INNKALLING OG SAKSKART

Verneområdestyret for Brattefjell-Vindeggen landskapsvernområde SAKSHANDSAMAR: PETER C. A. KÖLLER SAKSNR.: 2014/501 DATO: 24.11.2014 INNKALLING OG SAKSKART 01.12.14 Det vert med dette kalla inn til møte i verneområdestyret. Tid: Måndag 01.12.14, kl. 10:00. Lunsj kl. 12:00. Møte med fagleg rådgjevande utval frå kl. 13:00 Stad: Hardangervidda nasjonalparksenter, Skinnarbu Gje beskjed snarast på 953 00 640 om du ikkje kan møte. Då vil vararepresentant bli kalla inn. Sakliste: Sak 2014/34 Sak 2014/35 Sak 2014/36 Sak 2014/37 Sak 2014/38 Sak 2014/39 Godkjenning av innkalling og dagsorden. Underskriving av protokollar. Referatsaker Saksframlegg: Brattefjell-Vindeggen landskapsvernområde Søknad om diverse tiltak på Kråkeroe, gnr. 137 bnr. 4 i Seljord kommune, Trygve Aasan. Klagesak. Saksframlegg: Brattefjell-Vindeggen landskapsvernområde Søknad om diverse tiltak på gnr. 137 bnr. 4 i Hjartdal kommune, Ingrid Flatland Høydahl. Saksframlegg: Brattefjell-Vindeggen landskapsvernområde Søknad om riving av stølsbu og oppføring av ny på same stad på Smørbrekk gnr. 82 bnr. 8 i Seljord kommune, Morten Olav Dyrud. Postadresse: Postboks 2603 3702 Skien Besøksadresse: Skinnarbu 3661 Rjukan Telefon: +47 35 58 61 10 Direktenummer: +47 953 00 640 E-post: fmtepost@fylkesmannen.no Web: www.fylkesmannen.no/telemark Org.nr: 974 762 684

Side 2 Møtedato Saknummer 01.12.14 2014/36 Referatsaker: Møte med grunneigarrepresentantar Møte med Miljødirektoratet Bestillingsdialog

Side 3 Møtedato Saknummer 01.12.14 2014/37 Søknad om diverse tiltak på Kråkeroe, gnr. 137 bnr. 4 i Seljord kommune, Trygve Aasan. Klagesak. Ein syner til vedtak i verneområdestyret 18.09.14 og klage på vedtaket frå Fylkesmannen i Telemark 17.10.14. Verneområdestyret for Brattefjell-Vindeggen landskapsvernområde er forvaltningsmyndigheit for verneområdet og skal handsame dispensasjonssaker og eventuelle klager på vedtak, jf. forvaltingslova 33. Klima- og miljødepartementet er klageinstans, men Miljødirektoratet skal førebu ei slik sak for departementet. Det gjeld vel og merke dersom verneområdestyret ikkje sjølv gjer om vedtaket i sin klagehandsaming. Bakgrunn for saka 15.06.14 søkte Trygve Aasan om diverse tiltak på stølen Kråkeroe. Kort fortalt blei det søkt om: - Rammetillating til serveringsbygg på inntil 100 kvm. - Rammetillating til overnattingsbygg på inntil 65 kvm. - Løyve til å byggje utleigehytte på 25 kvm. - Løyve til å byggje vedskjul/utedo ved ny utleigehytte på 10 kvm. - Grøftearbeid i samband med å føre strømleidning fram til stølen. Verneområdestyret hadde saka opp til handsaming fyrste gong 22.08.14. Då vedtok styret å utsetja saka til det vart gjennomført synfaring og til det låg føre ei driftsplan for aktivitetane på stølen. Styret gjennomførte synfaring og ny handsaming 18.09.14. Då hadde styret på førehand motteke kopi av Aasans søknad om støtte frå Innovasjon Norge. Denne søknaden inneheld omtale av planlagd aktivitet på stølen. Vedtaket frå september er slik: 1) Verneområdestyret gjev Trygve Aasan rammetillating til å byggje serveringsbygg på maksimalt 100 kvm, og overnattingsbygg på inntil 65 kvm. Rammetillatinga er gjeve med heimel i vernereglane pkt. 3.1. Styret ber om å få saka til endeleg handsaming når teikningar ligg føre. 2) Verneområdestyret gjev Trygve Aasan løyve til å byggje overnattingshytte på 25 kvm og vedskjul/utedo på 10 kvm i tråd med søknad og teikningar. Løyve er gjeve med heimel i vernereglane pkt. 3.1. 