ARBEIDSUTVALET I VILLREINNEMNDA Telefonmøte

MØTEBOK UTVAL: MØTESTAD: DATO: 28.01.2013 TIDSPUNKT: 10:00 11:15 ARBEIDSUTVALET I VILLREINNEMNDA Telefonmøte FASTE MEDLEMMAR TILSTADES: Margit Smeland Leiar ÅMLI Ola Sukka Nestleiar SULDAL Anne Helen Jupskås Medlem TOKKE Oddmund Ljosland Medlem ÅSERAL FASTE MEDLEMMAR IKKJE TILSTADES: Olav Tveita Medlem ODDA Leif Roholdt Medlem KVITESEID VARAMEDLEMMAR: -- FRÅ ADMINISTRASJONEN: Jørn Haug Sekretær MERKNADAR TIL SAKSLISTE/INNKALLING: Ingen merknadar. Åseral, 29. januar 2013 for Arbeidsutvalet i villreinnemnda

SAKLISTE Utvalsnr.: Innhald: Lukka: PS 13/1 PS 13/2 PS 13/3 PS 13/4 PS 13/5 PS 13/6 PS 13/7 Referatsaker Køyring av skiløyper Gullingen - Skjepadalen, Reinsheia. Suldal kommune. Uttale Søknad om oppføring av gjetarhytte gnr. 2, bnr. 3 Forgard, Åseral kommune. Uttale Drøftingsak - handtering av areaplansaker i Bjørnevatnområdet, Valle kommune Deltaking i styringsgruppa for nytt villreinprosjekt i Setesdal Ryfylke Møteplan for villreinnemnd og arbeidsutval første halvår 2013 Kommuneplan for Kvinesdal, arealdelen varsel om oppstart og høyring av planprogram. Uttale Ettersendt sak

KØYRING AV SKILØYPER GULLINGEN - SKJEPADALEN, REINSHEIA. SULDAL KOMMUNE. UTTALE ARKIVKODE: SAKSNR.: SAKSHANDSAMAR: SIGN.: K01 2013/22 Jørn Trygve Haug UTV.SAKSNR.: UTVAL: MØTEDATO: 13/2 Arbeidsutvalet i villreinnemnda 28.01.2013 Vedlegg: 1 SKILØYPEKJØRING GULLINGEN - SKJEPADALANE, REINSHEIA. FORMELL AVKLARING 2 Kart som viser trase Bakgrunn: Saka gjeld brev frå Suldal kommune der dei ønskjer uttale til ei formell avklaring av Gullspor AS si løypekøyring på anleggsvegen frå Gullingen til Skjerpadalane. Konkret gjeld det til der ein ser ned mot Gåringsmoen, samt over Reinsheia frå Hauastølen Vindvodl Gullingen. Sjå vedlegg 1-2. Dette er trasear som er køyrd i fleire år men utan at det er søkt om ei formell avklaring av denne aktiviteten. Administrasjonen i Suldal kommune foreslår at løypekøyringa held fram som tidlegare. Vidare at det vert gjort ein eigen avtale med SNO der dei gir melding om det vert observert reinsdyr som nærmar seg. I så fall vert løypekøyringa innstilt. SNO skal vera positive til ei slik løysing. Det vert opplyst at ei tilsvarande ordning gjeld for området Hovden Sloaros. I Heiplanen ligg aktuelle område delvis som nasjonalt villreinområde og delvis som omsynssone villrein. I Heiplanen vert det lagt opp til at eksisterande løyper kan oppretthaldast men skal vurderast i forhold til periodevis stenging for å ta omsyn til villreinen sin bruk av området. Vidare at etablering og drift av løyper skal fastsettast i kommunale sti- og løypeplanar. Denne type planar er ikkje utarbeida i Suldal kommune. Vurdering: Villreinen har i liten grad nytta dei aktuelle områda dei siste åra. Går ein nokre år tilbake har områda i første rekke vore nytta av bukk. I tillegg har det ein funksjon som vinterbeite i år med vanskelege beitetilhøve i dei meir sentrale delane lenger aust. Sjølv om område vert lite nytta i dag er det viktig at dette vert vurdert i eit langsiktig perspektiv. På sikt kan til dømes endra stammestorleik og avbøtande tiltak lenger aust for å betre trekkmoglegheitene endre bilete. Utarbeiding av kommunale sti- og løypeplanar er eit viktig verktøy for å styre ferdsla til område som er lite konfliktfylte i forhold til villrein. Kommunen bør difor sette i gang eit slikt arbeid. Ved utarbeiding av slike planar vil det vera viktig å ta med relativt store areal slik at områda vert vurdert i samanheng. I denne saka vert det lagt opp til at løypekøyringa vert stoppa ved observasjon av villrein som nærmar seg. Dette er positivt. Samstundes stiller det store krav til at SNO mfl. til ei kvar tid veit kor villreinen er på veg og at dette vert effektivt kommunisert til ansvarlege for løypekøyringa.

