REGIONALAVDELINGA Strømsnes Akvakultur AS Dato: 25.01.2017 Vår ref.: 2016/4078-8 Saksbehandlar: Vibeke Lokøy Tlf: 932 49 179 Strømsnes Akvakultur AS - Løyve til å etablere landbasert anlegg for oppdrett av settefisk av laks, aure og regnbogeaure på lokalitet Strømsnes i Askøy kommune Vi syner til søknad frå Strømsnes Akvakultur dagsett 06.05.2016 om auke i produksjonen på lokalitet 11648 Strømsnes. Vedtak Hordaland fylkeskommune gjev med dette Strømsnes Akvakultur AS, org. nr. 936100112, akvakulturløyve med reg. nr. H-A-8 løyve til å etablere landbasert akvakulturanlegg for oppdrett av settefisk av laks (Salmo salar), aure (Salmo trutta) og regnbogeaure (Oncorhynchus mykiss) på følgjande lokalitet i Askøy kommune i Hordaland fylke: Nr Lokalitet Kommune 11648 Strømsnes Askøy Anleggets midtpunkt Euref89/WGS84 60 28.089 N 5 13.502 E Særskilde vilkår som er ein føresetnad for dette vedtaket: Askevatnet og Strømsnesvatnet (Hopsvatnet) skal nyttast som vasskjelder. Uttak av vatn må skje i samsvar med gjeldande avtalar med Askøy kommune og grunneigarar. Utsleppsløyve frå Fylkesmannen gjeld for eit maksimal årleg fôrforbruk på 550 tonn og ein maksimalt tillaten biomasse (MTB) på 550 tonn. Det er sett krav om reinsing av avløpet ved produksjon over 250 tonn. Mattilsynet har gjeve løyve til produksjon av inntil 4 mill. sjøklar settefisk og 12 mill. yngel, med total biomasse 1132 tonn. Lovheimel Løyvet er gjeve av Hordaland fylkeskommune med heimel i Lov av 17.06.2005 nr. 79 om akvakultur og Forskrift av 22.12.2004 nr. 1798 om tillatelse for akvakultur for laks, ørret og regnbueørret (laksetildelingsforskrifta). Dette løyvet etter akvakulturlova inkluderer løyve etter matlova, dyrevelferdslova, forureiningslova, vassressurslova og hamne- og farvannslova. Dette løyvet erstattar tidlegare lokalitetsklarering for 11648 Strømsnes av 12.12.2002. Hordaland fylkeskommune REGIONALAVDELINGA Agnes Mowinckels gate 5 Kontonr. 5201 06 74239
Side 2/11 Grunngjeving Strømsnes Akvakultur søkte 06.05.2016 om utviding av produksjonen på lokalitet Strømsnes i Askøy kommune. Strømsnes Akvakultur AS har i dag løyve til produksjon av 2,5 mill. sjøklar settefisk av laks, aure og regnbogeaure. Det vert søkt om å utvide produksjonen frå 212,5 til 1132 tonn biomasse per år. Anlegget er lite etter dagens standard i oppdrettsbransjen, og det er vanskeleg å få til økonomisk forsvarleg drift utan å utvide produksjonskapasiteten. Selskapet ønskjer å ha ein fleksibel produksjonsstrategi, der dei vil produsere smolt av ulik storleik. Produksjonsplanen legg opp til å produsere 4 mill. settefisk på ca. 250 gram, og 12 mill. yngel på ca. 11 gram per år. Selskapet har løyve til uttak av vatn frå Hops-/Strømsnesvatnet, regulert i avtale med grunneigarar, og uttak av vatn frå Askevatnet gjennom avtale med Askøy kommune. Auken i produksjon skal skje innanfor gjeldande løyve til uttak av vatn, ved hjelp av auka gjenbruk. Sjøvatn vert henta gjennom eksisterande inntaksleidning på 40 meters djupne i Byfjorden, ca. 20 meter frå land. Utslepp frå anlegget skal reinsast for partiklar ved mekanisk reinsing før det går ut til resipienten Byfjorden 20-30 meter frå land, på 20 meters djupne. Høyring etter forskrift om konsekvensutgreiingar etter sektorlover Tiltaket fell inn under vedlegg II i forskrift om konsekvensutgreiingar for tiltak etter sektorlover (FOR 