Helse og rehabilitering Miljøretta helsevern verksemd for Tekniske tenester v/ Grete Nesheim Rosendalsvegen 10 5470 Rosendal Rosendalsvegen 10 5470 ROSENDAL Tel: 53483100 Fax: 53483130 Org. nr: 964 967 636 Bankgiro: 3460.07.00083 post@kvinnherad.kommune.no www. kvinnherad.kommune.no facebook.com/kvinnherad Saksbehandlar Knut Evjen Tlf. direkte innval 53483236 Vår ref. 2012/1046-12 Dykkar ref. Dato 21.01.2013 VEDTAK - MELLOMBELS STENGING AV KLASSEROM U1 VED HATLESTRAND SKULE I MEDHALD AV LOV OM FOLKEHELSEARBEID Viser til vårt varsel om vedtak om mellombels stenging av klasserom U1 ved Hatlestrand skule datert 07.01.13 og til tilbakemelding frå Tekniske tenester på vårt varsel om vedtak om mellombels stenging av klasserom datert 16.01.13. I har kommuneoverlegen fått delegert myndigheit til å føre tilsyn med verksemder som blir omfatta av Forskrift om miljørettet helsevern i barnehager og skoler m.v. Formålet med forskrifta er å bidra til at miljøet i barnehagar og skular fremjar helse, trivsel og gode sosiale og miljømessige forhold, samt førebygge sjukdom og skade. Saksopplysningar Kommuneoverlegen ved miljøretta helsevern fører systematisk tilsyn med skular. Det vart gjennomført tilsyn ved Hatlestrand skule den 24.04.12. Tilstades ved synfaringa var verksemdsleiar Edvard Jarle Tveit, driftsleiar bygg Terje Hellingsrud frå Tekniske tenester og ingeniør Knut Evjen frå Miljøretta helsevern. Vi viser til vårt varsel om vedtak om retting av forhold på Hatlestrand skule datert 21.05.12. Det er mottatt tilbakemelding på varsel om vedtak. Viser til e-post av 04.06.12 frå verksemdsleiar Edvard Jarle Tveit Hatlestrand skule. Vårt vedtak om retting datert 19.06.12: Hatlestrand skule vart pålagt: 1. Å utføra tiltak slik at skulen kan gjennomføre eit hygienisk tilfredsstillande reinhald. 2. Å utføra tiltak for å førebyggje ulukke i teknisk rom. 3. Å utføra tiltak slik at skulen får eit tilfredsstillande inneklima. 4. Å kunne dokumentere at gjeldande støykrav er overhalde. Tiltak må gjennomførast snarast og innan 14.09.12.
Side 2 Vi viser til saksutgreiing til formannskapsmøte 11.10.12 (saksnummer 2012/2506-1) vedkommande skulebygningar - status for drift og vedlikehald frå verksemdsleiar Tekniske tenester Grete Nesheim. Det vert gjennomført tilsyn på skular frå miljøretta helsevern og brannvernet regelmessig. I løpet av fyrste halvår 2012 vart det utført tilsyn frå miljøretta helsevern på alle skulane. Det er gitt mange avvik og pålegg, ein del er allereie retta eller under arbeid. På grunn av manglande økonomi til vedlikehald over tid er det komme opp fleire større pålegg som det ikkje er midlar til over ordinert driftsbudsjett. Utover dette så pågår det også eit arbeid med måling av radon, her er mindre tiltak sett i verk for å få ned radonnivå med enkle midlar, etter ny måling kan det verta behov for store inngrep i enkelt bygningar for å få redusert radonnivået til eit akseptabelt nivå. Ein vil også starte opp med inneklimamålingar i skulebygningane. Resultat og evt. forslag til tiltak både for radon og inneklima må ein komme tilbake til etter målingsresultat ligg føre. Ein har utarbeid ei oversikt med prioritering for gjenståande avvik og pålegg frå miljøretta helsevern og branntilsyn på skulane. Det er også tatt med nokre tiltak som vi veit vil komme, men som enno ikkje er gitt pålegg/mangel om. Fyrste prioritert er tak lekkasjar, på grunn av dette er viktig