REGIONALAVDELINGA N E

Transkript

1 REGIONALAVDELINGA Sunnhordland Fjordbruk AS Tysnes Fjordbruk AS Dato: Vår ref.: 2015/ Sakshandsamar: Endre Korsøen Telefon: Sunnhordland Fjordbruk AS org. nr og Tysnes Fjordbruk AS org. nr Løyve til å etablere anlegg for oppdrett av matfisk av laks og aure på lokalitet Seglberget, samt tilbaketrekking av lokalitet Høylandssund i Kvinnherad kommune Vi syner til Dykkar søknad av Vedtak Hordaland fylkeskommune gjev med dette Sunnhordland Fjordbruk AS, org. nr , akvakulturløyva med reg. nr. H-E-1 og H-K-34 og Tysnes Fjordbruk AS org. nr , akvakulturløyva med reg. nr. H-T-3 og H-T-6 løyve til å etablere flytande akvakulturanlegg for oppdrett av matfisk av laks (Salmo salar), aure (Salmo trutta) og regnbogeaure (Oncorhynchus mykiss) i sjø på følgjande lokalitet i Kvinnherad kommune i Hordaland fylke: Lokalitetsbiomasse Anleggets midtpunkt Samlokalisering Nr Lokalitet Kommune Euref89/WGS Seglberget Kvinnherad 3120 tonn N E H-E-1, H-K-34 og H-T-3, H-T-6 Anlegget er godkjent med følgjande hjørnepunkter-kartreferansar oppgjeve i Euref-89/WGS N E N E N E N E N E N E Lokalitet Seglberget er godkjent for løyva H-E-1, H-K-34, H-T-3 og H-T-6. Kvart av løyva omfattar ein maksimal tillaten biomasse (MTB) på 780 tonn. For nærmare oversikt over kva lokalitetar som er godkjend for løyva, viser vi til akvakulturregisteret. Lokalitet Høylandssund vert sletta i akvakulturregisteret etter avslutta driftsperiode, seinast , og er difor frå dags dato omgjort til ei tidsavgrensa lokalitetsklarering fram til dette tidspunktet. Lovheimel Løyvet er gjeve av Hordaland fylkeskommune med heimel i Lov av nr. 79 om akvakultur og Forskrift av nr om tillatelse for akvakultur for laks, ørret og regnbueørret (laksetildelingsforskrifta). Dette løyvet etter akvakulturlova inkluderer løyve etter matlova, forureiningslova og hamne- og farvannslova. Hordaland fylkeskommune REGIONALAVDELINGA Agnes Mowinckels gate 5 Kontonr. [ ]