2014-12-19-1758). Søknaden skal då handsamast etter 3 i forskrifta. Såkalla vedlegg II-tiltak kan berre påleggast «supplerande utregreiingar» dersom det er venta at tiltaket vil få vesentlege verknader som ikkje allereie er gjort greie for i søknaden. Fylkeskommunen si vurdering er at miljødokumentasjonen i søknaden gir godt nok grunnlag for å vurdere om tiltaket får vesentleg verknad for miljø og samfunn, jf. vedlegg III i forskrifta. Det vart heller ikkje reist krav om supplerande utgreiingar frå fagmyndigheitene for dei respektive kriteria i vedlegg III. Offentleg ettersyn og kommunal handsaming Søknaden vart kunngjort etter retningslinene og har lege ute til offentleg innsyn i Askøy kommune. Det kom inn merknader frå fem ulike avsendarar. Fleire av merknadane er frå naboar til anlegget, og dreier seg om ei fiskesperre mellom Hopsvatnet/Strømsnesvatnet som vart bygd på 1980-talet for hindre oppvandring av laks og aure til vassdraget. Elseline Glatved Ingolfsen har kome med to merknader. Ho er eigar av tomten kor demninga står, meiner demning ikkje burde vore bygd. Dei har i alle år ønska demninga fjerna. Ho har rettighet til vassdraget, og vil ha direkte informasjon om eventuelle inngrep. Irmelin og Jarle Krogsæther ønsker å fjerne vandringshinder for anadrom fisk til Hopsvannet, og syner til møte i kommunen om dette i 2014. Dei skriv at det tidlegare var rikeleg med laks, aure, røye og ål i Hopsvatnet, men at dei tre første no er nærmast fråverande. Ragnar Joakim Nese skriv at vandringshinderet vart bygd for hindre smitte frå villfisk til oppdrettsanlegget, men at vi no har kunnskap og teknologi til å reinse vatnet i staden. Han foreslår at det vert opna for vandring av anadrom fisk til Hopsvatnet/Strømsnesvatnet, og at oppdrettar må filtrere og UV-behandle inntaksvatnet i anlegget. Askøy Jeger og Fiskeforening (AJFF) skriv i sin merknad at anlegget bør leggast om til RAS-anlegg, grunna byfjorden som resipient allereie er sterkt belasta med omsyn til forureining. Strømsnes Akvakultur har kommentert dei innkomne merknadane. Dei skriv mellom anna at omlegging til RAS-anlegg vil bli for kostbart, og at dei ikkje ønsker oppvandring av anadrom fisk i elvene, fordi det vil medføre ein viss risiko for smitte til anlegget, sjølv om inntaksvatnet vert UV-behandla.
Side 3/11 Askøy kommune, utval for teknikk og miljø har i møte 03.11.2016, vedtatt følgjande høyringsuttale: «Askøy kommune er positiv til Strømsnes Akvakultur AS sin søknad om å utvide produksjonen fra 212,5 tonn til 1132 tonn biomasse per år på sitt landbaserte anlegg. Askøy kommune mener at krav til rensing av avløpsvannet bør være streng og innenfor miljømessig forsvarlige rammer. Askøy kommune mener det bør stilles vilkår om bygging av fisketrapp for anadrom fisk (laks og sjøørret), eventuelt åpning av fiskesperren i vassdraget som ble bygget på 1980-tallet. Dette både på grunn av endringer i lovverket (vannforskriften) og målene i «Regional plan for vassregion Hordaland». Bedriften bør kunne ta i bruk ny teknologi for rensing av inntaksvannet.» Kystverket Vest handsama søknaden 28.04.2016. Dei skriv at ettersom søknaden gjeld eit landanlegg, og utvida produksjon skal føregå i eksisterande leidningar trengs det ikkje nytt løyve etter havne- og farvannsloven. Mattilsynet Region Sør og Vest godkjente 27.12.2016 utviding av anlegget til 1132 tonn biomasse