H-J-3, H-B-22, H-B-36

Transkript

1 REGIONALAVDELINGA Bremnes Seashore AS 5430 BREMNES Dato: Dykkar ref.: Vår ref.: 2014/162-5 H-J-3, H-B-22, H-B-36 og H-K-40 Bremnes Seashore AS org. nr Avslag på søknad om løyve til oppdrett av matfisk av laks og aure på ny lokalitet Sild i Kvinnherad kommune Vi syner til Dykkar søknad dagsett Vedtak Hordaland fylkeskommune gjev med dette avslag på søknad om løyve til oppdrett av matfisk av laks og aure med ein maksimalt tillaten biomasse på 2340 tonn på ny lokalitet ved Sild i Kvinnherad kommune. Lovheimel Vedtaket er fatta med heimel i lov av 17.juni 2005 om akvakultur, forskrift av 22.desember 2004 om tillatelse til akvakultur for laks, ørret og regnbueørret (laksetildelingsforskrifta) 30, Generelle vilkår for klarering av lokalitet, bokstav a og c punkt 1 og 2 kor det heiter: Lokalitet for akvakultur kan klareres dersom a) det er miljømessig forsvarlig; c) det er gitt tillatelser som kreves etter 1. lov 19. desember 2003 nr. 124 om matproduksjon og mattrygghet mv., 2. lov 13.mars 1981 nr. 6 om vern mot forurensinger og om avfall og 37a. Særskilte regler for Hardangerfjorden kor det mellom anna heiter: a)det kan ikke klareres nye lokaliteter eller utvidelse av lokaliteter for tillatelser til matfisk av laks, ørret og regnbueørret i sjøvann etter laksetildelingsforskriften 30 i Hardangerfjorden. Etter søknad kan det gis tillatelse til utviding eller klarering av akvakulturlokaliteter eller samlokalisering til eksisterende virksomheter dersom dette er nødvendig eller klart fordelaktig med hensyn til miljømessig bærekraft. Grunngjeving for avslaget Bremnes Seashore AS søkte om løyve til å etablere anlegg for oppdrett av laks og aure med ein maksimal tillaten biomasse på 2340 tonn på ny lokalitet ved Sild i Kvinnherad kommune. Omsøkt anlegg inneheld eit ringanlegg med 8 ringar liggjande på to rekker side om side med tilhøyrande fôrflåte. Bremnes Seashore AS grunngjev søknaden med at dei manglar lokalitetar for utsett av fisk i sone for vårpartal. Det er viktig for selskapet å ha ein kontinuerleg produksjon, særleg fordi verksemda har satsa mykje på vidareforedling av produkt. For å tilfredstille frys-regime i området vil verksemda legge ned lokaliteten Saltkjelen II i Jondal kommune. Effekten av dette vil gje mindre utfordringar med lakselus. Det er Hordaland fylkeskommune REGIONALAVDELINGA Agnes Mowinckels gate 5 Kontonr. [ ]

2 Side 2/6 kjent at utfordringane med lakselus er større i Langenuen/Stokksundet enn lenger inn i Hardangerfjorden. Vidare vert det påpeika at brakklegging av fleire lokalitetar i perioden februar-mars vil gje gunstig effekt på vill laksesmolt. I tillegg kjem Bremnes Seashore AS i søknaden med framlegg om at soneforskrifta vert endra slik at heile området frå Huglo og innover Hardangerfjorden vert ei sone med brakklegging vår partalsår. Søknaden vart kunngjort etter retningslinene (jf. Forskrift av nr om tillatelse til akvakultur for laks, ørret og regnbueørret 8) og har lege ute til offentleg innsyn i Kvinnherad kommune. Det kom inn merknader frå Marine Harvest Norway AS, Tombre Fiskeanlegg AS og Eide Fjordbruk AS. Kvinnherad kommune har den kome med følgjande uttale til søknaden: «Anlegget er planlagd innafor areal som er godkjend til akvakultur. (Dispensasjonssaken etter PBL & 19.2 vannareal til allment friluftsliv, vart handsama i forvaltningskomiteen sak 2013/100.). Kvinnherad kommune syner til dispensasjonshandsaminga som stadfester godkjend arealstatus, og send over merknadene for vidare handsaming etter oppdrettslova.» Marine Harvest Norway AS peikar på at den omsøkte lokaliteten vert liggjande 2,2 km frå deira lokalitet ved Åkre, og under kravet frå Mattilsynet som er 5 km. Dei syner til utfordringane kring Varaldsøy med PD på dei to siste utsetta, og meiner at