for heile bygget, at det skal bestå og ein ikkje øydelegg meir innvendig. I vidare rekkefølgje er hovudprioriteringane: toalett, kjøkken, fasade og bygningsmessig brannavvik. Oversikta tek ikkje omsyn til evt. nedlegginga av skular. Vedtak frå Formannskapet den 11.10.2012 - Skulebygningar - status for drift og vedlikehald: Formannskapet tek statusrapporten til orientering og vil vurdera å prioritera dei ulike tiltaka etter framlegginga av Skulebruksplanen. Kommuneoverlegen ved miljøretta helsevern viser også til sak om endring i skulestrukturen i Kvinnherad frå 2013. Rådmannen har i medhald av vedtak i styre 14.06.12, greidd ut og tilrådd endringar i skulestrukturen i. Med utgangspunkt i kommunestyret sitt vedtak av 14.06.12 om innsparingar ved endringar i skulestrukturen, tilrår rådmannen slike endringar i skulestrukturen i Kvinnherad frå 01.08.13: Ølve skule, Trå skule 5.-7.årssteg og Hatlestrand skule vert samla i Hatlestrand skule frå 01.08.13. Bakgrunn Verksemdsleiar opplyste under synfaringa at skulen har taklekkasje. Taklekkasjene har pågått over lengre tid. Det er gjennomført målingar den 18.09.12 ved hjelp av Mycoteam sin metode og utstyr av muggsopp i gang ved kontor, sløyd, forming, musikk/naturfag, Geitaknottane, Blånuten, personalrom og arbeidsrom. Ein referanseprøve vart teken utandørs. Viser til rapport frå Sunnhordland HMS. Konklusjon og videre tiltak I gang ved kontor viser luftanalyseresultatene noe forhøyede verdier av penselmuggsopper (Penicllium sp.) og innslag av fuktstrålemugg (Aspergillus versicolor) i forhold til uteluften. De påviste muggsoppsporene kan være en indikasjon på (skjulte) skader i forbindelse med lukkede konstruksjoner. Tapeprøven tatt på hylle med vannskade viste ingen tegn til soppvekst. Vi tar forbehold om prøven er representativ for skaden. På de øvrige prøvestedene gir luftanalyseresultatene ingen indikasjon på unormal spredning av spiredyktige muggsoppsporer
Side 3 på prøvestedet. Vi er imidlertid opplyst om vannlekkasjer og kan ikke utelukke vekst i konstruksjonene selv om dette ikke kommer til syne i luftanalysene. Avdekkinger i konstruksjonen kan være nødvendig for å avklare skadebildet nærmere. Det kan forkomme spesielle typer sopp i lekkasjeområdet som vanskelig lar seg påvise ved den benyttede prøvetakingsmetoden, samt at forholdene på stedet kan være slik at soppsporer vanskelig slipper ut i romluften. Vi anbefaler derfor at man vurderer en videre undersøkelse av forholdene, spesielt i de fuktutsatte områdene. Observasjonar på synfaring Observasjonar som vart gjort på synfaringa stadfester verksemdsleiar sin omtale om at det er taklekkasjar på skulen. I klasserom U1 dryppa det vatn ned i ein boks som var plassert der, og vi såg heilt tydeleg at veggen hadde fuktskade. Vidare hadde takplater i sløydsalen synleg oppvekst av muggsopp. Vurdering Med omsyn til samanheng mellom fukt og effekt på helse viser vi til Faktaark frå Folkehelseinstituttet 2008: Sammenheng mellom inneluft og helse. http://www.fhi.no/eway/default.aspx?pid=233&trg=mainleft_5670&mainarea_5661=5670:0:15, 2600:1:0:0:::0:0&MainLeft_5670=5544:45986::1:5675:6:::0:0 Viser også til rettleiaren til Forskrift om miljørettet helsevern i barnehager og skoler m.v. 13 Rengjøring og vedlikehold: Ytre vedlikehold av bygningers tak, vegger, vinduer og sokkel: Skader må utbedres raskt da utvendige skader kan føre til at fukt trenger inn i bygningen som