per år, hhv 4 mill. sjøklar settefisk og 12 mill. yngel. Vedtaket er fatta med heimel i forskrift om utvidelse av akvakulturanlegg mv 5 Krav om godkjenning. Søknaden er handsama av Fylkesmannen i Hordaland, miljøvern- og klimaavdelinga 18.11.2016. Fylkesmannen har handsama søknaden etter forureiningslova og vurdert han etter naturvern-, friluftsliv-, vilt-, lakse- og innlandsfiskeinteresser, og naturmangfaldlova. Med heimel i forureiningslova 11, jf. 16 har Fylkesmannen i Hordaland gjeve løyve til utslepp til luft og vatn for produksjon av 550 tonn MTB yngel og settefisk av laks og aure på lokalitet Strømsnes i Askøy kommune. Det er sett krav om reinsing av avløpet når produksjonen overstig 250 tonn pr år, og innan to år etter løyvet vart gitt. Settefiskanlegget blir vurdert å ha avgrensa påverknad på lokale og regionale bestandar av laksefisk i området. Fiskeridirektoratet Region Vest har handsamma søknaden 01.07.2016. Fiskeridirektoratet skal gje uttale i høve til eventuelle konfliktar med fiskeriinteresser som følgje av tiltaket. Auke i produksjonen i anlegget vil ikkje få vesentlege konsekvensar for dei interesser direktoratet skal ivareta. Hordaland fylkeskommune si vurdering Hordaland fylkeskommune har vurdert søknaden etter lov av 17. juni 2005 nr 79 om akvakultur, og i høve til generelle vilkår for klarering av akvakulturlokalitet som er gjeve i 30 i laksetildelingsforskrifta som seier at lokalitet for akvakultur kan klarerast dersom: a) det er miljømessig forsvarlig; b) det er foretatt en avveining av arealinteresser, med særlig vekt på 1. søkers behov for areal til planlagt akvakultur, 2. alternativ bruk av området til annen akvakultur, 3. annen bruk av området, og 4. verneinteresser som ikke omfattes av bokstav d. c) det er gitt tillatelser som kreves etter 1. lov 19. desember 2003 nr. 124 om matproduksjon og mattrygghet mv., 2. lov 13. mars 1981 nr. 6 om vern mot forurensninger og om avfall, 3. lov 17. april 2009 nr. 19 om havner og farvann 4. lov 24.november 2000 nr.82 om vassdrag og grunnvann, 5. lov 19. juni 2009 nr. 97 om dyrevelferd; og d) det ikke er i strid med 1. vedtatte arealplaner etter plan- og bygningsloven, 2. vedtatte vernetiltak etter kapittel V i lov 19. juni 2009 nr. 100 om forvaltning av naturens
Side 4/11 mangfold, 3. vedtatte vernetiltak etter lov 9. juni 1978 nr. 50 om kulturminner. Vurdering i høve til bokstav a) miljømessig forsvarleg Søknaden er vurdert med omsyn til biologisk mangfald, forureining av det ytre miljø og økologiske effektar. Påverknad på omgjevnaden gjennom støy og utslepp til luft og vatn er og vurdert av Fylkesmannen i Hordaland som har gjeve utsleppsløyve med oppdaterte vilkår etter forureiningslova. Miljøtilstanden under og i nærsona til anlegget har vore målt gjennom MOM-undersøkingar (NS 9410) og er rapportert til Fiskeridirektoratet. Resultata frå undersøkingane i driftsfasa har synt stabil utvikling. Resipienten utanfor avløpet er stor, oksygenverdiane i vassøyla er gode og det er registrert gravande botndyr i sedimenta. Straummålingane tyder på god straum og vassutskifting ved utsleppspunktet. Fylkesmannen har gjeve løyve til 550 tonn MTB, og sett krav om reinsing av avløpsvatnet ved produksjon over 250 tonn og innan to år. Rømming av laks og aure er oppfatta som ei uakseptabel hending uavhengig av lokalisering. Drift av anlegg på lokaliteten