fortetting i området ikkje er gunstig med omsyn til sjukdomssituasjonen. For å betre sjukdomssituasjonen har verksemda søkt om å flytte 1/3 av sin produksjon i området utover i fjorden (frå lokalitet Trommo til lokalitet Ulveneset). Det vert vidare vist til dei fire kriteria som frysinstruksen for området av 2008 skal ivareta. Marine Harvest Norway AS meiner søknaden ikkje ivaretek dette. Tombre Fiskeanlegg AS peikar på at fortetting i eit område som allereie har stor oppdrettsaktivitet er negativt. Det er 8 lokalitetar rundt Varaldsøy. Særskild peikar dei på faren for sjukdomen PD. Vidare peikar dei på utfordinga i dag med omsyn til kravet om brakklegging og sjukdomsbekjemping. Området på vestsida av Hardangerfjorden frå Bergadalen ved Ølve fungerer i dag som ei oppdrettsfrisone ( branngate ). Det har fortynningseffekt med omsyn til agens og parasitter. Dei meiner at ein ikkje bør gje løyve til nye lokalitetar så lenge dei etablerte aktørane ikkje har fått tilfredsstillande gode løysingar. Verksemda meiner det er uansvarleg å tillate etablering av fleire lokalitetar før evaluering av soneforskrifta, og før ein har funne varige løysingar for aktørane som er i området. Tombre Fiskeanlegg AS har utfordringar då dei manglar lokalitetar med utsett av fisk i vår partalsår. Eide Fjordbruk AS er i mot ei fortetting av biomasse i området rundt Varaldsøy grunna omsynet til fiskehelse. I stor grad samd med merknadene frå Tombre Fiskeanlegg AS og Marine Harvest Norway AS. Søknaden er handsama av Kystverket Vest Med heimel i hamne- og farvannslova 27 andre ledd, jf. 27 fyrste ledd vert det gjeve løyve til etablering av anlegg for oppdrett av laks og aure ved ny lokalitet Sild i Sildafjorden i Kvinnherad kommune i samsvar med vedlagte kart og oppgjevne posisjonar for anlegget si plassering. I sjøområde aust for lokaliteten går hovudlei 1105 Hardangerfjorden Odda, nordvest for lokaliteten bilei 2196 Sildasundet. Av omkring liggjande navigasjonsinstallasjonar finn ein i nord Hamaren fyrlykt og i sør Ænes fyrlykt. Anlegget ligg ikkje i konflikt med viktige seglingssektorar frå fyrlyktene. Etter Kystverket si vurdering vil ikkje anlegget sin omsøkte plassering, som vil bli liggjande utanfor sjølve farleia sitt området, utgjere noko vesentleg hinder for vanleg ferdsel i det aktuelle sjøområdet. Søknaden er handsama av Fylkesmannen i Hordaland, miljøvern- og klimaavdelinga Fylkesmannen skal handsama søknaden etter forureiningslova og vurdert han etter naturvern-, friluftsliv-, vilt-, lakse- og innlandsfiskeinteresser, og naturmangfaldlova. Fylkesmannen finn at dokumentasjonsgrunnlaget i søknad frå Bremnes Seashore AS om løyve til matfiskoppdrett av laks og aure på lokalitet Sild i Kvinnherad ikkje er tilstrekkeleg som grunnlag for å kunne gje utsleppsløyve. Straummålingsrapporten som er lagt ved søknaden har ikkje følgt gjeldande retningslinjer for søknad om løyve til akvakultur. Med bakgrunn i dette finn fylkesmannen ikkje å kunne handsame søknaden. Søknaden er handsama av Mattilsynet DK Sunnhordland I medhald av 5 i Forskrift av nr. 823 om etablering og utviding av akvakulturanlegg, zoobutikkar m.m., gjev Mattilsynet DK

3 Side 3/6 Sunnhordland avslag med bakgrunn av uakseptabel risiko for spreiing av smitte. Mattilsynet viser mellom anna til etablering av oppdrettslokalitet ved Sild vil auke risikoen for smitte mellom anlegga som allereie er i området. Det vert vist til at lokalitetane i dette området har hatt PD i 2012 og Vidare vert det vist til at lusesituasjonen i området kan bli forverra med meir biomasse i dette området. Søknaden er handsama av Fiskeridirektoratet Region Vest Fiskeridirektoratet Region Vest skal vurdere søknaden i høve til konsekvensar for tradisjonell fiskeriverksemd. Fiskeridirektoratet Region Vest sluttar seg til uttalen