Side 1 SAMLA SAKSFRAMSTILLING Arkivsak: 07/917-7419/08 Saksbeh.: Arkivkode: Saksnr.: Utval Møtedato 66/08 Formannskap/ plan og økonomi 08.05.2008 38/08 Kommunestyret 22.05.2008 Jørgen Steensæth PLAN soneinndeling SAMLA SAK - HESTAVANGEN GARASJEANLEGG - REGULERINGSE... VOSSEVANGEN INNSTILLING TIL KOMMUNESTYRET Innstilling: Administrasjonen si innstilling: 1 Voss kommunestyre godkjenner forslag til reguleringsendring for Parkeringsanlegg under Hestavangen dat 01.04.2008 i samsvar med 27-2, jfr 28-1 i plan- og bygningslova. 2 Eventuelle erstatningskrav som fylgje av flytting av Ungdomshallen eller nærføring av Anekset på Uttrågata 20, tilhøvet til Geitlebygg AS m.v. er Voss kommune uvedkomande. Kommunestyret føreset at kostnader med gjennomføring av reguleringsendringa vert dekka av tiltakshavar. 3 Eigar av eit framtidig parkeringsanlegg må som eige rettssubjekt, ta ansvar for løysingane i forhold til Statens vegvesen og Voss kommune som vegmyndigheit. Formannskap/ plan og økonomi den 08.05.2008 sak 66/08 Behandling i møte: Administrasjonen si innstilling vart samrøystes tilrådd. Tilråding: 1 Voss kommunestyre godkjenner forslag til reguleringsendring for Parkeringsanlegg under Hestavangen dat 01.04.2008 i samsvar med 27-2, jfr 28-1 i plan- og bygningslova. 2 Eventuelle erstatningskrav som fylgje av flytting av Ungdomshallen eller nærføring av Anekset på Uttrågata 20, tilhøvet til Geitlebygg AS m.v. er Voss kommune uvedkomande. Kommunestyret føreset at kostnader med gjennomføring av reguleringsendringa vert dekka av tiltakshavar. 3 Eigar av eit framtidig parkeringsanlegg må som eige rettssubjekt, ta ansvar for løysingane i forhold til Statens vegvesen og Voss kommune som vegmyndigheit. Saksordførar til kommunestyret: Sigbjørn Hauge Kommunestyret den 22.05.2008 sak 38/08 Behandling i møte: Repr. Sigbjørn Hauge la fram saka på vegne av utval for formannskap/plan og økonomi.
Side 2 Administrasjonen orienterte om brev frå I. Geitle datert 14.05.08. Repr. B. Kaldestad kom med slikt framlegg: 1. Voss kommunestyre godkjenner ikkje framlegg til reguleringsendring for parkeringsanlegg under Hestavangen datert 01.04.2008. 2. Framtidig parkeringsanlegg skal byggast i fjell i samband med planlagd tunnel bak Vangen. Tilrådinga frå utval for formannskap/plan og økonomi vart vedteken med 41 mot 2 røyster for framlegget frå repr. B. Kaldestad. Vedtak: 1 Voss kommunestyre godkjenner forslag til reguleringsendring for Parkeringsanlegg under Hestavangen dat 01.04.2008 i samsvar med 27-2, jfr 28-1 i plan- og bygningslova. 2 Eventuelle erstatningskrav som fylgje av flytting av Ungdomshallen eller nærføring av Anekset på Uttrågata 20, tilhøvet til Geitlebygg AS m.v. er Voss kommune uvedkomande. Kommunestyret føreset at kostnader med gjennomføring av reguleringsendringa vert dekka av tiltakshavar. 3 Eigar av eit framtidig parkeringsanlegg må som eige rettssubjekt, ta ansvar for løysingane i forhold til Statens vegvesen og Voss kommune som vegmyndigheit. Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * ligg ved. *Samla saksframstilling for FPL-sak 91/07 den 28.06.2007 Vedtak i FPL, sak 140/07, den 15.11.2007. *Brev dat 04.07.2007 om utlegging til offentleg ettersyn *Brev dat. 02.07.2007 frå Hordaland Fylkeskommune, Kultur- og idrettsavdelinga *Brev dat. 06.07.2007 frå advokat Sjur Vinje på vegne av Geitlebygg AS *Brev dat. 13.07.2007 frå advokat Sjur Vinje på vegna av Voss avhaldskafe LL *Brev dat. 16.07.2007 frå Statens vegvesen *Brev dat 01.08.2007 frå Fylkesmannen i Hordaland, Landbruksavdelinga *Brev dat. 02.08.2007 frå advokat Sjur Vinje på vegne av Voss taxisentral *Brev dat. 08.08.2007 