MØTEINNKALLING Formannskapet Dato: 19.08.2013 kl. 9:00 Stad: Ordførers kontor Arkivsak: 13/00018 Arkivkode: 033 Forfall meldast snarest til sekretariatet, Ål kommune tlf 32 08 50 26 SAKSKART Side Møteinnkalling Saker til behandling 45/13 13/01647-2 Forprosjekt Ål Helsetun 4 46/13 13/01718-2 Samarbeidsavtale mellom Ål kommune og Vestre Viken HF - revidert avtale 15 47/13 12/03748-11 Vidareutvikling Ål kulturhus - finansiering 17 48/13 13/01810-1 Kvartalsrapport 2 kvartal 2013 21 49/13 13/01470-1 Arbeidgjevarstrategi - personalforvaltning i Ål kommune 23 50/13 13/01419-1 Politisk tema 25.06.2013 - Korps/korps i skulen 25 51/13 13/00541-29 Finansiering Kolbotn bustadfelt, del 2 28 52/13 13/01452-5 Forslag til endring av forskrift om næringsavfall 30 53/13 13/01304-2 Klinikkstrukturplan for Tannhelsetenesten i Buskerud FKF - høyring 34 54/13 55/13 13/00134-18 13/00133-10 Open post - formannskapet 19.08.2013 37 Meldingar til formannskapet 19.08.2013 38 1
Ål, 12.08.2013 Ivar M. Brevik Ordførar 2
Møteinnkalling 3
Saker til behandling 45/13 Forprosjekt Ål Helsetun Arkivsak-dokument: 13/01647-2 Arkivkode: 614 Saksbehandler: Sissel Skrindo Saksgang Møtedato Saknr 1 Formannskapet 19.08.2013 45/13 2 Kommunestyret 3 Sektorutval for helse og sosial 20.08.2013 24/13 Saka vert avgjort av: Kommunestyret Vedlegg: 1) P.nr. 201207 Ål Helsetun utbygging og ombygging, forprosjekt juli 2013, beskrivelse (inkl. romprogram) - Aursand og Spangen AS arkitekter 2) Utredning av bæresystem for påbygg, arkitektkontoret Nils Tveit AS 12.08.2011 (inkl. notat RIB-01 frå Multiconsult AS Drammen og notat RIG-01 frå Multiconsult AS Drammen) 3) Notat Ål helsetun HS-bygg, riving kontra ikke riving, Norconsult AS 01.07.13 4) Notat vurderinger av riving/nybygg eller hovedombygging/tilbygg på HS-bygget, spesialrådgiver VVHF, 03.07.13 5) Deltakarar i forprosjekt Ål helsetun 6) Ark-notat 06 vedr.kostnader knyttet til lokalisering av kapell, Aursand og Spangen AS arkitekter 23.06.13 7) Kostnadsoverslag (u.o. 23 Off.lov) blir ettersendt på raudt papir 8) Skisser alternativ 1 (skisser pr. april -13 ) 9) Skisser alternativ 2 (skisser forprosjekt juli -13) 10) Oversikt avtaler 11) Notat frå Sigurd Tveit, datert 02.08.2013 12) Svar på spørsmål frå Sigurd Tveit frå Dag Spangen Dokument i saka: 1) Intensjonsavtale mellom partane Vestre Viken VHF (VVHF) og Ål kommune 15.12.10 2) K.sak 39/12 Prosjekt Hallingdal lokalmedisinske senter sluttrapport med Intensjonsavtale for Lokalmedisinske Tjenester i Hallingdal mellom Hallingdalskommunene Hemsedal, Flå, Ål, Gol, Hol, Nes 2012 3) Generalplan for helsetunområdet, arkitektkontoret Nils Tveit AS 30.08.2010 4
4) Vedtak Ål kommunestyre 20.01.11 sak nr. 09/11 5) Ark-notat 05 vedr. eventuell riving av HS-bygget, Aursand og Spangen AS arkitekter 04.04.13 6) Svar på søknad om dispensasjon frå Husbanken sitt arealkrav, Kommunal- og regionaldept. 28.06.13 7) Skisser, fasader, oversiktskart, oversikt BRA forprosjekt 8) PLO-plan 2009-2021 9) Formannskapsvedtak 22.04.13 Saksopplysningar: Ål kommune står overfor store utbyggingsbehov i helsetunområdet. Dette omfattar: 1) Samhandlingsreforma Ansvar for lokalmedisinske senter er i samhandlingsreforma lagt på kommunane. Ål kommune skal ivareta ansvaret som vertskommune for Hallingdal sjukestugu (HSS). HSS vil stå sentralt i utviklinga av eit lokalmedisinsk senter i Hallingdal (HLMS), slik samhandlingsreforma legg opp til. Det er inngått ei intensjonsavtale mellom Hallingdalskommunane og VVHF om ei felles sengeavdeling med 10 interkommunale plassar og 10 desentraliserte sjukehusplassar frå 2016. Det er lagt føringar for kostnadsfordelinga mellom kommunane. Hallingdalskommunane har i samarbeid med VVH fått statleg tilskot til drift av 3,2 døgnplassar for akutthjelp ved Hallingdal sjukestugu, med oppstart frå 01.09.12. 2) Omsorgsbustader Befolkningsframskriving viser at Ål vil få ei dobling av tal eldre over 67 år fram til år 2050; frå vel 750 over 67 år til 1500 over 67 år i år 2050 (jfr. PLO-plan 2009-2021 s. 7). PLO-planen legg opp til at ein må vurdere bygging av 16 nye omsorgsbustader kvart 10. år. Pr. i dag er det stort behov for tilrettelagte bustader for demente. 3) Utbygging/modernisering helsetenestene Det er behov for utbygging og modernisering av fleire andre delar av helsetenesta; legetenesta, fysioterapitenesta og kommunale korttidsplassar. Ål kommune har saman med Vestre Viken HF (VVHF) underskreve ei intensjonsavtale der ein godkjenner at partane legg planar på tvers av eigedomsgrenser og bygg. Arkitektfirmaet Nils Tveit AS var i 2010 engasjert for å utarbeide ein overordna plan for området, slik at ein synleggjer kva det evt. kan bli plass til ved utbygging/ombygging i området, og slik at utbyggingar ikkje kjem i konflikt med framtidige behov for bygningsmasse. Generalplanen legg opp til pasientretta service vest i området, omsorgsbustader i aust. Nye sengeplassar, legesenter, legevakt og areal for rehabilitering var tenkt løyst ved ei stor påbygging av den gamle delen av HSS, med omsorgsbustader i bufellesskap på toppen. 5
Generalplanen legg også opp til ny trafikkløysing og eit parkeringshus. Kommunestyret vedtok den 20. januar 2011 å legge generalplanen for helsetunområdet til grunn for den vidare planlegginga og bad rådmannen starta opp detaljplanlegging av eit utbyggingsprosjekt. Prosjekt Ål helsetun starta opp mai -11. Prosjektet er spesielt på den måten at mange instansar er involverte (VVHF, HSS og kommunane i Hallingdal), dessutan mange fagområde. Det er også spesielt fordi mange av dei faktorane som vil bestemme rammene for prosjektet har vore usikre (eigarskap av bygningsmasse, utvikling av lokalmedisinsk senter, regelverk). Styringsgruppe og prosjektgruppe har difor vore samansett av representantar både frå VVHF, Ringerike sykehus (RS), HSS, Ål kommune, Regionrådet, tillitsvalde, verneombod og brukarrepresentantar (Eldrerådet og RMF). Vidare har prosjektet omfatta 8 arbeidsgrupper fordelt på dei ulike delområda. Sjå organisering av prosjektet vedlegg 5. Etter ein anbodsrunde vart det i mars -12 inngått avtale med arkitektkontoret Aursand og Spangen AS arkitekter med hovudkontor på Hamar. Prosjektet har utarbeidd romprogram, skisseprosjekt og forprosjekt (vedlegg 1). Forprosjektet inneber a) kjøp av HS-bygget frå VVHF b) ny sørfløy med overbygde parkeringsplassar i u.etg., omsorgsbustader for demente på bakkeplan og kommunale korttidsplassar i 2. etg. c) nytt HS-bygg med legevakt