3692 Sauland Møteinnkalling for Partsamansett Utval Møtedato: 03.02.2016 Møtestad: Kommunehuset Møtetid: Kl. 12.30 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Sauland, 26.01.2016 Bengt Halvard Odden Ordførar Sakliste Sak nr. Saktittel 001/16 GODKJENNING AV MØTEBOK 002/16 KOMMUNEREFORMA - FORHANDLINGSMANDAT - HJARTDAL OG TINN 003/16 DELEGASJONSSAK
Styre, råd, utval Møtedato Saknummer Sakshandsamar Partsamansett Utval 03.02.2016 001/16 ISO Saksansvarleg: Ingrid Sletta Olsen Arkiv: K1-, K2- Arkivnr.: 16/200 GODKJENNING AV MØTEBOK RÅDMANNEN TILRÅR Møteboka FRÅ adm.utvalsmøte 07.12.2015 blir godkjent slik ho ligg føre.
Styre, råd, utval Møtedato Saknummer Sakshandsamar Kommunestyret RE Partsamansett Utval 03.02.2016 002/16 RE Saksansvarleg: Rune Engehult Arkiv: K1-026, K2- Arkivnr.: 16/111 KOMMUNEREFORMA - FORHANDLINGSMANDAT - HJARTDAL OG TINN Saksgang: Partsamansett utval tilrår. Kommunestyret gjer vedtak. Bakgrunn for saka: Kommunestyret handsama i møte 16.12.15 sak 125/15 "Kommunereforma - val av forhandlingsalternativ". Kommunestyret fatta følgjande vedtak: Kommunestyret gir ordføraren mynde til å ha uformelle sonderingar med sine kollegaer i Tinn kommune Seljord/Kviteseid/Nissedal kommunar for å avklare om det er aktuelt å fremme ei sak for dei respektive kommunestyra om å starte reelle forhandlingar om ei eventuell kommunesamanslåing. Ordføraren har i løpet av januar hatt uformelle sonderingar med høvesvis ordføraren i Tinn og ordførarane i Seljord/Kviteseid/Nissedal. Resultatet av sonderingane med Tinn er at ordførarane er samde om at det er grunnlag for å leggje fram ei sak for sine respektive kommunestyre med tilråding om å starte formelle forhandlingar med sikte på å utarbeide ei intensjonsavtale for ei ny felles kommune. Tilbakemeldingane frå ordførarane i konstellasjonen Seljord/Kviteseid/Nissedal er at dei forhandlingane har kome så langt at det ikkje er naturleg å ta Hjartdal med i det alternativet. Signalet er at dersom ei samanslåing av dei tre kommunane ikkje blir nokon realitet kan det oppstå ein ny situasjon der Hjartdal kan inngå. Ordførarane er såleis samde om at det ikkje er grunnlag for å starte forhandlingar i den retninga nå.