3) Verneområdestyret gjev Trygve Aasan løyve til å føre strøm fram til Kråkeroe. Det skal leggast sjøkabel i Veisvikvatn. Denne skal gå i land slik at avstanden frå vatnet opp til bygningane på stølen blir minst mogleg. På strekninga frå vatnet til stølen skal kabelen gravast ned. Terreng og naturtilstand skal attendeførast til dagens status når kabelen er gravd ned. Løyvet er gjeve med heimel i kap. IV, pkt. 3.1 i verneforskrifta for Brattefjell-Vindeggen landskapsvernområde. Løyvet gjeld tre år frå vedtaksdato. Løyvet gjeld berre i høve til verneforskrifta. Handsaming etter anna lovverk vil skje i Seljord kommune. Avgjerda kan påklagast til Klima- og miljødepartementet. Klagefristen er tre veker etter at vedtaket er motteke, og eventuelt arbeid kan ikkje påbegynnast før klagefristen er ute. Klaga rettast til Klima- og miljødepartementet, men sendes til Verneområdestyret for Brattefjell-Vindeggen landskapsvernområde. Etter naturmangfoldloven 62 har Fylkesmannen høve til å klage på vedtak fatta av verneområdestyret. Vedtaket frå 18.09.14 er fleirdelt, men verneområdeforvaltaren oppfattar at Fylkesmannen berre klagar på punkt 2 i vedtaket, altså det som gjeld løyve til å bygge hytte på 25 m 2 for overnatting, med tilhøyrande uthus på 10 m 2. Vedlegg - Klage frå Fylkesmannen i Telemark dagsett 17.10.14(dok. 2014/3039-6).

Side 4 Andre relevante dokument, ikkje vedlagde - Forvaltningsloven - Verneforskriften - Forvaltningsplanen for Brattefjell-Vindeggen - Saksframstilling(dok. 2014/3016-3) - Vedtaksbrev(dok. 2014/3016-4) Vurdering Fylkesmannen grunngjev klaga med at dei meiner med utgangspunkt i dei opplysningane som ligg føre at den aktuelle hytta med tilhøyrande uthus ikkje kjem inn under heimelen 3.1 i vernereglane. Punkt 3.1 gjeld tiltak i samband med jord- og skogbruk, og Fylkesmannen meiner at ei utleige/overnattingshytte ikkje kan reknast som tiltak i samband med jord- og skogbruk. Fylkesmannen skriv vidare i klaga at dersom det er snakk om ei bygning i samband med annan utmarksnæring, er krav om driftsplan. I denne saka er det ikkje lagt fram ein driftsplan. Fylkesmannen meiner at søknaden til Innovasjon Norge ikkje er å rekne som ein driftsplan i denne samanheng. Dei meiner vidare at saka ikkje er godt nok opplyst til å ta stilling til kva føremålet med hytta er, og at vedtaket av den grunn er fatta på sviktande grunnlag. Avslutningsvis blir det påpeika frå Fylkesmannen at styrets vedtak om å gje løyve etter verneføreskrifta pkt. 3.1 ikkje er grunngjeven, og at det er eit brot på forvaltningslova sia det der er sagt at einskildvedtak skal grunngjevast. Samla sett meiner Fylkesmannen difor at vedtaket er ugyldig og må opphevast. Denne klagesaka dreier seg altså om ei hytte på 25 m 2 med tilhøyrande uthus/utedo på 10 m 2, og kva bruk desse bygga er tiltenkt. Søkjaren skriv i sin søknad dagsett 15.06.14 at dei søkjar om ei utleige/gjestehytte som skal brukast i samband med kurs og som skal brukast for dei som ønskjer å oppleve stølslivet i nokre dagar. Då saka blei handsama første gongen, hadde verneområdeforvaltaren eit inntrykk av at det i dette låg ei plan meir retta mot reiselivsverksemd enn landbruksverksemd, og det var med bakgrunn i dette at det blei fremma ønskje om framlegging av driftsplan for å kunne handsame saka etter NML 48. Styret hadde saka til handsaming i sitt møte 22.08.14. Då blei det ein diskusjon om tiltaket var å rekne som ein del av landbruksverksemda eller ikkje, og det enda med at saka blei utsett til det vart gjennomført synfaring og samtale med tiltakshavar. 