i u.etg., legekontor, blodbank, dialyse og felles hovudinngang i 1. etg., intermediær avdeling i 2. etg. og fysioterapi i 3. etg. Vedr. pkt. a): VVHF har gjev beskjed om at foretaket ikkje kan prioritere investeringsmidlar til HSS før etter 2030, pga tung sjukehusutbygging i Drammen. Det er difor ynskjeleg at Ål kommune som vertskommune kjøper bygget og bygger på/bygger nytt. VVHF og Helse Sør-Øst signaliserer at ein er innstilt på å inngå ei leigeavtale over 25 år. Sjå også pkt. 3 under Vurdering. Nytt parkeringshus er ikkje medteke i forprosjektet. Med løysingane i forprosjektet vil ein oppnå tal P-plassar i helsetunområdet på same nivå som i dag. Sjå elles vedlegg 1. Prosjektet arbeidde inntil april -13 ut frå ein føresetnad om bruk av eksisterande HS-bygg, med eit påbygg og ekstra etasjar oppå. Nye vurderingar, dessutan grunnundersøkingar, gjer at arkitekten tilrår å rive eksisterande HS-bygg. Formannskapet vedtok 22.04.13: Ål formannskap tilrår riving av HS-bygget og grunngjev det med reduserte kostnadar. I tillegg vil bygget då kunne byggjast raskare og meir funksjonelt. Naudsynte grunnundersøkingar må utførast. Spørsmålet om å strekke prosjektet ut i tid må utgreiast slik at ein ser fordeler og ulemper med dette. Prosjektet skal utgreiast med to alternativ, med og utan nytt fysioterpi/rehab.areal. Vi legg difor fram 2 sett med skisser, alternativ 1 og alternativ 2, sjå vedlegg 8 og 9. Sjå elles pkt. 2 under Vurdering. 6
Dersom kommunestyret vedtek å gå vidare med detaljprosjektering, kan dette arbeidet starte ca. 1. september -13. Ut frå eksisterande framdriftsplan kan prosjektet leggast ut på anbod i mars -14. Byggestart kan då bli ca. 1. juni, og første byggetrinn (HS-bygg) kan stå ferdig ved årsskiftet 2015/2016. Alle tenester må flytte ut av HS-bygget i byggeperioden. Løysingar på dette er nemnt under Vurdering pkt. 13. Forhold til overordna plan: PLO-plan 2009-2021 Plan for helse- og omsorgstenester 2013-2016 Kommuneplan 2006-2018 Samhandlingsreforma Økonomiske konsekvensar: 1) Investeringskostnader: Prosjektet inneber ein netto prosjektkostnad på 131 mill. kr. for HS-bygget, og kr. 28 mill. kr. for sørfløyen, totalt kr. 159 mill. kr. Sjå elles vedlegg 7 (u.o.). 2) Driftskostnader: Behov for tenester hos brukarane blir dei same uavhengig av utbygging Ål helsetun eller ikkje. Med utbygging av omsorgsbustader, korttidsplassar og desentraliserte sjukehussenger anslår ein auka netto driftskostnader (i tillegg til kapitalkostnader) til 5-8 mill. kr. Auka driftskostnader vil omfatte både personell og auka driftskostnader pga større bygningsmasse, men samstundes innsparing gjennom medfinansieringsreglane i samhandlingsreforma - og sparte utgifter for utskrivningsklare pasientar. Ei samling av tenestene gjev også ei meir effektiv drift. Med utbygging anslår vi behov for fleire stillingar i omsorgssektoren dei fyrste åra for å møte behov ift tal eldre til 9 stillingar. Utan ombygging vil ein anslå personellkostnadene til å bli større, fordi vi då må yte tilsvarande tenester ute i heimane. PLO-planen fastslår behov for 12 stillingar i omsorgssektoren for å klare utfordringane dei fyrste åra. Sjå elles vedlegg 7. Auka driftskostnader må utgreiast nærare i detaljprosjektet. Vurdering: 1) Personell og brukarmedverknad 7
Det er gjennomført ein grundig programmeringsfase i samarbeid med personell, tillitsvalde, vernombod og brukarrepresentantar. Desse har vore med i arbeidet med skisser fram til forprosjektet no blir lagt fram. Vi planlegg same aktive deltaking i detaljprosjektfasen. 2) Val av alternativ Prosjektet arbeidde inntil april -13 ut frå ein føresetnad om bruk av eksisterande HS-bygg, med eit påbygg og ekstra etasjar oppå. Nye vurderingar, dessutan grunnundersøkingar, gjer at arkitekten tilrår å rive eksisterande HS-bygg. Dette omfattar fordelar med omsyn til a) Kostnader b) Gjeldande forskrifter (radon, jordskjelvsikring osv) c) Funksjonelt bygg d) Driftskostnader (energi) Rådmannen vurderer difor skisser etter alternativ 2 som mest føremålstenleg. Det er innhenta vurderingar og rapportar frå Multiconsult AS Drammen 2011 og Norconsult AS Gjøvik 2013, dessutan gjort grunnundersøkingar av Norconsult Fältgeoteknik AB mai 2013. Viser til vedlegg 2, 3 og 4, dessutan skisser alternativ 1 og 2 (vedlegg 8 og 9). 3) Avtaler VVHF og Hallingdalskommunane Ål kommune samarbeider med VVHF og Helse Sør-Øst om utarbeiding av ei avtale med VVHF om sal/kjøp av bygget. Signala frå VVHF og Helse Sør-Øst er at ein er innstilt på å inngå ei leigeavtale over 25 år, og som inneber at Ål kommune ikkje skal ta nokon økonomisk risiko på denne delen av byggeprosjektet. Regelverket vedr. finansiell leasing har vore til hinder for ei langsiktig leigeavtale mellom Ål kommune og VVHF. Denne problematikken er teken opp på Regjeringsnivå, og det ser no ut til at ei formell endring i regelverket blir vedteke. I tillegg til leigeavtala, må ein ha på plass avtaler vedr. drift av bygget; personell, vaktmeister, vedlikehald, reinhald, vaskeri, kjøkken/kantine, matleveranse, IKT osv. Vidare må endeleg avtale som skal avløyse intensjonsavtala mellom kommunane vedr. intermediær avdeling, koma på plass i løpet av hausten -13. Dette arbeidet er påbegynt på rådmannsnivå. Sjå også vedlegg 10 med oversikt over avtaler. 4) Husbanken Husbanken gjev investeringstilskot til utbygging og ombygging av sjukeheim, omsorgsbustad og intermediære plassar (FOR 2008-02-25 nr. 191 Forskrift om investeringstilskudd til omsorgsboliger og sykehjemsplasser fra Husbanken). Satsane er no inntil kr. 840.000 pr. omsorgsbustad og inntil kr. 1.120.000 pr. sjukeheimsplass/intermediær plass. 8