2 Side 2/14 Grunngjeving Sunnhordland Fjordbruk AS, Tysnes Fjordbruk AS, Rogaland Fjordbruk AS søkte om løyve til å etablere anlegg for oppdrett av matfisk av laks og aure på ved Seglberget i Kvinnherad kommune. Om søknaden Søknaden gjeld etablering av eit anlegg med ein maksimalt tillaten biomasse på 3900 tonn. Denne produksjonskapasiteten vert «henta» frå lokalitet Høylandssund i Kvinnehard kommune, 3120 tonn og lokalitet Dyrnes i Kvinnherad kommune, 780 tonn, slik at den samla lokalitetsbiomassen for verksemdene ikkje vil auke. Dersom søknaden vert godkjent vil lokalitet Høylandssund bli lagt ned, og lokalitet Dyrnes vert redusert til ein MTB på 1560 tonn. Søkjar har gjort greie for på kva måte dette vil gje miljøgevinst med omsyn til lakselus, generell fiskehelse og fiskevelferd, påverknad på vill anadrom laksefisk, samt elles utfordringar med lokalitetar i nærleiken i denne delen av Hardangerfjordbassenget. Det vert søkt om å få klarert areal for utlegging av eit plastringanlegg som består av 12 ringar liggjande på to rekkjer side om side. Rammene som ringane er festa i vil vera 640 meter lang og 410 meter brei. Det vil vera om lag 180 meter mellom kvar rekkje med ringar. Fôrflåten vert plassert vest for merdanlegget, mellom anlegget og land. Avstanden mellom fôrflåten og land vil vera 220 meter. Fortøyingane mot nord og mot sør vil ha ei lengde på opp mot 630 meter frå ytterpunkt av anlegget. Mot aust vil fortøyingane strekker seg 700 meter frå ytterpunkt av anlegget. Som bakgrunn for søknaden oppgjev Alsaker Fjordbruk konsernet mellom anna trong for nokre større lokalitetar i Hordaland, både for å få meir rasjonell drift, for å bidra til å betra tilstanden i fylket i høve til smittepress (lakselus, PD og andre sjukdommar) og for å betra evna for tilpassing til eksisterande og eventuelt framtidige soneregime i Hordaland. For ytterlegare detaljar og informasjon viser vi til søknaden. Denne søknaden er ein av fleire søknader om endring av lokalitetsbiomasse. Dei omsøkt endringar er: Ystadneset vil utvidast med 780 med biomasse frå Stokkavik Flornes vil utvidast med 780 med biomasse frå Onarøy Skorpo vil utvidast med 780 tonn med biomasse frå Stokkavik Nappeholmane vil utvidast med 780 tonn med biomasse frå Klungervik (520 tonn) og Rossnes (260 tonn) Seglberget vil bli ein ny lokalitet med biomasse frå Høylandssund (3120 tonn) og Dyrnes (780 tonn) I brev av frå verksemdene vert denne søknaden endra til å gjelde ein MTB på 3120 tonn. Heile lokalitetsbiomassen vert henta frå lokalitet Høylandssund. Lokalitetsbiomassen på lokalitet Dyrnes vert uendra. Offentleg utlysing Søknaden vart kunngjort etter retningslinene og har lege ute til offentleg innsyn i Kvinnherad kommune. Det kom inn ein merknad til søknaden frå Fiskarlaget Vest. Fiskarlaget Vest har generelle betraktningar, men konkluderer med at dei under sterk tvil og under føresetnad av at akvakulturlokaliteten i Høylandssundet vert fjerna slik det vert søkt om, kan gå inn for etablering av anlegget ved Seglberget. Kvinnherad kommune har i skriv av kome med uttale til søknaden. Kommune viser til at arealet er plassert i eit område som i kommunedelplanen for Halsnøy-området er sett av til m.a. Akvakultur / Fiske, Ferdsle, Natur, Friluftsliv og Akvakultur. Rådmannen i Kvinnherad rår til at ny lokalitet Seglberget til oppdrett av matfisk vert godkjend i samsvar med søknad. Søknaden er handsama av Kystverket Vest Med heimel i havne- og farvannslova 27 andre ledd, jf. 27 fyrste ledd vert det gjeve løyve til etablering av anlegg for oppdrett av laks og aure på ny lokalitet Seglberget i Kvinnherad kommune i samsvar med vedlagte stempla kart med teikning og posisjonar over anlegget.