18.09.14 blei det gjennomført synfaring, og Trygve Aasan fikk samstundes anledning til å forklare meir om bruken enn det som kom fram i søknaden. Det blei då gjort kjend at Aasan hadde vært litt uklår i søknaden og at det som i hovudsak var tanken, er at hytta skal kunne brukast i samband med besøkande som ønskjer å være kortare eller lengre tider på stølen for å oppleve, lære og delta i stølsarbeidet. Trygve Aasan har døme på at folk jobbar gratis på stølen i dagar og veker mot kost og losji, og at det er viktig å kunne ha dette tilbodet for å betre spreie kunnskap om stølslivet. Utan eit brukbart tilbod om overnatting er det vanskeleg å få folk til å delta i dette. Aasan har presisert at det ikkje har vore tanken om å bruke hytta til kommersiell utleige i reiselivssamanheng, men rett og slett som eit tilbod til folk som skal arbeide på stølen. Denne informasjonen kom fram under synfaringa 18.09 og var orsaka til at styret fatta eit positivt vedtak etter verneføreskrifta punkt 3.1. Gjennom ovannemnte kunnskap blei det av styret konkludera med at hytta måtte sjåast på som eit driftsbygg i landbruket på lik line med til dømes overnattingsbygget på 65 m 2 jf. punkt 1 i vedtaket. Denne grunngjevinga kom ikkje fram i vedtaket som blei fatta 18.09, og det er difor riktig å påpeike det Fylkesmannen gjer om at vedtaket må vere ugyldig. Med det som bakgrunn er det riktig at verneområdestyret gjer om sitt vedtak kva angår vedtakets punkt 2.

Side 5 Sakshandsamars framlegg til vedtak: Verneområdestyret gjev Trygve Aasan løyve til å byggje overnattingshytte på 25 m 2 og vedskjul/utedo på 10 m 2 i tråd med søknad og teikningar. Løyve er gjeve med heimel i vernereglame pkt. 3.1. Løyve er grunngjeve med at bygget skal brukast til overnatting for arbeidsfolk som skal lære og delta i stølsdrifta, og at det difor blir betrakta som eit driftsbygg i landbruket. Det er ei føresetnad at bygget ikkje blir bruka til anna kommersiell utleigeverksemd. Punktane 1) og 3) i vedtaket frå 18.09.14 er uforandra. Løyvet gjeld 3 år frå vedtaksdato. Løyvet gjeld berre i høve til verneforskrifta. Handsaming etter anna lovverk vil skje i Seljord kommune. Det kan klagast på avgjerda. Klagefristen er tre veker etter at vedtaket er motteke, og eventuelt arbeid kan ikkje startes før klagefristen er ute. Klaga rettast til Klima- og miljødepartementet, men sendes til Verneområdestyret for Brattefjell-Vindeggen landskapsvernområde. Kopi: Seljord kommune Fylkesmannen i Telemark Miljødirektoratet Statens naturoppsyn Skinnarbu Villreinnemnda

Side 6 Møtedato Saknummer 01.12.14 2014/38 Søknad om diverse tiltak på gnr. 137 bnr. 4 i Hjartdal kommune, Ingrid Flatland Høydahl. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Ingrid Flatland Høydahl søkjer om diverse tiltak: A) Løyve til å sette opp ei tømre på stølen Heim Trandem i Skjesdalen i Hjartdal kommune. Det dreier seg om å flytte ei tømre som i dag står på eigedomens teig i Hjartdal. Tømra er på 18,5 m 2 og står no på eit areal som blir bruka til innmarksbeite. Planen er å flytte den inn på stølsvollen på Heim Trandem. Det er i dag tre eldre bygningar på stølen. I tillegg er det ein hustuft nord-aust for eksisterande bygningar. Flatland Høydahl ønskjer å sette aktuell bygning på denne plassen, og seier at dette vil gjere stølen meir komplett og gjere kulturlandskapet enda finare. Bygget skal brukast som stall for hest og storfe som er på