Kommunen har søkt om tilskot til alle einingane som ligg inne i forprosjektet. Vi har i heile prosessen hatt ein god dialog og godt samarbeid med regionalt Husbankkontor. I forhold til omsorgsbustader og korttidsplassar, tilfredsstiller skissene krava til Husbanken, både når det gjeld romløyingar og fellesareal. Dette gjev god fleksibilitet ift evt. framtidig endra bruk av rom og avdelingar. I forhold til intermediær avdeling, er retningslinjene no endra, slik at kommunen også kan søke om investeringstilskot til intermediære plassar som skal driftast av eit helseforetak. Husbanken stiller same krav som til sjukeheimsrom; minst 28 m2 og livsløpsstandard alle rom, dessutan fellesareal pr. 6-10 rom. Både kommunen, HSS og RS meiner 22 m2 pr rom er meir føremålstenleg for denne type avdeling, som i hovudsak skal ivareta aktiv behandling og korte opphald. Kommunen har difor søkt om endring av regelverket i forhold arealkrav intermediære plassar, og dessutan søkt om dispensasjon frå regelverket for intermediær avdeling, men fått avslag på begge desse søknadene. 5) Omsorgsbustader Forprosjektet omfattar 16 nye omsorgsbustader for demente i ny sørfløy, i samsvar med Husbanken sine krav til areal og utforming av bustad og fellesareal. Det er utgang direkte til atrium, dessutan til sansehagen nedanfor Ål bu- og behandlingssenter. PLO-planen legg opp til at ein må vurdere bygging av 16 nye omsorgsbustader kvart 10. år. I tillegg til 16 bustader i ny sørfløy, kan ein planlegge området aust for Ål bu- og behandlingssenter til fleire nye omsorgsbustader i seinare byggetrinn. 6) Legekontor, legevakt, dialyse, blodbank Legekontoret har hatt for tronge lokale i mange år. Dette er sidan 2009 delvis løyst ved at ø- hjelpsfunksjonar er flytta ned som daglegevakt i legevaktslokala på HSS. Dette gjev ei lite effektiv drift med fordeling av legar og medarbeidarar på to arbeidsplassar. Dessutan er avstanden mellom legekontoret og daglegevakta lite heldig i akutte situasjonar på daglegevakt og legekontor. Pga innføring av nødnett hausten 2014, treng legevakta også større lokale; plass til maskinvare og operatørplassar ift nødnett. Ideelt skulle legekontor og legevakt vore på same plan. Dette er ikkje løyst i skissene; legevakt er framleis planlagt i underetg., og legekontoret på planet over. Ein oppnår likevel den ynskte nærleiken og fleksibiliteten mellom legekontor og daglegevakt ved ei intern trapp. Dialyse og blodbank er areal avsett til spesialisthelsetenester. Dette er planlagt slik at legekontor, legevakt, blodbank, dialyse og intermediær avdeling kan nytte same stikkerom og lab., og at ein dermed kan oppnå ein gevinst både driftsmessig og fagleg når det gjeld labfunksjonar. Blodbanken er tenkt i areal inne i sjølve legekontoret. 7) Korttidsplassar 12 av romma ved avd. Tunet/Gjestetunet fungerer ikkje som pasientrom. Det er i PLO-planen vedteke at kommunen skal ha 16 korttidsplassar i aktiv drift, med vurdering kvart 4. år, og at 9
korttidsavdelinga skal byggjast ny eller ombyggjast for å tilfredsstille pasientane sine behov og Husbanken sine normer (PLO-plan 2009-2021 tiltak 4.7.1 og 4.7.2). Forprosjektet legg opp til 15 nye korttidsplassar i sørfløy, på same plan som eksisterande sjukeheimsavdelingar, og i tillegg ombygging av 5 rom avd. Tunet. Storleik og utforming av rom og fellesareal er i samsvar med Husbanken sine krav, slik at ein kan utløyse investeringstilskot frå Husbanken til denne utbygginga og ombygginga. Utbygginga medfører at ein kan omgjera 2 dobbeltrom ved Ål bu- og behandlingssenter til enkeltrom, slik at ein berre har enkeltrom ved sjukeheimen. 8) Basseng Ut frå vurderingar og kostnadsberekningar vil det utgjera ca. kr. 6 mill. kr. å utbetre behandlingsbassenget i Ål bu- og behandlingssenter. Det er i prosjektet vurdert om det evt. kan bli plass til eit nytt behandlingsbasseng innanfor området. Moglege alternativ er vurderte som svært kostnadskrevjande. 9) Kårstugu For å få plass til 16 omsorgsbustader på bakkeplan, må Kårstugu flyttast. Det vart tidleg i prosessen foreslått å flytte Kårstugu til eksisterande legekontor, med direkte tilgang til veg. Brukarrådet i Kårstugu hadde sterkt ynskje om å behalde Kårstugu i nærleiken av kantina, då dette er viktig for drift av Kårstugu. I samarbeid med Brukarrådet har vi difor valt å plassere Kårstugu i den austre delen av denne fløyen, og i staden flytta kontor til vaktmeister, frisør og fotpleie. I denne løysinga er etablering av inngang frå aust-sida eit viktig moment. Sjå også pkt. 10) Fysioterapi. 10) Fysioterapi Fysikalsk avdeling har også hatt for tronge lokale i mange år. For små trenings- og behandlingsareal gjer at ein ikkje kan drive gruppetrening, som er viktig både for ei rekkje sjukdomsgrupper og for folkehelsearbeidet. Dette gjev dårlegare effektivitet og kapasitet, og medfører også ventetid for fysikalsk behandling. I tillegg manglar personalet kontorlokale; alle gjer kontorarbeid i 1 lite rom. Ny fysioterapi er planlagt på toppen av nytt HS-bygg, med behandlingsrom og salar. VVHF skal leige 2 av behandlingsromma i ny fysioterapi. Formannskapet bad i møte 22.04.13 om at byggeprosjektet blir utgreidd med to alternativ; alternativ 1 med fysioterapi/rehab.areal i same byggetrinn som resten av HS-bygget, og alt. 2 klargjort for ny fysioterapi på toppen av HS-bygget, men utan at dette blir bygd i fyrste byggetrinn. Ny fysioterapi på toppen av HS-bygg er kostnadsrekna til ca. 30 mill. kr. Dersom ein vel å vente med fysioterapiavd., må ein likevel ta med ein del av desse kostnadene for å klargjera bygget for eit nytt byggetrinn. I tillegg må ein igjen flytte ut sengeavdelinga, mogleg fleire etg. i HS-bygget, i byggeperioden for å bygge ein ny etg. for fysioterapi i eit nytt byggetrinn. I tillegg vil ein miste tilgangen til bygget frå aust (m.a. til Kårstugu), fordi dagens fysioterapi brukar dette arealet. Dei praktiske og økonomiske konsekvensane ved å vente synest såpass store at rådmannen tilrår at fysioterapidelen blir teken med i aktuell utbygging byggetrinn 1. 10
11) Eksisterande legekontor og fysioterapi Eksisterande legekontor er planlagt brukt til PLO-kontor, kontor for reinhald og lager for Røde Kors Besøksteneste, som alle må flytte frå underetg. for å få plass til funksjonane som bør ligge samla der (vaskeri, reinhaldssentral, garderober, frisør, fotpleie osv.). I tillegg prøver ein å finne plass til base for heimetenestene i eksisterande legekontor. Eksisterande fysioterapiareal er tenkt avsett til dagtilbod for multifunksjonshemma barn/ungdom, då dette ligg rett i nærleiken av m.a. ergoterapi og behandlingsbasseng. Sjå elles vurdering vedr. plassering kapell (pkt. 12). I tillegg blir noko av eksisterande fysioterapiareal nytta til å etablere ein inngang til bygget frå aust-sida. 12) Kapell/seremonirom I vedlagte skisser blir kapell/seremonirom liggande på same plass som før. Arkitekt vurderer dette som ikkje ideell løysing, fordi kapellet då framleis blir liggande i krysset mellom dei to bygga med matvaretransport og ved hovudkommunikasjonsåra mellom bygga. Ideelt skulle seremonirom og bårerom vore flytta til eksisterande fysioterapi med eigen inngang og plass til bårebil. Dette er kostnadsrekna til kr. 2.100.000 + mva. Dette er ikkje lagt inn i prosjektkostnaden. Sjå elles vedlegg 6. 