må følgje gjeldane standardar og anna regelverk på dette området. Det er viktig at verksemda prioriterer effektive tiltak mot rømming. Lokaliteten kjem ikkje i konflikt med trua eller sårbare artar, viltområde eller naturtypar som har eit kjent behov for særskilt beskyttelse. Naturmangfaldslova Ved handsaming av søknaden er sakshandsamingsreglane i naturmangfaldlova av 19. juni 2009 nr. 100 8-12 følgt i vurdering av om tiltaket det vert søkt om er miljømessig forsvarleg etter laksetildelingsforskrifta 30 a. Vurderingane i samband med søknaden er gjort ut i frå dokumentasjon vedlagt søknaden, tilgjengeleg kunnskap og registreringar i området. Søknaden har på vanleg måte etter reglane i akvakulturlova vore til handsaming hjå kommunen og sektorstyresmaktene, og det er i denne prosessen ikkje kome opplysningar om at saka ikkje er tilstrekkeleg opplyst i høve til oppdrettsanlegget sin påverknad på naturmangfaldet jf. 8 Kunnskapsgrunnlaget. Saka vert sett på som tilstrekkeleg opplyst, og føre-var prinsippet vert difor ikkje tatt i bruk, jf. 9 Føre-var prinsippet. Byfjorden som resipient er stor og har god vassutskifting og stor kapasitet til å bryte ned organisk materiale. Den samla belastninga på Byfjorden blir truleg ikkje negativt endra av dette tiltaket. Vi kan ikkje sjå at det er grunnlag for å avslå søknaden ut frå omsynet til det biologiske mangfaldet, økologiske effektar eller naturmiljøet, jf. 10 Økosystemtilnærming og samla belastning. Tiltakshavar skal dekke kostnadane ved å hindre eller avgrense skade på naturmangfaldet som tiltaket er årsak til, dersom det ikkje er urimeleg ut i frå tiltaket og skaden sin karakter, jf. 11 Kostnader ved forverring av miljø. Det er eigne forskrifter som gjev krav til teknisk standard og regulerer drift av akvakulturanlegg. Det er eit ufråvikeleg krav at drifta skal vere teknisk, biologisk og miljømessig forsvarleg. Oppdrett av laks og aure kan ha effekt på vill laksefisk gjennom rømming, spreiing av lakselus etc. Det er av stor betydning at drifta av anlegget er slik at ein unngår vesentleg påverknad på dei ville stammane av laksefisk, jf. 12 Miljøforsvarlege teknikkar og driftsmetodar. Vassforskrifta Vassforskrifta gir rammer for vassforvaltninga. I samsvar med vassforskrifta skal tilstanden i alle vassførekomstar beskyttast mot forverring, forbetrast og gjenopprettast med sikte på at vassførekomstane skal ha minst god økologisk og god kjemisk tilstand. Vassforskrifta 12 omhandlar ny aktivitet eller nye
Side 5/11 inngrep. Lokaliteten Strømsnes ligg i vassførekomsten Byfjorden (ID: 0261010800-9-C), som i samsvar med vann-nett har moderat økologisk tilstand. Det er ikkje venta at auka produksjon på lokaliteten vil føre til at miljøtilstanden i vassførekomsten blir forverra. Askøy Jeger og Fiskerforening er i sin uttale til den offentlige utlysinga uroa for den allereie sterkt belasta Byfjorden. Dei peikar på at det fins RAS-teknologi som gjer at påverknad frå oppdrettsanlegget ville ha vorte svært liten. Dei meiner Strømsnes Akvakultur burde bli pålagt å ta i bruk RAS-teknologi i staden for å «lappe på» gammal gjennomstrøymingsteknologi. Selskapet svarar med at dei ikkje ønsker å ta bruk RASteknologi, fordi dette vil verte for kostbart og for arealkrevjande. Dei meiner at dei vil oppnå god grad av reinsing ved å ta i bruk det planlagde reinseanlegget. Dei skal overvake