igjen kan gi fare for forringelse av inneklimaet ved at mikroorganismer gis gode vekstvilkår. På bakgrunn av våre observarsjonar og foreliggande opplysningar vert det vurdert slik at vasslekkasjane i undervisningsromma er av ein slik karakter at elevar kan utsettast for negative helseeffekter av å opphalda seg der. Etter ei heilskapsvurdering av elevane si helse vurderer kommuneoverlegen ved miljøretta helsevern det slik at klasserom U1 må bli stengt. Dette vert gjort som eit føre-var tiltak for å hindre at elevar, tilsette og andre brukarar vert utsette for unødig risiko for eksponering som kan gje utvikling av alvorlege helseplagar. Når det gjeld bruken av sløydsalen så varierer dette veldig frå klasse til klasse. Klassane på barnesteget brukar sløydsalen lite per veke. Klassar på ungdomssteget kan i periodar bruka i sløydsalen i opptil 120 minutt per veke. Dette er maks bruk. Gjennomsnittet for alle
Side 4 ungdomskuleklassane ligg nok ikkje over 60 minutt per veke. (Viser til e-post av 19.12.12 frå verksemdsleiar Edvard Jarle Tveit vedkommande tilbakemelding på kor lenge elevane oppheld seg i sløydsalen (gjennomsnittleg) i løpet av ei veke bruk av sløydsalen). På bakrunn av bruken av sløydsalen vurderer kommuneoverlegen ikkje å stenge sløydsalen. Det må utførast ei grundig undersøking der omfanget av taklekkasjane vert kartlagde. Alt fuktskada materiale må fjernast og erstattast med nytt, alle lekkasjar må avdekkast og tettast. I tilbakemeldinga frå Tekniske tenester går det fram at ein har gjennomført luftmålingar då med fokus på soppvekst i konstruksjonane. Desse målingane viser at det ikkje kan påvisas unormale verdiar av soppsporar. Ein legg ved rapport frå Mycoteam. Vidare vert det opplyst at ein skal sjølvsakt tette taklekkasjane som er registrert i takkonstruksjonen på Hatlestrand skule. Dette starter straks været tilet dette. For å få eit fullgodt resultat må det vera noko varmare i lufta. Ein ser difor for seg at arbeidet med å tetta lekkasjane tidligast kan starte i april 2013. Deretter vil alle fuktskada bygningsdelar bli bytta ut. Ut ifrå dette søker Tekniske tenester utsetting av frist for retting av avvik til 30.04.13. På bakgrunn av ovannemnde kan ikkje kommuneoverlegen sjå at det er komme nye opplysningar som gir grunnlag for å endre varsla vedtak om stenging av klasserom ved Hatlestrand skule. Vedtak: Med delegert myndigheit og med heimel i Forskrift om miljørettet helsevern i barnehager og skoler m.v. 26 og Lov om Folkehelsearbeid av 01. januar 2012 16 blir klasserom U1 stengt på Hatlestrand skule frå 21.01.13. Rommet vil vera stengt inntil det kan dokumenterast at alle lekkasjar er avdekka og tetta, alt fuktskada materiale er fjerna og erstatta med nytt, samt at tilfredsstillande tiltak for å hindre nye lekkasjar er utført. Vedtaket kan påklagast. Klagerett Klage over enkeltvedtak i medhald av Lov om behandlingsmåten i forvaltningssaker (forvaltningsloven), vert handsama i samsvar med 28 direkte i det kommunale klageutvalet. Dersom det kommunale klageutvalet stadfestar det administrative vedtaket, eller avviser klagen, går klagen til Fylkesmannen som klageinstans. Fristen til å klage er satt til 3 veker frå dette brevs mottaksdato. Verksemda har rett til å krevja utsatt iverksetting av vedtak, jamfør forvaltningsloven 42. Med helsing Oddvar Larsen kommuneoverlege Knut Evjen ingeniør Kopi til: Edvard Jarle Tveit Asbjørn Skår
Side 5