Framlegg til uttale: Villreinnemnda vil oppmoda kommunen til å sette i gang arbeidet med kommunal sti- og løypeplan slik at ferdsel kan styrast til område som er lite konfliktfylte i forhold til villrein. For inneverande sesong bør løypekøyringa kunne halda fram som tidlegare, men der den vert stoppa om det vert observert villrein som nærmar seg. Rutinane for ei slik ordning må avtalast med SNO. Saksprotokoll i Arbeidsutvalet i villreinnemnda - 28.01.2013 Framlegg til uttale vart samrøystes vedteke. Uttale: Villreinnemnda vil oppmoda kommunen til å sette i gang arbeidet med kommunal sti- og løypeplan slik at ferdsel kan styrast til område som er lite konfliktfylte i forhold til villrein. For inneverande sesong bør løypekøyringa kunne halda fram som tidlegare, men der den vert stoppa om det vert observert villrein som nærmar seg. Rutinane for ei slik ordning må avtalast med SNO. Kopi til: Suldal kommune. Eidsvegen 7. 4230 SAND

SØKNAD OM OPPFØRING AV GJETARHYTTE GNR. 2, BNR. 3 FORGARD, ÅSERAL KOMMUNE. UTTALE ARKIVKODE: SAKSNR.: SAKSHANDSAMAR: SIGN.: L10 2013/49 Jørn Trygve Haug UTV.SAKSNR.: UTVAL: MØTEDATO: 13/3 Arbeidsutvalet i villreinnemnda 28.01.2013 Vedlegg: 1 2 Søknad 2 3 Kart 3 4 Tegninger 4 5 Avtale om plassering 5 6 Kontrakt Bakgrunn: Villreinnemnda har motteke søknad om oppføring av gjetarhytte på gnr 2, bnr. 3 Forgard til uttale. Gjetarhytta skal plasserast nord for Krokåna på vestsida av Nåvatn, og skal nyttast i samband med ettersyn og sanking av sau i drifteheia Forgard og Åsland. Det er Kyrkjebygd drifteheia v/reinert Grønning som er søker. I dag nytter laget ei gjetarhytte v/lonebru på austsida av Nåvatn med plass til 6-7 personar. Storleiken på hytta er snaue 80 m 2 bygd areal. Sjå søknaden som ligg ved. Aktuell plassering ligg i verneområdet SVR og saka skal deifor handsamast både etter verneforskrift og kommuneplanen for Åseral. I Heiplanen (ikkje endeleg godkjend) har området status som nasjonalt villreinområde. Vurdering: Sidan saka gjeld gjetarhytte lokalisert i Åseral vert saka lagt fram for arbeidsutvalet utan vurdering og framlegg til uttale. Dette i tråd med vedtak i villreinnemnda 15. november 2012. Framlegg til uttale: Saksprotokoll i Arbeidsutvalet i villreinnemnda - 28.01.2013 Samrøystes uttale: Saka vert utsett til vårmøtet i villreinnemnda 3.-4. april 2013.

