Side 2 av 6 Saksutgreiing til folkevalde organ Dato: Arkivref: 26.03.2015 2015/195-7027/2015 / 504 Saksbehandlar: Linda Djuvik 53423156 linda.djuvik@bomlo.kommune.no Sak nr i møte Utval Møtedato PS 62/15 Utval for areal og samferdsel 15.04.2015 SØKNAD OM MINDRE REGULERINGSENDRING R2 I DELAR AV R-41, HOVLAND MIDTRE, VOLD OG VESPESTAD GNR. 54, 55 OG 56 Rådmannen sitt framlegg til vedtak: 1. I medhald av plan- og bygningslova 12-14 vert det gjeve løyve til mindre reguleringsendring, r2 i delar av reguleringsplan R-41 Hovland midtre, Vold og Vespestad gnr. 54, 55 og 56 Langevåg vedteken i kommunestyret 07.09.1989. Mindre reguleringsendring i samsvar med reguleringsplankart av 05.02.2015 og reviderte føresegner av 05.02.2015. Endringa gjeld: Utviding av arealet som er avsett til ålmennyttig formål. 2. Vilkåret for godkjenninga er at offentlege mynde eller råka partar ikkje har innvendingar. 3. Plankartet og reguleringsføresegnene skal etter PBL 2-2 oppdaterast i samsvar med vedtekne reguleringsendringar. Saksprotokoll i Utval for areal og samferdsel - 15.04.2015 Svein Arve Skartveit (Frp) ber utvalet vurdera om han er inhabil i saka då han har fått nabovarsel som eigar i planområdet, han grensar ikkje til det oppsøkte området og han forlot sete under behandling av habilitet. Utvalet gjekk samrøystes inn for at han var habil i saka og han tok sete igjen. Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: E-post Gøtz AS v/kari Hilde Rommetveit på vegne av Bømlo Bedehus dato 26.03.2015
Side 3 av 6 Uttale frå Hordaland Fylkeskommune dato 03.03.2015 og 26.03.2015 Bakgrunn for saka: Reguleringsplan R-41 Hovland midtre, Vold og Vespestad gnr. 54, 55 og 56 Langevåg vart vedteken i Bømlo kommunestyre 07.09.1989 sak 07-094-89. Me tek med vedtaket i Kommunestyret: Framlegg til reguleringsplan for Deler av Hovland Midtre, Vold og Vespestad med tilhøyrande reguleringsføresegner vert godkjent. Reguleringsplanen er synt med kart mrk. R-41-0 dagsett 27.08.84, utarbeidd av teknisk etat, sist revidert 29.04.88 med tilhøyrande reguleringsføresegner mrk. August 84, sist revidert 29.04.88. Med heimel i Plan- og bygningslova 27-2 vert planen rettsleg bindande utan stadfesting frå statleg styresmakt. I e-post frå Gøtz AS v/kari Hilde Rommetveit står det: «På vegne av Bømlo Bedehus v/styret sender vi søknad om mindre reguleringsendring i reguleringsplan for delar av Hovland midtre, Vold og Vespestad, R-41, Bømlo kommune. Bømlo Bedehus, som er eigar av gnr. 55 bnr. 14 på Langevåg, ynskjer å utvide arealet som er avsett til "Ålmennyttig formål", A2 (bedehus) i reguleringsplan R-41 for å leggje til rette for meir parkeringsareal i tilknyting til eksisterande bedehus på tomta. Dei har difor engasjert Idealhus AS for å få hjelp til å omregulere området. Idealhus AS har så kontakta Gøtz AS for å bistå dei med arbeidet. Ein har vore i kontakt med Bømlo kommune, og sakshandsamar Njål Gunnar Slettebø var positiv til at saka kunne handsamast som ei mindre vesentleg reguleringsendring. Dei aktuelle eigedomane som er omfatta av reguleringsendringa er regulert til ålmennyttig formål (A2) og bustader (B4) i reguleringsplan for delar av Hovland midtre, Vold og Vespestad, R-41.