påverknaden frå anlegget med resipientundersøkingar undervegs. Fylkesmannen i Hordaland meiner og at Byfjorden er ein allereie sterkt belasta resipient, og at det er risiko for at miljøet vil verte uakseptabelt negativt påverka ved å utvide produksjonen. Fylkesmannen har difor berre gjeve løyve til utslepp frå 550 tonn biomasse og pålagt selskapet å reinse avlaupet når produksjonen overstig 250 tonn, og innan to år. Hordaland fylkeskommune meiner påverknaden på resipienten vil være akseptabel ved ein produksjon på 550 tonn og med planlagde reinseanlegg. Vi oppmodar selskapet om å ta i bruk beste tilgjengelige teknologi og driftsmetodar, for å gjere belastninga på Byfjorden så liten som mogeleg. Vurderingar i forhold til b) avveging av arealinteresser 1. Søkar sitt behov for lokaliteten/arealet. Søkar sitt behov for lokaliteten er vurdert i samband med tidlegare lokalitetsklarering. Dei ønskjer no å utvide produksjonen. Anlegget er lite etter dagens standard i oppdrettsbransjen, og det er vanskeleg å få til økonomisk forsvarleg drift utan å utvide produksjonskapasiteten. 2. Alternativ bruk av området til anna akvakultur. Området er allereie i bruk til oppdrett av settefisk av laks og aure, og det er soleis ikkje relevant å vurdere alternativ bruk av området til annan akvakultur. 3. Anna bruk av området. Søknaden er vurdert opp mot anna og alternativ bruk av området. Fleire av dei innkomne merknadane frå naboar dreier seg om ei fiskesperre som var sett opp i vassdraget på slutten av 1980-talet for å hindre oppvandring av laks og aure til vassdraget. Dette var av omsyn til risiko for å overføre smitte av fiskesjukdommar til oppdrettsanlegget. Naboane vil at denne fiskesperra skal rivast, eventuelt at det vert bygd fisketrapp som gjer det mogeleg for anadrom fisk å vandre opp i vatnet. Kommunen skriv og i sin uttale at dei meiner det bør stillast krav til selskapet om bygging av fisketrapp, eventuelt riving av fiskesperre. Selskapet svarar på merknadane med at dei ikkje ynskjer å bygge laksetrapp. Dette er grunngjeve med at oppgang av anadrom fisk til vatnet vil auke risikoen for å få smitte frå villfisk inn i anlegget, sjølv om vatnet i dag vert UV-behandla før det går inn i anlegget. Dei skriv og at søknaden ikkje inneber endringar i uttak av vatn til produksjonen, og har difor ikkje direkte innverknad på den etablerte demninga. Hordaland fylkeskommune har vurdert innspelet frå Askøy kommune om å sette vilkår i dette løyve om bygging av fisketrapp, eventuelt opning av eksisterande fiskesperre. Søknaden som her vert handsamma gjeld produksjonsauke innanfor det eksisterande vassuttaket, og spørsmålet om fiskesperra er ikkje relevant å ta stilling til. I den samanheng viser fylkeskommunen og til at akvakulturlova ikkje har slik heimel. Det er NVE i medhald av vassressurslova 8 som er rette vedkomande. Hordaland fylkeskommune meiner det er positivt at Askøy kommune har reist problemstillinga kring hindring av vandring av anadromfisk til og frå vassdraget. I dette spørsmålet er det mange interessentar og vi vil oppmode Askøy kommune om å kalle inn til eit dialogmøte for å kartlegge dei ulike sidene av saka med mål om å kome fram til om tiltak kan gjerast fram i tid. På dette møtet bør Askøy kommune, grunneigar, NVE, Fylkesmannen i Hordaland, Mattilsynet, fylkeskommunen og Strømsnes Akvakultur AS bli invitert.
