Vår saksbehandlar: Direkte telefonnr.: Dykkar dato: Dykkar referanse: Njål Gunnar Slettebø

Sak nr D- Vår dato: Vår referanse: 11.09.2017 2017/1007-50422116/2017 Vår saksbehandlar: Direkte telefonnr.: Dykkar dato: Dykkar referanse: Njål Gunnar Slettebø 53423132 GØTZ AS Sæ 132 5417 STORD SVAR PÅ PRINSIPPSØKNAD FOR Å MELDE OPPSTART AV REGULERINGSPLAN FOR INDUSTRIOMRÅDE RUBBESTADNESET 83/682 M.FL PLANID 201715 MED TILHØYRANDE PLANPROGRAM FOR KONSEKVENSUTGREIING.BØMLO KOMMUNE. Me viser til e-post frå Dykk av 16.08.2017. Bømlo kommune Utval for areal og samferdsel handsama søknad om oppstart av reguleringsplan for industriområde Rubbestadneset 83/682 m.fl. med tilhøyrande planprogram for konsekvensutgreiing på møte 06.09.2017 sak 83/17. Det vart samrøystes gjort slikt vedtak i samsvar med rådmannen si innstilling: 1. I samsvar med 12-3 i Plan- og bygningslova vil rådmannen rå til at gnr. 83, bnr.682 m.fl. Rubbestadneset i Bømlo vert teke opp til regulering til industri/lager/kontor, hamneområde i sjø, veg og fortau. Forslagsstillar skal melde oppstart av planarbeidet i samsvar med Plan- og bygningslova 12-8. 2. Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS-analyse i arealplanlegging i Bømlo kommune dato 06.02.2013 gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. 3. Planprogram for konsekvensutgreiing av reguleringsplan for industriområde Rubbestadneset 83/682 m.fl. datert 16.08.2017 vert lagt ut til offentleg gjennomsyn i samsvar med forskrift om konsekvensutgreiingar av 21.06.2017 15. Høyringsfristen er 6 veker. 4. Reguleringsplan for Rubbestadneset Industriområde vedteken i kommunestyret 02.11.2011 og stadfesta av Miljøverndepartementet 21.12.2011(planid 200703) vil verte oppheva når ny reguleringsplan vert godkjent. Deler av Reguleringsplan- R-2 Rubbestadneset, R-5 Rubbestadneset, R-68 Rubbestadneset sentrum, R-84 Arhaugen Rubbestadneset, R-126 Sentrumstunet Rubbestadneset og R-129 Rv 541 Rundkjøring Rubbestadneset gnr.83, bnr.30 m.fl. som inngår i ny reguleringsplan vil også verte oppheva når ny reguleringsplan vert vedteken. Adresse: Rådhuset, Leirdalen 1, 5430 BREMNES Telefon: 53423000 Organisasjonsnr.: 834210622 postmottak@bomlo.kommune.no Telefax: 53423001 Bankgiro: 3201.61.51687 www.bomlo.kommune.no Postgiro for skatt: 6345.06.12199

Side 2 av 13 Det kan no meldast oppstart av reguleringsplanen. Det må gå fram av oppstartsmeldinga at planprogrammet for konsekvensutgreiinga samstundes vert lagt ut til offentleg gjennomsyn i 6 veker. Etter at høyringsfristen er ute vil det endelege planprogrammet for konsekvensutgreiinga verte fastsett som eigen sak av kommunestyret i Bømlo. Naboliste og liste over høyringsinstansane vert sendt i eigen e-post. Med helsing Bømlo kommune Njål Gunnar Slettebø Landbrukssjef Dette brevet er godkjent elektronisk og har derfor inga underskrift