13) Utflytting av HS-bygget i byggeperioden HS-bygget må fråflyttast i byggeperioden, uavhengig av om ein vel å rive HS-bygget eller ikkje. Dette betyr at vi må finne annan plassering for somatisk avdeling, dialyse, fysio ved HSS, legevakt, daglegevakt og kontor i ca. 1,5 år. Fordi nødnett skal innførast hausten 2014, må vi også ta omsyn til midlertidig plassering av nødnettmaskiner og operatørplassar. VVHF har godkjent at vi nyttar PA-bygget til somatisk avdeling, dialyse, fysioterapi og legevakt. Dette kan fungere til desse føremåla med små tilpasningar. Denne løysingar føreset at BUP flytter ut midlertidig, og at vi etablerer 5 kontor for BUP i byggeperioden ein annan stad. Det er ikkje endeleg avklart korleis vi løyser problematikk rundt flytting og drift av vassrenseanlegg til dialysen, og kva det vil utgjera i kostnad å flytte dette anlegget 2 gonger. I forhold til nødnett, har Helsedirektoratet godkjent at vi midlertidig plasserer nødvendig maskinvare tilknytta nødnett i kjellaren PA-bygget. 14) Byggeprosess Av omsyn til tidsfrist 01.01.16 for lokalmedisinsk senter, dessutan finansiering og risiko ved finansiering, tilrår ein at byggeprosjektet blir delt i 2 trinn; HS-bygg som trinn 1, sørfløy og ombyggingar i eksisterande Ål bu- og behandlingssenter som trinn 2. Vidare ser ein det som vanskeleg å oppretthalde drift og bufunksjonar ved Ål bu- og behandlingssenter ved å sette i gang byggeprosjekt to stader samstundes i området. 11
Rådmannen si innstilling: 1. Ål kommunestyre godkjenner forprosjekt Ål helsetun. 2. Ål kommunestyre ber administrasjonen starte opp detaljprosjektering med utgangspunkt i a) skisser alternativ 2, som ut som inneber kjøp og riving av eksisterande HSbygg, og bygg av eit nytt HS-bygg på same tomt b) framdriftsplan med byggestart juni 2014 c) innanfor anslått kostnadsramme 3. Det er ein føresetnad for vedtaket at ein i detaljprosjektfasen får på plass - Avtale med VVHF om kjøp/sal av HS-bygg - Leigeavtale mellom Ål kommune og VVHF - Avtale mellom Hallingdalskommunane om interkommunale døgnplassar ved VVHF - Avtaler om drift/vedlikehald/administrasjon av bygget mellom Ål kommune og VVHF 4. Ål kommunestyre ber om at saka kjem til kommunestyret som detaljprosjekt før utlysning av anbod. 5. Ål kommunestyre ber administrasjonen innarbeide anslått kostnadsramme i økonomiplanen 2014-2017. Underskrift Tone T Eidnes Rådmann Vedlegg til sak 12
13
14
46/13 Samarbeidsavtale mellom Ål kommune og Vestre Viken HF - revidert avtale Arkivsak-dokument: 13/01718-2 Arkivkode: --- G00 &01 Saksbehandler: Øystein Lappegard Saksgang Møtedato Saknr 1 Kommunestyret 2 Formannskapet 19.08.2013 46/13 Saka vert avgjort av: Kommunestyret Vedlegg: 1) Felles saksframlegg utarbeida av Kommunehelsesamarbeidet Vestre Viken. 2) Framlegg til Samarbeidsavtale mellom Ål kommune og Vestre Viken HF Dokument i saka: K-sak 106/11 Administrativ høyringsuttale frå Ål kommune datert 05.04.13 Saksopplysningar: Det er lovpålagt at kommunane og helseforetaka skal ha samarbeidsavtalar. Den fyrste overordna samarbeidsavtala vart vedteken i kommunestyret des. 2011. Kommunestyret vedtok då framlegget til samarbeidsavtale og delegerte til rådmannen å underskriva alle delavtaler som byggjer på den overordna samarbeidsavtala. Det er seinare inngått ei lokal samarbeidsavtale og 12 delavtaler som alle er behandla administrativt. Den overordna samarbeidsavtala og den lokale samarbeidsavtalen er no evaluert og vert foreslått samordna til ei ny avtale. Ein viser til vedlegg 1) Felles saksframlegg utarbeidd av Kommunehelsesamarbeidet Vestre Viken. Det går her fram kva som er bakgrunnen for dei endringar som no er gjort, prosessen med å koma fram til ny avtaletekst og hovudendringane i avtala. Ål kommune gav 05.04.13 ei administrativ høyringsuttale til dåverande avtaleutkast. Alle dei innspel som Ål kommune kom med, er no innarbeidd i avtaleteksten. Forhold til overordna plan: Det er ei lovpålagt plikt å ha samarbeidsavtale med helseforetaket, jmfr. Lov om helse og omsorgstenester 6-1. Det er også lovpålagt at denne skal handsamast av kommunestyret. Økonomiske konsekvensar: Det er ingen direkte økonomiske konsekvensar. 15
Vurdering: Arbeidsavtala har no ei form som synast formålstenleg. Det er i stor grad overlete til dei lokale samarbeidsutval både å bestemme samansetjinga av utvala og på kva slag måte arbeidet skal gjennomførast. Det vert understreka at dei lokale samarbeidsutvala skal vera vedtaksorgan der representantane for kommunane stiller med mynde til dette. Det er nyttig for kommunane å ha K-26 (Kommunehelsesamarbeidet i Vestre Viken). Dette gjev meir likeverdige prosessar og det sikrar den nødvendige koordineringa mellom kommunane. På den andre sida, når framlegga ligg føre med ein konsensus i alle førebuande organ, har det lite hensikt for ei kommune å byrja å endre på ordlyden i avtalen. Den bør derfor vedtakast som den er, eller forkastast. Rådmannen tilrår kommunestyret å vedta avtalen. Rådmannen tillet seg å endre noko på framlegget til vedtak frå K-26, men innhaldet står fast. For ordens skuld innarbeider også rådmannen det gamle vedtaket om delegering av mynde. Rådmannen si innstilling: 1. Ål kommunestyre vedtek revidert Samarbeidsavtale mellom Ål kommune og Vestre Viken HF. 2. Kommunestyret delegerer til rådmannen å inngå dei avtaler som kjem inn under den overordna samarbeidsavtala. Sektorutvalet for helse og sosial skal orienterast om slike avtaler. 3. Avtaler innan helse og sosial som vert gjort mellom helseforetaket og Ål kommune om organisering og økonomiske tilhøve utover rammene, skal leggjast fram for politisk behandling. Helse- og sosialsektoren 30.07.13 Tone Tveito Eidnes Rådmann Øystein Lappegard Kommuneoverlege Vedlegg til sak 16