3 Side 3/14 I det aktuelle sjøområdet er det registrert bilei 2180 Skånevikfjorden. Ut frå data om trafikk i fjorden er det i hovudsak passasjer og fergje trafikk som passerer nærmast lokaliteten. Det er også registrert anna trafikk i hovudsak stykkgods, men desse fartøya går noko lenger ute i fjorden i større avstand frå lokaliteten. Av navigasjonsinstallasjonar finn ein Taraldsøy fyrlykt aust for lokaliteten og Fornesholmen fyrlykt i sørvest. Anlegget vil ikkje bli liggjande i konflikt med navigasjonssignal frå Taraldsøy lykta. Når det gjeld Fornesholmen fyrlykt vil den ytre del av anlegget bli liggjande nært opp til kvit sektor av lykta, men etter Kystverket si vurdering vil dette ikkje utgjere nok ulempe for ferdsla på sjø. Kystverket forutsett at anlegget er merka i henhold til forskriftene. Søknaden er handsama av Fiskeridirektoratet Region Vest Fiskeridirektoratet Region Vest har vurdert søknaden i høve til konsekvensar for tradisjonell fiskeriverksemd. Det er registrert reketrålfelt ved Seglberget. Fortøyingane frå anlegget vil leggje beslag på store deler av rekefeltet og kome til hinder for trålfiske. Anlegget i Høylandssundet ligg også i eit reketrålfelt og kjem tilsvarande til hinder for fiske. Fiskeridirektoratet Region Vest legg vekt på at ved etablering eit anlegg ved Seglberget vil anlegget i Høylandssundet verte fjerna og sjøområdet vil igjen vere ope for trålfiske. Fiskeridirektoratet Region Vest kan soleis gå inn for at det vert gjeve løyve til etablering av eit anlegg ved Seglberget under føresetnad av at anlegget i Høylandssundet vert fjerna og lokaliteten vert rydda. Søknaden er handsama av Fylkesmannen i Hordaland, miljøvern- og klimaavdelinga Fylkesmannen har handsama søknaden etter forureiningslova og vurdert han etter naturvern-, friluftsliv-, vilt-, lakse- og innlandsfiskeinteresser, og naturmangfaldlova. Med heimel i forureiningslova frå nr. 6, 11, jf. 16 har Fylkesmannen i Hordaland gjeve løyve til utslepp til luft og vatn for produksjon av 3900 tonn MTB matfisk av laks og aure på lokalitet Segleberget i Kvinnherad kommune. Verksemda skal undersøkje miljøtilstanden på lokaliteten med MOM B- og MOM C- granskingar etter NS Verksemda kan bli pålagt å utføre meir omfattande overvaking, eller delta i dei undersøkingane som Fylkesmannen finn nødvendig for å kartleggje forureiningseffekten anlegget har på resipienten. Grunna påverknad på villfisk av anadrom fisk er Hardangerfjorden er underlagt eit frysregime, dvs. at forvaltninga ikkje aksepterer oppbygging av biomasse i Hardanger. Denne søknaden inneber flytting av biomasse frå to nabolokalitetar slik at tal lokalitetar og biomasse i denne delen av Hardangerfjorden blir uendra. I Naturbase er området kartlagt som «svært viktig» område for friluftslivsbruk, grunngjeve med at området har regionale/nasjonale verdi og at området har natur- og kulturhistoriske opplevingskvalitetar. Fylkesmannen har og blitt kontakt av lokale interesser for fritidsfiske som frykta at fiskeplassane ved grunnene sør for Seglberget vil gå tapt. Dette området ligg i overkant av 400 m frå nærast hjørne av rammefortøyingane. Etablering av lokaliteten Seglberget vil vere negativt for utøving av friluftsliv i området. Området er tilgjengeleg for fritidsbåtar, men desse vil ha høve til å passere anlegget på begge sider, både inne ved land og ute i fjorden. Fiskeplassane nytta sør for Seglberget vil framleis kunne nyttast, dei ligg utafor fiskeforbodsona rundt anlegget. Etableringa av lokaliteten Seglberget inneber at lokaliteten Høylandssund blir lagt ned. Den lokaliteten ligg tett på bustadområdet, og det området blir no meir tilgjengeleg for friluftsliv. Søknaden er handsama av Mattilsynet Region Sør og Vest I medhald av 5 i Forskrift av nr. 823 om etablering og utviding av akvakulturanlegg, zoobutikkar m.m., gjev Mattilsynet Region Sør og Vest løyve til etablering av ny akvakulturlokalitet Seglberget med ein produksjon på 3900 tonn MTB for oppdrett av matfisk av laks og aure. Det vert sett vilkår om at lokalitet 13231Høylandssund vert fjerna, samt at lokalitet Dyrnes vert redusert med 780 tonn. Drift ved Seglberget kan tilta når fisken ved Høylandssund og Dyrnes er ferdig slakta, og området har gjennomgått felles brakklegging. Mattilsynet avdeling Hardanger og Sunnhordland meiner det vil vera ein større fordel for det heilskaplege bildet i Hardangerfjorden og Sunnhordlandsbassenget at det vert fokusert på å slå saman lokaliteter. Då kan ein sikre ein større avstand mellom lokalitetar og dermed minske sjansen for smittespreiing mellom