stølen om sumaren. Det opplysast om at bygget vil få endra takvinkel når det eventuelt kjem til Heim Trandem. Det har i dag litt spiss takvinkel, og det er planar om å redusere denne slik at bygget får same takvinkel som dei andre bygningane på stølen. B) Det søkjast om løyve til å sette opp ei enkel bru over Skjesåi. Den gamle buferdsvegen til Trandem og Butjønn går i Skjesdalen. Elva varierer mykje i storleik og til tider kan det vere vanskeleg å kome over. Det søkjast difor om løyve til å bygge enkel bru over eit lite gjel nedafor stølsvollen på heim Trandem. Det er tanken å bygge brua ved å legge to telefonstolpar med plankar mellom. Det blir ikkje støypt fundament, og det vil heller ikkje bli grave i terrenget. Eigedomsgrensa på staden går i elva og tilgrensande grunneigar, har ikkje noko i mot bygging av bru på staden. C) Flatland Høydahl søkjer om å fjerne jordmasser inntil den eine veggen bak stølsbua på Heim Trandem. Den underste stokken ligger lavt mot bakken og er utsatt for fuktangrep og råte. Eigerane har tidligare satt på eit beslag for å redusere tæringa, men dette er ikkje fint og det er berre ei mellombels løysing. Det er ønskjeleg å handgrave ei lita grøft slik at stokken kan bergast. D) På teigen 23/11 har søkjaren eit båthus. Dette blei bygd for å lagre båt og fiskeutstyr ved vatnet Langetjønn. Eigarane har gjennomført omfattande kultiveringsarbeid, og det tas fortsatt ut ein stor menge fisk. Mykje av denne fisken er egna til mat, og det søkast difor om løyve til å sette inn ein røykomn i båthuset. Eigarane tilbringar ofte fleire dagar i strekk i fjellet under fiske. For å sikre god ivaretaking av fangsten, er det difor ønskjeleg å kunne røyke fisken. Det søkjast om å sette inn ein omn som er 135 cm høg og med ein diameter på 35 cm. Røykrøyret blir ført ut gjennom tak eller vegg. Vedlegg Søknad registrert 25.09.2014(dok. nr. 2014/4008-1) Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde 2010-2014. - Skjøtselsplan del 2 for Brattefjell-Vindeggen.

Side 7 Det formelle grunnlaget - verneforskrifta og naturmangfoldlova Verneføremålet i Brattefjell-Vindeggen landskapsvernområde er å - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, pkt.1.1. Reglane er ikkje til hinder for drift og vedlikehald av eksisterande anlegg, jf. pkt. 2.2. Etter kap. IV, pkt 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. og etter 3.1 gje løyve til «tiltak i samband med jord- og skogbruk, så som oppføring av bygningar og liknande. Verneområdestyret må særleg vurdere konsekvensane av ein dispensasjon i høve til verneføremålet og verneverdiane. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentlig myndigheit. Kravet til kunnskapsgrunnlaget skal stå i eit rimelig forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som det aktuelle tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessig beste resultatet. Uttale frå villreinnemnda Villreinnemnda handsama saka i sitt møte 02.10.14. Dei har kome med følgjande uttale: «Villreinnemnda for Brattefjell-Vindeggen, Blefjell og Norefjell-Reinsjøfjell har ut ifra villreinhensyn ingen kommentarer til omsøkte tiltak. Villreinnemnda ber om å få informasjon om den videre behandlingen av søknaden.» Vurdering Heim Trandem ligger i brukssona. Relevant forvaltingsmål for brukssona er at: - Brukssona skal forvaltas med tanke på å ta vare på områdas art og karakter utan inngrep som vesentleg kan endre landskapets utforming. - Områda skal kunne nyttast til landbruksdrift for å