særskild omsyn til at det fortsatt vert attraktivt å bruke båt i område og at ein utbygging ikkje medfører forringing av den type friluftsaktivitet. Det er eit mål at alle barn skal ha trygg og sikker veg til fritidsaktivitetar. Det er anbefalt at barn skal vere aktiv i minimum 1 time kvar dag. Å gå, og/eller sykle til fritidsaktivitetar vil vere eit godt tiltak. For å kunne gå/sykle til skule og fritidsaktivitetar må det vere lagt til rette for det heile vegen til og frå bustad. Barnas representant sluttar seg til merknad frå Statens Vegvesen om at planen må ivareta trafikktryggleiken for alle trafikkgrupper, særskild barn som går og syklar i område. Trafikktryggleiken er vurdert og omtala i planomtalen. Planen vil gje ei lita auke i bil- og båttrafikken, men forskjellen til dagens bruk vil vere svært liten. Det er eksisterande fortau langs fylkesvegen i dag, og eksisterande busstopp ved fv. 19 ligg like ved innkjøringa til feltet. Noregs vassdrags- og energidirektorat NVE har ikkje merknader til planforslaget. Fylkesmannen i Hordaland Fylkesmannen har ikkje merknader til planforslaget. Fiskarlaget Vest Fiskarlaget har ikkje merknader til planforslaget. Statens Vegvesen Føremålet med planen er å legge til rette for 3 naust med tilhøyrande trafikkareal, kai og småbåthamn. Svingradiusen i tilknytinga til fylkesvegen må sjåast på slik at ein kan kome ned med bil og båt hengar til planområdet. Statens vegvesen har elles ingen merknader til planarbeidet slik det føreligg. Svingradiar vert kontrollert og evt. tilpassa i samband med utføring av tiltaka. Bergens Sjøfartsmuseum
Side 6 av 7 Museet kjenner ikkje til kulturminne ved Stangervåg gbnr. 82-56 m.fl., i Bømlo kommune som kan bli direkte råka av reguleringa. Me har heller ingen indikasjonar på at området har vore nytta som ankringsstad eller hamn i eldre tid. Museet har derfor ingen merknader til reguleringa. Det er likevel mogleg at det ligg kulturminne i det aktuelle området. Me gjer derfor merksam på at tiltakshavaren pliktar å gje melding til museet dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne. Krav om meldeplikt er teke med i reguleringsføresegner 2.3. Hordaland Fylkeskommune Landskap og estetikk Det vart i samband med fråsegn til oppstart sett fokus på at terrenginngrep, konstruksjonar og materialval bør gjerast slik at tiltaket på ein god måte er i harmoni med omgjevnadane. Omfang av utbygginga er i planframlegget redusert frå 5 til 3 naust etter merknader i samband med oppstartsvarsel. Reduksjon i antal einingar i eit relativt avgrensa område er ei god løysing som ivaretek omsyna til landskapet og strandsona i Stangervågen. Kulturminne og kulturmiljø Hordaland fylkeskommune, Kultur- og idrettsavdelinga, har vurdert saka som regional sektorstyresmakt innan kulturminnevern. Ut frå våre arkiv har vi ikkje kjennskap til automatisk freda kulturminne eller andre verneverdige kulturminne i det aktuelle planområdet. Vi har difor ingen avgjerande merknader i saka, utover at ein under opparbeiding av arealet søkjer å unngå inngrep i/skade på eventuelle kulturlandskapstrekk som steingardar, eldre vegar/stiar, bakkemurar, ruinar/tufter m.m. Saka har også blitt vurdert av Bergen Sjøfartsmuseum. I høve e-post datert 27.03.2014, kjenner dei ikkje til marine kulturminne som kan bli råka av reguleringa, og har ingen indikasjonar på at området har vore nytta som ankringsstad eller hamn i eldre tid. Bergen Sjøfartsmuseum har ingen merknader til reguleringsplanen. Elles gjer vi merksam på meldeplikta etter kulturminnelova 8, 2. ledd. Dersom automatisk freda kulturminne som gjenstandsfunn, flekkar med trekol eller konstruksjonar blir avdekt under gjennomføring av tiltaket, må dette straks meldast til Hordaland fylkeskommune, og alt arbeid stansast til rette forvaltningstyresmakt har vurdert funnet. Slik gransking vil bli utført mindre enn tre dagar etter at vi har fått melding om mogelege funn. Kultur- og idrettsavdelinga har ingen vidare merknader til planen. Hordaland Fylkeskommune har ikkje merknader til planforslaget.
Side 7 av 7 Krav om meldeplikt etter kulturminnelova 8, 2 ledd er teke med i reguleringsføresegner 2.3. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige naturtypar i området. Området er heller ikkje avsett til viktig viltområde. Beredskap- og samfunnstryggleik: Fagkunnig har gjennomført ROS analyse. Det er ingen tiltak i raudt felt, dvs. Ingen tiltak er naudsynt. Me vil gjer merksam på at det i samband med utarbeiding av byggeplanar, kvalitets-/hms-planar skal gjennomførast ei meir detaljert risikovurdering i forkant av anleggsarbeid for å unngå eventuell fare for grunnbrot, utglidning av lausmassar, skade på leidningsnett og sikringstiltak for gåande/køyrande gjennom anleggsområdet. Dokumentasjon på at dette er utført skal leggjast ved byggemeldingar i samband med søknad om tiltak innafor planområdet. Dette er teke med i reguleringsføresegner 2.0. Folkehelse: Planen legg til rette for at området kan brukast til fritidsaktivitetar. Auka friluftsaktivitetar er generelt positivt for folkehelsa. Etter utbygginga vil området verta meir tilgjengeleg og truleg blir meir brukt enn før. Etablering av veg/sti til sjøen er også godt i eit folkehelseperspektiv. Oppsummering og konklusjon: Rådmannen viser til kommentarar og vurderingar som er gjort i saksframlegget og vil rå til at privat detaljreguleringsplan for naustområde Stangervåg gnr. 82, bnr. 56 og deler av gnr. 82, bnr. 1 i Rubbestadneset vert godkjent slik han no ligg føre. Det ligg ikkje føre motsegn frå offentlege instansar slik at vilkåra for eigengodkjenning av detaljreguleringsplanen ligg føre.