frå Hordaland Fylkeskommune, Strategi- og næringsavdelinga *Brev dat. 13.08.2007 frå O. L. Tvilde AS *Brev dat 17.08.2007 frå Fylkesmannen i Hordaland, Miljøvernavdelinga *Brev dat. 24.08.2007 frå Tekniske tenester til O. L.Tvilde AS *Brev dat. 19.09.2007 frå O. L. Tvilde AS *Brev dat. 29.10.2007 frå O. L. Tvilde AS Dokument registrert etter at saka vart handsama i FPL den 15..11.07: *Internt notat dat. 13.11.2007 *Brev 12.11.2007 frå O.L Tvilde *Brev av 14.11.2007 frå O.L. Tvilde *Brev av 05.12.2007 frå adv Vinje *Brev dat 20.12.2007 til Advokat Vinje *Brev dat. 07.01.2008 frå Statens vegvesen, Region vest *Brev dat. 05.03.2008 frå Statens vegvesen, Region vest
Side 3 *Brev dat.27.02.2008 frå styret i Nye Vossevangen AS *Brev dat.19.02.2008 frå O. L. Tvilde til naboar, partar of off instansar *Brev dat. 05.02.2008 frå O. L. Tvilde *Brev dat. 14.02.2008 frå Hordaland Fylkeskommune *Brev dat. 17.03.2008 frå Statens vegvesen, Region vest *Brev dat 03.04.2008 frå Fylkesmannen i Hordaland, Miljøvernavdelinga *Brev dat. 12.03.2008 frå adv. Sjur Vinje på vegne av Geitlebygg AS *Brev dat. 10.03.2008 frå Miltzowsgate BL *Brev dat. 22.02.2008 frå adv Sjur Vinje på vegne av Geitlebygg AS og Voss avhaldskafe *Oversending frå O. L. Tvilde dagsett 21.04.08 der innkomne merknader er kommentert. 3. SAMANDRAG AV SAKA: Framlegging av forslag til privat endring av reguleringsplan for Vossevangen for godkjenning i Voss kommunestyre. Planen er fremja av Nye Vossevangen AS for å tilretteleggja for direkte tilkomst frå Uttrågata til parkeringsanlegg under Hestavangen og flytting av Ungdomshallen. Området mellom Geitlebygg og Ungdomshallen må få endra utforming som fylgje av planendringa. Det vert ei berre ei avkøyring til kvartalet frå Uttrågata og arealet mellom Ungdomshallen og Anekset vert bilfritt. Saka var opp i formannskap/ plan og økonomi den 15.11.2007, sak 140/07 der det vart vedteke å utsette saka. Det vart i møtet lagt fran brev frå tiltakshavar dagsett 14.11.07 der tiltakshavar ber om at saka vert utsett i påvente av grundigare vurderingar og gjennomgang av merknader og konsekvensar. Det vart på møtet og lagt fram notat frå O. Bjørke dagsett 13.11.07. Etter nemnde FPL-møte er planen endra, i hovudsak ved at utkøyrsle til Uttrågata frå området bak Geitlebygget er flytta nordover i tråd med ønskje frå Geitlebygg AS. Planen er så lagt ut på avgrensa høyring der partar og offentlege instansar er tilskrive med frist til uttale 18.03.08. Det kom 6 merknader etter at planen vart lagt ut på avgrensa høyring. 4. FAKTA OM SAKA: Etter vanleg praksis for utarbeiding av reguleringsplanar har tiltakshavar/fagansvarleg planleggjar fått høve til å gjennomgå og koma med sine merknader. Gjeldande reguleringsplan for Vossevangen gjev høve til bygging av eit parkeringsanlegg under Hestavangen. Nye Vossevangen står bak ynskje om å fremja ei reguleringsendring som kan gjera det mogeleg å byggja nedkøyringsrampe direkte frå Uttrågata(E16), og å flytta Ungdomshallen. For å få dokumentert at det kan vera mogeleg å byggja nedkøyring direkte frå riksvegen og synleggjera korleis arealet må disponerast, sette administrasjonen krav om at vegløysinga måtte konstruerast og målsetjast. Dette var også Vegvesenet sitt krav for å kunna ta endeleg standpunkt til løysinga. Etter avtale med Nye Vossevange AS har tekniske tenester stått for konstruksjon av reguleringsendringa. Men planendringa vert fremja som ein privat reguleringsplan. Voss kommune har tidlegare gjeve tilsagn om fri grunn til parkeringsanlegget. Spørsmål som er teke opp for Voss taxilag er derfor uavhengig av denne saka om reguleringsendring.