4 Side 4/14 lokalitetar. I tillegg vil koordinering av lusebehandlingar bli lettare og ein minskar sjansen for resmitte av overlevande lus og ein muleg resistensutvikling som følgje av dette. Hordaland fylkeskommune Søknaden har vore utlagt til offentleg ettersyn og er handsama av Kvinnherad kommune og relevante sektorstyresmakter. Hordaland fylkeskommune har ansvaret for å slutthandsame søknaden etter akvakulturlova og laksetildelingsforskrifta. Generelle vilkår for klarering av lokalitet er gjeve i laksetildelingsforskrifta 30: Lokalitet for akvakultur kan klarerast dersom: a) det er miljømessig forsvarlig; b) det er foretatt en avveining av arealinteresser, med særlig vekt på 1. søkers behov for areal til planlagt akvakultur, 2. alternativ bruk av området til annen akvakultur, 3. annen bruk av området, og 4. verneinteresser som ikke omfattes av bokstav d. c) det er gitt tillatelser som kreves etter 1. lov 19. desember 2003 nr. 124 om matproduksjon og mattrygghet mv., 2. lov 13. mars 1981 nr. 6 om vern mot forurensninger og om avfall, 3. lov 17. april 2009 nr. 19 om havner og farvann. d) det ikke er i strid med 1. vedtatte arealplaner etter plan- og bygningsloven 14. juni 1985 nr. 77, 2. vedtatte vernetiltak etter kapittel V i lov 19. juni 2009 nr. 100 om forvaltning av naturens mangfold, 3. vedtatte vernetiltak etter lov 9. juni 1978 nr. 50 om kulturminner. Vurdering i høve til bokstav a): Med miljømessig forsvarleg meiner ein i denne samanheng både forureining og økologiske effektar. Påverknad på omgjevnaden gjennom støy og utslepp til luft og vatn er også vurdert av Fylkesmannen i Hordaland som har gjeve utsleppsløyve etter forureiningslova. Lokaliteten er plassert i vassførekomsten Skåneviksfjorden, som har god økologisk tilstand. Det er ingen markerte tersklar mellom Skåneviksfjorden og Hardangerfjorden. Straummålingane på lokaliteten syner at straumstyrken er varierande på ulike djup, varierande frå «sterk» til «svak». Mest truleg er det god vassutskifting på lokaliteten, også ved botnen. Fråvær av tersklar og det faktum at næraste lokalitet mot vest, Mælen, har god skåre på MOM B granskingane, stettar dette. Det er gjort ei MOM B-gransking før utsett. Den syner at det i hovudsak er blautbotn under anlegget slik at det er mogleg å få MOM B-granskingar i samsvar med standarden i framtida. Mattilsynet har forvaltningsansvaret for lakselus, dette inkluderer også eventuell påverknad av lakselus på vill laksefisk. Mattilsynet har vurdert søknaden og gjeve løyve til etablering. Rømming er oppfatta som ei uakseptabel hending uavhengig av lokalisering. Ei etablering av anlegg på lokaliteten må følgje gjeldane standardar og anna regelverk på dette området. Lokaliteten ligg 18 km frå Etneelva, det lakseførande vassdraget i Hordaland med mest fisk og eit av to nasjonale laksevassdrag i fylket. Det vert nytta store ressursar for å halde Etneelva rein for rømt oppdrettsfisk. Sunnhordland og Skånevikfjorden er del av Etnelaksen sin naturlege vandringsveg. Dette området har verdas høgaste tettleik av oppdrettsfisk. Lakselus og rømt oppdrettsfisk er ein årsak til den dårlege utviklinga for laks og sjøaure.