Side 4 av 6 Utsnitt frå gjeldande reguleringsplan, R-41. Bakgrunn for reguleringsendringa: Føremålet med reguleringsendringa er som nemnt å utvide området som er regulert til ålmennyttig formål, A2, til å også omfatte delar av gnr. 55 bnr. 4 og 29 som i dag er regulert til bustadformål, B4. Bakgrunnen for reguleringsendringa er at det i lengre tid har vore problem med parkering i området, og då spesielt når bedehuset er i bruk til ulike arrangement på dagtid (gravferd e.l.). Slik situasjonen er i dag, så er det berre plass til om lag 25 bilar utanfor bedehuset, men Hillestveit skule legg beslag på 10 av plassane på dagtid. Bilane står då parkert langs vestsida av bygget samt utanfor inngangspartiet i aust. Biletet viser bedehuset sett frå austsida. Området framfor inngangspartiet vert i dag nytta til parkering. Det er grasbakken til venstre i biletet ein no ynskjer å omregulera til parkering (ålmennyttig formål). Flyfoto av området. Som ein ser på biletet så parkerer ein langs veg sørvest for bedehuset i dag.
Side 5 av 6 Dagens parkeringssituasjon er uryddig, noko som kan skape trafikkfarlege situasjonar. Det er heller ikkje bra at bilane må rygga ut i køyrevegen når dei skal snu. Bømlo Bedehus har difor inngått ein avtale om å få kjøpe areal frå eigar av gnr. 55 bnr. 4 slik at ein kan få regulert inn tilstrekkeleg parkeringsareal for bedehuset. Den nye parkeringsplassen vil gje 18 nye parkeringsplassar og betre trafikktryggleiken. Området som ein no ynskjer å omregulere, er i dag ei skråning med plen. For å få på plass parkeringsplassen så vil ein sprenge ned terrenget i sør og fylle opp terrenget litt i nordvest. Avkjørsla frå parkeringa går inn på privat grunn og, vil såleis ikkje gi noko ny avkjørsle inn mot Fv541. Bømlo Bedehus ynskjer også å få moglegheit til å byggje eit tilbygg til bedehuset med tida. Ein ser då føre seg eit påbygg på ca. 5,0x15,0m på søraust- sida av bedehuset som vist på vedlagd situasjonsplan. For å kunna realisera dette, har dei også inngått ein avtale med eigar av gnr. 55 bnr. 29 om kjøp av areal. I samråd med kommunen har ein kome fram til at heile området inkl. tilleggsareala skal regulerast til formålet "Religionsutøving" i staden for å regulere delar av området til parkering. Årsaka til dette er at ein pr. dags dato ikkje er heilt sikker på når og korleis tilbygget til bedehuset vil bli. Gjeldande reguleringsplan er frå 1988. Sidan den gongen har det kome ny planlov, og i den nye planlova er det ikkje lenger noko formål som heiter "Ålmennyttig formål". Ein har difor erstatta dette med eit formål som finst i planlova, nemleg "Religionsutøving". I reguleringsendringa er det Ca 133 m2 av gnr/bnr 55/4 og 960 m2 av gnr/bnr 55/29 som vert omregulert frå "Bustader" til "Religionsutøving". Totalt vert området som er avsett til "Religionsutøving" då på ca. 2,1 daa. I eksisterande reguleringsplan er området for "Ålmennyttig formål", A2, ca. 0,7daa. Gjeldande føresegner inneheld ingenting som angår områda som er sett av til ålmennyttig formål. Ein har difor lagt inn ein paragraf i føresegnene for "Religionsutøving". Elles er det ikkje gjort endringar i føresegnene. Grunngjevinga for at dette kan køyrast som ei mindre reguleringsendring, er at det ikkje er nokre nye byggjeføremål som skal inn. Endringa som det her er snakk om er i realiteten berre ei justering av føremålsgrensene for føremålet ålmennyttig føremål. Tilkomsten til tomta vil bli som før. Bømlo kommune har difor vore innstilt på at saka kan køyrast som ei mindre vesentleg reguleringsendring. Reguleringsendringa