Side 4 5. ADMINISTRASJONEN SI VURDERING: Administrasjonen vil presisera at dette er ein privat reguleringsplan som er fremja av Nye Vossevangen AS med det føremål at det skal leggja til rette for bygging av rampe for direkte nedkøyring til eit parkeringsanlegg under Hestavangen. I tillegg ynskjer Nye Vossevangen å flytta Ungdomshallen for å kunna byggja eit større parkeringsanlegg. Administrasjonen sine merknader til innkomne høyringsuttalar: 5.1 Merknader innkomne ved første gong utlegging til offentleg ettersyn: Følgjande merknader er knytt til plan som vart lagt ut til offentleg ettersyn og som seinare er trekt tilbake. Kommentarar frå administrasjonen er likeså knytt til situasjonen før planen vart justert. Når det gjeld merknader som er knytt til endring av planen etter den vart trekt og seinare justert, sjå merknader under pkt 5.2. Hordaland Fylkeskommune, Kultur og idrettsavdelinga. I uttale til planen dat 02.07.2007 har Fylkeskommunen gjenerelle opplysningar om kulturminnevern og arealplanlegging. I dei spesielle merknadene til planforslaget peikar Fylkeskommunen på at det er store kulturminneverdiar knytt til Hestavangen, og at deler av dette området er regulert til spesialområde vern. Fylkeskommunen har ikkje uttalt seg om flytting av Ungdomshallen, som er ein del av planforslaget, men tilrår at Enkjeheimen som ligg utanfor planavgrensinga vert regulert til vern. Dei understrekar at det er viktig å sjå omsynet til kulturminneinteressene på Vangen i samanheng. Geitlebygg AS I brev dat. 06.07.2007 protesterer advokat Sjur Vinje mot forslaget på vegne av Geitlebygg AS. Det er peika på at det kan vera konflikt mellom tilkomstrampe og ein kjellar på Geitlebygg AS sin eigedom. Dette må etter administrasjonen sitt syn avklarast mellom Nye Vossevangen AS som interessert utbyggjar og Geitlebygg som eigar, og er kommunen uvedkomande. Etter løysingane i forslaget til reguleringsendring får Geitlebygg eit større utbyggingsareal enn i gjeldande reguleringsplan for Vossevangen, og heile arealet vert samla. Voss avhaldskafe LL I brev dat 13.07.2007 uttalar advokat Sjur Vinje på at Voss avhaldskafe AS er ueinig i forslaget slik det føreligg. Det gjeld at parkeringsplassar vert borte, nærføringsproblematikk og avkøyrsel til området. Administrasjonen si vurdering av dette er, at dersom det skal kunna byggjast nedkøyringsrampe til parkeringsanlegg under Hestavangen direkte frå Uttrågata og Ungdomshallen skal flyttast, må avkøyrsel til kvartalet endrast slik føreslått. Flytting/vridning av Ungdomshallen med 4-6 meter mot aust fører til at det ikkje vert særleg plass att til parkering mellom Ungdomshallen og Uttrågata 20 (Anekset). Området må gjerast bilfritt. Ikkje minst fordi dette er inngangssida til Ungdomshallen. Som forsamlingshus bør Hallen ha ein bilfri uteplass der folk kan samlast. Administrasjonen tilrår at byggegrensa vert justert slik at framtidig utbyggingsarel på Uttrågata 20 vert like stort som i gjeldande plan.