47/13 Vidareutvikling Ål kulturhus - finansiering Arkivsak-dokument: 12/03748-11 Arkivkode: --- Saksbehandler: Thor-Olav Fjellhøy Saksgang Møtedato Saknr 1 Formannskapet 19.08.2013 47/13 2 Kommunestyret Saka vert avgjort av: Kommunestyret Vedlegg: Digital presentasjon av Landsdelscene for Dans inklusive budsjettoverslag blir sendt til politikarane pr. epost Dokument i saka: K-Sak 12/03748 Saksopplysningar: Det har over ein fireårsperiode vore jobba med vidareutvikling av Ål kulturhus. Politikarane i hovudutvalet, formannskapet og kommunestyret har i løpet av desse åra handsama fleire ulike moment knytt til saka. I møtet desember 2012 vedtok fleirtalet i kommunestyret at det skulle jobbast vidare med finansiering av prosjektet. Frå fyrste utkastet til innhald i utviklinga/utbyggjinga vart presentert i 2009 og fram til i dag har løysingane og behovet endra seg og blitt justert. Sidan utbyggingsprosjektet enno ikkje har starta opp, har Ål kommune no høve til å leggje til rette for dei løysingane i prosjektet som pr i dag best ivaretek dei lokale behova (areal for Ål kulturskule) og styrkjer grunnlaget for samarbeid med regionale og nasjonale aktørar. Hovudsatsing i prosjektet, slik det no vert presentert, er etablering av Landsdelsscene for Dans i eksisterande og nye areal i kulturhuset. Denne satsinga vil gje Ål kulturhus ei sentral rolle i det nasjonale dansemiljøet, i tråd med den satsinga på dans som Kulturdepartementet gjev føringar om i sitt strategidokument Dans i hele landet, og signal som ligg i Anne Engerutvalet sin rapport Kulturutredningen 2014. Interessa for dans har auka enormt dei siste åra, noko som behovet for elevplassar på dans i kulturskulen bekreftar. Nye danseareal knytt til Ål kulturhus vil løyse kommunen si utfordring med behovet for undervisnings- og produksjonsareal til Ål kulturskule, i tillegg til å opne for samarbeid med fleire dansemiljø frå heile Norge. Dei sterke røtene folkedansen har i Hallingdal og på Ål vil vere et viktig grunnlag i prosjektet og for val av løysingar knytt til dei nye areala. Ål kulturhus har sterke alliansar med sentrale nasjonale aktørar som utrykker stor vilje til eit framtidig samarbeid med ei landsdelsscene på Ål. 17
Ballettsjef ved Den Norske Nasjonalballetten, Ingrid Lorentzen, seier mellom anna følgjande:».. eg er utrulig spent på kva som kjem ut av den nye landsdelsscenen i Ål og gleder meg enormt til det samarbeidet!» Direktør Helge Skansen ved Riksscenen i Oslo uttaler: «..Vi ser helt klart at en landsdelsscene på Ål ville vært et fantastisk initiativ og en spennende samarbeidspart videre». I tillegg seier Skansen at Riksscenen treng fleire areal som kan nyttast til preproduksjonar (innøvingar) og at eit samarbeid med ei landsdelsscene på Ål er veldig aktuelt i samband med dette. Dette vil opne for leigeinntekter for landsdelsscena i kulturhuset. Dansegruppa FRIKAR har inngått ein intensjonsavtale om bruk av nye areal knytt til ei landsdelsscene i Ål kulturhus. Folkemusikkdagane vil vere ein aktiv aktør i utviklinga og bruken av dei nye areala. Det same gjeld andre lokale aktørar som t.d. Martin Myhr. Etter kommunestyrevedtaket i desember 2012 er det oppretta ei styringsgruppe som jobbar med delfinansiering av prosjektet. For at denne gruppa skal lukkast med å hente eksterne midlar til delfinansiering av utbygging og drift, er det avgjerande at Ål kommune har gjort vedtak om sin eigenandel i prosjektet. Likeeins er det ein føresetnad at styringsgruppa maktar å hente inn ekstern finansiering for at prosjektet skal kunne realiserast. Dette gjev ein «lav risiko» for Ål kommune i høve vedtaket om eigenandelen, sidan den eksterne delfinansieringa fyrst må på plass. Det vil bli søkt om midlar mellom anna frå Buskerud Fylkeskommune og Sparebankstiftelsen DNB NOR. Lokalt næringsliv i Hallingdal og andre private investorar vil også bli utfordra på å ta eigarskap i prosjektet. Utviklingssjef i Buskerud Fylkeskommune, Kjersti Bærug Hulbak, opplyser at fylkeskommunen er delegert tildelinga av offentlege spelemidlar til regionale og lokale kulturbygg. Vidare seier Hulbak om satsinga på ei landsdelsscene på Ål: «.. et så spennende prosjekt vil vi frå administrasjonen prioritere høyt.» Når det gjeld driftstilskot seier Hulbak: «.. fylkeskommunen har i alle andre sammenhenger hvor det både er statlig tilskudd og kommunale tilskudd, gitt fylkeskommunalt driftstilskudd..» Dette er kjernen i arbeidet som styringsgruppa for delfinansiering vil jobbe vidare med, forutsatt positivt vedtak om eigenandelen frå Ål kommune. Forhold til overordna plan: Økonomiplan 2010 2014 for Ål kommune Kulturplan 2010 2015 for Ål kommune Miljøkonsekvenser: Vidare satsing på kultur vil gje styrka helse, bulyst og skape vekst i kreative næringar. Helse-/miljø og beredskapstilhøve: Ingen kjende 18
Økonomiske konsekvensar: Investering: Investeringa må lånefinansierast. Investeringskostnad for utbygginga av Ål kulturhus er berekna til 35. mill eks. mva. Det er eit mål å hente inn ekstern delfinansiering tilsvarande 50 % av investeringskostnaden, der 15 millionar er frå Stat/Fylkeskommune og 2,5 millionar er frå offentlege og private fond + regionalt/lokalt næringsliv. Ål kommune sin eigenandel på investeringa er anslått til 17,5 millionar. Drift: Brutto driftsutgifter for dei nye areala og Landsdelsscene for dans er berekna til 1,8 mill kr. og driftsinntektene til 1,1 mill kr. Dette gjev eit netto resultat på auka driftsutgifter på kr. 750.000,- utan at kapitalkostander for låneopptaket er inkludert. Dette er midlar som kjem i tillegg til dei økonomiske rammene kulturhuset har pr i dag. Alternativet ved ikkje å byggje ut kulturhuset blir auka utgifter til andre løysingar for å dekkje arealbehova til Ål kulturskule. Vurdering: Dei politiske føringane som kjem frå kulturdepartementet og statlege politiske miljø om satsinga på dans, gjev vidareutviklingsprosjektet på Ål kulturhus eit strålande utgangspunkt for å lukkast. Satsinga på ei Landsdelsscene for dans vil vere i tråd med den nærmast eksplosive interessa for dans som har vokse fram dei siste åra. Fleire nasjonale aktørar som t.d. Den Norske Nasjonalballetten, Dansens Hus og Riksscenen har no i sterkare grad enn tidlegare fått tydelegare mandat i høve turneverksemd og samarbeid med andre aktørar rundt i landet. Det er difor viktig at Ål kjem på banen no med tanke på etableringa av ei landsdelsscene. Elles vil andre aktørar i landsdelen ta denne rolla innan kort tid. Dei sterke og gode relasjonane Ål kulturhus allereie har oppretta til desse nasjonale aktørane vil vere viktig for mogleg delfinansiering frå stat og fylkeskommune. Men det er 19
