Konkurransegrunnlag for Kjøp av ny renovasjonsbil Oppdragsgjevar: Årdal kommune Statsråd Evensensveg 4, 6885 Årdalstangen Ansvarleg person: Rådmann Olve Fossedal Innkjøpsprosedyre: Åpen anbodskonkurranse Tilbodsfrist: 17. august 2015 kl. 12.00 Acos sak 15/15-3
Oppdragsgjevar Årdal kommune, Statsråd Evensensveg 4, 6885 Årdalstangen. Besøksadresse: Rådhuset Kontaktperson: Arne Kjos e-post: akj@ardal.kommune.no Telefon: 57 66 51 11 / 950 74 351 All kontakt skal gjerast skriftlig med kontaktpersonen. Tilbodsinnbyding Årdal kommune skal investere i ny renovasjonsbil i 2015. I den samanheng ønskjer me å få pristilbod på ulike chassis og komprimatoraggregat. Tilboda skal være på komplett bil inklusive chassis og påbygg. Det er ein føresetnad at den gamle renovasjonsbilen vert teke i innbyte. Tilbodet skal syne prisen på standardutstyr med tilleggsprisar for ekstrautstyr og pris for innbytebil. Dette for å kunne ta ut eller legge til ekstrautstyr i etterkant. Tilbydar må gje tilbod på heile forespørselen. Dersom økonomi eller liknande etter endt entreprisekonkurranse ikkje vert godkjent, har kommunen rett til å avbryte oppdraget her. Det vert ikkje gjeve erstatning for utgifter som blir påført som følgje av dette. Konkurransen er kunngjort på DOFFIN Tilbodet med vedlegg skal vera skrive på norsk og gjeve på grunnlag av konkurransegrunnlaget. Tilbodet skal innehalde alle opplysningar som konkurransegrunnlaget stiller krav om. Tilbodet (2 eksemplar) skal vera underskrive og sendast/leverast i lukka konvolutt merka: Kjøp av ny renovasjonsbil til : Årdal kommune, Statsråd Evensensveg 4, 6885 Årdalstangen (eller leverast på Rådhuset, tenestetorget på Årdalstangen) Tilbodsfrist er : 17. august 2015 kl. 12.00. Det er tilbydar sitt ansvar at tilbodet når fram i tide. Tilbydarane må vedstå seg tilbodet til 17. november 2015 Årdalstangen 08.07.2015 For Årdal kommune Marian Teigen
Framdriftsplan Framdriftsplanen er rettleiiande og ikkje bindande for oppdragsgjevar. Utsending av konkurransegrunnlag i DOFFIN Veke 28/2015 Frist for tilleggsopplysningar 10. august 2015 Frist for levering av tilbod 17. august 2015 kl. 12.00 Tilbodsopning 18. august 2015 kl. 09.00. Val av tilbydar Veke 37/2015 Inngåing av avtale Veke 39/2015 Reglar for gjennomføring av konkurransen og krav til tilbod Innkjøpsprosedyre Innkjøpsprosedyren som er valt følgjer av forskrift til lov om offentlege anskaffingar del I og III 14-1, åpen anbodskonkurranse. Etter at tilboda er mottekne vil kvalifikasjonskrava i konkurransegrunnlaget vurderte. Tilbydarar som ikkje oppfølgjer desse krava i konkurransegrunnlaget vil bli avvist i medhold av FOA 17-4. Tilleggsopplysninger Dersom tilbydar finn at konkurransegrunnlaget ikkje har tilstrekkelig informasjon, eller at det vert oppdaga feil i konkurransegrunnlaget, kan ein skriftlig be om tilleggsopplysningar/melda frå til oppdragsgjevar sin kontaktperson (akj@ardal.kommune.no) merka med: Kjøp av ny renovasjonsbil Opplysningar om retting, supplering og endringar vert og kunngjort elektronisk på DOFFIN. Tilbod Det vert ikkje gjeve høve til å gje tilbod på deler av forespørselen. Årdal kommune skal ha tilbod på komplett bil inklusive chassis og påbygg, og pris på innbytebil. Atterhald og avvik Dersom tilbydaren tek atterhald mot deler i konkurransegrunnlaget, skal det gå klart fram av tilbodet. Atterhald skal spesifiserast med kva for konsekvensar dette har for ytinga, pris eller andre tilhøve. Det same gjeld for avvik. Atterhald og avvik skal være presise og eintydige slik at oppdragsgjevar kan vurdere dei utan kontakt med tilbydarane. Forbehold og avvik skal refere til relevante punkt i konkurransegrunnlaget og takast med i tilbodsbrevet. Vesentlige atterhald og avvik vil føre til at tilbodet vert avvist. Tilbydaren si henvising til standardiserte leveringsvilkår eller lignande vil bli betrakta som atterhald dersom dei avvik fra føreliggande konkurranse- eller kontraktsbestemmelser Offentlegheit For innsyn i innkjøpsprosessen gjeld Lov om rett til innsyn i dokument i offentleg verksemd av 19. mai 2006 nr. 16 (offentleglova). Oppdragsgjevar gjer potensielle leverandørar merksame på at tilbod og innkjøpsprotokoll i utgangspunktet er offentleg og kan krevjast innsyn i etter offentleglova 13.