Side 5 Nærføringa til noverande bygning (Anekset) må aksepterast dersom nedkøyringsrampen skal gjennomførast. Kommunen må rekna med at dette vert avtala direkte mellom Nye Vossevangen AS og Voss avhaldskafe AS. Statens vegvesen I brev dat 16.07.2007 oppsummerer Statens vegvesen saka, og tek opp att sin skepsis til ein nedkøyringsrampe direkte frå Uttrågata (E16). Administrasjonen har tilsvarande faglege motforestillingar som Vegvesenet, på den løysinga som er lagt fram. Dette går også klart fram av saksframstillinga til førstegongsbehandling av planendringa. Administrasjonen går likevel inn for den løysinga som no er framlagt slik at reguleringsplanen ikkje er hindring for gjennomføring av parkeringsanlegget kan gjennomførast slik Nye Vossevangen ynskjer. Vegvesenet føreset ei justering av startpunkt for nedkøyringsrampa. Dette må etterkomast i utforming av byggeplanen. Løysingar for overvatn, drift og vedlikehald er ei sak mellom Vegvesenet og utbyggjar/eigar av anlegget. Fylkesmannen i Hordaland, Miljøvernavdelinga Administrasjonen er samd med Fylkesmannen sine synspunkt i brev dat 17.08.2007 om at trafikktryggleik og omsynet til mjuke trafikkantar vert vurdert nøye. Dette vert eit viktig tema i vidare planarbeid med utforming av arealet på gateplan for søndre del av Hestavangen med gang- og sykkeltrafikk, biltrafikk og parkering på bakkeplan. Tilkomst til parkeringsanlegg under Hestavangen må innpassast i denne planen. Administrasjonen føreset at planforslag skal utarbeidast av tekniske tenester og framleggjast for FPL for godkjenning. Nordre del av Hestavangen, mellom Uttrågata og Vangsgata skal vera bilfri og utformast etter ein eigen plan som kommunen har ansvar for, og som skal framleggjast for FPL for godkjenning. Fylkesmannen i Hordaland, landbruksavdelinga har ikkje merknader. 5.2 Merknader innkomne etter justering av planen etter 1. gongs utlegging til offentleg ettersyn: Etter at planen vart lagt ut til offentleg ettersyn og planen vart trekt frå 2. gongs behandling er det gjennomført ein del justeringar i planen som følgje av merknader til planen. Justeringane er gjort etter samtale og samarbeid med kommunen og Statens vegvesen. Justering av planen er i hovudsak at inn/utkøyring til Uttrågata er flytta i tråd med ønskje frå Geitlebygg. Det er kome inn 6 merknader etter at planen vart lagt ut på avgrensa høyring. I tillegg er det i perioden saka vart trekt ved behandling i FPL den 15. november 2007 kome til 7 dokument i saka. dei 7 første i oppstilling under. Internt notat dat. 13.11.2007 Administrasjonen orienterar om saksgang og der admin understrekar at planen er privat fremma plan. Det vert og gjeve ei skildring av konsekvensar planen får for kvartalet med omsyn til arealbruk. Notatet er kommentar til O.L. Tvilde sitt skriv 12.11.07 jf under. Brev 12.11.2007 frå O.L Tvilde
Side 6 Opplyser at planen vert trekt ved behandling i FPL den 15.11.07. Det vert sett fram ein del påstandar som vert kommentert i internt notat, jf over. Brev av 14.11.2007 frå O.L. Tvilde Ber om møte med kommunen for å avklare rollefordelinga i den vidare saksgang. Brev av 05.12.2007 frå adv Vinje på vegne av Geitlebygg AS og Voss Avhaldskafe LL. Tar føre seg situasjonen slik den vart presentert før saka vart trekt. For Geitlebygg AS er situasjonen etter at planen vart omarbeidd at vegareal og byggjelinjer er som i gjeldande plan. Melder på vegne av avhaldskafeen at endringar i planen vil få store økonomiske konsekvensar. Tilhøve til dette har kommunen teke med i framlegg i vedtak til saka. Brev dat 20.12.2007 til Advokat Vinje Admin viser til brev frå adv Vinje av 05.12.07 der det er vist til problem som ville oppstå for Geitlebygg og Avhaldskafeen dersom planen ville bli gjennomført slik den var presentert før planen vart trekt tilbake for endring. Administrasjonen orienterer om saksgang i prosessen fram til no og understrekar at planen er privat. Vidare vert det orienterty om vegvesenet si stilling til løysingar. Brev dat.27.02.2008 frå styret i Nye Vossevangen AS Orienterar om status for prosjektet. Understrekar godt samarbeid med kommunen og vegvesenet. Dei tar sikte på oppstart av garasjeanlegget hausten 2008 med ferdigstilling i 2010. Dei håper på samarbeid med kommunen med opparbeiding av plassen over garasjen. Brev dat.19.02.2008 frå O. L. Tvilde til naboar, partar of off instansar Melder om oppstart av planarbeidet med justering av tidlegare plan som vart trekt. Brev dat. 05.02.2008 frå O. L. Tvilde Ber om at representantar frå kommunen vert med på orienteringsmøte med Nye Vossevangen AS. Tiltakshavar ønskjer først og framst å orientere om opparbeiding av uteareal over garasjen. Oversending frå O. L. Tvilde dagsett 21.04.08 der innkomne merknader er kommentert. Orientering om prosjektet. Tiltakshavar har kommentert innkomne merknader i saka. Hordaland Fylkeskommune, Kultur og idrettsavdelinga. I uttale til planen dat 14.08.2008 har Fylkeskommunen i hovudsak gjeve merknader i tråd med merknader til tidlegare uttale av 02.07.07. Garasjeanlegget er ein del den overordna plan. Fylkeskommunen viser til bygningar utanom planområde som har spesilll verneverdi. At ungdomshalla vert flytta meiner ein ikkje har betydning så lenge sjølve bygget vert behalde i same form og stil som no. Fylkesmannen i Hordaland, Miljøvernavdelinga Fylkesmannen viser til overordna retningslinjer og gjev ei generell orientering om kva krav ein sett til landskap/estetikk, barn og unge, universell utforming, støy og risiko og såbarhetsanalyse. I forhold til endringar i planen som gjeld flytting av utkøyrsle til bakrommet ved Ungdomshallen, kan ein ikkje sjå at merknadene er retta spesielt mot dette.