Uttale: Saka vert utsett til vårmøtet i villreinnemnda 3.-4. april 2013. Kopi til: Åseral kommune. 4540 ÅSERAL Verneområdestyret SVR, 4747 VALLE

HANDTERING AV AREAPLANSAKER I BJØRNEVATNOMRÅDET, VALLE KOMMUNE ARKIVKODE: SAKSNR.: SAKSHANDSAMAR: SIGN.: 000 2012/660 Jørn Trygve Haug UTV.SAKSNR.: UTVAL: MØTEDATO: 13/4 Arbeidsutvalet i villreinnemnda 28.01.2013 Bakgrunn: I Bjørnevatnområdet ligg det inne ei monaleg mengde nye hytteeiningar jfr. vedteken kommunedelplan. Samstundes veit vi at det i området er viktige villreintrekk som vert nytta til relativt faste tider på året. Det avslutta GPS-prosjektet ga oss mye nyttig kunnskap om dette. Villreinnemnda har motteke fleire dispensasjonssaker til uttale i dette området. Så langt har dette vore mindre tiltak på eksisterande fritidsbustader. Jamfør administrasjonen i Valle kommune vil det kome fleire i tida framover. Eit spørsmål i denne samanheng er i kva grad villreinnemnda skal engasjere seg i desse enkeltsakene. Sekretær ser trong for ei drøfting av korleis arbeidsutvalet skal handtera saker i Bjørnevatnområdet. Frå administrasjonen i Valle kommune er det og ytra ønskje om eit «avklaringsmøte» med omsyn til handtering av desse sakene. Vurdering: Arbeidsutvalet må ha ein medviten haldning til handtering av saker i Bjørnevatnområdet. Samstundes er det viktig at villreinnemnd og arbeidsutval engasjerer seg i dei «rette» sakene. Området ved Bjørnevatn er utfordrande i den forstand at et det er viktige villreininteresser her, samtidig som det er godkjende planar om vidare hytteutbygging. Når det gjeld dispensasjonar for mindre tiltak (tilbygg mv) på eksisterande hytter er desse kvar for seg av mindre betydning for villreininteressene. Samstundes kan det tenkjast at summen av ulike tiltak kan gi negative effektar for villreintrekk gjennom området. Eit avklaringsmøte med Valle kommune vil vera nyttig. Aktuelle tema for eit slik møte kan vera: Heiplanen kva føringar ligg i denne? Status vedkomande godkjende arealplanar for området Kva kunnskap har vi om området sin viktigheit for villreinen evt. trong for ny kunnskap? Korleis kan det leggast til rette for vidare utbygging i området, i tråd med gjeldande planar, men utan at det går ut over villreininteressene? Styring av ferdsel gjennom sti- og løypeplanar Villreinnemnda si rolle/oppfølging av plan- og byggesaker i området kva type saker bør sendast på høyring til nemnda?

Framlegg til vedtak Sekretær tek kontakt med Valle kommune for å avtale møte. Leiar, lokal nemndsmedlem og sekretær deltek. Saksprotokoll i Arbeidsutvalet i villreinnemnda - 28.01.2013 Framlegg til vedtak vart samrøystes vedteke. Vedtak: Sekretær tek kontakt med Valle kommune for å avtale møte. Leiar, lokal nemndsmedlem og sekretær deltek. Kopi til: Valle kommune, 4747 VALLE

DELTAKING I STYRINGSGRUPPA FOR NYTT VILLREINPROSJEKT I SETESDAL RYFYLKE ARKIVKODE: SAKSNR.: SAKSHANDSAMAR: SIGN.: K42 2013/50 Jørn Trygve Haug UTV.SAKSNR.: UTVAL: MØTEDATO: 13/5 Arbeidsutvalet i villreinnemnda 28.01.2013 Vedlegg: 1 Invitasjon oppstartsmøte 29.01.13. signert_2 Bakgrunn: Villreinnemnda har tidlegare takka ja til deltaking i nemnde prosjekt. 29.1.2013 vert det halden eit oppstartsseminar for prosjektet. Sjå brev i vedlegg 1. Nestleiar og/eller sekretær møter for villreinnemnda denne dagen. Hovudføremålet med seminaret er oppnemning av ei styringsgruppa for prosjektet. Det er her foreslått at villreinnemnda skal ha ein representant i styringsgruppa. Sekretær går ut i frå at arbeidsutvalet er kjend med prosjektet frå tidlegare. Dette vert difor ikkje omtala nærmare Framlegg til vedtak Som deltakar i styringsgruppa vel arbeidsutvalet: Saksprotokoll i Arbeidsutvalet i villreinnemnda - 28.01.2013 Samrøystes vedtak: Som deltakar i styringsgruppa vel arbeidsutvalet: Leiar. Sekretær deltek viss det er trong for det. Vedtak: Som deltakar i styringsgruppa vel arbeidsutvalet: Leiar. Sekretær deltek viss det er trong for det.