Kvalifikasjonskrav Generelle krav Attest for betalt skatt og trygdeavgift, ikkje eldre enn 6 månader frå tilbodsfrist Attest for betalt meirverdiavgift, ikkje eldre enn 6 månader frå tilbodsfrist. Økonomisk og finansiell kapasitet Leverandøren sitt årsrekneskap for dei 3 siste åra med beretningar Balanse- og resultatrekneskap med revisorrapport skal vedleggjast for at oppdragsgivar skal vurdere tilbydars økonomiske stilling. Teknisk kapasitet Tilbydar sine viktigaste leveransar dei siste åra, inkludert verdi, tidspunkt og mottakar Erklæring av føretaket si totale omsetning, og føretaket si omsetning med relevans til kontrakten de siste tre rekneskapsåra. Erklæring om barnearbeid Tilbydar skal ved førespurnad leggje fram stadfesting på at det ikkje vert nytta barnearbeid i framstilling av produkta. Kvalitetskrav Beskriving av føretakets mål for kvalitetssikring (kort beskriving). Sertifikat utstedt av offisielle kvalitetskontrollinstitutt. Relevante referansar, produktdokumentasjon og oversikt over kompetanse i alle ledd skal dokumenterast. Kompetanse gjeld for eiga verksemd og for eventuelle underleverandørar. Underleverandørar Gje opp navn på underleverandørar og kva tenester dei utfører. Det vert stilt same krav til dokumentasjon av kvalifikasjonskrava til underleverandørar, som til tilbydar. Attestar gjeld også for underleverandørar. Dokumentasjon på kvalifikasjonskrav til tilbydar skal leverast saman med tilbodet. Tilbydarar som ikkje har dokumentert kvalifikasjonskrava kan verta avvist. Vedlagt HMS erklæring skal fyllast ut og nyttast ved innlevering av tilbod.
Krav til ytelsen og tildelingskriterie Kravspesifikasjon Krav til kjøp av renovasjonsbil og innbytte av gammal renovasjonsbil er utarbeida i kravsspesifikasjon. Tildelingskriterie Tildelinga vil skje på grunnlag av det tilbodet som er det økonomisk mest fordelaktige jfr. 22-2, etter desse kriteria; Kriteriar Vekt Svar / Dokumentasjon Målsetjing Pris 60 % Tilbodssum Lågast pris Komfort og brukseigenskapar etter prøvekøyring 30 % Referanseliste m/kontaktperson Mest brukarvenleg. Sjåførane si innstilling vil bli tillagt vesentleg vekt. Service 10 % Pris, avstand til verkstad og estimert stopptid Lågast pris på service samt kortast mogleg stopptid på bilen Handsaming av tilboda Tilbodsopning Tilbodsopning vert utført på Rådhuset 18. august 2015 kl.09.00. Tilboda vil bli opna av to representantar frå oppdragsgjevar, og tilboda vil bli protokollført. Tilbodsopningen vil vere lukka. Avvising av tilbod Oppdragsgjevar har plikt til å avvise tilbydarar dersom forhold som følgje av FOA 20-12 fyrste ledd føreligg og 20-13 fyrste ledd bokstav a-f føreligg. Oppdragsgjevar kan avvise tilbydarar dersom forhold som følgjer av FOA 20-12 andre ledd bokstav a-g og 20-13 andre ledd bokstav a-d føreligg. Avlysning av konkurransen og totalforkasting Oppdragsgjevar kan avlysa konkurransen eller forkasta samtlige tilbod dersom det er saklig grunn for det jfr. 22-1 Informasjon om tildeling av kontrakt Oppdragsgjevar si avgjerd om kven som skal tildelast kontrakt, vil verte varsla skriftlig til alle tilbydarane samtidig, i rimelig tid før kontrakt vert inngått. Med «kontrakt er inngått» meinar me det tidspunkt da begge partar har underteikna kontrakten.