frå Fylkesmannen i Hordaland og avventar å kome med uttale i saka. Hordaland fylkeskommune har vurdert dei innkomne merknader i samband offentleg utlysing av søknaden. Merknadane vert ikkje kommentert kvar for seg, men blir teke med i denne vidare vurderinga. Oppdrettsverksemdene Marine Harvest Norway AS, Tombre Fiskeanlegg AS og Eide Fjordbruk AS protesterer mot at Bremnes Seashore AS får etablere seg på lokalitet ved Sild. Alle verksemdene har anlegg i området ved Varaldsøy. Marine Harvest sitt anlegg ligg nærast med ein avstand på 2,2 kilometer. Eide Fjordbruk AS har lokalitet 13 km unna, medan det til Tombre Fiskeanlegg AS sitt næraste anlegg er 10 km. Merknadene er i hovudsak retta mot fiskehelse og fiskevelferd, og er ivareteken gjennom ansvarleg sektorstyresmakt, Mattilsynet, si handsaming etter Matlova med tilhøyrande forskrifter. Hordaland fylkeskommune har vurdert søknaden i høve til 37 a i laksetildelingsforskrifta: Særskilte reglar for Hardangerfjorden. Hovudformålet med tiltaka i denne paragrafen er å hindre auka biomasse i det definerte området, fordi auka belastning er vurdert til ikkje å vera forsvarleg ut i frå omsynet til miljømessig berekraft. Søknaden inneber ein liten auke i produksjonskapasiteten i området på 195 tonn. Omsøkt MTB for ny lokalitet Sild er 2340 tonn medan lokalitet Saltkjelen II med ein lokalitetsbiomasse på 2145 tonn vert avvikla. Tiltaket inneber soleis ein liten auke i lokalitetsbiomassen innanfor det geografiske virkeområdet til 37a. Laksetildelingsforskrifta 37 a skal i utgangspunktet hindre ytterlegare biomasseoppbygging i området som kan påverke miljøet i negativ retning. Vidare skal forbodet mot å gje løyve til nye lokalitetar eller utvide eksisterande lokalitetar, med mindre det er fordelaktig med omsyn til miljømessig berekraft, sørgje for at endringar i lokalitetsstrukturen er til det betre for miljøet og dette skal sjåast på i eit heilskapleg perspektiv. Lokalitet Saltkjelen II ligg i ein innsnevra del av Hardangerfjorden mellom Ljoneshalvøya og Jondal. Innanfor ein avstand på 2,5 km har det fram til sommaren 2013 vore 3 nabolokalitetar. Ein av desse (Horjona) er nyleg avvikla, og produksjonskapasiteten er flytta til ein annan lokalitet. Noko av grunngjevinga for dette var sjukdomen PD som har vore endemisk i området, og lokalitetane i området hadde høg dødelegheit. Denne søknaden inneber flytting av lokalitetsbiomasse til ei plassering som ligg omlag 17 kilometer lenger ute i Hardangerfjorden. Med bakgrunn i situasjonen for anadrom laksefisk har det ikkje vore ønskeleg med flytting av produksjonskapasitet innover i fjorden. I høve dette er denne søknaden i rett lei, men avstanden mellom lokalitetane er så liten at det truleg er av mindre betyding i høve dette. Den skildra sjukdomssituasjonen i området ved Varaldsøy, både frå naboaktørar og Mattilsynet, viser at det ikkje er fiskehelsemessig forsvarleg å auke produksjonen i området no. Aktørane i området må halde fram arbeidet med å betre sjukdomssituasjonen og må overtid kunne dokumentere framgang før fortetting av lokalitetar og auka produksjon kan vera aktuelt. Som det har kome fram i merknadane til søknaden er dette eit særs krevjande arbeidet mellom anna fordi det i området rundt Varaldsøy er mange aktørar, både små og store, mange lokalitetar, samt at det innanfor eit relativt lite område ligg 3 ulike soner i soneforskrifta. Hordaland fylkeskommune har vurdert søknad i høve til om tiltaket er naudsynt eller klart fordelaktig med omsyn til miljømessig berekraft og kome fram til at flytting av lokalitetsbiomassen på Saltkjelen II til ny lokalitet ved Sild ikkje vil ha miljøgevinst. Med bakgrunn i dette finn Hordaland fylkeskommune at det vil vera strid med laksetildelingsforskrifta 37a å tildele lokalitet ved Sild som omsøkt.