MØTEPLAN FOR VILLREINNEMND OG ARBEIDSUTVAL FØRSTE HALVÅR 2013 ARKIVKODE: SAKSNR.: SAKSHANDSAMAR: SIGN.: 000 2012/660 Jørn Trygve Haug UTV.SAKSNR.: UTVAL: MØTEDATO: 13/6 Arbeidsutvalet i villreinnemnda 28.01.2013 Bakgrunn: Det er tid for å sjå på møteplan for villreinnemnd og arbeidsutval. Nokre viktige datoar i den samanheng er: 1. mai frist for godkjenning av fellingskvoter for komande jaktsesong 15 juni frist for godkjenning av nye vald. Søknadsfrist er 15. mai Det er tradisjon for ei samkøyring med møteaktivitet i villreinlagene. Det kan i den samanheng opplysast at Våmur Roan tek sikte på å halda sitt årsmøte i siste halvdel av februar/første halvdel av mars. Dei andre laga er og førespurt men ser ikkje ut til å ha fastsett dette nærmare. Stad for vårmøtet vart diskutert på sist møte i villreinnemnda. Ut i frå dette er Sand i Suldal ein aktuell møteplass. Framlegg til vedtak Møteplan første halvår 2013 vert som følgjer: Villreinnemnda 3. 4. april. Eventuelt 10. 11. april Arbeidsutvalet Torsdag 7. mars. I tillegg til møtet i forkant av vårmøtet i villreinnemnda. Vårmøtet vert halden i:

Saksprotokoll i Arbeidsutvalet i villreinnemnda - 28.01.2013 Samrøystes vedtak: Møteplan første halvår 2013 vert som følgjer: Villreinnemnda 3. 4. april. Eventuelt 10. 11. april Arbeidsutvalet Torsdag 7. mars. I tillegg til møtet i forkant av vårmøtet i villreinnemnda. Vårmøtet vert halden i: Bykle hotell Vedtak: Møteplan første halvår 2013 vert som følgjer: Villreinnemnda 3. 4. april. Arbeidsutvalet Torsdag 7. mars. I tillegg til møtet i forkant av vårmøtet i villreinnemnda. Vårmøtet vert halden: Bykle hotell.

KOMMUNEPLAN FOR KVINESDAL, AREALDELEN - VARSEL OM OPPSTART OG HØYRING AV PLANPROGRAM. UTTALE ARKIVKODE: SAKSNR.: SAKSHANDSAMAR: SIGN.: L10 2012/712 Jørn Trygve Haug UTV.SAKSNR.: UTVAL: MØTEDATO: 13/7 Arbeidsutvalet i villreinnemnda 28.01.2013 Vedlegg: 1 Varsel om planoppstart og høring av planprogram - Kommuneplanens arealdel 2 Kommuneplanens arealdel 2013-2025 - Forslag til planprogram Bakgrunn: Kvinesdal kommune har varsla oppstart av arbeidet med revidering av arealdelen av kommuneplanen. Det er utarbeida eiget planprogram for planarbeidet. Sjå vedlegg 1-2. Frist for uttale er sett til 6.2.2013. Gjeldande kommuneplan vart vedteken i 2006. For fleire område er det utarbeida eigne kommunedelplanar. Mellom anna gjeld dette området Knaben. Kommunedelplanane skal ikkje reviderast i denne omgang. Kommunen har vald ut fire hovudtema ved revideringa av arealdelen: Bustadutvikling Hytteutvikling Næringsutvikling Folkehelse Tema hytteutvikling er i planprogrammet omtala på følgjande vis: «Kvinesdal ønsker å styrke sin rolle som hyttekommune. Kommunen har fleire sentrale områder som er attraktive som hytteområder og da særlig nord i kommunen. Heiplanen som er under behandling, åpner for en ny bruk i områdene opp mot villreinen sine leveområde. Kommunen ønsker å føre en politikk som legger til rette for spredt hyttebygging.» Lokal nemndsmedlem og sekretær var i møte med administrasjonen i kommunen 22.1.2013. Frå drøftingane i møtet bør særleg nemnast: Det er forventa ein god del innspel på nye utbyggingsområde for hytter, ikkje minst i nordleg del av kommunen. Det er lagt opp til at dette vert som byggeområde, ikkje som punktlokalisering (spreidd utbygging). Det er eit monaleg potensiale for hytteutbygging i gjeldande planar. Til dømes er det i området Knaben godkjend om lag 500 nye einingar I dag er det bygd 200-250 i dette området. Det vart i den samanheng opplyst at det i 2012 vart bygd 10 nye hytter i kommunen. Utarbeiding av sti- og løypeplan skal inngå i kommuneplanarbeidet.