sikre næringsgrunnlaget til grunneigarane. - Oppretthalding av drift i utmarka er m.a. viktig for å taka vare på kulturlandskap og plantesamfunn, og derved det biologiske mangfaldet. - I dei områda som i delar av året er minst sårbare for forstyrring av m.a. villrein, kan ein legge til rette for naturopplevingsprodukt og jord- og skogbruk som bidrar til å sikre næringsgrunnlaget for dei lokale fjellbygdene gjennom aktiv verdiskaping med fjellet som ressurs. Vidare er det spesielle retningsliner for bruk kva gjelder bygningar. I forvaltningsplanen står det mellom anna at det er tillat med naudsynt vedlikehald av eksisterande bygningar, at det kan gjevast løyve til ombygging og tilbygg, og at det kan gjevast løyve til nybygg som er naudsynt i samband med jord- og skogsdrift. Ein må vera trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. 8 (kunnskapsgrunnlaget) og 9 (føre-var-prinsippet). Kunnskapsgrunnlaget er basert på Naturbasen, forvaltningsplan, Norsk rødliste for naturtyper, Botaniske registreringar i Brattefjell-Vindeggen, samt registreringar av stølsanlegg og skjøtselsplan for stølsområde. I tillegg kjem all kunnskap om villreinen. Stølen ligger i villreinens leveområde, og en plass der villreinen relativt ofte er å sjå seint på sumaren og om hausten. Reinen i Brattefjell-Vindeggen har ein tendens til å reise ned frå høgfjellet seint på sumaren

Side 8 for så å vende attende rundt brunsttider i september/oktober. Ofte vil ein finne reinens trekk i Skjesdalen. Området reknas likevel ikkje som verken kalvingsområde eller vinterbeiteområde. Som oftast trekker dyra ut her når kalvane er så store at dei med lettheit følgjer simlene. Naturbasen seier ingenting om utvalde naturtypar, prioriterte artar, eller anna særlege omsynsobjekt. Området dominerast av fattig myr- og skogtyper, men i liane langs Skjesåi finst blandingsskog dels høgstaudetype. Rett sør for Heim Trandem finst eit lite areal med rik myr. Dominerande vegetasjonstypar er lyng- og høgstaudeskog, sumpskog, sumpvierkjerr, nedbørsmyr-rikmyr og fattig og rik beiteeng. Det er registrert om lag 150 arter, der kongsspir, klubbestarr og bakkesøte er dei mest interessante. Heile område er kulturpåverka av sau og dels storfe. På fylkesnivå vurderast området å ha middels botanisk verdi. A) Når det gjeld tømra søkjaren ønskjer å flytte til stølen, så blir tiltaket i denne saka berre vurdera etter verneforskrifta. Løyve etter anna regelverk må rette forvaltningsmyndigheit handsama. Ein tenkjer då på kulturminnemyndigheit og Plan- og bygningsloven. Som nemnt er det i utgangspunktet forbode å sette opp nye bygningar i landskapsvernområde. Til omgrepet «nye bygningar» må det medreknas alle tenkelege høve der det kjem ein ny bygning, altså også det å flytte inn ein eksisterande bygning. Det kan gjevast dispensasjon for å sette opp nye bygningar så lenge det ikkje går ut over føremåla med vernet, og det er spesielt nemnt bygningar i samband med landbruksdrift. I denne saka dreier det som om ein bygning som i dag tener som driftsbygg i landbruket, og som skal fortsette å ha denne funksjonen sjølv om den flyttast. Det er ein bygning med ei historie og ei utsjånad som vil passe inn på stølen, og eigarane vil til og med justere takvinkelen slik at den passar betre med takvinkelen på dei bygningane som står på stølen i dag. Bygningen skal også plasserast på ei gamal tuft etter eit bygg som no er borte. Det er beitedyr på stølen og bygget skal ha funksjon som stall og le