5 Side 5/14 Denne omsøkte etableringa er ei flytting av biomasse i Hardangerfjordsystemet. Fylkeskommunen vurderer dette slik at det totalt sett ikkje blir endra forhold for laks på ut- og innvandring. Lokaliseringa såpass nær Etneelva gjer at Alsaker konsernet har eit særskilt ansvar med omsyn til rømming. Lokaliteten ligg og i ein fjord som er eit viktig område for sjøaure. Det er viktig at verksemda prioriterer effektive tiltak mot lakselus og rømming. Lokaliteten kjem ikkje i konflikt med trua eller sårbare artar, viltområde eller naturtypar som har eit kjent behov for særskilt beskyttelse. Ved handsaming av søknaden er sakshandsamingsreglane i naturmangfaldlova av 19. juni 2009 nr følgt i vurdering av om tiltaket det vert søkt om er miljømessig forsvarleg etter laksetildelingsforskrifta 30a. Søknaden har på vanleg måte etter reglane i akvakulturlova vore til handsaming hjå kommunen og sektorstyresmaktene, og det er ikkje kome opplysningar om at saka ikkje er tilstrekkeleg opplyst i høve til oppdrettsanlegget si påverknad på naturmangfaldet. Hordaland fylkeskommune vurderer derfor at kunnskapsgrunnlaget er tilstrekkeleg til å fatte eit vedtak og at det omsøkte tiltaket ikkje har ein irreversibel påverknad på naturmangfaldet. Den samla belastninga for Hardangerfjorden sett under eit blir ikkje endra då summen av lokalitetsbiomasse også vert uendra. Tiltaket fell inn under vedlegg II i forskrift om konsekvensutgreiingar for tiltak etter sektorlover (FOR ). Søknaden skal då handsamast etter 3 i forskrifta. Såkalte vedlegg II-tiltak kan berre påleggast «supplerande utregreiingar» dersom det er venta at tiltaket vil få vesentlege verknader som ikkje allereie er gjort greie for i søknaden. Fylkeskommunen si vurdering er at miljødokumentasjonen i søknaden gir godt nok grunnlag for å vurdere om tiltaket får vesentleg verknad for miljø og samfunn, jf. vedlegg III i forskrifta. Det vart heller ikkje reist krav om supplerande utgreiingar frå fagmyndigheitene for dei respektive kriteria i vedlegg III. Vurdering i høve til bokstav b): Søkar sitt behov for lokaliteten: Alsaker Fjordbruk konsernet har behov for nokre større lokalitetar i Hordaland, både for å få meir rasjonell drift, for å bidra til å betra tilstanden i fylket i høve til smittepress (lakselus, PD og andre sjukdommar) og for å betra evna for tilpassing til eksisterande og eventuelt framtidige soneregime i Hordaland. Alternativ bruk av området til annan akvakultur: Alsaker Fjordbruk konsernet har i søknaden lagt fram eit driftskonsept som synleggjer behov for arealet. Det er på det noverande tidspunkt ikkje andre aktørar eller driftskonsept som har vist interesse for lokaliteten. Annan bruk av området: I kommunedelplan for området er arealet avsett til akvakultur, ein halvdel som einbruksområde, og den andre halvdelen som fleirbruksområde (FFNFA) med akvakultur. Arealplanlegging skjer i prosessar som involverer relevante interesser og skal føre fram til ein arealplan som skal gje naudsynt forutsigbarheit for ulike brukargrupper og næringsinteresser. Søkjarane har lagt vekt på å planlegge si verksemd i henhold til arealplanen. I arealbrukskategorien FFNFA må eventuelle interessekonfliktar med annan arealbruk avklarast i søknadsprosessen, i følgje retningslinene til kommunedelplanen. I samband med offentleg høyring er det ikkje kome særskilde innvendingar til etableringa. I Naturbase er området kartlagt som «svært viktig» område for friluftslivsbruk, grunngjeve med at området har regionale/nasjonale verdi og at området har natur- og kulturhistoriske opplevingskvalitetar. Området er tilgjengeleg for fritidsbåtar, og desse vil ha høve til å passere anlegget på begge sider, både inne ved land og ute i fjorden.

6 Side 6/14 Kommunen sin uttale skal tilleggas stor vekt ved vurdering av søknaden. Den avsluttande søknadshandsaminga og interesseavveginga må imidlertid ivareta ei heilskapleg avveging mellom næringsinteressene og andre samfunnsinteresser. Kvinnherad kommune har i sin uttale tilråd etableringa. I følgje Fiskeridirektoratet sin kartdatabase er det registrert område for passiv reiskap (sei og lyr), aktiv reiskap (sei, sild og makrell) og reketrålfelt ved Seglberget. Både Fiskeridirektoratet Region Vest og Fiskarlaget Vest har i sine uttaler gått inn for omsøkt etablering under føresetnad av at lokalitet Høylandssund vert lagt ned, og at anlegg inklusive fortøyingar med ankerfeste vert fjerna slik at reketrålfeltet og fiskeområda i Høylandssundet kan nyttast fullt ut. Vernetiltak: Det er ikkje kome fram opplysningar om andre verneinteresser som ikkje omfatta av bokstav d i søknadsprosessen Vurdering i høve til bokstav c): Mattilsynet, Region Sør og Vest har gjeve løyve til etablering etter sitt lovverk. Fylkesmannen i Hordaland, miljøvern- og klimaavdelinga har gjeve utsleppsløyve etter forureiningslova. Kystverket Vest har gjeve løyve til etableringa etter hamne- og farvannslova. Søknaden gjeld ein lokalitet i sjø og er difor ikkje handsama etter vassressurslova. Vurdering i høve til bokstav d): Halvedelen av anlegget ligg i areal avsett til akvakultur og den resterande delen ligg i området avsett til ferdsel, natur, friluftsliv og akvakultur i kommunedelplan for Halsnøy-området Særskilte reglar for Hardangerfjorden Hordaland fylkeskommune har vurdert søknaden i høve til 37 a i laksetildelingsforskrifta: Særskilte reglar for Hardangerfjorden. Hovudformålet med tiltaka i denne paragrafen er å hindre auka biomasse i det definerte området, fordi auka belastning er vurdert til ikkje å vera forsvarleg ut i frå omsynet til miljømessig berekraft. Søknaden inneber inga endring i produksjonskapasiteten i området. Lokalitet Seglberget vert etablert med ein lokalitetsbiomasse på 3120 tonn, medan lokalitet Høylandssund med ein lokalitetsbiomasse på 3120 vert lagt ned. Tiltaket inneber soleis inga endring i høve til miljøpåverknad. Laksetildelingsforskrifta 37 a skal i utgangspunktet hindre ytterlegare biomasseoppbygging i området som kan påverke miljøet i negativ retning. Vidare skal forbodet mot å gje løyve til nye lokalitetar eller utvide eksisterande lokalitetar, med mindre det er fordelaktig med omsyn til miljømessig berekraft, sørgje for at endringar i lokalitetsstrukturen er til det betre for miljøet og dette skal sjåast på i eit heilskapleg perspektiv. Søkjarane skildrar lokalitet Høylandssund som ein lokalitet som ein ikkje klarer å utnytte potensialet til sjølv om ein har «gjort kva gjerast kunne». Det er forventningar om at etableringa av anlegg ved Seglberget vil vera betre i høve til fiskehelse og spreiing av utslepp. Mattilsynet meiner det vil vera ein større fordel for heile bilde i Hardangerfjorden og Sunnhordlandsbassenget at det vert fokusert på å slå saman lokalitetar. På den måten får ein større av stand mellom lokalitetar og dermed minska sjanse for smittespreiing mellom lokalitetar. I tillegg vil koordinering av lusebehandlingar bli lettare og redusere sjansen for resmitte av overlevande lus og ein mulig resistensutvikling som følgje av dette.