Status for villreinen sin bruk av heiområda i Kvinesdal. Dei nordlege heiområda i kommunen har tradisjonelt vore nytta som vinterbeite samt sommarbeite for bukk. I tillegg har områda ein funksjon i år med nedising av meir sentrale vinterbeite. Som i mange andre randområde har det vore observert lite dyr dei siste 10-15 åra. Årsaka er truleg samansett. Liten stammestorleik totalt sett, samt moglege barriereeffektar lenger nord i heia kan vera ein del av forklaringa. Vurdering: Lokalisering av nye hytteområde samt styring av ferdsel knytt til desse vil vera av særleg interesse for villreinnemnda i det vidare planarbeidet. Planprogrammet er lite konkret på kor det er ønskjeleg å legge til rette for ny utbygging og kva kriteria som skal leggast til grunn ved vurdering av innspel om dette. Merknad frå villreinnemnda vert av den grunn av generell karakter. Når det gjeld nye utbyggingsområde for hytter legg villreinnemnda til grunn at desse vert lokalisert i tråd med føringar gjeven i Heiplanen (ikkje formelt godkjend). Eit viktig prinsipp i denne er at utbyggingsplanar for hytter og skal omfatte planar for styring av ferdsla ut frå hytteområda, og at ferdsla vert styra til område der det er liten konflikt i forhold til villrein. Det er såleis positivt at kommunen legg opp til utarbeiding av sti- og løypeplan som ein del av kommuneplanarbeidet. I eit slik arbeid bør ein ta for seg ferdsel både frå eksisterande og nye utbyggingsområde. Framtidig arealbruk i område kring Nesjene har vore mykje diskutert i samband med Heiplanarbeidet. Om hytteutbygging i området sør for Nesjene (bygdeutviklingssone jfr. Heiplanenen) vert aktualisert er villreinnemnda særleg oppteken av at ferdsel ut frå hytteområda vert styrt vekk frå område som er viktige for villreinen. Ferdselsregulerande tiltak på magasinet (Kvifjorden) vil i den samanheng vera aktuelt, og bør vurderast i samband med ein sti- og løypeplan. Sjølv om det har vore observert lite villrein i Kvinesdal dei siste åra er villreinnemnda oppteken av at dette vert vurdert i eit langsiktig perspektiv der områdebruken endrar seg over tid. Vurdering av tiltak for å auke villreinen sin bruk av randområda er og eit viktig element i det nye GPS-prosjektet. Kvinesdal kommune er ein av mange aktørar som deltek i dette prosjektet. Framlegg til uttale: Ved revidering av arealdelen av kommuneplanen for Kvinesdal er villreinemnda oppteken av at villreininteressene vert vurdert i eit langsiktig perspektiv, der områdebruken endrar seg over tid. Lokalisering av nye område for hyttebygging, samt styring av ferdsel knytt til eksisterande og nye utbyggingsområde vil vera av særleg interesse i det vidare arbeidet. Villreinnemnda legg til grunn at det vert utarbeida sti- og løypeplan slik kommunen har signalisert. Villreinnemnda syner elles til saksutgreiinga over. Saksprotokoll i Arbeidsutvalet i villreinnemnda - 28.01.2013 Framlegg til uttale vart samrøystes vedteke. Uttale: Ved revidering av arealdelen av kommuneplanen for Kvinesdal er villreinemnda oppteken av at villreininteressene vert vurdert i eit langsiktig perspektiv, der områdebruken endrar seg over tid.

Lokalisering av nye område for hyttebygging, samt styring av ferdsel knytt til eksisterande og nye utbyggingsområde vil vera av særleg interesse i det vidare arbeidet. Villreinnemnda legg til grunn at det vert utarbeida sti- og løypeplan slik kommunen har signalisert. Villreinnemnda syner elles til saksutgreiinga over. Kopi til: Kvinesdal kommune. Nesgata 11. 4480 Kvinesdal