4 Side 4/6 For å klarere ein lokalitet er det eit tvingande vilkår at det er gjeve naudsynte løyve etter laksetildelingsforskrifta 30 bokstav c. Dersom det ikkje er gjeve løyve etter ei av sektorlovene kan ikkje lokaliteten klarerast etter akvakulturregelverket. Mattilsynet DK Sunnhordland avslo søknaden i vedtak av Ettersom naudsynt sektorløyve ikkje er gjeve kan ikkje fylkeskommunen klarere lokaliteten etter laksetildelingsforskrifta 30. Fylkesmannen i Hordaland har i brev av konkludert med at dokumentasjonsgrunnlaget til søknaden ikkje er godt nok for å handsame søknaden etter forureiningslova. Ettersom naudsynt sektorløyve ikkje er gjeve kan ikkje fylkeskommunen klarere lokaliteten etter laksetildelingsforskrifta 30. Ved handsaming av søknaden er sakshandsamingsreglane i naturmangfaldlova av 19. juni 2009 nr følgt i vurdering av om tiltaket det vert søkt om er miljømessig forsvarleg etter laksetildelingsforskrifta 30 a. Søknaden har på vanleg måte etter reglane i akvakulturlova vore til handsaming hjå kommunen og sektorstyresmaktene. Fylkesmannen i Hordaland finn å ikkje kunne handsame søknaden då straummålingane ikkje er representativ for lokaliteten. Det er ikkje kome andre opplysningar om at saka ikkje er tilstrekkeleg opplyst i høve til oppdrettsanlegget si påverknad på naturmangfaldet. Den skildra sjukdomssituasjonen i området ved Varaldsøy, både frå naboaktørar og Mattilsynet, viser at det ikkje er fiskehelsemessig forsvarleg å auke produksjonen i området no. Fylkeskommunen konkrete haldepunkt for at etablering av ny lokalitet ved Sild som omsøkt vil kunne ha negativ miljøpåverknad. Med denne bakgrunnen vil det ikkje vera miljømessig forsvarleg å auka produksjonen med 2340 tonn slik fiskehelse og fiskevelferd situasjonen vert skildra no, og fylkeskommunen vurderer tiltaket å vere i strid med laksetildelingsforskrifta 30 punkt a. Etter ei samla vurdering av saka finn Hordaland fylkeskommune å måtte avslå Dykkar søknad om løyve til oppdrett av matfisk av laks og aure med ein maksimalt tillaten biomasse på 2340 tonn på ny lokalitet ved Sild i Kvinnherad kommune. Vedlegg Uttale frå Mattilsynet DK Sunnhordland , Fylkesmannen i Hordaland og Kystverket Vest , samt klageskjema fylgjer vedlagt. Klage Vedtaket kan påklagast. Sjå om dette i vedlagde orientering. Ei eventuell klage skal framsettast til Hordaland Fylkeskommune, sjølv om klaga gjeld vedtak fatta av Fylkesmannen, Mattilsynet eller Kystverket. I medhald av forvaltningslova sin 27 b vert det sett som vilkår for å gå til søksmål at ein har nytta høvet til å klaga. Bård Sandal fylkesdirektør regional utvikling Gudrun Mathisen seksjonssjef Brevet er godkjent elektronisk og har derfor inga underskrift. Sakshandsamar: Endre Korsøen Direkte telefon: E-postadresse: endre.korsoen@ hfk.no

5 Side 5/6 Kopi: Fylkesmannen i Hordaland, miljøvern- og klimaavdelinga Mattilsynet DK Sunnhordland Kystverket Vest Fiskeridirektoratet Region Vest Kvinnherad kommune Marine Harvest Norway AS Tombre Fiskeanlegg AS Eide Fjordbruk AS