Side 3 av 13 Saksutgreiing til folkevalde organ Dato: Arkivref: 03.08.2017 2017/1007-18606/2017 / 504 Saksbehandlar: Njål Gunnar Slettebø 53 42 31 32 njal-gunnar.slettebo@bomlo.kommune.no Sak nr i møte Utval Møtedato 83/17 Utval for areal og samferdsel 06.09.2017 PRINSIPPSØKNAD FOR Å MELDE OPPSTART AV REGULERINGSPLAN FOR INDUSTRIOMRÅDE RUBBESTADNESET 83/682 M.FL PLANID 201715 MED TILHØYRANDE PLANPROGRAM FOR KONSEKVENSUTGREIING.BØMLO KOMMUNE. Rådmannen sitt framlegg til vedtak: 5. I samsvar med 12-3 i Plan- og bygningslova vil rådmannen rå til at gnr. 83, bnr.682 m.fl. Rubbestadneset i Bømlo vert teke opp til regulering til industri/lager/kontor, hamneområde i sjø, veg og fortau. Forslagsstillar skal melde oppstart av planarbeidet i samsvar med Plan- og bygningslova 12-8. 6. Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS-analyse i arealplanlegging i Bømlo kommune dato 06.02.2013 gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. 7. Planprogram for konsekvensutgreiing av reguleringsplan for industriområde Rubbestadneset 83/682 m.fl. datert 16.08.2017 vert lagt ut til offentleg gjennomsyn i samsvar med forskrift om konsekvensutgreiingar av 21.06.2017 15. Høyringsfristen er 6 veker. 8. Reguleringsplan for Rubbestadneset Industriområde vedteken i kommunestyret 02.11.2011 og stadfesta av Miljøverndepartementet 21.12.2011(planid 200703) vil verte oppheva når ny reguleringsplan vert godkjent. Deler av Reguleringsplan- R-2 Rubbestadneset, R-5 Rubbestadneset, R-68 Rubbestadneset sentrum, R-84 Arhaugen Rubbestadneset, R-126 Sentrumstunet Rubbestadneset og R-129 Rv 541 Rundkjøring Rubbestadneset gnr.83, bnr.30 m.fl. som inngår i ny reguleringsplan vil også verte oppheva når ny reguleringsplan vert vedteken. Saksprotokoll i Utval for areal og samferdsel - 06.09.2017 Vedtak: Utval for areal og samferdsel gjorde samrøystes vedtak i samsvar med rådmannen sitt framlegg.

Side 4 av 13 Dokument i saka: E-post frå Gøtz AS motteke 16.08.2017. Prinsippsøknad for å melde oppstart av reguleringsplan for Rubbestadneset industriområde. Planprogram for konsekvensutgreiing av reguleringsplanen. Bakgrunn for saka: Prinsippsøknad om oppstart av reguleringsplan: Frå Gøtz AS har me fått denne prinsippsøknaden. Her står det: Bømlo kommune ynskjer å endre gjeldande reguleringsplan for Rubbestadneset industriområde som vart vedteken i kommunestyret 02.11.2009 og stadfesta av Miljøverndepartementet 21.12.2011 (planid: 200703). Bakgrunnen for dette er at kommunen ynskjer å styrkje industrisatsinga på Bømlo gjennom å leggje tilhøva til rette for etablering av fleire industribedrifter i planområdet og såleis oppnå auka aktivitet, auka verdiskaping og fleire arbeidsplassar. På vegne av Bømlo kommune sender vi difor med dette prinsippsøknad for å melde oppstart av reguleringsplan for gnr.83 bnr.628 mfl., Rubbestadneset. Planområdet omfattar heile eller delar av eigedomane gnr./bnr. 83/5, 83/7, 83/11, 83/16, 83/17, 83/20, 83/21, 83/31, 83/48, 83/66, 83/70, 83/76, 83/138, 83/193, 83/214, 83/243, 83/260, 83/357, 83/453, 83/468, 83/512, 83/514, 83/521, 83/565, 83/567, 83/598, 83/611, 83/623, 83/677 og 83/682. Planområdet utgjer til saman ca. 266 daa. Kart med forslag til plangrense. Forslag til plangrense er sett i samråd med kommunen. Innanfor plangrensa er det i dag ca. 30 stk. eksisterande bygg. Dei fleste av desse er knytt opp mot industri/lager/kontor- verksemd. I tillegg er det enkelte naust og einebustader med tilhøyrande garasjar/uthus/anneks.