7 Side 7/14 Lokaliteten ligg i utvandringsruta til vill laksesmolt frå Etneelva. Mattilsynet ser behovet for å halde utvandringsruta fri for oppdrett. Likevel meiner Mattilsynet at det kan bli betre forhold ved Seglberget, då forholda for lokaliteten vil vera betre her enn i Høylandssund. Mattilsynet minner om at det kviler eit tungt ansvar på verksemdene og tilsette på lokalitet Seglberget å halde lusenivåa nede rundt utvandringsperioden frå Etneelva. Det ligg også i Mattilsynet si interesse å ivareta velferd og helse til villfisken ved å regulere oppdrettsnæringa. Hordaland fylkeskommune har vurdert søknad i høve til om tiltaket er naudsynt eller klart fordelaktig med omsyn til miljømessig berekraft og kome fram til at flytting av lokalitetsbiomasse frå Høylandssund til Seglberget sett over ein lengre tidshorisont kan ha miljøgevinst. Tilbaketrekking og tidsavgrensing av lokalitet Høylandssund Søkjarane har i denne søknaden sagt frå seg 3120 tonn lokalitetsbiomasse på lokalitet Høylandssund for å få løyva til å etablere ein produksjonskapasiteten på 3120 tonn på lokalitet Seglberget. Mattilsynet har sett som vilkår for godkjenning av omsøkt lokalitet at lokalitet Høylandssund vert tilsvarande redusert. Med denne bakgrunnen vert reduksjon av lokalitetsbiomasse på lokalitet Høylandssund ein føresetnad for tildeling av dette løyvet. I følgje Soneforskrifta for området ligg lokalitetane Høylandssund og Seglberget i brakkleggingsområde 7 med felles brakklegging 01. mars i oddetalsår. Dette betyr at fisken som er sett ut på lokalitet Høylandssund må vera utslakta før neste brakkleggingsperiode som startar seinast 01.mars På grunn av dette vil det ikkje vera aktuelt å trekke denne lokaliteten tilbake no, men frå tidspunktet for neste brakklegging, samt at lokalitet Seglberget tidlegast kan takast i bruk frå vår utsettet Tilbaketrekking av lokalitet Høylandssund er ein føresetnad for denne lokalitetsklareringa. Lokalitet Høylandssund vert sletta frå akvakulturregisteret etter avslutta driftsperiode , og er frå dags dato omgjort til eit tidsavgrensa løyve fram til dette tidspunktet. I perioden frå dags dato og fram til vil den samla lokalitetsbiomassen for dei to lokalitetane vera 3120 tonn høgare enn før og etter desse tidspunkta. I ein overgangsperiode vil den samla lokalitetsbiomassen i området auke ved denne tildelinga. Mattilsynet sitt vilkår om at drift ved Seglberget kan tilta når fisken ved Høylandssund er ferdig slakta, og området har gjennomgått felles brakklegging gjer imidlertid at verksemdene ikkje kan auke produksjonen i området i denne perioden. Rogaland Fjordbruk AS Rogaland Fjordbruk AS, akvakulturløyva med reg. nr. R-SD-3 og R-SD-5 fekk av Fiskeridirektoratet dispensasjon frå forbodet mot lokalitetsklarering i ein annan av Fiskeridirektoratet sine regionar, jf. laksetildelingsforskrifta 33 andre ledd til klarering av fleire lokalitetar, mellom desse lokalitet Høylandssund. Denne dispensasjonen gjeld ikkje for lokalitet Seglberget. På grunn av dette har ikkje Hordaland fylkeskommune heimmel for å klare lokaliteten for akvakulturløya til høyrande Rogaland Fjordbruk AS. Konklusjon Etter ei samla vurdering har Hordaland fylkeskommune gjeve Sunnhordland Fjordbruk AS, org. nr , akvakulturløyva med reg. nr. H-E-1 og H-K-34 og Tysnes Fjordbruk AS org. nr , akvakulturløyva med reg. nr. H-T-3 og H-T-6 løyve til å etablere flytande anlegg for oppdrett av matfisk av laks (Salmo salar), aure (Salmo trutta) og regnbogeaure (Oncorhynchus mykiss) i sjø med ein maksimal tillaten lokalitetsbiomasse på 3120 tonn på lokalitet Seglberget i Kvinnherad kommune på nærmare vilkår.