Side 7 Tiltakshaver skriv i sin kommentar at ein i det vidare arbeid med planen vil leggje føringar i høve til barn og unge, universell utforming, støy, landskap og estetikk samt ROS-analyse som vil bli implementert i planen. Statens vegvesen Brev dat. 07.01.2008 frå Statens vegvesen, Region vest Brev dat. 05.03.2008 frå Statens vegvesen, Region vest Brev dat. 17.03.2008 frå Statens vegvesen, Region vest Vegvesenet vil kome tilbake til spørsmål om detaljer kring utforming av gateløpet og nedkøyringsrampe ved gjennomføring av prosjektet. Dei viser til at det er viktig å ivareta trafikktryggleiken i prosjektet. Tiltakshavar skriv i sitt notat at det under prosessen har vore nært samarbeid med vegvesenet og kommunen om detaljer i prosjektet. Geitlebygg AS I brev dat. 12.03.2008 skriv advokat Sjur Vinje på vegne av Geitlebygg AS at dei føreset at byggjelinje ikkje vert flytta og at tal på parkeringsplassar vert oppretthalde. Fellesareal til Geitlebygg vert oppretthalde i samsvar med gjeldande plan for Vangen. Endring for Geitlebygg vert i hovudsak at varebilar må kunne snu på fellesarealet i og med at vestre utkøyrsle vert stengd. Når det gjeld byggjelinjer så vert desse som i gjeldande plan. Miltzowsgate B/L Dei ønskjer at in/ut-køyringsrampe til parkeringsanlegget vert trekt så langt aust som mogeleg, då dei ser føre seg at det kan oppstå trafikkale problem dersom denne kjem for nært opp til krysset i Miltzowsgate/Hestabakkvegen. Vidare ønskjer dei at det skal vere mogeleg med inn- og utkøyring via rampe i Uttrågata. Tiltakshavar oplysar at detaljer omkring inn- og utkøyring som vil skje ved Mitzowsgata vil bli trekt så langt sør-aust som mogeleg. Dette vil bli avklart mellom kommunen og tiltakshavar ved detaljutforming av anlegget. Voss Avhaldskafe og Geitlebygg AS. I brev dagsett 22.02.08 skriv advokat Sjur Vinje på vegne av Voss avhaldskafe og Geitlebygg AS. Han ber om at det blir vurdert om vestre avkjørsle til bakgården ved Ungdomshallen kan vere open for trafikk. Dette spørsmålet har vore drøfta med Statens vegvesen og konklusjon av drøftingane er at vegvesenet ikkje kan akseptere at denne vert halde open. Det er derfor lagt til rette for at ein lett skal kunne snu på området bak Ungdomshallen/Geitlebygg slik at en utkøyrsle er tilstrekkeleg. Tiltakhaver skriv i internt notat at ein vil prøve å plassere nedkjørsle til parkeringsanlegget slik at det i framtida skal vere mogeleg å opne denne utkjørsla dersom vegvesenet på eit seinare tidspunkt kan akseptere dette. Fagansvarleg planleggjar si gjennomgang av innkomne merknader. O. L. Tvilde AS har i brev dat 19.09.2007 gjeve eit historisk oversyn over noko av saka.
Side 8 Administrasjonen vil peika på at Voss kommune ikkje har delteke i noko formell prosjekteringsgruppe, men har medverka i møter for å klargjera saka. Både representantar for administrasjonen og ordførar har delteke på desse møta. Det har heile tida vore framhelde at forslaget til endring av reguleringsplanen for Vossevangen er eit privat reguleringsforslag som Nye Vossevangen AS står bak. O. L. Tvilde AS har sitert noko av det som framkjem i merknadene, men har ikkje teke standpunkt. Ungdomshallen er regulert til vern i reguleringsplan for Vossevangen. Det er ikkje meininga at dette skal endrast. Avklaring med Fylkeskommunen må gjerast i byggesaka. Konklusjon: Det føreligg ikkje motsegn til planforslaget og adminsitrasjonen tilrår at plansaka vert fremja for kommunestyret for godkjenning