vil vere positiv for brukarane av Bømlo Bedehus, og medfører ingen ulemper for nærområdet slik me ser det. Området er vurdert opp mot naturmangfaldslova 7-12. Utbygging av området er ikkje ansett for å medføre vesentleg skade eller irreversibel skade på naturmangfaldet i området. Planen vil ikkje påverke plante- eller dyreriket i nemneverdig grad. Det er ikkje registrert raudelista artar i området. I plan- og bygningslova 12-14 står det: «For utfylling, endring og oppheving av reguleringsplan gjelder same bestemmelser som for utarbeiding av ny plan. Kommunestyret kan delegere mynde til å treffe vedtak om mindre endringar i reguleringsplan eller vedta utfyllingar innanfor hovedtrekka i reguleringsplanen. Små endringar kan delegeres til administrasjonen. Før det treffes slikt vedtak, skal saken forelegges berørte myndigheter, og eierne og festerne av eiendommer som direkte berøres av vedtaket, skal gis anledning til å uttale seg jf. for øvrig 1-9». Vurderingar: Denne søknaden er sendt på høyring til offentlege mynde og råka partar i området slik plan- og bygningslova 12-14 krev. Det har kome inn 1 stk. merknad frå Hordaland fylkeskommune. Dei varsla at dei ville gjennomføre ei synfaring av planområdet for å vurdere om tiltaket kan kome i strid med hittil ikkje registrerte automatisk freda kulturminne. Synfaringa fann stad 25.03.2015, og det vart ikkje gjort funn. Dei har etter synfaring ingen avgjerande merknader til endringa.
Side 6 av 6 Endringa er som følgjer: Utviding av arealet som er avsett til ålmennyttig formål. Reguleringsplan for delar av Hovland midtre, Vold og Vespestad R-41 i Langevåg vart godkjent av kommunestyret 07.09.1989. Gøtz AS på vegne av Bømlo Bedehus har no søkt om mindre reguleringsendring i reguleringsplan R-41 Hovland midtre, Vold og Vespestad gnr. 54, 55 og 56 som det ikkje har kome inn vesentlege merknader til i høyringsrunden. Me tilrår difor at mindre reguleringsendring i reguleringsplan R-41 vert godkjent slik det framgår av plankart av 06.02.2015, reviderte føresegner av 05.02.2015 og motteke søknadsbrev av 26.03.2015. I følgje Plan- og bygningslova 2-2 skal kommunen ha eit planregister som gjev opplysningar om gjeldande arealplanar og andre føresegner som fastlegg korleis areala skal utnyttast. Plankart og føresegner skal oppdaterast i samsvar med godkjente reguleringsendringar. Økonomiske konsekvensar: Utbyggjar skal dekka alle kostnadane. Miljømessige konsekvensar: Det er ikkje registrert viktige viltområder eller naturtypar i området. Reguleringsendringa er vurdert ut frå kunnskapsgrunnlaget ein har om naturverdiane i området og søknaden er ikkje i strid med 8-12 i naturmangfaldslova. Kulturminne Det er registrert automatisk freda kulturminne kring omsøkt areal. Ligg i nærleiken til den store kulturminnelokaliteten Sokkamyra. I planområdet er det lågt potensiale for funn av uregistrerte kulturminne i marka. Hordaland Fylkeskommune har gjennomført synfaring på omsøkt areal. Dei har etter synfaring ingen avgjerande merknader til endringa. Beredskap- og samfunnstryggleik: Her viser me til vedteken reguleringsplan. Folkehelse: Ikkje vurdert. Oppsummering og konklusjon: Gøtz AS har på vegne av Bømlo Bedehus søkt om mindre reguleringsendring for delar av reguleringsplan R-41 Hovland midtre, Vold og Vespestad gnr. 54, 55 og 56 i Langevåg. Søknaden gjeld utviding av arealet som er avsett til ålmennyttig føremål. Under føresetnad at det ikkje kjem innvendingar på mindre reguleringsendring i R-41, tilrår me at mindre reguleringsendring vert godkjent som omsøkt.