viktig at Ål kommune har vedteke sin eigenandel i prosjektet for at arbeidet med etablering og delfinansiering kan halde fram. Konseptet Landsdelsscene for dans vil innehalde ein kombinasjon av areal som er spesielt tilrettelagt for ulike danseutrykk (t.d. veggdans med FRIKAR) og produksjonsmiljø som skapar nye produksjonar i møte mellom ulike danseuttrykk. Eit døme kan vere ein nyproduksjon som blir utvikla gjennom ei periode med øvingsbolkar, for så å ha premiere under Folkemusikkveka. Her kjem samarbeidet med dei nasjonale aktørarene inn, både i høve det kunstnariske og i samband med finansieringa. Ål kommune må innan kort tid løyse Ål kulturskule sine behov for funksjonelle og egna areal til undervisninga for danseelevane. Med utbygging av kulturhuset og etableringa av Landsdelsscene for dans vil utfordringa med undervisningsareal også vere løyst. Det er også mange andre som vil kunne nytte dei nye areala i kulturhuset til si verksemd. Dette er brukarar/miljø som i dag i liten grad er faste aktørar knytta til kulturhuset. Særleg er målgruppa ungdom eit interessant segment i samband med dette. I tillegg vil dette prosjektet klart styrke Papirbredden Innovasjon sitt ynskje om samarbeid og næringsutvikling. Ål kulturhus har gjennom 20 år vore løfta fram som spydspiss i profileringa av Ål som kulturkommune og Hallingdal som kulturregion. Det er viktig at kulturhuset no kan ta steget vidare med nye tilbod og funksjonar som opprettheld huset sin rolle og posisjon lokalt, regionalt og nasjonalt. Rådmannen si innstilling: 1. Det blir arbeidd vidare med ekstern delfinansiering av utviklingsprosjektet Landsdelsscene for Dans i nye areal i Ål kulturhus. 2. Under føresetnad av at ekstern delfinansiering kjem på plass, løyver Ål kommune den resterande finansieringa av prosjektet innanfor ei øvre ramme på 19 millionar i 2014 2015. 3. Gjennom dette prosjektet løyser Ål kommune utfordringa med lokaler for Ål kulturskule. Tone Tveito Eidnes Rådmann Thor-Olav Fjellhøi Kulturhusleiar 20
48/13 Kvartalsrapport 2 kvartal 2013 Arkivsak-dokument: 13/01810-1 Arkivkode: 202 Saksbehandler: Morten Mastrup Saksgang Møtedato Saknr 1 Formannskapet 19.08.2013 48/13 Saka vert avgjort av: Formannskap Vedlegg: Kvartalsrapport for andre kvartal 2013 Dokument i saka: Underliggande styringsinformasjon frå system og personell. Kvartalsrapport frå alle budsjetteiningar. Kvartalsrapport frå IKS der Ål er vertskommune (Hallingdal Barnevernsteneste). Saksopplysningar: Ål kommune rapporterer kvartalsvis. Tre kvartalsrapporter og ein årsmelding i året. Forhold til overordna plan: Rapporten seier noko om styringa mot budsjett, mål, planar og vedtak.. Miljøkonsekvenser: I rapporten der det er relevant Helse-/miljø og beredskapstilhøve: I rapporten der det er relevant Økonomiske konsekvensar: God rapportering gjev grunnlag for god økonomistyring og handtering av avvik. Vurdering: Inntektene er i hovudsak i tråd med budsjett etter fyrste halvår. Utgiftene ligg samla sett for høgt i høve til budsjett. Skal budsjettramma for året halde må forbruket i siste halvår strammast inn. Dette gjeld serleg innkjøp og variabel løn. Førebels er det for tidleg å sjå alle resultat frå sparekatalogen, men tiltaka vert fylgd opp på alle budsjettområder. Nærare vurderingar og detaljar kjem fram i vedlagte kvartalsrapport. 21
Rådmannen si innstilling: Formannskapet tek kvartalsrapport for andre kvartal 2013 til orientering. Tone Tveito Eidnes Rådmann Morten Mastrup Økonomisjef Vedlegg til sak 22
49/13 Arbeidgjevarstrategi - personalforvaltning i Ål kommune Arkivsak-dokument: 13/01470-1 Arkivkode: 400 Saksbehandler: Unni Sørensen Saksgang Møtedato Saknr 1 Arbeidsmiljøutvalet 2 Formannskapet 19.08.2013 49/13 3 Kommunestyret Saka vert avgjort av: Kommunestyret. Vedlegg: Arbeidsgjevarstrategi / personalforvaltning Ål kommune Dokument i saka: Personalpolitikk for Ål kommune Saksopplysningar: Ål kommune har eit dokument som heiter Personalpolitikk for Ål kommune. Dokumentet skal no reviderast. Dokumentet har blitt noko mangelfullt då kommunen i seinare tid har laga rutinar som ikkje er ein del av dette. Det er difor som ein erstatning laga ei samling som er kalla Arbeidsgjevarstrategi/ personalforvaltning Ål kommune, der alt som gjeld dei tilsette er teke med. Samlinga har fått 17 dokument og vil vere sjølvstendige dokument som kan reviderast kvar for seg ved behov. Dette er berre ei strukturell endring for å samle alle dokument som gjeld dei tilsette. Det er ikkje gjort politiske endringar i nokon av dokumenta. I Personalpolitikk for Ål kommune hadde rådmann eit forord, det er teke ut. I Dokument 1. Verdigrunnlag, er ordlyden skrevet litt om, der har vi bl.a. teke inn dei nye grunnverdiane våre og i Dokument 5. Lønnspolitikk Ål kommune er ordlyden noko endra, for å gjere innhaldet meir informativt. Elles bare små justeringar. Denne samlinga vil erstatte dokumentet, Personalpolitikk for Ål kommune. Forhold til overordna plan: Kommuneplan Helse-/miljø og beredskapstilhøve: Viktig at alle finner det dei treng i ulike situasjonar, både tilsette og leiarar. Alle skal vere trygge på at arbeidsgjevar gjer det dei skal, slik at dei opplever at arbeidsmiljøet er helsefremjande. Økonomiske konsekvensar: Ingen 23
Vurdering: Det har gjennom seinare år blitt laga fleire nye rutinar i Ål kommune. Gjennom lov og avtaleverk er det krav om ulike rutinar og det er ein fordel at alt er å finne ein stad. Når det no var mykje som låg ulike plassar såg vi behov for å samle dette. Samlinga er laga for at dei tilsette, leiarar og andre lett skal finne det som gjeld for tilsette i Ål kommune. Samlinga vil liggje på intranett under Personaladministrasjon. Rådmannen si innstilling: Kommunestyret vedtek Arbeidsgjevarstrategi/ personalpolitikk Ål kommune. Dette vil erstatte dokumentet Personalpolitikk i Ål kommune, vedteke etter revisjon i K-sak 4/10. Tone Tveito Eidnes Rådmann Unni Sørensen Personalsjef AMU har behandla saka i møte 19.06.2013. AMU godkjennte rådmannen si innstilling. Vedlegg til sak 24
50/13 Politisk tema 25.06.2013 - Korps/korps i skulen Arkivsak-dokument: 13/01419-1 Arkivkode: --- C35 Saksbehandler: Hilde L. Bjørnsvik Saksgang Møtedato Saknr 1 Sektorutval for kultur og oppvekst 25.06.2013 28/13 2 Formannskapet 19.08.2013 50/13 Saka vert avgjort av: Sektorutval for kultur og oppvekst Vedlegg: Sakspapir til Oppretting av skulekorps i Gol, Gol kommune Dokument i saka: Ingen Saksopplysningar: Ynskje om å starte korps er eit tilbakevendande tema i Ål. Administrasjonen slår fast at Ål kulturskule spelar ei avgjerande rolle i eit slik utviklingsprosjekt. På strategikonferansen til Suko i april 2012, presenterte Eilif Gundersen skisse til «Korps i skulen». Oppvekstsjefen var skeptisk til å dra inn endå eit nytt prosjekt i skulene i Ål. Hausten 2012 kom Sparekatalogen, som sette ein brems på nye tiltak. 17 mai-nemnda i Ål sendte brev til Ål kommune, datert 27.04.13. Dette brevet vart lagt fram for Suko-politikarane til møtet i mai 2013. Drøftingane konkluderte med at politikarane bad om vidare dialog med rektor for Ål kulturskule. I møtet 25.06.13 kjem rektor Iris Almås Tangeraas. Forhold til overordna plan: Kulturplan for Ål 2010-2015 har ingen målsetnad om å styrke denne delen av kulturlivet. Kap 3.2: Musikklivet i Ål femnar om fleire kor og korps, folkemusikk og -dans. Miljøkonsekvenser: Samspel er ein god måte å sosialisere på. Helse-/miljø og beredskapstilhøve: Ingen Økonomiske konsekvensar: Sjå vedlegg, saksutgreiing frå Gol kommune Vurdering: Innføringa av «Kulturskuletimen» frå 1.-4. trinn, gjev nye høve for å innføre korps i skulen. Innhaldet i timen for kommande skuleår (2013/14) er allereide fastlagt. 25
