SAKSPAPIR Styre, komite, utval Møtedato Saknr Saksansvarleg Giske formannskap 24.11.2014 131/14 BJFR Giske kommunestyre 11.12.2014 091/14 BJFR Saksbehandlar Bjarte Friis Friisvold Arkiv: K1-, K2-L12 Arkivsaknr 14/1605-9 GNR 189 BNR 11 MINDRE ENDRING AV KOMMUNEPLANEN SIN AREALDEL - HANDSAMING ETTER HØYRING MINDRE ENDRING Vedlegg: Dok.dato Tittel Dok.ID 03.10.2014 KOMMUNEPLANEN SIN AREALDEL FOR GISKE 250230 KOMMUNE - HØYRING AV FRAMLEGG TIL MINDRE ENDRING - JUSTERING AV AREALFØREMÅL 30.10.2014 KOMMUNEPLANEN SIN AREALDEL FOR GISKE 250231 KOMMUNE - HØYRING AV FRAMLEGG TIL MINDRE ENDRING - JUSTERING AV AREALFØREMÅL (L)(248129_1_P)_O.pdf 30.10.2014 Kommentar til merknader.pdf (L)(148353) (L)(353826).pdf 250232 30.10.2014 KOMMUNEPLAN 2008-2020 - FRÅSEGN 3. GONGS 250233 HØYRING - GNR 189 BNR 11 - SÆTER OLE MARTIN (L)(132358) (L)(353827).pdf 30.10.2014 Illustrasjon ME arealdelen_201409 (L)(353829).pdf 250234 30.10.2014 Illustrasjon ME arealdelen_201409_2 (L)(353830).pdf 250235 30.10.2014 Oversiktkart ME arealdelen_201409 (L)(353831).pdf 250236 17.10.2014 GNR 189 BNR 11 MINDRE ENDRING AV 251486 KOMMUNEPLANEN SIN AREALDEL - FRÅSEGN - STATENS VEGVESEN 03.10.2014 GISKE KOMMUNE - KOMMUNEPLANENS AREALDEL - 250212 MINDRE ENDRING - FRÅSEGN VED OFFENTLEG ETTERSYN.PDF 04.11.2014 GNR 189 BNR 11 - MINDRE ENDRING AV 253080 KOMMUNEPLANEN SIN AREALDEL FOR GISKE KOMMUNE - FRÅSEGN - FYLKESMANNEN I MØRE OG ROMSDAL 10.11.2014 Framlegg mindre endring kommuneplanen sin arealdel_gnr.bnr._189_11_201409 253678
06.11.2014 KYSTVERKET - FRÅSEGN - GNR 189 BNR 11 MINDRE ENDRING AV KOMMUNEPLANEN SIN AREALDEL 253381 Saksutgreiing: Det har kome inn søknad om endring av kommuneplanen sin arealdel for eigedomane gnr./bnr. 189/4 og 11 frå grunneigarane på Sætra, Valderøya. Omsøkt endring består i å justere grense mellom industriføremål og LNF føremål. Opplyst bnr. i søknad stemmer ikkje med kartet, rett bnr. er oppgjeve her. Bakgrunn Giske kommune sin arealdel vart eigengodkjent av kommunestyret i sak K-064/09 i møte 22.09.2009. I samband med planprosessen vart kommunen gjort oppmerksam på vilkårleg trekt formålsgrense, og det vart i saksutgreiinga lagt opp til endring. Dette vart ikkje gjort når planen vart eigengodkjent. Føremålet med mindre endring Føremålet med mindre endring er å justere grense for utbyggingsareal (industri) og LNF, med konsekvens at utbyggingsføremålet blir redusert og LNF blir auka. Dette er ønskeleg på grunn av at føremålsgrensa går gjennom tunet til våningshuset og gjennom naustet til garden på bnr. 11. Dagens situasjon Arealbruken i kommuneplanen sin arealdel bandlegg våningshus og delar av naust til industri føremål. Dette vanskeleg gjer ønske frå grunneigar om å setje i stand/byggje nytt våningshus på garden, og vøling av naust. Mindre endring Omsøkt endring av kommuneplanen sin arealdel vert lagt opp til å utførast som ei mindre endring etter plan- og bygningslova 11-17 andre ledd. Konsekvensar av mindre endring Endring av arealbruk i arealdelen i samsvar med vedlagt framlegg datert 09.09.2014, er vurdert å gje små negative konsekvensar for området/kommunen. Reduksjon av utbyggingsområde til industri er vurdert til å ikkje medføre ulemper for etablert verksemd nord for gnr./bnr. 189/11. Elles er det i nærområdet mogleg areal til næring/industri som har lettare tilkomst enn dette området. Det er positivt at det blir oppretta ei buffersone mellom
industriføremål og bustad. Framlegg til mindre endring vil medføre mindre inngrep i strandsona, når strandsona blir endra til LNF. Tilråding Det vert rådd til at det vert utført ei mindre endring av kommuneplanen sin arealdel som synt i framlegg til mindre endring datert 09.09.2014, der arealføremål industri blir redusert og LNF føremål blir auka tilsvarande. Høyring Utsendt ved høyring av mindre endring var det vedlagt framlegg til endring, utsnitt av gjeldande plan, illustrasjon av framlegg til mindre endring, alle datert 08.09.2014, søknad om mindre endring og dokumentasjon frå planprosessen for gjeldande plan. Høyringsdokumenta vart sendt grunneigarar, naboar og offentleg mynde, frist for å kome med merknad vart sett til 27.10.2014. Før framlegg til mindre endring vart sendt på høyring vart saka sendt til førehandvurdering til Fylkesmannen i Møre og Romsdal og Møre og Romsdal fylkeskommune. Tilbakemelding frå Møre og Romsdal fylkeskommune vert brukt som merknad