6 Side 6/6 (1) Sendar (stemplet til forvaltningsorganet) Melding om rett til å klage over Hordaland fylkeskommune Postboks 7900 forvaltningsvedtak (Forvaltningslova 27 tredje leddet) (2) Dato (3) Mottakar (namn og adresse) (4) Klageinstans Bremnes Seashore AS 5430 BREMNES Fiskeridirektoratet Postboks 185 Sentrum 5804 Bergen Denne meldinga gjev viktige opplysningar dersom De vil klage på eit vedtak De er gjord kjend med. Klagerett Kven kan De klage til? Klagefrist Rett til å krevjegrunngjeving Innhaldet i klaga Utsetjing av gjennomføringa av vedtaket Rett til å sjå saksdokumenta og til å krevje rettleiing Kostnadene med klagesaka Klage til Sivilombodsmannen De har rett til å klage på vedtaket. Klaga sender De til oss, dvs. det organet som er ført opp i rubrikk (1). Dersom vi ikkje endrar vedtaket vårt som følgje av klaga, sender vi klaga over til klageinstansen, jf. rubrikk (4). Klagefristen er tre veker frå den dagen dette brevet kom fram. Det er nok at klaga er postlagd før fristen går ut. Dersom De klagar så seint at det kan vere uklart for oss om De har klaga i rett tid, bør De oppgje datoen for når De fekk dette brevet. Dersom De klagar for seint, kan vi sjå bort frå klaga. De kan søkje om å få lengreklagefrist, og da må De nemne grunnen til at De ønskjer det. Dersom De meiner at vi ikkje har grunngjeve vedtaket, kan De krevje ei slik grunngjeving før fristen går ut. Ny klagefrist blir då rekna frå den dagen De får grunngjevinga. De må presisere kva for eit vedtak De klagar på årsaka til at De klagar den eller dei endringar De ønskjer eventuelt andre opplysningar som kan ha noko å seie for vurderinga av klaga Klaga må underskrivast. Jamvel om De har klagerett, kan vedtaket til vanleg setjas i verk med det same. Men de kan søkje om å få utsett gjennomføringa av vedtaket til klagefristen er ute eller til klaga er avgjord. Med visse unntak har De rett til å sjå dokumenta i saka. Reglane om dette finst i 18 og 19 i forvaltningslova. De må i tilfelle ta kontakt med oss, jf. rubrikk (1). De vil då få nærmare rettleiing om retten til å klage, om framgangsmåten og om reglane for saksgangen. De kan søkje om å få dekt utgifter til den advokathjelpa De treng, etter reglane om fritt rettsråd. Her gjeld det visse grenser for inntekt og eige. Fylkesmannen eller advokaten Dykkar kan gje nærmare opplysningar om dette. Dersom vedtaket er endra til Dykkar fordel, kan De etter forvaltningslova ha krav på å få dekt store kostnader som har vore naudsynte for å få endra vedtaket. Klageinstansen (jf. rubrikk (4)) vil orientere Dykk om retten til å krevje slik dekning. Dersom De meiner at De har vore utsett for urett frå den offentlege forvaltninga, kan De klage til Stortingsombodet for forvaltninga (Sivilombodsmannen).Sivilombodsmannen kan ikkje sjølv endre vedtaket, men kan gje si vurdering av korleis den offentlege forvaltninga har handsama saka, og om dei har gjort feil eller forsømt noko. Dette gjeld likevel ikkje i saker som er avgjorde av Kongen i statsråd. Dersom De no får klaga Dykkar avgjord i statsråd fordi Kongen er klageinstans, kan De såleis ikkje seinare føre saka inn for Sivilombodsmannen. Særlege opplysningar X-0073 N (Godkj ) Elektronisk utgåve