Viss korpsopplæringa skal gjennomførast i skuletid, kan me ikkje ha eigenandel på opplæringa. Skulestrukturen i Ål vil gjera gjennomføringa dyr. Skal lærarane reise rundt til alle barneskulane eller skal elevane transporterast til Ål kulturhus? Eldsjeler og entusiastiske vaksne som kan bidra. Korpsmiljø som tek over elevane etter at dei har gjennomført «Korps i skulen». I dag har ikkje Ål kulturskule korkje økonomi eller kompetanse til å undervise korps. Kommande Sparekatalog for 2014 vil synleggjera at etablerte tiltak må vekk, viss nye tiltak skal inn. Rådmannen si innstilling: Ingen Tone Tveito Eidnes Rådmann Hilde L. Bjørnsvik Kultursjef Vedlegg til sak Sektorutval for kultur og oppvekst har behandlet saken i møte 25.06.2013 sak 28/13 Behandling Rektor i kulturskulen Iris Almås Tangeraas orienterte om prosjektet «Korps i skulen» som er prøva ut i andre kommunar i Hallingdal. Formannskapet ba i møtet 10. juni om å få ei sak der «Korps i skulen» blir utgreidd før budsjetthandsaminga hausten 2013. Framlegg til vedtak frå Stein Olav Romslo (V): 1. SUKO ynskjer i fyrste omgang å prioritere dei kulturtilboda som me har og veit fungerer godt, og slik den økonomiske situasjonen er i Ål i dag, ser ein det ikkje som aktuelt å greie ut dette prosjektet vidare. 2. SUKO ber om at denne saka går til formannskapet. Votering Samrøystes. Vedtak 26
1. SUKO ynskjer i fyrste omgang å prioritere dei kulturtilboda som me har og veit fungerer godt, og slik den økonomiske situasjonen er i Ål i dag, ser ein ikkje det som aktuelt å greie ut dette prosjektet vidare. 2. SUKO ber om at denne saka går til formannskapet. 27
51/13 Finansiering Kolbotn bustadfelt, del 2 Arkivsak-dokument: 13/00541-29 Arkivkode: ID 2013001 Saksbehandler: Berit Heitmann Saksgang Møtedato Saknr 1 Formannskapet 19.08.2013 51/13 2 Kommunestyret Saka vert avgjort av: Ål kommunestyre Dokument i saka: Anbodsdokument Innkomne tilbod på arbeidet med utbygging av Kolbotn bustadfelt, del 2, datert 27.06.2013 Saksopplysningar: Ål kommune har i budsjett sett av kr 8,0 millionar inkl mva til utbygging av Kolbotn bustadfelt, del 2. Det er mål å starte utbygginga av feltet i august 2013 og ha byggjeklare tomter i april 2014. Arbeidet har kome så langt: - Ny reguleringsplan er utarbeidd status: ute på offentleg ettersyn. - Området er detaljprosjektert, anbodsprosess, innkomne tilbod. - Kontrakt er underskrive med entreprenør. Arbeid i tilbodet er trekt ut for å kome under budsjettsum. Utbygging av Kolbotn bustadfelt, del 2, basert på lågaste tilbod, kjem på kr 12 015 000 inkl mva. Dette er inkludert alt som prosjektet inneheld. Då er også eige arbeid og kommunale handsamingsgebyr teke med. Det er til saman planlagt 30 tomter dvs ein gjennomsnittleg kostnad pr tomt på kr 400 500. Rådmann har sett på moglege fråtrekk i budsjett for å kome innanfor budsjett: Arbeid kr u mva Kr Inkl mva Asfaltering Kr 602.045 Kr 752.556 Gang og sykkelveg til Prestelie Kr 225.620 Kr 282.025 Leikeplass kr 426.713 Kr 533.391 Moglege fråtrekk i kontrakt med kr 1.254.378 kr 1.567.973 entreprenør: Ljospunkt (33 stk) kr 475.200 kr 594.000 Moglege fråtrekk totalt: kr 1.729.578 kr 2.161.972 Rådmann har inngått kontrakt med entreprenør på kr 5.797.300 eks mva for å kome innanfor budsjett. 28
Forhold til overordna plan: Det er ein godkjent reguleringsplan for området: Reguleringsplan for Kolbotnområdet, plid 1998003. Ny justert plan for området ligg ute til offentleg ettersyn, plid 2013001. Miljøkonsekvenser: Ikkje vurdert i denne saka. Helse-/miljø og beredskapstilhøve: Ikkje vurdert i denne saka. Økonomiske konsekvensar: For å fullfinansiere prosjektet manglar kr 4 015 008 inkl mva. Mogleg restfinansiering: Det står att kr 1,0 mill på prosjekt Gunnarhaugen. I tillegg er det gitt tilsagn om kr 1,4 mill i midlar til trafikktryggleik for prosjektet. Dette utgjer totalt kr 2,4 mill. Jf. regelendringar innan mva kompensasjon skal 80 % av mva-midlane tilbakeførast til investeringsrekneskapen i 2013 og 100 % i 2014. Midlane går til kapitalfond,og kan løyvast derfrå. Vurdering: For å kome i nærleiken av budsjett er prosjektet strippa for alle positive synlege element. Dersom feltet vert utbygd utan desse elementa, vert feltet eit mindre attraktivt buområde. Veg og gatenett vil ikkje fungere utan asfalt og ljos. Leikeplassen er eit viktig sosialt samlingspunkt for Kolbotn del 1, del 2 og for Prestlie. Det er synd om dette området fell bort i utbygginga, særleg når to av områda alt er utbygde. Gangvegen til Prestlie er også positiv for området. Opparbeiding av bustadtomter er høgt prioritert i kommunen. Difor tilrår rådmann omdisponering av innsparte midlar frå Gunnarhaugen og bruk av kapitalfond (refunderte mva-midlar) for å fullfinansiere prosjektet. Rådmannen si innstilling: Ål kommunestyre godkjenner at tilsaman kr 2,4 millionar av midlar frå prosjekt 049 kommunale bustadfelt, vert omdisponert til prosjekt 076 Kolbotn bustadfelt del 2. Vidare at kr 1,7 millionar vert teke frå kapitalfond (delar av det prosjektet får attende i mva-refusjon) til prosjekt Kolbotn, del 2. Det er då totalt løyvd kr 12,1 millionar til prosjekt 076 Kolbotn bustadfelt, del 2, fordelt på perioden 2013-14, slik at prosjektet kan gjennomførast fullt ut. Tone Tveito Eidnes Rådmann Reidun Aaker Drift/utviklingssjef 29