Side 5 av 13 Den nye reguleringsplanen vil ta utgangspunkt i gjeldande reguleringsplan for Rubbestadneset industriområde med planid: 200703. I gjeldande plan er området regulert til område for industri og lager, gangveg, hamneområde i sjø og friområde generelt. Føresegnene er generelt lite detaljerte, og for å kunne utnytte området som ynskja, er det stilt krav om full reguleringsendring med tilhøyrande planprogram og konsekvensutgreiing. Ny plan vil erstatte gjeldande reguleringsplan for Rubbestadneset industriområde (planid 200703) heilt. I tillegg vil ein også ta med Austbøvegen, så planområdet vert utvida litt mot sør i høve til gjeldande plan med planid 200703. Austbøvegen er i dag regulert som ein del av fleire reguleringsplanar. Ny reguleringsplan vil difor også erstatte delar av følgjande planar: «R-2 Rubbestadneset», «R-5 Rubbestadneset», «R-68 Rubbestadneset sentrum», «R-84 Arhaugen, Rubbestadneset», «R-126 Sentrumstunet Rubbestadneset» og «R-129 Rv 541 Rundkjøring Rubbestadneset gnr. 83 bnr. 30 m.fl.». Bakgrunnen for at ein tek med Austbøvegen, er at ein ynskjer å få orden på alle avkøyrslene med tilhøyrande siktsoner frå denne vegen. Vidare vil ein ha behov for å utvide hamneområdet i sjø litt mot nordaust i høve til det som ligg inne i gjeldande reguleringsplan. Ein ynskjer med reguleringsplanen å setje rammer for framtidig arealbruk innanfor planområdet. Føremålet med reguleringsplanen er å regulere til industri/lager/kontor med tilhøyrande trafikkareal. Ein ser føre seg at det skal etablerast ca. 8-15 stk. nye bygg i området. Nokre av dei eksisterande verksemdene på Rubbestadneset ynskjer mellom anna å kunne føre opp eit forskings- og utviklingssenter på området. Vidare ynskjer ein å kunne etablere ein unik teknologi- dokk som vil kunne ivareta 90% av skipsflåtens behov innan vedlikehald og reparasjonar, og som er spesialdesigna for nye løysingar for såkalla umbilical- lasting. Dokken vil få ei byggjehøgde på ca. 55 meter og vert såleis den største av sitt slag i Noreg. Ein ser difor føre seg å dele inn området i ulike delområde med differensierte byggjehøgder når ein regulerer. Tilkomst til området vil skje via eksisterande fylkesveg 541, Austbøvegen. I samband med reguleringsplanen vil ein regulere inn fortau langs denne vegen i tråd med gjeldande plan i området. Vidare skal det regulerast til hamneområde i sjø, og dette vil som tidlegare nemnt verta utvida litt i høve til det området som er regulert til dette formålet i gjeldande plan. Ein kjem då ut i eit område som ligg inne som «Bruk og vern av sjø og vassdrag med tilhøyrande strandsone» i kommuneplanen for Bømlo 2013-2025. Det vil framleis vere god passasje for båttrafikk, og ein ser såleis ingen negative konsekvensar ved dette på noverande tidspunkt. Der det vert lagt opp til fylling av steinmassar i sjø, skal det så langt som mogleg nyttast lokale massar. Dei førebelse planane er vist på vedlagt prinsippskisse. Det er stilt krav om konsekvensutgreiing i samband med planarbeidet jf. forskrift om konsekvensutgreiing 10. a) Grunngjevinga er byggjehøgder i høve til landskap. Planframlegget skal ha fokus på lokale og regionale føresetnader i Bømlo kommune. Planarbeidet vil leggje vekt på omfang, konsekvensar for miljø, terreng og landskapstilpassing, strandsone, forureining (støv, støy, avrenning, evt. andre forureiningar), biologisk mangfald, friluftsliv og trafikale løysingar (tilkomst, fortau langs Fv541 osv.). Planarbeidet vil spesielt ha fokus på byggjehøgder og god landskapstilpassing for industriområdet inn mot sentrum av Rubbestadneset og eksisterande bustader. Ein skal så langt det er mogleg vere energi- og ressursbevisst, og gjennom utnytting av naturgitte føresetnader vera eit positivt innslag i lokalmiljøet. Ein ynskjer å lage ein framtidsretta plan