til høyringa. Etter høyringsfrista har det kome inn 3 innspel. Utdrag av desse blir gjengjeve under: Møre og Romsdal fylkeskommune, datert 02.10.2014 Framlegg til endring vil medføre reduksjon av utbyggingsareal og auke av LNF, som konsekvens av faktiske høve i marka. Såframt aktuelle privatrettselege partar er omforent om endringa, har ikkje fylkeskommunen merknadar til den, eller at endringa vert heimla i pbl 11-17. Statens vegvesen, datert 16.10.2014 Har ikkje merknad til endring av arealdelen i samsvar med framlegg datert 09.09.2014. Fylkesmannen i Møre og Romsdal, datert 28.10.2014 Har ikkje merknadar. Kystverket, datert 05.11.2014 Har ikkje merknad men antek at sjødelen av endra areal får anna arealkategori enn LNF. Handsaming etter høyring Etter høyring blir saka handsama i kommuneplanutvalet (formannskapet) og kommunestyret. Det vert ikkje gjort noko vurdering etter naturmangfaldlova sidan omsøkt endring vil vere endring frå utbyggingsføremål til LNF, med avgrensa moglegheit til utbygging. Vurdering: Justering av arealdelen vil gje små negative konsekvensar, det vil medføre nokre positive konsekvensar; mindre nedbygging av strandsone og buffer mot bustadhus på bruket. Negative
konsekvensar vil vere mindre areal til industri, dei bedriftene som ligg i området vil misse framtidig areal til utvikling. Det er per i dag ikkje signalisert noko ønske om meir areal, men dette kan endre seg i framtida. Arealet som blir redusert vil ikkje vere mogleg areal til etablering av ny bedrift/verksemd på grunn av vanskeleg tilkomst til området. Området er delvis bygd igjen nord for området, og det vil ikkje vere aktuelt med ny avkøyrsle til fv131. Det er dårleg arrondering av området, smalt og langt. Endring av arealdelen vil vere tilbakeføring til LNF frå utbyggingsføremål. Det vil difor ikkje bli lagt føringar for anna enn at våningshus på garden kan vølast/setajst opp på nytt. Det kan ikkje påreknast løyve til å setje opp fleire bustadhus innafor eigedomen med formål LNF. Dersom det er ønskje om å endre frå LNF til utbyggingsføremål, må dette skje ved innspel til rullering av kommuneplanen sin arealdel. Normalt ville ikkje Plankontoret rådd til endring av arealdelen når det på relativt kort sikt vert starta opp arbeidet med rullering av denne. Grensa mellom LNF og industri har ein historikk som medfører at ein ser på området som spesielt. Kommunen vart ved førre rullering av arealdelen gjort merksam på arealføremål grensa låg lite gunstig plassert og at det ikkje var ønskeleg med industri av grunneigar. Av kommunen vart det lova at grensa skulle bli justert, men det skjedde ikkje når planen vart eigengodkjent. Det vert vist til brev av 27.05.2009 og merknadshandsaming etter 3. gongs ettersyn av arealdelen, gula ut på side 5. Det hadde vore naturleg å teke det med ved rullering av arealdelen, men det vil truleg ta om lag 2 2,5 år før ny plan blir eigengodkjent. Grunneigar har alt venta 5 år. Dei innspela som har kome har ikkje innvendingar mot å endre arealdelen for det aktuelle området. Plankontoret har telefonisk kvalitetssikra at dei to bedriftene inntil planområdet har motteke og er innforstått med konsekvensar av endringa. Etter innspel frå Kystverket blir arealføremål for del av planområdet endra frå LNF til bruk og vern av sjø og vassdrag, med underformål ferdsel. Dette er eit meir hensiktsmessig arealføremål enn LNF for sjøområdet. Det blir vurdert at endringa er av teknisk karakter som vil gje små konsekvensar og at det ikkje er behov for å sende planen på ny høyring for dette. Delar av planområdet ligg innafor 100 meters beltet mot sjø, der bestemte tiltak ikkje er tillate. Saka blir difor sendt til politisk handsaming i kommuneplanutvalet og kommunestyret med innstilling som tilrådd i høyringa. Rådmannen sine merknader: Har ikkje merknadar. INNSTILLING: Giske kommunestyre godkjenner i samsvar med plan- og bygningslova 11-17 framlegg til mindre endring av kommuneplanen sin arealdel som synt i framlegg datert 10.11.2014, med konsekvens arealføremål industri blir redusert og føremål LNF/bruk og vern av sjøareal blir auka tilsvarande. 24.11.2014 GISKE FORMANNSKAP
F-131/14 TILRÅDING: Innstillinga vart samrøystes tilrådd. 11.12.2014 GISKE KOMMUNESTYRE Hans Einar Sæther bad om vurdering av habiliteten sin. Han vart kjend habil. K-091/14 VEDTAK: Tilrådinga frå formannskapet vart samrøystes vedtatt.