52/13 Forslag til endring av forskrift om næringsavfall Arkivsak-dokument: 13/01452-5 Arkivkode: --- M50 Saksbehandler: Øystein Tårneby Saksgang Møtedato Saknr 1 Sektorutval for teknisk, næring og ressurs 25.06.2013 57/13 2 Formannskapet 19.08.2013 52/13 3 Kommunestyret Saka vert avgjort av: Kommunestyret Vedlegg: Ny og endra «Forskrift om innkrevjing av gebyr for tilsyn med eigar av næringsavfall, Ål kommune, Buskerud Dokument i saka: E-post frå Hallingdal renovasjon iks Saksopplysningar: Ål kommune har den 31.10.12 motteke ein e-post frå Hallingdal renovasjon iks der dei kjem med forslag til gjera ei lita endring/ tillegg i «forskrift om innkreving av gebyr for tilsyn med besitter av næringsavfall». Det vart laga eit forslag til saksframstilling i e-posten, og dette forslaget har administrasjonen nytta seg av. Forskriftsendringa har vore ute på elektronisk høyring med høyringsfrist 15. juni. Kommunen har ikkje motteke uttaler til endringsforslaget. Resten av saksopplysningane er tekst skrivi av Hallingdal renovasjon, men oversett til nynorsk:: Då det viser seg at mykje av tida som vert brukt ved tilsyn med eigar av næringsavfall vert nytta til å kartlegge og innhente opplysningar om føretaka, kjem Hallingdal renovasjon med forslag om å gjera ei endring i dei lokale forskriftene. Dette for å kunne fordele kostnadane ved tilsynsordninga på ein meir rettferdig måte. Slik det fungerer i dag er det berre dei som får fysisk tilsynsbesøk som betaler gebyr. Dersom dette gebyret skal dekke kostnadane ved tilsynsordninga, vil dei verte svært høge for det enkelte føretaket. Tilsynet vert i dag utført på følgjande måte: Det vert henta inn opplysningar om føretaka frå Brønnøysundregistra. For Hemsedal utgjorde dette opplysningar av i overkant 800 føretak. På grunn av at mange av føretaka ikkje hadde nokon aktivitet vart der for Nes bestilt rapport over føretak som hadde momsrekneskap. Dette galdt der ca. 420 føretak. Med bakgrunn i listene over føretak vert det sendt ut brev med informasjon om tilsynsordninga. Det er i brevet lagt ved svarskjema der føretaka må fylle ut kva type verksemd dei driv, og korleis dei handterer avfallet/ dokumentere levert avfall føregåande år. Omtrent halvparten av føretake i Hemsedal svara ved å sende inn 30
svarskjemaet. I Nes svara ca. to tredjedelar. Dette kan forklarast med at det i Nes vart sendt ut skjema til firma med momsrekneskap. Fysiske tilsyn er ført hjå føretak som ikkje har sendt inn svarskjema, eller føretak der svarskjema avslørar/ indikerer at avfall ikkje blir handtert slik det skal. Etter tilsynet vert det utarbeidd ein tilsynsrapport som skal sendast til føretaket saman med rekning for tilsynet (2 timar a kr 750,- + mva.) I rettleiing om berekning av kommunale avfallsgebyr sendt alle kommunar i landet står det følgjande: I veileder om beregning av kommunale avfallsgebyr sendt alle landets kommuner står følgende: For å sørge for at kommunen ikke påføres økte kostnader som følge av arbeidet med å føre tilsyn med besitter av næringsavfall, delegeres kommunen myndighet til å fastsette forskrift om gebyr etter lovens 52a. Gebyr etter denne bestemmelsen vil være et kontrollgebyr, dvs. et gebyr som skal dekke utgiftene knyttet til arbeidet med å føre kontroll, ikke et straffegebyr med formål å avbøte påvist mislighold. Kommunen kan ikke pålegge kontrollobjektet å betale slikt kontrollgebyr uten at dette er fastsatt i en kommunal forskrift. Gjenstand for betaling av gebyr fastsatt etter forskrift med hjemmel i 52a vil være den enkelte som faktisk blir kontrollert. Det vil således ikke være anledning for kommunen til å kreve et generelt gebyr av enhver som er i besittelse av næringsavfall uavhengig av kontrollvirksomheten. Satsen(e) på gebyret skal settes slik at gebyrene samlet ikke overstiger kommunens kostnader ved kontrollordningen, se forurensningslovens 52a første ledd første punktum. Lokal forskrift om innkrevjing av gebyr for tilsyn med eigar av næringsavfall (heretter gebyrforskriften) seier om innkrevjing av gebyret: 5: I etterkant av tilsynet, som skal dokumenteres gjennom en tilsynsrapport, vil virksomheten motta underretning fra kommunen om gjeldende gebyrsats for tilsynet. Gebyret forfaller til betaling 30 dager etter at virksomheten har mottatt skriftlig varsel om betaling. Ein vesentleg del av tidsbruken i tilsynsordninga går med til å hente inne opplysningar om bedriftene samt å sende ut brev og sortere opplysningar om føretaka. Derfor bør også dokumenttilsyn verte innlemma i gebyrforskrifta. Det kan avdekkast uregelmessigheter ved avfallshandteringa til føretaka utan at ein er på fysisk tilsynsbesøk. Hallingdal renovasjon har spurt Fylkesmannen si juridiske avdeling om det kan ileggjast gebyr for dokumenttilsyn etter gjeldande forskrift. Fylkesmannen svarar at gjeldande forskrift må endrast for å skape heimel for å ta gebyr utan å gjennomføre fysisk tilsyn. Forhold til overordna plan: Ikkje relevant Miljøkonsekvenser: Ikkje relevant Helse-/miljø og beredskapstilhøve: Ikkje relevant Økonomiske konsekvensar: For kommunen har dette ikkje nokon økonomisk konsekvens. Vurdering: 31
(Vurdering er skrivi av Hallingdal renovasjon, men oversett til nynorsk) Ved å inkludere dokumenttilsyn i gjeldande forskrift vil følgjande prosedyre kunne verte nytta: Utplukking etter register i Brønnøysundregistra momspliktige selskap: 1. Utsending av brev til alle med krav om å svara på rapport og leggje ved dokumentasjon på levert avfall føregåande år - varsel om å at alle må betala for 1 time, f.t. kr 750,-. a. Dei som ikkje svarar får purring og med purregebyr på kr 150,-. Varsel om uvarsla tilsyn. b. Dei som ikkje svarar på purring vert sett på liste, og får fysisk uvarsla tilsyn, samt ytterlegare kr 750,- i gebyr. 2. Alle får tilsendt statusrapport/ stadfesting på gitt informasjon med kommentarar saman med faktura. 3. Ordninga gjev meir likskap fordi alle deltek i det førebyggjande tilsynet. Dei som ikkje følgjer opp krav om innsending av rapportar og dokumentasjon får fysisk tilsyn og høgare kostnader. 4. Det bør verte sendt ut brev til ca. 750 bedrifter i året og gjennomført 50 60 tilsyn. 5. Gjennomføring av uvarsla tilsyn om gjev meir fleksibilitet i forhold til gjennomføring og tid. 6. Prosedyren gjev Hallingdal renovasjon muligheit til å gjera meir i forhold til saker som dukkar opp og eventuelt følgje opp større/ spesielle bedrifter. Hallingdal Renovasjon IKS meiner at ei endring av gjeldande forskrift vil føre til at tilsynsordninga kan utførast meir fleksibelt, og at den i større grad vil verte sjølvfinansierande. Rådmannen si innstilling: Endringsforslaget frå Hallingdal Renovasjon IKS vert vedteke. Tilsynet som Hallingdal Renovasjon IKS gjer kan og gjennomførast som eit dokumenttilsyn, og det kan også krevjast gebyr for dette. Endringa kjem også fram i vedlegget. Ål, 13. juni 2013 Tone Tveito Eidnes Rådmann Reidun Aaker Drift/utviklingssjef 32