8 Side 8/14 Generelle vilkår Løyve vert gjeve under føresetnad av at etablering, drift og eventuelt avvikling vert gjennomført i samsvar med gjeldande lovverk, forskrifter og vilkår. Lokalitet skal etablerast i samsvar med vedlagte kart. Dersom De ønskjer å endra anlegget i høve til dette løyvet, må det sendast søknad om dette til Hordaland fylkeskommune. Løyve etter Akvakulturlova inneberer at det er gjeve eit offentleg rettsleg løyve inkludert løyve etter matlov, forureiningslova og hamne- og farvannslova. Løyvet vert gjeve utan ansvar med omsyn til nabo-, eigedoms- eller andre privatrettslege tilhøve. Dette løyvet fritek Dykk ikkje frå plikt til å innhenta naudsynt løyve etter andre lover, eller plikt til å retta Dykk etter reglar og påbod som vert gjeve med heimel i slike lover. Løyve kan trekkjast attende eller anlegget kan verte kravd redusert dersom tilhøva skulle tilseie dette. Pliktar Som konsesjonsinnehavar har De plikt til å sette Dykk inn i det regelverket som gjeld for løyver etter akvakulturlova. Akvakulturlova med tilhøyrande forskrifter er tilgjengeleg på De pliktar å gje representantar frå Fiskeridirektoratet, Fylkesmannen, Kystverket og Mattilsyn tilgang til gransking av og opplysningar om anlegget. Kopi av dette løyvet med vedlegg skal oppbevarast tilgjengeleg for alle tilsette på anlegget, og også slik at løyvet kan synast til alle som har kontrollrett. Vedlegg Uttale frå Fylkesmannen i Hordaland , Mattilsynet, Region Sør og Vest og Kystverket Vest , samt kart med godkjent plassering av anlegget og klageskjema fylgjer vedlagt. Klage Vedtaket kan påklagast. Sjå om dette i vedlagde orientering. Ei eventuell klage skal framsettast til Hordaland fylkeskommune, sjølv om klaga gjeld vedtak fatta av Fylkesmannen, Mattilsynet eller Kystverket. I medhald av forvaltningslova sin 27b vert det sett som vilkår for å gå til søksmål at ein har nytta høvet til å klaga. Ein gjer merksam på at eventuell klage ikkje fører til at iverksetjing av vedtaket vert utsett. Det er likevel høve til å søkje om at iverksetjing blir utsett til klagesaka er avgjort. Bård Sandal fylkesdirektør regional utvikling Brevet er godkjent elektronisk og har derfor inga underskrift. Gudrun Mathisen seksjonssjef