for desse dyra. Verneområdestyret har både gjennom ord og handling synleggjort deira ønskje om å ha beitedyr i landskapsvernområde. Dette er svært viktig for å forhindre attgroing og tap av viktige kulturlandskapsområder. Det aktuelle bygget vil betre tilhøva for dyra på stølen, samstundes som det vil betre heilskapsinntrykket på staden. Bygget vil ikkje føre til auke i samla belastning på økosystemet, og vil difor heller ikkje virke negativt på føremåla med vernet. B) Å bygge ei bru for å sikre og betre åtkomsten til stølen krevjar dispensasjon etter vernereglane. Dersom det allereie hadde vært ein bru på staden, eller det kunne dokumenterast at det tidligare var bru på staden, ville ei eventuell løyve blive heimla i vernereglane punkt. 2.2. Der står det at drift og vedlikehald av eksisterande bygningar, vegar og anlegg kan gjennomførast. Når det no dreier seg om nybygg må ein vurdere om tiltaket kjem i konflikt med føremålet med vernet. Bygging av bru som søkt vil lette åtkomsten til område generelt og til stølen spesielt. Det er vanskeleg å vurdere om brua i seg sjølv vil føre til auke i samla belastning. Verneområdeforvaltaren tviler på dette, og grunngjer tvilen med at staden brua skal byggast ligger så langt inn i fjellet at berre folk som allereie oppheld seg i verneområde vil ha nytte av brua. Vidare kjem det landbruksmessige aspektet inn, då ei bru vil lette og sikre åtkomsten til ein støl med aktiv beitebruk. Vidare er det positivt at det planleggast å bygge brua utan nokon form for inngrep i terreng, og det vil heller ikkje få den store landskapsmessige påverknaden. Vernereglane punkt 3.1 seier at når tiltaket ikkje strir mot føremålet med vernet, kan det gjevast løyve til tiltak i samband med jord- og skogbruk, så som oppføring av bygningar ol. Punkt 3.3 seier at ein kan, når det ikkje strir med føremålet for vernet, gje løyve til anlegg av veg i samband med landbruksverksemd( ), mens punkt 3.4 seier at det kan gjevast løyve til opparbeiding og merking av nye turstiar og løyper. Bygging av enkel bru over Skjesåi, treffer ikkje nokon av disse punktane direkte, men rører ved fleir. Det er argumentera med at den gamle buferdsvegen gjeng her, og samla sett kan ikkje verneområdeforvaltaren sjå at bygging av enkel bru som søkt strir mot føremålet med vernet. C) I utgangspunktet seier vernereglane at det ikkje skal gravast ut masse, fylles opp masse, uttak av torv mv. i landskapsvernområde. I denne saka dreier det seg om å grave bort litt jord for å sikre vedlikehald av eksisterande bygning. Vernereglane punkt 2.1 seier at vernereglane ikkje skal vere til hinder for drift og vedlikehald av eksisterande bygningar( ). I denne saka er det søkt om å handgrave ei lita grøft heilt inn til hytte veggen. Det er snakk om eit lite massevolum og på ein stad som allereie er kultivert. Føremålet med jobben er også å sikre ivaretaking av kulturminne på staden.

Side 9 D) Forvaltningsplanen punkt 7.4 seier det ikkje er høve til å byggje eldstad i bygningar kor det tidligare ikkje har vore eldstad. Dette er som ei understreking at det ikkje vert gjeve løyve til å gjere om uthus til fritidshus. I denne saka dreier det seg om eit båthus som berre blir bruka til båt og fiskeutstyr, og det dreier seg om å sette inn ei røykomn for å røyke fisk slik at fangsten frå kultiveringsarbeidet blir tatt best mogleg vare på. Det er ikkje høve til å bruke båthuset til anna enn føremålet. Verneområdeforvaltaren meiner ikkje tiltaket vil føre til