Side 6/11 Kommunen sin uttale skal tilleggas stor vekt ved vurdering av søknaden. Den avsluttande søknadshandsaminga skal likevel ivareta ei heilskapleg avveging mellom næringsinteressene og andre samfunnsinteresser. Askøy kommune har i sin høyringsuttale tilråd etableringa. Det er ikkje kome fram opplysningar om andre verneinteresser som ikkje omfatta av bokstav d i søknadsprosessen. Vurdering i høve til bokstav c) løyve etter anna lovverk Mattilsynet, Region Sør og Vest har gjeve løyve etter lov 19. desember 2003 nr. 124 om matproduksjon og mattrygghet mv og lov 19. juni 2009 nr. 97 om dyrevelferd. Fylkesmannen i Hordaland, miljøvern- og klimaavdelinga har gjeve løyve etter lov 13. mars 1981 nr. 6 om vern mot forurensninger og om avfall. Fylkesmannen har gjeve løyve til utslepp for ein produksjon på 550 tonn MTB. Kystverket Vest har vurdert søknaden etter lov 17. april 2009 nr. 19 om havner og farvann, og kome fram til at det ikkje er trong for nytt løyve etter havne- og farvannsloven. Selskapet har avtalar med Askøy kommune og grunneigarar om uttak av vatn frå Hopsvatnet og Askevatnet. Askøy kommune har konsesjon på regulering av Askevatnet. Det vert nytta til drikkevatn, kraftproduksjon og forsyning til settefiskanlegget Strømsnes Akvakultur. Søknaden gjeld utviding av produksjonen innanfor dei gjeldande avtalane. Vurdering i forhold til bokstav d) tiltaket skal ikkje vere i strid med: 1. Vedtatt arealplan etter plan og bygningslova. Anlegget ligg i område avsett til næringsbebyggelse i Askøy kommune sin kommuneplan. Sjøområdet som grensar til anlegget er avsett til akvakultur i kommuneplanen. Utvidinga av produksjonen vil skje ved å ta i bruk større kar innanfor det eksisterande arealet. 2. Vedtatt vernetiltak etter naturmangfaldlova. Tiltaket er ikkje i strid med vedtatt vernetiltak etter naturmangfaldlova. 3. Vedtatt vernetiltak kulturminnelova. Det føreligg ingen informasjon om at tiltaket er i strid med vedtatt vernetiltak etter kulturminnelova. Ein kan likevel ikkje sjå vekk frå at det fins kulturminne i området, og fylkeskommunen viser til kulturminnelova og meldeplikta. Etter ei samla vurdering, etter Lov om akvakultur 17.06.2005 nr. 79, gjev Hordaland fylkeskommune Strømsnes Akvakultur løyve til produksjon av settefisk av laks, aure og regnbogeaure med inntil 550 tonn MTB på lokalitet Strømsnes i Askøy kommune. Generelle vilkår Anlegget skal ligge i samsvar med vedlagte kart og anleggsskisser og i samsvar med godkjente koordinatar for anlegget sine ytterpunkt. Løyve vert gitt utan ansvar til nabo-, eigedom-eller andre privatrettslege forhold. Anlegget skal etablerast og drivast på ein miljømessig forsvarleg måte. Plikter Som konsesjonsinnehavar har De plikt til å sette Dykk inn i det regelverket som gjeld for løyver etter Akvakulturlova.
Side 7/11 Anna Hordaland fylkeskommune viser til kravet i 35 i forskrift av 17.06.2008 nr. 822 om drift av akvakulturanlegg når det gjeld miljøovervaking og rapportering av miljøundersøkingar til myndigheitene. Vi ber om at miljøundersøkingar blir sendt til myndigheitene via Altinn. Når det gjeld drift av løyve, viser vi til forskrift 17.06.2008 nr. 288 om drift av akvakulturanlegg (akvakulturdriftsforskrifta) og forskrift av 19.3.2004 nr. 537 om internkontroll for å oppfylle akvakulturlovgivinga. Løyve vert gitt under føresetnad av at etablering, drift og avvikling vert gjennomført i samsvar med andre gjeldande forskrifter og vilkår. Løyvet kan trekkast tilbake dersom føresetnadane for løyvet vert vesentleg endra. Kopi av dette løyvet med vedlegg skal oppbevarast tilgjengeleg for alle medarbeidarar på anlegget og for alle som har kontrollrett. Klagerett Vedtaket kan klagast på. I medhald av forvaltningsloven 27b er det sett som vilkår for å gå til søksmål at ein har nytta retten til å klage fullt ut. Merk at ei klage ikkje fører til utsett iverksetting av vedtaket. Det er likevel mogleg å søke om at iverksetting vert utsatt