Side 6 av 13 som kan styrkja verksemder og sikre Bømlo kommune gode, trygge og konkurransedyktige arbeidsplassar. Planprogram for konsekvensutgreiing av reguleringsplan: Gøtz AS har på vegne av Bømlo kommune utarbeidd framlegg til planprogram for konsekvensutgreiing av reguleringsplan for industriområde Rubbestadneset gnr.83,bnr.682 m.fl. Me tek med eit utdrag av framlegget til planprogram: 1.1. Bakgrunn for reguleringsplanen Bømlo kommune ynskjer å endre gjeldande reguleringsplan for Rubbestadneset industriområde som vart vedteken i kommunestyret 02.11.2009 og stadfesta av Miljøverndepartementet 21.12.2011 (planid: 200703). Bakgrunnen for dette er at kommunen ynskjer å styrkje industrisatsinga på Bømlo gjennom å leggje tilhøva til rette for etablering av fleire industribedrifter i planområdet og såleis oppnå auka aktivitet, auka verdiskaping og fleire arbeidsplassar. Klyngesamarbeidet Rubbestadneset.no vart lansert i 2016. I mai 2017 endra dei namn til Norwegian Marine & Energy Complex (NMEC). Merkenamnet dekkjer over 700 fagfolk og eit breitt spekter av produkt og servicetenester til den maritime industrien. «Klynga» består av verksemdene LOS Elektro, Olvondo (Olvondo Industries og Olvondo Technology), LOS Marine, TESS, UNITECH AS og Wärtsilä, som alle held til på Rubbestadneset i dag. Målet til Klynga er at bedriftene gjennom eit tett samarbeid og på tvers av ulike fagfelt skal kunne utvikle nye innovative løysingar, som i neste omgang kan skape konkrete forretningsmoglegheiter og nye oppdrag for medlemmane. Klynga ynskjer vidare ei utvikling av industriområdet på Rubbestadneset i form av eit nytt forskings- og utviklingssenter. I samband med dette ynskjer ein mellom anna å etablere ein unik teknologi- dokk som vil kunne ivareta 90% av skipsflåtens behov innan vedlikehald og reparasjonar, og som er spesialdesigna for nye løysingar for såkalla umbilical- lasting. Dokken vil få ei byggjehøgde på ca. 55 meter og vert såleis den største av sitt slag i Noreg. Ny reguleringsplan skal ha fokus på ulike byggjehøgder og god landskapstilpassing for industriområdet inn mot sentrum av Rubbestadneset. Området er på ca. 266 daa, og eignar seg godt til føremålet. I tillegg til område for industri og lager, skal ein regulere inn tilkomstveg til området og naudsynt hamneareal i sjø. Ein vil regulere inn fortau langs fylkesvegen i tråd med gjeldande plan i området. Bømlo kommune og UNITECH AS hadde møte 07.04.2017 med Fylkesmannen i Hordaland om arbeidet med utviklinga av industriområdet på Rubbestadneset. I referatet frå dette møtet står det: Fylkesmannen gav følgjande kommentar: Det vil vere tidsbesparande å kjøre ein KU prosess for å få fram det endelege plangrunnlaget. Det er ikkje aktuelt å utvide den gjeldande planen utan å gå vegen om KU. I referatet frå oppstartsmøtet med kommunen som fann stad 16.06.2017, står det at reguleringsplanen utløyser krav til konsekvensutgreiing etter forskrift om konsekvensutgreiing datert 19.12.2014 nr. 1729. 3 Vedlegg 3. pkt. f. Grunngjevinga er byggjehøgder i høve til landskap. Frå 01.07.2017 har det kome ny forskrift om konsekvensutgreiingar (FOR-2017-06-21-854). Her er vedlegg 3 fjerna, og etter ny forskrift er det difor 10. a) som utløyser krav om konsekvensutgreiing med same grunngjeving som før; byggjehøgder i høve til landskap. I ny forskrift om konsekvensutgreiingar står det i 8 at planar som kan få vesentlege verknader etter 10 skal

Side 7 av 13 konsekvensutgreiast men ikkje ha planprogram eller melding. Ein har drøfta dette med kommunen, men sidan oppstartsmøtet vart halde før ny forskrift tredde i kraft og ein allereie hadde starta arbeidet med planprogrammet, vart ein samd om å utarbeide planprogram i samband med planarbeidet likevel. Bømlo kommune har engasjert Gøtz AS til å utarbeide planprogram, konsekvensutgreiing og reguleringsplan. Reguleringsplanen for industriområdet skal vere ein overordna plan med plankart, føresegner og planomtale. Planprogrammet vert utarbeidd på vegne av tiltakshavar og skal handsamast av Bømlo kommune. Planprogrammet skal til offentleg ettersyn og på høyring, før det (eventuelt etter justeringar) vert vedteke og skal leggjast til grunn for vidare planarbeid og konsekvensutgreiing. Føreliggjande planprogram er det formelle programmet for arbeidet med reguleringsplanen og konsekvensutgreiinga, noko som etter lova skal gå føre seg parallelt med planarbeidet. 