auka belastning i området, og at tiltaket difor ikkje vil påverke verneføremåla på negativ måte. Tiltaket er å sjå på som ein del av den planlagde drifta på eigedomen. Framlegg til vedtak: A) Verneområdestyret gjev Ingrid Flatland Høydahl løyve til å flytte ei tømre inn på stølen Heim Trandem som søkt. Løyve er gjeve med heimel i vernereglane punkt 3.1. Med tanke på utsjånad, er det ei føresetnad at bygget blir værande slik det er i dag, men endring av takvinkel og andre mindre tilpassingar kan aksepteras. Det er vidare ei føresetnad at bygget brukast til stall for dyra på stølen. B) Verneområdestyret gjev Ingrid Flatland Høydahl løyve til å bygge ei enkel bru over Skjesåi som søkt. Løyve er gjeve med heimel i vernereglane punkt 3.3. C) Verneområdestyret gjev Ingrid Flatland Høydahl løyve til å grave bort jordmassar inntil/under vegg på hytta på stølen Heim Trandem som søkt. Løyve er gjeve med heimel i vernereglane punkt 2.2. D) Verneområdestyret gjev Ingrid Flatland Høydahl løyve til å sette inn røykomn for røyking av fisk i eksisterande båthus ved Langetjønn. Løyve er gjeve med heimel i vernereglane punkt. 3.1. Det vert sett følgjande felles vilkår: - Løyvet gjeld tre år frå vedtaksdato. - Løyvet gjeld berre i høve til verneforskrifta. Handsaming etter anna lovverk vil skje i Hjartdal kommune. Avgjerda kan påklagast til Klima- og miljødepartementet. Klagefristen er tre veker etter at vedtaket er motteke, og eventuelt arbeid kan ikkje påbegynnast før klagefristen er ute. Klaga rettast til Klima- og miljødepartementet, men sendast til Verneområdestyret for Brattefjell-Vindeggen landskapsvernområde. Vedtaket vert send Ingrid Flatland Høydahl. Kopimottakarar: - Hjartdal kommune - Miljødirektoratet - Fylkesmannen i Telemark - Statens naturoppsyn Skinnarbu - Villreinnemnda

Side 10 Møtedato Saknummer 01.12.14 2014/39 Søknad om riving av stølsbu og oppføring av ny på same stad på Smørbrekk gnr. 82 bnr. 8 i Seljord kommune, Morten Olav Dyrud. Verneområdestyret for Brattefjell-Vindeggen landskapsvernområde er forvaltningsmyndigheit for verneområdet og skal handsame dispensasjonssaker. Kort om saka Morten Olav Dyrud søkjer om løyve til å rive ei gamal stølsbu og erstatte denne med ei ny tømre av sama storleik. Tanken er å bygge den nye hytta der den gamle stod. I september 2011 fikk søkjaren løyve av verneområdestyret til diverse vedlikehaldsarbeid på den gamle hytta. Dette arbeidet blei starta opp i 2013 og det viste seg at tilstanden var langt dårlegare enn først antatt. Telemark fylkeskommune som kulturminnemyndigheit er kjent med saka, og har ikkje innvendingar mot at den gamle hytta erstattas med ein ny. Vedlegg - Søknad motteke 31.10.14 (dok. 2014/4596-1) Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde - Naturmangfoldloven(NML) - Forvaltningsplan for Brattefjell-Vindeggen landskapsvernområde Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. Kap. IV, pkt.1.1. Reglane er ikkje til hinder for drift og vedlikehald av eksisterande anlegg, jf. pkt. 2.2. Etter kap. IV, pkt 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. Verneområdestyret må særleg vurdere konsekvensane av ein dispensasjon i høve til verneføremålet og verneverdiane, jf. rundskrivet Forvalting av verneforskrifter frå Miljødirektoratet. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentlig myndigheit. I 8 i lova (om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i et rimelig forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag.