til klagesaka er avgjort. Bård Sandal Fylkesdirektør for regional utvikling Sølve Dag Sondbø klima- og naturressurssjef Brevet er godkjent elektronisk og har derfor inga underskrift. Vedlegg: Utsleppsløyve frå Fylkesmannen i Hordaland 18.11.2016 Uttale frå Mattilsynet Sør og Vest 27.12.2016 Løyve frå Kystverket Vest 26.04. Kart over godkjent plassering Klageskjema Kopi: Fylkesmannen i Hordaland Fiskeridirektoratet Region Vest Mattilsynet avdeling Sør og Vest Kystverket Vest NVE Askøy kommune Elseline Glatved Ingolfsen, Askvegen 234, 5307 Ask Irmelin og Jarle Krogsæther, Askvegen 245, 5307 Ask Ragnar Joakim Nese, Skogveien 27, 1433 Ås Askøy Jeger og Fiskeforening, pb. 79, 5329 Florvåg
Side 8/11
Side 9/11
Side 10/11
Side 11/11 (1) Sendar (stemplet til forvaltningsorganet) Melding om rett til å klage over Hordaland fylkeskommune forvaltningsvedtak Agnes Mowinckels gate 5 (Forvaltningslova 27 tredje leddet) 25.01.2017 5020 BERGEN (3) Mottakar (namn og adresse) (4) Klageinstans Strømsnes Akvakultur AS Fiskeridirektoratet Ulvøyvegen 130, 5337 RONG Denne meldinga gjev viktige opplysningar dersom De vil klage på eit vedtak De er gjord kjend med. Klagerett Kven kan De klage til? Klagefrist Rett til å krevjegrunngjeving Innhaldet i klaga Utsetjing av gjennomføringa av vedtaket Rett til å sjå saksdokumenta og til å krevje rettleiing Kostnadene med klagesaka Klage til Sivilombodsmannen De har rett til å klage på vedtaket. Klaga sender De til oss, dvs. det organet som er ført opp i rubrikk (1). Dersom vi ikkje endrar vedtaket vårt som følgje av klaga, sender vi klaga over til klageinstansen, jf. rubrikk (4). Klagefristen er tre - 3 - veker frå den dagen dette brevet kom fram. Det er nok at klaga er postlagd før fristen går ut. Dersom De klagar så seint at det kan vere uklart for oss om De har klaga i rett tid, bør De oppgje datoen for når De fekk dette brevet. Dersom De klagar for seint, kan vi sjå bort frå klaga. De kan søkje om å få lengre klagefrist, og da må De nemne grunnen til at De ønskjer det. Dersom De meiner at vi ikkje har grunngjeve vedtaket, kan De krevje ei slik grunngjeving før fristen går ut. Ny klagefrist blir då rekna frå den dagen De får grunngjevinga. De må presisere kva for eit vedtak De klagar på årsaka til at De klagar den eller dei endringar De ønskjer eventuelt andre opplysningar som kan ha noko å seie for vurderinga av klaga Klaga må underskrivast. Jamvel om De har klagerett, kan vedtaket til vanleg setjas i verk med det same. Men de kan søkje om å få utsett gjennomføringa av vedtaket til klagefristen er ute eller til klaga er avgjord. Med visse unntak har De rett til å sjå dokumenta i saka. Reglane om dette finst i 18 og 19 i forvaltningslova. De må i tilfelle ta kontakt med oss, jf. rubrikk (1). De vil då få nærmare rettleiing om retten til å klage, om framgangsmåten og om reglane for saksgangen. De kan søkje om å få dekt utgifter til den advokathjelpa De treng, etter reglane om fritt rettsråd. Her gjeld det visse grenser for inntekt og eige. Fylkesmannen eller advokaten Dykkar kan gje nærmare opplysningar om dette. Dersom vedtaket er endra til Dykkar fordel, kan De etter forvaltningslova ha krav på å få dekt store kostnader som har vore naudsynte for å få endra vedtaket. Klageinstansen (jf. rubrikk (4)) vil orientere Dykk om retten til å krevje slik dekning. Dersom De meiner at De har vore utsett for urett frå den offentlege forvaltninga, kan De klage til Stortingsombodet for forvaltninga (Sivilombodsmannen). Sivilombodsmannen kan ikkje sjølv endre vedtaket, men kan gje si vurdering av korleis den offentlege forvaltninga har handsama saka, og om dei har gjort feil eller forsømt noko. Dette gjeld likevel ikkje i saker som er avgjorde av Kongen i statsråd. Dersom De no får klaga Dykkar avgjord i statsråd fordi Kongen er klageinstans, kan De såleis ikkje seinare føre saka inn for Sivilombodsmannen. Særlege opplysningar X-0073 N (Godkj. 05-95) Elektronisk utgåve