På bakgrunn av konklusjonen i sonderingane blir det nå lagt fram ei sak der kommunestyret må ta stilling til om dei vil starte forhandlingar med Tinn kommune om ei kommunesamanslåing. Vurdering: Kommunestyret vedtok i møte 16.12.15 å gå i forhandlingar med Notodden, Sauherad og Seljord kommunar. Rådmannen viser til saksframlegget i KOM-sak 122/15 der det er gjort greie for bakgrunn for saka og gjort generelle vurderingar knytt opp mot kommunereforma. Kommunestyret vedtok i møte 22.04.15 tre alternativ som dei ønska å vurdere. Det beli seinare vedteke å starte opp forhandlingar knytt til eitt av alternativa (Hjartdal/Notodden/Tinn), men desse blei seinare brotne av Tinn kommune. Det såg dermed ut til at kommunestyret kunne kome til å stå overfor berre to alternativ - ei samanslåing av Hjartdal/Notodden/Sauherad/Seljord eller å halde fram som eigen kommune. Etter rådmannen sin vurdering er det positivt at både innbyggjarar og kommunestyre har fleire alternativ å vurdere for ein framtidig kommunestruktur. På den andre sida så kan for mange alternativ vere krevjande å forhandle fram sett i lys av den svært knappe tidsfristen ein må halde seg til. Dessutan vil det vere krevjande for innbyggjarane å ta stilling til mange alternativ. For kommunestyret kan det òg vere vanskeleg å ta stilling til eit endeleg vedtak dersom mange alternativ fører til at innbyggjarane sine signal spriker. Rådmannen vil peike på kommunestyret sine mål for kommunereforma knytt til sterkare fagmiljø og breiare og meir spesialiserte tenester for innbyggjarane. I dei samanheng der Hjartdal i dag har interkommunalt samarbeid med ein "stor" kommune, og eventuelt bryt dette for å gå inn i ei kommunesamanslåing som vil utgjere ein mindre kommune enn dagens samarbeidsløysing, så kan dette føre til at fagmiljø og tenestetilbod som blir tilbydd kommunen sine innbyggjarar faktisk blir svekka. Dette er ein problemstilling som ikkje er avgjerande i denne fasa, men som kommunestyret må vurdere grundig når endeleg vedtak skal bli fatta. Ut frå ei totalvurdering vil rådmannen tilrå at kommunestyret vedtek å gjennomføre forhandlingar med Tinn kommune med det same mandat og det same forhandlingsutvalet som for alternativet med Notodden, Sauherad og Seljord kommunar. Det er viktig med det same forhandlingsutvalet med tanke på kontinuitet og erfaringsoverføring mellom prosessane. RÅDMANNEN TILRÅR: 1. Hjartdal kommunestyre vedtar å gå i forhandlingar med Tinn kommune om ein intensjonsavtale for eventuell kommunesamanslåing. 2. Forhandlingane legg til grunn dei utgreiingar om dei to kommunane som allereie ligg føre i ulike samanheng, m.a frå Ny Kommune og andre aktuelle utgreiingar med fakta og om dei to kommunane og moglege samanlikningar med andre. 3. Kommunestyret oppnemnar eit forhandlingsutval som blir sett saman slik: - Ordførar - Varaordførar - For opposisjonen: Trine Kahrs - Som vara for ordførar: Inger Øya Grøgård - Som vara for varaordførar: Audun Solberg - Som vara for opposisjonen: Toralf Hjartsjø
4. Det kommunale forhandlingsutvalet skal i forhandlingane ta utgangspunkt i det som er kome fram i SWOT-analysa som er utarbeidd på bakgrunn av folkemøta og dei måla kommunestyret har vedteke for kommunereforma. 5. Rådmann deltar i utvalet sine møte og syter for praktisk bistand til utvalet sitt arbeid. 6. To representantar for dei tillitsvalde blir invitert til forhandlingsmøta. 7. Det interkommunale forhandlingsutvalet gis i mandat å utarbeide ein intensjonsavtale for ein eventuell ny kommune. Utgangspunktet for forhandlingane skal vere dei fire hovudmåla i kommunereforma. 8. Utgreiinga bør være ferdig slik at den kan bli lagt fram for kommunestyret i april 2016. 9. Kommunestyret gjer vedtak om intensjonsavtala skal leggjast ut på høyring og eventuelt korleis innbyggjarane skal høyrast. Saksordførar:
Styre, råd, utval Møtedato Saknummer Sakshandsamar Partsamansett Utval 03.02.2016 003/16 ISO Saksansvarleg: Ingrid Sletta Olsen DELEGASJONSSAK Arkiv: K1-, K2- Arkivnr.: 16/199 FPAUT-001/16: RETNINGSLINER FOR LOKAL LØNSFASTSETTING VEDTAK: Rådmannen har med verknad frå 20.01.2016 vedteke retningsliner for lokal lønsfastsetting. FPAUT-002/16: 8% AUKE AV FAGSJUKEPLEIARSTILLING I HEIMESJUKEPLEIA VEDTAK:. er fast tilsett i 90% stilling i Hjartdal kommune frå 01.02.2016. RÅDMANNEN TILRÅR: Delegasjonssakene blir teke til orientering slik dei ligg føre.