9 Side 9/14 Kopi: Fiskeridirektoratet Region Vest Fylkesmannen i Hordaland, miljøvern- og klimaavdelinga Mattilsynet, Region Sør og Vest Kystverket Vest Kvinnherad kommune Fiskarlaget Vest

10 Side 10/14 H-E-1 og H-K-34 Sunnhordland Fjordbruk AS H-T-3 og H-T-6 Tysnes Fjordbruk AS Lokalitet Seglberget

11 Side 11/14 Figur Seglberget Klarerte ytterpunkt

12 Side 12/14

13 Side 13/14

14 Side 14/14 (1) Sendar (stemplet til forvaltningsorganet) Melding om rett til å klage over Hordaland fylkeskommune forvaltningsvedtak Agnes Mowinckels gate 5 (Forvaltningslova 27 tredje leddet) 5020 BERGEN (3) Mottakar (namn og adresse) (4) Klageinstans Sunnhordland Fjordbruk AS og Tysnes Fjordbruk AS Fiskeridirektoratet, Kyst- og havbruksavdelinga Postboks 185 Sentrum, 5804 Bergen Denne meldinga gjev viktige opplysningar dersom De vil klage på eit vedtak De er gjord kjend med. Klagerett Kven kan De klage til? Klagefrist Rett til å krevjegrunngjeving Innhaldet i klaga Utsetjing av gjennomføringa av vedtaket Rett til å sjå saksdokumenta og til å krevje rettleiing Kostnadene med klagesaka Klage til Sivilombodsmannen De har rett til å klage på vedtaket. Klaga sender De til oss, dvs. det organet som er ført opp i rubrikk (1). Dersom vi ikkje endrar vedtaket vårt som følgje av klaga, sender vi klaga over til klageinstansen, jf. rubrikk (4). Klagefristen er tre veker frå den dagen dette brevet kom fram. Det er nok at klaga er postlagd før fristen går ut. Dersom De klagar så seint at det kan vere uklart for oss om De har klaga i rett tid, bør De oppgje datoen for når De fekk dette brevet. Dersom De klagar for seint, kan vi sjå bort frå klaga. De kan søkje om å få lengre klagefrist, og da må De nemne grunnen til at De ønskjer det. Dersom De meiner at vi ikkje har grunngjeve vedtaket, kan De krevje ei slik grunngjeving før fristen går ut. Ny klagefrist blir då rekna frå den dagen De får grunngjevinga. De må presisere kva for eit vedtak De klagar på årsaka til at De klagar den eller dei endringar De ønskjer eventuelt andre opplysningar som kan ha noko å seie for vurderinga av klaga Klaga må underskrivast. Jamvel om De har klagerett, kan vedtaket til vanleg setjas i verk med det same. Men de kan søkje om å få utsett gjennomføringa av vedtaket til klagefristen er ute eller til klaga er avgjord. Med visse unntak har De rett til å sjå dokumenta i saka. Reglane om dette finst i 18 og 19 i forvaltningslova. De må i tilfelle ta kontakt med oss, jf. rubrikk (1). De vil då få nærmare rettleiing om retten til å klage, om framgangsmåten og om reglane for saksgangen. De kan søkje om å få dekt utgifter til den advokathjelpa De treng, etter reglane om fritt rettsråd. Her gjeld det visse grenser for inntekt og eige. Fylkesmannen eller advokaten Dykkar kan gje nærmare opplysningar om dette. Dersom vedtaket er endra til Dykkar fordel, kan De etter forvaltningslova ha krav på å få dekt store kostnader som har vore naudsynte for å få endra vedtaket. Klageinstansen (jf. rubrikk (4)) vil orientere Dykk om retten til å krevje slik dekning. Dersom De meiner at De har vore utsett for urett frå den offentlege forvaltninga, kan De klage til Stortingsombodet for forvaltninga (Sivilombodsmannen). Sivilombodsmannen kan ikkje sjølv endre vedtaket, men kan gje si vurdering av korleis den offentlege forvaltninga har handsama saka, og om dei har gjort feil eller forsømt noko. Dette gjeld likevel ikkje i saker som er avgjorde av Kongen i statsråd. Dersom De no får klaga Dykkar avgjord i statsråd fordi Kongen er klageinstans, kan De såleis ikkje seinare føre saka inn for Sivilombodsmannen. Særlege opplysningar X-0073 N (Godkj ) Elektronisk utgåve