1.2 Kva er eit planprogram? Eit planprogram er eit verktøy for tidleg medverknad og avklaringar av viktige omsyn i planarbeidet. Planprogrammet skal fortelje om føremålet med planarbeidet, avklare viktige problemstillingar, avklare utredningsbehov og seie korleis planlegginga skal gjennomførast. Planprogrammet gir alle interesserte mogleiken til å kome med innspel og synspunkt tidleg i prosessen, før det er trekt nokon konklusjonar. Forslag til planprogram vert utarbeidd som ledd i varsel og kunngjering om oppstart av planarbeidet. Dette betyr at alle interesserte kan kome med innspel og synspunkt på korleis planarbeidet er tenkt, før det vert endeleg fastsett. Etter ein slik forprosess vert det utarbeidd eit planforslag på bakgrunn av det fastsette planprogrammet. Planprogrammet har sitt opphav i Forskrift om konsekvensutgreiingar (T-1446) av 01.04.2005. Føremålet med konsekvensutgreiingar er at omsyn til miljø, naturressursar og samfunn vert teke omsyn til under førebuinga av planar og tiltak. Planprogrammet skal utformast slik at det i etterkant kan takast stilling til om planframlegget med konsekvensutgreiing er utforma i tråd med planprogrammet. Målsetting med planprogrammet Gjennom planprogrammet skal ein: - Avklare premissar og føremål med planarbeidet - samanfatte noverande status - drøfte problemstillingar i planarbeidet - fastleggje kva utgreiingar som skal gjennomførast - vise organisering av planarbeidet - vise korleis medverknad og framdrift i planarbeidet skal gå føre seg Det viktigaste med planprogrammet er å fastsetje kva alternativ som skal utgreiast, og kva konsekvensar som skal utgreiast. Ein skal konsekvensutgreie eit "0- alternativ" saman med eitt eller fleire andre alternativ.

Side 8 av 13 0- alternativet For å kunne samanlikne og vurdere konsekvensar av aktuelle løysingar og forslag som planarbeidet kan dra opp, bør ein samanlikne dei med eit 0- alternativ. 0- alternativet er dagens situasjon der ein ikkje legg til rette for masseuttak, med dei konsekvensar dette medfører. 1.3 Føremål/ målsettingar for reguleringsplanen Ein ynskjer med reguleringsplanen å setje rammer for framtidig arealbruk innanfor planområdet. Føremålet med reguleringsplanen er å regulere til industri/lager/kontor med tilhøyrande trafikkareal. For å få orden på eksisterande og nye avkøyrsler med tilhøyrande siktsoner inn mot fylkesveg 541 (Austbøvegen), har ein også teke med Austbøvegen innanfor plangrensa. Ein vil regulere inn fortau langs fylkesvegen i tråd med gjeldande plan. Fordi ein har teke med fylkesvegen, vil planområdet verta utvida litt mot sør i høve til gjeldande plan. Vidare skal det regulerast til industrirelatert næring/ hamneområde i sjø, og dette vil verta utvida litt i høve til det området som er regulert til hamneområde i sjø i gjeldande plan. Ein vil gjennom planen sikre at ein kan stenge av delar av området med gjerde slik at ålmenta ikkje får tilgang til delar av næringsområdet, då aktiviteten på Rubbestadneset krev stort fokus på helse, miljø og tryggleik. Planframlegget skal ha fokus på lokale og regionale føresetnader i Bømlo kommune. Planarbeidet vil leggje vekt på omfang, konsekvensar for miljø (støv, støy osv.), terreng og landskapstilpassing, strandsona, friluftsliv, biologisk mangfald og trafikale løysingar (tilkomst, fortau langs Fv541, avkøyrsler osv.). Planarbeidet vil spesielt ha fokus på byggjehøgder og god landskapstilpassing for industriområdet inn mot sentrum av Rubbestadneset. Ein skal så langt det er mogleg vere energi- og ressursbevisst, og gjennom utnytting av naturgitte føresetnader vera eit positivt innslag i lokalmiljøet. Ein ynskjer å lage ein framtidsretta plan som kan styrkja verksemder og sikre Bømlo kommune gode, trygge og konkurransedyktige arbeidsplassar. Hovudendringar