Side 11 I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som det aktuelle tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det beste resultatet for samfunnet. Vurdering Smørbrekk ligger i kulturlandskapssona. Relevant forvaltingsmål for kulturlandskapssona er at Ein ynskjer å taka vare på særleg verdfullt stulsmiljø med tilhøyrande eigenarta kulturlandskap med kulturhistorisk verneverdi.» Ein må vera trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. 8 (kunnskapsgrunnlaget) og 9 (føre-var-prinsippet). Man har kjennskap og grei dokumentasjon av verneverdiane i området. Både når det gjelder natur- og kulturverdiar. Kunnskapen er samla i forvaltningsplanen, og er henta i samband med arbeidet med denne. Bland dei viktigaste dokumenta er J. E. Eriksens arbeid om Botaniske registreringar i Brattefjell-Vindeggen, samt H. Norby sitt arbeid om Registrering av stølsanlegg. Kunnskap om naturverdiar, er også henta frå Naturbasen. I tillegg kjem samtaler med grunneigaren og SNO, samt eiga synfaring. Smørbrekk ligger i et område som i botanisk samanheng definerast som område med middels høg botanisk verdi. Det er registrera om lag 170 planteartar, aller mest heilt vanlege artar. Område er prega av sauebeite. Stølen Smørbrekk har mange kvalitetar i kulturminnesamanheng. Stølen er ein av etter kvart få støler som framleis er relativt opne. Det er fleire bygningar og det er eit tal steingjerder som ikkje er så vanleg å finne på støler i Brattefjell-Vindeggen. Vidare er det på stølen, som den einaste i området, eit intakt kokehus. I H. Nordby sitt arbeid med registreringar av stølsområder i Brattefjell-Vindeggen omtalas Smørbrekk som eit av dei mest intakte stølsanlegg i landskapsvernområde. Naturbasen opplyser ikkje om anna enn at det er leveområde for villrein der Smørbrekk ligger, men staden er verken spesielt bruka til vinterbeiteområde eller kalvingsområde. Villreinen brukar nok området mest i sumarhalvåret. Då gjeng reinen ned for å beite på spirer om våren og sopp seinsumar og haust. Smørbrekk blir ein del bruka. Det er beitedyr i området og eigarane brukar stølen i samband med jakt, fiske og rekreasjon. Det er fleire bygningar på stølen, og det blei satt opp ei ny hytte på Smørbrekk for eit par år sida. Denne er bygd i tradisjonell byggestil og har ei svært tilpassa utsjånad til stølen. Også den gongen blei hytta satt opp på eksisterande tuft. Sida det no igjen dreier seg om å sette opp ei ny hytte med same storleik, utsjånad og på same stad som den gamle, kan ikkje forvaltaren sjå at nybygget vil påverke kulturlandskapet - som verneverdi - på ein negativ måte. Bruken av hytta vil ikkje bli endra. Moglegvis vil ei ny hytte gje betre komfort, og difor ein viss auke i bruken. Likevel meiner forvaltaren at denne eventuelle bruksauka berre blir marginal og sia stølen ligger i et område som ikkje blir vurdera som spesielt viktig for villreinen(jf. vinterbeite og/eller kalvingsområde), trur ikkje forvaltaren at tiltaket vil påverke føremåla med vernet på særleg negativ måte. Likevel er det å vente ein viss auke i belastninga i byggeperioden, og det er særs viktig å taka omsyn til villreinen om det skulle bli aktuelt.

Side 12 Framlegg til vedtak: Verneområdestyret gjev Morten Olav Dyrud løyve til å sette opp ny hytte på eksisterande tuft på Smørbrekk i tråd med omtale og teikningar i søknaden dagsett 19.08.2014. Løyvet er gjeve med heimel i kap. IV, pkt. 3.2 i verneforskrifta for Brattefjell-Vindeggen landskapsvernområde. Det vert sett følgjande vilkår: - Løyvet gjeld tre år frå vedtaksdato. Om arbeidet ikkje er starta opp då, fell løyvet bort. - Arbeidet skal dokumenterast ved at minst tre gode fotografi, som syner den nye bygningen frå ulike vinklar, sendast verneområdestyret seinast to månader etter at bygget står ferdig. - Det skal takast omsyn til fargeval i samsvar med forvaltningsplanen pkt. 7.4. - Restar frå riving og bygningsmateriale som ikkje kan nyttast til ved, må fraktas ut av området så skånsomt som mogleg og handsamast etter gjeldande reglar for ulike slag avfall. Løyvet gjeld berre i høve til verneforskrifta. Handsaming etter anna lovverk skal skje av aktuell forvaltningsmyndigheit, og søkjaren er sjølv ansvarleg for å hente inn eventuelt andre naudsynte løyve. Det kan klages på avgjerda. Klagefristen er tre veker etter at vedtaket er motteke. Klaga rettast til Klima og miljødepartementet, men sendast til Verneområdestyret for Brattefjell-Vindeggen landskapsvernområde. Vedtaket vert send Morten Olav Dyrud. Kopi: - Seljord kommune - Fylkesmannen i Telemark - Miljødirektoratet - Statens naturoppsyn Skinnarbu - Villreinnemnda