i høve til gjeldande plan: - Opnar opp for etablering av fleire typar nærings- og industribygg (m.a. forskings- og utviklingssenter og dokk). - Gjeldande reguleringsplan opnar for bygg med byggjehøgde på inntil 9,0m. Eksisterande bedrifter i området ynskjer å utvikle bygg med inntil 55m mønehøgde. I ny plan vil ein difor dele inn området i ulike delområde med differensierte byggjehøgder. - Utvida plangrense: Ein har teke med Fv.541 i sør for å ordne opp i avkøyrsler inn mot denne med tilhøyrande siktsoner. Utviding i sjø i nordaust for hamneområde i sjø. - Justering av formålsgrenser: Ein vil gjere litt justeringar på formålsgrensene for industri og lager. Dette for å gjere området mest mogleg funksjonelt og tilpasse planen etter den bruken som eksisterande verksemder ynskjer. 4.2 Utfordringar og viktige problemstillingar for utgreiing i plan og konsekvensutgreiing Etter forskrift om konsekvensutgreiing vert det stilt krav til at planforslag som kan ha vesentlege verknader for miljø eller samfunn skal utgreiast. Konsekvensutgreiinga skal byggje på faglege vurderingar. Ein skal konsekvensutgreie eit 0- alternativ saman med eitt eller fleire andre alternativ. Konsekvensutgreiinga sitt arbeid skal byggje på kjent metodikk. Ein nyttar mellom anna Miljøverndepartementet si brosjyre T-1177 som retningsgjevar. Vidare vil ein nytte Klima og miljødepartementet og Kommunal- og Moderniseringsdepartementet sin vegleiar «Når skal tiltak i vedlegg II konsekvensutredes? Vurdering etter 10 i forskrift om konsekvensutredninger» (kommentarutgåve 29.06.2017).

Side 9 av 13 Ein vil her kort drøfte dei viktigaste tema som skal skildrast i reguleringsplanen, og som såleis vil vere tilhøve som det må leggjast vekt på i konsekvensutgreiinga. Tema for utgreiinga er valt i høve til forskrift om konsekvensutgreiingar, med lokale tilpassingar. Desse temaa er vurdert for vidare utgreiing: - Landskap - Strandsone - Forureining (støv, støy, avrenning, evt. andre forureiningar) - Biologisk mangfald sjø - Friluftsliv 4.3 Utgreiings- og kunnskapsbehov samt metode Nedanfor har ein lista opp viktige utgreiings- og kunnskapsbehov som må avdekkjast og gjennomførast innanfor dei rammene som vert sett i reguleringsplanen. I oppstartsmøtet med Bømlo kommune 16.06.2017 vart ein samde om at følgjande tema må konsekvensutgreiast: Tabell 1: Utgreiings- og kunnskapsbehov Tema for utgreiing Skildring/metodikk Landskap Gjennom KU skal ein kartleggje landskapskvalitetar og vurdere konsekvensar for landskapet og silhuettverknader ved ei utbygging av området i tråd med det planen opnar for. Ein skal spesielt ha fokus på byggjehøgder i høve til landskapet, kringliggjande bustader og sentrum av Rubbestadneset. Metode: Det skal utarbeidast 3D-illustrasjonar/ perspektivteikningar for å få fram fjernverknader og verknader for bustader i nærleiken. Illustrasjonane skal utarbeidast av Gøtz AS eller av annan kvalifisert konsulent. Vurderingane skal baserast på feltundersøkingar og tilgjengeleg informasjon i kart, databasar og litteratur. Ein skal vurdere planframlegget opp mot eit 0- alternativ. Strandsone Tiltaket skjer innanfor 100- metersbeltet. Tiltak i strandsona skal vurderast opp mot eksisterande verdiar, og ein skal vurdere kva konsekvensar den planlagde utbygginga får for eksisterande strandsoneverdiar. Metode: Ein skal kartleggje strandsona i området dersom dette ikkje allereie er gjort. Vurderingane skal baserast på feltundersøkingar og tilgjengeleg informasjon i databasar og litteratur. Ein skal vurdere planframlegget opp mot eit 0- alternativ. Forureining Støy: Det må som ein del av planarbeidet gjerast vurderingar i

Side 10 av 13 høve til anleggsstøy i samband med drift på området. Metode: Det må gjennomførast ei støykartlegging kring anleggsområdet og i høve til eksisterande busetnad i nærområdet. Støyvurderinga skal utførast av Gøtz AS eller av annan kvalifisert konsulent. Evt. må ein vurdere om tidlegare støymålingar (utført i 2015 av YSST) som er gjort på området kan nyttast. Ein må vidare vurdere om det er naudsynt å gjennomføre støyreduserande tiltak i reguleringsplanen. Grenseverdiar fastsett i forureiningslova og tilhøyrande forskrifter skal nyttast i vurderingane. Støv: Ein må avdekke eventuelle kjelder til støv i samband med drift på anleggsområdet og liste opp aktuelle tiltak for å redusere eventuelle støvutslepp. Metode: Det må som ein del av planarbeidet gjerast vurderingar i høve til forventa luftkvalitet sett opp mot minstekrav og målsettingsverdiar til luftkvalitet i Forureiningsforskrifta. Erfaringar frå eksisterande verksemd i området eller liknande industriområde skal leggjast til grunn for vurderingane. Avrenning: Avrenning frå industriområdet må utgreiast og ein må sjå på om dette vil medføre risiko for sårbare vassdrag i området. Ein må også klargjere kva sediment/ materie som kjem ut i avrenninga og kva retning det vil ta ut frå området. Metode: Erfaringar frå eksisterande verksemd i området eller liknande industriområde skal leggjast til grunn for vurderingane. Andre forureiningar: - Utslepp av saltvatn i samband med tømming av dokk (strømmingar i havet). - Utslepp av vatn som er nytta til spyling til sjø. - Vurdering av lekkasjar frå diesel eller oljetankar. - Reinsing av kloakk. - Lukt (ved opptak av båtar, kor algar og sjødyr vert hengjande og tørke ut /rotne). Metode: Erfaringar frå eksisterande verksemd i området eller liknande industriområde skal leggjast til grunn for vurderingane. Biologisk Konsekvensane for biologisk mangfald i sjø skal omtalast i

Side 11 av 13 mangfald - sjø konsekvensutgreiinga. Metode: Vurderingane skal baserast på eksisterande informasjon frå databasar og litteratur. Ein skal vurdere planframlegget opp mot eit 0- alternativ, og konsekvensar skal vurderast opp mot mål og prinsipp i naturmangfaldslova. Friluftsliv Konsekvensane for friluftsliv skal omtalast i konsekvensutgreiinga. Ein skal vurdere om planframlegget er i konflikt med område for friluftsliv på Bømlo eller med offentleg friområde. Vidare må ein sjå på om planframlegget er i konflikt med ålmenn fri ferdsle/ løyper eller stiar Metode: Vurderingane skal baserast på eksisterande informasjon frå databasar og litteratur. Ein skal vurdere planframlegget opp mot eit 0- alternativ. Vurderingar: Bømlo kommune har i lang tid arbeidt med planar for å utvikle industriområde i Rubbestadneset. Det er positivt at fleire bedrifter no vil satse i dette området. Blant anna har UNITECH AS og Norwegian Marine &Energy Complex (NMEC) heilt konkrete planar. Me viser til prinsippskisse for industriområde som ligg som vedlegg til saka. For å imøtekome ønskja til desse firma er det trong for å endre reguleringsplanen. Blant anna er det eit sterkt ønskje om å få plass til ny teknologi-dokk med ein byggehøgde på 55 meter. Etter gjeldande reguleringsplan er det ikkje fastsett særskilte byggehøgder og difor gjeld dei generelle reglane om byggehøgder i plan- og bygningslova på inntil 9 meter. For å få tilstrekkeleg plass til ny dokk vert planområdet også utvida litt mot nord/aust i høve til gjeldande plan. Tilkomst til området vil vere via fylkesveg 541,Austbøvegen. Her ønskjer ein å regulere inn avkøyrslane i ny reguleringsplan. Difor er fylkesvegen teke med i planområdet. Fortau langsmed fylkesvegen vert vidareført i ny reguleringsplan. Ny reguleringsplan utløyser krav om konsekvensutgreiing etter forskrift om konsekvensutgreiing 10 a. p.g.a. auken i byggehøgde. Dette vart også tilrådd i møte Bømlo kommune og UNITECH AS hadde med Fylkesmannen 07.04.2017 Bømlo kommune har gjort avtale med Gøtz AS om utarbeiding av reguleringsplan med konsekvensutgreiing. Dei har laga prinsippsøknad og framlegg til planprogram for konsekvensutgreiinga. Utval for areal og samferdsel vil i denne saka både ta stilling til prinsippsøknaden og framlegget til planprogram. Planprogrammet vert etterpå sendt ut på høyring i 6 veker. Etter høyringsrunden vert endeleg planprogram vedteke av kommunestyret.

Side 12 av 13 I planprogrammet for konsekvensutgreiinga er landskap, strandsone, forureining, biologisk mangfald i sjø og friluftsliv er det sett opp som tema som skal utgreiast. Dette er me samde i. Særleg er det i konsekvensutgreiinga viktig at tema byggehøgder får stor plass. Det er positivt at det er sett opp at det skal utarbeidast 3D- illustrasjonar/perspektivteikningar for å få fram fjernverknaden av industriutbygginga i høve til busetnaden i Rubbestadneset. Rådmannen rår til at prinsippsøknaden for oppstart av reguleringsplan for Rubbestadneset industriområde med tilhøyrande planprogram for konsekvensutgreiing for gnr.83,bnr.682 m.fl vert godkjent. Rådmannen rår til at framlegg til planprogram for konsekvensutgreiing av reguleringsplan for industriområde for Rubbestadneset vert vedteke utlagt til offentleg høyring slik det no føreligg i samsvar med forskrift om konsekvensutgreiing. Økonomiske konsekvensar: Bømlo kommune har arbeidt i lenger tid med innløysing av grunneigedomar i industriområde i Rubbestadneset. Kostnadane til kommunen vil verte ein del av avtalen med verksemdene som etablerer seg i område. Miljømessige konsekvensar: Det er ikkje registrert viktige viltområde eller naturtypar i planområdet. Det er heller ikkje nokon kulturlandskap eller truga/raudelista artar innanfor planområdet. Planen omfattar heller ingen vassdrag i form av dammar, bekkar eller tjern som kan ha ein viktig økologisk funksjon for området. Planområdet omfattar eit større område i sjø, men det er heller ikkje her kjennskap til artar eller marine verdiar som krev særskilte omsyn. Beredskap- og samfunnstryggleik: Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS-analyse i arealplanlegging i Bømlo kommune dato 06.02.2013 gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. Folkehelse: Vert vurdert i konsekvensutgreiinga. Oppsummering og konklusjon: Bømlo kommune har i lang tid arbeidt med planar for å utvikle industriområde i Rubbestadneset. Det er fleire bedrifter som no vil satse i dette området. Blant anna har UNITECH AS og Norwegian Marine &Energy Complex (NMEC) heilt konkrete planar. For å imøtekome ønskja til desse firma er det trong for å endre reguleringsplanen. Blant anna er det eit sterkt ønskje om å få plass til ny dokk med ein byggehøgde på 55 meter. Etter gjeldande reguleringsplan er det ikkje fastsett særskilte byggehøgder og difor gjeld dei generelle reglane om byggehøgde i plan- og bygningslova på inntil 9 meter. For å få tilstrekkeleg plass til ny dokk vert planområdet også utvida litt mot nord/aust i høve til gjeldande plan. Vidare er fylkesvegen med i planområdet for å kunne regulere inn avkøyrslene med siktsoner. Bømlo kommune har gjort avtale med Gøtz AS om utarbeiding av reguleringsplan med konsekvensutgreiing. Dei har laga prinsippsøknad og framlegg til planprogram for

Side 13 av 13 konsekvensutgreiinga. Utval for areal og samferdsel vil i denne saka både ta stilling til prinsippsøknaden og framlegget til planprogram. Planprogrammet vert etterpå sendt ut på høyring i 6 veker. Etter høyringsrunden vert endeleg planprogram vedteke av kommunestyret.